FOLITIQOYO

Bıthır mıd u Huyodo d’Urifi fsıqwole meqım şabtho dımhaydır mınyono d’tedbire mbayne cal farsufe Turkoye, hawile athmıl u rişqutno Turkoyo mamlo camu rişono du Mawtbo d’Urifi Charles Michel.  Bu mamlo dsımle Recep Tayip Erdoğan mawdacle, d’Turkiya kubco dbınyo u dactithayda camu Huyodo d’Urifi u dkıtle sabro d’Turkiya u du Huyodo…

U Yawnan u Fransa, gıdmodın ba kımo yawme dıbqamuthayna qyomo leşan dı qudro i şultonutho d’Athena d’zawno 18 tayosyotho du qrobo d’Rafael me Fransa.  İ mawdconuthathe hiwo mu rişwazire du Yawnan Kyriakos Mitsotakis bu zabno du mamlo dsımle bu parlamento du athro cali butja hathto da 2021. A tayosyothaniste kmıntır…

U Huyodo Athronoyo da gabe Kurdoye, sımlın qroyto lu camo u la hayle folitiqoye u folhoye du garbyo du Iraq u dilonoyith lu parlamento du qlimo d’Kurdistan.  Bi qroytathe a gabe Kurdoye dsimo b’Kobani bu garbyo d’Suriya, tlıbbe dkull noşo dsoyım i wolithayde wu dawro dıknofıl acle, leşan dlowe qrobo…

Albera Çeni kıcayşo b’Södertelje du Swed u cımra 19 eşneyo, u ba yawmotho d’şafıcina mdaşno u şukono di Gaborutho di Claymutho da 2020. Bu nuholo dcali celtho dhiw u şukonano li Albera mawdıc; Alebera gabırtoyo, cal dkobo ağuno leşan aclaymothoste dmitahwelın mkono, dmıştacın esfirreğlo bu taro da şartat dıkmitahwın la…

U malolo ruşmoyo du Mawtbo Umthoyo d’Bethnahrin-MUB Hanibal Yacqub, krıhle i maqırhonutho du rejim d’Suriya u du wazirayde da waqfat, cal dıkmathlo hjomo qriho calu camo Suryoyo şerşoyo u cali hiyoyuthayde i umthoyto wa zedqe ruşmoye dkıtle b’Suriya. Yacqub bi maqırhonutho dhule l’Suroyo TV sımle qroyto lan abne du camaydan…

Me gabo hreno u Huyodo Suroyo d’Urifi-ESU’ste, frısle buyono cali maqırhonutho dhuwole meqım zabno u rişathro d’Suriya Başar al Asad.  Bu buyonano dıfrısle ESU, krıhle u mamlo du rişathro u mırle; İ maqırhonuthathe d’Al Asad kımadilo bşıkıl qriho, cali klayto u calu qedomo dkıtle u rejim d’Darımsuq mqabıl da zedqe…

İ qadişutho du fatıryarxo di cito Suryoyto Qatholiqoyto Mor İğnatiyos Yusıf III’yo Yunan, mawdacle da rişone Mşihoye d’Lebnon lıkşowın li wolitho dhulelınyo u camo, u ktıcni falqo rabo mi mşalutho dcali aykanoyutho mahişonitho d’Lebnon.  Me gabo hreno, fatıryarxo Yunan mawdacle da Mşihoye d’Lebnon lo nafiqi moro lan ahunonaththe dımgalwelın man…

Bi maqırhonutho dıfriso mi wazirutho di baroyutho d’Amerika makıd, d’Woşington mahıtla tedbire cal Turkiya bu taro du qyomo d’KAATSA-231  Bi maqırhonuthathe dıfriso athmıl bi rişonutho d’Mike Pompeo mawdıc, Amerika mahıtla a tedbirani calu şutoso dmarkawla i şultonutho d’Ankara, leşan u teqwiyo du endustri di mşaynutho athronoyto d’Turkiya. Lfuth i maqırhonutho…

Armenia u Azerbaijan, mşahlaflın yasire du qrobo. 12 folhe yasire d’Azerbaijan, nqili b’tayosto Rusoyto l’Baku, wu 44 Armınoye yasire manhıti bi arişkoyto d’Armenia Yerevan.  Bebzabno, a yaqrotho da folhe dımvayci ba taxtuşe dhawın’wo b’Qarabax, kıtulbi funoyo mi rişonutho d’Armenia. U rabhaylawotho da hayle Rusoye b’Nagorno Qarabax-Rustan Muradov huwle mawdconutho calu…

U rişono gawonoyo da Haylawotho d’Suriya Demoqratoyto Mazloum Cabde, krıhle u hjomo dsımla i peşmerge di KDP, calu gerilla d’HDP bu garbyo du Iraq. U rişono gawonoyo d’QASAD Mazloum Cabde, frısle egartho bi dafayde du twitter u krıhle u hçomo dsımlın a hayle du gabo Demoqratoyo d’Kurdistan-KDP calu gerilla di…

İ mcadronitho du rişono du Komisyon Amerikoyo di Hirutho Emwothoyto da Tawdiyotho Nadine Maenza, frısla egartho bi dafayda du Twitter calu qedomo du rejim d’Suriya mqabıl da Mşihoye du athro.  Maenza kalyo cala hawbe dsimi cala qalilotho tawdithoye u du rişathro Başar al Asad lıksonıd u terkiwo di hirutho tawdithoyto…

U tukoso Emwothoyo dıkmcaqıb a zayne kimyawi, sımle u rejim d’Suriya sturyo cal dılo huwle mawdconutho calu macımlayde du snoco da zayne kimyawi u cal 18 sebwotho hrene dabıc funoyo aclaye.  Bu zabno di mawdconuthathe dhuwle u mşalo du tukosano la hadome du Mawtbo di Mşaynutho d’Emwotho Mhaydotho, mahwela Rusya…

Bıthır mıd Amerika wu Huyodo d’Urifi kıdorşi u kımtaybi ruhaye dmahti tedbire casye cal Turkiya, sımle u rişqutno Recep Tayip Erdoğan qroyto dmitabde dialog u dhowelın methcadronutho beyn hıdode.  Bu mamlo dsımle athmıl Erdoğan mırle; A tedbire momunoye belhude gdobın husrono la gabe kulle. Aşwole d’Turkiya cama muttafikayda kibın dmışrın…

U rişwazire du Iraq Mustafa al Kazimi, sımle qroyto dmitabde dialog Athronoyo meqım ma guboye dıgmisomi bu athro bu yarho d’Hziron dıbqamuthayna.  Bi sbutho da guboye gawonoye du Iraq, mqadamla Almanya 7 milyone dolare lu tukoso d’UNAMİ, leşan u snodo da fulhone du tuyobo da guboyani. Bi ytawto dhawile u…

U bethdino Emwothoyo dilonoyo dsim b’Den Haag calu qatlo du rişwazire catiqo d’Lebnon Rafiq al Hariri, mıdle fusqono bhaq du hadomo d’Hizballah Salim Ayyash. Ayash hkımwo heş bu yarho d’Ob, dhawile sawco bu qatlo du rişwazire Lebnonoyo ba 2005, u bu fusqono hatho dmid athmıl, u hayobo mjaze 5 naqlat…

İ qadişutho du papa du Vatikan Mor Fransis Qadmoyo, mdafacle a yuthrone du dewam di ithutho Mşihoyto bu Iraq u b’Suriya, u sımle qroyto lu kenşo emwothoyo dımşajıc abnaynoşo dmahzamlın ma qrobe, dı dıcri mehatho la nathrawothathe.  İ dayira du Vatikan du şuşoto du quyomo bnaynoşoyo, mtayabla athmıl lqoyto bu…

A rişone du Huyodo d’Urifi dlayimi bi mditho d’Bruksel, bu knuşyo dhawilın athmıl u adyawma, mbayanlın tedbire hathe mqabıl Turkiya xıd hfuxyo mqabıl da fulhone lo qonunoye dıksaymolın bu madınho du yamo Mescoyo.  Lfuth u buyono du huthomo, afarsufe wa şırkat dkıtlın mşalutho cala fulhone du krozo dcalu ğaz bu…

Amerika hadırtoyo dmahto tedbire cal Turkiya, cal dızwınla sistem da soruhe d’S-400 me Rusya. İ mawdconutathe hiwo me hamşo mabuce; beynothaye tıre mşale Amerikoye.  Dothe Amerika dmahto a tedbirani cal Ankara, gıdmitaqşıyo i mwatyutho dkito ucdo beyn da tre athrawotho dkıtne hadome bu NATO u bi sbuthatheste u rişqutno Turkoyo…

 U rişono Amerikoyo Donald Trump kobıc bkul mkono dkito, dfoyış bi rişonutho du athro, bıthır ma guboye haroye dhawın b’Amerika.  Hol 17 marcıyotho du athro, kıtulbi ucdo dılo mıhşowi ba milyone d’qole dhiwiwo ba guboyani di rişonutho, dsimiwo bu şuroyo du yarho dşafıcina. U rişono d’Amerika Donald Trump, kımjarıb naqla…

U mşalo da buqore dcalu furqoco du lmino d’Beyrut, thımle u rişwazire Hassan Diyab dmıstacfewole mi wolithayde u tlotho wazire catiqe bi dacwa du ihmal dhawiwolın bi sbuthathe.  Bu şuroyo di şabtho dıbqamuthayna, gıdmisım buqore camu rişwazire Diyab u cama tlotho wazire dıkmıthomi bi mşalutho dcalu furqoco d’Bayrut.  U rişono…

U Hudro du Quyomo da Mşihoye du Madınho, mtayable tarmıyotho frişe lu camaydan d’Suriya u du Iraq, u adşato malımle snodo lu camaydan d’Turabdin. Hudro frısle ucdo mawdconutho cali tarmitho dımtayable, leşan u snodo da tloye du camaydan b’Turabdin.  Bi tarmithathe dmalımle u Hudro kmoyutho rabtho d’zuze, zwin ebeye duşne…

A rişone du Huyodo d’Urifi bu knuşyathe adyawma bi mditho d’Bruksel, kdurşi dmitahıt tedbire qaşye cal Turkiya, mi celtho da fulhone lo qonunoye dıksaymo bu madınho du yamo Mescoyo.  Camgabıdathe, qoyume u rişone d’şutose Urifioye, tlıblın ma mıştawtfone lu knuşyo d’Bruksel, dmahti tedbire qaşye cal Ankara, u dımbayni dactid hatho…

U rişqutno du İran Hassan Rohani, huwle şudoyo dgımdawımi u snodathe lu rejim du rişathro d’Suriya Başar al Asad.  Rohani tlıbleste me Darımsuq, dımharbo İsroyel ba turone d’Golan. U mamlano d’Rohani sim, bu zabno di socurutho dsımle u waziro di baroyutho d’Suriya Faisal Mekdad l’Tehran. Lfuth i dafo di rişqutnutho…

U menyono da farsufe dıqtili ba tagılyotho du protesto dkımdawmi bi Sulemaniye bu qlimo d’Kurdistan du Iraq, yasıq lı tmınyo farsufe u zıd me 50 hrene mjarhi.  Atlotho rişone du Iraq cama rişone da gabe folitiqoye mşahılfe, bu knuşyo dsımlın bı Boğdod, makadlın dıklozım dmisım şuhlofe momunoye bnişo dmınfıq mqabıl…

Amerika grışla u zuhoro du Iraq u mawdacla, dkıtyo hadırto dmahto tedbire acle en dothe d’zowın zayne u lojistik folhoyo me Rusya.  Waşington mqadamla u zuhorano l’Boğdod, bıthır mi socurutho dsımwole u waziro di baroyutho du Iraq Fuad Hussein l’Mosko meqım yarho. U mcadrono du mşalo Amerikoyo dcala sebwotho folitiqoye…

