FOLITIQOYO

U Huyodo d’Urifi bu knuşyo dsımle naqla hreto maqrahle i klaytayde du snodo udi awyutho camu athro du Yawnan u cami gozarto d’Qufrus, bi sbutho di mwatyutho dkito cam Turkiya.  Me gabo hreno u rişqutno d’Fransa Emmanuel Macron ba esore dhawile camu rişono d’Amerika Donald Trump, drışle i mwatyuthathe dkito…

U maşıqlo folhoyo u folitiqoyo bu macırbo d’Suriya, kul dkothe khorıw u kqoşe. Cala şuşote haroye dhawın bu qlimo d’İdlıbste, maklela ucdo Rusya a dawriyat dıksaymo cama hayle Turkoye b’İdlıb.  Hıdo ma sebwotho rişoye du tekliyo da dawriyat d’Rusya cama Turkoye b’Suriya, u qedomo d’Ankara la İmarat Caraboye Mhayde, bıthır…

Ayaqrotho da dıbhe da furqoce qaşye dhawın bi arişkoyto d’Lebnon Beyrut, tlıblın mu Mawtbo di Mşaynutho d’Emwotho Mhaydotho dmabde buhono calu qtolcamano dsim bu athro.  A yaqrotho da dıbhe, tlıbe dmibayın sictho ma istixbarat d’Amerika FBİ dmaydo ramhıl duktho ba buhone dıgmisomi cala furqocani dhawınwo 4 bu yarhano bı camber…

Bıthır ma furqoce dhawın b’Lebnon, u camo fayış dlo bote u hın mneye dlo muklo u dlo darmone. Mawxa a şutose du cameydan u Suryoyo-Othuroyo mşarelın dsaymi kampanyat di mcadronutho l’Lebnon.  Bi tahrazto dsımwo athmıl b’Suroyo tv, u cameydan mahwewole u snodeyde lu cameydan d’Lebnon, u be bzabno i sfaryawmo…

U rişono d’Amerika Donald Trump mawdacle da Mşihoye kmırdofi bu qlimo du madınho mescoyo, u mırle “u mede dkowe laşanaye bi fnitho gunhoyo u cayboyo”.  Bebzabno, Trump bi maqırhonutho dhule la gelyunore makadle di sbutho da Mşihoye du madınho falqo ma bazare Amerikoye kamiloyo dıkmisomi bu qlimo.  Athmıl bu knuşyo…

Bu zabno haroyo a mamle wa tahdide dımqabıl d’Armenya u da Armnoye kzoyıd bu tbcoco froso knuşyoyo du athro d’Turkiya kımo i sfaryamo d’Agos.  Bhın ma videoye dıkmıfrosi bu Youtube bıthır mıd ksaymi haqarat l’Armenya kımi inaqa dothe u zabnathe hınneste gıdqotlinalın. Ba frose dıkmisomi calu darbo du tbocofroso kmisım…

Yadıcthone emwothoye bu haqlo da zedqe noşoye, tlıblın dmisım buqore şarye u msarhıbe bi sbutho du furqoco dhawiwo i şabtho dşaficina bi mditho d’Bayrut.  Bebzabno, ayadıcthonani mahwelın ilothnihuthathe mi mardutho dlıkmimıd hşowo mnoşo b’Lebnon.  Menyono ma yadıcthone d’Ewmotho Mhaydotho bu haqlo da zedqe noşoye, bu buyono dıfrıslın athmıl lu tboco…

Tre ma senatore idice du Senato d’Amerika bi egartho dıkthulın lu waziro di baroyutho d’Amerika Mike Pompeo tlıblın dmitahıt tadbire yaqure cal Turkiya mqabıl du şğuşyo dıksaymo bu yamo mıscoyo.  İ egarthathe a senatore mşadrolın meqım mi itawto dhawyo adyoma bayn du waziro di baroyutho d’Ameri Mike Pompeo u lu…

Amerika mawdacla dı maklela cuqobo rabo di tagorutho da marıhbone dı Dacış u d’Alqaida.  Bi mawdconutho dhula i wazirutho di kinutho d’Amerika mırla maklelın gurub dkımzabanwo darmone bhile dıkmaklın u kewo di Corona la bethkrihe du athro laşan dımşadri zuze la marıhbone d’Dacış, u d’Al Qaida. Lfuth u tebo dıfrısla …

A athrawotho caraboye mahwelın hfuxyo mqabıl da hjome dıksaymo Turkiya calu garbyo du Iraq u mahwelın iklaytathe  dıkkurhi ahjomani dıksaymo Turkiya.  Me gabo hreno u athro d’Fransaste mahwele hfuxyo u krıhle ahjome dı Turkiya dkımdawmo calu garbyo du Iraq dkowın celtho lu mawto da mdinoye u tehriwo di fnitho. Bıthır…

İmdabronutho yothoyto du garbyo u du madınho d’Suriya, bu buyono dıfrısla athmıl mawdacla du qonuno dmıdwo bhaq da mulkone da morathe dlatne bu athro, makle ucdo hol zabno.  U qonunano dıkmoyıd a mulkone da noşe dılatne bu athro lu garanti  i mdabronutho kıbco dı durşole me qariwo bıthır mıd athiwo…

U rişqutno d’Fransa Emanuel Macron, mzaharle u İran dlımdaxıl ba sebwotho gawoye d’Lebnon, u d’sonıd u şekolo d’şultonutho hathto da krize.  Megabo hreno, Rusya mawdacla dıksındo dmiqafe şroyo folitiqoyo lu kriz d’Lebnon, u dlımisım mudaxala baroyto ba sebwothayde.  U rişqutno d’Fransa Emanuel Macron ba esore dhawile bu darbo du talafon…

Bıthır ma athrawotho d’Urifi dmahwelın u snodathe lu Yawnan u li Gozarto d’Qufrus mqabıl d’Turkiya, ucdoste İsroyel mahwela usnodayda lu Yawnan.  Bi maqırhonutho dsımla i wazirutho di baroyutho d’İsroyel mırla; Ahna ksındina u Yawnan mqabıl d’Turkiya.  İsbutho di mwatyutho dkito bayn Turkiya u lu Yawnan anathrawotho dkıtne bu qlimo u…

Fris lu tbocofroso tahwitho dıkmagılyo cal qyomo hatho dımde bayn di şultonutho dı Tarablos d’Alwifaq dkımrayşanla Fayez Alsarraj u Turkiya.  Lfuth u qyomano, i şultonutho d’Anqara gıdsaymo u duyoqo dcalu mal dıkmişadır lu lmino d’Tarablos b’Libya, ubebzabno gdımdabro i nuqazto du gımrık.  Bu darbo dıhdo şırke dkıtyo u morayda ha…

U malolo du gayso athronoyo d’Libya Ahmet El Mismari bi mawdconutho dhule mırle; Turkiya bi mcadronotho d’Qatar kımşadro marıhbone l’Libya.   U malolo du gayso mırleste; 300 jatawiye me Somaliya matın li mditho d’Misrata bu duyoqo da rabayhaylawotho d’Qatar.  Bi sbuthathe tebe mşahılfe fris d’Turkiya kımşadro jatawiye me Suriya u me…

U mraşho da ğuboye dli rişonutho d’Amerika John Bayden maqrahle u ışmo di tahlufto dgıduwyo en dminaqe rişono du athro.  Kamala Devi Harris dkıtyo i senatore d’Kalifornia, kuthyo me abohe dlatne bu şerşo ma Amerikoye hewore.  John Bayden dkıtyo u mraşho du gabo da Demoqratoye d’Amerika dılfuth a statıstike kmahwe…

İ wazırto di galwoyutho du Iraq İvan Faeq Jabro, mıstaqbela bı Boğdod i rişathzgadto d’Australya bu Iraq Juwan Lodens. Bi ytawtathe, Jabro dkıtyo mi cito Kaldoyto d’Bobıl, mawdacla di şıltonuthayda kfulho ucdo b’surhobo laşan dmisım u hethotho d’Şigur xıd mathlo standard la fenyotho dıshifi ba hjome dsımwole u tukoso marıhbono…

Bıthır mu furqoco dhawi bu lmino d’Lebnon a haylawotho du duyoqo da thume dkıtne bayn du Iraq u lu İran mahıtlın ido cam radoyotho rabe dkibin mlue dkibın yuqdi u mi farqıci bsurhubo. Atarte radayothani dkıtne qento hani 40 yawme kmitaklın calu thumo dkıtyo bayn lu İran u lu Iraq…

U mınyono da mithe kzoyıd bıthır ma furqoce dhawınwo, wa mtagılyone kımtalbi i istihfa du rişqutno du athro Mişel Cawın wa mşale di mşaynutho. A mtagılyone athmıl b’qatinto d’şetqo dıkalın mathkarlın a farsufe dımwayaclın ahayathe dımati u mınyonathe hul ucdo l’171 farsufe u ba olufat mjarhe u hın tmire tahte…

İ mwatyutho dımşarewola bayn Turkiya u Qufrus calu kroxo du nafto bu yamo mıscoyo hawyo mwatyutho bayn la athrawotho d’Urifi u d’Turkiya. Bıthır mıd Turkiya mafıtla i sfitho du kroxo du nafto dkıtla lu darğo dımşaryo bu kroxo, u Yawnan sımle qroyto la athrawotho d’Urifi dhulın mehdo funoyo Bi sbuthathe…

U mşalo catiqo bi wazirutho du sutoro d’Amerika du Pentagon Maykel Roben, tlıble me Amerika, me Urifi dmahti tedbire mqabıl dı Turkiya, cal dıksındo a’grube marıhbone b’Suriya. Camgabıdathe, Roben bi maqırhonutho dhule lu tboco froso mahwele ilothnihuthayde mu qedomo rafyo d’Urifi, du rişono Amerikoyo Donald Trump wu mathlonayde Jeyms Jeffry…

Amerika mşadarla konvoy folhoyo hatho lu qlimo di Gozarto d’Bethnahrin d’Suriya. U konvoyano dımşadır mu Iraq, kmişakalwo m’radoyotho u kamyone matcıne mcadrınwotho lojestik u mluwe hrene. U gayso Amerikoyo macbarle konvoy folhoyo hatho la narcotho du qlimo di Gozarto d’Bethnahrin d’Suriya bu darbo dıhdo nuqazto du thumo dcamu Iraq. Lfuth…

U mdabrono catiqo di banka qentrunoyto d’Turkiya dkıtyo u tahlufo di rişonutho du gabo d’İyi-Durmuş Yılmaz mdagele u rişqutno Erdoğan dkomır i banka dıbritho tlıbwola dayno me Turkiya.  Ba yawmotho dşaficina inaqla d’Erdoğan hule funoye la sturye du rişono du gabo DEWA-Ali Babacan mırle; Ba zabne dmeqım, i banka dıbritho…

B’Belerus yaste bu ışmo catiqo Rusya i Hewarto, kımdawmi a qetre dkıtla bıthır ma ğuboye di rişonutho dhawın bi şabtho d’şaficina.  Camgabe du camo dnafıq la şuqone leşan dmahwe u hfuxyayde mqabıl du rişono Aleksander Lukaşenko dımnaqe i saqıbloyto Svetlana Tikhanovska layto tebe acla haykoyo.  Bu athro d’Belerus hani zabno…

Bu zabno du rişono Donald Trump samwo knuşyo la gelyunore, a hayle di mşaynutho d’Amerika maklelın u knuşyo u mawfaqlın u rişono mi duktho.  Lfuth a tebe dfrisi, şmic qolo da zayne hedor u Qusro Heworo u mawxa a hayle di mşaynutho maklelın u knuşyo du rişono d’Donald Trump bu…

