CIRAQ

Tlotho bu yarho dı Tamız dıbqamuthayna, gıdmisım u futoho di cito d’Mor Tuma da Suryoye Qatholiqoye bi mditho d’Mawsal bu Iraq. Hathe i cito qamaytoyo dgıdmisım u futohayda bi xasra yaminoyto d’Mawsal, bıthır mıdkamili a’fulhone du hethothayda. U kohno di cito d’Mor Tuma da Suryoye Qatholiqoye di mditho d’Mawsal qaşişo…

İ tarmitho dmabdewola meqım şato laşan i mlahmonutho du kenşo di daşto d’Ninwe, mkamela a’fulhonayda. Bi tarmithathe hiwıste duroşe li claymutho ula rişone du kenşo cal aydarbo kibın dımdabri ud’şorın a’krize dkibe bu dactid dnıfqi liholo. U qentrun Iraqoyo da bazare udi mdabronutho da krize, mafıtla la haye tarmitho ba…

A taxtuşe wa hçome dıkmdawmi beyn da hayle kaboşe d’Turkiya udu gerilla di PKK bu garbyo du Iraq, bıdelın ucdo’ste dobın husrono lu turizm du qlimo. I daira du turizm d’Nuhadra mawdacla, mcal fothe da taxtuşani jbiri d’suxri hol 20 dukotho da socure b’Zaxo. Bi maqırhonutho dfrısla athmıl i daira…

Qritho hreto me du camaydan b’Zaxo bu garbyo du Iraq, hawyo wahdo du qrobo beyn da hayle kaboşe d’Turkiya udu gerilla di PKK. An abne du camaydan di qrithathe kımmi; Hani arbac naqlat kınufqina u kıducrina li qritho mcal fothe da taxtuşani. Fayış lo kudcina layko gıdızzan u mın gıdsaymina.…

U mdabrono gawonoyo du yulfono Suryoyo Cimad Salem Jajjo, mıstaqbele bu makıthbayde b’Boğdod, taşdarto mu komisyon celoyo da zedqe noşoye du Iraq. Bi ytawtathe d’drişo eba i aykanoyutho du yulfono Suryoyo bu Iraq, hiwste mawdconutho li taşdarto calu menyono da yolufe du camaydan uda madraşyotho dıkmitaqre ebaye u leşono Suryoyo…

U camaydan dmahzamle ma mdinotho du Iraq lu qlimo d’Kurdistan mcal fothe da Maşılmone tuhmonoye, ucdoste kmırdıf mi şultonutho du qlimo dıkımdacyo dkıtyo i nuqazto di hirutho tawdithoyto udi demoqratoyutho bu Iraq. Bıthır mu kriz da msone dkıtwo tahtaye Slibe dımzabniwo b’Arbil, ucdoste mbarbız ba betharke du qlimo, kthowo dıkmlakıh…

180 folhe di Peşmerge du qlimo d’Kurdistan, rfıdlın dmıştawtıfi lu qrobo mqabıl di PKK. Mawdıc da folhani dhozanwo droşo bi maşritho d’Aturş, mhalaqe a zaynathe u rfıdlın dımharbi mqabıl du gerilla. Me gabo hreno mawdıc, ban alfayo d’dönumat d’arcotho da turone d’Nuhadra yaqidi, mcal fothe da hçome dıksaymi a hayle…

U gabo du Huyodo d’Bethnahrin Athroyo d’HBA du Iraq, mtayable ramşitho bi cohnutho du yawmo şatonoyo du qtolğenso du Sayfo da na’1915. Bi ramşithathe dımtaybo bi daşto d’Ninwe bu garbiyo du Iraq, sim mamlo rwiho, u qre mimre calu Sayfo, u maqımste teşmışto cali ruho da sohde.  I mditho d’Bağdede…

Mınyono ma hadome di taşdarto da gabe folitiqoye frişe d’Almanya dabici dızzın athmıl lu qlimo d’Kurdistan du Iraq, maklın bu bethtawso d’Dusseldorf u ğerste maklın bu bethtawso d’Arbil. U msokano da hadome di taşdarto Almanoyto athi lu huwoyo, bu zabno dıkmdawmo Turkiya a hçomayda calu gerilla di PKK bu garbyo…

U hayklo d’Yuldath Aloho di qastra d’Batnaya dmahrawo ma grube marıhbone d’Dacış, ucdo kamıl u hethothayde bu athro d’İtalya. U hayklano dgımitakrıx ramhıl bi mditho d’Joşano d’İtalya, kmıntır d’menyono ma kohne du camaydan du Iraq’ste dmahkın calu haşo rabo dcayışwo u camaydan bu zabno da hçome dsımwole Dacış cali daşto…

A bote da comure d’qıryawotho frişe di hiğmonutho d’Nuhadra du Iraq, manhıbi u mahrıwi. A more da botani jbiriwo dmahzımi ma qıryawothathe mcal fothe da hçome da hayle kaboşe d’Turkiya calu gerilla di PKK. 6 yarhe bıthır mıd a comure d’qıryawotho frişe d’Nuhadra bu garbyo du Iraq jbiriwo dmahzımi ma…

Claymo Suryoyo mu camaydan du Iraq, mvayacle ahayayde b’gedşo mahişono d’radayto calu darbo d’Nuhadra- Arbil. Yawme dıtre dşaficina, u claymo Suryoyo Majıd Şawkat Jalil Qıdso, mvayacwole u balans bu zabno dıkqolacwo i radaytayde calu darbo d’Nuhadra- Arbil, u bi netiçe d’qalibo i radaytayde, u claymo Majıd lıqadır dmaxlıs mu mawtbo…

Sim u futoho di bethcatiqutho da sohde du camaydan di mditho Suryoyto d’Bağdede di daşto d’Ninwe. Lu futoho di bethcatiqutho da sohdani dnafliwo bu qrobo bayn du Iraq udu İran uba qrobe hrene du Iraq, mıştawtafle menyono d’rişone citonoye u mathlone d’şutose folhoye uba mowat du camaydan d’Bağdede. U rişono…

U rişwazire du Iraq Mustafa Alkadhimi mıstaqbele i qadişutho du fatıryarxo di cito Kaldoyto d’Bobıl Mor Luwis Rofayel Qadmoyo Sako. Bi ytawtathe d’athyo luhwoyo bıthır mi egartho dımşadrowole i qadişuthayde l’Alkadhimi, grış u zuhoro calu camaydan dıkmidış bi daşto d’Ninwe. I qadişutho du fatıryarxo di cito Kaldoyto d’Bobıl Mor Luwis…

I wazirto di galwoyutho bi şultonutho du Iraq İvan Faeq Jabro, laqyo u mcadrono qadmoyo du rişono du parlamento Hasan Alkacbi. Bi ytawtathe, Jabro drışla i sbutho da bote kbişe du camaydan uda Sabiaa Mandoye wu tedciro da mulkonani la morathe. U mcadrono qadmoyo du rişono du parlamento du Iraq…

A Şica du Iraq, b’şıkıl cjiqo kımdawmi dmacçızi u camaydan di mdito d’Barıtle di daşto d’Ninwe, bnişo dımşahılfi i hiyoyuthayda i Suryoyto. Grub d’falohe mu froshezwo d’Alfurat da Şica du Iraq, hçımlın cali cito d’Mort Şmuni da Suryoye b’Barıtle, u mahıtlın i sırto du marıhbono Abu Mahdi Almuhandes camgabe du…

Mcal fothe da hçome dıksaymi a hayle kaboşe d’Turkiya calu garbyo du Iraq, mgalwele hol 1500 comure ma dukothathe. İ mawdconuthathe d’tukoso Mşihoyo dıkfolıh leşan u şlomo bu qlimo d’Kurdistan’yo. Bebzabno mawdıc, dımşakıl Sictho dilonoyto b’Nuhadra, dgıhayro calu tazminat dıklozım dmitahwe lkull farsufo dhzele husrono ba hçomani dsımla Turkiya cali…

İ mathlonitho du camaydan bu parlamento du qlimo d’Kurdistan du Iraq qoyumto Klara Codişo, u acma ste u waziro dıkhoyır cala sebwotho da came qalile du qlimo, sımlın şişaltho d’socurwotho la mşale u mdabrone da qıryawotho u qastrat du camaydan dkıtne bi hiğmonutho d’Nuhadra bu garbiyo du Iraq. Ba ytawyotho…

Ahçome dıksoyım u gayso kaboşo d’Turkiya calu garbiyo du Iraq, kımdawmi dobın husrono maddi u macnawi lu camaydan dıkhoye ba qıryawothayde dkıtne qariwe la thume d’Turkiya. Bi netiçe da hçomani, 15 qıryawotho me du camaydan dkıtne b’Barwari Bala, maxlın ucdo kulonoyith bi netiçe da taxtuşe dkowın beyn d’Turkiya udu gerilla…

Bi mditho d’Caynkawa bu garbiyo du Iraq, mtayıb knuşyo rwiho dmıştawtafle mathlone ma gabe u tukose folitiqoye du camaydan u mathlone d’gabe Kurdoye u şutose du kenşo mdinoyo cam menyono d’qoyume u mahire u mşale d’şutose ruşmoye. Bu huthomo du knuşyano, a’mıştawtfone tlıblın mi şultonutho du qlimo d’Kurdistan du Iraq,…

Cıl ma wacde dhuwola i şultonutho d’Boğdod, elo hul ucdo lımanhıt la haye ulo fuqdono ma fuqdone dımbayniwole i qadişutho du papa Mor Fransis Qadmoyo bi socurutho dsımwole lu athro du Iraq bu şuroyo du yarho d’Odır dşaficina. U medano makadle i qadişutho du fatıryarxo di cito Kaldoyto d’Bobıl Mor…

Uqrobo kımdawım beyn da hayle kaboşe d’Turkiya udu gerilla di PKK bi hiğmonutho d’Nuhadra bu garbyo du Iraq. Ucdo naqla hreto, sımlın a tayosyotho d’Turkiya cuqobe cali qritho du camaydan d’Chalki, dmaxlıyo’wa meqım zabno ma comurayda. Anabne du camaydan dıkhoyanwo bi qritho d’Chalki b’Nuhadra, jbiriwo dmahzımi ma botathe mcal fothe…

İ sbutho di bsirutho da maye bu Madınho Mescoyo kımdawmo dımathro cala haye da bnaymothoye du qlimo. Ban alfayo d’yaqrotho d’Kerxeslox bu garbyo du Iraq, fayışi dlo maye nadife du ştoyo. Mi celtho d’Turkiya manqasla u xyoro da maye du nahro d’Froth cal Suriya wu Iraq, u mcalfothe dılo nahıtste…

U camaydan d’Caynkawa du garbiyo du Iraq, cıl ma qroytotho dıksoyım li şultonutho du qlimo d’Kurdistan leşan dmitaklın a dyoşe dıkmisomi calan arcothayde, elo naqla hreto b’şıkıl ftiho kımdawmi. U tbocofroso gawoyo d’Caynkawa, ba mawdcınwotho haroye dfrısle, grışle u zuhoro cala mşale du camaydan dıkmacımsi caynothaye cali sbuthathe. İ dafo…

Bi mdito d’Boğdod bu Iraq, hiw u fağro qamoyo la nacime di marcitho Kaldoyto d’Mor Yusuf. U zawho du tehwiyo du fağro mqadşo mrayaşanle i qadişutho du fatıryarxo Mor Luwis Rofayel Qadmoyo u Sako, u mıştawtaflele a kohne di marcitho wa yaqrotho da nacime dımqadamlın lu rozo du fağro mqadşo.…