A tagliyotho da gabe saqıbloye, kımdawmi mqabıl du rişwazire d’Armenia Nikol Pashinyan, bıthır mıd lo matıcle lu zabno dmahıtwo qume leşan dmıstacfe mi wolithayde.  Bebzabno a tre fatıryarxe dan Armınoye’ste sımlın qroyto lu rişwazire Pashinyan, dtore mi wolithayde u dfotıh u darbo qum du tuyobo d’guboye gawonoye hathe. Koalisyon dhol…

 U rişqutno du Iraq Barham Salıh, mawdacle dıklozım i şultonutho du qlimo d’Kurdistan dımşarıro atalabe da mtagılyone, udımqafyo şroye şerşoye li sbutho da nağre u di aykanoyutho haruto di ciyeşe.  Camgabıdathe, i mathlonutho d’Emwotho Mhaydotho bu Iraq krıhla u cnufyo dıkmitıstacmıl mqabıl da mtagılyone di Slemaniye, u tlıbla mi şultonutho…

Awazire di baroyutho du Huyodo d’Urifi mayadlın sistem hatho da tedbire dıkmitahti cal farsufe dıkmıthomi dsımlın dyoşe rabe bhaq da zedqe noşoye.  İ tahraztathe du Huyodo d’Urifi athmıl mafito la haye balhude b’gawıd da n’arcotho du Huyodo.  U Huyodo d’Urifi bu quwolo dsımlın lumıhreno a’wazirayde di baroyutho, mayadle sistem hatho da…

U rişono hatho d’Amerika Joe Biden, mraşahle u rabhaylawotho  d’Lloyd Austin xıd waziro du sutoro du athro. Dothe u Senato dım’ayıd i mraşhonutho d’Austin, gıdkothıw Biden makthabzabno hatho b’Amerika.  Dothe Austin dminaqe, gıdhowe u Afriqan komo qamoyo dıkmitahwele i mşalutho d’Pentagon. U rişono hatho d’Amerika Joe Biden, ruşmoyith mraşahle u…

Amerika, mahıtla tedbire calu mathlono du İran b’Yemen, bnişo dmitaqşe u hboso cala hayle da Houthiye, leşan dmaklın u qrobo dkı mdawım hani 5 eşne b’Yemen.  Bebzabno Woşington, mahıtla’ste tedbire cal Pakistanoyo dıkhoye bu İran u dıkmıthım bu snodo da hayle d’al Quds du İran. İ wazirutho di Xazina d’Amerika…

İ rmoyto di butja du sutoro d’Amerika dkito bgawa tedbire mqabıl dı Turkiya maydo mu mawtbo da mathlone.  U rişono d’Amerika Donald Trump mawdacwole dothe i rmoytathe dşıcfo mu senato huwe lıgıdmaqbela u gıdsamla veto. U mawtbo da mmathlone d’Amerika m’ayadle i butça du sutoro dkıtyo b’741 milyare dolare. Bu…

U tukoso Amerikoyo du quyomo emwothoyo d’USAİD, ba tarmiyotho dıksoyım kımdawım d’sonıd u camaydan laşan dmarku ruhe m’hatho bi daşto d’Ninwe bu garbiyo du Ciraq.  USAİD bi tarmitho du kahrobo dsımle bi mditho Suryoyto d’Barıtle, kımqadım mşablonutho l’zıd m’150 yaqrotho ma came mşahılfe di mditho.  Bu taro di tahrazto d’hulmono,…

Kathowo Tırkoyo Kemal Yalçın, frısle kıthowo hatho bu eşmo “tek kanatlı kartal”.  U kthowano dıkmahke calan Armnoye ucala Suryoye dxalisi mu Sayfo wu taathir dide adyawma, fris bu leşono Tırkoyo. Rohmo dost du camo Armnoyo, du camo Pontus Yawnoyo u du camo Suryoyo Kathowo Tırkoyo Kemal Yalçın, u syomeyde u…

U rişızgado du Vatikan bı Darımsuq kardinal Mario Zinari, mawdacle du kriz momunoyo qaşyo d’Suriya qtile u sabro dkıtwolın abnaymothoye du athro.  Mxasra hreto, u waziro du Vatikan kardinal Paul Gallagher mahwele ilothnihuthayde ma hçome bceldboboye dıkmisomi cala Mşihoye d’Urifi bışmıd d’Aloho.  U rişızgado du Vatikan bı Darımsuq kardinal Mario…

U gayso kaboşo dı Turkiya bnele nuqazto folhoyto bu garbiyo di qastra d’Cayn Cisa bu athro d’Suriya.  İ nuqaztathe kmitıstacımlo ba hçome dıkmisomi ba soruhe u foqucwotho cala mdinoye u qıryawotho dkıtne hedor di qastra stratijikoyto d’Cayn Cisa.  Ba vidyowiye dıfrisi bu tboco froso, kmahwiyo nuqazto folhoyto du gayso kaboşo…

U Enstitut İsarloyo du Yulfono di Mşaynutho Athronoyto, grışle u zuhoro calu qento du qrobo hatho dkibe dnofıq b’Lebnon wu tathir dgıtore calu qlimo.  U mdabrono du Enstitutano-rabhaylawotho Udi Dekel mawdacle, da thume d’İsroyel’ste kibın dmimodi nişo lban alfayo d’soruhe dgımımhoyi me Lebnon, Suriya, umu macırbo du Cıraq u hatta…

Bu taro du nesyuno dıkcayşole britho camu virus d’Corona, Emwotho Mhaydotho mbayanla yawmo tibeloyo di hıdriye mqabıl d’pandemi hatho awkith gedşo mahişono rabo di noşutho.  Mxasra hreto, u athro dı Britanya mşarele adyawma d’obe u vaxsin u luqah mqabıl du virus d’Corona la farsufe dkıtne rabe bu cımro awste dkıtne…

U komisyon da zedqe noşoye du Iraq, bu hfuxyo dmahwele mqabıl da gedşe dhawın bi hiğmonutho di Slemaniye, rfıdle i siyase du sxoro du femo u du mnoco da tagılyotho mşayne, u krıhleste u haylo dıkmitıstacmıl mqabıl da mtagılyone.  Camgabıdathe, u komisyon sımle qroyto li şultonutho d’Boğdod ud’Arbil dımsarhıbi bu…

A neşe bı britho lo qıdri dmaydi duktho bu haqlo du tboco froso.  Lfuth du buhono dsim mu vakıf d’Bill u Melinda Gates, i hzayto di athto bu tboco froso dı britho ğalabe dacifyo. U taşroro dkito bgawe anistatistike du tboco froso emwothoyo ba 10 ışne haroye a tebe dı…

Sebahat Tuncel İ rişonutho zawgoyto catıqto du gabo d’DBP dkıtyo msıkto bu hbuşyo hula fusqono dımşaryo bi taklitho du kafno.  Tuncel bi taklithayda du kafno knıfqo mqabıl di siyase di izole dıkmitaşyo calu rişono di PKK Abdullah Öcalan.  İ rişonutho zawgoyto catıqto du gabo demoqratikoyo da qlime DBP Sebahat Tuncel…

Ba tagliyotho rabe dsimi bı mdinotho frişe d’Fransa, mahwele u camo hfuxyo mqabıl du cnufyo du polis u mqabıl du qonuno hatho dımbayanla i şultonutho leşan i mşaynutho.  Bu zabno da tagliyothaniste, qayithi a mtagliyone u polis bıhdode u msik ba asrowat dıbnaynoşo.İ wazirutho di gawoyutho mawdacla, la tagliyothani mıştawtafle…

U rişono d’Amerika Donald Trump, huwle amro dmıgrış bu şuroyo di şato dıbqamuthayna sahmo rabo ma folhe Amerikoye dkıtne b’Somalia.  A folhe Amerikoye dkıtne b’Somalia, mcadriwo a hayle folhoye bu ağuno mqabıl du ğrub marhıbono d’al Şabab.  Bi maqırhonutho dhuwla Pentagon mawdacla du rişono d’Amerika Donald Trump, huwle amro dmıgroşi…

U polis İtaloyo, msıkle 19 farsufe dımdabriwo şabake di tagorutho lo qonunoyto da bnaynoşo. Ba cuqobe dilonoye dsımle athmıl u polis d’İtalya, qadır dı şore şabake dıknuqlowa galwoye me Afğanistan, İran, Iraq u Pakistan l’İtalya u me tamo, bıthır lanathrawotho d’Urifi. A 19 farsufani dımsiki, nuqliwo a galwoyani b’sfinotho gniwe…

İ kongre d’Amerika şafico li harake leşan dmahto tedbire cal Turkiya cali sbutho du sistem da soruhe d’S-400.  Mbayın zabno d’30 yawme leşan u rişono d’Amerika Donald Trump dmode i rmoytathe di butja du sutoro du athro. A hadome di kongre d’Amerika mawdace u şıkıl haroyo di rmoyto du sutoro…

Amerika ksındo u rişwazire du Iraq Mustafa al Kazimi calu hboso dıksoyım cala hayle Şica dıkmısnodi mu İran. İ mawdconuthathe, du waziro di baroyutho d’Amerika Mike Pompeoyo.  Me gabo hreno u waziro di baroyutho du Iraq Fuad Hussein hawile ytawto camu bar amnayde d’Bahrain Abdul Latif al-Zayani, leşan a 2…

Bi ytawto dhawyo beyn du waziro di baroyutho d’Yurdnon Ayman Safadi udu baramnayde d’İsroyel Gabi Aşkenazi, kıle cali ulsoyutho dmitabdın naqla hreto a droşe beyn di şultonutho d’İsroyel u da Fleştoye. İ ytawtatheste athyo lu huwoyo kımo yawme, bıthır mu rişono da Fleştoye Mahmoud Abbas sımwole socurutho l’Yurdnon u lğer…

U tukoso Emwothoyo du Hulmono ( WHO) mzaharle i mhato wu waksin di korona lıklozım dmıfhomo dathyo i harayto du kewano.  Grişste u zuhoro bhın athrawotho u sistem du hulmono mati lu darğo dmıshıf bnaqla hıdo. U rişono di aykanoyutho msarhabto du tukoso Emwothoyo du Hulmono WHO Michael Ryan mawdacle,…

Bethdino d’Hungaria, mjazele marhıbono d’Dacış cımre kule lu hbuşo, cala hawbe dsımle b’Suriya.  Bıthır ma tahwiyotho dmalimi me 10 farsufe dıkhoyın b’Beljika u b’Malta cala hawbe dsımle u marhıbonano b’Suriya, fsıqle u bethdino d’Hungaria u marhıbonano dkıtyo cımre 28 eşne, cımre kule lu hbuşyo.  Bethdino qlimoyo d’Hungaria, hkımle u marhıbono…

Amerika mawdacla, dıgdobo 5 milyune dolare luha dkıtle mawdconutho cali tagorutho lo qonunoyto dıkmaşın a ğrobe marhıbone d’Dacış bu haqlo du nafto u da athare maktabzabnoye.  İ mawdconutathe, mi wazirutho di baroyutho d’Amerika hiwo. Bebzabno mawdıc, da hayle Iraqoye, sımlın cuqobe casye cala dukotho d’Dacış b’Daquq u msik 4 marhıbone…

Taşdarto me Beljika dıkmişaklo me qoyume u tukose mdinoye u gelyunore laqyo menyomo ma rişone da gabe u tukose folitiqoye Kaldoye-Suryoye-Othuroye bu Iraq, beynothaye u rişono du gabo du Huyodo d’Bethnahrin Athroyo-HBA Yusuf Yacqub Matti.  Bi ytawtathe dımtaybo bi mditho d’Caynkawa, griş u zuhoro cali şişaltho da qtolcame dhawın calu…

