FOLITIQOYO

U qoyumo du cameydan bu parlamento du athro d’Turkiya mu gabo di HDP Tuma Çelik mqadamle rmoyto bıhaq da bethqbure mşawtıfe dımqafın qariwo l’Kerboran Bi rmoytathe kımşayıl lu waziro di gawoyutho Suleyman Soylu cali duktho da bethqbure da suryoye dmacmır acla salon da hageste. U qoyumo Çelik bi rmoyto dımqadamle…

U hfuxyo mqabıl du qatlo du claymo komo George Floyd mu polis Amerikoyo, mbarbız bımdinotho frişe d’Amerika.  Ba tagliyotho dsimi bhol 30 mdinotho frişe du athro, mıstacmele u polis haylo u cnufyo qaşyo mqabıl du camo.  3 farsufe qtili ba tagliyothani dımbarbızi lhol 30 mdinotho frişe d’Amerika ubıı qaşyutho krih…

Fransa, Almanya u Britania sımlın sturyo u fusqono dmıdla Amerika, bi sbutho dmıfroşi hın athrawotho ma tedbire dmıdla mqabıl du İran udi tahraztayde du snoco da zayne nukleer.  Amerika trewola meqım Rusya, u Sin wu şırak Urifoye dfulhi bu şuhlofo da maye yaqure du macımlo d’Arak, leşan u İran dlo…

A hfuxye mqabıl du tahdidi dsim lu waqıf d’Hrant Dink ula mşaleyde kımdawmi. Elo mu gabo di şultonutho layto qolo u maqırhonutho xıd ksaymi inaqa dkowe hjome cala masığde.  U fatıryarxo di cito Armnoyto Sahak II Maşalyan, i sdirutho da şutose da xedqe noşoye krıhlın u tahdidano u mırlın ahna…

U rişkarxutho gawonoyo d’Stanbul Ekrem İmamoğlu sımle socurutho li cito dı şlıhwo u slibeyda u mırle, U medano sim mqabıl dkulayna, lo cali cito dan Armınoye belhude.  Bu mamlo dsımle camu rişono du waqıf di cito Surp Krikor Edvard Ayvazan mırle, gedşo fayoto howe, kulayna bcayni dukthona, kul zawco dıkmisim…

U rişono gawonoyo du gabo du Huyodo Suryoyo Tibeloyo Brahim Murad maqrahle cali tahrazto federaloyto dımabdewole u gabo bi şato da 2015.  Murad mırle; mahwele ftiho, da şultonwotho dkıtne qentrunoye shifi u law kobın funoyo la came bu Madınho Mescoyo. Wu Lebnon dkıtyo ha ma athrawothani, klozamla şuhlofo.  Bu knuşyo…

Mqafe bethqbure mkanşo bıhdo mcartho, dkıtyo bıqritho qaruwto li Qastra d’Kerboran b’Turabdin.  Lfuth u tbocofroso, u farsufo qamoyo dımqafele i mcarthathe hşuwle hol zıtır me 30 rişe d’farsufe u garmme ğalabe. A garmani dkıtne bi mcartho, mqafın ma comure di qritho, bu zabno dkıtwın  bıgawe di mcarthathe dkıtyo bu turo…

U qoyumo du cameydan Tuma Çelik, u qoyumo Armınoyo Garo Paylan u mşale d’gabe u şutose b’Turkiya, mahwelın u hfuxyathe mqabıl da tahdide dımqadmi lu waqıf d’Hrant Dink.  Ba maqırhonwotho dıfrisi mu gabo d’HDP, CHP, DEWA wu gabo Dactid u ğalabe şutose u farsufe idice, mahwelın u hfuxyathe u krıhlın…

I senatore d’Australia Larissa Woters mdela maqırhonutho du snodo di mawdıyonutho bu qtolğenso dsim calu camaydan, calan Armınoye ucala Yawnoye ban 1915 mi mamlaxtho da Cuthmanoye.  Bi maqırhonutho du snodano dımdela i senatore, kmıtlıb di şultonutho dmıctarfo ba qtolğense da 3 camani. Bu yarho d’Şbot dı şafıcina, mşakalwo İnsiyatif mşawtıfo…

A mşale Turkoye du gabo d’AKP kımdawmi dımhaqri i Mşihoyutho u dmaqşın i kampanyathe mqabıl da Mşihoye du athro.  Bi hfitutho du Ramadan dsimo b’Viyana, u rişizgado Turkoyo bu mamlo dsımle mhaqarle a Mşihoye, ube bzabno ha ma qoyume d’AKP bı şubhoro mawdacle, dkıtne masre camu grub dan Ahunone Maşılmone…

