BRITHO

İ dayonto du bethdino celoyo d’Amerika Bader Ginsburg, nqilo ma hayani mi celtho du kewo du kanser bı cımro d’87 eşne.  Bader Ginsburg dıflıhla 27 eşne xıd dayonto bu bethdino, idictowa ba fulhonayda leşan i şawyutho wi kinutho. U mşalo da dayone du bethdino celoyo d’Amerika John Roberts mawdacle di…

Claymo Suryoyo ma abne du cameydan bcımro d’20 ışne nqil ma hayani bu gedşo du motor bi mditho d’Bruksel d’Belcika  Matiyas Aslan beth Naqshe dkıtyo u abro d’Aziz u Sevim Aslan bu zabno dkıtwe dacoro mu bethsawbo cali Darıxto athi motor mhele ebe bıthır mıd mawbıl la bethkrihe mwayacle a…

Bu hjomo qaşyo dsim b’New York d’Amerika, qtil 2 farsufe u 16 hrene mjarhi. U polis dıkrıhle u hjomano, heş lo qadır dmosık noşo dıkmıthım bu tuyobayde. Ba şoce d’safrayto, sim hjomo qaşyo bu zayno cal lokal dkıtwo ebe hago bi mditho d’Rochester dıknuflo bi marcitho d’New York d’Amerika. Bu…

Amerikaste mayadle u taşroro di sictho şritho da buqore d’Emwotho Mhaydotho, u krıhla kul hawbo dıkmisım mayna grub aw haylo zaynoyo dhowe b’gawıd d’Suriya.  Camgabıdathe, u mathlono Amerikoyo dmeqım du koalisyon emwothoyo mqabıl Dacış Britt MacGurk, sımle sturyo qaşyo u rişono d’Amerika Donald Trump cal dıgrışle ahaylawothayde mu garbay madınho…

U rişızgado d’Amerika b’İsroyel Deved Fridman, mawdacle du qrobo Caraboyo İsarloyo gıdtoyım b’zabno dıkmo yarhe yaste b’zabno d’şato bu zyudo dkulle.  Mxasra hreto u rişızgado Amerikoyo bu Iraq Mathyo Toler, mawdacle da hjome dıkmisomi cali fnitho Yarıqto d’Boğdod kıtlın u nişo dmaciqi i şultonutho d’Mustafa Alkazimi.  U rişızgado d’Amerika b’İsroyel…

Bu mamlo şatonoyo dsımla i rişonitho du Mawtbo du Huyodo d’Urifi Ursula von der Leyen mzaharla Turkiya calu qedomeyda li sbutho du Yamo Mescoyo u mırla; Turkiya athumeyda xıd jeoğrafya kmotın l’Urifi, elo bu dumyo dıksaymo ucdo, kımarhıqo ruha me Urifi.  Bebzabno ba droşe dhawın bu parlamento d’Urifi, bu zyudo…

Bi sbutho du qetro du Yamo Mescoyo dnafıq cam Turkiya, bıthır me Fransa ucdo Amerikaste mşadarla hıdo ma sfinothayda du qrobo lu yamo Mescoyo.  Me gabo hreno i wazırto du sutoro d’Fransa bu mamlo dsımla la folhe mawdacla, d’Fransa gıdmşadro hıdo ma sfinothayda dkıtyo bu yamo Mescoyo la thume du…

Bu mamlo şatonoyo dsımla i rişonitho du mawtbo du huyodo d’Urifi Ursula von der Leyan mzaharla Turkiya bu qedomeyda li sbutho du yamo mıscoyo u mırla Turkiya a thumeyda xıd cografya kmotın l’Urifi elo ba dumyo dıksaymo ucdo Turkiya marhıqo ruha me Urifi.  Bebzabno ba dıroşe dhawi bu parlemento du…

U rişono d’Amerika Donald Trump bı qrihutho, mawdacle dkıtwole tahrazto du qatlo du rişqutno d’Suriya Başar Alasad.  Trump bi maqıblonutho dsımle acme u froshezwo d’Fox News, mawdacle di tahraztathe lımafito la haye, calu du waziro du sutoro dmeqım Jeyms Matti rfıdwole u medano.  Athmıl u rişono d’Amerika Donald Trump bi…

Umawtbo di mşaynutho d’Emwotho Mhaydotho mıdle fusqono calu mnoco du tecbiro u du zebono du zayno lu athro d’Libya.  Bi itawyathe dı drışlın i aykanoyutho du athro d’Libya mıdlın fusqono da haylawotho dkıne b’zuze u mşadre ma hayle baroye klozım nıfqi mu athro.  Bu knuşyo du mawtbo di mşaynutho d’Emwotho…

Farsufo ma abne du cameydan u Kaldoyo mraşıh dmoyıd duktho bu Kongres d’Amerika mawdacle u rişono d’Amerika  Donald Trump bu dafeyde du twitter.  Eric Eshaaki dkıtyo ma abne du cameydan u Kaldoyo du Iraq u babo ba şawciyat mgalwewole l’Amerika. Erik Eshaaki dkıtyo babo d’2 nacime, kıtle fulhono di sniğrutho…

U rişono d’Amerika Donald Trump b’zuhoro qaşyo mhadadle u İran dgıdmitahwele funoyo qaşyo b’alfo naqlat, ida dımnasyo Tahran dhıjmo cala yuthrone d’Amerika bu madınho mescoyo xıd myodo du hayf du qatlo du rişono d’Faylaq Alquds Qasem Sulaymani.  Camgabıdathe, u waziro di baroyutho d’Amerika Mayk Pompeo sımle sturyo u athro dı…

Mısır u Armenya matın l’awyutho dmancımi u dawro dıkmıştacın a’hayle baroye bi sbutho du kriz d’Libya u d’Suriya.  Camgabıdathe, Rusya u Mısır matın l’awyutho dıklozım dmışrın agrube mzayne kulle d’Libya, u dmitawfıqi ahaylawotho nuxroye mu athrano.  U rişqutno d’Mısır Cabdılfattah Alsisi mıstaqbele athmıl bi mditho d’Alqahira, u waziro di baroyutho…

Bu zabno haroyo bu athro du Swed kmıfrıs tebe mşahılfe cala qatle u cala qalat dkowe bayn da gurube dıksaymi qale bayn dıhdode mawxa a mqimdayone kmawdıci dlaw kmalhıqi la bethdayone.  Ba zabne haroye mşarewolın a droşe da gurube da caşıryotho dkito zıttır me 40 gurube bu athro. Ba tebe…

A netijat da guboye qlimoye bi marcitho d’Nord Rhein Westfalen (Nord Reyn Westfalın) d’Almanya nafiqi.  Ba guboyani dkıtwın qlimoye, kıtwo mraşhe Suryoyestene.  İ mditho dı Gronau d’Almanya, cabır 3 hadome Suryoye lu Mawtbo di karxutho u 3 Suryoyestene lu mawtbo di mlahmonutho di mditho. Athmıl dkıtwe yawme d’Huşabano, simiwo a…

U athro du İran mtayable tahrazto du qatlo di rişathizgadtho d’Amerika dkıtyo b’Afrika i Tayımnayto komır u tbcoco froso.  Lfuth a istixbarat d’Amerika u İran laşan mıthnaqım tole u hayf du qatlo d’Kasım Suleymani mtayabla tahrazto dı qutlo i rişathizgadto d’Amerika. Lfuth i sfaryawmo Politiko u athro du İran kımhaydır…

Navid Afkiri dkıtwe ha ma athlete idice du İran, şniq athmıl bu İran.  U şnoqano d’Afkiri dıkmıthamwo bu qatlo dı fqido bu zabno da tagliyotho da 2018, xlıqle hfuxye Emwothoye mqabıl di şultonutho d’Tehran. U athlet idico du İran Navid Afkiri dkıtwe 27 eşne u dıkmıthamwo bu qatlo dıha fqido…

Me gabo hreno hadomo di mdabronutho du Mawtbo Maşılmono b’Malmö du Swed, maşkele cal mınyono d’barmothoye Swedoye dkıtne bu şerşo Turkoye, la pwelıs d’Turkiya.  Ha ma farsufani ftiho dacwa bhaq dide b’Turkiya, cal dımhaqarle u rişqutno Turkoyo Recep Tayyip Erdoğan. Agzome du rejim d’Turkiya, latne belhude mqabıl da bnaymothoye dıkhoyın…

U waziro di baroyutho d’Amerika Mike Pompeo dsımle socurutho li gzırto d’Qufrus mırle; Amerika ktucno ğamo rabo cala fulhone dıkmaşyo Turkiya bu haqlo du energi bu yamo Mescoyo.  U waziro Amerikoyo, sımle qroyto li şultonutho d’Ankara dmaxifo u hboso wi hırara dı xlıqla bu qlimano u tlıble dan athrawotho du…

Senator hreno d’Australia mıdhela i maqırhonutho du snodo di mawdyonutho bu qtolğenso dsim calu camaydan, calan Armınoye u cala Yawnoye mi mamlaxtho da Cuthmanoye ban 1915. İ senatore du macırbo d’Australia Louise Pratt, snıdla i maqırhonutho dcali mawdyonutho bu Sayfo dsımla i mamlaxtho da Cuthmanoye ban 1915. İ senatore federaloyto…

Bi sbutho di mwatyutho dkito bayn Turkiya u la athrowotho şıbobe du yamo mıscoyo mıqa dkothe ksaydi a hfuxye dımqabıl d’Turkiya, me gabo a 7 athrawotho dkıtne şıbobe du yamo maqrahlın d’Urifi hadırtoyo dmahto tadbire cal Turkiya u me gabo u waziro di baroyutho d’Amerika Mike Pompeo maqrahle dı Turkiya…

Zıd me 500 Mşihoye bu athro d’Etiyupya qtili b’şıkıl barbroyo bu qlimo d’Oromya.  Ahjomani dsimi ma Maşılmone tuxmonoye du grub d’Oromo, athın luhwoyo xıd tloyo du hayf du suikast du qatlo du zamoro mşamho Haşalo Hondisa dkıtyo mu grub di caşırto etnikoyto rabtho d’Oromo.  29 bu yarho dı Hzirın dşaficina,…

U Sin wu Hınd matın l’awyutho dımhalqi dawsat du şlomo u di şalyutho ba thume di fnitho d’Himalaya dheş kito qale acla bayn da tıre athrawotho.  U qyomano bayn du Sin wu Hınd athi luhwoyo bu knuşyo dsim bi mditho d’Mosko bi mıştawtfonutho dı tıre mşale rabe ma tıre athrawotho.…

U Huyodo Caraboyo krıhle a mudaxalat dıksaymo Turkiya ba sebwotho gawoye da athrawotho Caraboye, u tlıble m’Ankara dgurşo a haylawothayda me Suriya, mu Iraq u me Libya.  Camgabıdathe u Huyodo Caraboyo, rfıdle u talab d’Fleşt dmıkrıh u qyomo du şlomo dımde beyn da İmarat Caraboye Mhayde udu athro d’İsroyel.  Bi…

U yuqdono d’nafıq bi gzırto d’Lesbos, mahrawle i maşritho rabtho da galwoye dkıtyo bu Yawnan.  Yawme d’Arbco b’lalyo, nafıq u yuqdonano bi maşritho d’Moria u heş adyawma, qadiri dmatfın i nurathe, dhawyo celtho da galwoye dfayşi dılo bote. Bi maşrithathe kito hol 12 alfo galwoye dımrajaclın galwoyutho lan athrawotho d’Urifi.…