U ferco du yulfono Suryoyo di tarbitho d’Ninwe mtayable ytawto cama malfone u malfınyotho di tarbitho tawdithoyto Mşihoyto u du leşono Suryoyo.  Bi ytawtathe dsimo bi qastra d’Bahşiqa bi daşto d’Ninwe, drişo i tahrazto hathto du tewlifo wa teknike hathe du nawlo, u kleste cala qetre dıkloqın amalfone bu maşıqlo…

İ mşalonitho du Komisyon mdinoyo d’Turkiya bu Huyodo d’Urifi profesor Kariane Westrheim, mşadarla egartho lu rişono du Mawtbo d’Urifi Charles Michel cali sbutho du knuşyo dgısoyım u Huyodo calu athro d’Turkiya.  Bi egarthathe dıfriso lfuth a qroyotho Emwothoye dsimi, cala fusqone wa rmoytho dımqadmi leşan u şlomo wi demoqratoyutho b’Turkiya,…

Bıthır mi mawdiyonutho du Senato d’Fransa, ucdo i Kongre du athroste mawdela bi şaryutho du qlimo d’Nagorno Qarabax u bı qaşyutho krıhla a hjome da hayle folhoye d’Azerbaijan u d’Turkiya calan Armınoye u cala comre d’Qarabax.  Bebzabno Azerbaijan mawdacla athmıl u mınyono da folhayda dıqtiliwo bu qrobo d’Qarabax. Hathe inaqla…

U rişono hatho d’Amerika dıqmırle a guboye haroye Joe Biden, mawdacle di mdabronuthayde lıkobo fsoso lu İran, dhowele zayne du nukleer.  Camgabıdathe, i mdabronutho du rişono Amerikoyo Donald Trump, mahıtla tedbire hathe cal Tehran.  U rişono hatho d’Amerika Jeo Biden, mawdacle di mdabronuthayde lıkobo fsoso lu İran dmote lı darğo…

U Tukoso Emwothoyo di mcadronutho, frısle taşroro calan athrawotho rişoye dkıtne qento bı britho u dlıklozım dmisamlın socurutho bi şato da 2021.  Bu taşrorano d’İnternatşınıl SOS kmitawdıc, dan athrawotho rişoye dkıtne qento di mşaynutho bı britho Suriya, Libya, Afğanistan, Iraq wi Qutnutho d’Afriqya i Mescoytone. Bu tebo dıfrısla i sfaryawmo…

U gabo du huyodo d’Bethnahrin Athroyo d’HBA du Iraq cam grub d’folitiqoye u hfite ma Maşılmone Caraboye Sunna d’Mawsal, mabdewolın meqım tloth ışne fulhone mşawtfe bnişo dmişahılfo Ninwe lı qlimo şaryo.  Athmıl bi tahrazto haytho dıfrısle Suroyo TV, sımle baytoyutho lu rişono d’HBA u lı tıre hfite Caraboye dımşataswolın camıhdode…

İ mdabronutho mşawtafto da haylawotho Iraqoye, mawdacla da grube mzayne dkıtwo bi qastra d’Şigur mawfıqi ma dukothathe, elo agrube mzayne d’Şigur mdagelın u tebano dhıne fayoşe b’Şigur.  Lfuth i mdabronutho du gayso du Iraq, i wolitho di mşaynutho gawoyto d’Şigur gıdmitasılmo la pwelıs Yezidoye, elo u sutoro du tawqo dkıtyo…

Grub d’hadome bu mawtbo tahtoyo di kongre d’Amerika, mqadamlın rmoyto dıktulbo dmitathkır u qtolcamo d’Simele dsımwo ban 1933 u dnafılwo eba zıd me 300 alfo sohde mu camaydan du Iraq.  İrmoytathe dmıdle u insiyativayda qoyumto Debbie Lesko, ktılbste dmitanhır u camo Amerikoyo cali şrorutho du qtolcamo d’Simele.  İ hadımto du…

A mıştawtfone lu lumodo emwothoyo du snodo du camo d’Lebnon dımtayıb athmıl bu darbo du nawlo, hulın şudoyo dgımqadmi hedor 260 mılyune Euro laşan dmicadır u camo dıhzele husrono bu furqoco du lmino d’Bayrut.  Camgabıdathe, u rişqutno dı Fransa Emanuel Macron dkıtyo u mtaybono du lumodano, mawdacle d’Lebnon xıd athro…

U tukoso Emwothoyo da zedqe noşoye thımle athmıl a hayle d’Azerbaijan dmaşelın cnufyo qaşyo mqabıl da hayle Armınoye bu qrobo dhawi beynothaye b’Nagorno Qarabax.  Bı tebo hreno dıfris calu qlimano d’Qarabax mawdıc, dhol 900 marhıbone Suriye noqufe d’Turkiya dımharbiwo hol ucdo cama hayle d’Azerbaijan, daciri ucdo naqla hreto l’Suriya. Human…

U senator Qutnuthoyo d’Amerika Ted Cruz, ktolıb dmitahti u gabo dan Ahunone Maşılmone d’Mısır bi lohitho kımto d’Amerika, calu snodayde la marhıbone.  Bebzabno u waziro di baroyutho du athro Mike Pompeo, kit dothe cal qariwo dmahıt a hayle da Houthiye d’Yemen bi lohitho di marhıbonutho.  U senator d’Amerika Ted Cruz…

İ mcadronitho du rişono du komisyon Amerikoyo di hirutho emwothoyto da tawdiyotho bı britho Nadin Maenza, mwasafla ahomuse di gaborutho du ağuno dkobele u Mawtbo Folhoyo Suryoyo d’MFS bi qastra dı Tel Tamır bu garbay madınho d’Suriya.  Mayenza bi mıştawtfonuthayda athmıl li tahrazto d’şabtho kamılto b’Suroyo TV, naqla hreto sımla…

A Haylawotho d’Suriya Demoqratoyto, rfıdlın a tebe dıfrisi dıkmidace ebeye dmatilın tayosyotho dılo pilote ma hayle du koalisyon Emwothoyo dkıtyo bi rişonutho d’Amerika.  U malolo d’QASAD-Kino Gabriel mırle li dafo d’Rudaw; A idicat dıfrisi bu tboco froso kenşoyo, rahuqe mi şroruthone wu rabhaylawotho du Mawtbo Folhoyo d’Deyr Ezzor’ste kırofadlın. İ…

Bi netije du mrodo dmahwelın acomure di fnitho d’Şigur, ahaylawotho Iraqoye lıqadiri athmıl dmaydi dukthıd da haylawotho da Asayış d’Yezidxan, u matın lawyutho cama comure dıdırşi i sbuthathe ba zabne dıbqamuthayna.  Camgabıdathe, ba mdinotho mşahılfotho du qlimo di Gozarto d’Bethnahrin d’Suriya kımdawmi heş atagılyotho camonoye dıksındi a Yezidoye mqabıl du…

İ qale da mele dhawyo bu knuşyo da wazire di baroyutho dan athrawotho hadome bu NATO, grışla u zuhoro calu şıkıl du dactith du huyodano u sniqutho da şuhlofe dıklozım dsoyım li şato da 2030.  Bu knuşyano dsımle u NATO bu darbo du nawlo, qayıth u waziro di baroyutho d’Amerika…

Britania, maqbela u vaksin di Corona dısnıcla i şırke da darmone d’Amerika Phizer/Biontech. Bi şabtho dıbqamuthayna, kmıntır d’Britania dımfarqo u darmonano bu athro.  Bebzabno mşale di wazirutho du hulmono d’Amerikaste mawdace u plan dkıtte dcal qariwo dımfarqi u vaksinano lu camo. Elo camatheste kmitawdıc, du kewano di Corona kımdawım dhowe…

Amerika mabdela dialog stratejikoyo cam Bahren, leşan dmabdiyo u qyomo dbeynothaye u bebzabno, dsaymo u İran izola bu Madınho Mescoyo.  İ ytawto dhawyo bu darbo du nawlo beyn du waziro di baroyutho d’Amerika Mike Pompeo u du baramnayde d’Bahren Dr.Cabdulatif bin Raşid al-Zayani, simo bıthır mıd Bahren wa İmarat mıttafqi…

Mabuco Lebnonoyo u hreno İsarloyo, mawdaclın dımşawhır u cedono da bazare dıkmisomi bayn d’Lebnon u İsroyel, bnişo dmibayni ruşmoyith athume du yamo dbaynothaye.  Cala bazarani dıkmisomi bi qastra d’Raas Alnaqura, u mabuco Lebnonoyo maglele du gabo İsarloyo mşawharle aytawyotho cal dırfıdle arenye u hzayotho di taşdarto da bazare d’Lebnon. Mabuco…

Acomure di qastra d’Şigur du garbiyo du Iraq, layimi adyawma qum da qentrune da n’Asayış d’Yezidxan, bnişo dmınci ahaylawotho Iraqoye dmaydi dukthaye.  Camgabıdathe, mtayıb bu qlimo di Gozarto d’Bethnahrin d’Suriya u bhın ma nathrawotho d’Urifi, tagılyotho du protesto mqabıl du qyomo dımde bayn da tarte şultınwotho d’Boğdod u d’Arbil cali…

B’Turkiya adşato lo mqadım snodo lu tboco froso da qalilotho.  A sfaryawme wa mğale da qalilwotho dı Turkiya bu zabno du kewo di korona bcasqutho rabtho qıdri dsaymi u frosathe. İ mğaltho Suryoyto d’Sabro dıkmıfroso b’Turkiya bu tebo dı frısla mawdacla u Şutoso du tboco froso dı Turkiya kul şato…

İ rişathwazire d’Almanya Angela Merkel, mawdacla da fulhone lo qonunoye dıksaymolın Turkiya bu madınho du yamo Mescoyo, fulhone bcelıdboboyene.  Mxasra hreto, u mşalo catiqo bu pentagon Maykel Roben, mawdacle di siyase du şuhlofo demoğrafoyo dıksaymola Turkiya bu garbiyo d’Suriya, mşarelaste dsaymola bi fnitho du Qafqaz dıkmitaxılyo ma Mşihoye, udıkmitahıt b’dukthaye…

Sim u bethdino qadmoyo bi sbutho du hjomo u du rjomo dhawiwo calu rişono di CHP Kemal Kılıçdaroğlu.  U mqimdino fsıqle, da thimoye kulle dmıtrın hire wu bethdino mcawıq l’siqumo hreno. Sim u bethdino qadmoyo bi sbutho du rjomo dsımwo calu rişono du gabo di qutnutho du camo CHP Kemal…

U gabo du huyodo d’Bethnahrin athroyo d’HBA, mawdacle dıkrofıd u qyomo dımde bayn di şultonutho qentrunoyto d’Boğdod wi şultonutho du qlimo d’Kurdistan cali aykanoyutho d’Şigur. HBA makadleste dkul qyomo dkıtle esore cama fenyotho dheş latne safye bu garbiyo du Iraq, klozım dhowe bu sebyono u bi awyutho da came da…

İ qadişutho du fatıryarxo di cito Suryoyto Marunoyto Mor Bşara Bıtrıs Alraci, mzaharle mu qento dkito cali ithutho d’Lebnon u da bnaymothoyayde dilonoyith a’Mşihoye, bu taro mi zictho dkito mi golutho dkiba dhuyo mfothıd du kriz momunoyo qaşyo d’Lebnon.  U zuhorano d’Mor Bşara Alraci athi luhwoyo bi lqoyto dhawile bu…