Rusya mşatasla nuqazto folhoyto hathto bi mditho dı Derik dıknıflo cala thume dı Turkiya bu garbay madınho d’Suriya.  Lfuth i mşatasto d’Suriya da zedqe noşoye, a’Rusoye kıbci dmaqwın zıd u haylaththe bu garbay madınho d’Suriya.  İ mşatasto da zedqe noşoye d’Suriya bi mawdconutho dfrısla athmıl cal leşone dhın mabuce, mawdacla…

Emwotho Mhaydotho sımla qroyto lanathrawotho dıkmıştawtıfi lu qrobo b’Libya dımyaqri u fusqono Emwothoyo dıkmonıc dmişadır zayno lu athrano dkıtyo bıqrobo.  Camgabıdathe, Rusya dımakadla dlayto şroyo folhoyo lu kriz d’Libya, Fransaste mzaharla cali tahrazto d’Suriya, dkiba dşufco lu athro d’Libya.  U malolo d’Emwotho Mhaydotho Stefan Dojarik, mahwele ilothnihutho dkıtle u tukoso…

U Sin mafıtle u fusqono dmıdwole bhaq d’Hongkong bi sagiyutho da qole da qoyume du parlamento du athro.  U fusqonano dkowe droşo acle, calu qonuno di mşaynutho umthoyto du Sin’yo. Bıthır mu fusqonano dmıdle u Sin bhaq d’Hongkong, mşarelın a hfuxye dızaydi, b’ğalabe mdinotho u camo ksoyım tagliyotho mqabıl du…

U tukoso marhıbono d’Dacış dıhtıfwole nacımto Ezidoyto, kobıc ucdo dımzabanla b’20 alfo dolare.  I iqarthayda dmawdacla dlatla mkono dobo a zuzani, sımla qroyto la tukose noşoye dımsarhıbi bu texliso di barthathe, meqım mıd mvayci anesorathe cama marhıbone hatofe d’Dacış.  Bıthır mıd şafıc şeth ışne calu htofayda mi fnitho d’Şigur bu…

İqartho kurdoyto mahıtla ido calan arcotho di iqartho d’Şukri Altun dkıtyo mi iqartho d’Be Ağa di qritho di Cito yaste dıkmitamırla i qritho d’Be Şukro.  İqarthathe dkıtyo mi qritho d’Gundık Hanna, mahıtla ido cal arco dkıtyo 140 dönumat dkıtyo masırto bi cito di qritho. Isbutho du kboşo da arcotho di…

U athro du Sin gıdmazıd ahıdriyatayde lu qrobo mzayno, bu maşıqlano ducdo du kriz d’Corona dkımathır cali mşaynutho umthoyto du Sin.  İ dawsathe du sin knıflo bu taro di qalayda dcam Amerika cali rişonutho dıbritho.  U rişathro du Sin Şi Jin Ping, bu mamlo dsımle athmıl mawdacle du athrayde gıdmazıd…

Mbayın mathlono dilonoyo lu rişqutno d’Rusya Vilademir Putin bu athro d’Suriya.  U medano dıxlıqle şğuşyo bayn da bnaymothoye d’Suriya, kmıhze xıd kboşo Rusoyo baroyo lu fusqono siyasi du rejim d’Suriya.  U rişqutno d’Rusya Vilademir Putin bu fusqono dmıdle lumıhreno, mbayanle u rişızgado d’Mosko b’Darmsuq Alexander Yefimov mathlono dilonoyo laşane b’Suriya.…

U rişono du gabo di demoqratoyutho udu şuşoto dı Turkiya Ali Babacan mawdacle dhınne xıd gabo lıkzayci ma tehdide d’Erdoğan, ugıdmıştawtıfi la guboye gawonoye dıbqamuthayna.  Babacan bu mamlo dsımle la gelyunore, mawdacle du camo dı Turkiya hawi u debho di siyase mahırwonitho dkımmaşela Erdoğan b’gawıd dı Turkiya u larwal du…

Turkiya kul dkothe kmaqwiyo ukmazido u haylayda bi fnitho d’İdlıb bu garbay macırbo d’Suriya.  Turkiya camgabıd da folhe uda radoyotho dkımşadrolın l’İdlıb, markawlaste sistem da soruhe di mudafaca oyaroyto bi fnitho d’İdlıb.  U gayso kaboşo dı Turkiya markawle bi fnitho d’İdlıb b’Suriya, sistem da soruhe Amerikoye di mudafaca oyaroyto (Hok…