Bu istatıstik dıfrısle u koalisyon Emwothoyo dkıtyo bi rişonutho d’Amerika mahwele, du ağunayde mqabıl du tukoso marhıbono d’Dacış, heş kımdawım walaw law fayış dukotho bu duyoqayde.  Ba buhonani dsımle u koalisyon mahweleste, du ağuno mqabıl d’Dacış bu Iraq kımdawım, elo u ağunano naqıs ışmo b’Suriya bi şato haraytathe. U koalisyon…

Bu athro du Swed bu zabno haroyo kowe droşe cali aykanoyutho da grube da caşıryotho u bebzabno, cala qatle, amhoye zaynoye, i tagorutho da gelone mtanwone u ğer fulhone bişe dıkmaşın a grubani.  Bu zabno dkito a droşaniste, kımdawmi a zawce du tewqido du qurcan ba mdinotho du athro mu…

U şutoso tawdithoyo d’Port Ovrit dlatyo masro cam şultonutho, mawdacle d’hedor 260 mılyune Mşihoye bı britho hawın nişo l’rdufye qaşye bi şato da 2019. Lfuth u taşroro dıfrısle u şutosano u Protestanoyo, u menyono da Mşihoye dıqtili bıbritho walaw naqıs i şato dşaficina, elo u menyono dıkmırdofi zayıd lfuth i…

Bi sbutho da droşe dkowın cali maqırhonutho dsımwole u rişono d’Pwelıs du Sved dmırwole kito gurube bu Swed dkıtne mşatse cali şetısto da caşıryotho da yaqrotho kımdawmo u ba droşani kmıgrış u zuhoro cala gurubane dkıtne nuxroye. Me gabo hreno bi sbutho da şğuşye dhawın calu tewqido du Kurcan b’Rosnegurd…

U athro di Scudiye mıdle fusqono du hbuşyo bhaq d’8 farsufe dıkmıthomi bu qatlo du gelyunoro Jamal Xaşıqçi. Megabo hreno, Turkiya hkımla 40 naqlat hbuşyo aminoyo bhaq du marıhbono dıqtiwole 39 farsufe bu hjomo mzayno dsımwole cal gazino bu lalyo di rişıdşato da 2017. U bethdino di Scudiye athmıl mıdle…

U abro d’İsa Kerimo u Rani Kerimo b’cımro d’37 ışne mwayacle a hayeyde b’gedşo di radayto dsımle bu zabno dı nafıqwo mu bayto me Södertelje azolowe l’Yerna bı sbutho d’fulhono. U mnohnafşo dkıtle tıre ahunone hrene u abro d’İsa u Jaklin karimowe. Yawme dı şabtho safrayto bu zabno du mnohnafşo…

Yawme dhuşabo 6 bu yarhano u efetrufo fatıryarxoyo di marcitho du Swed Mor Diyosqoros Benyamen Ataş masrahle kohno hatho li cito d’Mor Fetrus u Fawlus dkıtyo bi mditho d’Trolhettan du Sved. U şamoşo ewengeloyo Stefanos Guven masrıh lu darğo di kohnutho laşan dımqadım teşmeşto bi cito Suryoyto Ortodoksoyto bi mditho…

Bi maqırhonutho dsımle u rişono da pwelıs du Sved Mats Löfving dmırle bu Sved kito bu noquso 4 gurube dkıtne caşıryotho bu athro du Sved mabdele droşe qaşye bayn da gabe u mşalo du athro. Ba mamle dhawın baynothaye u rişwazire du Sved Stefan Löven kımi klozım mimıd tadbire qaşye…

U athro da İmarat Caraboye Mhayde u İsroyel matın l’awyutho dımşatsi koalisyon awkith dhowın bnayqıyome dıhdode mqabıl du İran. Megabo hreno, u mawtbo da caşıryotho Caraboye du Iraq mawdacle da grube mzayne dıkmısnodi mu İran, i celtho du şğuşyo dkito bu haqlo di mşaynutho du Iraqne. U waziro di baroyutho…

Bu zabno dıkquşyo i mwatyutho beyn Mısır u Turkiya, u waziro di baroyutho d’Mısır Sameh Şukry hawile droşo camu baramnayde da İmarat Caraboye Mhayde Abdullah bin Zayed cala şuşote haroye du yamo Mescoyo.  Me gabo hreno mawdıc, da hayle d’Turkiya u du garbyo d’Qufrus, gıdmabdın adyawma tadbiqat folhoyo mşawtıfo bu…

A hfuxye wa maqırhonwotho mqabıl du rişqutno d’Turkiya Erdoğan, yawmo cal yawmo kzaydi. Bu zabno haroyano u rişono du parlamento d’Urifi wu rişwazire d’Austurya, mahwelın hfuxyo mqabıl da zawce dıkmaşyo Turkiya bu yamo mescoyo.  U rişwazire d’Austurya Sebastian Kurz bi maqırhonuthayde mırle: Erdoğan kmıstacmıl abnaymothoye d’Turkiya dkıtne b’Urifi, leşan u…

Qoyumo hreno d’Australia mıdhele i maqırhonutho du snodo di mawdyonutho bu qtolğenso dsim calu camaydan, calan Armınoye u cala Yawnoye mi mamlaxtho da Cuthmanoye ban 1915.  Qoyumo Warren Entsch dkıtyo me Queensland u folho catiqo, ha ma folitiqore rişoye dıksonıd a zedqe da qalilothoyo. U qoyumo d’Leichhardt d’Australia Warren Entsch,…

Farsufe mu cameydan mraşahlın ruhaye la guboye dıgdowın bıhdo ma 16 hiğmonwotho du athro d’Almanya dkıtyo Nordrhein-Westfalen.  A ğuboyani dkıtne qlimoye da Mawtbe da karxwotho, bu zyudo b’Gutersloh u hedora u bı Gronau u hedora, farsufe mu cameydan mraşahlın ruhaye.  A guboye qlimoye da Mawtbe da karxwotho dıgmisomi 13 bu…

Bi maqırhonutho dhuwle u rişwazire d’İsroyel Benyamen Netanyahu mawdacle, dan athrawotho d’Serbia u d’Kosovo gıdnuqli a rişayizgadwothathe me Tel Aviv li mditho d’Urışlem.  Camgabıdathe da şuşotani dkowın beyn İsroyel u dhın man athrawotho Caraboye, a Bahrainste mawdacla dıgdobo ucdo aftho la tayosyotho mdinoye d’İsroyel u da İmarat Caraboye Mhayde, dfayiri…

Bu knuşyo du Mawtbo di Mşaynutho d’Emwotho Mhaydotho u waziro di baroyutho d’Danmark, sımle sturyo qaşyo u rişqutno dTurkiya Recep Tayyip Erdoğan bi sbutho du kboşo dan arcotho d’Suriya u ğer dukotho  U waziro di baroyutho d’Danmark Anders Samwilson bi maqırhonutho dhule lu tboco froso, thımle Turkiya dkıtyo athro ganoho,…

Me gabo hreno u rişwazire du athro d’Austurya bi maqırhonutho dsımle mırle ahna lıgmanhıtina katfo la teştıcınye u la tahdide dıksoyım Erdoğan acleyna bi sbutho di mwatyutho dkito bayn l’Turkiya u lu Yawnan.  U rişwazire Sebastian Kurz bi maqırhonutheyde mırle ahna gıdnıfqina moro li morutho du athro du Yawnan. U…

U mathlono d’Emwotho Mhaydotho b’Suriya Geir Pederssen bi socurutho dsımle li mditho d’Mosko, yatu camu waziro di baroyutho Sergey Lavrov.  Bi ytawtathe, Pederssen mawdacle da ytawyotho di sictho du nomuso esonoyo dıkmitaybi b’Çenev, kşıfci ucdo bı muzoğo msimono.  U mathlono d’Emwotho Mhaydotho b’Suriya Geir Pederssen wu waziro di baroyutho Sergey…

Isbutho du tewqido du qurcan kımdawmo dmıdroşo bu tboco froso du athro du Swed d’Danmark u bebzabno u rişwazire du Swed Stefan Löven hule maqırhonutho dıgnofıq mqabıl du medano.   Bıthır ma maqırhonwothani dsımle Rasmus Paluden dkıtyo mu gabo d’Stram b’Danmark u gabeyde kzaydi a qoleyde u kibe dcobır lu parlamento…

U waziro catiqo du sutoro d’Australia u qoyumo hreno du athro mdelın i maqırhonutho du snodo di mawdyonutho bu qtolğenso dsim calu camaydan, calan Armınoye u cala Yawnoye ban 1915 mi mamlaxtho da Cuthmanoye.  Bi maqırhonutho du snodano dımdele u waziro catiqo du sutoro d’Australia Joel Fitzgibbon wu qoyumo Andrew…

Mşale da tukose du camo Armınoyo, Qufrusoyo, Kurdoyo u Mısroyo dıkhoyın b’Britania, mşadarlın egartho mşawtafto lu rişwazire Boris Johnson cali sbutho da dyoşe dıksaymo Turkiya bu yamo Mescoyo.  Bi egarthathe a tukose da camani b’Britania tlıblın mu rişwazire Johnson, dsoyım hboso cal Anqara leşan dmakliyo a camle wa hawbe dıksaymo.…

Romania maklela sfitho, dcabiro mi Latqiye d’Suriya lu lminayda d’Konstanta.  Bu cuqobo dsim cali sfitatheste, mqafe eba ton u falge d’gelone mtanwone dıkmote u timathe bi şuqo lhol 80 milyone euro. A pwelıs du lmino d’Constanta b’Romania, mahıtlın meqım 2 yawme ido cal kmoyutho rabtho d’captagon dkıtyo şıkıl d’amphetamin dıkmıstacmıli…

Bu taşroro dıfrısle Pentagon bhaq da fulhone folhoye d’Afriqa, mawdıc d’Turkiya mşadarla zıttır me hamşo alfo marhıbone d’Suriya lu athro d’Libya, bnişo dımcawni i şultonutho d’al Wifaq dkıtyo bi rişonutho d’Fayez al Sarraj.  Me gabo hreno bu mamlo dsımla i mathlonitho d’Emwotho Mhaydotho bi sbutho d’Libya Stefani Wilyams makadla, dıkmidawım…

Adyawma mşarele u bethdino d’14 farsufe marıhbone dıkmıthomi dkıtlın mşalutho calu hjomo mzayno dsımwo cali sfaryawmo Franşoyto du karikatör d’Şarli Ebdu bi erişkoyto bı Paris. U bethdinano kmamte lu bolo uhjomo marıhbono dsımwo meqım hamış ışne, u dımathewole şuroyo di şalqa du cnufyo u di marıhbonutho dsimowa bı Fransa ma…

I fatıryarxutho d’Antiyuxia u dkule madınho di cito Suryoyto Ortodoksoyto, sımla u futoho d’ferco hatho du majıster bu haqlo da yulfone tawdithoye u di thiyoloğiya bi bethsawbo d’Logano bu athro d’Swisra. U futoho du fercano athi luhwoyo bu lumodo emwothoyo dımtayıb bu darbo du nawlo cali aykanoyutho da Mşihoye bu…

Bıthır me taxtuşe u mhoyo dı soruhe bıhdode  ucdo İsroyel wu gurub da Fleştoyo d’Hamas sımlın şalyuthzayno. Bi mawdconutho dıfriso kmitawmır bi mıscoyutho dsımle u mşalo di tarmitho du tecmiro d’Qatar b’Gazze Muhammed El İmadi matın lı şalyuthzayno. Bi maqırhonutho dhule u mşalo d‘Gaze d’Hammas Yahya Sinvar mawdacle d’bi mıscoyutho…