U waziro di kinutho dı Turkiya wu malolo di rişqutnutho malımme a rişone tawdithoye mşihoye u hudoye dı Turkiya leşan dobın sırto dı Turkiya lıksaymo frişutho beyn da tawdiyotho da came.  Elo u knuşyano dsim bu zabnano lı maqnacle a came dı Turkiya uloste u kenşo emwothoyo, dı Turkiya kdayşo…

U İran thımle İsroyel wu tukoso dıkqore ruhe Mujahidi Xalq bi mşalutho dcalu qatlo du yadıcthono bu haqlo du nukler Muhsen Faxri Zada. Megabo hreno, u gayso d’İsroyel mawdacle dkıtyo mtaybo cala thume d’Lebnon u du Golan, bnişo dnofıq mqabıl dayn hjomo dıkmıntır dhowe mu İran xıd funoyo lu qatlo…

U rişono mnaqyo d’Amerika Joe Biden mawdacle i gudayde u grubayde du mahwo şqolo du kominikasyon gıdımşakıl ma neşe.  Biden bi maqırhonutho dhule mırle “kıtli şubhoro dmaşmacno i gudo qadmayto du mahwo şqolo du qusro heworo dıkmişaklo kulonoyo ma neşe” Joe Biden dımgabe u rişono d’Amerika mawdacle i gudayde du…

Emwotho Mhaydotho mawdacla, bu hjomo dsim bu tukoso marhıbono d’Boko Haram qtile zıd me 110 akore bi marcitho d’Borno du athro d’Nijerya.  Bu hjomo barbıroyo dsımle Boko Haram mjarıhste mınyono celoyo d’farsufe. U mdabrono di mcadronutho noşoyto d’Nijerya b’Emwotho Mhaydotho Edward Kallon bi maqırhonutho dhule lu tboco froso mawdacle, bu…

U Lumodo da Hsayo d’Almanya dheş ma 2003 kımaşe fulhone, mabdele inisyativ bu ışmo; Awyutho cama Mşihoye dıkmırdofi u dıkmidoşi bu zabnaydan’.  Bu inisyativano, mbayın u siqumo d’26 bu yarho d’Konun u qamoyo dıbqamuthayna xıd yamo di slutho leşan a Mşihoye d’Suriya u du Iraq. A hsayo Qatholiqoye d’Almanya fsıqlın…

U polis federaloyo du Iraq, mabdele u maşıqlo qamoyo du terkiwo du qyomo dımde beyn di şultonutho d’Boğdod u di şultonutho d’Arbil cali fnitho da Ezidoye-Şigor.  Bu qyomano tlıbwo dmitaqımi a hayle folhoye hrene dkıtne bi fnitho, u calathe u polis bıdele dmanhıt a remze wa othowiye da ğrube folhoye…

İ şultonutho d’Amerika, mahıtla tedbire momunoye cal 4 şırak d’Rusya u du Sin, dımdawamlın i tagoruthathe camu İran.  Bebzabno a şırak d’Rusya u du Sin kmıthomo dımcadarlın u İran bi tahraztayde du snoco da soruhe. A tedbirani d’Amerika mahti cala 2 şırak d’Rusya Nilco Group wi şırke Elecon, wa 2…

U Yawnan, mawdacle ilo thnihuthayde li şultonutho d’Almanya, cal dıkrufdo dmahto embargo da zayne cal Turkiya.  U waziro di baroyutho du Yawnan Nikos Dendias sımle Berlin sturyo, cal dlıkmahto embargo da zayne cali şultonutho d’Ankara, dıkmahrıwo i mşaynutho da 2 man athrawotho hadome du Huyodo d’Urifi. Bi maqırhonutho dhuwle u…

İ mcadronitho du rişono du Komisyon Amerikoyo di Hirutho Emwothoyto da Tawdiyotho Nadine Maenza, huwla maqırhonutho cali ithutho da hayle kaboşe d’Turkiya bu garbay madınno d’Suriya wu husrono dkobın la mdinoye.  Maenza bi dafayda du Twitter kalyo cala hawbe dıkmisomi cala qalilotho tawdithoye du qlimano, u mkararla cali ulsoyutho du…

U rişqutno d’Armenia Armen Sarkissian, mkararle i qroyto di isticfa di şultonutho du rişwazire Nikol Pashinyan u dmitalız calu tuyobo d’guboye gawonoye hathe. Bı maqıblonutho dsımle u froshezwo d’Armenia camu rişqutno makadle, dkito sniqutho dmisım u şuhlofano leşan dmınfıq mu kriz dkito bu athro. U rişqutno d’Armenia Armen Sarkissian mkararle…

Ba taxtuşe dhawın beyn da noqufe du rişono Şica Muqtada al Sadır u da saqıbloyayde b’Nasiriyah du Iraq, qtil 6 farsufe u ba casrowat dıhrene mjarhi.  Ucnufyano athi lu huwoyo beyn da bnaynoşo dmıştawtafwolın la tagliyotho da 2019 dsimiwo mqabıl di şultonutho u da noqufe d’al Sadır, bıthır mi qroyto…

U rişqutno d’Belarus Aleksander Lukashenko mawdacle, dkıtyo hadiro dmıstacfe mi wolithayde, en u athro dsoyım şuhlofo bu nomuso esonoyo du athro.  Bu mamlo dsımle Lukashenko lu camo huwle şudoyo u mırle; Ono lıgxodamnolxu xıd rişqutno tahte du nomuso esonoyo hatho. U rişqutno d’Belarus awkith d’Rusya i Hewarto Aleksander Lukashenko kımawdıc…

U gabo du Huyodo d’Bethnahrin Athroyo HBA du Iraq, dıqle u noquşo du qento dkito calu dactid di ithutho Mşihoyto du camaydan bi daşto d’Ninwe bu zabno dkımdawmi a Maşılmone Şica dımşahılfi i demoğrafya da fenyotho makthabzabnoye du camaydan bu snodo du İran.  Camgabıdathe, ha ma mbahnone folitiqoye d’Ninwe, thımle…

80 yaqrotho mu camaydan dkıtwın galwoye bu qlimo d’Kurdistan du Iraq, daciri ucdo la botathe bi qastra dı Telkepe di daşto d’Ninwe.  Camgabıdathe, ha ma kohne du camaydan d’Ninwe mawdacle da haye mşarelın dfıqhi ba fenyotho Mşihoye bi daşto d’Ninwe, u tlıble dmıfrış u camaydan mu qrobo dkito bayn da…

U Mawtbo Umthoyo d’Bethnahrin-MUB frısle egartho d’Buyoe calu hesoyo du hadomayde Samuel Adam dbe Qawşe.  Bi egartho MUB, kmahke cala fulhone dımqadamle Mnoho Samuel Adam wu ağuno dhule, u kmawdıc qul naqla gıdcoyış ba fulhonathe.  İ egartho da buyoe dıkthiwo mi Sictho di rişonutho d’MUB kımmo; U Hawraydan Samuel Adam…

A hadome du parlamento d’Urifi, maqbelın i rmoyto dımqadmo mu gabo du camo-EPP, dıkmıkrıh eba a fulhone lo qonunoye dıkmaşyo Turkiya b’Qufrus. Bi rmoytathe, kmıtlıbste mu Mawtbo d’Urifi dmahıt tedbire casye cal Ankara.  Bi rmoytathe dıkmıgrış u zuhoro cali mudaxala d’Turkiya la krize hrene dkowın bu qlimo du Madınho Mescoyo…

Emwotho Mhaydotho tlıbla mcadronutho msarhabto, l’3 milyone galwoye dkıtne bu garbyo d’Suriya. Mawdıc dhol ha ma 3 sahme da galwoyani, latte duktho du fyoşo , u lbuşe şahine u ğer sniqwotho ulsoye dıkluzmi bu zabnano du sathwo qaşyo dkito b’İdlıb u b’Holob. U mcadrono du rişono du Tukoso Emwothoyo di…

Mısır, i Scudiye, a İmarat Caraboye Mhayde u Yurdnon, drışlın i aykanoyutho harayto du qrobo gawoyo d’Suriya wa mkone du şroyo du krizayde.  Bi mawdconutho dı friso bi dafo du makthıbo di wazirutho di baroyutho d’Mısır  mawdıc, bu knuşyano kleste cal aydarbo kibe dmihafıd cali ithutho Caraboyto d’Suriya u cala…

İ qadişutho du fatıryarxo di cito Suryoyto Marunoyto Mor Bşara Bıtrıs Alraci, meqım mi socuruthayde lu Vatikan, yatuw camu rişqutno d’Lebnon Mişel Caun.  Alraci bıthır mi ytawtathe bu knuşyo dsımle lu tboco froso, naqla hreto sımle sturyo arişone folitiqoye cal dlımhalıq hul ucdo u lo dawse lafu şekolo di şultonutho…

I dayro d’Kurkmo bi maqırhonutho dıfrısla tlıbla di cito d’Mor Yuhanun dkıtyo bi mditho d’Mırde dmıftoho li slutho.  İ cito d’Mor Yuhanun meqım taqriban bı tıre yarhe mahtowa me ha farsufo lu zebono u calathe cabirowa lu yawmoyo du tboco froso. I dayro d’Kurkmo frısla maqırhonutho bı kıthawto cali cito…

U mawtbo da senatore d’Fransa mayadle i rmoyto dıktulbo mi şultonutho dmitıctarıf bi şaryutho du qlimo d’Nagorno Qarabax.  İ rmoytathe dımaydo mi sagiyutho da qole da senatore Franşoye, krıhlaste u hjomo bceldboboyo dsim me Azerbaijan u me Turkiya calu qlimo d’Qarabax, u sımle qroyto dmıgroşi a hayle d’Azerbaijan mu qlimo.…

U rişono gawonoyo da Haylawotho du Delqublo d’Şigor-YBŞ Hasso İbrahim mawdacle ilo thnihuthayde calu qyomo dhawi beyn Boğdod u Arbil bi sbutho d’Şigor u mırle; Kibe naqla hreto dnofıq qrobo b’Şigor, en u qyomano dmitafıt la haye.  Hasso İbrahim dmawdacle, da Ezidoye lo kubci ducri lu şıkıl du zabno du…

Sim u futoho di cito d’Yuldath Aloho da Suryoye bıthır mıdkamıl u hethothayda bi qastra dı Telkepe bi daşto d’Ninwe.  Lu zawho du futoho di cito, mıştawtafle menyono celoyo ma rişone da citotho du camaydan u ba mowat dımhaymıne.  İ cito Suryoyto d’Yuldath Aloho dkıtyo bi qastra dı Telkepe bi…

Adyawma dkıtyo 25 bu yarho d’Teşrin u haroyo, kmitathkır u yawmo Emwothoyo mqabıl du cnufyo dkowe cali athto bı athrawotho frişe dı britho.  A hfitwotho dıkmisomi bu yawmanoste, kmitaybi bu kordinasyon du Fond d’Emwotho Mhaydotho leşan u Şuşoto di Athto (UNİFEM). U Hudro da Neşe Suryoye b’Turabdinste mabdele hfitwotho bu…

Zıd me 20 knuşyotho u tukoso da zedqe noşoye d’Suriya, krıhlın a socurwotho dıksaymilın a rişone du koalisyon athronoyo saqıbloyo la fenyotho du garbiyo d’Suriya dkıtne kbişe meTurkiya.  Bu buyono dıfrıslın a tukosani, maglelın cali lqoyto dhawile u koalisyon cam rişone du gayso athronoyo d’Suriya bi mditho d’Iczaz, baynothye u…