İ mdabronutho gawonoyto du yulfono Suryoyo du Iraq, mtayabla muroye di sefroyutho uda mimre Suryoye. A muroyani dhani i naqla qamayto’yo dıkmisomi bu darbo du nawlo, mıştawtaflelın a madraşyotho da ferce du yulfono Suryoyo dkıtne b’Boğdod, b’Mawsal, b’Kerxeslox u b’Basra. Bi rocyutho du waziro di tarbitho du Iraq Cali Mıxlıf,…

Turkiya huwla husrono lı cito dıqritho hreto du camaydan bi hiğmonutho d’Nuhadra. Dawoud Yuxanna dkıtyo ha ma comure di qritho d’Mıska mırle; A kawe-a şubake di cito twiri uğer bote di qritho hzelın husrono rabo. Bebzabno mawdıc, mcal fothe da hçomani da hayle kaboşe d’Turkiya cal Nuhadra, yaqıd hol 4…

U tboco froso d’Kerxıslox u du qlimo d’Kurdistan du Iraq, mşalatle bahro cali sbutho du kboşo da n’arcotho u mulkone du camaydan bu garbiyo du Iraq.  Hın maşle u more da mulkone du camaydan bu garbiyo du Iraq, ba maıqblınwotho dsimi acmaye, mawdaclın dcıl mıdmid fuqone ma botaydino du qlimo…

Bi netiçe du hçomo barbroyo dıksamle u gayso kaboşo dı Turkiya calu garbiyo du Iraq, an’arcotho di qritho d’Çallık du camaydan mawqıdi kulonoyith. Lfuth hın ma comure di qritho, i claymutho du camaydan kımnasyo ucdo dmaxılso a’qatce da cwone dfayişi bi qritho d’Çallık. U gayso kaboşo dı Turkiya bi dacwa…

Bi qritho d’Bedaro du camaydan bu garbiyo du Iraq, hiw u fağro qadmoyo l’mınyono d’nacime di cito Kaldoyto d’Bobel.  Lu zawho du tehwiyo du fağro mqadşo, mıştawtafle u hasyo wa kohne di marcitho u 18 nacime cama yaqrothathe.  Kul şato xıd ucdo awkith bu şahro yarhonoyo d’Yuldath Aloho, a’citotho du…

U şutoso Amerikoyo du quyomo emwothoyo d’USAİD mabdele ucdo tarmitho hathto du teqwiyo du kyono yulfonoyo bi daşto d’Ninwe.  Lfuth i tarmithathe, mşare ucdo ba fulhone du hethotho dı tarte madraşyotho du jimnasyet bi fnitho d’Wana dkıtyo masırto cami qastra dı Telkepe di daşto d’Ninwe. Bu taro di tahrazto d’”hulmono”,…

A hayle di mşaynutho du Iraq, bu taro da cuqobe dıkmdawmi mqabıl di marıhbonutho, msıklın ışto hadome d’Dacış bi hiğmonutho d’Ninwe, u mfarqaclın tloth mcare dıkmitıstacmıliwo a marıhbone b’Kerxeslox. Bu zabno dıkmdawım u qrobo mqabıl Dacış bu Iraq, u rişwazire Mustafa Alkadhimi drışle cama mşale Amerikoye i sbutho du groşo…

Bi qastra d’Zaxo bu garbiyo du Iraq, hiw u fağro qadmoyo l’mınyono d’nacime du camaydan di cito Kaldoyto d’Bobel. Lu zawho du tehwiyo du fağro mqadşo, mıştawtafle u hasyo wa kohne di marcitho u hol 20 nacime cama yaqrothathe. Bi qastra d’Zaxo bu garbiyo du Iraq, hew u fağro qadmoyo…

İ yadıcthonitho du camaydan bu haqlo du qonuno udu huquq Muna Yaqo, mraşho li wolitho d’rişonitho di sictho şritho da zedqe noşoye du qlimo d’Kurdistan du Iraq. Yaqo dqayıthla darğo du professor bu haqlo du huquq, kmısnodo mu koalisyon di hdoyutho umthoyto du camaydan bu parlamento d’Arbil. U rişono du…

İ iqartho d’Marta Xuşaba, mahzamwola me Telkepe bu zabno da hçome da ğrobe marhıbone d’Dacış ba 2014 u rakiwo’wa bi qritho d’Challik d’Nuhadra. Elo i iqartho, adyawma naqla hreto jbiro dmahzımo mi qritho-lo mi celtho du tukoso marhıbono, elo ma hçome da hayle kaboşe d’Turkiya cali fnitho. A hçome dıkmisomi…

U mdabrono gawonoyo du yulfono Suryoyo bu Iraq Cimad Salem Jajjo, sımle socurwotho la şutose yulfonoye di hiğmonutho d’Ninwe. Ba socurwothayde, Jajjo drışle aydarbo kibe dmitahwe snodo la ferco du yulfono Suryoyo b’Ninwe. Lfuth a’fuqdone dhule u waziro di tarbitho du Iraq Cali Hmed Mıxlıf bi sbutho dmicaqıb u yulfono…

İ mathlonitho d’Emwotho Mhaydotho bu Iraq, huwla maqırhonutho bu Mawtbo di Mşaynutho d’Emwotho Mhaydotho cali aykanoyutho harayto du Iraq u kalyo dilonoyith cali sbutho di hirutho du renyo bu qlimo d’Kurdistan.  Bu mamlayda i mşalonitho d’UNAMİ Jenin Hennis Plasxart mırla; A mraşhe, a hfite, u tbocofroso wu camo Iraqoyo klozım…

A grube mzayne dıkmısnodi mu İran, ba hçome dıksaymi cala hfite u gelyunore, naqla hreto mşarelın dxulqi bulbolo bu Iraq u dmahırwi i aykanoyutho di mşaynutho du athro. Camgabıdathe, i şırke Amerikoyto d’Lokhed Martin dıksaymo u tacmiro da tayosyotho folhoye bi nuqazto d’Balad bu Iraq, mawdacla dımşarela dgurşo a falohayda…

Ba mowat d’yaqrotho du camaydan dımgalwewolın meqım 16 eşne li mdito di Suleymaniye bu qlimo d’Kurdistan du Iraq, mitacçıziwo ma qonune dmahtiwo aclaye bi sbutho du zwono da bote u mulkone udi ruşmoyuthathe bi mdito. Calathe, i mdabronutho gawoyto di Suleymaniye calu talab dhawilın a mşale da citotho du camaydan,…

Bi mdito d’Telesqof bi daşto d’Ninwe bu Iraq, sim u futoho du park awkith di gantho dmahıt ışma-i gantho du Korniş d’Telesqof. U parkano dmahıt ebe u tarco d’İştar, mşatıs bi mcadronutho dhiwo ma comure d’Telesqof uda tukose noşoye dkıtne hfite bi daşto d’Ninwe. Bi netiçe da fulhone magon udi…

U rişono di marcitho d’Mawsal di cito Kaldoyto d’Bobıl hasyo Mor Nejib Musa Mixayel, mdagele a’tebe dkımdacın d’150 farsufe mu camaydan mgalwelın ba casro yawme haroyani larwal du Iraq. Hasyo Nejib Mixayel bi maqırhonutho dhule lu tboco froso, mawdacle di socurutho du papa maklela i golutho da Mşihoye mu Iraq.…

U gabo d’Altayyar Alsadri fsıqle dmawrıx a’fulhone di sictho dilonoyto du tedciro da mulkone kbişe da Mşihoye uda Sabiaa Mandoye du Iraq. A’fulhone di sicthathe dıkmisomi bı Boğdod, Albasra, Kerxıslox u Mawsal, mawrıxi hul bıthır mu cedo da Alğadir dkımcaydile a’Maşılmone Şica du Iraq. U rişono du gabo d’Altayyar Alsadri…

Bi mditho d’Sadad bi hiğmonutho d’Hımıs b’Suriya, sim u futoho d’salon bışmıd du mnohnafşo tlithoytube hasyo Mor Selwanos Bıtrıs Alnıcme dkıtwe meqım u rişono di marcitho d’Hımıs, d’Hama udı Tartus di cito Suryoyto Ortodoksoyto. Bıthır mıdkamili a’fulhone du hethothayde, athmıl sim u futoho du salon di cito d’Mor Sarkis bi…

Adyawma dafe frişe du tbocofroso Emwothoyo, grışlın u zuhoro cala athare makthabzabnoye du Iraq wu husrono dıkhozın ma qrobe umu şuhlofo du muzoğo. İ wazirutho di baroyutho du Iraq mawdacla, d’matila athmıl 7 falqe d’athare catiqe mu athro d’Hollanda. Mawdıc dan atharani nqiliwo l’Hollanda leşan u zebono elo bıthır mu…

U waziro di tarbitho di şultonutho du Iraq Cali Hamid Mıxlıf, mıstaqbele bu qentrunayde b’Boğdod, u mdabrono gawonoyo du yulfono Suryoyo Cimad Salem Jajjo. Bi ytawtathe, u waziro di tarbitho mawdacle dhadiro’yo dsonıd a hfitwotho du maşıqlo du yulfono Suryoyo bu Iraq. U mdabrono gawonoyo du yulfono Suryoyo bu Iraq…

Taşdarto Amerikoyto bi rişonutho d’Brett McGurk dkıtyo u kordinatör Amerikoyo dcalu Madınho Mescoyo ucalu garbyo d’Afriqya, sımla socurutho li arişkoyto du Iraq Boğdod. İ taşdartathe, hawila ytawyotho frişe camu rişwazire, camu rişqutno ucamu rişono du parlamento du Iraq u kalın dilonoyith bu droşathe, cala esore stratejikoye ucalu groşo da folhe…

Bi mdito Suryoyto d’Bağdede di daşto d’Ninwe, mtayıb methhawyonutho du rşomo udu nhoto dcala kefe. Bi methhawyonuthathe fris syome du nhoto tawdithoye, makthabzabnoye u yortuthonoye du camaydan du Iraq. Bu nişo “bi yohbonutho a’hayaydan kowın şafırtır”, sim yawme dı tre dşaficina u futoho di methhawyonutho trayonitho du rşomo udu nhoto…

İ aykanoyutho folitiqoyto, momunoyto u du hulmono bu Iraq kımdawmo dhurwo mi celtho du qrobo mqabıl da ğrobe marhıbone d’Dacış umu virus di Corona dıkmdawım dmibarbız beyn du camo du athro. Calathe u mawtbo da wazire du Iraq maqbele i rmoyto dımqadamle u Komisyon du Hulmono udi Mşaynutho Athronoyto, dmısxır…

U gayso kaboşo d’Turkiya bu qrobo dıkmaşe mqabıl di PKK, kımdawım bu kboşo d’fenyotho hathe u stratijikoye bu garbiyo du Iraq. Lfuth mşalo mu qlimo d’Kurdistan du Iraq, u gayso Turkoyo kbışle hlile u nuqazyotho ulsoye da Mharbone di PKK dkıtne ba turone d’Kiste bi hiğmonutho d’Nuhadra. U mdabrono di…

Bi maqırhonutho dıfrısle u rişwazire du qlimo d’Kurdistan Masrour Barzani mawdacle, di şultonuthayde maqbela i maqırhonutho di rmoyto dımqadmo lu quwolo. Bi rmoytathe tlıbwo, dmitarkıw bethdino dilonoyo leşan u hkomo da ğrobe marhıbone d’Dacış. Athmıl u mawtbo da wazire du qlimo d’Kurdistan kıtwole knuşyo u drışwole i rmoyto dımqadmowa leşan…