İ mşatsonitho d’Suroyo tv wi emo da mşatsone Meryem Yalçin, nqilo ma hayani bi mditho d’Södertelje du Swed b’saybutho tawto.  İmnohto dkıtwa rohumto du cameyda u du athreyda qulnaqlaste mahıkyowa cal sebwotho du Sayfo, dşamicowa ma sohude du qtolğenso. İmnohto Meryem mawlodawa ban 1931 bi qritho d’Gremira d’Turabdin, me abohe…

Farsufo qtil u ba casrowat dıhrene mjarhi, ba taxtuşe dhawın beyn da mtagliyone sanode u saqıbloye du rişono d’Amerika Donald Trump. Bu zabno di taglitho dsımlın asanode du rişono Amerikoyo, qtil farsufo b’Oregon bıthır mıd qayithi ba mtagliyone saqıbloye d’Trump b’Portland. Amtagliyone saqıbloye du zawco dıksundi a kome dıqtili ba…

Mısır msıkla u rişono du gabo dan Ahunone Maşılmone Mahmoud Ezzat dkıtyo cımre 76 eşne u dıkmıthım bu qatlo dı mşale u rişone frişe du athro.  I wazirutho di gawoyutho d’Mısır makadla umsoko du rişono du gabano dıkmifaşıq xıd tukoso marhıbono. Lfuth i maqırhonutho dıfrısla i wazirutho di gawoyutho d’Mısır,…

A İmarat Caraboye Mhayde, fsıqlın dmaqimi u boykott momunoyo dmahıtwolın cal İsroyel. Bu şıkılano, kibın a farsufe wa şırak da İmarat dmodın qyome di tagorutho cam İsroyel.  Bebzabno Tel Aviv mawdacla, dkıtla sabro du zawho dgımisım b’Woşington xıd remzo dımcadli a esorathe cama İmarat Caraboye, dmisım b’falge du yarho d’İlül…

Qoyumo hreno d’Australia mdele i maqırhonutho du snodo di mawdyonutho bu qtolğenso dsim calu camaydan, calan Armınoye u cala Yawnoye ban 1915 mi mamlaxtho da Cothmanoye. Bi maqırhonutho du snodano dımdele u rişono dcala Sicotho di galwoyutho u dcala came şerşoye bu parlamento d’Australia Julian Leeser, kmıtlıb di şultonutho federaloyto…

Bi sbutho di mwatyutho dkito beyn du Yawnan u d’Turkiya, i rişathwazire d’Almanya Angela Merkel ğalabe qriho mbayanla iklayto dkıtla u mırla; Ahna bi sbuthathe gıdsundina u Yawnan en dhowe mede.  Bu mamlayda Merkel mırlaste; lo belhude Almanya elo anathrawotho d’Urifi kulle kıtlın i mşaluthathe leşan u athro du Yawnan.…

U Mawtbo Umthoyo d’Bethnahrin-MUB, frısle egartho d’buyoe li iqartho d’Şamcun Tok Beth Haddo.  İ sictho di rişonutho du Mawtbo Umthoyo d’Bethnahrin kımmo; ktulbina sabro la yaqrotho d’Beth Haddo u Budak u kımqadminalın a buyoeydan. Bi egartho da buyoe dıfrısla i Sictho di rişonutho du Mawtbo Umthoyo d’Bethnahrin-MUB ba melani kımşaryo;…

Bıthır mıd mawqıd qurcan da Maşılmone b’Rosengård di mditho d’Malmö du Swed, mtayıb tagliyotho u nafıq taxtuşe qaşye beyn da Maşılmone u du polis.  Cala taxtuşani dhawın athmıl, maqwele adyawma u polis Swedoyo i ithuthayde leşan u duyoqo di mşaynutho di mditho. Athmıl yawme dı Cruto, mido ihirutho dbeyn 10-20…

U waziro di baroyutho d’Amerika Mike Pompeo hule maqırhonutho cala tedbire dkıbco Amerika dmahto calu İran.  Bıthır mıd u fusqono du tehito da tedbire dcalu İran lo fayıt b’Emwotho Mhaydotho, fsıqla Amerika dmahto tedbire calu İran 20 bu yarho d’İlül dıbqamuthayna.  İsbutho di mwatyutho dkito beyn du İran u d’Amerika…

İ wazirutho di baroyutho d’Amerika tlıbla me Turkiya u mu Iraq, dhowın sanode bi sbutho dmişatıs mdabronutho dilonoyto li fnitho d’Şigur bu garbiyo du Iraq.  Megabo hreno, i mdabronutho d’Ninwe fsıqla dmişatıs sictho qentrunoyto leşan u bnoyo u hethotho d’Şigur. U waziro qamoyo dkıtyo mşalo ba sebwotho du madınho mıscoyo…

U Huyodo d’Urifi maslamle 336 mılyune krone li şırke d’Astra Zeneca xıd tehwiyo da zuze qamoye, leşan u samono u darmono mqabıl du kewo d’Corona.  Bi maqırhonutho dhule u mathlono di şırke mırle; Bu qyomo dımdelan cam Urifi gıdobolan 300 mılyune leşan a darmone l’Urifi.  Bu qyomo dhawi bayn da…

U rişono d’Katalonia, mhanele u mıştacyono idico di esfirreğlo Leo Messi calu zabno dmafıtle bi gudo d’Barselona.  Qwim Torra makadle, d’Messi mıştacyono ğalabe towoyo bi esfirreğlo wu camo d’Katalonia  fsihoyoyo lu gado dhawilın camu mıştacyono towo di esfirreğlo dı britho. U rişono di marcitho d’Katalonia Quim Torra, frısle egartho bi…

U yaminoyo qaşyo d’Zelanda i Hathto mjaze cımre kule lu hbuşyo calu hjomo dsımwole meqım şato cal tıre masığde b’Christchurch. U marhıbono Brenton Tarrant dsımwole uhjomo qaşyo cala Maşılmone bi mditho d’ Christchurch d’Zelanda i Hathto, hkim cımre kule lu hbuşyo u lo hiw ele mkono dmitarfe meqım mu zabnayde.…

 Fransa, İtalya, Yawnan u Qufrus, mabdelın tadbiqat folhoyo mşawtıfo bu macırbo du yamo d’Qufrus. U tadbiqatano da hayle du yamo dan arbco athrawotho mşarele athmıl, wu ramhıl kmıntır dtoyım.  U tadbiqatano sim bu taro di methcadronutho dhawyo beyn dan arbco athrawothani calu hboso u cali mwatyutho dıxliqo bu yamo Mescoyo.…

Me gabo hreno i malılto di wazirutho di baroyutho d’Amerika Morgan Ortegas bu mamlo dsımla mırla en Erdoğan dımdawım ba itawyotho dkıtle cam marıhbone d’Hammas inaqayo gıdfoyış hiye lruhe bu madınho mıscoyo. Amerika bu zabno haroyo ksaymo maqırhonwotho mşahılfe mqabıl di siyase dıkmaşe Erdoğan cama athrawotho du madınho mıscoyo. Ba…

U malko d’Yurdnon, u rişqutno d’Mısır wu rişwazire du Iraq sımlın knuşyo bi mditho d’Camman. Bayn da sebwotho dıdrişi bi ytawtathe, atlotho rişone bu zyudo dkulle kalın cali sbutho du şlomo cam İsroyel. U malko d’Yurdnon Cabdalla Trayono, mıstaqbele athmıl bu qusrayde bi erişkoyto d’Camman, u rişqutno d’Mısır Cabdılfattah Alsisi…

Bi mditho d’Kinoşa bu qlimo d’Wiskonson b’Amerika, hawi şğuşye u taxtuşe qaşye bıthır mdıqtilın a pwelıs farsufo hreno komo. Bi netije dqaşın ataxtuşani, u rişono Amerikoyo Donald Trump tlıble dmıfrıs noture athronoye laşan dımamni i mşaynutho bu qlimo d’Wiskonson. Meyawme d’huşabo uhul ucdo, aşğuşye wa protestawiye dımşarelın mditho d’Kinoşa bu…

Atagılyotho du protesto hani arbıco yawme kımdawmi mqabıl di şultonutho d’Alwifaq bi mditho dı Tarablos bu athro d’Libya. Amtagılyone dkımtalbi dmınfıq mqabıl du fasad u dmicadlo i aykanoyutho di ciyeşe yawmonoyto, mtawaqlınste u bayto du rişwazire Fayez Alsarraj. Ba vidyowiye dıkfırsilın ahfite dı Tarablos ba dafe du Facebook, kmahwe da…

İ sbutho du kroxo du nafto u du gaz  bu yamo mıscoyo mamtela Turkiya wu Yawnan lı darğo dı qrobo metul dkul yawmo ksaymi maqırhonwotho u tahdide mqabıl dıhdode, u be bzabno atre tarafe manhatlın a sfinothathe du qrobo lu yamo mqabıl dıhdode. Me gabo hreno u waziro di baroyutho…

Bi sbutho du kewo di corona mu yawmo qamoyo mıdraşwo u sistem du athro du Swed dsımle dkıtwe frıştır ma athrawotho dı britho dılo mahıtle u athro kule bu hbuşyo hulmonoyo.  Ucdoste ba buhone  dsimi bu swed mahwele d’3700 farsufe athele funoyo fawdo komır Ola Vinkvist u mşalo du labratuwar…

Bu athro d’Tunıs mşatıs şultonutho hathto teknoqrat bi rişonutho d’Hişam Almışeşi, bnişo dmaqwiyo u momuno hariwo du athro, u dfırşo ruha ma krize folitiqoye dkito bu qlimo.  Megabo hreno, u athro d’Aljazaer mawdacle ha bu yarho dı Teşrin u Haroyo dıbqamuthayna gıdmisım funcomo calu nomuso esonoyo hatho dıkmaqwe i demoqratoyutho…

U gayso athronoyo d’Libya bi rişonutho d’Xalifa Haftar, bayn da şartat dımbaynile laşan dhowe şlayuthzayno cami şultonutho d’Fayez Alsarraj, tlıble dmışrın anuqazyotho folhoye dı Turkiya u dgurşo ahaylawothayda me Libya.  Camgabıdathe, atagılyotho du protesto mqabıl di şultonutho d’Alwifaq kımdawmi bi mditho dı Trablos b’Libya, wa mtagılyone ktılbi dmitadre Alsarraj mi…

U Yawnan huwle şudoyo, dgımdafıc ruhe mqabıl d’Turkiya. Bu zabno di mwatyutho kımdawmo dıquşyo beyn du Yawnan u d’Turkiya cali sbutho du nafto bu yamo Mescoyo, atre athrawotho mzaharlın naqla hreto hıdode.  Ham u Yawnan u hamste Turkiya mawdaclın, dgımtaybi tadbiqat folhoyo du yamo qariwo li gozarto d’Grit. Cali mwatyuthatheste,…

U bethsawbo d’Mırde d’Artuklu mawdaclın dıgfıthi dawrat du yulfono du leşono suryoyo ba lecze dkıte calu darbo du nawlo, mawxa me kul duktho kibın afarsufe dyılfi u leşono Suryoyo.  Me gabo hreno i şultonutho d’Monğolia mawdacwola bu yarho d’Odor dı şafıcina, dkıtla tahrazto dımşaryo dmıstacmılo naqla hreto i alfabet-i olaf…

U mawtbo Umthoyo d’Bethnahrin frısle egartho da buyoe bi munasabe du şunoyo du babo  di hadımto di mdabronutho d’MUB Lamca Çelik İsa Yıldız be Şahiko.  Bi egarthathe MUB kmahke cali mothonyutho du mnıhnafşo, u kımqadım a buyoe li hadımto di mdabronutho u li barthzawgo du mnoho u li iqartho kula.…