U rişqutno d’Armenya Armen Sarkisyan, maqımle falgıd da wazire di şultonutho d’Yerivan ma woliyothathe, bi netije du hboso dıkmisım cali şultonutho bıthır mdımdela u qyomo di şalyuthzayno du qlimo d’Nagorno Qarabax.  Mxasra hreto, Azerbaijan mawdacla da haylawothayde cabiri l’fnitho hathto bıthır mdıgrişi mena ahaylawotho Armınoye hedor du qlimo d’Qarabax.  Calu…

U Yawnan wa İmarat Caraboye Mhayde, mdelın qyomo di mudafaca mşawtafto, bnişo dımcadri hdode bu zabno dhowe hjomo cal ha ma tıre athrawotho.  Camgabıdathe, u waziro di tagorutho baroyto dı Fransa Frank Ritser tlıble me Turkiya dımyaqro u qonuno emwothoyto wi morutho Urifoyto, umzahroleste dgıdmitahıt klayto harayto mqabıl dida bu…

İ claymutho Suryoyto hfıto di mditho d’Bağdede di daşto d’Ninwe, kmaltımo lbuşe du sathwo ma nabne du camaydan di daşto u di mditho d’Caynkawa, u kımfarqolın cala galwoye di maşritho d’Alxazer dkıtyo bi hiğmonutho d’Ninwe.  U insiyativano dmabde bu taro du cedo du mawlodo, kıtle u nişo dbone geşro di…

İ sdirutho du kenşo Yezidoyo b’Urifi sımla qroyto la Yezidoye dıkhoyın ba nathrawotho mşahılfe dı britho, dımtaybi halxe u tagılyotho du protesto mqabıl du qyomo dımde bayn d’Boğdod u Arbil cali aykanoyutho d’Şigur. Camgabıdathe, u mawtbo di mdabronutho yothoyto d’Şigur sımle qroyto la hayle u la gabe folitiqoye kulle da…

U mawtbo da citotho du madınho mescoyo, mawdacle du qyomo di şalyuthzayno d’Qarabax mhiloyo, u lıkımşakıl asas dı şlomo aminoyo.  U mawtbo citonoyo bi maqırhonutho dıfrısle, mawdacle du camo d’Qarabax kıtle u zedqo dhuwe dımbayın i ctiduthayde, u tlıble ma hayle u tukose emwothoye dmarkıwi şlomo şariro b’gawıd du qlimano.…

Bi maqırhonutho dhiwo mu Huyodo d’Urifi mawdıc, ba yawmotho dıbqamuthayna gıdmibayni bıqrihoyith a esore beyn d’Urifi u Ankara. Urifi mzaharla Turkiya dımbatlo i siyase dıkmaşyo bu Madınho Mescoyo.  U malolo du mşalo celoyo di mşaynutho u di siyase di baroyutho du Huyodo d’Urifi Peter Stano mırle; Bruksel heş knutro la…

Hıdo ma sfinotho d’Rusya, mtawaqla u lo trela sfito du qrobo d’Amerika dcubro la thumayda bu yamo du Yaban. Lfuth Rusya, i sfito maşyowa fulhone lo qonunoye bu qlimo.  Elo Amerika baroyo rfıdla a thomani u mawdacla d’Mosko kımnasyo dkubşo dukotho frişe du yamo du Yaban. İ sfito du qrobo…

Adyoşe dıksaymolın i şultonutho du qlimo d’Kurdistan du Iraq bhaq da narcotho u mulkone du camaydan kımdawmi.  A Kurdoye dkıtne a şbobe di qritho d’Bibozi du camaydan bu garbiyo du Iraq, kımdacın ucdo dkıtne a more di cayno da maye u hın ma narcotho dıknıfli bgawıd da thume di qritho.…

U waziro di baroyutho d’Amerika Mayk Pompeo, mawdacle di mdabronutho d’Waşington ba fulhone dıksaymolın, kıbco dımthabto i şalyutho bu qlimo du madınho mescoyo.  Pompeo bi maqırhonutho dhule lu tboco froso, grışle u zuhoro cal athrawotho hrene Caraboye dgıdmıştawtıfi la qyome du şlomo cam İsroyel. U waziro di baroyutho d’Amerika Mayk…

İ şultonutho d’İsroyel sımla qroyto lu rişqutno d’Lebnon Mişel Caun dloqın hdode b’athro Urifoyo, bnişo dıdırşi u qetro dkito baynothaye bi sbutho du thumo da maye.  U waziro du haylo du energi d’İsroyel Yoval Ştanits, bi qroyto dsımle lu rişqutno Caun, grışle u zuhoro cal Lebnon dımşahlafle kımo naqlat i…

U tukoso marıhbono d’Alqacida du garbiyo d’Afriqya, mbayanle şex Mujahıd Yezid Mubarak rişono hatho mdarbıd du rişonayde dıqtılwo bu yarho d’Hzirın dşaficina Cabdılmalek Drokdal.  İ dafo d’Sayt dkımcaqıb a’dafe da Maşılmone tuxmonoye, mawdacle du ferco du garbiyo d’Afriqya du tukoso marıhbono d’Alqacida, mbayanle lu mıhreno rişono hatho mdarbıd Cabdılmalek Drokdal…

U koalisyon di Hdoyutho Umthoyto du camaydan bu parlamento du qlimo d’Kurdistan du Iraq, mqadamle rmoyto li rişonutho du parlamento bi sbutho du kontenjan du camaydan wu sutorayde mi mudaxala da gabe Kurdoye du qlimo.  Bi rmoytayde, u koalisyon tlıble dmitazıd u kontenjan du camaydan lı casro kursiye, u belhude…

U gabo du huyodo d’Bethnahrin Athroyo-HBA frısle egartho da buyoe bu cuhdono du şunoyo di emo du hadomo du makthıbo folitiqoyo Camer Salem Yackub.  Amina Xeder Estayfo nqilowa ma hayni a zabnoye 27 bu yarhano bi mditho d’Cankawa, u mcafyo ba bethqbure di Qyamto bi qastra d’Bağdede bi daşto d’Ninwe.…

Bu qrobo dkımdawım bayn Armenya u Azerbaycan u cameydan dıkhoye b’Armenya kobe sohde cal dhiyeste kımdafıc calu athro d’Armenya xıd folhe du gayso Armnoyo.  Lfuth i mawdconutho harayto dmatilan mu qlimo u sohdo hmişoyo ma abne du camaydan nqil ma hayani bu qrobano. Mu zabno dımşarele u qrobano bayn Armenya…

Athmıl bıthır ma bazare dsimi b’Waşington, i wazirutho di baroyutho d’Amerika mawdacla d’Armenya u Azerbaijan matın l’awyutho cal şalyuthzayno hathto dmafito la haye adyawma safrayto.  İ şalyuthzaynathe cıl mıdkıtyo da tloth naqlat dıkmisomo bayn Armenya u Azerbaijan, adyawma safrayto atre gabe naqla hreto thımlın hdode bu tworayda.  Bıthır mi ytawto…

B’Turkiya kmahwe ya citotho gıdmisomi masığde yaste gıdmitawfıqi lu zebono xıd bınyone kyonoye. İ cito d’Mor Yuhanun dkıtyo bi mditho d’Merde d’Turkiya mawfıqo lu zebono xıd bınyono, cıl mıd kmidoco dkıtyo cito dıkmote u maktabzabneyda lu doro rbicoyo di mşihoyutho. İ citathe d’Mor Yahanun dıgdocır u maktabzabneyda l’alfo u 700…

Ba tagılyotho dımtaybi bu yawmo şatonoyo du zawco camonoyo du protesto bu Iraq, hawi taxtuşe u qale bayn da mtagılyone d’Boğdod wa haylawotho di mşaynutho.  Camgabıdathe, i şultonutho du Iraq mawdacla dmatila mawdconutho dıkmagılyo cali hiyoyutho du grub da qatole du mbahnono Iraqoyo Hişam Alhaşimi.  37 mdinoye u 14 rabayhaylawotho…

U gayso athronoyo d’Libya mawdacle dı Turkiya kımdawmo adyoşayda b’Libya cıl mdu qyomo dımdela i sictho folhoyto b’Çenev.  Bebzabno, u gayso athronoyo d’Libya mawdacle di mudaxala Turkoyto lıgıdkılyo ida dlımisım hboso emwothoyo rabo cal Anqara. U malolo du gayso athronoyo d’Libya rabhaylawotho Ahmad Almismari, mawdacle du qyomo di sictho folhoyto…

Hıdo ma dafe du nawlo d’Turkiya maşmacla la qaroyeyda i taşcitho di dayro d’Mor Gabriel dkıtyo hıdo ma dayre catiqe du camo Suryoyo.  Me gabo hreno u waziro du bınyono tahtoyo u du mutoyo d’Turkiya Adil Karaismailoğlu sımle socurutho li dayo d’Kurkmo u yatu camu metrofolito Mor Filiksinos Saliba Özmen.…

İ qadişutho du fatıryarxo di cito Suryoyto Ortodoksoyto Mor İğnatiyos Afrem Trayono, mıstaqbele bu qentrunayde u fatıryarxoyo bi Mcartho d’Saydnaya, u rişızgado d’Pakistan bı Darımsuq rabhaylawotho Sacid Muhammad Xan.  Bi ytawtathe dıdrişo eba i aykanoyutho mahişonitho d’Suriya, grişıste u zuhoro cali methcadronutho dkiba dhuyo bayn di bethsawbo fatıryarxoyto d’Antiyuxiya wi…

Armenya u Azerbaijan adyawma naqla hreto thımlın hıdode bu tworo di şalyuthzayno bu qlimo d’Nagorno Qarabax.  U waziro di baroyutho d’Armenya Zohrab Natsakanyan bi ytawto dhawile camu baramnayde d’Rusya, thımle i şultonutho d’Azerbejan dlıkımyaqro u qyomo di şalyuthzayno, uksaymo hjome cal şutose u cal şawthawotho mdinoye bu qlimo d’Qarabax. İ…

Almanya mawdacla dı Turkiya klozım dmakılyo ahırhoşayda bi sbutho da fulhone du kroxo dcalu ğaz bu madınho du yamo Mescoyo.  Camgabıdathe, u Huyodo d’Urifi mawdacle dıgdorış i şabthathe u qedomo dı Turkiya dıkmaqşe u kriz du madınho du yamo Mescoyo.  U waziro di baroyutho d’Almanya Hayko Mas adyawma meqım mi…

İ rişonitho catiqto du gabo demoqratoyo da uhudone Sebahat Tuncel wi qoyumto catıqto du gabo di HDP Aysel Tugluk msiki bıthır me zabno dkıtweyne tahte du duyoqo da pwelıs. A tarte folitiqorotho kmıthomi ba hfitwotho du yawmo şatonoyo du mrodo d’Kobane dhawiwo bayn 6 u tmanyo bu yaho d’Teşrin u qadmoyo…

İ rişonutho zawgoyto du mawtbo di mdabronutho yothoyto d’Şigur, mawdacla du dawro Turkoyo kmahwe bgawıd du qyomo dımdewo bayn Boğdod u Arbil cali aykanoyutho di fnitho d’Şigur.  İ mdabronutho yothoyto d’Şigur, mawdaclaste du qyomano dewam du qtolcamo dsımwo cala Yezidoye ma grube marıhbone dı Dacış i şato da 2014. İ…

‘İ foqudutho d’Turkiya b’Qatar, kmahrıwo i mşaynutho du qlimo du Xaliç’ a melani du waziro di baroyutho da İmarat Caraboye Mhaydene.  U waziro Anwar Gargaş mırleste; Bi itutho folhoyto dkıtla Turkiya bu Xaliç, kmıxlıq aykanoyutho şnızto. Calathe klozım Ankara dgurşo u haylayda mu qlimo.  A İmarat Caraboye Mhayde, latne thınihoye…