Nafıq li holo, da rişone folitiqoye d’Lebnon kıtwolın haj mu qento da mluwe dımfarqıci bu lmino d’Beyurt, u dhawın celtho lu qatlo d’163 farsufe u 6 alfo hrene dmijarhi.  Lfuth Rueters, mşale di mşaynutho dkıtne b’darğo celoyo b’Lebnon, mzaharwolın meqım u rişqutno wu rişwazire calu qento rabo dkito, da mluwe…

Menyono ma comure d’Mawsal, tlıblın mi şultonutho du Iraq dsaymo u hethotho da citotho dkıtne b’Mawsal, bnişo dmişajci a Mşihoye lu dcoro li mditho.  Bebzabno, hın man abne du camaydan dı daciri l’Mawsal, ba maqıblonwotho dsimi acmaye tlıblın mi şultonutho du Iraq dmadcıro u bnoyo da bote meqım ma citotho,…

U mawtbo Umthoyo d’Bethnahrin-MUB sımle u konferans şatonoyo da fulhone dkıtle cal darbo du nawlo dmıştawtafle a hadome di mdabronutho  du mawtbo umthoyo d’Bethnahrin. Bu buyono du huthomo dıfrısle MUB ksoyım qrayto li hdoyutho umthoyto dmitahwe ağuno qawyo laşan a zedqe du camo Suryoyo-Othuroyo-Kaldoyo-Oromoyo. Bu konferansano dıdriş ebe a fulhone …

İ qoyumto bi kongre Ameriki Jen Şakuski frısla buyono bu yawmo şatonoyo du qtolğenso d’Simele di şato da 1933. İ qoyumto bu buyoneyda kımo ono kıtli şubhoro dı mawdcono u qtolğenso dhawi calu camo Othuroyo-Suryoyo u ksaymono qrayto la şutose da zedqe noşoye dsaymi u sutoro da qalilotho mşihoye du…

U fatıryarxo di cito Kaldoyto d’Bobıl Mor Luwis Rofayel Qadmoyo Sako, mawdacle dkito menyono celoyo ma nabne du camaydan dkıtne ba athrawotho şbobe u bi golutho, kıbci ucdo dı dıcri mehatho lu athro du Iraq. Bi lqoyto dhawile camu rişwazire du Iraq Mustafa Alkazimi, Mor Luwis Sako mwasafle u qedomo…

İ mğaltho Amerikoyto d’Politiko, mawdacla da Mşihoye dı Turkiya krığşi ucdo bu dyoşo, ba rdufye u ba tehdide bu zabno dzayıd u froso di tuxmonoyutho mothonoyto Turkoyto bi netije di siyase Maşılmonoyto dkımmaşela Erdoğan. Bu taşroro dıfrısla i mğaltho d’Politiko, mawdacla du şuhlofo d’Aya Sofia l’masığdo, kımmathıl i dawse tuxmonoyto…

Bıthır mu furqoco dhawiwo bu lmino d’Beyrud d’Lebnon u ruğzo du camo lebnonoyo kul yawmo dkothe kzoyıd wu camo kmahwe u ruğzeydeste ba şuqone du athro. Me gabo hreno camgabe du mınyono da qoyume du parlemento dıgmıstahfın u mınyo da wazireste kzoytıd bıthır mıd i wazırto di kinuthoste maslamla i…

Koalisyon rabo d’tukose şarye du camaydan u Othuroyo b’Chicago d’Amerika, sımle qroyto li şultonutho qentrunoyto d’Boğdod u li şultonutho du qlimo d’Kurdistan, dmawdın bu qtolcamo dsim calu camaydan b’Simele.  Bebzabno u Dawqo Othuroyo da zedqe noşoye, bi hfitutho dsımle b’Lindköping du Swed, mathkarle a Sohde d’Simele.  Koalisyon d’35 d’tukose şarye…

Bıthır ma furqoce dhawın yawme dı tlotho, hüanaqla u camo d’Lebnon nahıt la şuqone leşan dı jobır i şultonuthoı wa rişone du athro, d’torın mi wolithathe dmawbelın u athro lu tehriwo.  Me athmıl ba şoce dbıthır me falge d’yawmo, ba casro alfayo dcamo nahıt la şuqone u mazcaqle da rişono…

U metrofolito di marcitho d’Belçika, Fransa u Luksemburg Gewargis Gawriye camu mawtbo celoyo, frıslın egartho dıktulbi mcadronutho la sniqoye du athro d’Lebnon.  Me gabo hreno gıdmitayıb yawme d’Cruto 14 bu yarhano, bi şoctho da 8 u falge d’casriye, tahrazto hayo bu froshezwo d’Suroyotv leşan i mcadronutho du cameydan d’Lebnon, dıhzele…

Me gabo hreno i erişkoyto d’Fransa Paris, sımla adyawma baytoyutho l’video konferans cam rişone u mşale d’athrawotho frişe, bnişo dmitaltım snodo l’Lebnon.  U video konferansano, mşarewole bi şoctho da 2 bıthır me falge d’yawmo. U video konferansano dsim adyawma b’Paris, hadırile a rişone d’Amerika, Rusya, du Sin udı Mısır, tukose…

Athmıl naqla hreto farsufe dlatyo i hiyoyuthathe idicto, mawqadlın a turone di dayro d’Kurkmo  i dayro d’Zacfaran dkıtyo b’Mırde d’Turkiya. Athmıl ba şoce d’casriye radayto dkıtwa hewarto, nahıt farsufe mena u marfelın i nuro bi duktho dkıtwo eba qariwo l’400 dawme zrice. Bi mawdconutho dmıdlan me Sayidna Mor Filiksinos Saliba…

Mtayıb ytawto beyn dımşale da hayle du koalisyon Emwothoyo, da hayle d’QASAD u du mawtbo da caşıryotho d’Albukamal bu qlimo d’Deyr Ezzor.  Ba droşe dhawın beyn da 3 gabani, tlıblın a rişone da caşıryotho mu koalisyon Emwothoyo, dımcadır a hayle d’QASAD bu darbo da istixbarat u bebzabno, dı sonıd i…

Ha man abne du camaydan du Iraq dıkcoyış b’Amerika, mraşahle ruhe li kongre du athro.  Erik Esşaki dkıtyo mu gabo da Qutnuthoye, grışle u zuhoro u mawdacle du rişono Barak Obama wu rişono Donald Trump lo qadiri dsaymi mede la Mşihoye du Iraq.  Erik Esşaki dkıtyo man abne du camaydan…

B’Urmi du İran u bu macırbo d’Azerbaijan, kito mınyono d’citotho catiqotho du camaydan di cito d’Madınho d’Othuroye.  Ucdo mawdıc dmid fusqono, dmihathıthi a citotho catiqotho dkıtne ba 2 athrawothani. Lfuth i dafo di wazirutho du turizm du İran, mid fusqono dmisım u hethotho d’mınyono d’citotho catiqotho d’Yuldath Aloho u d’Mor…

Me gabo hreno, u Huyodo Suroyo d’Urifi-ESU, frısle buyono bi cohnutho du duxrono şatonoyo du qtolcamo d’Simele.  Bi rişitho du buyonano ESU dıkmşare ba mele; kımathkrina a Sohde du qtolcamo d’Simele, bşıkıl rwiho kmitahke aydarbo u rejim du rişono catiqo du Iraq Saddam Hussein mıdle nişo u camaydan d’Simele u…

’Gıdmaqımina u sabro da Sohde du delqublo umthoyo d’Simele’ ba melani kımşare u buyono difrısla i Sictho di Rişonutho du Mawtbo Umthoyo d’Bethnahrin-MUB bi ohnutho du duxorno da Sohde d’Simele dıknofıl kul şato 7 b’Ob. Bu buyonano MUB mırle; Şafıc 87 ışne calu qtolcamo d’7 Ob Simele dmıdle duktho du…

İ qadişutho du fatıryarxo Mor İğnatiyos Afrem II sımle socurutho li cito d’Mor Afrem dkıtyo bi Aşrafiye, bıthır ma furqoce dhawın b’Beyrut.  İ qadişutheyde camu hasyo Mor Thewofilos George Saliba u Mor Qlimis Daniel Gawriye karixi i cito u sımlın buhone calu hrowo dhawi bi cito. Bi socuruthathe d’Mor Afrem…

U rişwazire du Iraq Mustafa Alkazimi, mnaqele farsufo mu camaydan xıd mşawrono ele dcala sebwotho da qalilotho. U rişwazire du Iraq Mustafa Alkazimi, mnaqele u rişono di osarto Kaldoyto Safaa Hınd li wolitho d’mşawrono ele, dıkhoyır cala sebwotho da qalilotho du athro. Hındi bi maqırhonutho dhule, mawdacle di wolithathe dhiwo…

U gayso Amerikoyo mşadarle konvoy folhoyo rabo li nuqaztayde dkıtyo hedor di mditho di Hasake bu garbay madınho d’Suriya.  U konvoyano dıkmişakalwo me hedor d’50 kamyone, şafıc lu qlimo di Gozarto d’Bethnahrin mi nuqazto d’Alwalid du thumo beyn du Iraq u Suriya. U ajans Rusoyo d’Sputnik bu tebo dıfrısle, mawdacle…

Msik 16 fqide du lmino d’Beyrut, bıthır ma furqoce qaşye dhawın bi arişkoyto bu şuroyo di şabthathe. Beyn da fqide dımsiki kito u mşalo du lmino u mşalo du gumruk.  Bebzabno bıthır mu şok dhawi cala furqocaniste, bıdele ucdo u camo dmahwe u hfuxyo wu ruğzayde mqabıl di şultonutho Lebnonoyto.…

Şafıc tlotho eşne, calu qtolğenso dsımwole u tukoso marhıbono d’Dacış calu camaydan ucala Ezidoye bi daşto d’Ninve bu garbyo du Iraq. Işto bu yarho d’Ob, yawmo hreno komo bu makthabzabno du camaydan u Kaldoyo- Suryoyo-Othuroyo-Oromoyo’yo.  Işto u şawco bu yarho d’Ob da 2014, kbışwolın a marhıbone i daşto d’Ninve ubi…

U gabo du Huyodo d’Bethnahrin Athroyo-HBA du Iraq, mathkarle u yawmo şatonoyo du qtolğenso dsımle u tukoso marhıbono d’Dacış calu camo Kaldoyo-Suryoyo-Othuroyo di daşto d’Ninwe.  Bu buyono dırısle HBA huwle şudoyo, dgımdawım u ağunayde hol dmitahwele u camaydan a zedqayde kulle, u dhoye bı neshono bu cafro dan abohothayde. U…

U Mawtbo Umthoyo d’Bethnahrin-MUB mşadarle egartho d’buyoe lu hadomo di sictho Mdabronitho d’MUB Samir Özmen, calu şunoyo du babo u mnohnafşo Hanna Özmen.  MUB bi egarthathe, mahkele cali mothonoyutho du mnohnafşo u bebzabno mqadamle a buyoayde li iqartho kula.  I egartho di sictho di Rişonitho du Mawtbo Umthoyo d’Bethnahrin-MUB kımşaryo…

I Sictho gawonoyto da buhone d’Pentagon d’Amerika mawdacla, Woşington kiba dmahto tedbire cala marhıbone bnayqyomo d’Turkiya dıkdayşi a zedqe noşoye b’Suriya.  Bu taşroro dıfrısla i Sictho gawonoyto da buhone d’Pentagon mırla; İ wazirutho di baroyutho d’Amerika matila ğalabe tebe cala hawbani dıksaymi a ğrobani dıkmısnodi me Turkiya, elo naqla hreto…