Anistixbarat du athro du Swed SEPO bi mawdconutho dhule lu tboco froso mawdacle dkito hın farsufe dkıtne masre ba marıhbone dıksaymi mşalutho lhın madraşyotho bu athro du Swed.  Lfuth imawdconutho dhule SEPO lu tboco foso du Swed mırle kito farsufe dıkmıstafdi ma qonune du Swed u calu darbo da madraşyothani…

U koalisyon emwothoyo dkımrayşınole Amerika mqabıl du tukoso marıhbono dı Dacış, mdagele a’tebe dıfrisi bu ajans d’Sana, udımdacwolın dımjarıh mharbone mu koalisyon emwothoyo uma haylawotho d’Suriya demoqratoyto d’QASAD bı hjomo dsim aclaye bu garbay madınho d’Suriya.  U malolo du koalisyon emwothoyo dkımrayşınole Amerika mqabıl Dacış Colonel Meylz Keyngs, bi maqırhonutho…

Taglitho laşan u talab du leşono emhoyo latyo hawbo b’Turkiya mawdacle u bethdino d’Urifi da zedqe noşoye  Bu dino dıfsiq bu bethdino d’Urifi da zedqe noşoye dımqadamwole farsufe me Turkiya Hakim Aydin hkımle Turkiya dobe 7 alfo euro tazminat.  U bethdino d’Urifi da zedqe noşoye latyo inaqa qamayto hkımla Turkiya…

U mawtbo du camo Suryoyo d’urifi sımle taklitho du kafno laşan a hadome d’Gurup Yorum u da sniğre wa folitiqore dkıtne hbişoye ba hbuşye d’Turkiya.  I taglithathe dmıştawtaflela 30 hadome du mawtbo b’Athrawotho mşahılfe laşan dmahwın u hfuxyathe mqabıl du dyoşo u du hboso dıksaymo işıltonutho d’Turkiya.  A clayme du…

Amerika mhanela Emwotho Mhaydotho, cal dmıdla u rişono da marhıbone li lohithayda da tedbire.  Ba yawmotho dşaficina Emwotho Mhaydotho mahıtwola u rişono di Xilife da marhıbone d’Dacış Abdullah Kurdaş, dıkmidıc Emir Muhammed Abd El Rahman Al Mevleyi bi lohitho da farsufe dıkmahto tedbire aclaye. Yawme dıtre dışaficina u mawtbo di…

A mtagılyone du Iraq madrelın asurotho da rişone İranoye dmahti bhın ma mdinotho Iraqoye bu zabno da hfitwotho dımtaybi bu ışmo u yawmo tibeloyo d’Alquds awkith d’Urışlem.  Be bzabno, hın ma qoyume Iraqoye dıkrıhlın u tehito da surothani, mawdaclınste dıkrıfdi dhowe u Iraq danwo lu İran.  Mqabıl di mudaxala İranoyto…

İ sfaryawmo Amerikoyto The Washington Post, mawdacla du rişathro d’Suriya Başar Alasad, kloqe ucdo i casqutho rabtho dkulle, mu zabno dımşarewole u qrobo b’Suriya bi şato da 2011.  Bu tebo dfrısla Washington Post, grışla u zuhoro cala qetre dnafiqi beyn di iqartho d’Alasad u Maxluf, calu hrowo du momuno du…

U rişono gawonoyo da Haylawotho d’Suriya Demoqratoyto, rabhaylawotho Mazloum Abdi, hawile ytawto camu rişono Amerikoyo dcala cuqobe dilonoye du koalisyon Emwothoyo, rabhaylawotho Erik Hill.  Hıdo ma sebwotho rişoye dıdrişo bi ytawtathe, u teqwiyo di methcadronutho beyn da hayle d’QSD udu koalisyon Emwothoyo bu ağuno mqabıl da ğrobe marhıbone d’Dacış’wa. Lfuth…

İ kampanya da imdat du Sayfo dmabdele u Huyodo Suroyo d’Urifi ESU, mşarela dmimbarbizo bu tbocofroso kenşoyo ubu tbocofroso gawonoyo.  Bi mawdconutho dmıdlan ma mşale d’ESU, mawdaclın di kampanyathe kmibarbizo u bebzabno, mınyono ma qoyume d’Urifi sımlın esore cam ESU leşan dımqadmi rmoyto bi sbutho du Sayfo.  İ kampanya d’ESU…