Farsufo mu camaydan mi mdito Suryoyto d’Barıtle di daşto d’Ninwe, qayıthle sohdutho du magister b’darğo celoyo bu haqlo du huquq. Yacqub Yusıf Yacqub dqayıthle u magister bu cımro d’67 eşne, ucdo u rişono du Mawtbo da Caşıryotho Suryoye d’Barıtle’yo. U yolufo rabo du cımro Yacqub Yusıf Yacqub, bıthır mıd şafıc…

Farsufo mu camaydan dkıtyo mi arişkoyto du Iraq d’Boğdod, htif me tre marıhbone, ub’şıkıl barbroyo mafıt b’teşniqe qaşye. A hayle di mşaynutho du Iraq dqadiri dımharıri u claymo Ramsis Bıtrıs Albazi, msıklın’ste ha ma hatofayde. Yawme d’Tre dşaficina ba şoce d’casriye, tre farsufe marıhbone hçımlın calu bayto d’Ramsis Bıtrıs Albazi…

U efetrufo fatıryarxoyo di marcitho d’Mawsal u hedora Mor Niqodimos Matte Şaraf krıhle bqaşyutho u fusqono dhule u bethdino d’Turkiya bhaq du dayroyo Abuna Sefer Aho Bilecen. U efetrufo fatıryarxoyo bi maqırhonutho dfrisole cali dafo di efetrufutho komır; Hul ema gıdmdawmo Turkiya bi qaşyutheyda mqabıl du cameydan. U rişono di…

U gabo d’Bethnahrin Demoqratoyo du Iraq, mahwele u hfuxyayde mqabıl du rişono du qlimo d’Kurdistan Neçirvan Brazani, cal dlo qrele la gabe u tukose du camaydan dımşadri mathlone lu knuşyo dsımle cama gabe folitiqoye du qlimo u cama came umthoye dıkhoyın ebe. U gabo d’Bethnahrin Demoqratoyo bi maqırhonutho dfrısle lu…

İ qadişutho du fatıryarxo di cito Suryoyto Qatholiqoyto Mor İğnatiyos Yusıf III’yo Yunan, laqi b’Caynkawa bu Iraq, a hsayo rişone da citotho mşahılfe du camaydan di marcitho d’Arbil. Bi ytawtathe dıdrişo eba i aykanoyutho du camaydan ban athrawothayde d’Bethnahrin, grişste u zuhoro cali ulsoyutho di hdoyutho udu fulhono maşwtıfo beyn…

U qlimo d’Kurdistan du Iraq, sxırle a citotho, a masığde wa macıbde mi celtho d’zayıd ğalabe u virus di Corona. U fusqonano dfayıt athmıl la haye, gıdmdawım casro yawme, ubu şıkılano u camaydan dıkhoye bu qlimo lıgmcayıd yawme d’Huşabo dıbqamuthayna u cedo di Qyamto dıkmcaydile a citotho lfuth u surgodo…

U camaydan dıkhoye bi daşto d’Ninwe bu garbiyo du Iraq, adşato lo mıştawtafle la hfitwotho d’Ha Nison-i Rişe d’Şato umthoyto d’Akitu, cal di şultonutho du qlimo d’Kurdistan bi sbutho du virus d’Corona, sxırla a darbone wa tarce da thume du mazlo u mathyo beyn da mdinotho u qıryawotho di daşto.…

Bi cohnutho du cedo di rişıdşato umthoyto d’Akitu, mbayın ramhıl yawme d’Hamşo dıknofıl ha bu yarho d’Nison, nyuhto ruşmoyto lu camaydan u Kaldoyo Suryoyo Othuroyo dıkhoye bi hiğmonutho d’Kerxıslox bu garbiyo du Iraq. İmdabronutho di hiğmonutho d’Kerxıslox du Iraq, athmıl fsıqla dmitahwe yawme d’Hamşo ramhıl dıknofıl ha bu yarho d’Nison…

Yawme d’Huşabo dşaficina dkıtwe u cedo da Uşacne lfuth u surgodo macırboyo, i qastra du camaydan dı Tellısqof di daşto d’Ninwe, kmahwiyowa xıd gantho dkiba warde u baybune mşahılfe. Ba mowat du camaydan dı Tellısqof u dğer dukotho di daşto, mıştawtaflın lu halxo di zuyoho da Uşcane, u mıthabatlın dkıtne…

İ şultonutho du Iraq mşatasla sictho da wazire, laşan dmafito la haye a fuqdone di qadişutho du papa du Vatikan Mor Fransis Qadmoyo bi sbutho da qetre dkıtle u camaydan bu Iraq. Bayn da fuqdonani kito u groşo da grube mzayne d’Alhaşd Alşacbi mi daşto d’Ninwe wu tedciro da bote…

B’zawho ruşmoyo u camonoyo, mqadşo i cito d’Yuldath Aloho d’Altahira Alkubra da Suryoye Qatholiqoye bi mditho d’Bağdede di daşto d’Ninwe. U zawho du qudoşo dımrayşanle u fatıryarxo Mor İğnatiyos Yusıf Tlithoyo Yunan, mıştawtaflele rişone ma citotho mşahılfe du camaydan du Ciraq, mşale u mdabrone da şutose d’Bağdede, uba mowat dımhaymne…

Adyawma dkıtyo u yawmo da Uşacne da citotheydan dıkmcaydi camu tekso di Qathuliqoyto, mahwele u cameydan ifsihutheyde bu athro da abohotho. Ba qastrat du daşto d’Ninwe, a şuqone wa citotho malınwo ma gabre, neşe, clayme u claymotho wa zawke da zaytune b’idothaye. Adyawma bi mawdconutho dmıdlan mu ferceydan d’Suroyotv du…

Sim u futoho di gantho bi şawtho d’Bobel bi qastra d’Telkepe du camaydan bi daşto d’Ninwe.  Camgabe di ganthathe, mtayıb’ste bazar da syome di ido bnişo dmitaqwe u momuno yothoyo da neşe di daşto.  İ Mtakasto İtaloyto d’UPP bu taro di tarmitho d’camıhdode lu şlomo”, sımla u futoho di gantho…

İ qadişutho du fatıryarxo di cito Kaldoyto d’Bobel Mor Luis Rofayel Qadmoyo Sako laqi cami taşdartayde b’Boğdod, u waziro di baroyutho du Iraq Fuad Husayn. Bi ytawtathe dıgriş u zuhoro cali socurutho dsımwole u Papa, kleste cali ulsoyutho du şuhlofo da şbile yulfonoye, ucalu nfoqo du moro lan athare ula…

İ mdabronutho yothoyto d’Şigur bu buyono dfrısla, mawdacla dkıtyo b’fusqono kamilo dımdawmo u ağunayda mqabıl da tehdide dkito cala Ezidoye, u mawdacla’ste dıkrufdo dmitarkıw u gayso Iraqoyo bu turo d’Şigur yaste dmışroyi a hayle d’Ezidxan. Camgabıdathe, u Zawco Iraqoyo d’Casaeb Ahıl Alhaq sımle qroyto dmitaqım u qyomo d’Şigur dımdewo bayn…

A nahire wa yadıcthone du Iraq bu haqlo du huquq, mahwelın u hfuxyathe mqabıl da fulhone du tehriwo du şuro makthabzabnoyo d’Ninwe. Camgabıdathe, mtayıb workşop dımdawamle hamşo yawme cali yortutho ucalan athare di daşto d’Ninwe, baynothaye u şuro d’Ninwe. Athmıl u qoyumo catiqo du camaydan bu parlamento du Iraq Josef…

Adyoma u rişono du gabo du huyodo d’Bethnahrin athroyo d’HBA Yusuf Yacqub Matti camu qoyumo catiqo du cameydan Jusef Sliwa mtayablın knuşyo gılyunoroyo dmahwelın ebe u hfuxyaththe mqabıl du tehriwo du şuro maktabzabnoyo di mditho d’Ninwe. Bıthır mi maqırhonutho dhuwole Jusef Sliwa u athmıl u rişono d’HBA dsımwole buhono cam…

 Hdo ma citotho du camaydan dkıtyo bi mditho d’Caynkawa bu garbiyo du Iraq sxırla a’tarcayda qum da mhaymne.  İ cito d’Yuldath Aloho da Suryoye d’Caynkawa sxiro, bıthır mıdrawıh u bırbozo du virus d’Corona bayn da n’abne di marcitho. İ dafo ruşmoyto di marcitho d’Mawsal udu qlimo d’Kurdistan di cito Suryoyto…

U gabo da Falohe d’Kurdistan di PKK mawdacle dgıdhowe sdirutho bayne ubayn da haylawotho d’Alhaşd Alşacbi, bnişo dmınfıq mqabıl dkul hçomo bceldboboyo dkibe dmisım cali fnitho d’Şigur bu garbiyo du Iraq. Lfuth hın folitiqoye, i awyutho dkito bayn di PKK uda grube mzayne bnayqyome du İran mqabıl Turkiya, kıgurşo u…

Bu quwolo dsim bu parlamento du Iraq, i sagiyutho da qoyume maqbelın dmisım şuhlofo bu qonuno hatho du bethdino federaloyo, dıkmıtlabwo ebe dmibayın yadıcthone di tawditho Maşılmonitho bıgawe di sictho da dayone du bethdino. Bebzabno, a qoyume Iraqoye mayadlın dhowe mathlone da came mşahılfe du Iraq bıgawe du qonunano du…

Bu zabno da falohe du qlimo d’Kurdistan du Iraq hıfriwo arco bi mdito d’Arbil, mqafelın qahfe u şarbotho dıkducri l’meqım 1.700 eşne.  Me gabo hreno an arkeolog Franşoye u Norweçoye, mqafelın duktho d’citotho dıkducri lu doro dan arbco bıthır me Mşiho. Ba buhone dsimi b’Şawaz d’Arbil, mawdıc di dukthathe dımqafın…

U qonuno hatho du bethdino federaloyo du Iraq, kımdawım dmoyıd dukthe bayn da şutose marduthoye, akadimikoye u du huquq du Iraq. 13 tahbaryotho u federasyone mşahılfe du Iraq, bu buyono mşawtıfo dıfrıslın tlıblın dmıdrış u qonunano bırwihutho ma yadıcthone du huquq, u dmişawhır u quwolo acle hula guboye gawonoye dıbqamuthayna.…

Bi mditho Suryoyto d’Barıtle di daşto d’Ninwe, mtayıb dawra yulfonoyto du syomo di halyutho la neşe di daşto. İ dawrathe mtaybo mi mtakasto İtaloyto d’UPP, bnişo dmiqafe gade du fulhono la neşe da came mşahılfe di daşto d’Ninwe. İ mtakasto İtaloyto d’UPP ubu taro di tarmithayda d’camıhdode lu şlomo, mtayabla…

İ şultonutho d’Boğdod maqımla u fusqono, dıktolıb ma bnaymothoye dhol 30 athrawotho, dımaydi viza heş meqım dcubri lıgawe du athro. Bıthır mucdo a nuxroye kibın dmaydi i vizathe baroyo inaqla dıkmotın lu Iraq. Bu şıkılano, kıbco i şultonutho d’Boğdod dmaqwıyo u momuno du athro u dfutho qum da mkone du…

U qoyumo catiqo du camaydan bu parlamento du Iraq Josef Sliwa, mawdacle dkito zuctho du qonuno hatho du bethdino celoyo du Iraq, dımşahlıf u Iraq l’athro Maşılmono xıdu İran yaste l’bethdino di şarica d’Dacış.  Camgabıdathe, hayle folitiqoye demoqratoye u tukose du kenşo mdinoyo nafiqi mqabıl du qonuno du bethdino Iraqoyo…