U waziro du hulmono du Iraq doktor Hassan Mohamed Al Tamimi cam wazire u mşale hrene, sımlın socurutho li bethkrihe qentrunoyto di qastra Suryoyto Bağdede bi daşto d’Ninwe.  U qaymaqam d’Bağdede Cisam Behman, mıstaqbele i taşdarto camu rişono di bethkrihe d’Bağdede Doktor Ala Salem Almerk. I taşdarto da wazire u…

 U Komisyon du Mawtbo d’Urifi mqabıl da taşniqe, frısle tıre taşrore calu qedomo di şultonutho d’Turkiya la hbişoye.  A taşrorani frisi, cali netije da buhone dsımle u Komisyon cala socurwotho dsımle l’Turkiya ba 2017 u ba 2019. U Komisyon du Mawtbo d’Urifi dıkfolıh leşan dmakle a taşniqe wu qedomo lo…

Bu furqoco rabo dhawi athmıl b’Lebnon, u qentrun du gabo du Huyodo Suryoyo Tibeloyo dkıtyo b’Saydelbuşriye, hzele husrono rabo.  Bu furqoco rabo dhawi athmıl b’Beyrut u dmahrawale ban alfayo dbote, dukotho u hın citotho, u qentrun du gabo du Huyodo Suryoyo Tibeloyo’ste hzele husrono momunoyo. Elo tawdi l’moryo, da hawrone…

Me gabo hreno a 2 furqoce dhawın athmıl b’lokal du lmino d’Beyrut dıkmitıftakır kıtwolın haylo d’600 tonat d’TNT, bı qaşyutho krihi me mşale u rişone dı athrawotho frişe dıbritho; beynothaye u rişono d’Amerika, u rişqutno d’Fransa, u rişwazire d’Britania u rişone danathrawotho Caraboye uğer.  Cali aykanoyuthatheste, a mşale Lebnonoye qrelın…

A Haylawotho d’Suriya Demoqratoyto wa hayle di mşaynutho gawoyto, mabdelın hamle mşawtafto mqabıl da krılyotho da ğrobe marhıbone d’Dacış hedor u qlimo d’Deyr Ezzor.  Me gabo hreno, a marhıbone mıdlın nişo a rişone da caşıryotho d’Deyr Ezzor bnişo dmahrıwi a esore dkıtte a caşıryotho cama hayle d’QASAD. A Haylawotho d’Suriya…

Amerika, rfıdla a idicat dıfrisi bu tboco froso u dmawdıc dhawila ytawto cama rişone du gerilla di PKK ba turone d’Qandil bu garbyo du Iraq.  İ mawdconuthathe dıfriso b’dafo da Kurdoye dılo mawdıc ışma, rfido hem me rabhaylawotho Amerikoyo u hemste mi wazirutho di baroyutho d’Amerika. Malolo di wazirutho di…

İ Mtakasto da Neşe d’Bethnahrin frısla buyono u krıhla u qtolğenso dsımlın a marhıbone d’Dacış cala Ezidoye di fnitho d’Şigur meqım şeth eşne 3 bu yarho d’Ob.  İ Mtakasto bu buyoneyda sımla qrayto l’Emwotho Mhaydotho u la hayle hrene, dmahti klayto u d’sundi a Ezidoye d’Şigur.  İ Mtakasto da Neşe…

Taşdarto mşawtafto me HNB u me ESU di mditho d’Giessen d’Almanya mıştawtaflın li hfitutho dsimolın a şutose Ezidoye bu yawmo şatonoyo du qtolğenso dsim aclaye ma marhıbone d’Dacış b’Şigur du Iraq.  Bi hfituthathe cal eşme di taşdarto, i hadımto d’HNB Turkan Mbaydono sımla mamlo u krıhla u qtolğenso dsim cala…

A tayosyotho du qrobo d’Rusya dkıtne b’Suriya, sımlın cuqobe casye cala dukotho dkıtne bu duyoqo da marhıbone bi mditho di Latqiye.  Bu zabno da cuqobani d’Rusya, a hayle du rejim d’Suriyaste mhelın bıha ma ğrobe di saqıbloyutho d’Jabal al Akrad. Lfuth ajanse frişe da tebe, bu zabno da tayosyotho d’Rusya…

Almanya gdımşadro sfitho du qrobo lu yamo Mescoyo, leşan dsaymo u duyoqo du ambargo da zayne dmahıtwola Emwotho Mhaydotho calu athro d’Libya.  Bi sfitathe d’Almanya dkıtyo ışma ‘Hamburg’, kitoste 250 folhe du yamo dgımcadri bu tuhqobo da cuqobani dıksoyım u Huyodo d’Urifi. I wazirutho du sutoro d’Almanya mawdacla dgımşadro i…

Bi maqırhonutho dhuwle u senato d’Amerika mawdacle, dımayadle u renyo du rişono Donald Trump dımraşahwole Hala Jarbouc xıd dayonto federal du bethdino d’Michigan.  I diloyto du tebanoste, d’Hala Jarbouc man abne du camaydan u Kaldoyo di mditho d’Telkepe du Iraq’yo. Lfuth i maqırhonutho dıfrısle athmıl u senato d’Amerika, m’ayadle d’Hala…

Emwotho Mhaydotho mathkarla u yawmo şatonoyo du qtolcamo dsımle u tukoso marhıbono dı Dacış bhaq da Yezidoye du garbiyo du Iraq. I mathlonitho du notarrozo gawonoyo d’Emwotho Mhaydotho bu Iraq Jenin Plasxart, sımla qroyto la şultonwotho d’Boğdod ud’Arbil dmotın l’awyutho camıhdode, bnişo dmitarkıwo i mşaynutho bi fnitho d’Şigur bu garbiyo…

Amerika mahwela hfuxyo qaşyo mqabıl di awyutho dkito bayn du İran wu Sin bu haqlo da istixbarat udi mudafaca folhoyto. U waziro di baroyutho d’Amerika Mayk Pompeo, mawdacle du qyomo dımdhe bayn Tahran u Pekin u yarho dşaficina, kımharhız i şalyutho bu qlimo du madınho mescoyo. Uqyomo dımdewo bayn du…

U waziro di baroyutho du athro d’Lebnon Nassif Hitti hule i istihfayde mi wazirutho u maslamle i egartho di istihfa lu rişwazire du athro Hassan Diyab. Lfuth u tboco froso du athro u waziro hule istihfayde me fothe dı latyo thınihoyo mi şıltonutho u cayış qatre camu rişwazire. Lfuth u…

A marıhbone dı Dacş du athro d’Afganistan sımlın hjomo cal ha hbuşyo bi bmidtho d’Jalalabad. Bu hjomano dkomdawım kımi hın ma mabuce du tboco froso qtil zıttır me cısri farsufe u mjarıh zıttır me 50 hrene. Bu hbuşyano dkıtwo 1500 hbişoye zıttır me 700 hbişoye mahzamlın inaqa dhawi u hjomo…

İ sictho da mathlone da 6 şutose dımtayabwolın i tarmitho di mcadronutho da makinat du tetfiyo di nuro  la qıryawotho d’Turabdin, sımlın u knuşyathe u huwlın mawdconutho calu feroqo da makinat la qıryawotho du camaydan.  I tarmithathe simowa b’tahrazto dıfriso b’Suroyo tv u maltamwo zuze leşan dmısnodi a qıryawotho wa…

Bıthır mu tebo dıfrıswolan, dmagle du waziro di gawoyutho Süleyman Soylu hawile ytawto cami athto dıktuhmo u qoyumo du cameydan Tuma Çelik, ucdo u tboco froso ruşmoyoste mawdacle, dhawi ytawto cami athtathe u cami sniğartayda.  Bu tebo dıfris bıhdo ma sfaryawme d’Turkiya mawdıc, du waziro hawile i ytawtathe b’zabno dkito…

U Mawtbo Folhoyo Suryoyo-MFS, mcayadle a Maşılmone dıbritho u dilonoyith d’Suriya, bu cedathe du Qurbono.  U Mawtbo Folhoyo Suryoyo-MFS, ha ma hayle mşatsone da Haylawotho d’Suriya Demoqratoytoyo u kıtle bebzabno mharbone caraboye ba gbine frişe du qrobo bu garbyo u bu madınho d’Suriya. Bi cohnutho du cedo du qurbono da…

U qentrun Britanoyo dcalu yulfono di mşaynutho, grışle u zuhoro cali siyase dıkmaşe u rişqutno d’Turkiya Recep Tayip Erdoğan.  U qentrun Britanoyo mawdacle, du qedomo qaşyo d’Erdoğan qentoyo lu huyodo du NATO, dgımıjbır dtocın i mşalutho da qetre dıkxulqo Turkiya. U qentrun Britanoyo dcalu yulfono di mşaynutho frısle maqırhonutho cali…

A ganowe da athare b’Kayseri d’Turkiya, mfarqaclın u bınyono d’cito catıqto dıkducro lu zabno da Hithoye.  Elo u tehriwo da citotho catiqotho b’Turkiya, kmahwe hawi mede kyonoyo u noşo lkımşayıl cali ctiduthathe. I citathe dkıtyo mu zabno da Hithoye kmidoco ma comure d’Develi d’Kayseri bu ışmo Minaret Kaya. İ citathe…

Hol 10 alfo bnaynoşo layimi qum du makthbo du rişwazire d’İsroyel Benyamen Netanyahu bi mditho d’Urışlem u tlıbe mene dmıstacfe mi wolithayde mi celtho du virus d’Corona uma thome du fassad.  Hani 7 şabe cal hıdode, kımdawmi a tagliyothani mqabıl du rişwazire wu polis İsarloyoste kımnase dmakle a mtagliyone dımqarwi…

Madcar madcar, mın….bu froso hayo’na? Hani a mele dıfrisi bu zabno du rişqutno d’Turkiya Recep Tayip Erdoğan mcayadwo u cedo da mşale da mdinotho du athro kulle hayo bu darbo du froshezwo.  Mamtele lbole da hazoye, u mamlo dmırwole u rişono catiqo d’HDP Selahattin Demirtaş mayelu ikthawto dıkfayto qum Erdoğan,…

Ba surotho dıkmıfrosi bu tboco froso kenşoyo magle ftiho, du waziro di baroyutho d’Turkiya Süleyman Soyluyo u mhadrono du komplo dcalu camo Suryoyo calu darbo du qoyumo du cameydan bu parlamento d’Turkiya Tuma Çelik.  Ba surothani kmahwe Süleyman Soylu u cami athto dıktuhmo u qoyumo Tuma Çelik cami sniğarthayde dkıtwa…

U waziro di tawditho d’Turkiya Ali Erbaş naqla hreto msalele b’Ayasofya u b’idothe u sayfo, mawxa u tboco froso d’Turkiya mşarele dı dorış u farsufano mın zuhoro kobıc dobe.  Lfuth a tawdiyotho bu zabno di slutho a noşe ktulbi şlomo u şayno li noşutho, elo inaqla dıha howe b’idothe u…

İmdabronutho d’Qufrus da Yawnoye, sımla qroyto l’Rusya dımdaxlo u dmaklıyo a fulhone dıkmaşyo Turkiya qariwo la thumayda leşan dımqafyo nafto u ğaz bu madınho du yamo Mescoyo.  Bu mamlo dhawile u rişwazire d’Qufrus da Yawnoye bu telefon camu rişono d’Rusya, tlıble me Mosko dmaklıyo u hbosano dıkxulqo Turkiya bu qlimo.…