Turkiya hawyo xıdu athro du Iraq du zabno da 90’yat wu Erdoğan hawi xıd Saddam Hussein du zabnawo, komır u mbahnono Amerikoyo Mikael Rubin.  Megabo hreno a mşale da gabe di saqıbloyutho d’Turkiyaste, sımlın sturyo qaşyo u rişqutno Erdoğan, dlaybe fayış dımdabır u athro.  Bi mimartho dıfrısle u mbahnono Amerikoyo…

İ Daira Emwothoyto du Energi u du Atom dkıtyo u qentrunayda b’Den Haag d’Hollanda mawdacla, du İran ksonıc kmoyutho rabtho d’uranium.  Lfuth u notarozo gawonoyo di dairathe Rafael Grossi, u snocano du uranium du İran, ğalabe claytır mu qyomo dımdewo acmeyo. Bi maqırhonutho dhuwle u notarozo gawonoyo di Daira Emwothoyto…

Ba mele ‘A Sohde Umthoye di hirutho d’Bethnahrin, kgurşi i rişonutho du ağonaydan’ kımşare u buyono dıfrısle u Mawtbo Umthoyo d’Bethnahrin (MUB) bi cohnutho du duxrono şatonoyo da Sohde du ağunayde.  MUB mırle; Leşan haye b’nıshono hulan qrobo mqabıl da hayle catume dkıtne bcelıdbobe di noşutho u hawilan ba casrowat…

U gabo du Huyodo d’Bethanhrin Athroyo mathkarle u yawmo şatonoyo da Sohde du Mawtbo Umthoyo d’Bethnahrin bi hfitutho dımtaybole bi nuqazto di Mtakasto d’Kaldo Aşur dkıtyo b’Caynkawa.  Bi fituthathe mqadım mamle cali mıcne du yawmano u qıre mimre u mahwe falqo d’video, dıkmahke cala Sohde d’MUB dhulın a hayathe qurbono…

Armenia u Azerbaijan makadlın, dmatın lawyutho cal şalyuthzayno calu kriz d’Nagorno-Qarabax. Mawdıc di şalyuthzaynatheste, adyawma mşarela bu qlimo.  U tebano fris, bıthır mıd a wazire di baroyutho da 2 athrawotho hadıriwo lı ytawto dımdawamwola 10 şoce camu rişono d’Rusya Vlademir Putin b’Mosko. Bi ytawto dhawyo athmıl bi mescoyutho du rişono…

Bıthır mu qrobo dımşarele beyn d’Armenya u Azerbaijan, u camo Armnoyo cama sanodayde mabdelın tagılyotho mqabıl d’Turkiya u Azerbaijan.  Bi sbuthathe an Armnoye d’Austurya sımlın taglitho b’Viyana, dmıştawteflela a hadome d’ESU u dsımlın mamlo mqabıl du qrobano dkımdawım bu snodo d’Turkiya. Bi taglithathe dhawyo athmıl bi arişkoyto d’Austurya Viyana, mıştawtaflela…

Bıthır mu qrobo dımşarele beyn d’Armenya u Azerbaijan, u camo Armnoyo cama sanodayde mabdelın tagılyotho mqabıl d’Turkiya u Azerbaijan.  Bi sbuthathe an Armnoye d’Austurya sımlın taglitho b’Viyana, dmıştawteflela a hadome d’ESU u dsımlın mamlo mqabıl du qrobano dkımdawım bu snodo d’Turkiya. Bi taglithathe dhawyo athmıl bi arişkoyto d’Austurya Viyana, mıştawtaflela…

İmdabronutho yothoyto demoqratoyto du garbiyo u du madınho d’Suriya, fsıqla dobo şbuqyo gawonoyo la hbişoye dsımlın hawbe meqım mu siqumo d’10 bu yarhano.  Bu fusqono dmıdla i mdabronutho yothoyto, mawdacla du şbuqyano lıkşofıc cala hadome du tukoso marıhbono d’Dacış yaste dkıtne goşuşe u masre cama grube mzayne İranoye u du…

İ şultonutho qentrunoyto d’Boğdod wi şultonutho du qlimo d’Kurdistan du Iraq, matın l’ittifaq bi sbutho di mdabronutho di fnitho da Ezidoye Şigor.  Calu ittifaqano dhawi cal Şigorste, hem Amerika u hemste u tukoso d’Emwotho Mhaydotho bu Iraq UNAMİ mawdaclın i fsihuthathe lu fusqonano dmid bi rocyutho du rişwazire du Iraq…

U gabo da Mşihoye Demoqratoye bu Swed, kobıc dmaqım u yulfono du leşono Emhoyo ba madraşyotho du athro.  U renyano d’KD, mid adyawma lu droşo bu knuşyo dımtayable u gabo. Lfuth u tebo dfrısle u frosqolo du Swed Ekot, u gabo da Mşihoye Demoqratoye bu Swed, kobıc dmitaqım u yulfono…

Armenia u Azerbaijan, gıdmıştawtıfi la droşe du şlomo bu athro d’Rusya calu qetro du qlimo d’Nagorno Qarabax.  Kremlin mawdacla, cali zminutho dımqadamle u rişono d’Rusya Vlademir Putin, amathlone d’Armenia u Azerbaijan maqbelın dhudri bi ytawto b’Mosko leşan dmitabde droşe, dmitakle u qrobo b’Qarabax. Bi maqırhonutho dhuwla i malılto di wazirutho…

Ahsayo di cito d’Madınho d’Othuroye d’Amerika, bu buyono mşawtıfo dıfrıslın, krıhlın uhjomo bcelıdbobo dsımla Azerbaijan calu camo Armınoyo b’Nagorno Qarabax, u tlıblın mu kenşo Emwothoyo dfolıh, bnişo dmitaklın a taxtuşe bu qlimano.  Camgabıdathe, i marcitho di cito Armınoyto Orthodoksoyto du Iraq maqımla teşmışto bi mditho d’Caynkawa cali ruho dan Armınoye…

Kımo şabe meqım ma guboye du rişono d’Amerika, mahıtla i şultonutho du rişono Donald Trump, tedbire hathe calu haqlo da bankat du İran bnişo dmitadcıf u momuno du athro.  İ wazirutho di xazina d’Amerika makadla, dmahıtla tedbire cal 18 bankat frişe du İran. A tedbiraniste gıdmathri calu sistem du momuno…

İ şultonutho du Yawnan krıhla u fusqono d’Turkiya dmıftıh falqo mi mditho d’Maraş dkıtyo bi gozarto d’Qufrus. Mexasra hreto, Turkiya mawdacla dmabdela tedbiqat folhoyo hatho bu madınho du yamo Mescoyo. U rişwazire du Yawnan Kiryakos Mitsotakis, bi maqırhonutho dhule li sfaryawmo Franşoyto, mawdacle dıkrofıd u fusqono d’Turkiya bi sbutho du…

Taşroro Britanoyo maglele d’Amerika maslamla lu Iraq lohitho, dkiba 80 nuqazyotho u qentrune da grube mzayne d’Alhaşd Alşacbi dıkmısnodi mu İran.  Camgabıdathe, u rişizgado catiqo d’Amerika bu Iraq Rayan Kroker, mawdacle d’Waşington klozım dturyo i rişizgaduthayda ftıhto b’Boğdod, u dımsaybıro leşan dsundo i şultonutho du rişwazire Mustafa Alkazimi.  İ dafo…

Qoyumto saqıbloyto mu gabo Demoqratoyo da Came-HDP, mşayela mu waziro du sutoro d’Turkiya cali şrorutho da taşrore dıkmawdıci d’Ankara kımşadro marhıbone Suriye l’Azerbaijan, leşan dmıştawtıfi lu qrobo bu qlimo d’Qarabax.  Megabo hreno, u bethdino Turkoyo di karxutho d’Kars fsıqle dmitahwe hbuşyo l’tışco farsufe hrene d’HDP, bu taro di kampanya du…

Senatore Amerikoye, naqla hreto mkararlın dıklozım dmitahıt tedbire cal Turkiya, cal dheş kubco d’zawno u sistem da soruhe d’Rusya-S-400 .  İ qroytathe da tıre senatore Amerikoye, mşadro lu waziro di baroyutho Mike Pompeo u tlib mene dobe fuşoqo bi sbuthathe. U senator Qutnuthoyo James Lankford wu senator Demoqratoyo Chris Van…

U parlamento d’Turkiya mayadle irmoyto dımqadmo, leşan dı qudro i şultonutho d’Ankara dımdawmo i ithuthayda i folhoyto bu Iraq u bı Suriya şato hreto.  Camatheste u rişqutno Erdoğan makadle i ithutho folhoyto dkıtla Turkiya bu athro d’Qatar. Bi ytawto dhawyo athmıl bu parlamento d’Turkiya, drişo irmoyto dımqadamle u rişqutno Recep…

İ şultonutho du Iraq mşatasla sictho dilonoyto dıksaymo buqore cala hjome gawoye dıkdayşi i mşaynutho du athro wi moruthayde.  Bıthır mıd şafıc tıre yawme cali mşatsonutho di sicthathe, mbarbız mawdconutho dıkmagılyo calu gabo d’Hizballah, dkıtyo u mşalo dcala hjome dıkmisomi bı soruhe lawğıl du Iraq.  U makıthbo du rişwazire du…

U rişono di marcitho d’Mawsal di cito Kaldoyto d’Bobıl hasyo Mor Nejib Musa, mawdacle dlaybe u lo haylo djobır i noşutho dcayşo bu telolo di mardutho dıha gawno. Bebzabno hasyo Nejib sımle qroyto lu Huyodo d’Urifi dımcadır i fnitho d’Bethnahrin dhawyo wahdo lu cnufyo.  Megabo hreno, mşatıs dafo du nawlo…

U leşono Suryoyo dkıtyo u leşono qamoyo du athro d’Turcabdin mıdle dukthe bi luho di nuqazto di tacbarto da sniğre di hiğmonutho d’Merde.  Bu dumyani i nuqaztathe kuyo i nuqazto qamayto da sniğre dıkmahto luho bı arbco leşone di duktho calu bınyoneyda. Bıthır ma bınyone da karxwotho dkıtweyne bi morutho…

Bi netije da fulhone u du hboso dıksaymole Amerika laşan dmitarkıwo i şalyutho bi daşto d’Ninwe, u grub folhoyo da 30 d’Alhaşd Alşacbi du Iraq griş kımo kilomıtre lafu u tayımno da nuqazyothayde dkıtne bi daşto d’Ninwe.  Ugrub folhoyo da 30 d’Alhaşd Alşacbi dkıtne ahadomayde Şica Şabakoye, grişi hamşo kilomıtre…

Arişone da citotho mşahılfotho d’Urışlem bi qroyto dsımlın, b’surhobo tlıblın dmitakle u qrobo bayn d’Armenya u Azerbaijan bu qlimo d’Nagorno Qarabax.  Bebzabno, u dawqo da dyoşe da zedqe noşoye d’Qarabax, frısle istatistik calu menyono da debhe mdinoye wi kmoyutho du husrono dhawyo bi netije du qrobo dımşarewole 27 bu yarho…

U komisyon d’Urifi frısle u taşrorayde u şatonoyo cala dawsat dımhalqila Turkiya laşan dmitaqıblo i hadomuthayda bu Huyodo  Bu taşrorayde u komisyon mawdacle di demoqratoyutho b’Turkiya mşawhıro b’şıkıl dkibe qento.  U komisyon d’Urifi makadle da bazare cam Turkiya laşan i hadomuthayda bu Huyodo d’Urifi klıqyo b’qetro, cal d’Anqara bu qedomayda…