U froshezwo Iraqoyo d’Alhurra, bu taşroro dfrısle cala Mşihoye d’Kerxeslox, mawdacle dkito folhone mi xasra di cito u mi xasra di şultonutho du Iraqste dkımşaçci u camaydan dkıtyo galwoyo ba nathrawotho şbobe dıdocır mehatho la fenyothayde.  Mxasra hreto, u ajans da tebe d’Asyşeyted Press bu taşroro dıfrısle mawdacle da Mşihoye…

A mathlone da gabe u şutose du cameydan wa mşale da citotho du cameydan adyawma sımlın u duxrono du yawmo şatonoyo du qtolcamo d’Halabja dsımwo mu rişono catiqo du Iraq Saddam Hussein. Bıthır mu duxrono, sımlan maqıblonutho camu rişono du gabo du Huyodo d’Bethnahrin Athroyo Yusuf Yahkub Matte dmahkele cali…

Taşdarto mi şultonutho du Iraq b’darğo celoyo, sımla socurutho li qastra d’Şigur u yatiwo cama mathlone di mdabronutho yothoyto d’Şigur, u camu gabo di hirutho udi demoqratoyutho Yezidoyo.  Bi ytawtathe dıdrişo eba i aykanoyutho di mdabronutho udi mşaynutho d’Şigur, a mathlone da Yezidoye mqadamlınste a’talabaththe li şultonutho d’Boğdod bi sbutho…

A qoyume du camaydan bu parlamento du Iraq, nafiqi mqabıl di rmoyto du qonuno hatho di sictho da dayone du bethdino celoyo du Iraq. A’hamşo qoyume du camaydan bu buyono mşawtfo dıfrıslın, mawdaclın du qonuno hatho du bethdino kmawbıl u Iraq laf athro Maşılmono, ukdoyış a’zedqe da came qalile du…

U rişwazire du Iraq Mustafa Alkadhimi, mıstaqbele bu qusrayde bı Boğdod i qadişutho du fatıryarxo di cito Kaldoyto d’Bobıl Mor Luwis Rofayel Qadmoyo Sako. Bi ytawtathe, dıdriş eba u tathir dıtrela i socurutho du papa lu Iraq, kleste cali sbutho du qonuno du bethdino wa diloyotho dkıtle u camaydan di…

Tlitho mu camaydan d’Boğdod, bıthır mu cufoyo di qaştayda mvayco mi holo, u mawdconutho layto acla mzabno dı tarte şabe uhul ucdo. Mabuce mu camaydan bı Boğdod, mahwelın i zuctho dkıtlın mu vyoco dıhdo tlitho mu camaydan dcımra 16 ışne, udkıtyo mi fnitho d’Alkarrada. İ claymthathe mzabno dı tarte şabe…

U gabo du Huyodo d’Bethnahrin Athroyo du Iraq, tlıble dmisım u sutoro da mulkone da Mşihoye, u mawdacle du camaydan mi şato da 2005 u hul ucdo kmimıd nişo lu qtolğenso. Mxasra hreto, u qoyumo catiqo du camaydan bu parlamento du Iraq Josef Sliwa, bi maqırhonutho dhule l’Bas News, tlıble…

U rişono du gabo d’Altayyar Alsadri Muqtada Alsadır, sımle qroyto dmitabde dialog athronoyo du şuhlofo. Bebzabno, Alsadır sımle’ste qroyto dmitadcıri a mulkone da Mşihoye dmahıt ido aclaye.  U rişono Şica Muqtada Alsadır, sımle athmıl qroyto dmitafıt la haye u dialog athronoyo du şuhlofo bu Iraq bi mdabronutho d’Emwotho Mhaydotho, u…

Ban alfayo d’Ezidoye layimi adyawma d’Şigur bu garbiyo du Iraq, leşan dmahwın i awyuthathe cama hayle du sutoro d’Ezidxan dıkmıtlıb menaye dmıgroşi mi fnitho. Meqım mıd dmitaybo taglitho, a hayle Iraqoye mnaselın dmınci a Ezidoye dmıştawtıfi li taglitho, u marıslın buğre bi hawa leşan dmazici a mtagılyone dıkfixi ma qıryawotho…

Almanya mdela qyomo cami wazirutho di peşmerge du qlimo d’Kurdistan du Iraq, leşan u tuyobo d’tarmıyotho hathe lu teqwiyo ulu şuşoto da hayle di peşmerge. Uqyomano dcala tarmıyotho leşan i peşmerge, mıde athmıl beyn d’mşalo du gayso d’Almanya udu waziro di peşmerge du qlimo d’Kurdistan. İ wazirutho di peşmerge du…

U menyono da galwoye dıqtili udımçarhi bi maşritho d’Alhol bu garbay madınho d’Suriya, mati l’zıd m’35 farsufe.  Mxasra hreto, i şultonutho du Iraq krıfdo u dcoro da galwoye di maşirtho d’Alhol, cal dkımşakli qento calu Iraq.  A’haylawotho di mşaynutho mqafelın şlado d’galwoyo Iraqoyo bi maşritho d’Alhol dkıtyo hedor di mditho…

Bıthır mıd u parlamento du Iraq mıctarafwole bu qtolcamo da Ezidoye u cala came, u maqbewoleste qonuno hatho, klozım i şultonutho du Iraq dobo tazminat la neşe kule dmaxlaslın me Dacış ba 2014. Athmılste bu yawmo d’8 Odor, mdele u rişqutno Barham Salıh calu qonunano leşan dfoyıt ruşmoyith la haye.…

I qadişutho du papa du Vatikan Mor Fransis Qadmoyo, athmıl bu huthomo du qurobo alohoyo dımrayşanle bi mditho d’Arbil, mkamele i tahrazto di socuruthayde lu Iraq. Arişone Iraqoye dımwasaflın i socurutho du papa u dmawdaclın dkımathlo egartho noşoyto di awyutho, hın ma folitiqoyeste du camaydan tlıblın dmitahwele u camo Kaldoyo-Suryoyo-Othuroyo…

I socurutho du Papa Mor Fransis qadmoyo lu Iraq, kımdawmo dmıdroşo beyn du cameydan u beyn da came du Iraq. Bu zabno dıkmdawmi a droşani athmıl iqadişutho du papa sımle socurutho li cito dı dmiş ışma bu qtolcamo dhawiwo eba bi şato da 2010 dı qtilwo ba casrowat mu cameydan…

A Ezidoye d’Şigur du garbiyo du Iraq, mathkarlın a sohde du hçomo dsımwo cali qastra d’Xanasor ba 2017.  Ba mowat d’mtagılyone dımhalaxlın bi qastra d’Xanasor, makadlın dıklozım u ağunathe dımdawım, hul dmitadcarle u camo Ezidoyo i hiruthayde wu neshonayde, u dmımnıc u kboşo du sebyonayde. Athmıl u yawmo şatonoyo we…

Dayrayto Febi Matti Tuma, mi celtho d’kewo mariro nqilo ma hayani bu athro du Ciraq.  Mnohto dayrayto Febi, b’kull hubo ub’kull zadiqutho mşabela i cito Suryoyto Orthodoksoyto b’Lebnon ubu Ciraq l’zabno d’24 eşne.  Dayrayto Febi Matti Tuma calu sabro di qyamto, nqilo ma hayani 28 bu yarho d’Şbot dşaficina bu…

 Bu zabno dkito hın mu camaydan, dkımhalhıli lu mathyo du papa lu Iraq, kitoste qole hrene dlıkmıtyaqni di socuruthathe gdımşahılfo mede mi aykanoyutho haruto du camaydan bu Iraq. U qoyumo catiqo Josef Sliwa dmawdacle dlıkmıntır mede mi socurutho du papa, i şultonutho Iraqoytoste mawdacla di socurutho di qadişuthayde gıdmaqwiyo u…

Bi mdito d’Barıtle bi daşto d’Ninwe, mtayıb workshop du rşomo dmıştawtaflele menyono d’clayme u claymotho ma came mşahılfe di daşto.  U workshopano dımtayıb bu ışmo “amnorutho leşan u şlomo”, hthim bıhdo methhawyonutho dfrisi eba a rşome da mıştawtfone.  İ Mtakasto İtaloyto d’UPP bu taro di tarmitho dsımla bu ışmo “camıhdode…

Qtil mtaglıyono Iraqoyo u mçarıh ba casrowat hrene, ba taxtuşe dhawın cama hayle di mşaynutho bi mdito d’Alnasiriya dkıtyo u qentrun di hiğmonutho d’Dhi Qar.  Me gabo hreno, u waziro di baroyutho du Iraq Fuad Husayn mawdacle dlayto mede ışme mrodo bu Iraq, cal dkıtyo athro demoqratoyto, u mırle; Hani…

Ha man abne du camaydan fsıqle docır lu baytayde dkıtyo bi mdito d’Mawsal, walaw u bayto hariwoyo u lıkmıqdır dmicış bıgawe.  Bu tebano u bı mimartho hreto dıfriso bi dafo d’Rudaw, kmitahke calan abne du camaydan b’Mawsal wa qetre dıkloqın bi sbutho du tapo udu qadastro da narcotho u da…

En dothe Turkiya huçmo cal Şigor u dımharbo a hayle d’Haşıd al Şacbi, i peşmerge lıgmdaxlo ba taxtuşani a melani du rişono da hayle di peşmerge du qlimo d’Kurdistan Qassım Şaşone.  Elo u rabhaylawotho di peşmerge makadleste, walaw gıdfayşi a hayle di peşmerge larwal da taxtuşani, elo hadirene dımdafci ruhaye…

Bi mdito Suryoyto d’Bağdede bi daşto d’Ninwe, mtayıb ytawto du dialog d’drişo eba i rmoyto du qonuno dıksoyım u sutoro da came Iraqoye mqabıl di tuhmonoyutho.  Li ytawtathe, mıştawtafle mathlone mi Mtakasto da Neşe d’Bethnahrin du Iraq cam menyono d’sniğre, yadıcthone du huquq u hfite bu haqlo da zedqe noşoye.…

U Iraq tlıble snodo mu NATO, bu ağono dkobe mqabıl da ğrobe marhıbone d’Dacış.  Bebzabno, bu taro du snodo dkobe u koalisyon Emwothoyo lu qlimo d’Kurdistan, mşadarla Hollanda 150 folhe hrene lu qlimo, leşan dım’amni i mşaynutho du bethtawso Emwothoyo d’Arbil. U mşawrono di Mşaynutho Athronoyto du Iraq Qasım al…

U rişwazire du qlimo d’Kurdistan du Iraq Masrur Barazani, b’arbac leşone baynothaye u Suryoyo mhanele a’bnaymothoye Kurdistanoye.  Elo Barazani bu şıkıl dıkthule bi dafayde du Twiter, Iıhele i hiyoyutho umthoyto da came dıkhoyın bu qlimo, u mawdıcile xıd barmothoye Kurdistanoye dıkmıjğoli b’leşone mşahılfe.  Emwotho Mhaydotho mbayanla 21 bu yarho d’Şbot…

İ claymutho du camaydan di daşto d’Ninwe, mtayabla cadcido camonoyo bi cohnutho di socurutho dıkmıntır dsamla i qadişutho du papa Mor Fransis Qadmoyo lu athro du Iraq, u dilonoyith li mditho Suryoyto d’Bağdede. Bu cadcidano dımtayıb bı Bağdede, mqadım hfitwotho mşahılfe baynothaye halxe, qole citonoye, zmirotho, sport u mamle cali…