U rişwazire du Iraq Mustafa al Kazımi, maglele u siqumo da guboye gawonoye du athro. A guboyani, gıdmisomi qariwo l’şato meqım mu zabnathe.  Bi maqırhonutho dhuwle u rişwazire Iraqoyo m’akadle, da guboye du parlamento du athro, gıdmisomi 6 bu yarho d’Hziron da 2021. Bi maqırhonutho dhuwle athmıl casriye u rişwazire…

Adyawma i şırke da statıstike d’Awrasya, frısla i netije haroyto dcali hzayto dkıte abnaymothoye d’Turkiya, u layna gabo gıdobanwo u qolathe en dhowewo ucdo ğuboye.  Lfuth i netijathe dıfrısla i şırkathe kmahwe, du ittifaq d’Erdoğan lıgqathwole qole makıfyone leşan dımşakıl şultonutho, wa gabe di saqıbloyutho klozım dımhaydri ruhaye dımdabri u…

A İmarat Caraboye Mhayde, mabdele a fulhonayde du macımlo qamoyo du nukleer dkıtyo bi arişkoyto Abu Dhabi.  U macımlano du nukleer da İmarat Caraboye Mhayde, kmifaşıq u macımlo qamoyo du nukleer beyn dan athrawotho Caraboye. U ajans da tebe da İmarat m’akadle, da İmarat Caraboye Mhayde mabdele adyawma a fulhone…

İ Şırke Amerikayto mdela qyomo du nafto cama haylawotho demoqratoye d’Suriya QSD. Umdoyano dsim cami Şırke Amerikoyto bu fsoso du qusro heworo u bi idactho d’James Jeffri dkıtyo u mathlono dilonoyo du rişono d’Amerika bi sbutho d’Suriya. Bi mawdconutho dıfriso mawdıc di şırke Amerikoyto dkıtyo DELTA Crescent Energy LLC mdela…

U athro d’Armenya mawdacle dkıtyo hadiro lı Qrobo mqabıl d’Azerbaycan, u gayso hiw ele amro dhowe mekul mede hadiro bu zabnano. İ maqırhonutho du athro d’Armenya athyo bu zabno du athro d’Turkiya u Azerbaycan kıtlın duroşe folhoye tadbikat cam hdode. Bi mawdconutho dıfriso mu ajans d’Sputnik d’Rusya u rabhaylawotho Onik…

U huyodo d’Urifi mawraxle u zabno da tadbire dkıtle cal Qore i Garbyayto me fothe da zawce da zayne kimyawi dkıtla. Bi mawdconutho dhiwo mu huyodo d’Urifi mawraxlın u zabno da tadbire dkıtlın 57 farsufe u 9 şutose du athro d’Qore i Garbyayto. Bi maqırhonutho dhule u mawtbo du komisyon…

Bi sbutho di iqartho du cameydan dıhtifowa mi qritho d’Mahre d’Şırnaq fris tebe hathe bi sbuthathe dımqafın a msone du babo du kohno Hırmız Diril. Me gabo hreno hın ma hadome di iqartho dı htifo ktıhmi u farsufo dkıtyo bi iqartho dkıtyo u ahilathe walaw hın mu tboco froso hulın…

Dalal awste Duygu Arınc dkıtyo hadımto du Mawtbo Suryoyo Camoyo meqım şato msiko b’Turkiya bu bethtawso minaqayo hul ucdo layto tebo cala hayeyda. Dalal dkıtwa hfıto bu fulhono du Mawtbo Suryoyo Camoyo u dilonoyith bu tboco froso knuşyoyo kıthwowa kıthawyotho mqabıl di barbroyutho dıksaymo i şıltonutho d’Erdoğan. İ Dalal dkıtyo…

Rusya mtayabla tarmitho dı maxılyo u tayımno d’Suriya ma İranoye komır u tboco froso. Bi mawdconutho kmitawmır du gurub da 5 folhoye d’Suriya dıkmısnıd me Rusya mşarele dıforıs a haylawotheyde bi fnitho d’Darca dkıtyo cala thume d’Urdun du dıknıflo bu tayımno d’Suriya. Bu qrobo d’Suriya idicoyo dkito athrawotho mşahılfe dkıte…

U rişwazire du Iraq Mustafa Alkazimi mıstaqbele bu qentrunayde bı Boğdod, i mathlonitho dilonoyto du notarrozo gawonoyo d’Emwotho Mhaydotho Jenin Plasxart. Ba droşe dhawın bi ytawtathe, atre gabe bu zyudo dkulle kalın cali sbutho da hıdriyat da guboye msarhıbe du parlamento. U makıhtbo du tboco froso d’Alkazimi, mawdacle du rişwazire…

U mawtbo di mşaynutho d’Emwotho Mhaydotho mawraxle i wolitho da haylawotho emwothoye dıknıfqi moro lu şlomo bi Gozarto d’Qefrus. Megabo hreno, Amerika mşatasla nuqazto folhoyto bi fnitho d’Dedeağac bu Yawnan xıd zuhoro la rmoşe haroye dı Turkiya bu madınho du yamo Mescoyo. U mawtbo di mşaynutho d’Emwotho Mhaydotho dkıtyo u…

U parlamento dı Turkiya fsıqle qonuno hatho dkobe aftho li şultonutho dhowela duyoqo rwıhtır cala dafe kenşoye du nawlo. Calu medano, ğalabe ma tukose da zeqde noşoye mahwelın ilo thınihuthathe mqabıl du qonunano dıktofık Turkiya zıd lafi dektatoriye. Athmıl bu quwolo dsımle u parlamento dı Turkiya, maqbele tarmitho hathto d’qonuno…

Zıd m’550 alfo nacime kcayşi bu qento du kafno bu athro d’Lebnon. U tukoso Britanoyo şaryo dışme “maxlesu anacime”, mawdacle dıkmıntır dmıhze nacime dıkmaythi mu kafno meqım mi harayto di şatathe b’Lebnon. U tukoso dışme Save The Children awkith “maxlesu anacime”, mzaharle dkito hedor malyun d’farsufe bi fnitho d’Bayrut dlatlın…

Ahaylawotho folhoye du gayso du Iraq, mıdlın tedbire hathe casye cala thume d’Suriya, dilonoyith athume dkıtle u Iraq camu qlimo di Gozarto d’Bethnahrin d’Suriya. Lfuth i mawdconutho dhulın mşale folhoye Iraqoye, atedbire casyani mahti bnişo dlışofıc marıhbone mi xasra du qlimo di Gozarto la narcotho du Iraq. U malolo du…

İ mwatyutho dkito bayn İran u l’Amerika kımdawmo bu yamo d’Hurmız. Ba yawmotho d’Şaficina. Bu zabno da duroşe gaysoye tatbikat dkıtla u İran bu yamano marıslın soruhe cali sfitho Amerikoyto dkıtyo bu yamano. Bi mawdconutho dıfriso bu tboco froso hıdo helikopter dcalyo lalcıl mi sfitho Amerikoyto dkıtyo tacınto da tayısyotho…

Cıl mıdıkmisım hjome u hboso emwothoyo calu İran laşan dgorış ruhe m’Suriya, elo naqla hreto kmahwe di şultonutho dı Taharn kmıştacyo cala hawle u latla mabco d’gurşo ahaylawothayda m’Suriya. Lfuth i mşatasto d’Suriya da zedqe noşoye, u İran frısle grube hathe mu gabo d’Hizballa du Iraq bu mathıbro d’Almayadin bu…

U qoyumo Almanoyo dkıtyo u rişono du gurub camoyo bu parlemento d’Urifi Manfred Weber bu mamlo dsımle bu parlemento mırle klozım faytina li harake mqabıl d’Turkiya calu mede dıksaymo bu yamo mıscoyo bi sbutho du nafto. Bu mamlo dsımle qrele lu huyodo d’Urifi dmitahıt tadbire cal Turkiya laşan dımakılyo u…

İ wazirto di golutho bi şultonutho du Iraq İvan Faeq Jabro, sımla socurutho li cito d’Mor Yawsef da Kaldoye bi mditho d’Caynkawa, u mıdla mawdconutho cala yaqrotho galwoye du camaydan. Jabro bi socuruthaydaste, laqyo u rişono di marcitho d’Arbil di cito Kaldoyto d’Bobıl hasyo Mor Başşar Matti Warda. İ wazirto…

Rusya gıdmacımro Ayasofya hathto bu athro d’Suriya. Lfuth u tebo dıfris ma mabuce du tboco froso Rusya mhalaqla i şetısto du tecmiri di cito d’Ayasofya bi mditho d’Sqebliye d’Hamma b’Suriya. Lfuth a mbahnone u tecmirano xıd hfuxyoyo mqabıl d’Turkiya. Bu zabno da droşe u da hfuxye dkımdawmi mqabıl du şuhlofo…

U mawtbo da citotho şlihoyotho du madınho dkıtyo b’Australya krıhlın u şuhlofo di bethcatiqotho d’Ayasofya l’Masığdo. Bu buyono dıfrısle u mawtbo ktolıb me Ankara dmakle u fusqono dhulın bhaq d’Ayasofia laşan di sbuthathe luyo li bcelıdbobutho bayn da tawdiyotho. U mawtbo da citotho mşihoytho du madınho d’Auastralya u nyuzelan bu…

Bgawe du camo Suryoyo casqoyo ha dqodır howe more dı hzayto siyasi. Yastene ğalabe olsoyoyo ha dfohım i methtaksonutho. Ba şuşote dcişi u dhawın, dilonoyith bi sbutho d’Tuma Çelik nafıq ğalabe nuhole li holo. Tuma Çelik, mnaqe qoyumo me Mırde mu Gabo d’HDP lu parlamento d’Tırkiya. Hın noşe dilo mıjğelın…

Almanya mawdacla dmaklela u zebono du zayno l’Turkiya. Bi maqırhonutho dhule u waziro di baroyutho Hayko Maas mırle Turkiya hadımto du NATO’yo elo u qrobo bişo dı maşela b’Suriya laybe mıtcın mawxa ucdo layto zebono du zayno l’Turkiya. Bıthır mi maqırhonutho dsımwola i rişathwazire d’Almanya Angela Markel mqabıl d’Turkiya dımzaharwola…

Meqım  me 105 ışne i mamlaxtho Cuthmanoyto maqımla qtolğenso sayfo calu camo Suryoyo-Othuroyo wa mşihoye hrene, bi slutho dsimo b’Ayasofia dımşahılfo l’masığdo u rişono di tawditho tcınle u sayfo salıq lu culyo u msalele mqabıl dı caynothe dıbritho komır u folitiqoro Aday Bethkınne bi mimartho dıkthule bu dafo du facebook…

U rişwazire d’İsroyel Bınyamen Netenyahu, mawdacle da haylawothayde nafiqi mqabıl dıhjomo dıgsamwole grub m’Hizballa dşafıcwo m’Lebnon la narcotho d’İsroyel. Megabo hreno, Hizballa dıkmısnıd mu İran bu buyono dıfrısle mankarle dhawi taxtuşe bayn da folhayde wu gayso d’İsroyel. U rişwazire d’İsroyel Benyamen Netenyahu, bu mamlo dsımle bu qentrun di wazirutho du…

A makinat du tetfiyo di nuro dmasılmi la qıryawotho u la dayre d’Turcabdin mu taraf da mathlone da 6 şutose du cameydan dıqayimiwo bi tarmithathe dımalımwolın mcadronutho mu cameydan calu darbo di tahrazto d’simowa b’Suroyotv. Bıthır mıd mfarqi a makinani hın ma qıryawotho mjarbilin, wi fsihutho dhawilin abici fırsila camu…