100 marhıbone d’Dacış dkıtwolın barmothoyutho d’Almanya, daciri naqla hreto me Suriya l’Almanya.  Lfuth i mawdconutho dhula i wazirutho di gawoyutho d’Almanya, 1060 barmothoye Almanoye nahitiwo l’Suriya u mıştawtafwolın l’Dacış. A farsufani hawilın nesyune du qrobo, udu qatlo, mawxa klozım qulnaqla dhowın bu duyoqo da pwelıs.  Lfuth i mawdconutho dhiwo me…

A mtagilyone naqla hreto nahiti la zabuqone b’Hongkong leşan dsaymi protesto u qonuno dkobıc u Sin dmafıtle cal Hongkong.  Bi mawdconutho dhuwole u mathlono di şultonutho du Sin b’Honkong, klozım dmıttawfıq calu qonuno du sutoro mqabıl da hayle qaşye dkıtne mqabıl di şultonutho.  Bıthır mi mawdconuthathe a barmothoye u comure…

Nafıq liholo saxtakariye rabtho bhaq da grube mzayne d’Alhaşd Alşacbi du Iraq dıkmısnodi mu athro du İran.  Qoyumo Iraqoyo bi maqırhonutho dhule, mawdacle da rişone d’Alhaşd Alşacbi kmaydi mi şultonutho d’Boğdod ağre awkith mcaşe d’mharbone dkıtyo u menyonaththe zıd b’tloth nqalat mu menyonaththe u şariro.  Bu zabno dıkcoyış u Iraq…

Bu zabno dıknuhto tayosto İsraloyto b’Turkiya inaqla qamayto bıthır me 13 ışne, u rişqutno Turkoyo Recep Tayyip Erdoğan mşadarle video la Maşılmone bi ohnutho du cedo du Ramadan u mırle; Ureşlem u xtuto semoqo da Maşılmoneyo.  Bıthır mi mwatyutho dhawyowa beyn İsroyel u Turkiya meqım me’13 eşne cali sbutho da…

Adyawma ftih u darbo d’M4 beyn Tel Tamer u Rişcayno lu mazlo u mathyo da mdinoye. U futohanoste kmisım bu duyoqo du gayso d’Rusya.  U darbano dı sxırwo ba 2019, ftih bu ittifaq dhawi ba yawmotho dşaficina beyn Turkiya u Rusya u bi mtaybonutho du Mawtbo Folhoyo Suryoyo MFS u…

U polis d’Mısır, qtile 21 marhıbone d’Dacış bu garbyo du qlimo d’Sinai.  Bu mamlo dsımla i wazirutho di gawoyutho d’Mısır makadla, da marhıbonani qtili ba cuqobe dsımlın cala marhıbone dımhaydıriwo ruhaye dsaymi hjome bu Ramadan. Lfuth i maqırhonutho dfrısla i wazirutho di gawoyutho d’Mısır, qtil b’zabno d’24 şoce, 21 farsufe…

U rişono d’Amerika Donald Trump, hawile mamlo bu telefon camu baramnayde u Turkoyo Recep Tayyip Erdoğan cali sbutho d’Libya u d’Suriya. Bu mamlayde Trump, tlıble me Ankara dılo maqşiyo u qrobo b’Libya.  Bebzabno u rişono du gayso Athronoyo d’Libya Khalifa Haftar, mzaharle Turkiya u huwle amro la folhayde dmaqşın a…

U Huyodo d’Urifi sımle qrayto d’zuhoro l’Turkiya u l’Azerbaycan dlıkmanıhti a qonune du tbocofroso hiro la haye.  Stefan Schennach dkıtyo mşalo cala sebwotho du sutoro da gelyunore udu renyo hiro bu Huyodo d’Urifi mırle; U msoko da gelyunore b’Turkiya ubı Azerbaycan mati l’darğo mazicono.  Bi mawdconutho dhule Stefan Schennach mırle;…

Emwotho Mhaydotho frısla taşroro cala htofe da mtagliyone bu Iraq. Mawdıc ba tagliyothani dımşarewolın bu yarho d’Teşrin u qamoyo dı şafıcina, htıfwo hol 123 farsufe u heş 25 menaye mvaycene.  U makthIbo da zedqe noşoye bu tukoso d’UNAMİ makadle, a farsufani mafiti bı teşniqe u cnufyo qaşyo, u calathe sim…