Bi mdito d’Arbil mtayıb u lumodo trayono du snodo di federaliye bu Iraq awkith dmişahılfi a hiğmınwotho l’qlime şarye di mdabronutho.  Lu lumodano dımtayıb mu enstitut Iraqoyo du snodo di federaliye, mıştawtafle menyono ma rişone da gabe u tukose du camaydan u Kaldoyo Suryoyo Othuroyo. Folitqoye, nahire, rişone d’caşıryotho Caraboye,…

 Bıthır mıd kamıl u hethothayda, sim u futoho di betharke gawonoyto di qastra d’Telkepe bi daşto d’Ninwe. Lu zawhano mıştawtafle mşale folhoye u mdinoye d’Ninwe u mathlone d’tukose Emwothoye wu menyono celoyo ma came mşahılfe di mdito. Bnişo dmitaqwiyo i şalyutho wi mlahmonutho kenşoyto d’Telkepe  udmicadır u kenşo di daşto…

U kohno di marcitho Suryoyto d’Bağdede di daşto d’Ninwe, mawdacle di socurutho dgıdsamla u papa lu Iraq, kımathlo şıkıl ma şıkılat du tedawi du celojo du camaydan.  Camgabıdathe, i hasyutho di marcitho d’Arbil di cito Kaldoyto d’Bobıl, mawdacla du Iraq sniqoyoyo ucdo li socurutho du papa, dilonoyith bıthır ma hçome…

Emwotho Mhaydotho u Amerika mawdaclın dıklozım aguboye dmisomi dlo zuctho bu Iraq.  Camgabıdathe, hın ma rişone du Iraq mawdaclın du hçomo dsim cal Arbil egartho mqabıl di socurutho du papa u da guboyeyo, u bebzabno mawdaclın dıklozım b’zuhoro dmiqadım li sbutho d’Şigur.  İ mathlonitho d’Emwotho Mhaydotho bu Iraq Jenin Plasxart,…

Emwotho Mhaydotho dıkrıhla uhçomo dsim ba soruhe cali mdito d’Arbil, maglelaste calu menyono dıqtili u dımçarhi bu hçomano dımhalıq ebe 14 soruhe.  Camgabıdathe, Amerika, u koalisyon Emwothoyo, Almanya, Fransa, Britanya u athrawotho hrene mahwelın u hfuxyathe mqabıl du hçomo dsim athmıl cal Arbil.  U malolo du koalisyon emwothoyo mqabıl Dacış…

U rişwazire du Iraq Mustafa Alkadhimi mawdacle di socurutho dgıdsamla i qadişutho du papa lu athro du Iraq, gdımcadro bu teqwiyo di şalyuthayde.  Camgabıdathe, hın ma rişone folitiqoye du Iraq nafiqi mqabıl da qole dkıtne saqıbloye li socurutho du papa.  U rişwazire du Iraq Mustafa Alkadhimi, athmıl bi ytawto dhawile…

Mşadır ban alfayo dfolhe da hayle Şica d’Haşıd al Şacbi li fnitho da Ezidoye-Şigor bu garbyo du Iraq.  A hayle Şica mşadri li fnitho, xıd funoyo la hçome dmabdela d’Turkiya calu gerilla di PKK b’Gare u Nuhadra. Lfuth u tebo dfris b’dafe Iraqoye, a hayle Şica du Iraq mşadarlın ban…

Meqım mi socurutho dıgsoyım u Papa lu Iraq, farsufe di hiyoyuthathe dlatyo idıcto, twırlın menyono ma haykle d’Yuldath Aloho bi mdito Suryoyto d’Bağdede bi daşto d’Ninwe.  Camgabıdathe, mabuco mi rişonutho da Maşılmone Şica du Iraq, mawdacle du Papa Mor Fransis Qadmoyo bi lqoyto dgıdhowele cam Cali Alsistani, gıdtolıb mene dmisım…

U Iraq tlıble snodo mu kenşo Emwothoyo bu tuyobo da guboye gawonoye du athro.  İ Sictho celoyto u Şritho da guboye du Iraq, maczamla 52 athrawotho frişe dbritho, leşan dımcadri bu tehqobo da guboye dıgmisomi bu Iraq. Bi maqırhonutho dhuwla athmıl casriye i Sictho Celoyto u Şritho da guboye du…

U gayso kaboşo d’Turkiya sımle hçome oyaroye udi naşfe cal hın qıryawotho dıknufli ba fenyotho d’Nahla ud’Nuhadra bu garbiyo du Iraq. Camgabıdathe, Turkiya manhatla grub d’folhe bu turo d’Gare bu garbiyo du Iraq, ubi netiçe da taxtuşe dhawilın camu gerilla di PKK, qtil u mçarıh menyono dfolhe. Athmıl bıthır mıd…

U Vatikan mawdacle ruşmoyith i tahrazto di socurutho dgıdsoym i qadişutho du Papa Mor Fransis Qadmoyo lu athro du Iraq bu yarho d’Odor dıbqamuthayna.  Lfuth i tahraztathe, u rişono di cito Qatholiqoyto bu zabno dgıdhowe b’Boğdod gıdsoyım socurwotho la citotho d’Sayıdıt Alnajat u d’Mor Yawsef, ubu zabno dgıdhowe bi daşto…

Mqadım rmoyto lu parlamento du Iraq dıkmıtlıb eba dmitazido i buçça du mluwo da 140 du nomuso esonoyo. Lfuth u mluwo da 140, klozım dmiqadım tezminat la came qalilotho dım’athri mi siyase dımaşewole u gabo du Bacth du Iraq.  İ sictho du momuno du parlamento du Iraq, mawdacla dımqadım rmoyto…

A hayle folhoye-Saraya al Salam, dkıtne masre bu rişono Şica du Iraq Muqtada al Sadır, mşadri la dukotho dkibın masığde bi arişkoyto Boğdod, b’Najaf u b’Karbala. A hayle Şica sımlın u duyoqo da dukothathe a tawdithoye, bıthır mıd fris gzome dgımisım hçome aclaye. U malolo du rişono Şica du Iraq…

U folitiqoyo Iraqoyo idico qoyumo catiqo Mithal Al Allusi, maglele cali şrorutho da celotho du qetro dkito beyn di şultonutho d’Boğdod udi şultonutho du qlimo d’Kurdistan.  Lfuth u folitiqoyo Al Allusi, u İran lıkobıc dhowelın a Kurdoye haylo b’Kerxeslox, Ninwe u Diyala, bnişo dhuyo i fnithathe geşro dıkmasırle caman athrawotho…

U mawtbo di mdabronutho yothoyto demoqratoyto d’Şigur du garbiyo du Iraq, hule şudoyo dgıdmoyıd hşowo ma more di mşalutho dcalu qtolcamo dhawiwo b’Şigur i şato da 2014. Bu buyono dıfrısle u mawtbo di mdabronutho yothoyto d’Şigur, mawdacle dlıgıdobe mucdo wazolo aftho l’noşo d’gonu u sebyono da Yezidoye. Bi cohnutho du…

İ mdito Suryoyto d’Barıtle bi daşto d’Ninwe, kull dkothe kmıcjoqo ma surotho da rişone folhoye du İran u dı Alhaşd Alşacbi.  Alhaşd Alşacbi wu İran kmahwe dılo makfele u kboşo da mdinotho rabe du Iraq, kıbciste dımşahılfi i hiyoyutho Suryoyto d’Barıtle.  U şufro di mdito d’Barıtle wi zahyuthayda, kul dkothe…

U tukoso Emwothoyo di Yortutho-UNESCO, mabdele tarmitho du bnoyo u du hethotho di şawtho catıqto d’Mawsal.  Megabo hreno kmitawdıc, di madraşto dilonoyto d’Şamcun Alsafa di cito Kaldoyto d’Bobel b’Mawsal, kluqyo ucdo qento du shofo du benyonayda u tahtoyo. Bıthır mıd şafıc 3 eşne calu huroro d’Mawsal ma ğrobe marhıbone d’Dacış,…

 U gabo d’Altayyar Alsadri du Iraq, mawdacle dhul 40 bote u arcotho kbişe du camaydan u da Sabiaa Mandoye, madcıri la morathe.  Altayyar Alsadri dkıtyo gabo da Maşılmone Şica du Iraq dqadır d’soyım u mede dılo qadiro i şultonutho dsaymole holucdo, sbutho dıkgurşo u zuhoroyo.  U hadomo bi mdabronutho du…

U tukoso Emwothoyo du Ğamo dcala Mşihoye-İCC, frısle u taşrorayde du yarho d’Konun u haroyo dşafıcina, cali aykanoyutho harayto di daşto d’Ninve.  Bu taşrorano, griş u zuhoro cali sbutho di mşaynutho d’Ninve, a qente wa gzome dkito cala Mşihoye, isbutho di socurutho du Papa lu Iraq uğer. Fris u taşroro…

Walaw dhowın a şartat du hulmono casqe, elo naqla hreto i qadişutho du Papa du Vatikan Mor Fransis Qadmoyo, b’sebyono kamiloyo dsoyım socurutho lu  Iraq bu şuroyo du yarho d’Odor dıbqamuthayna.  Mor Fransis bi maqırhonutho dhule, mawdacle d’ulsoyoyo da Mşihoye du Iraq dhozın u Papa ksoyım socurutho lu athrathe.  I…

Malfono bethsawboyo mu camaydan di mdito Suryoyto d’Barıtle di daşto d’Ninwe, nqil ma hayani b’cımro d’55 eşne.  Cimad Yacqub Qıryaqos Şaba dkıtwe malfono bu inistitut du teknoloji d’Mawsal, nqil ma hayani mi celtho du kewo du Sartono.  İmdito Suryoyto d’Barıtle di daşto mvayacla ha man abne du camaydan dkıtwe yadıcthono…

U qoyumo catiqo du camaydan bu parlamento du Iraq Josef Sliwa, mawdacle di Maşılmonutho tuhmonoyto kımdawmo dmafito la haye i tahrazto du tewfiqo du mede dfayış mu camaydan bu athro du Iraq. Sliwa bi maqırhonutho dhule lu tboco froso kımşayel, qay kmıhjım cala dukane du alkohul, elo i şuqo di…

İ gudo di orkestra d’Kenara di musiqi du camaydan, simla i hfituthayda i qamayto bi mditho Suryoyto d’Bağdede di daşto d’Ninwe. İ gudo di orkestra d’kenara i qamayto dkulle dıkmişatso bi hiğmonutho d’Ninwe bu garbiyo du Iraq.  İmditho Suryoyto d’Bağdede di daşto d’Ninwe, hawyo sohudto cali gudo di orkestra di…

Bu zabno da ğrobe marhıbone d’Dacış kbışwolın d’Mawsal, huwolın husrono rabo li mdito. Walaw u qrobo tayım u dmabdın a fulhone du bnoyo u du hethotho d’dukotho d’Mawsal, i şawtho catıqto di mditathe heş shifothoyo.  Calathe a more da bote u dan arcothaniste, kımnasın dmalizi leşan dımzabni a mulkonathe b’timo…

U tbocofroso d’İtalya kımşalıt bahro cali socurutho dgıdsamla i qadişutho du papa Mor Fransis Qadmoyo lu athro du Iraq, dilonoyith li mditho Suryoyto d’Bağdede di daşto d’Ninwe.  İ sferyawmo d’Roma Ripoters, bu taşroro dıfrısla mawdacla di socurutho dgıdsamla u papa l’Bağdede, kmadilo du camo Kaldoyo-Suryoyo-Othuroyo b’sebyono kamiloyo dımdawım dfoyış bu…