İ wazirto di golutho bi şultonutho du Iraq İvan Faeq Jabro, makadla i ulsoyutho dmibayni aşartat towe di mşaynutho u di cyeşe momunoyto dkımlabıbi agalwoye lu dcoro mehatho la fenyothathe dmandıfi mu tukoso marıhbono dı Dacış dilonoyith a’Kaldoye-Suryoye-Othuroye wa Yezidoye. Jabro ba ytawyotho dhawila cam menyono d’rişone folitiqoye u citonoye…

Amşawrone du rişwazire du Iraq Mustafa Alkazimi, mawdacle du farsufo dıkmıthım bu qatlo du mbahnono bu haqlo di mşaynutho Hişam Alhaşimi, kıtle esore cam grub mzayno ma grube dıkmısnodi mu İran. Amşawrone d’Alkazimi, mawdaclınste di aykanoyutho folitiqoyto du Iraq gıdmifarqıco ida dothe dmitagle calu haylo dkıtyo bıthır du qatlo d’Alhaşimi.…

U qrobo d’Libya dhawi u wahdo da bazare d’ğalabe athrawotho atre hayle rabe dkıtne cali arco kımdawmi a taxtuşathe dımqabıl dıhdode. Lfuth a tebe haroye a haylawotho di şıltonutho dkıtyo bi rişonutho d’Fayez Alsaraj abici dıfayti li mditho d’Sirte dkıtyo imditho du nafto elo laqın ba haylawotho d’Xalifa Xafter. Uqrobano…

İ rişathwazire d’Almanya Angela Markel mzharla Erdoğan bi sbutho du kroxo du nafto bu yamo mıscoyo qariwo li Gozarto d’Qufrus. Markel bi maqırhonutheyda mırla en Turkiya wu Yawnan dhowe qrobo baynothaye ahna gıdkolina cam gabe du Yawnan dkıtyo athro bu huyodo d’Urifi. Hani zabno yarixo kito mwatyutho u droşe qaşye…

Me gabo hreno, a hayle du yamo d’Fransa u d’Mısır’ste sımlın tadbiqat folhoyo bu yamo Mescoyo.  Bi mawdconutho ruşmoyto dhuwle u malolo du gayso d’Mısır, m’akadle dmabdelın u tadbiqatano camu athro bnayqyomo d’Fransa, leşan u şuşoto da haylawothathe du yamo. Bebzabno mawdıc du nişo da droşe folhoye dsimi, dmitaqwıyo i…

Mşale Iraqoye, sımlın qroyto l’Boğdod dmabdiyo droşo cam Turkiya bnişo dmisafe u qetro da maye du nahro d’Deqlath. Turkiya dıbdela dmulyo u masxoro d’Ilusu maye, manqasla u xyoro da maye du nahro d’Deqlath lu athro du Iraq. Turkiya, lo belhude bu haylo folhoyo kımzahro anathrawotho şbobayda, elo bu haqlo da…

A esore beyn d’Turkiya udu Yawnan ba yarhe haroyani zıttır m’watın wu fusqono dmıdla Turkiya dımşahlıfo i cito d’Ayasofia l’masığdo, trele u qrobo da mele beyn da 2 athrawothaniste zıttır dı qoşe.  Bıthır mıd a Turkoye msalelın bi citoste, a mşale da 2 athrawotho krıhlın a qedome, a thome wa…

I mcadronutho dmalimowalın 6 şutose du cameydan dkıtne b’Urifi calu darbo d’Suroyotv, matyo la mathlone da qıryawotho uda dayre d’Turabdin.  Athmıl ba şoce dcasriye, bu knuşyo dhawi beyn da mathlone da qıryawotho d’Turabdin bu qentrun du Federasyon da Hudre Suryoye b’Turkiya-SUDEF, mfarqi a makinat du tetfiyo di nuro. Meqım zabno…

U gabo du Huyodo Suryoyo Tibeloyo, sımle u duxrono da Sohde Suryoye dımharablın bı gaborutho bu qrobo gawoyo d’Lebnon.  U duxronano sim bu wahdo da Sohde Suryoye dkıtyo b’Saydelbuşriye, du gabo macmarwole i qoyumto da Sohde Suryoye ebe, wu mbayanwole dkıtyo u wahdo da Sohde Suryoye bi şato da 2012.…

Athmıl ba şoce d’casriye yaqidi a turone wa arcotho d’hedor i qritho du cameydan Hassana dkıtyo b’Şırnax d’Turkiya.  Bi mawdconutho dmalımlan mu tbocofroso, i nurathe mdawamla hola şoce du lalyo u mawqadla an arcotho wi marca dhedor qritho wu kıtwo qento rabo dcıbro li qritho. Xıd kull naqla, a mşale…

 U mşawrono catiqo di mşaynutho umthoyto du Qusro Heworo John Bolton, bi maqırhonutho dhule lu frosqolo d’İsroyel sımle qroytlo l’Tel Aviv dmabdıyo qrobo mqabıl du İran, meqım ma ğuboye dıgsaymo Amerika bu yarho d’Teşrin u haroyo di şatathe.  Bolton komır; Bu zabno da tıre yarhani, zabno tawoyo d’İsroyel dsaymo cuqobe…

U rabhaylawotho Amerikoyo Mork Milli, sımle socurutho dlıkmıntorowa l’İsroyel. I socuruthathe du rabhaylawotho simo, bu zabno dı qaşyo i aykanoyutho da thume beyn İsroyel u Suriya.  Bebzabno İsroyel dmaqwela i ithutho da folhayda cala thumani, sımlaste athmıl cuqobe hathe cala turone d’Golan. U rabhaylawotho rişoyo d’Amerika Mark Milley, sımle athmıl…

I Sictho da buhone du Mawtbo di Mşaynutho d’Emwotho Mhaydotho, frısla taşroro cala ğrobe marhıbone d’Dacış bu Iraq u bı Suriya.  Bu taşrorano i Sictho Emwothoyto m’akadla, da marhıbone kmıstacmıli i xalyutho dkito ba 2 athrawothani leşan dımdawmi ahjomathe cala mdinoye u dmaydi u duyoqo dı dukotho frişe du Iraq…

U waziro di baroyutho d’Fransa Şon Yv Lö Drian dsımle athmıl socurutho l’Lebnon, grışwole u zuhoro di şultonutho d’Beyrut u mırwole; Klozım dsaymıt reforme, dloste lıgmitahwelın mcadronutho!  Elo Fransa leşan u snodo du şuşoto da madraşyotho b’Lebnon, huwla şudoyo dımqadmo 17 milyone dolare. U kriz momunoyo d’Lebnon dıtrele u athro…

Folitiqore, mşale tawdithoye frişe b’İtalya ubu Yawnan, krıhlın u qedomo d’Turkiya li cito d’Ayasofia wi slutho dsimo athmıl bıgawa. A Maşılmone d’İtalya mırlın; U haylo wu siyase di şultonutho d’Ankara’yo, bıthre du şuhlofano d’Ayasofia l’masığdo.  U malla d’Milan d’İtalyaste mırle; Ayasofia lıklozım dhuwyo lo bethcatiqotho u loste masığdo. Ayasofia dkıtyo…

Nafıq yuqdono rabo u qaşyo bu qentrun d’Arbil bi arişkoyto du qlimo d’Kurdistan bu garbyo du Iraq. Hol 250 dukane u cambare yaqidi, bu gedşo du yuqdono dhawi adyawma bu qentrun di mditho d’Arbil. Lfuth u polis Kurdoyo, u yuqdonano nafıq bu wahdo du pazar dkıtyo b’falge di mditho. U…

Izgadutho du Sin huwla amro, dmısxori i izgadutho d’Amerika dkıtyo bi marcitho d’Chengdu du Sin. U amrano du Sin funoyoyo l’Washington, bıthır mıd Amerika sxırwola i izgadutho du Sin dkıtyo b’Teksas.  Me gabo hreno u waziro di baroyutho d’Amerika Mike Pompeo bşıkıl qaşyo hjımle calu Sin bu mamlo dsımle athmıl…

Menyono d’fatıryarxe da citotho Suryoye u Armınoye layimi bu qentrun fatıryarxoyo di cito Suryoyto Marunoyto dkıtyo bu garbiyo d’Lebnon.  Bu knuşyano, drişo i aykanoyutho momunoyto d’Lebnon wa tahrazyotho citonoye di mcadronutho noşoyto.  U qentrun qaytoyo du kursiyo fatıryarxoyo Marunoyo di fnitho d’Aldiman bu garbiyo d’Lebnon, sımle athmıl safrayto baytoyutho l’knuşyo…

‘A Mşihoye kmitawfıqo ma bothathe bu garbyo du Iraq mcal fothe da cuqobe dıksaymo Turkiya calu qlimo a melani di mğaltho Amerikoyto The National’ne.  Bebzabno u Komisyon mqabıl da taşniqe bu Huyodo d’Urifi frısle taşroro u mawdacle, ba hamış eşne haroyani qtil u mjarıh hol 180 mdinoye bu zabno da…

Meqım 97 ışne xıd adyawma, mahıtwo xıtmo du qşoco da Mşihoye dkıtne b’Turkiya bu qyomo d’Lozan dsımwo ba duroşe d’cama athrawotho macırboye.  Adyawma naqla hreto b’Turkiya, u qum caynothe da Urifiye kmitahwe remzo du qşoco da Mşihoye dfayişi, bi slutho dsimo bi cito d’Ayasofia, dımşahılfo l’masığdo. Bu yawmano bi şato…

Bi socurutho qamayto dsımle u rişwazire du Iraq Mustafa al Kadhım lu İran, hawile ytawyotho frişe cama mşale İranoye bi arişkoyto Tehran; beynothaye u rişqutno Hassan Rohani u Ayatollah Ali Khameney.  Ba droşe dhawın, kıle cali sbutho di tagorutho, di mşaynutho, calu virus d’Corona wa tre gabe m’akadlın, dmafiti la…

I cito d’Mor Elijas b’Holob d’Suriya dkıtyo cayıd di cito Suryoyto Marunoyto, ftiho me hatho li slutho bıthır mıd kamıl u hethothayda. U bınyono di cito d’Mor Elijas b’Holob daxiwole dharbo qşitho ma soruhe dımhınwo ebe ba 2012 uba 2016 bu zabno dkımdawım u qrobo gawoyo d’Suriya, kamıl u hethothayde.…

U rişono di marcitho d’Bayrut di cito Suryoyto Malkoyto Ortodoksoyto Hasyo Alyas Code, krıhle u fusqono dmıdle u rejim d’Erdoğan bi sbutho du şuhlofo d’Aya Sofia l’masığdo, u makadle di tawditho latyo ale dmıstacmılila a’folitiqoye laşan dmotın lu nişathe.  Camgabıdathe, gelyunoreyto mu camaydan tlıbla mi şultonutho d’Kanada, dnıfqo moro li…

Amerika, Almanya wu Yawnan mzaharlın ma fulhone dıksaymolın Turkiya du kroxo dcalu nafto bu madınho du yamo mescoyo.  Camgabıdathe, Turkiya dkımdawmo dımşadro marhıbone u zayne l’Libya, hın şutoseste du tboco froso mawdaclın du athro d’Mısır kibe d’zoxe cal Turkiya bu qrobo d’Libya.  Bu zabno tayosto du lojistik d’Turkiya naqla hreto…

U gabo du Huyodo Suryoyo Tibeloyo d’USUP, mawdacle du qoyumo Suryoyo Tuma Çelik, kmisım hjomo acle, cal dmahwele caşinutho rabtho b’gawıd du parlamento dı Turkiya u d’maglele cali diktatoriye du rejim d’Erdoğan u dıtlıble mene dmıctarıf bu qtolğenso du Sayfo.  USUP bu buyono dıfrısle mawdacleste da şutose u hudre u…