Akthowe mqadşe wa tahwiyotho du leşono Suryoyo dıgniwiwo bu zabno dıkbışwole Dacış imditho d’Mawsal, madcıri ucdo li marcitho di cito Suryoyto Ortodoksoyto. Ahaylawotho di mşaynutho du Iraq maslamlın 23 kıthowe mqadşe u tahwiyotho Suryoye li marcitho d’Mawsal di cito Suryoyto Ortodoksoyto. Atahwiyothani masılmi lu hasyo di marcitho Mor Niqodimos Dawud…

Mi celtho du fasad da rişone folitiqoye, zıd me 250 milyare dolare mvayci ma butjat dımbayniwole u Iraq bıthır mi şato da 2003.  Megabo hreno, u qoyumo catiqo bu parlamento du Iraq Josef Sliwa thımle u rişono d’Zawco Yonadam Kanna dhani 30 ışne dıkmoyıd duktho bu maşıqlo folitiqoyo calu hşowo…

U rişqutno d’Suriya Başşar Al Asad mawdacle du baramnayde dı Turkiya Receb Tayip Erdoğan kımşadır marıhbone l’Azerbejan ukmaqıth a’qrobe bu qlimo du madınho, bnişo dlımıgrış u zuhoro da Turkoye la qetre dkito b’gawıd du athrayde.  Mxasra hreto, i sictho folhoyto du Huyodo d’Urifi mawdacla du Huyodo snıdle u Yawnan mqabıl…

U huyodo Suroyo d’Urifi ESU frısle buyono bi sbutho du qrobo dkımdawım bayn du athro d’Armenya u d’Azerbaycan wa mdinoye gurşi i casqutho dkito. ESU bu buyoneyde gorış u zuhoro cala hayle emwothoyo dıgsukti calu qrobano u Turkiya knuqlo marıhbone me Suriya lu qrobano. U buyono  d’ESU kımşare ba melani…

Zıd me 240 folhe qtili hul ucdo bu qlimo d’Qarabax bi netije du qrobo qaşyo dkımdawım bayn Armenya u Azerbaijan.  Camgabıdathe, i şultonutho d’Armenya tlıbla fuşoqo me Amerika cali sbutho da tayısyotho folhoye d’F-16 dıkmıstacımlolın Turkiya bu hjomayda cala mdinoye d’Qarabax.  İ wazirutho du sutoro d’Armenya mawdacla da taxtuşe b’qaşyutho…

U rişızgado d’Amerika bu Iraq Mathyo Toler bi ytawto dhawile camu rişqutno du Iraq Barham Saleh, maglele cala nışmone da grube mzayne dıksaymi hjome cali rişızgadutho Amerikoyto bı Boğdod u cala maşıryotho folhoye d’Amerika bu Iraq.  Megabo hreno, Saleh bu mamlo dsımle makadle lu rişızgado Amerikoyo, du Iraq b’fusqono kamiloyo…

U mawtbo da citotho du madınho mescoyo, mawdacle du nfoqo du moro li ithutho Mşihoyto bu madınho mescoyo kımathıl i casqutho rabtho dkule dkito adyawma qum da citotho du qlimo.  Megabo hreno, u şutoso d’Open Doors mawdacle da Mşihoye kowın u debho da rejime diktator dı britho dıkmohın bido qşitho…

Ahayle marıhbone dlıkothe lu hşowathe u dcoro da Yezidoye l’Şigur bu garbiyo du Iraq, qtilın farsufo Yezidoyo dkıtwe morıd şuğlone rabe u dımqadamwole mcadronwotho noşoye ğalabe la Yezidoye galwoye.  U gabro Yezidoyo Başir Gawriye sim suikast du qatlo ba buğre dmarıs acle me grube dlatne idice, bu zabno dıkqolacwo i…

Bi sbutho du kriz d’Libya, Amerika wu athro du Mısır mıtafaqlın cal awyutho dmarıhqi a folhe dkıtne b’zuze mu athro, u bebzabno a hayle da milis awkith da milişiyat dkito bu athro dlıcıbri li mditho d’Sırt u d’Aljafra.  Megabo hreno, mşarele naqa hreto u knuşyo du şroyo du kriz d’Libya…

Bu zabno dıkqoşe u qrobo beyn Armenya u l’Azerbaijan, a maqırhonwotho wa hfuxye dhın athrawotho udan Armnoye dıkhoyın bi golutho, kımdawmi.  Ba yawmothani sim hfitwotho caman Armnoye cami awyutho d’came mşahılfe; beynothaye u cameydan u Othuroyo-Suryoyo.  Ba hfuxye u ba maqırhonwotho dkobo Armenya, kmahwe mıqa Turkiya mıştawtaftoyo bu qrobano dbeyn…

İ sbutho da taxtuşe beyn Armenia u Azerbaijan calu qlimo d’Nagorno Qarabax, kımdawmo dı gurşo u zuhoro du tboco froso Emwothoyo.  Ba tebe haroye dıfrisi calu qrobano, mawdıc d’Azerbaijan mhela adyawma naqla hreto bi arişkoyto d’Qarabax, u Armeniaste huwla funoyo qaşyo la hjomani. A taxtuşe dhawın bi şabthatheste, kmifaşqi a…

Ba cuqobe dsımlın a hayle di mşaynutho du Iraq bi hiğmonutho d’Ninve, msıklın 25 marhıbone d’Dacış. İ wazirutho du sutoro du athro dımakadla u tebano mawdacla, da 25 thimoyani mıctaraflın bi mıştawtıfonuthathe l’Dacış.  Me gabo hreno, u waziro di baroyutho du Iraq Fuad Hussein hawile mamlo bu telefon camu bar…

Umgbayo di qritho d’Bsorino d’Turabdin Şamcun Guzel, kıthule egartho dı maqırhonutho calu qetro wu hboso dsımla i şirke du kahrobo du qlimo, cali qritho d’Bsorino.  Bi egarthathe umgabyo komır; I sbuthathe bidactho u lo kinutho simo mqabıl di qritheydan, mawxa kımzahrina a qıryawotho hrene u ksaymina qrayto la mşale dımdaxli,…

U qoyumo du cameydan dmeqım bu parlamento du Iraq Josef Sliwa huwle maqırhonutho dıkrıhle ahjome soruhoye dsimi calu bethtawso d’Erbil du Iraq.  Sliwa bi maqırhonutheyde mırle; Ahjomani, marhbonoye kıtwolen nişo dxolıq jğuşyo bi daşto d’Ninwe.  U qoyumo catiqo du camaydan bu parlamento du Iraq Josef Sliwa, bi maqırhonutho dıfrısle kımşaryo…

 İ arişkoyto du qlimo d’Nagorno Qarabax, mido nişo lı cuqobe qaşye. Armenia thımla u gayso d’Azerbaijan, bu hjomo qaşyo dsim cali mditho rabtho du qlimano Stepanakert. Bu hjomano dsim, mawdıc dhiw husrono rabo la bınyone di mditho.  İ wazirutho du sutoro d’Qarabax makadla uhjomano u mawdacla, dhol 151 ma folhayda…

Britania maqımla Turkiya mi lohithayda dan athrawotho dkıtne a thumathe ftihe lu mazlo u mathyo du camo. Awkith a Britanoye lıkowe dızın l’Turkiya wa Turkoyeste lıkowe dsaymi socurutho l’Britania.  U fusqonano d’Britania mid, bıthır mıd Turkiya lo frısla tahwitho du istatıstik yawmoyo dcala farsufe dkıte u virus d’Covid-19. U waziro…

Adyawmo ba şoce d’safrayto, b’100 folhe du gayso d’Turkiya hjımlın cali qritho d’Bsorino, u bu hboso qaşyo maqimo i şirke du kahrobo u trafo dkito bi qritho.  İsbuthathe hani zabno yarixo kımdawmo bu tecjizo di şirke du kahrobo, dkıtyo şırke dilonoyto cali qritho d’Bsorino u d’Midin b’Turabdin.  Bi mawdconutho dmıdlan…

U komisyon celoyo mıdle fusqono dmitaqimo i hasinutho du qoyumo du cameydan bu parlamento d’Turkiya Tuma Çelik.  Bıthır mu fusqonano, kmıntır ucdo u parlamento d’Turkiya dmoyıd u fusqono haroyo. Bi sbutho du teqimo di hasinutho du qoyumo şaryo du cameydan bu parlamento d’Turkiya Tuma Çelik, hani zabno kmıdroşo bu tboco…

Tarte citotho du camaydan b’California d’Amerika, rşim aclaye remze tuxmonoye u da Naziye.  İ cito Kaldoyto d’Mor Fetrus b’El Kajon wi cito Suryoyto Qatholiqoyto d’Yuldath Aloho, midi bi harayto du yarho dı şafıcina nişo lı hjomo tuxmonoyo. A kohne da citothaniste krıhlın u hjomano u tuxmonoyo dsim cala bınyone da…

İ şultonutho du Yawnan mawdacla dıkmaydo dhowele u Huyodo d’Urifi klayto mhayadto mqabıl da fulhone lo qonunoye dıkmaşyo Turkiya bnişo dımqafyo nafto u ğaz bu madınho du yamo Mescoyo.  Camgabıdathe, i şultonutho d’Spanya mawdacla dıkrufdo a fulhone dıksaymo Turkiya bu yamo Mescoyo, cal dlıkımcadri bu şroyo du krizayda dcamu Yawnan…

Amerika naqla hreto mawdacla du İran u haylo rabo dkuleyo dkımharhız i şalyutho bu qlimo du Madınho Mescoyo.  Bebzabno, Amerika mawdacla danathrawotho d’Urifi kıtlın dawro asasi bu snodo du maşıqlo du şlomo bu Madınho Mescoyo.  U waziro di baroyutho d’Amerika Mike Pompeo, bi maqırhonutho dhule adyawma l’sfaryawmo İtaloyto, makadle dan…

U qlimo d’Nagorno Qarabax mawdacle da hayle oyaroye du gaysayde madrelın helikopter du gayso d’Azerbaijan ban arcotho du İran.  Mxasra hreto, Fransa, Rusya u Amerika tlıblın baroyo dmitaklın a taxtuşe beyn Armenya u Azerbaijan bu qlimo d’Qarabax, u dyutwi atre gabe b’surhobo la bazare dcamıhdode.  U gayso du qlimo d’Nagorno…

U polis Turkoyo, msıkle naqla hreto mşale, folitiqore u hadome du gabo Demoqratoyo da Came-HDP.  Beyn da msikoye da cuqobani dıkmdawmi calu gabo d’HDP, kito i rişonitho zawgoyto di karxutho d’Kars Şevin Alaça wu rişono zawgoyodu qlimo Cengiz Anlı. U qtolcamo folitiqoyo dıkmaşyo Ankara calu gabo Demoqratoyo da Came-HDP kımdawım…

Bıthır 493 yawme dı şafıc cala guboye gawonoye d’Beljika, mşaklo bi harayto i şultonutho hathto du athro.  Elo a Flaman du athroste latne thınihoye, u sımlın qroyto l’taglitho du protesto mqabıl di şultonuthathe. Bi harayto, mşakıl şultonutho hathto b’Beljika. Calathe mu zabno du kriz di şultonutho ba 2018, mdabro Beljika…

Bu athro du Iraq mawfıq tabce hathe dıkgırşi u zuhoro cali ithutho Mşihoyto bgawıd du athrano.  A tabcani dkıtne bşıkılat mşahılfe, kımgaşmi acitotho du camaydan wu makthabzabnathe bı Boğdod. Bu taro d’insiyativ dkıtyo u qamoyo dıkmitabde bu athro du Ciraq, i mdabronutho du post mawfaqla adyawma grub dı tabce dkımgaşmi…