Amuroye di esfireğlo du Cahampionslig dımtaybi bu athro du Portugal kamili.  İ gudo d’Bayern Minshen bu gol dımhalaqla mqabıl di gudo d’Paris Sanjerman, maclele u koso di turnuwathe dıkmisomi naqla hıdo kul şato.  Bi netije da tedbire dmidi mqabıl du virus d’Corona, amuroye di esfireğlo Cahmpionslig dmaklanwo l’zabno, mdawamwolın bıthır…

Lfuth a tebe haroye dkothın mu athro d’Kore i Garbyoyto u rişono Kim Jung Un cabır la bethkrihe wa hayeyde bu qento du mawtone.  Lfuth atebani meqım kımo yarhe u rişono maslamwole a wolyotho wa mşablonwotho du athro kule li hotheyde Kim Yo Jong. Me zabno karıx kborım tebe bhaq…

U Yawnan wa İmarat Caraboye Mhayde, gıdsaymi tadbiqat mşawtıfo. Mawdıc da hayle oyaroye da 2 athrawotho, gıdsaymi u tadbiqatano qariwo li gozarto d’Grit.  U tadbiqano dgımşare bi şabthathe dıbqamuthayna, kmisım b’zabno dıkquşyo i mwatyutho beyn du Yawnan u du athro şbobo Turkiya cali sbutho du yamo Mescoyo. A İmarat Caraboye…

Bıthır me Emwotho Mhaydotho u Mısır, ucdo u Huyodo d’Urifiste bı fsihutho mıstaqbele u plan di şalyuthzayno dımqadım ma mşale d’Libya bnişo dmitakle u kriz du athro.  U Huyodo d’Urifi mawdacle, di şalyuthazyno b’Libya dawse ulsoytoyo dıktofık u athro laf qıddam, u dıkmahwıyoste u fusqono kamilo dkıtte a rişone d’Libya…

U Mawtbo di rişqutnutho di şultonutho d’al Wefaq d’Libya mawdacle, dmaklın a taxtuşe u sim şalyuthzayno banarcotho d’Libya kulle.  Bebzabno, i şultonutho d’al Wefaq sımla qroyto dmisomi a guboye di rişqutnutho wa guboye du parlamento du athro bu yarho d’Odor bi şato dıbqamuthayna. I maqırhonuthathe, bı fsihutho mıstaqbılo me Emwotho…

Bıthır me zabno d’Suroyo tv u wu frosqolo du cameydan Suroyofm kfırsi tebe cala dyoşe u barbroyutho dıkseymi a marıhbone dkıtne masre b’Turkiya ucdo Rusyaste mzaharla Turkiya bi sbuthathe.  Be bzabno u hadomo du mawtbo di rişonutho di PYD Aldar Xalilste bi maqırhonutho dhule lu tboco fros grışle u zuhoro…

Umqımdino d’Almanya fsıqle, du hawbo dsımwole ha Iraqoyo bu Autoban d’Berlin yawme dıtlotho dı şafıcina, hjomo maşılmono qaşyowe. U mqımdino d’Almanya mawdacle, di sişaltho da gedşe dıtrele ha Cıraqoyo dhowın bu Autobahn di arişkoyto d’Almanya Berlin, mfaşqi xıd hjomo maşılmono qaşyo. U Iraqoyo dkıtyo cımre 30 eşne msıkwo mu polis…

3 hsayo da citotheydan mıştawtaflın camhıdode lu tehwiyo dıtloth sohdwotho bi bethsawbo d’Linea b’Vexsjö du Swed.  Mor Diyosqoros Benyamen Ataş u efetrufo fatıryarxoyo di marcitho du Swed bi dafeyde du nawlo komır; hadırina bu zuyoho du tehwiyo da sohdwotho datlotho farsufe.  Mor Diyosqoros Benyamen Ataş di cito Suryoyto Orthoduksoyto, Mor…

Bu zabno di socurutho dsımle u rişwazire du Iraq l’Woşington, hawile Mustafa al Kazimi ytawto camu rişono Amerikoyo Donald Trump bu Qusro Heworo.  Bu zabno da droşe dhawın beyn d’Trump u al Kazimi, kıle cala esore dbeyn da tıre athrawotho dilonoyith bu haqlo du momuno. Mawdıc d’Boğdod u Wşington mşahlaflın…

A İmarat Caraboye Mhayde fsıqlın, dımarkıwi rişizgadutho bi arişkoyto d’İsroyel Tel Aviv. I mawdconuthathe hiwo, mu waziro di baroyutho da İmarat Caraboye Mhayde Anwar Gargaş.  Megabo hreno u İran, dmahwewole hfuxyo lu qyomano dbeyn Tel Aviv udi şultonutho d’Abu Dhabi, kbışle athmıl sfitho da İmarat Caraboye dkıtwa şafıcto ba thume…

U mathlono catiqo d’Amerika bu koalisyon Emwothoyo mqabıl Dacış Brett McGurk, mawdacle dımgalwele ban alfayo d’mdinoye mu garbiyo u mu madınho d’Suriya, cal d’Amerika lo snıdla a Haylawotho d’Suriya Demoqartoyto mqabıl da marhıbone d’Turkiya.  İ maqırhonutho d’McGurk athyo xıd funoyo li maqırhonutho dıfrısle u rişono d’Amerika Donald Trump bi dafayde.…

U rişqutno d’Fransa Emanuel Macron bi maqıblonutho dhule lu tboco froso mırle Erdoğan farsufo dkobıc mzaczıc u huyodo d’Urifiyo, mawxa a athrawotho d’Urifi klozım maşina siyase qwitho mqabıl dhawxa rınye. Bıthır mi mwatyutho dhawyowa bayn Turkiya u l’Fransa a maqırhonwotho u mamle datre athrawotho kımdawmi dmıski duktho bu tboco froso.…

Bıthır mi mwatyutho dhawi bu yamo Mescoyo beyn Turkiya wa athrawotho hadome d’Urifi, Amerika mşadarla hıdo ma sfinothayda a rabe du qrobo lu yamo Mescoyo.  İ sfitathe d’USS matyo li gozarto d’Girit du Yawnan.  Hani zabno yarixo kito mwatyutho beyn d’Turkiya u du Yawnan cal man kıtle zedqe dkorıx calu…

Qariwo lu athro d’Libya naqla hreto hıdo sfitho hawyo qawro l’45 farsufe galwoye; beynothaye 5 tloye. Me zabno yarixo lathiwo tebe calu ğmoto da sfinotho dıknuqli galwoye bu yamo. Elo athmıl, lfuth i mawdconutho d’Emwotho Mhaydotho kıtwo zıttır me 80 farsufe bı sfitho d’ğayiro ba maye d’Libya. Bu gedşano di…

A tagliyotho mqabıl du rişqutno d’Belarus Aleskander Lukaşenko kımdawmi.  A tagliyothani simi, bu zabno dlayım u Huyodo d’Urifi b’Bruksel, leşan dorış i aykanoyutho harayto du athro.  U camo d’Belarus d’Rusya i Hewarto, kobıc dmisım şuhlofo mşayno bi mdabronutho du athro u dmisım guboye hathe. Calathe atagliyotho kımdawmi mqabıl du rişqutno…

U gabo da Demoqratoye d’Amerika, mbayanle ruşmoyith Joe Biden u mraşhayde la guboye di rişonutho d’Amerika.  Ba guboye di rişonutho dgımisomi b’Amerika tlotho bu yarho d’Teşrin u haroyo dıbqamuthayna, gıdloqe Biden u mraşho da Qutnutho Donald Trump-dkıtyo ucdo u rişono du athro. Bıthır mıd amathlone da 50 marcıyotho trelın mi…

I wazirutho du sutoro d’Rusya, madcarla 26 tloye mu garbay madınho d’Suriya,  lu athro. I sagiyoyutho da tloyani, mqafın ba bethyatme b’Darımsuq.  Me gabo hreno mawdıc, bu furqoco dhawi qum nuqazto da marhıbone noqufe d’Turkiya b’Tel Abyad, qtil u mjarıh mınyono d’farsufe. Lfuth i dafo d’Tass, i wazirutho du sutoro…

U Mawtbo Umthoyo d’Bethnahrin-MUB, mqadamle a buyoayde lu hadomayde di Sictho Mdabronitho Marawge Hanna bi cohnutho du şunoyo di emo Albera Seven.  İ Sictho di Rişonutho d’MUB mırla; kfılğina u haşo du husoyo di emo myaqartathe bu şuroyo camu hawraydan u Marawge u cama farsufe hrene di iqartho. U buyono…

Ahaylawotho du sutoro du Camo-HPG mawdaclın dmadrelın helikopter du gayso d’Turkiya bu zabno da cuqobe dsaymowa b’Haftanin du garbyo du Iraq.  HPG frısla mawdconutho cali hfituthathe dsimo 16 bu yarhano, u bebzabno makadla dımhelen b’helikopter hreto dıhzela husrono rabo, elo lo mahwele d’nafilo.  Ba hjome dıksaymo Turkiya cala arcotho du…

U hudro du quyomo da mşihoye du madınho mıscoyo WCO mahıtle Kumbarat b’şwac nuqazyotho du nafto awkith Benzinlikat dkıtne b’Frankfurt u hedor d’Almanya. Bi sbuthathe u claymo Suryoyo Metin Danak dkıtyo me Gisen hawi fatoho du darbo dmitahti a kumbaratani laşan dmitaltım mcadronutho la abne du cameydan dkıtne bu athro…

Osyo George Göksu yawme dhuşabo sımle socurutho la 3 citawotho du cameydan dkıtne bi mditho d’Hamburg d’Almanya hule mawdconutho calu kewo di Corona u mfaraqle maskat u darmone lu camo.  U osyo bi mawdconutho dhule kali ğalabe cal tadbire dmisomi u dmitanıhtı la haye. Osyo George dıkhoye bi mditho d’Hamburg…

Masrıh hasyo hatho li cito d’Antiyuxiya u dkule madınho da Suryoye Qatholiqoye. Xuroyo Afram Sımcan bu syomido di qadişutho du fatıryarxo Mor İğnatiyos Yusıf Tlithoyo Yunan, masrıh hasyo hatho li marcitho d’Urışlem, da narcotho mqadşe d’Yurdnon di cito Suryoyto Qatholiqoyto. I qadişutho du fatıryarxo di cito Suryoyto Qatholiqoyto Mor İğnatiyos…

U mawtbo di methcadronutho du Xaliç krıhle atehdide du rişqutno du İran Hasan Ruhani lu athro da İmarat Caraboye Mhayde bi sbutho du qyomo du şlomo dımdela cam İsroyel. Megabo hreno, i şultonutho d’İsroyel mawdacla dıkmıtyaqno du athro du Bahren u d’Cuman gdımhalqi cayni dawse dımhalqole u athro da İmarat.…

Bi erışkoyto d’Somalya noşe dı latyo ihiyoyuthathe idıcto mfarqaclın radayto bgawe du bınyono dıha hotel dkıtwe qariwo lu yamo. Bu furqoco dhawi calu hotel lfuth imawdconutho dıfriso bu noquso 17 farsufe mwayaclın a hayathe u 26 mjarhi. Lfuth u tboco froso du athro d’Somaliya mfarqıc radayto calu bınyono dıha ma…

U rişono d’Amerika Donald Trump, mşadarle egartho dilonoyto lu rişathro d’Suriya Başar Al Asad, bi sbutho d’gelyunoro Amerikoyo.  Bi mawdconutho dhuwle u waziro di baroyutho d’Amerika Mike Pompeo makadle, bi egarthathe d’Trump ktolıb mu rejim d’Suriya dımşayıl calu gelyunorano dımvayacwo b’Suriya heş mi şato da 2012. Lfuth i mawdconutho dhuwle…