U mathlono d’Amerika dcalu garbay madınho d’Suriya William Robak hawile ytawto cami Mdabronutho yothoyto du kanton d’Kobani.  Bi ytawtathe, imdabronutho huwla mawdconutho lu mathlono Amerikoyo cala fulhone dıkmaşın ucali aykanoyutho harayto du garbay madınho d’Suriya. Robakste makadle, dlatte plan dmafiti u qonuno d’Caesar cala dukotho di Mdabronutho yothoyto. Bu zabno…

Taşdarto mşawtafto me gabe u farsufe, sımlın socurutho lu gabo d’Abnay Nahren u drişi bi ytawtathe a şuşote hathe dkowın bu Iraq.  Bu knuşyano a mathlone du cameydan, drışlın a şuşote dkowın bu athro, i aykanoyutho du cameydan wi mşalutho dıknuflo cala gabe du cameydan.  İ ytawtathe athyo lu hwoyo…

U qoyumo du gabo d’HDP Garo Paylan, mqadamle rmoyto lu waziro di mardutho udi socurutho bi sbutho da waqfat da qalilotho, dhani şwac ışne lıkmisım ğuboye da mawtbathe.  Bi rmoyto u qoyumo kımşayıl şuwole dkobıc funoyo aclaye, d’qay a ğuboye da waqfat da qalilotho lo kmisomi?. İ sbutho da waqfat…

Mu zabno dmabdele u Huyodo Suroyo d’Urifi ESU i kampanyayde da imdhat leşan i mawdyonutho bu Sayfo dan 1915, kımdawım u tboco froso Emwothoyo dgorış u zuhoro cali kampanyathe.  Ucdoste i dafo du ajans d’Fırat News, wi dafo du camaydan d’İshtartv, grışlın u zuhoro cali kampanyathe d’ESU. Ba tebani dıfrisi,…

‘Amerika kısundo u dialog dmabde beyn da gabe folitiqoye frişe du garbay madınho d’Suriya ba melani, du mşawrono du mathlono dilonoyo d’Amerika b’Suriyane.  Bu mamlo d’sımle u mşawrono Richard Outsen bı hfitutho dsımle u waqıf d’SETA dkıtyo masro bi şultonutho d’Turkiya makadleste, d’Amerika kubco dmitabde droşe beyn Ankara uda Kurdoye.…

I şultonutho d’Amerika kıdorşo a mkone, dımjarbo a zaynayda du nukleer.  Bu tebano dfrısla i sfaryawmo d’Woşington Post kımawdıco, dothe i şultonutho dmaydo fusqono bi sbuthathe, u jerobano da zayne nukleer d’Amerika gıdhowe u qamoyo bıthır mi şato dan 1992.  U tebo dfrısla i sfaryawmo d’Woşington Post, grışle adyawma u…

Bıthır mu nfoqo du kewo di Corona dımbarbız bı britho, nafıq li holo i qale dkito beyn lu Sin u l’Amerika man gıdmbayın imdabronutho wu şıkıl da haye hathe da bnaynoşo.  Ba yamwothani, kull ha menaye ksoyım maqırhonutho dıkımhadıd u hreno u kull ha meneyeste kımahıt a fawde bıqdole du…

U Huyodo d’Urifi, mqadamle mcadronutho zuzonoyto la maşıryotho frişe dkıtne bu garbiyo du Iraq.  İ mcadronuthathe dıkmişaklo me 2 milyone u 800 alfo dolare, mbayno l’90 alfo galwoye; i sagiyoyuthathe tloye dkıtne b’4 maşıryotho frişe bi hiğmonutho d’Ninve. Lfuth i maqırhonutho dhiwo me Bruksel, u Huyodo d’Urifi mqadamle 2 milyone…

U Huyodo Caraboyo, sımle sturyo u İran cali mudaxala dıksoyım la sebwotho gawoye dan athrawotho hadome du Huyodo.  Bu hfuxyano dmahwele u Huyodo Caraboyo, krıhle i mudaxalathe dıkmisomo baroyo ubu darbo da hayle bnayqyomo du İran u m’akadle, da haylani kımşakli qento li mşaynutho uli şalyutho du qlimo. Bi maqırhonutho…

U mathlono dilonoyo d’Amerika dcala sebwotho du İran Brian Hook, mawdacle du cboro du İran l’Suriya, mfarfasle u athrano şariroyith mi xasra du momuno.  Bebzabno, Hook makadle du kriz du virus d’Corona gıdjobır u İran dnofıq mu athro d’Suriya.  U mşalo dcala sebwotho du İran bi wazirutho di baroyutho d’Amerika…