Msik kmo farsufe dıkmıthomi, dıktucni i mşalutho da tre furqoce qtolnafşoye dsimiwo meqım şabtho bi arişkoyto du Iraq Boğdod.  Bebzabno mawdıc, da hayle di mşaynutho du Iraq kımdawmi a cuqobathe cal d’Dacış u qtilın 10 marhıbone b’Kerxeslox u msik tlotho hrene b’Diyala. Me gabo hreno, a hayle Iraqoye maqşelın u…

Cıl mdıkmimıd tedbire casye di mşaynutho, elo naqla hreto a suikaste du qatlo da hfite u nahire Iraqoye kımdawmi b’ğalabe mdinotho du athro.  Cali sbuthathe, u rişwazire du Iraq Mustafa Alkazimi mawdacle di marıhbonutho kıbco dıtarqılo a’guboye gawonoye dıbqamuthayna.  Mabuce gawoye du Iraq bi maqırhonutho dhulın lu froshezwo d’Alcarabiya, mawdaclın…

İmdabronutho gawonoyto du yulfono Suryoyo bu Iraq, tlıbla dmibayın malfone hathe lu tewlifo du leşono Suryoyo bi bethsawbo d’Bağdede di daşto d’Ninwe.  U talabano athi luhwoyo bi ytawto dhawile u rişono di mdabronutho gawonoyto du yulfono Suryoyo Cimad Jajjo, camu rişono di bethsawbo da leşono d’Boğdod Muwaffaq Jawad.  U rişono…

U rişono di marcitho d’Mawsal, d’Kerxıslox udu qlimo d’Kurdistan di cito Suryoyto Ortodoksoyto hasyo Mor Niqodimos Dawud Matti Şaraf, mıstaqbele bu benyono di hasyuthyade bi mditho d’Caynkawa, u izgado Amerikoyo b’Arbil Rob Woler.  Hasyo Mor Niqodimos wu izgado Amerikoyo Woler bi ytawto dhawilın bi mditho d’Caynkawa, drışlın i aykanoyutho du…

İ Mtakasto da Neşe d’Bethnahrin bu Iraq kımdawmo ba tarmyotho du teqwiye da neşe  İ Mtakasto da Neşe d’Bethnahrin bu Iraq kımdawmo ba fulhone uba tarmyotho du teqwiye da neşe du cameydan.  İ Mtakasto ba yawmotho d’şaficina dhula 25 neşe yulfono di mcadronutho qamayto dlu barnoşo xıd kewe da yuqdone,…

İ şultonutho du Iraq mıdla tedbire leşan dmisım u sutoro da şutose diplomatiqoye dkıtne bıgawe di fnitho yarıqto bi arişkoyto d’Boğdod.  Me gabo hreno, atloth rişonwotho du Iraq wi mathlonutho d’Emwotho Mhaydotho, makadlın u snodathe la guboye gawonoye dıkmıntır dmisomi bu yarho d’Hziron dıbqamuthayna.  U malolo di şultonutho du Iraq…

Farsufo mu camaydan dımgalwewole mu Iraq lu athro d’Australya, mnaqe ucdo hadomo bi mdabronutho du mawtbo di galwoyutho d’Australya. Josef Yuhanna dkıtyo farsufo mu camaydan u Kaldoyo-Suryoyo-Othuroyo dımgalwele l’Australya, bi maqırhonutho difrısle lu tboco froso mawdacle, dımnaqe ruşmoyith hadomo bi mdabronutho du Mawtbo di galwoyutho d’Australya. Yuhanna bi maqırhonuthayde mahwele…

İ wazirutho Iraqoyto dıkhayro calu plan u cala tahrazyotho, mawdacla du mınyono da bnaymothoye du athro, şafıc an 40 milyone bi şato da 2020.  Megabo hreno, bıthır mıd şafıc yawmo cala taxtuşe qaşye dhawın beyn da mtaglıyone Iraqoye u da hayle di mşyanutho, hol darğo daciro i şalyutho b’Nasiriya dkıtyo…

Grub d’qoyume Kurdoye bu parlamento du Iraq, mşataslın koalisyon hatho bu ışmo; U sabro d’Kurdistan.  U koalisyonano gıdfolıh leşan dmitarsi a fawde wa bsirwotho dkıtwo me meqım u dıtfıklın a bnaymothoye du qlimo d’Kurdistan l’kafno.  Grub dıkmişakıl m’15 qoyume Kurdoye şarye u qoyume hrene dkıtne hadome ba gabe u koalisyone…

Masrıh tıre kohne li marcitho du Iraq di cito Kaldoyto d’Bobıl. Bu zawho di masırhonutho dsim bi mditho d’Caynkawa, mıştawtafle rişone u mathlone ma citotho mşahılfe du camaydan bu Iraq, u ba mowat dımhaymıne.  İ cito Kaldoyto d’Mor Yawsef bi mditho d’Caynkawa bi hiğmonutho d’Arbil, sımla yawme d’şabtho dşaficina baytoyutho…

Bu zabno da 10 yawme haroyani, qtil 4 galwoye Iraqoye dkıtwın bi maşritho d’Al Hol bu garbay madınho d’Suriya.  Bu tebano dıfris mi Mşatasto da zedqe noşoye d’Suriya mawdıc, da hayobani dheş latne idice, mjarahlınste folho du Asayiş dıksamwo u duyoqo di maşrithathe.  A galwoye Iraqoye dkıtne bi maşritho d’Al…

U waziro du sutoro du Iraq Jumca Cinad, mzaharle da hjome dıkmisomi cali fnitho yarıqto d’Boğdod, kibın dmawbıli u athro laf qrobo gawoyo.  Camgabıdathe, u rişwazire Mustafa Alkazimi mawdacle dlıgıdmitahwe fayış fsoso l’noşo d’hotıf u fusqono folitiqoyo athronoyo du Iraq.  U waziro du sutoro du Iraq Jumca Cinad, mzaharle da…

U parlamento du Iraq mşatasle sictho dilonoyto leşan dhayro cala şkuwat dkıtle u camaydan bi sbutho da mulkonayde dkıtne kbişe.  Bebzabno, u parlamento d’Boğdod tlıble ma tarte wazirwotho di baroyutho u di kinutho dhowın mcadrone bi sbutho du tedciro da mulkone kbişe du camaydan la morathe.  U tahlufo qadmoyo du…

U rişono di marcitho d’Arbil di cito Kaldoyto d’Bobıl hasyo Mor Başşar Matti Warda, mawdacle du camaydan hul ucdo latle ulo duktho b’gawıd du fusqono siyasi du Iraq. Bebzabno, hasyo Warda mawdacle da rişone folitiqoye Iraqoye klozım dımbayni diloyotho lu camaydan bgawıd du nomuso esonoyo, laşan dımdawım dfoyış bu athro…

U komisyon celoyo da zedqe noşoye du Iraq, mawdacle d’40% mu camaydan dacır li qastra d’Bağdede di daşto d’Ninwe. M’gabo hreno, farsufo mu camaydan dıkhoyewo bi fnitho d’Şigur mawdacle da 50 yaqrotho dıkcayşiwo meqım b’Şigur, mgalwelın lu qlimo d’Kurdistan bıthır mi şato da 2014. Taşdarto mu komisyon celoyo da zedqe…

U rişono du şutoso di mşaynutho athronoyto du Iraq rabhaylawotho Cabd Alğani Alasadi, bi socurutho dsımle li mditho Suryoyto d’Barıtle bi daşto d’Ninwe, mwasafle i klayto dmahwiyowole u camaydan ba qrobe du huroro du Iraq mu tukoso marıhbono dı Dacış.  Mxasra hreto, u diwan da waqfat da Mşihoye u da…

6 eşne bıthır mu kboşo da ğrube marhıbone d’Dacış cali mditho d’Mawsal u di daşto d’Ninve, heş kito mınyono celoyo d’citotho du camaydan hariwe u shife.  Elo camaniste, mhathıth hın menaye leşan u camo dqodır dımsale ebeye u dmacış i tawdithayde i Mşihoyto. Bu tboco froso du Iraq, fris tebo…

İ cito d’Mor Tuma da Suryoye Qatholiqoye di mditho d’Mawsal bu Iraq, bıthır mıd kamıl u hethothayda, gıdmisım 26 bu yarhano u zawho ruşmoyo du futohayda.  Camgabıdathe, sim u futoho d’wahdo di esfireğlo bi mditho Suryoyto d’Bağdede dkıtyo u wahdo tlithoyo du sport dıkmişatıs bi daşto d’Ninwe.  U kohno di…

100 claymotho Ezidoye dmaxlaswolın mu tukoso marıhbono dı Dacış, gıdmıştawtıfi la haylawotho da pwelıs gawoye di fnitho d’Şigur bu garbiyo du Iraq.  Lfuth u qyomo dımde bayn d’Boğdod u Arbil, 2500 pwelıs Yezidoye gıdmaydi i wolitho di mşaynutho gawoyto d’Şigur.  Lfuth uqyomo dımdewo beyn di şultonutho du qlimo d’Kurdistan du…

U rişwazire du qlimo d’Kurdistan Masrour Barzani, krıhle uhjomo dsımlın a Haylawotho du Sutoro du Camo-YPG cala hayle di peşmerge dkıtwın qariwo la thume du garbyo d’Suriya.  Bi sbuthatheste i mdabronutho gawonoyto da hayle di YPG frısla buyono u rfıdla a idicat dıfrisi, dsımlın a Mharbonayda hjome cala hayle di…

İmdabronutho gawonoyto du yulfono Suryoyo bu Iraq, mtayabla u lumodo şbicoyo da şbile du leşono Suryoyo u di tarbitho tawdithoyto Mşihoyto bi mıştawtfonutho da mdabrone da ferce di mdabronutho gawonoyto wa mşale da kıthowe du leşono Suryoyo u di tarbitho Mşihoyto cam menyono d’malfone.  Bu lumodano, a mıştawtfone dımqadamlın buhone…

İ marcitho d’Arbil di cito Kaldoyto d’Bobıl, maklela ha ma kohnayda mi wolithayde, cal dıkmıthım bi dacwa dsımle tecjizo ğensoyo bhaq dıhdo claymtho du camaydan bu zabno dkıtwa heş nacımto.  Cali sbuthathe, u rişono di marcitho hasyo Mor Başşar Matti Warda mawdacle dıftihi buqore bhaq di dacwathe, u tlıble ma…

U Huyodo Athronoyo da gabe Kurdoye, sımlın qroyto lu camo u la hayle folitiqoye u folhoye du garbyo du Iraq u dilonoyith lu parlamento du qlimo d’Kurdistan.  Bi qroytathe a gabe Kurdoye dsimo b’Kobani bu garbyo d’Suriya, tlıbbe dkull noşo dsoyım i wolithayde wu dawro dıknofıl acle, leşan dlowe qrobo…

U rişwazire du Iraq Mustafa al Kazimi, sımle qroyto dmitabde dialog Athronoyo meqım ma guboye dıgmisomi bu athro bu yarho d’Hziron dıbqamuthayna.  Bi sbutho da guboye gawonoye du Iraq, mqadamla Almanya 7 milyone dolare lu tukoso d’UNAMİ, leşan u snodo da fulhone du tuyobo da guboyani. Bi ytawto dhawile u…

U menyono da farsufe dıqtili ba tagılyotho du protesto dkımdawmi bi Sulemaniye bu qlimo d’Kurdistan du Iraq, yasıq lı tmınyo farsufe u zıd me 50 hrene mjarhi.  Atlotho rişone du Iraq cama rişone da gabe folitiqoye mşahılfe, bu knuşyo dsımlın bı Boğdod, makadlın dıklozım dmisım şuhlofe momunoye bnişo dmınfıq mqabıl…