Bu zabno da tagliyotho qaşın b’Belarus awkith b’Rusya i Hewarto, mqabıl du rişqutno sımle Alexander Lukashenko baroyo telefon lu rişono d’Rusya Vlademir Putin.  Lukashenko sımle i rişonutho d’Belarus mi şato dan 1994 wu rişqutno ihidoyo dhawila Belarusyo u ğalabe athrawotho Urifoyeste kımfaşqile xıd diktatör. U rişqutno d’Belarus Alexander Lukashenko, hawile…

Amerika mdela qyomo cam Polonia, leşan dnuqlo a folhe dkıtla b’Almanya l’Polonia.  Bu qyomo dımdele u waziro di baroyutho d’Amerika Mike Pompeo camu waziro du sutoro d’Polonia bu qusro di rişqutnutho b’Warşaw, gıdmınqoli a  12 alfo folhe dkıtla Amerika b’Almanya lu athro d’Polonia. U waziro di baroyutho d’Amerika Mike Pompeo,…

U makthbo du polis Federaloyo d’Almanya dıkhoyır cala hawbe mawdacle, dhol 350 marhıbone d’Dacış daciri l’Almanya me Suriya u mu Iraq.  Me gabo hreno u bethdino d’Almanya ftıhle bi şabtathe dacwa mqabıl d’149 farsufe dıkmıthomi bi Maşılmonutho qşitho. Bıthır ma buhone dsımle u makthıbo du polis Federaloyo d’Almanya dıkhoyır cala…

U mathlono d’Amerika b’Suriya James Jeffrey mırle; en kito athro dkibe dmawfıq u İran me Suriya, u athro d’Rusyayo dkıtle tathir rabo bu athro.  Bu mamlo dsımle Jeffrey mawdacle, du rejim d’Suriya kıcoyış hboso rabo u Mosko kiba dhuwyo ale bu şroyo du kriz folitiqoyo d’Suriya. U mathlono dilonoyo d’Amerika…

U Huyodo d’Urifi bu knuşyo dsımle naqla hreto maqrahle i klaytayde du snodo udi awyutho camu athro du Yawnan u cami gozarto d’Qufrus, bi sbutho di mwatyutho dkito cam Turkiya.  Me gabo hreno u rişqutno d’Fransa Emmanuel Macron ba esore dhawile camu rişono d’Amerika Donald Trump, drışle i mwatyuthathe dkito…

U maşıqlo folhoyo u folitiqoyo bu macırbo d’Suriya, kul dkothe khorıw u kqoşe. Cala şuşote haroye dhawın bu qlimo d’İdlıbste, maklela ucdo Rusya a dawriyat dıksaymo cama hayle Turkoye b’İdlıb.  Hıdo ma sebwotho rişoye du tekliyo da dawriyat d’Rusya cama Turkoye b’Suriya, u qedomo d’Ankara la İmarat Caraboye Mhayde, bıthır…

U rişono d’Amerika Donald Trump mawdacle da Mşihoye kmırdofi bu qlimo du madınho mescoyo, u mırle “u mede dkowe laşanaye bi fnitho gunhoyo u cayboyo”.  Bebzabno, Trump bi maqırhonutho dhule la gelyunore makadle di sbutho da Mşihoye du madınho falqo ma bazare Amerikoye kamiloyo dıkmisomi bu qlimo.  Athmıl bu knuşyo…

Tre ma senatore idice du Senato d’Amerika bi egartho dıkthulın lu waziro di baroyutho d’Amerika Mike Pompeo tlıblın dmitahıt tadbire yaqure cal Turkiya mqabıl du şğuşyo dıksaymo bu yamo mıscoyo.  İ egarthathe a senatore mşadrolın meqım mi itawto dhawyo adyoma bayn du waziro di baroyutho d’Ameri Mike Pompeo u lu…

Amerika mawdacla dı maklela cuqobo rabo di tagorutho da marıhbone dı Dacış u d’Alqaida.  Bi mawdconutho dhula i wazirutho di kinutho d’Amerika mırla maklelın gurub dkımzabanwo darmone bhile dıkmaklın u kewo di Corona la bethkrihe du athro laşan dımşadri zuze la marıhbone d’Dacış, u d’Al Qaida. Lfuth u tebo dıfrısla …

A athrawotho caraboye mahwelın hfuxyo mqabıl da hjome dıksaymo Turkiya calu garbyo du Iraq u mahwelın iklaytathe  dıkkurhi ahjomani dıksaymo Turkiya.  Me gabo hreno u athro d’Fransaste mahwele hfuxyo u krıhle ahjome dı Turkiya dkımdawmo calu garbyo du Iraq dkowın celtho lu mawto da mdinoye u tehriwo di fnitho. Bıthır…

U rişqutno d’Fransa Emanuel Macron, mzaharle u İran dlımdaxıl ba sebwotho gawoye d’Lebnon, u d’sonıd u şekolo d’şultonutho hathto da krize.  Megabo hreno, Rusya mawdacla dıksındo dmiqafe şroyo folitiqoyo lu kriz d’Lebnon, u dlımisım mudaxala baroyto ba sebwothayde.  U rişqutno d’Fransa Emanuel Macron ba esore dhawile bu darbo du talafon…

Bıthır ma athrawotho d’Urifi dmahwelın u snodathe lu Yawnan u li Gozarto d’Qufrus mqabıl d’Turkiya, ucdoste İsroyel mahwela usnodayda lu Yawnan.  Bi maqırhonutho dsımla i wazirutho di baroyutho d’İsroyel mırla; Ahna ksındina u Yawnan mqabıl d’Turkiya.  İsbutho di mwatyutho dkito bayn Turkiya u lu Yawnan anathrawotho dkıtne bu qlimo u…

U malolo du gayso athronoyo d’Libya Ahmet El Mismari bi mawdconutho dhule mırle; Turkiya bi mcadronotho d’Qatar kımşadro marıhbone l’Libya.   U malolo du gayso mırleste; 300 jatawiye me Somaliya matın li mditho d’Misrata bu duyoqo da rabayhaylawotho d’Qatar.  Bi sbuthathe tebe mşahılfe fris d’Turkiya kımşadro jatawiye me Suriya u me…

U mraşho da ğuboye dli rişonutho d’Amerika John Bayden maqrahle u ışmo di tahlufto dgıduwyo en dminaqe rişono du athro.  Kamala Devi Harris dkıtyo i senatore d’Kalifornia, kuthyo me abohe dlatne bu şerşo ma Amerikoye hewore.  John Bayden dkıtyo u mraşho du gabo da Demoqratoye d’Amerika dılfuth a statıstike kmahwe…

İ mwatyutho dımşarewola bayn Turkiya u Qufrus calu kroxo du nafto bu yamo mıscoyo hawyo mwatyutho bayn la athrawotho d’Urifi u d’Turkiya. Bıthır mıd Turkiya mafıtla i sfitho du kroxo du nafto dkıtla lu darğo dımşaryo bu kroxo, u Yawnan sımle qroyto la athrawotho d’Urifi dhulın mehdo funoyo Bi sbuthathe…

U mşalo catiqo bi wazirutho du sutoro d’Amerika du Pentagon Maykel Roben, tlıble me Amerika, me Urifi dmahti tedbire mqabıl dı Turkiya, cal dıksındo a’grube marıhbone b’Suriya. Camgabıdathe, Roben bi maqırhonutho dhule lu tboco froso mahwele ilothnihuthayde mu qedomo rafyo d’Urifi, du rişono Amerikoyo Donald Trump wu mathlonayde Jeyms Jeffry…

U Huyodo Suroyo d’Urifi mşadarle egartho d’buyoe li iqartho du mnohnafşo Kustantin Bar safar, dınqılwo ma hayani bi mditho d’Norşborg du Swed.  U cufoyo du mnohnafşo Kustantin, gıdhowe yawme d‘hamşo bi şoctho ba 11 u gıdmıfrıs hayo bi dafo du facebook d’Suroyotv. I egartho d’ESU ba melani kımşaryo. Matilan u…

B’Belerus yaste bu ışmo catiqo Rusya i Hewarto, kımdawmi a qetre dkıtla bıthır ma ğuboye di rişonutho dhawın bi şabtho d’şaficina.  Camgabe du camo dnafıq la şuqone leşan dmahwe u hfuxyayde mqabıl du rişono Aleksander Lukaşenko dımnaqe i saqıbloyto Svetlana Tikhanovska layto tebe acla haykoyo.  Bu athro d’Belerus hani zabno…

Bu zabno du rişono Donald Trump samwo knuşyo la gelyunore, a hayle di mşaynutho d’Amerika maklelın u knuşyo u mawfaqlın u rişono mi duktho.  Lfuth a tebe dfrisi, şmic qolo da zayne hedor u Qusro Heworo u mawxa a hayle di mşaynutho maklelın u knuşyo du rişono d’Donald Trump bu…

İ qoyumto bi kongre Ameriki Jen Şakuski frısla buyono bu yawmo şatonoyo du qtolğenso d’Simele di şato da 1933. İ qoyumto bu buyoneyda kımo ono kıtli şubhoro dı mawdcono u qtolğenso dhawi calu camo Othuroyo-Suryoyo u ksaymono qrayto la şutose da zedqe noşoye dsaymi u sutoro da qalilotho mşihoye du…

Koalisyon rabo d’tukose şarye du camaydan u Othuroyo b’Chicago d’Amerika, sımle qroyto li şultonutho qentrunoyto d’Boğdod u li şultonutho du qlimo d’Kurdistan, dmawdın bu qtolcamo dsim calu camaydan b’Simele.  Bebzabno u Dawqo Othuroyo da zedqe noşoye, bi hfitutho dsımle b’Lindköping du Swed, mathkarle a Sohde d’Simele.  Koalisyon d’35 d’tukose şarye…

Me gabo hreno i erişkoyto d’Fransa Paris, sımla adyawma baytoyutho l’video konferans cam rişone u mşale d’athrawotho frişe, bnişo dmitaltım snodo l’Lebnon.  U video konferansano, mşarewole bi şoctho da 2 bıthır me falge d’yawmo. U video konferansano dsim adyawma b’Paris, hadırile a rişone d’Amerika, Rusya, du Sin udı Mısır, tukose…

A citotho Orthodoksoye da Eğuftoye b’Mısır, ftihi me hatho la socure bıthır mıd fayışi 4 yarhe sxire xıd tedbir dlo mibarbız u virus d’Corona.  A citotho Eğuftoyotho sxiriwo, bıthır mi yawto dhawyowa beyn du fatıryarxo Mor Tawadros udi sictho du hulmono d’Mısır 21 bu yarho d’Odor dı şafıcina. A citotho…

Ha man abne du camaydan du Iraq dıkcoyış b’Amerika, mraşahle ruhe li kongre du athro.  Erik Esşaki dkıtyo mu gabo da Qutnuthoye, grışle u zuhoro u mawdacle du rişono Barak Obama wu rişono Donald Trump lo qadiri dsaymi mede la Mşihoye du Iraq.  Erik Esşaki dkıtyo man abne du camaydan…

B’Urmi du İran u bu macırbo d’Azerbaijan, kito mınyono d’citotho catiqotho du camaydan di cito d’Madınho d’Othuroye.  Ucdo mawdıc dmid fusqono, dmihathıthi a citotho catiqotho dkıtne ba 2 athrawothani. Lfuth i dafo di wazirutho du turizm du İran, mid fusqono dmisım u hethotho d’mınyono d’citotho catiqotho d’Yuldath Aloho u d’Mor…