İ wazirutho di baroyutho d’Amerika, mahıtla u rişono di qutnutho d’Çeçenia Ramzan Kadyrov bi lohithayda i kımto. U mşalo Çeçenoyo kmıthım ba hawbe du dyoşe da zedqe noşoye uba hawbe da taşniqe uğer.  İ wazirutho mawdaclaste, di barthzawgo d’Kadyrov wa tarte bnothaydeste mahıt mnoco aclaye dcubri l’Amerika. İ wazirutho bi…

U qrobo d’Libya, hawi u wahdo dkımjarbi a hayle, u haylo dıhdode wu kul ha menaye, mın falqo gıdmoyıd mi tlamtho du lahmo dkito.  Bi sbuthathe mid fusqono dmitahwe fsoso l’Mısır dcobır bu qrobano wu rişono Trump u wu rişqutno al Sisi drışlın u terkiwo di şalyuthzayno b’Libya.Almanyaste mawdacla gıdmahto…

U koalisyon d’Alfatıh bu parlamento du Iraq, tlıble mi şultonutho d’Turkiya dmıgroşo baroyo mu garbiyo du athro, u mzaharleste d’Turkiya dkıbco dımşatso bu Iraq şuro di mşaynutho xıdu mede dsımla bu garbiyo d’Suriya.  Megabo hreno, qoyumo Armınoyo bu parlamento d’Turkiya tlıble mi şultonutho d’Erdoğan dlımaqşiyo i mwatyutho dkito ucdo cala…

‘Kito tahwiyotho dıqtil hol 14.423 bnaynoşo ba taşniqe dsimi b’Suriya, mu zabno dımşarele u qrobo gawoyo du athro uholucdo’. I mawdconuthathe di Mşatasto da zedqe noşoye d’Suriya’yo.  Bebzabno i Mşatasto m’akadla di sagiyoyutho da farsufani dıqtili, ma taşniqe dsimi ma hayle du rejim du rişathro Başar al Asad. Lfuth i…

Menyono d’qoyume bu parlamento d’Lebnon, bi rmoyto dımqadamlın tlıblın dmibayın 24 bu yarho d’Nison kul şato, yawmo athronoyo dıkmitathkıri ebe a’sohde da n’Armınoye, da Suryoye-Othuroye dıqtili bu qtolğenso du Sayfo da na’1915 bu zabno di şultonutho Cuthmanoyto.  Bi rmoytathe, a’qoyume Lebnonoye tlıblınste dmibayın u medano xıd fusqono ruşmoyo bi ytawto…

U qoyumo du camo Suryoyo-Othuroyo bu parlamento d’Turkiya Tuma Çelik, frısle maqırhonutho lu tbocofroso bhaq da hjome uda komplawiye dıkmisomi calu camaydan bu darbo di şahsiyayde.  Bi maqırhonuthathe kobe Çelik funoyo la thome dlatne şarire u komır; Hjomo folitiqoyo kmisım acli u kıbci dmatimili elo lıkmakşıri.   U qoyumo du…

Bı hjomo dıha soruho dsim cali şawtho di mhata d’Qamışli nahito cal nuqazto du zebono da radoyotho. Lfuth i mawdconutho dıfriso kmitawmır du hjomano sim mu taraf da haylawotho d’Turkiya. Bu hawan dımhalıq calu bınyono di nuqazto da radoyotho dkıtyo bi şawtho di mhatta bi mdito d’Qamışli di Gozarto d’Bethnahrin,…

Bıthır ma hjome du tboco froso d’Turkiya dkıtyo masro b’Erdoğan calu qoyumo du cameydan Tuma Çelik mıdlan mawdconutho mene bhaq di sbuthathe. Bu mamlo dsımlan mırle ba yawmotho dıqamutheyna gıdforasno mawdconutho bhaq da hjomani dkowın b’işme calu ağuno du camo Suryoyo-Othuroyo. Bıthır mıd ftih dacwa bhaq du qoyumo du cameydan…

Fransa, Almanya u İtalya mahwelın hfuxyo mqabıl da hayle dıkdayşi u qyomo d’Emwotho Mhaydotho. A 3 athrawotho mzaharlın, dıgmıstacmıli tedbire mqabıl dan athrawotho dıkdayşi u ambargano da zayne l’Libya.  Bebzabno u mşalo da esore baroye du Huyodo d’Urifi Josep Borrell makadle, du Huyodo d’Urifi latyo fsihoyo la nuqazyotho dıkmarkıwo Turkiya…

U waziro di baroyutho du İran Mohammad Javad Zarif, sımle socurutho lu Iraq u laqi a mşale Iraqoye bi arişkoyto Boğdod. Bu zabno di socuruthothatheste, azze Zarif li duktho dıqtılwo eba u rabhaylawotho İranoyo Qassem Suleymani.  U mede dıkgorış u zuhoro, di socuruthathe d’Zarif simo lu Iraq, bu zabno du…

U Yawnan mabdele kampanya leşan snodo Emwothoyo mqabıl du fusqono dmıdla Turkiya dımşahlıfo i cito d’Ayasofya l’masığdo.  Bi maqırhonutho dıfrısle u waziro di baroyutho du Yawnan grışle u zuhoro cala eşne dımdabrowa i mamlaxtho da Cuthmanoye u qlimo, wa rdufye wu qtolğenso dsımwola cala Yawnoye, Suryoye-Othuroye u Armınoye bu zabno…

U Mawtbo da Neşe du gabo Demoqratoyo da Came-HDP frısle buyono bhaq di sbutho du qoyumo du cameydan Tuma Çelik, dmaklele i hadomuthayde bu gabo d’HDP mcal fothe da thome du hawbo du tejawuz.  Lfuth u Mawtbo da Neşe, kıtle haj mi sbuthathe me zabno u hawile ytawto cami athtathe…

Qoyumo Tuma Çelik ba fulhone dkobe hani eşne, ba rmoyotho dımqadamle uba mamlayde bu parlamento, qulnaqla sımle sturyo i siyase di şultonutho d’Turkiya dıkmaşyo calu camaydan u cala hiyoywotho etnikoye hrene.  Bi netije da thome cjiqe dsimi bhaq dide Çelik, mıstacfele m’HDP leşan du gabayde dlo hoze husrono mu maşıqlo…

U fatıryarxo di cito Suryoyto Marounoyto Mor Bışara Butrus al Raci, thımle u gabo şica d’Lebnon Hizballah bu kriz rabo dkito adyawma bu athro. Calu thomano’ste, hawile u rişqutno Michel Aoun ytawto camu fatıryarxo al Raci.  Elo u abro rabo du rişwazire catiqo d’Lebnon Rafiq al Hariri-Bahaa al Hariri, mawdacle…

U malolo du rişqutno d’Turkiya İbrahim Kalın bu mamlo dsımle, naqla hreto frısle tebe dlatne şrolo bhaq da mulkone udi hirutho da tawdiyotho hrene dkıtne bu athro.  Kalın bu funoyo dkobe lu Papa bi sbutho d’Ayasofya komır; A mulkone da qalilotho dıkbişiwo, madıcri elaye, u bi sbutho da tawdiyotho kito…

U qoyumo Suryoyo bu parlemento d’Turkiya Tuma Çelik bihdo egartho dıfrısle mawdacle, dımaklele i hadomutheyde bu gabo Demoqratoyo da Came-HDP.  Bi egarthathe Çelik komır; Leşan u maşıqlo dmabdele u bethdino d’Turkiya bhaq didi dlobe husrono lu gabaydi, gıdmakleno i hadomuthaydi, elo gıdfaşno xıd qoyumo şaryo bu parlemento du athro.  Bi…

Bu fusqono dmıdle u bethdino d’Yurdnon, şrele ruşmoyith u tukoso dan Ahunone Maşılmone.  Mawdıc du fusqonano du bethdino mid, cal dan Ahunone Maşılmone lo markawlın u statu qonunoyo dkıte lfuth a qonune ruşmoye d’Yurdnon. Bu quwolo dsim bu bethdino d’Yurdnon, a dayone matın athmıl l’awyutho cal fusqono, dmışre u gabo…

U polis d’Rusya, msıkle ba mowat d’mtagliyone saqıbloye du rişono d’Rusya Vilademir Putin.  Ba tagliyothani dsimi bı dukotho frişe d’Rusya, krih u şuhlofo du nomuso esonoyo du athro dkobe aftho l’Putin, dfoyış bi wolithayde 16 eşne hrene. Athmıl a zabuqone dımdinotho frişe d’Rusya; beynothaye i erişkoyto Mosko, mlanwo mtagliyone dabici…

İşultonutho du Iraq mzaharla Turkiya ma hjome dıksaymolın, u mawdacla dkıtla u zedqo dsaymo u sutoro da narcothayda. Camgabıdathe, mabuce Iraqoye di mşaynutho mawdaclın da nuqazyotho folhoye dımşatsila Turkiya ba narcotho du Iraq mati u menyonaththe l’40 nuqazyotho. İ wazirutho di baroyutho du Iraq, krıhla ahjome folhoye dıksaymolın Turkiya calu…

U rişwazire du Iraq Mustafa Alkazımi bi socurutho dsımle l’Basra mawdacle dlıkowe şutoso dıtocın zayne bu Iraq larwal mu gayso wa haylawotho di mşaynutho du athro. Be bzabno bu mamlo dsımle mawdacle da mdabronwotho da thume du athro qulnaqa gıdmişahılfi . U rişwazire du athro du Iraq sımle socurutho li…

Nafıq taxtuşe qaşye beyn du gayso d’Armenia uda hayle d’Azerbaijan. Hathe inaqla qamaytoyo bıthır mi şato da 2016, dıknofıq taxtuşe qaşye beyn da tıre athrawotho şbobe.  Ba taxtuşani dkımdawmi hani 4 yawme, mawdıc dıqtil hol 15 folhe ma hayle datre athrawothani dkıtne bu tayımno da Qawqaze. Nafıq taxtuşe beyn du…

U rişono di mdabronutho qentrunoyto du gayso d’Amerika Kenneth McKenzie grışle u zuhoro u mırle; U İran kmıstacmıl Suriya leşan a yuthronayde wa nişayde wu rişathro Başar Al Asad, klozım dfohım u medano ğalabe towo.  Bu zuhorano McKenzie makadleste, d’Amerika kımtahqıbo kul harake dkowe bi naşfe bu Madenho Mescoyo ubu…

Agrube mzayne da Maşılmone Şica du Iraq d’Alhaşd Alşacbi, kımdawmi adyoşaththe mqabıl da mdinoye d’Ninwe bu garbiyo du Iraq.  Grub mu Haşd da Şabakoye awkith u grub da’30 d’Alhaşd Alşacbi, ba hjome dsımlın cala bote da mdinoye b’Mawsal, msıklın zıd me 20 farsufe u frıslın i zuctho bayn da nacime…

U waziro di baroyutho d’İtalya dmeqım Franko Frattini, mawdacle dlayto rişone qawye b’gawıd du Huyodo d’Urifi, dkibın dkolın b’fothıd du rişathro dı Turkiya Receb Tayip Erdoğan.  İ hadımto du mawtbo da senatore du parlamento dı Fransa Natali Ğule, tlıbla mu mawtbo di mşaynutho d’Emwotho Mhaydotho dmoyıd fusqono mqabıl di siyase…

Ahfuxye mqabıl du fusqono dmıdle u rejim dı Turkiya calu şuhlofo d’Aya Sofya l’masığdo, b’qaşyutho heş kımdawmi.  Baynothaye, Almanya, Austurya, u athro da İmarat Caraboye Mhayde wi cito Yawnoyto, mawdaclın d’Aya Sofya nuqazto marduthoyto u tawdithoyto ulsoytoyo la Mşihoye ula Maşılmone dıbritho.  Ba hfuxye dkımdawmi calu şuhlofo di bethcatiqutho d’Aya…