 U rişqutno du Iraq Barham Salıh, mawdacle dıklozım i şultonutho du qlimo d’Kurdistan dımşarıro atalabe da mtagılyone, udımqafyo şroye şerşoye li sbutho da nağre u di aykanoyutho haruto di ciyeşe.  Camgabıdathe, i mathlonutho d’Emwotho Mhaydotho bu Iraq krıhla u cnufyo dıkmitıstacmıl mqabıl da mtagılyone di Slemaniye, u tlıbla mi şultonutho…

U tukoso Amerikoyo du quyomo emwothoyo d’USAİD, ba tarmiyotho dıksoyım kımdawım d’sonıd u camaydan laşan dmarku ruhe m’hatho bi daşto d’Ninwe bu garbiyo du Ciraq.  USAİD bi tarmitho du kahrobo dsımle bi mditho Suryoyto d’Barıtle, kımqadım mşablonutho l’zıd m’150 yaqrotho ma came mşahılfe di mditho.  Bu taro di tahrazto d’hulmono,…

Amerika ksındo u rişwazire du Iraq Mustafa al Kazimi calu hboso dıksoyım cala hayle Şica dıkmısnodi mu İran. İ mawdconuthathe, du waziro di baroyutho d’Amerika Mike Pompeoyo.  Me gabo hreno u waziro di baroyutho du Iraq Fuad Hussein hawile ytawto camu bar amnayde d’Bahrain Abdul Latif al-Zayani, leşan a 2…

Taşdarto me Beljika dıkmişaklo me qoyume u tukose mdinoye u gelyunore laqyo menyomo ma rişone da gabe u tukose folitiqoye Kaldoye-Suryoye-Othuroye bu Iraq, beynothaye u rişono du gabo du Huyodo d’Bethnahrin Athroyo-HBA Yusuf Yacqub Matti.  Bi ytawtathe dımtaybo bi mditho d’Caynkawa, griş u zuhoro cali şişaltho da qtolcame dhawın calu…

U ferco du yulfono Suryoyo di tarbitho d’Ninwe mtayable ytawto cama malfone u malfınyotho di tarbitho tawdithoyto Mşihoyto u du leşono Suryoyo.  Bi ytawtathe dsimo bi qastra d’Bahşiqa bi daşto d’Ninwe, drişo i tahrazto hathto du tewlifo wa teknike hathe du nawlo, u kleste cala qetre dıkloqın amalfone bu maşıqlo…

U gabo du huyodo d’Bethnahrin Athroyo d’HBA du Iraq cam grub d’folitiqoye u hfite ma Maşılmone Caraboye Sunna d’Mawsal, mabdewolın meqım tloth ışne fulhone mşawtfe bnişo dmişahılfo Ninwe lı qlimo şaryo.  Athmıl bi tahrazto haytho dıfrısle Suroyo TV, sımle baytoyutho lu rişono d’HBA u lı tıre hfite Caraboye dımşataswolın camıhdode…

İ mdabronutho mşawtafto da haylawotho Iraqoye, mawdacla da grube mzayne dkıtwo bi qastra d’Şigur mawfıqi ma dukothathe, elo agrube mzayne d’Şigur mdagelın u tebano dhıne fayoşe b’Şigur.  Lfuth i mdabronutho du gayso du Iraq, i wolitho di mşaynutho gawoyto d’Şigur gıdmitasılmo la pwelıs Yezidoye, elo u sutoro du tawqo dkıtyo…

Bi netije du mrodo dmahwelın acomure di fnitho d’Şigur, ahaylawotho Iraqoye lıqadiri athmıl dmaydi dukthıd da haylawotho da Asayış d’Yezidxan, u matın lawyutho cama comure dıdırşi i sbuthathe ba zabne dıbqamuthayna.  Camgabıdathe, ba mdinotho mşahılfotho du qlimo di Gozarto d’Bethnahrin d’Suriya kımdawmi heş atagılyotho camonoye dıksındi a Yezidoye mqabıl du…

Acomure di qastra d’Şigur du garbiyo du Iraq, layimi adyawma qum da qentrune da n’Asayış d’Yezidxan, bnişo dmınci ahaylawotho Iraqoye dmaydi dukthaye.  Camgabıdathe, mtayıb bu qlimo di Gozarto d’Bethnahrin d’Suriya u bhın ma nathrawotho d’Urifi, tagılyotho du protesto mqabıl du qyomo dımde bayn da tarte şultınwotho d’Boğdod u d’Arbil cali…

U gabo du huyodo d’Bethnahrin athroyo d’HBA, mawdacle dıkrofıd u qyomo dımde bayn di şultonutho qentrunoyto d’Boğdod wi şultonutho du qlimo d’Kurdistan cali aykanoyutho d’Şigur. HBA makadleste dkul qyomo dkıtle esore cama fenyotho dheş latne safye bu garbiyo du Iraq, klozım dhowe bu sebyono u bi awyutho da came da…

U polis federaloyo du Iraq, mabdele u maşıqlo qamoyo du terkiwo du qyomo dımde beyn di şultonutho d’Boğdod u di şultonutho d’Arbil cali fnitho da Ezidoye-Şigor.  Bu qyomano tlıbwo dmitaqımi a hayle folhoye hrene dkıtne bi fnitho, u calathe u polis bıdele dmanhıt a remze wa othowiye da ğrube folhoye…

Ba taxtuşe dhawın beyn da noqufe du rişono Şica Muqtada al Sadır u da saqıbloyayde b’Nasiriyah du Iraq, qtil 6 farsufe u ba casrowat dıhrene mjarhi.  Ucnufyano athi lu huwoyo beyn da bnaynoşo dmıştawtafwolın la tagliyotho da 2019 dsimiwo mqabıl di şultonutho u da noqufe d’al Sadır, bıthır mi qroyto…

U gabo du Huyodo d’Bethnahrin Athroyo HBA du Iraq, dıqle u noquşo du qento dkito calu dactid di ithutho Mşihoyto du camaydan bi daşto d’Ninwe bu zabno dkımdawmi a Maşılmone Şica dımşahılfi i demoğrafya da fenyotho makthabzabnoye du camaydan bu snodo du İran.  Camgabıdathe, ha ma mbahnone folitiqoye d’Ninwe, thımle…

80 yaqrotho mu camaydan dkıtwın galwoye bu qlimo d’Kurdistan du Iraq, daciri ucdo la botathe bi qastra dı Telkepe di daşto d’Ninwe.  Camgabıdathe, ha ma kohne du camaydan d’Ninwe mawdacle da haye mşarelın dfıqhi ba fenyotho Mşihoye bi daşto d’Ninwe, u tlıble dmıfrış u camaydan mu qrobo dkito bayn da…

U rişono gawonoyo da Haylawotho du Delqublo d’Şigor-YBŞ Hasso İbrahim mawdacle ilo thnihuthayde calu qyomo dhawi beyn Boğdod u Arbil bi sbutho d’Şigor u mırle; Kibe naqla hreto dnofıq qrobo b’Şigor, en u qyomano dmitafıt la haye.  Hasso İbrahim dmawdacle, da Ezidoye lo kubci ducri lu şıkıl du zabno du…

Sim u futoho di cito d’Yuldath Aloho da Suryoye bıthır mıdkamıl u hethothayda bi qastra dı Telkepe bi daşto d’Ninwe.  Lu zawho du futoho di cito, mıştawtafle menyono celoyo ma rişone da citotho du camaydan u ba mowat dımhaymıne.  İ cito Suryoyto d’Yuldath Aloho dkıtyo bi qastra dı Telkepe bi…

İ claymutho Suryoyto hfıto di mditho d’Bağdede di daşto d’Ninwe, kmaltımo lbuşe du sathwo ma nabne du camaydan di daşto u di mditho d’Caynkawa, u kımfarqolın cala galwoye di maşritho d’Alxazer dkıtyo bi hiğmonutho d’Ninwe.  U insiyativano dmabde bu taro du cedo du mawlodo, kıtle u nişo dbone geşro di…

İ sdirutho du kenşo Yezidoyo b’Urifi sımla qroyto la Yezidoye dıkhoyın ba nathrawotho mşahılfe dı britho, dımtaybi halxe u tagılyotho du protesto mqabıl du qyomo dımde bayn d’Boğdod u Arbil cali aykanoyutho d’Şigur. Camgabıdathe, u mawtbo di mdabronutho yothoyto d’Şigur sımle qroyto la hayle u la gabe folitiqoye kulle da…

Sim u futoho d’methhawyonutho dkımgaşmo amalke du camaydan d’Othur bi mditho d’Mawsal bu Iraq.  U amnoro nahoto Cumer Qays İbrahim dıfrısle asyomayde bi methhawyonuthathe, kıtle nişo dmacış i yortutho makthabzabnoyto du camaydan dıshıfwole u tukoso marıhbono dı Dacış.  Yawme d’Huşabo dşaficina, sim u futoho di methhawyonutho du amnoro nahoto Iraqoyo…

Adyoşe dıksaymolın i şultonutho du qlimo d’Kurdistan du Iraq bhaq da narcotho u mulkone du camaydan kımdawmi.  A Kurdoye dkıtne a şbobe di qritho d’Bibozi du camaydan bu garbiyo du Iraq, kımdacın ucdo dkıtne a more di cayno da maye u hın ma narcotho dıknıfli bgawıd da thume di qritho.…

U koalisyon di Hdoyutho Umthoyto du camaydan bu parlamento du qlimo d’Kurdistan du Iraq, mqadamle rmoyto li rişonutho du parlamento bi sbutho du kontenjan du camaydan wu sutorayde mi mudaxala da gabe Kurdoye du qlimo.  Bi rmoytayde, u koalisyon tlıble dmitazıd u kontenjan du camaydan lı casro kursiye, u belhude…

U gabo du huyodo d’Bethnahrin Athroyo-HBA frısle egartho da buyoe bu cuhdono du şunoyo di emo du hadomo du makthıbo folitiqoyo Camer Salem Yackub.  Amina Xeder Estayfo nqilowa ma hayni a zabnoye 27 bu yarhano bi mditho d’Cankawa, u mcafyo ba bethqbure di Qyamto bi qastra d’Bağdede bi daşto d’Ninwe.…

Ba tagılyotho dımtaybi bu yawmo şatonoyo du zawco camonoyo du protesto bu Iraq, hawi taxtuşe u qale bayn da mtagılyone d’Boğdod wa haylawotho di mşaynutho.  Camgabıdathe, i şultonutho du Iraq mawdacla dmatila mawdconutho dıkmagılyo cali hiyoyutho du grub da qatole du mbahnono Iraqoyo Hişam Alhaşimi.  37 mdinoye u 14 rabayhaylawotho…

İ rişonutho zawgoyto du mawtbo di mdabronutho yothoyto d’Şigur, mawdacla du dawro Turkoyo kmahwe bgawıd du qyomo dımdewo bayn Boğdod u Arbil cali aykanoyutho di fnitho d’Şigur.  İ mdabronutho yothoyto d’Şigur, mawdaclaste du qyomano dewam du qtolcamo dsımwo cala Yezidoye ma grube marıhbone dı Dacış i şato da 2014. İ…

U gabo du Huyodo d’Bethanhrin Athroyo mathkarle u yawmo şatonoyo da Sohde du Mawtbo Umthoyo d’Bethnahrin bi hfitutho dımtaybole bi nuqazto di Mtakasto d’Kaldo Aşur dkıtyo b’Caynkawa.  Bi fituthathe mqadım mamle cali mıcne du yawmano u qıre mimre u mahwe falqo d’video, dıkmahke cala Sohde d’MUB dhulın a hayathe qurbono…