Me gabo hreno, u Huyodo Suroyo d’Urifi-ESU, frısle buyono bi cohnutho du duxrono şatonoyo du qtolcamo d’Simele.  Bi rişitho du buyonano ESU dıkmşare ba mele; kımathkrina a Sohde du qtolcamo d’Simele, bşıkıl rwiho kmitahke aydarbo u rejim du rişono catiqo du Iraq Saddam Hussein mıdle nişo u camaydan d’Simele u…

 U Komisyon du Mawtbo d’Urifi mqabıl da taşniqe, frısle tıre taşrore calu qedomo di şultonutho d’Turkiya la hbişoye.  A taşrorani frisi, cali netije da buhone dsımle u Komisyon cala socurwotho dsımle l’Turkiya ba 2017 u ba 2019. U Komisyon du Mawtbo d’Urifi dıkfolıh leşan dmakle a taşniqe wu qedomo lo…

Me gabo hreno a 2 furqoce dhawın athmıl b’lokal du lmino d’Beyrut dıkmitıftakır kıtwolın haylo d’600 tonat d’TNT, bı qaşyutho krihi me mşale u rişone dı athrawotho frişe dıbritho; beynothaye u rişono d’Amerika, u rişqutno d’Fransa, u rişwazire d’Britania u rişone danathrawotho Caraboye uğer.  Cali aykanoyuthatheste, a mşale Lebnonoye qrelın…

Amerika, rfıdla a idicat dıfrisi bu tboco froso u dmawdıc dhawila ytawto cama rişone du gerilla di PKK ba turone d’Qandil bu garbyo du Iraq.  İ mawdconuthathe dıfriso b’dafo da Kurdoye dılo mawdıc ışma, rfido hem me rabhaylawotho Amerikoyo u hemste mi wazirutho di baroyutho d’Amerika. Malolo di wazirutho di…

Taşdarto mşawtafto me HNB u me ESU di mditho d’Giessen d’Almanya mıştawtaflın li hfitutho dsimolın a şutose Ezidoye bu yawmo şatonoyo du qtolğenso dsim aclaye ma marhıbone d’Dacış b’Şigur du Iraq.  Bi hfituthathe cal eşme di taşdarto, i hadımto d’HNB Turkan Mbaydono sımla mamlo u krıhla u qtolğenso dsim cala…

A tayosyotho du qrobo d’Rusya dkıtne b’Suriya, sımlın cuqobe casye cala dukotho dkıtne bu duyoqo da marhıbone bi mditho di Latqiye.  Bu zabno da cuqobani d’Rusya, a hayle du rejim d’Suriyaste mhelın bıha ma ğrobe di saqıbloyutho d’Jabal al Akrad. Lfuth ajanse frişe da tebe, bu zabno da tayosyotho d’Rusya…

Almanya gdımşadro sfitho du qrobo lu yamo Mescoyo, leşan dsaymo u duyoqo du ambargo da zayne dmahıtwola Emwotho Mhaydotho calu athro d’Libya.  Bi sfitathe d’Almanya dkıtyo ışma ‘Hamburg’, kitoste 250 folhe du yamo dgımcadri bu tuhqobo da cuqobani dıksoyım u Huyodo d’Urifi. I wazirutho du sutoro d’Almanya mawdacla dgımşadro i…

Bi maqırhonutho dhuwle u senato d’Amerika mawdacle, dımayadle u renyo du rişono Donald Trump dımraşahwole Hala Jarbouc xıd dayonto federal du bethdino d’Michigan.  I diloyto du tebanoste, d’Hala Jarbouc man abne du camaydan u Kaldoyo di mditho d’Telkepe du Iraq’yo. Lfuth i maqırhonutho dıfrısle athmıl u senato d’Amerika, m’ayadle d’Hala…

Amerika mahwela hfuxyo qaşyo mqabıl di awyutho dkito bayn du İran wu Sin bu haqlo da istixbarat udi mudafaca folhoyto. U waziro di baroyutho d’Amerika Mayk Pompeo, mawdacle du qyomo dımdhe bayn Tahran u Pekin u yarho dşaficina, kımharhız i şalyutho bu qlimo du madınho mescoyo. Uqyomo dımdewo bayn du…

A marıhbone dı Dacş du athro d’Afganistan sımlın hjomo cal ha hbuşyo bi bmidtho d’Jalalabad. Bu hjomano dkomdawım kımi hın ma mabuce du tboco froso qtil zıttır me cısri farsufe u mjarıh zıttır me 50 hrene. Bu hbuşyano dkıtwo 1500 hbişoye zıttır me 700 hbişoye mahzamlın inaqa dhawi u hjomo…

U qentrun Britanoyo dcalu yulfono di mşaynutho, grışle u zuhoro cali siyase dıkmaşe u rişqutno d’Turkiya Recep Tayip Erdoğan.  U qentrun Britanoyo mawdacle, du qedomo qaşyo d’Erdoğan qentoyo lu huyodo du NATO, dgımıjbır dtocın i mşalutho da qetre dıkxulqo Turkiya. U qentrun Britanoyo dcalu yulfono di mşaynutho frısle maqırhonutho cali…

Hol 10 alfo bnaynoşo layimi qum du makthbo du rişwazire d’İsroyel Benyamen Netanyahu bi mditho d’Urışlem u tlıbe mene dmıstacfe mi wolithayde mi celtho du virus d’Corona uma thome du fassad.  Hani 7 şabe cal hıdode, kımdawmi a tagliyothani mqabıl du rişwazire wu polis İsarloyoste kımnase dmakle a mtagliyone dımqarwi…

İmdabronutho d’Qufrus da Yawnoye, sımla qroyto l’Rusya dımdaxlo u dmaklıyo a fulhone dıkmaşyo Turkiya qariwo la thumayda leşan dımqafyo nafto u ğaz bu madınho du yamo Mescoyo.  Bu mamlo dhawile u rişwazire d’Qufrus da Yawnoye bu telefon camu rişono d’Rusya, tlıble me Mosko dmaklıyo u hbosano dıkxulqo Turkiya bu qlimo.…

A İmarat Caraboye Mhayde, mabdele a fulhonayde du macımlo qamoyo du nukleer dkıtyo bi arişkoyto Abu Dhabi.  U macımlano du nukleer da İmarat Caraboye Mhayde, kmifaşıq u macımlo qamoyo du nukleer beyn dan athrawotho Caraboye. U ajans da tebe da İmarat m’akadle, da İmarat Caraboye Mhayde mabdele adyawma a fulhone…

Jiseppe Paterno dkıtyo cımre 96 eşne, latyo xıda sobe hrene kulle.  Paterno macışle u hulmayde u mkamele u yulfonayde bi bethsawbo d’İtalya u mıdle adyawma i sohduthayde bu haqlo di falsafe udu makthabzabno. Jiseppe Paterno (Giuseppe) dmawlıd ban 1923 bi gozarto d’Sisilya, cayış u qrobo trayono dıbritho wu pandemi du…

U athro d’Armenya mawdacle dkıtyo hadiro lı Qrobo mqabıl d’Azerbaycan, u gayso hiw ele amro dhowe mekul mede hadiro bu zabnano. İ maqırhonutho du athro d’Armenya athyo bu zabno du athro d’Turkiya u Azerbaycan kıtlın duroşe folhoye tadbikat cam hdode. Bi mawdconutho dıfriso mu ajans d’Sputnik d’Rusya u rabhaylawotho Onik…

U huyodo d’Urifi mawraxle u zabno da tadbire dkıtle cal Qore i Garbyayto me fothe da zawce da zayne kimyawi dkıtla. Bi mawdconutho dhiwo mu huyodo d’Urifi mawraxlın u zabno da tadbire dkıtlın 57 farsufe u 9 şutose du athro d’Qore i Garbyayto. Bi maqırhonutho dhule u mawtbo du komisyon…

Rusya mtayabla tarmitho dı maxılyo u tayımno d’Suriya ma İranoye komır u tboco froso. Bi mawdconutho kmitawmır du gurub da 5 folhoye d’Suriya dıkmısnıd me Rusya mşarele dıforıs a haylawotheyde bi fnitho d’Darca dkıtyo cala thume d’Urdun du dıknıflo bu tayımno d’Suriya. Bu qrobo d’Suriya idicoyo dkito athrawotho mşahılfe dkıte…

U mawtbo di mşaynutho d’Emwotho Mhaydotho mawraxle i wolitho da haylawotho emwothoye dıknıfqi moro lu şlomo bi Gozarto d’Qefrus. Megabo hreno, Amerika mşatasla nuqazto folhoyto bi fnitho d’Dedeağac bu Yawnan xıd zuhoro la rmoşe haroye dı Turkiya bu madınho du yamo Mescoyo. U mawtbo di mşaynutho d’Emwotho Mhaydotho dkıtyo u…

Zıd m’550 alfo nacime kcayşi bu qento du kafno bu athro d’Lebnon. U tukoso Britanoyo şaryo dışme “maxlesu anacime”, mawdacle dıkmıntır dmıhze nacime dıkmaythi mu kafno meqım mi harayto di şatathe b’Lebnon. U tukoso dışme Save The Children awkith “maxlesu anacime”, mzaharle dkito hedor malyun d’farsufe bi fnitho d’Bayrut dlatlın…

İ mwatyutho dkito bayn İran u l’Amerika kımdawmo bu yamo d’Hurmız. Ba yawmotho d’Şaficina. Bu zabno da duroşe gaysoye tatbikat dkıtla u İran bu yamano marıslın soruhe cali sfitho Amerikoyto dkıtyo bu yamano. Bi mawdconutho dıfriso bu tboco froso hıdo helikopter dcalyo lalcıl mi sfitho Amerikoyto dkıtyo tacınto da tayısyotho…

Cıl mıdıkmisım hjome u hboso emwothoyo calu İran laşan dgorış ruhe m’Suriya, elo naqla hreto kmahwe di şultonutho dı Taharn kmıştacyo cala hawle u latla mabco d’gurşo ahaylawothayda m’Suriya. Lfuth i mşatasto d’Suriya da zedqe noşoye, u İran frısle grube hathe mu gabo d’Hizballa du Iraq bu mathıbro d’Almayadin bu…

U qoyumo Almanoyo dkıtyo u rişono du gurub camoyo bu parlemento d’Urifi Manfred Weber bu mamlo dsımle bu parlemento mırle klozım faytina li harake mqabıl d’Turkiya calu mede dıksaymo bu yamo mıscoyo bi sbutho du nafto. Bu mamlo dsımle qrele lu huyodo d’Urifi dmitahıt tadbire cal Turkiya laşan dımakılyo u…

Rusya gıdmacımro Ayasofya hathto bu athro d’Suriya. Lfuth u tebo dıfris ma mabuce du tboco froso Rusya mhalaqla i şetısto du tecmiri di cito d’Ayasofya bi mditho d’Sqebliye d’Hamma b’Suriya. Lfuth a mbahnone u tecmirano xıd hfuxyoyo mqabıl d’Turkiya. Bu zabno da droşe u da hfuxye dkımdawmi mqabıl du şuhlofo…

U mawtbo da citotho şlihoyotho du madınho dkıtyo b’Australya krıhlın u şuhlofo di bethcatiqotho d’Ayasofya l’Masığdo. Bu buyono dıfrısle u mawtbo ktolıb me Ankara dmakle u fusqono dhulın bhaq d’Ayasofia laşan di sbuthathe luyo li bcelıdbobutho bayn da tawdiyotho. U mawtbo da citotho mşihoytho du madınho d’Auastralya u nyuzelan bu…