U Huyodo d’Urifi naqla hreto mzaharle Turkiya calu qedomo dkıtla bi sbutho du kroxo dcalu nafto bu madınho du Yamo Mescoyo.  Camgabıdathe, u Yawnan mawdacle dımşare ba fulhone du şetoso d’nuqazto hreto folhoyto bi gozarto d’Krita, ubebzabno mawdacle dgıdmaqwe i methcadronuthayde cam Amerika bu haqlo di mşaynutho folhoyto.  U rişono…

Bu zabno dkowe qrobe bayn la athrawotho qulnaqa kımnasın a athrawothani bi xasra du tboco froso dmahwın dkıtne zakoye u bebzabno kmacwudi a şbile du tboco froso kule laşan dmahwın i hale druhaye qwetır mu gabo hrenoyo.  Bu qrobo dkowe bayn Armenya u Azerbaycanste hawxa kowe elo u mede dkıtyo…

U kenşo emwothoyo kımdawım dmahwe ilo thınihuthayde mu qrobo dkımdawım da haylawotho d’Armenya u d’Azerbaycan bu qlimo d’Nagorno Qarabax.  Baynothaye, Rusya dıtlıbla baroyo dmitakle u qrobo, Fransaste grışla u zuhoro calu qento du qedomo dı Turkiya bi sbuthathe.  U mawtbo di mşaynutho d’Emwotho Mhaydotho bu buyono dıfrısle bu huthomo du…

Ahjome wa msoke da mşale u hadome du gabo di HDP kımdawmi b’Turkiya.  Ba yawmothani a haylawothi di mşaynutho d’Turkiya msıklın i mşalonitho du ferco d’Mersin u bebzabno msıklın u hadomo di sictho mdabronitho d’HDP Barış Karabıyık. Bu zabno haroyo i şıltonutho d’Turkiya mqaşela uhboso dkıtla calu gabo di HDP…

Gudo da dayroyo dathın mu athro d’Romanya sımlın socurwotho la dayre maktbazabnoye du cameydan dkıtne b’Turcabdin u laqın ba tıre hsayo mcalayo d’Turcabdin u di marcitho d’Merde Omid  u hedora.  A dayroyani ba socurwothani abici me qariwo dhozın a dukotho mqadşe du cameydan u mıdlın mawdconutho cala dukotho maktbazabnoye du…

Bu athro dı Britanya, mqafe luho makthabzabnoyo dıkdocır lu doro da nabohothaydan a Şımroye.  U luhano dkıtyo cımre hedor d’4 alfo ışne, gıdmitaslım calqariwo lu athro du Iraq.  İ bethcatiqutho d’Britiş Muziyom, mawdacle dımcadarle a’pwelıs Britanoye bu tewdico di hiyoyutho d’luho da Şımroye dıgnew mu athro du Iraq u dıkdocır…

Ahaylawotho Iraqoye ba cuqobe dsımlın b’Kerxıslox ub’Salah Aldin, qtilın menyono d’marıhbone u shıflın 11 qentrune di baytoyutho dı Dacış.  Megabo hreno, u rişwazire du Iraq Mustafa Alkazimi bıthır mu hjomo dsim cal iqartho bı Boğdod, tlıble dmitazidi a’fulhone da nistixbarat, bnişo dmınfıq mqabıl da gunhani dıkfırsi i marıhbonutho bayn da…

U qrobo bayn da haylawotho d’Armenya u d’Azerbeijan bu qlimo şaryo d’Nagorno Qarabax b’qaşyutho heş kımdawım.  Yerivan dmawdacla dıqtil zıd me 80 jatawiye Suriye b’Azerbejan, ucdoste u mawtbo di mşaynutho d’Emwotho Mhaydotho kdorış i sbutho d’Nagorno Qarabax, u kmıntır dforıs buyono bu huthomo du knuşyayde.  Armenya u Azerbejan adyawma bi…

Ba ğuboye qlimoye di karxutho u da şawthawotho di erışkoyto d’Viyana d’Asturya  kito mraşhe hrene ma abne du cameydan dkıtyo Malek Assad. U Malek dkıtyo mraşho mu gabo hatho Team Strache bi şawtho da 18 dıkmitawmarla Währimg Ba ğubayona a qlimoye lfuth i mawdconutho dmatilan hul ucdo kito 3 farsufe…

A Yezidoye dıkcayşi bi qastra d’Bacşiqa u d’Bahzani bi daşto d’Ninwe, mahıtlın slibe dıkmabıhri cala bote du camaydan dımgalwelın ma dukothani bıthır ma hjome dsımwole u tukoso marıhbono dı Dacış i şato da 2014 cali daşto d’Ninwe.  Ba maqıblonwotho dsimi cam hın Yezidoye, mawdaclın di dawsathe kmadilo cala nesore qawye…

İ wazirutho du sutoro d’Armenya makadla da jatawiye d’Suriya dıkmısnodi me Turkiya kmıştawtıfi ucdo lu qrobo cama haylawotho d’Azerbeijan mqabıl da haylawotho d’Armenya.  Camgabıdathe, qoyumo Armınoyo mawdacle da jatawiye dı Turkiya mşarelın dmanhıbi a dukane wa mulkone da mdinoye ba dukotho dımşadri elaye b’Azerbeijan. İ malılto ruşmoyto di wazirutho du…

Bu zabno du ekonomi d’Turkiya dıknohıt u lıgmalıx towo Erdoğan mawdacle dsımle u futoho d’300 fabrikat hathe bi hiğmonutho d’Cıntab b’Turkiya, elo nafıq li holo du mınyono da fabarık latyo triso metul dı kıthulın a ışmone dhın fabarık dhawilin zıtır me 30 ışne ftihe. Bazabne haroye ba taşrore u ba…

U rejim d’Suriya marfele ba casrowat fqide dıkfılhiwo ba şırkat d’morıd da şuğlone rabe Rami Maxluf dkıtyo u abro du holo du rişqutno Başar Al Asad.  Camgabıd da falohe d’Syriatel u di knuşto noşoyto d’Albustan, marfeste ba casrowat d’rabhaylawotho dkıtwın masre cam Maxluf.  A şutose di mşaynutho du rejim d’Suriya…

Bıthır ma tebe u ma droşe dı hawiwo bu athro du Swed cala gurube da cbode Surhonoye  dkıtne masre ba caşıryotho iqarthonoyotho ucdo kmıdrış da cbodani matın la farsufe da cımre nacime.  Mathlo lu medano b’Södertelje  kmitagle cala hawbe momunoye u botkyrka d’Stockholm a pwelıs kmawdıci da cbode surhonoye nahiti…

U qoyumo d’Australia mdele i maqırhonutho du snodo di mawdyonutho bu qtolğenso dsim calu camaydan, calan Armınoye u cala Yawnoye mi mamlaxtho da Cuthmanoye ban 1915.  U qoyumo Australoyo Nick Champion, snıdle i maqırhonutho dcali mawdyonutho bu Sayfo dsımla i mamlaxtho da Cuthmanoye ban 1915. Li lohitho di mawdyonutho bu…

Bu athro d’Austurya gıdmisomi a ğuboye qlimoye da karxwotho u da mawtbe da şawthawotho di arişkoyto Viyana.  Ba ğuboyani, kito tıre farsufe mu cameydan la mawtbe da karxwotho ula mawtbe da şawthawotho.  Ba ğubayani dgımisomi 11 bu yarho dıbqamuthayna gıdminaqın a hadome da mawtbe di karxutho wa mawtbe da şawthawotho…

A hayle di mşaynutho d’Lebnon, qtilın 13 marhıbone qariwo la thume d’Suriya u msıklın 15 hrene. Bı hjomo hreno dsımlın a marhıbone bu garbyo du athro, qtil 2 folhe Lebnoye u ha marhıbono.  Bebzabno cali aykanoyutho folitiqoyto harayto d’Lebnon dilonoyith bıthır mi isticfa du rişwazire Mustafa Adib, u rişqutno d’Fransa…

Naqla hreto a taxtuşe beyn Armenya u Azerbaijan mşarelın me hatho.  Bıthır mıd mşarelın a taxtuşaniste, Turkiya mıhdo mahwela hfuxyo u mawdacla dkıtyo hadırto lu qrobo mqabıl d’Armenya u dı sundo Azerbaijan.  U qrobano dlatyo mede hatho beyn da 2 athrawothani, dkul ha menaye kmaqrıh di morutho d’Nagorno Karabakh dideyo.…

Bu amro dhiw mi rişonutho da İmarat Caraboye Mhayde mşahlıf u qonuno leşan dmitahwe ağro/mcaş şawyo la gabre u la neşe.  Bu fusqonano dşafıc ucdo la haye, a neşe wa gabre gıdmitahwelın cayni mcaş ba fulhone privat awkith ba şırak dlatne masre bi dawle. U rişono da İmarat Caraboye Mhayde-Şex…

U parlamento d’Urifi, mraşahle hasyo mu camaydan di cito Kaldoyto d’Bobel lu şukono d’Sakharov, cal dnafıq moro lıba mowat kıthawyotho makthabzabnoye du camaydan bu zabno dıkbışwolın a marhıbone d’Dacış i mditho d’Mawsal ba 2014.  Bebzabno mqafe athare u mosaik dıhdo ma citothaydan bu tayman madınho d’Turkiya. Mqafeste duktho du arkeoloji…

U rişwazire zabnoyo d’Lebnon Mustafa Adib, adyawma mawdacle dgımıstacfe mi wolithayde mcal fothe du qetro du şekolo di şultonutho hathto du athro.  İ mawdconuthathe d’Adib hiw, bıthır mi ytawto dhawile athmıl camu rişqutno Michel Aoun, u dmawdacwole u renyayde calu floğo da wazirwotho hathe di şultonutho.  U rişwazire zabnoyo d’Lebnon…

Bu mamlo dsımle u rişwazire du Yawnan Kyriakos Mitsotakis bu Mawtbo gawonoyo d’Emwotho Mhaydotho mawdacle, d’Turkiya klozım dmatrıko a provokasyonani dıksaymo bu madınho du yamo Mescoyo.  Cali mwatyuthathe dkito bu yamo Mescoyo, u waziro di baroyutho d’Amerika makadle u snodathe lu Yawnan. Wu rişqutno d’Qufrus da Yawnoyeste mkararle dkıtne hadire…

U waziro du finans d’Australia mdele i maqırhonutho du snodo di mawdyonutho bu qtolğenso dsim calu camaydan, calan Armınoye u cala Yawnoye mi mamlaxtho da Cuthmanoye ban 1915.  U waziro di şultonutho federaloyto d’Australia Michael Sukkar dkıtyo bu şerşo Lebnonoyo, snıdle i maqırhonutho dcali mawdyonutho bu Sayfo dsımla i mamlaxtho…

Turkiya mşadarla hol 300 ma marhıbonayda d’Suriya lu athro d’Azerbaijan.  Bu tebano dhuwla i Mşatasto da zedqe noşoye d’Suriya m’akadla d’hatta a marhıbonani mawdaclın, dgaqathe ağro d’1.500 dolare leşan dsaymi u duyoqo da thume d’Azerbaijan.  Lfuth u tebo dıfrısla i Mşatasto da zedqe noşoye d’Suriya dıkmcaqbo u qrobo gawoyo du…

U rişwazire du Iraq Mustafa Alkazimi, hule amro dmısxori a makıthbe da grube mzayne d’Alhaşd Alşacbi dkıtne bu bethtawso Emwothoyo d’Boğdod.  Me gabo hreno, u rişono du gabo d’Altayyar Alsadri-Muqtada Alsadır mawdacle dathi u zabno dmimıd hşowo ma grube mzayne, dkıtte mşalutho ba qatle u ba htofe da mdinoye bu…