İ şultonutho qentrunoyto d’Boğdod wi şultonutho du qlimo d’Kurdistan du Iraq, matın l’ittifaq bi sbutho di mdabronutho di fnitho da Ezidoye Şigor.  Calu ittifaqano dhawi cal Şigorste, hem Amerika u hemste u tukoso d’Emwotho Mhaydotho bu Iraq UNAMİ mawdaclın i fsihuthathe lu fusqonano dmid bi rocyutho du rişwazire du Iraq…

İ şultonutho du Iraq mşatasla sictho dilonoyto dıksaymo buqore cala hjome gawoye dıkdayşi i mşaynutho du athro wi moruthayde.  Bıthır mıd şafıc tıre yawme cali mşatsonutho di sicthathe, mbarbız mawdconutho dıkmagılyo calu gabo d’Hizballah, dkıtyo u mşalo dcala hjome dıkmisomi bı soruhe lawğıl du Iraq.  U makıthbo du rişwazire du…

Bi netije da fulhone u du hboso dıksaymole Amerika laşan dmitarkıwo i şalyutho bi daşto d’Ninwe, u grub folhoyo da 30 d’Alhaşd Alşacbi du Iraq griş kımo kilomıtre lafu u tayımno da nuqazyothayde dkıtne bi daşto d’Ninwe.  Ugrub folhoyo da 30 d’Alhaşd Alşacbi dkıtne ahadomayde Şica Şabakoye, grişi hamşo kilomıtre…

Akthowe mqadşe wa tahwiyotho du leşono Suryoyo dıgniwiwo bu zabno dıkbışwole Dacış imditho d’Mawsal, madcıri ucdo li marcitho di cito Suryoyto Ortodoksoyto. Ahaylawotho di mşaynutho du Iraq maslamlın 23 kıthowe mqadşe u tahwiyotho Suryoye li marcitho d’Mawsal di cito Suryoyto Ortodoksoyto. Atahwiyothani masılmi lu hasyo di marcitho Mor Niqodimos Dawud…

Mi celtho du fasad da rişone folitiqoye, zıd me 250 milyare dolare mvayci ma butjat dımbayniwole u Iraq bıthır mi şato da 2003.  Megabo hreno, u qoyumo catiqo bu parlamento du Iraq Josef Sliwa thımle u rişono d’Zawco Yonadam Kanna dhani 30 ışne dıkmoyıd duktho bu maşıqlo folitiqoyo calu hşowo…

U rişızgado d’Amerika bu Iraq Mathyo Toler bi ytawto dhawile camu rişqutno du Iraq Barham Saleh, maglele cala nışmone da grube mzayne dıksaymi hjome cali rişızgadutho Amerikoyto bı Boğdod u cala maşıryotho folhoye d’Amerika bu Iraq.  Megabo hreno, Saleh bu mamlo dsımle makadle lu rişızgado Amerikoyo, du Iraq b’fusqono kamiloyo…

Ahayle marıhbone dlıkothe lu hşowathe u dcoro da Yezidoye l’Şigur bu garbiyo du Iraq, qtilın farsufo Yezidoyo dkıtwe morıd şuğlone rabe u dımqadamwole mcadronwotho noşoye ğalabe la Yezidoye galwoye.  U gabro Yezidoyo Başir Gawriye sim suikast du qatlo ba buğre dmarıs acle me grube dlatne idice, bu zabno dıkqolacwo i…

Ba cuqobe dsımlın a hayle di mşaynutho du Iraq bi hiğmonutho d’Ninve, msıklın 25 marhıbone d’Dacış. İ wazirutho du sutoro du athro dımakadla u tebano mawdacla, da 25 thimoyani mıctaraflın bi mıştawtıfonuthathe l’Dacış.  Me gabo hreno, u waziro di baroyutho du Iraq Fuad Hussein hawile mamlo bu telefon camu bar…

U qoyumo du cameydan dmeqım bu parlamento du Iraq Josef Sliwa huwle maqırhonutho dıkrıhle ahjome soruhoye dsimi calu bethtawso d’Erbil du Iraq.  Sliwa bi maqırhonutheyde mırle; Ahjomani, marhbonoye kıtwolen nişo dxolıq jğuşyo bi daşto d’Ninwe.  U qoyumo catiqo du camaydan bu parlamento du Iraq Josef Sliwa, bi maqırhonutho dıfrısle kımşaryo…

Bu athro du Iraq mawfıq tabce hathe dıkgırşi u zuhoro cali ithutho Mşihoyto bgawıd du athrano.  A tabcani dkıtne bşıkılat mşahılfe, kımgaşmi acitotho du camaydan wu makthabzabnathe bı Boğdod. Bu taro d’insiyativ dkıtyo u qamoyo dıkmitabde bu athro du Ciraq, i mdabronutho du post mawfaqla adyawma grub dı tabce dkımgaşmi…

Bu athro dı Britanya, mqafe luho makthabzabnoyo dıkdocır lu doro da nabohothaydan a Şımroye.  U luhano dkıtyo cımre hedor d’4 alfo ışne, gıdmitaslım calqariwo lu athro du Iraq.  İ bethcatiqutho d’Britiş Muziyom, mawdacle dımcadarle a’pwelıs Britanoye bu tewdico di hiyoyutho d’luho da Şımroye dıgnew mu athro du Iraq u dıkdocır…

Ahaylawotho Iraqoye ba cuqobe dsımlın b’Kerxıslox ub’Salah Aldin, qtilın menyono d’marıhbone u shıflın 11 qentrune di baytoyutho dı Dacış.  Megabo hreno, u rişwazire du Iraq Mustafa Alkazimi bıthır mu hjomo dsim cal iqartho bı Boğdod, tlıble dmitazidi a’fulhone da nistixbarat, bnişo dmınfıq mqabıl da gunhani dıkfırsi i marıhbonutho bayn da…

A Yezidoye dıkcayşi bi qastra d’Bacşiqa u d’Bahzani bi daşto d’Ninwe, mahıtlın slibe dıkmabıhri cala bote du camaydan dımgalwelın ma dukothani bıthır ma hjome dsımwole u tukoso marıhbono dı Dacış i şato da 2014 cali daşto d’Ninwe.  Ba maqıblonwotho dsimi cam hın Yezidoye, mawdaclın di dawsathe kmadilo cala nesore qawye…

U rişwazire du Iraq Mustafa Alkazimi, hule amro dmısxori a makıthbe da grube mzayne d’Alhaşd Alşacbi dkıtne bu bethtawso Emwothoyo d’Boğdod.  Me gabo hreno, u rişono du gabo d’Altayyar Alsadri-Muqtada Alsadır mawdacle dathi u zabno dmimıd hşowo ma grube mzayne, dkıtte mşalutho ba qatle u ba htofe da mdinoye bu…

İ sictho mtaybonitho du parlamento d’Othur bi golutho, mqadamla şkuwe l’Emwotho Mhaydotho cala hjome dıksoyım u gayso d’Turkiya calu garbyo du Iraq.  Bi egarthayda i sictho kısaymo sutryo a gabe Kurdoye wi şultonutho du Iraq, dlıkmahwın hfuxyo mqabıl da dyoşe dkowın calu cameydan u dıkmıjbır dımgalwe ma dukothayde.  Bi egartho…

Bi ytawto dhawile u rişwazire du Iraq Mustafa al Kazimi camu rişono du parlamento du athro Muhammed al Halbusi, tlıble mene dmalizi cali rmoyto dımqadmo bi sbutho du qonuno da guboye du Iraq.  Me gabo hreno mawdıc, di wolitho di Sictho da buhone d’Emwotho Mhaydotho calu qtolğenso dsımlın a ğrobe…

U rişono da Şica bu Iraq Muqtada al Sadır, grışle athmıl u zuhoro du Iraq u d’İsroyel, dılomnasın dımarkıwi u dımcadli a esore beyn dan athrawothathe.  Al Sadır dsımle sturyo anathrawotho da İmarat Caraboye Mhayde u d’Bahrein, gzımleste u rişwazire d’İsroyel u mırle; U qedomaydox lu Iraq, gıdhowe i haraytaydox!…

Bu cohnutho du yawmo şatonoyo du qtolcamo d’Soriya, mtayıb hfitutho catırto bu qentrun hatho du şutoso d’Soraya di mardutho udu tboco froso bi mditho d’Caynkawa bu athro du Iraq.  Li hfituthathe mıştawtafla taşdarto mu gabo du huyodo d’Bethnahrin Athroyo d’HBA, mşale mi şultonutho d’Arbil uma gabe u şutose mşahılfe du…

I mdabronutho da yulfone du leşono Suryoyo du Iraq mahatla a tadbire du kewo di Corona bu şbilo du yulfono Suryoyo. Bi sbuthathe u mede dkothe lbole dıha kımşayel hal bu şbilano kito kıthiwo u maktbzabno du qtolğenso d’Simele awste d’Soriya dhawın bu doro haroyo du cameydan bu athro du…

A darbone dkıtwın hani ışne sxire beyn da mdinotho u qıryawotho di daşto d’Ninwe, adyawma ftihi lu mazlo u mathyo. Me gabo hreno, bi rmoyto dımqadmo lu parlamento du Iraq, tlib dmitıctarıf bu qtolğenso dsim cala Ezidoye bi şato da 2014. İ wazırto di galwoyutho bi şultonutho du Iraq İvan…

Msik ışto mşale Iraqoye dıkmıthomi bi dacwa du fasad, bu taro da fulhone dıksaymolın Boğdod mqabıl di marıhbonutho u du fasad.  Camgabıdathe, sim hjomo cal konvoy diplomasi Britanoyo bi mditho d’Boğdod, wa haylawotho di mşaynutho du Iraq mfarqaclın 11 qentrune di baytoyutho dı Dacış. Ahaylawotho di mşaynutho du Iraq msıklın…

U rişwazire du Iraq Mustafa Alkazimi mbayanle hıdo athto mu camaydan l’wolitho rabtho bu haqlo di mdabronutho.  Bu taro da şuhlofe rabe dıksamlın bu haqlo folhoyo u di mdabronutho, Alkazimi mbayanle Suha Dayud Alyas Alnajjar rişonitho li sictho athronoyto da tarmiyotho momunoye bu Iraq. U rişwazire du Iraq Mustafa Alkazimi…

Sim u futoho di cito d’Mort Şmuni da Suryoye Ortodoksoye bi mditho d’Barıtle bi daşto d’Ninwe.  Bu zawhano du futoho di cito, mawdıcste dıdacır 180 yaqrotho galwoye mu camaydan la mdinotho u qıryawothathe di daşto d’Ninwe.  İ daira da waqfat da Mşihoye du Iraq, sımla u futoho di cito d’Mort…

U mawtbo demoqratoyo di mdabronutho d’Şigur mawdacle dılo mu sıbyono du camo di duktho lıgmaqıblina fusqone dmimodi calu dactid di fnitehydan. Hani zabno yarixo kito droşe bayn di şıltonutho d’Boğdod u d’Arbil mın gıdhowe u dactid di fnitho d’Şigur.  İ fnitho d’Şigur da Yezidoye zabno yarixoyo kmıdrış acla u ğalabe…

Bıthır mıd 4 athrawotho Caraboye mawdelın bi ithutho d’İsroyel u dımdelın qyomo du şlomo acma, ucdoste u gabo Sunna du Iraq al Ummah sımle qroyto li şultonutho d’Boğdod dımcadlo a esorayda cam Tel Aviv.  U rişono du gabo Mithal al Alusi mawdacle l’al Şafaq News, du gabayde kısonıd an athrawotho…