Bgawe du camo Suryoyo casqoyo ha dqodır howe more dı hzayto siyasi. Yastene ğalabe olsoyoyo ha dfohım i methtaksonutho. Ba şuşote dcişi u dhawın, dilonoyith bi sbutho d’Tuma Çelik nafıq ğalabe nuhole li holo. Tuma Çelik, mnaqe qoyumo me Mırde mu Gabo d’HDP lu parlamento d’Tırkiya. Hın noşe dilo mıjğelın…

Almanya mawdacla dmaklela u zebono du zayno l’Turkiya. Bi maqırhonutho dhule u waziro di baroyutho Hayko Maas mırle Turkiya hadımto du NATO’yo elo u qrobo bişo dı maşela b’Suriya laybe mıtcın mawxa ucdo layto zebono du zayno l’Turkiya. Bıthır mi maqırhonutho dsımwola i rişathwazire d’Almanya Angela Markel mqabıl d’Turkiya dımzaharwola…

U rişwazire d’İsroyel Bınyamen Netenyahu, mawdacle da haylawothayde nafiqi mqabıl dıhjomo dıgsamwole grub m’Hizballa dşafıcwo m’Lebnon la narcotho d’İsroyel. Megabo hreno, Hizballa dıkmısnıd mu İran bu buyono dıfrısle mankarle dhawi taxtuşe bayn da folhayde wu gayso d’İsroyel. U rişwazire d’İsroyel Benyamen Netenyahu, bu mamlo dsımle bu qentrun di wazirutho du…

U qrobo d’Libya dhawi u wahdo da bazare d’ğalabe athrawotho atre hayle rabe dkıtne cali arco kımdawmi a taxtuşathe dımqabıl dıhdode. Lfuth a tebe haroye a haylawotho di şıltonutho dkıtyo bi rişonutho d’Fayez Alsaraj abici dıfayti li mditho d’Sirte dkıtyo imditho du nafto elo laqın ba haylawotho d’Xalifa Xafter. Uqrobano…

İ rişathwazire d’Almanya Angela Markel mzharla Erdoğan bi sbutho du kroxo du nafto bu yamo mıscoyo qariwo li Gozarto d’Qufrus. Markel bi maqırhonutheyda mırla en Turkiya wu Yawnan dhowe qrobo baynothaye ahna gıdkolina cam gabe du Yawnan dkıtyo athro bu huyodo d’Urifi. Hani zabno yarixo kito mwatyutho u droşe qaşye…

Me gabo hreno, a hayle du yamo d’Fransa u d’Mısır’ste sımlın tadbiqat folhoyo bu yamo Mescoyo.  Bi mawdconutho ruşmoyto dhuwle u malolo du gayso d’Mısır, m’akadle dmabdelın u tadbiqatano camu athro bnayqyomo d’Fransa, leşan u şuşoto da haylawothathe du yamo. Bebzabno mawdıc du nişo da droşe folhoye dsimi, dmitaqwıyo i…

Mqafe xutmo d’2700 eşne catiqo bi mditho d’Urışlem. U xutmano kmagle calu şıkıl da fulhone dıkmaşyowa i mdabronutho du zabnawo dilonoyith bi sbutho du teltimo du madatho.  Me gabo hreno İtalya, madcarla falqo d’athar lu Iraq dkıtyo 5 alfo eşne catiqo. Beyn 940 uhol 586 meqım me Mşiho, kıtwo i…

A esore beyn d’Turkiya udu Yawnan ba yarhe haroyani zıttır m’watın wu fusqono dmıdla Turkiya dımşahlıfo i cito d’Ayasofia l’masığdo, trele u qrobo da mele beyn da 2 athrawothaniste zıttır dı qoşe.  Bıthır mıd a Turkoye msalelın bi citoste, a mşale da 2 athrawotho krıhlın a qedome, a thome wa…

 U mşawrono catiqo di mşaynutho umthoyto du Qusro Heworo John Bolton, bi maqırhonutho dhule lu frosqolo d’İsroyel sımle qroytlo l’Tel Aviv dmabdıyo qrobo mqabıl du İran, meqım ma ğuboye dıgsaymo Amerika bu yarho d’Teşrin u haroyo di şatathe.  Bolton komır; Bu zabno da tıre yarhani, zabno tawoyo d’İsroyel dsaymo cuqobe…

U rabhaylawotho Amerikoyo Mork Milli, sımle socurutho dlıkmıntorowa l’İsroyel. I socuruthathe du rabhaylawotho simo, bu zabno dı qaşyo i aykanoyutho da thume beyn İsroyel u Suriya.  Bebzabno İsroyel dmaqwela i ithutho da folhayda cala thumani, sımlaste athmıl cuqobe hathe cala turone d’Golan. U rabhaylawotho rişoyo d’Amerika Mark Milley, sımle athmıl…

I Sictho da buhone du Mawtbo di Mşaynutho d’Emwotho Mhaydotho, frısla taşroro cala ğrobe marhıbone d’Dacış bu Iraq u bı Suriya.  Bu taşrorano i Sictho Emwothoyto m’akadla, da marhıbone kmıstacmıli i xalyutho dkito ba 2 athrawothani leşan dımdawmi ahjomathe cala mdinoye u dmaydi u duyoqo dı dukotho frişe du Iraq…

U waziro di baroyutho d’Fransa Şon Yv Lö Drian dsımle athmıl socurutho l’Lebnon, grışwole u zuhoro di şultonutho d’Beyrut u mırwole; Klozım dsaymıt reforme, dloste lıgmitahwelın mcadronutho!  Elo Fransa leşan u snodo du şuşoto da madraşyotho b’Lebnon, huwla şudoyo dımqadmo 17 milyone dolare. U kriz momunoyo d’Lebnon dıtrele u athro…

Folitiqore, mşale tawdithoye frişe b’İtalya ubu Yawnan, krıhlın u qedomo d’Turkiya li cito d’Ayasofia wi slutho dsimo athmıl bıgawa. A Maşılmone d’İtalya mırlın; U haylo wu siyase di şultonutho d’Ankara’yo, bıthre du şuhlofano d’Ayasofia l’masığdo.  U malla d’Milan d’İtalyaste mırle; Ayasofia lıklozım dhuwyo lo bethcatiqotho u loste masığdo. Ayasofia dkıtyo…

Izgadutho du Sin huwla amro, dmısxori i izgadutho d’Amerika dkıtyo bi marcitho d’Chengdu du Sin. U amrano du Sin funoyoyo l’Washington, bıthır mıd Amerika sxırwola i izgadutho du Sin dkıtyo b’Teksas.  Me gabo hreno u waziro di baroyutho d’Amerika Mike Pompeo bşıkıl qaşyo hjımle calu Sin bu mamlo dsımle athmıl…

İ wazirutho di baroyutho d’Amerika, mahıtla u rişono di qutnutho d’Çeçenia Ramzan Kadyrov bi lohithayda i kımto. U mşalo Çeçenoyo kmıthım ba hawbe du dyoşe da zedqe noşoye uba hawbe da taşniqe uğer.  İ wazirutho mawdaclaste, di barthzawgo d’Kadyrov wa tarte bnothaydeste mahıt mnoco aclaye dcubri l’Amerika. İ wazirutho bi…

U qrobo d’Libya, hawi u wahdo dkımjarbi a hayle, u haylo dıhdode wu kul ha menaye, mın falqo gıdmoyıd mi tlamtho du lahmo dkito.  Bi sbuthathe mid fusqono dmitahwe fsoso l’Mısır dcobır bu qrobano wu rişono Trump u wu rişqutno al Sisi drışlın u terkiwo di şalyuthzayno b’Libya.Almanyaste mawdacla gıdmahto…

U koalisyon d’Alfatıh bu parlamento du Iraq, tlıble mi şultonutho d’Turkiya dmıgroşo baroyo mu garbiyo du athro, u mzaharleste d’Turkiya dkıbco dımşatso bu Iraq şuro di mşaynutho xıdu mede dsımla bu garbiyo d’Suriya.  Megabo hreno, qoyumo Armınoyo bu parlamento d’Turkiya tlıble mi şultonutho d’Erdoğan dlımaqşiyo i mwatyutho dkito ucdo cala…

U mawtbo umthoyo d’Bethnahrin frısle egartho da buyoe bhaq du şunoyo du mothonoyo u sanodo du ağuno di hirutho Albert Sevinç  Hadodo. MUB bi egartheyde dımşadrole li iqartho du mnoh nafşo komır, U Albert farsufo dıkmimıd xıd mathlo bi fetekariye rahomo du cameyde u sanodo da fulhone du ağuno di…

U camo Suryoyo wu camo Armnoyo, mvayacle abro myaqro u rhimo. Arğublo arşitekto Suryoyo Albert Sevinç Hadodo, nqil ma hayani. Albert Sevinç dkıtwe ma mşatsone du froshezwo d’SuroyoTV, bi mditho d’Düsseldorf d’Almanya nqil ma hayani. U sabab du mawteyde, u kewo mayiro du sartono du kanserwe. Albert Sevinç Hadodo, Arğublo…

Fransa, Almanya u İtalya mahwelın hfuxyo mqabıl da hayle dıkdayşi u qyomo d’Emwotho Mhaydotho. A 3 athrawotho mzaharlın, dıgmıstacmıli tedbire mqabıl dan athrawotho dıkdayşi u ambargano da zayne l’Libya.  Bebzabno u mşalo da esore baroye du Huyodo d’Urifi Josep Borrell makadle, du Huyodo d’Urifi latyo fsihoyo la nuqazyotho dıkmarkıwo Turkiya…

U waziro di baroyutho du İran Mohammad Javad Zarif, sımle socurutho lu Iraq u laqi a mşale Iraqoye bi arişkoyto Boğdod. Bu zabno di socuruthothatheste, azze Zarif li duktho dıqtılwo eba u rabhaylawotho İranoyo Qassem Suleymani.  U mede dıkgorış u zuhoro, di socuruthathe d’Zarif simo lu Iraq, bu zabno du…

U Yawnan mabdele kampanya leşan snodo Emwothoyo mqabıl du fusqono dmıdla Turkiya dımşahlıfo i cito d’Ayasofya l’masığdo.  Bi maqırhonutho dıfrısle u waziro di baroyutho du Yawnan grışle u zuhoro cala eşne dımdabrowa i mamlaxtho da Cuthmanoye u qlimo, wa rdufye wu qtolğenso dsımwola cala Yawnoye, Suryoye-Othuroye u Armınoye bu zabno…

Bu fusqono dmıdle u bethdino d’Yurdnon, şrele ruşmoyith u tukoso dan Ahunone Maşılmone.  Mawdıc du fusqonano du bethdino mid, cal dan Ahunone Maşılmone lo markawlın u statu qonunoyo dkıte lfuth a qonune ruşmoye d’Yurdnon. Bu quwolo dsim bu bethdino d’Yurdnon, a dayone matın athmıl l’awyutho cal fusqono, dmışre u gabo…

U polis d’Rusya, msıkle ba mowat d’mtagliyone saqıbloye du rişono d’Rusya Vilademir Putin.  Ba tagliyothani dsimi bı dukotho frişe d’Rusya, krih u şuhlofo du nomuso esonoyo du athro dkobe aftho l’Putin, dfoyış bi wolithayde 16 eşne hrene. Athmıl a zabuqone dımdinotho frişe d’Rusya; beynothaye i erişkoyto Mosko, mlanwo mtagliyone dabici…

Nafıq taxtuşe qaşye beyn du gayso d’Armenia uda hayle d’Azerbaijan. Hathe inaqla qamaytoyo bıthır mi şato da 2016, dıknofıq taxtuşe qaşye beyn da tıre athrawotho şbobe.  Ba taxtuşani dkımdawmi hani 4 yawme, mawdıc dıqtil hol 15 folhe ma hayle datre athrawothani dkıtne bu tayımno da Qawqaze. Nafıq taxtuşe beyn du…