İ şultonutho du Iraq mawdacla dkıtla sdirutho camu bank emwothoyo dıbritho, bnişo dmisım u hethotho di daşto d’Ninwe wi fnitho d’Şigur dıshifi ba hjome dsımwole u tukoso marıhbono dı Dacış cal Ninwe i şato da 2014.  Lfuth i wazirutho di galwoyutho du Iraq, i dawsathe gdımsarhıbo bu dcoro da galwoye…

A hayle kaboşe d’Turkiya dkıtne bu garbyo du Iraq, hzelın husrono rabo bu zabno da cuqobe u ba taxtuşe dhawın bakmo yawme haroyani b’Haftanin.  Bi maqırhonutho dhuwle u qentrun du tbocofroso da Haylawotho du Sutoro du Camo-HPG mawdacle, du gerilla qtile 31 folhe Turkoye. Lfuth i maqırhonutho dhuwle u qentrun…

Bu zabno di dawriya da folhe d’Rusya udı Turkiya şafici bu garbay macırbo du qlimo d’İdlıb, sim hjomo dfurqoco aclaye. İmşatasto da zedqe noşoye d’Suriya dıfrısla u tebano mawdacla, bu zabno du furqocano dhawi qariwo lu darbo d’M4, mjarıh mınyono ma folhe da tıre haylani.  Lfuth u tebo dfrısla imşatasto…

İ wazirutho di baroyutho d’Amerika huwla maqırhonutho cali klayto dkıtla mqabıl da haylawotho di mşaynutho d’Emwotho Mhaydotho dkıtne b’Lebnon-UNİFİL. İ wazirutho mırla; A haylani lıkqudri dmamtın i wolithathe li duktho dmaklın a zayne dıkfayti lu tukoso d’Hizballah, u mawxa klozım dmitaklın u dmitahwe  snodo lu gayso d’Lebnon dmakle u Hizballah.…

I wazirto di galwoyutho bi şultonutho du Iraq İvan Fayeq Jabro, tlıbla dmınqıl uhbuşyo d’Telkepe l’larwal da thume di mditho. Bebzabno, Jabro mawdacla dıkrıfdo kulonoyith dmınqoli a yaqrotho d’Dacış dkıtne bi maşritho d’Alhol b’Suriya, li maşritho d’Alcumla dkıtyo bu garbiyo du Iraq.  I wazirto di galwoyutho bi şultonutho du Iraq…

U Huyodo d’Urifi drışle i  aykanoyutho harayto da dawsat dkımhalqo Turkiya.  Bi maqırhonutho dhule u mşalo da esore baroye d’Urifi Josep Borell lu tbocofroso mırle; Ba esore dkıtlan cam Turkiya, klozım dmaydo a timoyutho, a yuthrone wa qonune du Huyodo d’Urifi me qul di cayno.  Bu knuşyo dsımlın a wazire…

U Huyodo d’Urifi krıhle u fusqono dmıdla Turkiya, bi sbutho du şuhlofo di bethcatiqutho d’Ayasofya l’masığdo.  Bebzabno, u qoyumo bu parlamento d’Turkiya mu gabo d’HDP Garo Paylan dmawdacle du fusqonano, yawmo d’haşoyo la Mşihoye. U gabo d’AKP’ste mawdacle dgımkasın a surotho da Mşihoye b’Ayasofya bu zabno di slutho digsaymi a…

Bi yasifutho di awyutho d’6 şutose du cameydan sim tahrazto haytho b’Suroyo tv laşan i mcadronutho da qıryawotho du cameydan dkıtne b’Turcabdin.  U nişo di tahraztathe dmızwın makinat du tetfiyo di nuro la qıryawotho u dayrotho du cameydan dkıtne b’Turcabdin. I tahraztathe mtaybo bıthır ma yuqdone di nuro dkowewo hani…

A hadome du huyodo d’Urifi ESU, wa hadomyotho du huyodo da neşe d’bethnahrin-HNB d’Swisra mtayblın tuyolo da esore qariwo l’Zurich. Bu tuyolano camgabe da muklone dsimi hawi droşe u mamle u esore bayn da hadire. Athmıl yawme dhuşabo a hadome u sanode d’ESU u HNB latimiwo lıhdode bi nuqazto dkıtle…

A hfuxye dımqabıl du şuhlofo di cito d’Ayasofya l’Masığdo kımdawmi. Bi maqırhonutho dhule u mawtbo da citawotho du madınho mıscoyo mırle hano hjomo cali hirutho da tawdiyothoyo. Me gabo hreno u tukoso di kinutho du quyomo da buhone du madınho mıscoyoste rfıdle u şuhlofo di cito d’Ayasofya l’Masığdo di maşılmonutho.…

Farsufo mu camaydan dımsıkwo bi şato da 2016 ma haylawotho du rejim d’Suriya, heş ucdo athi xabro li iqarthayde dmayıth bu zabno da buqore dsimiwo acme.  Samir Kamel Xabbaze dıkmisım taxmin dıqtil bi netije da teşniqe dsimi bhaq dide ba hbuşye du rejim, i şladayde lımasılmo li iqarthayde dıkcayşo bi…

U Hizbullah du Iraq mhadadle a haylawotho d’Amerika dkıtne bu Iraq u mırle hadirene lı qrobo mqabıl da haylawotho d’Amerika. U mşalo d’Hızbullah Abu Ali El Asker bi maqırhonutho dhule mırle ahna gımdawmina u qrobeydan hul dmawfqina a amerikoye mu athreydan du Iraq. A haylawotho d’Hızbulla dkıtne bu Iraq frıslın…

Ba ğuboye di rişqutnutho dhawın bu athro d’Polonya u rişqutno dkıtwe bi wolitho qamır a ğuboye b’mınyono nacimo calu mraşho du gabo Semoloyo liberaloyo u da yaroqe Rafal Trzaskowski. Bi mawdconutho dhule u rişono du şutoso da ğuboye Sylwester Marciniak mırle Andrezej Duda qamır a ğuboye du athro. Ba ğuboye…

Konvoy folhoyo dı Turkiya dkıtyo matcıno buğre u lojistik cabır li fnitho d’İdlıb bu garbay macırbo d’Suriya.  Camgabıdathe, Turkiya mşadarla tarte tayısyotho dkibın zıd m’350 çatawiye li mditho d’Misrata bu athro d’Libya.  İ mşatasto d’Suriya da zedqe noşoye bi maqırhonutho dhula lu tboco froso, mawdacla d’konvoy folhoyo hatho da haylawotho…

U rişono du baro da sniğre  d’Stanbul Mehmet Durakoğlu mawdacle dhıne latne radye calu fusqono dmid bu parlamento d’Turkiya, mawxa gdımdawmi i hfituthathe qum du tarco du bethdino du nomuso esonoyo du athro.  Bu mamleyde mırle: u fusqono dmıdle u gabo di AKP u di MHP  dkıbci saymi şutose mşahılfe…

U polis folhoyo d’Rusya, mhele b’3 hadome da istixbarat oyaroye du rejim d’Suriya.  U mhoyano athi lu huwoyo, cal da folhani du rejim lo kalın qum di nuqazto du duyoqo d’Rusya b’al Mayaden dkıtyo bu qlimo d’Deyr Ezzor. Lfuth u tebo dıfrısla i Mşatasto da zedqe noşoye d’Suriya dkımcaqbo u…

A haylawotho di mşaynutho du Iraq wa tayosyotho du koalisyon Emwothoyo, mabdelın hamle hathto cala gurube marhıbone d’Dacış dkıtne bu qlimo d’Diyala.  U gayso Iraqoyo m’akadle, ba cuqobani dmabdın athmıl bı dukotho frişe du qlimo, mawdıc dmandıf 27 qıryawotho ma marhıbone d’Dacış. Bi mawdconutho dhiwo mu gayso Iraqoyo mawdıc, da…

Hol 40 eqrotho du camaydan du garbyo du Iraq, jbiri dmaxlın a botathe wa qıryawothathe, mcal fothe da hjome uda taxtuşe dkımdawmi beyn da hayle kaboşe d’Turkiya udu gerilla di PKK.  I mawdconuthathe hiwole Faros Yuxanna, dkıtyo bu Mawtbo qlimoyo d’Nuhadra. Mawdıc dan 40 yaqrothani, mahzamlın lğer qıryawotho di hiğmonutho.…

U waziro di zarocutho du Yawnan Makis Voridis bi maqırhonutho dhule calu şuhlofo d’Ayasofya l’masığdo mırle; U bayto d’Ataturk dkıtyo bethcatiqotho, klozım cal xayifo dımşahılfinale l’bethcatiqotho du Sayfo dan 1915.  Bıthır mi sbutho di cito d’Ayasofya dımşahılfo l’masığdo, a esore beyn du Yawnan u d’Turkiya, kımdawmi dmiwatın zıttır.   Bıthır…

Tayosyotho du qrobo dheş latne idice dhayna athrowın, sımlın cuqobe casye cala gurube dıkmısnodi mu İran bu qlimo d’Deyr Ezzor d’Suriya.  Ba cuqobe oyaroye dsimi qariwo l’Albukamal dkıtyo qarıwto la thume du Iraq, mawdıc dıqtil 35 folhe dıkmısnodi mi şultonutho d’Tehran. Bu qlimo d’Deyr Ezzor d’Suriya dkıtyo bu duyoqo da…

U parlamento d’Turkiya, mıdle fusqono du şutoso da sniğre dhowe şutose mşahılfe, ubu şıkılano u şutoso da sniğre kule, dkıtwe meqım ha şutoso kibe dhowe şutose mşahılıfe mene.  Bi sbuthathe mıqa da sniğre labici u mahwelın hfuxye u protestowiye mqabıl di şultonutho, lo manfacle mede u lo mid u renyathe…

Mınyono d’radoyotho folhoye d’Turkiya, cabiri ma thume d’Suriya lıgawe du qlimo du garbyo du Iraq. Bu konvoyano, mawdıc dkıtwo mınyono dfolhe dilonoye du gayso Turkoyo.  Me gabo hreno kmitawdıc, ba taxtuşe dhawın ba yawme haroyani beyn du gayso Turkoyo udu gerilla di PKK bı dukotho frişe d’Haftanin du Iraq, qtil…

Senator hreno d’Australia mdele i maqırhonutho du snodo di mawdyonutho bu qtolğenso dsim calu camaydan, calan Armınoye ucala Yawnoye ban 1915 mi mamlaxtho da Cuthmanoye.  Bi maqırhonutho du snodano dımdele u senator d’Queensland Paul Skar, kmıtlıb di şultonutho federaloyto d’Australia dmıctarfo ba qtolğense dsim cala 3 came Mşihoye. Bu yarho…

Bıthır ma hfuxye du kenşo Emwothoyo, adyawmaste u Huyodo Suroyo d’Urifi ESU frısle buyono u krıhle u fusqono dmıdla athmıl Turkiya, dımşahlıfo i cito catıqto d’Ayasofya, l’masığdo da maşılmone.  Bu buyonano ESU mırle; U fusqonano dmid, dawse hreto lu şuşoto di tahrazto folitiqoytoyo leşan dmisomo Turkiya athro Maşılmono u dmitahto…