U rişono di mdabronutho qentrunoyto du gayso d’Amerika Kenneth McKenzie grışle u zuhoro u mırle; U İran kmıstacmıl Suriya leşan a yuthronayde wa nişayde wu rişathro Başar Al Asad, klozım dfohım u medano ğalabe towo.  Bu zuhorano McKenzie makadleste, d’Amerika kımtahqıbo kul harake dkowe bi naşfe bu Madenho Mescoyo ubu…

U waziro di baroyutho d’İtalya dmeqım Franko Frattini, mawdacle dlayto rişone qawye b’gawıd du Huyodo d’Urifi, dkibın dkolın b’fothıd du rişathro dı Turkiya Receb Tayip Erdoğan.  İ hadımto du mawtbo da senatore du parlamento dı Fransa Natali Ğule, tlıbla mu mawtbo di mşaynutho d’Emwotho Mhaydotho dmoyıd fusqono mqabıl di siyase…

Ahfuxye mqabıl du fusqono dmıdle u rejim dı Turkiya calu şuhlofo d’Aya Sofya l’masığdo, b’qaşyutho heş kımdawmi.  Baynothaye, Almanya, Austurya, u athro da İmarat Caraboye Mhayde wi cito Yawnoyto, mawdaclın d’Aya Sofya nuqazto marduthoyto u tawdithoyto ulsoytoyo la Mşihoye ula Maşılmone dıbritho.  Ba hfuxye dkımdawmi calu şuhlofo di bethcatiqutho d’Aya…

İ wazirutho di baroyutho d’Amerika huwla maqırhonutho cali klayto dkıtla mqabıl da haylawotho di mşaynutho d’Emwotho Mhaydotho dkıtne b’Lebnon-UNİFİL. İ wazirutho mırla; A haylani lıkqudri dmamtın i wolithathe li duktho dmaklın a zayne dıkfayti lu tukoso d’Hizballah, u mawxa klozım dmitaklın u dmitahwe  snodo lu gayso d’Lebnon dmakle u Hizballah.…

U Huyodo d’Urifi drışle i  aykanoyutho harayto da dawsat dkımhalqo Turkiya.  Bi maqırhonutho dhule u mşalo da esore baroye d’Urifi Josep Borell lu tbocofroso mırle; Ba esore dkıtlan cam Turkiya, klozım dmaydo a timoyutho, a yuthrone wa qonune du Huyodo d’Urifi me qul di cayno.  Bu knuşyo dsımlın a wazire…

U Huyodo d’Urifi krıhle u fusqono dmıdla Turkiya, bi sbutho du şuhlofo di bethcatiqutho d’Ayasofya l’masığdo.  Bebzabno, u qoyumo bu parlamento d’Turkiya mu gabo d’HDP Garo Paylan dmawdacle du fusqonano, yawmo d’haşoyo la Mşihoye. U gabo d’AKP’ste mawdacle dgımkasın a surotho da Mşihoye b’Ayasofya bu zabno di slutho digsaymi a…

Bi yasifutho di awyutho d’6 şutose du cameydan sim tahrazto haytho b’Suroyo tv laşan i mcadronutho da qıryawotho du cameydan dkıtne b’Turcabdin.  U nişo di tahraztathe dmızwın makinat du tetfiyo di nuro la qıryawotho u dayrotho du cameydan dkıtne b’Turcabdin. I tahraztathe mtaybo bıthır ma yuqdone di nuro dkowewo hani…

Ba ğuboye di rişqutnutho dhawın bu athro d’Polonya u rişqutno dkıtwe bi wolitho qamır a ğuboye b’mınyono nacimo calu mraşho du gabo Semoloyo liberaloyo u da yaroqe Rafal Trzaskowski. Bi mawdconutho dhule u rişono du şutoso da ğuboye Sylwester Marciniak mırle Andrezej Duda qamır a ğuboye du athro. Ba ğuboye…

U waziro di zarocutho du Yawnan Makis Voridis bi maqırhonutho dhule calu şuhlofo d’Ayasofya l’masığdo mırle; U bayto d’Ataturk dkıtyo bethcatiqotho, klozım cal xayifo dımşahılfinale l’bethcatiqotho du Sayfo dan 1915.  Bıthır mi sbutho di cito d’Ayasofya dımşahılfo l’masığdo, a esore beyn du Yawnan u d’Turkiya, kımdawmi dmiwatın zıttır.   Bıthır…

Senator hreno d’Australia mdele i maqırhonutho du snodo di mawdyonutho bu qtolğenso dsim calu camaydan, calan Armınoye ucala Yawnoye ban 1915 mi mamlaxtho da Cuthmanoye.  Bi maqırhonutho du snodano dımdele u senator d’Queensland Paul Skar, kmıtlıb di şultonutho federaloyto d’Australia dmıctarfo ba qtolğense dsim cala 3 came Mşihoye. Bu yarho…

Bıthır ma hfuxye du kenşo Emwothoyo, adyawmaste u Huyodo Suroyo d’Urifi ESU frısle buyono u krıhle u fusqono dmıdla athmıl Turkiya, dımşahlıfo i cito catıqto d’Ayasofya, l’masığdo da maşılmone.  Bu buyonano ESU mırle; U fusqonano dmid, dawse hreto lu şuşoto di tahrazto folitiqoytoyo leşan dmisomo Turkiya athro Maşılmono u dmitahto…

Athmıl hiw u fusqono du rişqutno d’Turkiya Recep Tayip Erdoğan, dıtlıbwole dmitahwe mu bethdino celoyo du athro laşan di cito catıqto maktabzabnoyto d’Stanbıl Ayasofya dmişahılfo masığdo di maşılmonutho.  Bıthır mu fusqonano hın athrawotho u şutose mahwelın ilo thınihuthathe mqabıl du fusqonano elo Erdoğan mawdacle d’24 bu yarhano yawme dı cruto…

Qoyume d’gabe mşahılfe du Huyodo d’Urifi, mqadamlın sturye naşife l’Turkiya bu knuşyo dhawi bu Mawtbo d’Urifi, hatta Turkiya maşbıholın bu renyo Nazid d’Almanya.  Ba sturye dsımlın a qoyume tlıblın d’Urifi makılyo a esore dcam Turkiya, u hın menayeste mawdaclın d’Urifi, klozım dmakılyo u snodo momunoyo dkobo l’Urifi l’Turkiya cala dyoşe…

Rusya mawdacla dıksundo aytawyotho dkibın dhowın beyn du rejim d’Suriya udi Mdabronutho yothoyto du garbyo udu madınho d’Suriya.  Bi maqırhonutho dhula i malılto di wazirutho di baroyutho d’Rusya Maria Zaxarova mırla; İ klayteydan, a Kurdoye d’Suriya falqo me d’Suriya’ne dlo floğo.  Bi maqırhonutho dhula i malılto di wazirutho di baroyutho…

U tukoso du yulfono di idactho udi mardutho d’Emwotho Mhaydotho-UNESCO, bi mawdconutho dhuwle mırle; Meqım me dmisım şuhlofo bi ithutho d’Ayasofya, klozım howelan tebe.  U tukoso tibeloyo klozım dmafit hawxa sbutho me qul di cayno u bıthır howe şuhlofo.  İ sbutho da bethcatiqotho d’Ayasofya hawyo sbutho dıkmıdroşo mu tboco froso…

U rişono d’Amerika Donald Trump mawdacle du athreyde grışle i hadomutho dkıtle bu şutoso du hulmono tibeloyo. Bıthır mi maqırhonuthathe u mşalo da esore baroye du Senato du athro Bob Menendez mırle u groşano d’Amerika mu şutoso du hulmono bu zabno dkito u kewo di Corona latyo fusqono bi duktho.…

Ba yawme dşaficina lıkşofacwo yawmo dlıhozinawo ebe i nuro da yuqdone awste dşımcinawo u qolo qawyo da furqoce dkowanwo ba mdinotho mşahılfe du İran.  İ şişaltho da gedşani dlatne qrihe, bu furqoco dhawiwo 25 bu yarho dşaficina bu qentrun folhoyo d’Xoçer athınwo luhwoyo.  U İran b’zabno d’şabtho mharhız bı tlotho…

İ wazirutho du sutoro d’Amerika u Pentagon mawdacla du rişwazire du Iraq Mustafa Alkazimi sniqoyoyo li mcadronutho d’Amerika, wa haylawotho Amerikoye fayoşene bu Iraq.  Camgabıdathe, i wazirutho di baroyutho d’Amerika mbayanla raqme da talafone, laşan baroye dmitahwe mawdconwotho cala gunhe dıksaymilın a noture qawmonoye du İran.  U rişono di mdabronutho…

Rusya wu Sin bu vetto hatho dmıstacmelın, nafiqi mqabıl di tarmitho du fusqono dkımtalbo dmitawrıxo l’zabno d’şato i tahrazto du şedoro da mcadronwotho noşoye l’Suriya bu darbo da nuqazyotho da thume dcam Turkiya.  Bi rmoyto dımqadmo ma tıre athrawotho d’Almanya u Beljika, lımbahıs cal mcadronutho dmitafito mi nuqazto du thumo…

Qoyume mu parlemento d’Urifi mzaharlın Turkiye bi egartho dımşadrolın lu mşalo da esoroye baroye du huyodo d’Urifi Josep Borell dkıtyo ba esore cam Turkiya. İ egarthathe dımşadro me 69 qoyume ktılbi mu mşalo da esore dsoyım hboso cal Turkiya calu tworo da qonune dıksaymo. Bi egartho dımşadrowelın a 69 qoyume…

Bu athro Dominiqan dkıtyo b’Amerika i Latinoyto, mnasele ha Suryoyo Marunoyo dhowe rişathro ba ğuboye dı şaficina.  Luwis Abi Nadir dkıtyo bu şerşeyde mu athro d’Lebnon qamır a ğuboye di rişqutnutho da Dominkan meqım ma mraşhe hrene.  Luis Abu Nadır dkıtyo bu şerşeyde mu cameydan d’Lebnon dkıtyo Suryoyo marunoyo bu…

Bıthır ma hfuxye d’Amerika, Rusya, d’athrawotho wu mşale mşahılfe, u hasyo du Yawnan bi maqırhonutho dhule mırle; Turkiya lıkmajıryo dımşahılfo Ayasofya l’masığdo di Maşılmonutho.  Bi maqırhonutho dsımle u hasyo di cito Yawnoyto Leronimos mırle; Turkiya mın dkito b’idotha kmıştacyole, Ayasofyaste ha ma medonani dkito b’idothayo. İ sbutho d’Ayasofya kımdawım dothe…

Bu Qusro Heworo, mıstacımlo athmıl i meltho du qtolğenso bu zabno dıgriş u zuhoro cala gunhe du qatlo dan Armınoye, bi şato dan 1915 bu zabno di şultonutho da Cuthmanoye.  Hathe i naqla qadmoytoyo dıkmitıstacımlo i meltho du qtolğenso dan Armınoye mu zabno dıhkımwole u rişono catiqo d’Amerika Ronald Reagen…

Almanya mawdacla da cuqobe dsımla Turkiya calan arcotho d’Suriya, latne ruşmoye u qonunoye beyn Emwothoyith.  Bu funoyo dhula i mşawronitho di wazirutho du qoyumo d’Almanya li rmoyto dımqadamla i qoyumto Helin Evrim mırla; Uhjomo d’Turkiya cala arcotho d’Suriya latte ruşmoyutho Emwothoyith. Bi rmoyto dımqadamwola i qoyumto du gabo semoloyo d’Almanya…