Athmıl hiw u fusqono du rişqutno d’Turkiya Recep Tayip Erdoğan, dıtlıbwole dmitahwe mu bethdino celoyo du athro laşan di cito catıqto maktabzabnoyto d’Stanbıl Ayasofya dmişahılfo masığdo di maşılmonutho.  Bıthır mu fusqonano hın athrawotho u şutose mahwelın ilo thınihuthathe mqabıl du fusqonano elo Erdoğan mawdacle d’24 bu yarhano yawme dı cruto…

Qoyume d’gabe mşahılfe du Huyodo d’Urifi, mqadamlın sturye naşife l’Turkiya bu knuşyo dhawi bu Mawtbo d’Urifi, hatta Turkiya maşbıholın bu renyo Nazid d’Almanya.  Ba sturye dsımlın a qoyume tlıblın d’Urifi makılyo a esore dcam Turkiya, u hın menayeste mawdaclın d’Urifi, klozım dmakılyo u snodo momunoyo dkobo l’Urifi l’Turkiya cala dyoşe…

Rusya mawdacla dıksundo aytawyotho dkibın dhowın beyn du rejim d’Suriya udi Mdabronutho yothoyto du garbyo udu madınho d’Suriya.  Bi maqırhonutho dhula i malılto di wazirutho di baroyutho d’Rusya Maria Zaxarova mırla; İ klayteydan, a Kurdoye d’Suriya falqo me d’Suriya’ne dlo floğo.  Bi maqırhonutho dhula i malılto di wazirutho di baroyutho…

U tukoso du yulfono di idactho udi mardutho d’Emwotho Mhaydotho-UNESCO, bi mawdconutho dhuwle mırle; Meqım me dmisım şuhlofo bi ithutho d’Ayasofya, klozım howelan tebe.  U tukoso tibeloyo klozım dmafit hawxa sbutho me qul di cayno u bıthır howe şuhlofo.  İ sbutho da bethcatiqotho d’Ayasofya hawyo sbutho dıkmıdroşo mu tboco froso…

U rişono d’Amerika Donald Trump mawdacle du athreyde grışle i hadomutho dkıtle bu şutoso du hulmono tibeloyo. Bıthır mi maqırhonuthathe u mşalo da esore baroye du Senato du athro Bob Menendez mırle u groşano d’Amerika mu şutoso du hulmono bu zabno dkito u kewo di Corona latyo fusqono bi duktho.…

Ba yawme dşaficina lıkşofacwo yawmo dlıhozinawo ebe i nuro da yuqdone awste dşımcinawo u qolo qawyo da furqoce dkowanwo ba mdinotho mşahılfe du İran.  İ şişaltho da gedşani dlatne qrihe, bu furqoco dhawiwo 25 bu yarho dşaficina bu qentrun folhoyo d’Xoçer athınwo luhwoyo.  U İran b’zabno d’şabtho mharhız bı tlotho…

İ wazirutho du sutoro d’Amerika u Pentagon mawdacla du rişwazire du Iraq Mustafa Alkazimi sniqoyoyo li mcadronutho d’Amerika, wa haylawotho Amerikoye fayoşene bu Iraq.  Camgabıdathe, i wazirutho di baroyutho d’Amerika mbayanla raqme da talafone, laşan baroye dmitahwe mawdconwotho cala gunhe dıksaymilın a noture qawmonoye du İran.  U rişono di mdabronutho…

Rusya wu Sin bu vetto hatho dmıstacmelın, nafiqi mqabıl di tarmitho du fusqono dkımtalbo dmitawrıxo l’zabno d’şato i tahrazto du şedoro da mcadronwotho noşoye l’Suriya bu darbo da nuqazyotho da thume dcam Turkiya.  Bi rmoyto dımqadmo ma tıre athrawotho d’Almanya u Beljika, lımbahıs cal mcadronutho dmitafito mi nuqazto du thumo…

U waziro da sebwotho da came qalile di şultonutho du qlimo d’Kurdistan Aydın Macruf, yatuw cam menyono ma rişone da şutose marduthoye du camaydan u Kaldoyo-Suryoyo-Othuroyo du Iraq.  Bi ytawtathe, atre gabe makadlın dıklozım dmitaqre u makthabzabno da came qalile du qlimo ba kıthowe da şbile da madraşyotho.  U waziro…

Qoyume mu parlemento d’Urifi mzaharlın Turkiye bi egartho dımşadrolın lu mşalo da esoroye baroye du huyodo d’Urifi Josep Borell dkıtyo ba esore cam Turkiya. İ egarthathe dımşadro me 69 qoyume ktılbi mu mşalo da esore dsoyım hboso cal Turkiya calu tworo da qonune dıksaymo. Bi egartho dımşadrowelın a 69 qoyume…

Bu athro Dominiqan dkıtyo b’Amerika i Latinoyto, mnasele ha Suryoyo Marunoyo dhowe rişathro ba ğuboye dı şaficina.  Luwis Abi Nadir dkıtyo bu şerşeyde mu athro d’Lebnon qamır a ğuboye di rişqutnutho da Dominkan meqım ma mraşhe hrene.  Luis Abu Nadır dkıtyo bu şerşeyde mu cameydan d’Lebnon dkıtyo Suryoyo marunoyo bu…

U rişono du zawco d’Babilyon Rayyan Alkaldani, thımle u fatıryarxo di cito Kaldoyto d’Bobel Mor Luis Rofayel Sako bu fasad, cal dkımzabın benyone da waqfat di cito b’timone dlıkşowın li timoyuthathe i makthabzabnoyto.  Bebzabno, Alkaldani dkıtyo farsufo mi cito Kaldoyto thımle hın ma rişone da citotho du Iraq, bu şedoro…

A Ezidoye dıjbıriwo dımgalwın me Şigur, kımdawmi dı ducri la dukothathe dkıtne bi fnitho d’Şigur.  Lfuth u tebo dfrısle u mabuco d’Reuters, 1200 yaqrotho daciri la dukothathe bu yarho d’Hzirın. A Ezidoye dkıtne hedor Nuhadro ba maşıryotho da galwoye u ğer kdocri la dukothathe dkıtlın b’Şigur laşan dımhamın ruhaye mu…

Bıthır ma hfuxye d’Amerika, Rusya, d’athrawotho wu mşale mşahılfe, u hasyo du Yawnan bi maqırhonutho dhule mırle; Turkiya lıkmajıryo dımşahılfo Ayasofya l’masığdo di Maşılmonutho.  Bi maqırhonutho dsımle u hasyo di cito Yawnoyto Leronimos mırle; Turkiya mın dkito b’idotha kmıştacyole, Ayasofyaste ha ma medonani dkito b’idothayo. İ sbutho d’Ayasofya kımdawım dothe…

Bu Qusro Heworo, mıstacımlo athmıl i meltho du qtolğenso bu zabno dıgriş u zuhoro cala gunhe du qatlo dan Armınoye, bi şato dan 1915 bu zabno di şultonutho da Cuthmanoye.  Hathe i naqla qadmoytoyo dıkmitıstacımlo i meltho du qtolğenso dan Armınoye mu zabno dıhkımwole u rişono catiqo d’Amerika Ronald Reagen…

Boğdod mawdacla l’Turkiya dı makılyo ahjome dıksaymo cala thume du garbyo du athro.   U malolo di şıltonutho du Iraq Ahmed Molla Talal bi maqırhonutho dhule lu tboco froso mırle: Turkiya klozım dmaklıyo ahjomayda calu garbyo du Iraq. Be bzabno sımle qroyto la hayle Emwothoye dımhalqi dawsat leşan dımhafdi cala zedqe…

Almanya mawdacla da cuqobe dsımla Turkiya calan arcotho d’Suriya, latne ruşmoye u qonunoye beyn Emwothoyith.  Bu funoyo dhula i mşawronitho di wazirutho du qoyumo d’Almanya li rmoyto dımqadamla i qoyumto Helin Evrim mırla; Uhjomo d’Turkiya cala arcotho d’Suriya latte ruşmoyutho Emwothoyith. Bi rmoyto dımqadamwola i qoyumto du gabo semoloyo d’Almanya…

Lfuth i mawdconutho dıfrısle u tboco froso di HPG da kurdoye qtilın 13 folhe du gayso d’Turkiya bayn du siqumo dı 2 hul 5 bu yarhano d’İlul. Bi mawdconuthathe kmitahke cala hfitwotho dsımle u gerilla mqabıl da folhe Turkoye hayko u bayna zabno simi u kımo folhe qtil. Bi mawdconutho…

Bu zabno du mşalo da esore baroye du huyodo d’Urifi Josep Borel b’socuruthoyo  b’Turkiya u waziro di gawoyutho d’Austurya thımle i şıltonutho d’Turkiya bi qale dhawyo bayn la Kurdoye u la Turkoye bu zabno di taglitho dsimo b’Austurya. U waziro di gawoyutho Karl Nehammer mırle Turkiyayo bıthre du hjomo da…

İ wazirto da galwoye dkıtyo mu cameydan u Kaldoyo-Suryoyo-Othuroyo  İvan Jabro sımla socurutho lıhdo ma qıryawotho da Yezidoye dkıtyo bi fnitho d’Şigur.  Bu mamlo dsımla i wazırto mırla a hayobe dsımlın hawbe mqabıl da Yezidoye kule klozım mıhkomi. Wazırto da galwoye dımnaqyo bi şıltonutho hatho d’Mustafa Alkazemi mabdela a fulhone…

A’osye di mditho d’Albab bu garbiyo d’Suriya, sımlın taglitho du protesto mqabıl di aykanoyutho haruto di mşaynutho, u tlıblın dmitaklın adyoşe dıksaymilın ajatawiye dı Turkiya bıhaq da mdinoye.  Megabo hreno, a haylawotho kaboşe dı Turkiya sımlın hjomo cal kamyon di tagorutho bu darbo emwothoyo d’M4, ube bzabno Anqara mşadarla konvoy…

İ qadişutho du fatıryarxo di cito Suryoyto Marunoyto Mor Bşara Bıtrıs Alraci, sımle sturyo qaşyo arişone folitiqoye d’Lebnon, cal dlımakşarlın hul ucdo d’şorın u kriz momunoyo qaşyo du athro.  Mor Bşara Alraci bi maqırhonutho dhule lu tboco froso, mzaharle mu qedomo da rişone folitiqoye dkowın tırpılto qum di mcadronutho emwothoyto…

U huyodo Suroyo d’Urifi ESU frısle buyono dıkrıhle ahjome dıksaymo Turkiya calu garbyo du Iraq u calu garbay madınho d’Suriya. ESU bu buyoneyde ksoyım qrayto l’Amerika l’Emwotho mhaydotho u lu ray dıbritho dmaklın ahjomani dıksaymo Turkiya cala came. ESU frısle u buyoneyde lu ray dıbritho u la rişone da hayle…

I cito Rusoyto, mahwela hfuxyo mqabıl du plan dkıtla Turkiya cali cito d’Ayasofya.  U hfuxyano mahwe, bıthır mıd u bethdino Turkoyo drışle u plan dmişahlıfo i citathe dkıtyo b’Stanbul, masığdo da Maşılmone. Kmıntırste cal qariwo, dmoyıd u bethdinano fusqono bi sbuthathe d’Aysasofya. I citathe da Bizantoye-Ayasofya dkıtyo mu doro da…

I Maşılmonutho Turkoyto wa Ahunone Maşılmone, kımşakli qento rabo cal Belçika, lfuth u taşroro dıfrısle u Mawtbo di Mşaynutho du athro.  Hıdo ma nuqtotho hrene dıkmşaklo qento bu athro, a yulofe folhoye sinoye dıkhozın yulfono ba bethsawbo du athro d’Belçikane.  Bu taşrorano dıfrısle u Mawtbo di Mşaynutho d’Beljika, kımahwe a…