İ iqartho d’Be Diril dkıtne u babo wi emo du kohno di cito Kaldoyto d’Stanbul, Ramzi Diril, hawilin zıttır me 120 yawme dkıtne mvayce.  U qoyumo du cameydan bu parlamento d’Turkiya Tuma Çelik dıkımcaqıb i sbuthathe me qariwo, u tboco frososte kımoyıd mawdconutho mene cali ctidutho di iqartho d’Be Diril.…

İ kampanya du teltimo da İmdhat dımabdele u Huyodo Suroyo d’Urifi, kımdawmo dgurşo u zuhoro du tbocofroso.   İ dafo du nawlo d’Roj, bu tebo dfrısla maşmacla i kampanyathe du teltimo d’imdhat leşan u Huyodo d’Urifi moyıd i sbutho du Sayfo di şato dan 1915 li ido, la qoroyeyda. Bu tebo…

U maşıqlo du fırfoso di şabake momunoyto du abro du holo du rişathro d’Suriya Rami Maxluf, kımdawmo.  İ şultonutho d’Darımsuq ba tedbire haroye dmıdla mqabıl d’Maxluf, mahıtla ido cala sahme dkıtle b’12 bankat u şutose momunoye b’Suriya.  İ wazirutho du momuno di şultonutho d’Darımsuq, athmıl mahıtla ido cala sahme dkıtle…

Amerika, mahıtla mşale frişe du İran; beynothaye u waziro di gawoyutho du athro, bilohithayda i kımto.  Woşington thımla a mşale İranoye, bu dyoşo da zedqe noşoye bu zabno da tagliyotho dsimiwo bu athro.  İ şultonutho Amerikoyto, mahıtla tedbire jıddi calu waziro di gawoyutho du İran u thımla bi sawco dkıtle…

Amerika mqadamla zıttır me 4 mılyune dolare leşan u bnoyo wu hethotho di fnitho d’Şigor bu garbiyo du Iraq.  Be bzabno, i izgadutho gawonoyto d’Amerika dkıtyo b’Arbil mawdacla, di mdabronutho d’Waşington gıdmdawmo dfulho, bnişo dmibayın şartat towe du dcoro da Ezidoye l’Şigor.  İ izgadutho gawonoyto d’Amerika bu qlimo d’Kurdistan du…

U rişono d’Amerika Donald Trump, mawraxle u zabno di aykanoyutho şnızto du athro, mcalfothe du qento dheş kımşakıl u Iraq li mşaynutho athronoyto d’Amerika.  Bu mamlo dsımle Trump mırle; gıdımdawamno i aykanoyutho şnızto du athro şato hreto, xıd iqoro lu fusqono dmıdwolan leşan u terkiwo di mşaynutho bu Iraq. İnaqla…

U qoyumo du cameydan bu parlamento d’Turkiya Tuma Çelik, mqadamle rmoyto dmisım buhono calu qtolğenso dsımwo cala came Mşihoye dımşarewole bi şato dan 1914.  U qoyumo bi rmoyteyde tlıble mu parlemento d’Turkiya, dımşatıs mawtbo da buhone lfuth u qonuno da 1014 u 105 du nomuso esonoyo du athro.  U qoyumo…

‘A Suryoye, dkıtne qalilto etnikoyto u tawdithoyto bu Madınho Mescoyo, mabdelın kampanya da imdat leşan dtulbi mu parlamento d’Urifi dmawde ruşmoyith bu Sayfo dan 1915’ a melani di dafo Britanoyto d’Morning Star’ne.  Bu tebo dıfris bi dafathe, griş u zuhoro calu Huyodo Suroyo d’Urifi-ESU, dkobıc bi mawdyonuthathe du Huyodo d’Urifi,…

Maqım qoyumtho da dıbhe du qtolğenso dsim ban 1915 calu camaydan, calan Armınoye ucala Yawnoye bi arişkoyto d’Almanya Berlin.  İ qoyumthathe maqimo mu Tukoso du terkiwo dı qoyumtho eukmenik la dıbhe du qtolğenso dsımwola i mamlaxtho da Cuthmanoye.  Markıw qoyumtho hreto la Sohde du Sayfo dsim calu camaydan u Suryoyo-Othuroyo-Kaldoyo,…

A Fleştoye, gıdmaqimi a qyome dımdewolın cam İsroyel u Amerika. U rişono da Fleştoye Mahmud Abbas mawdacle, gıdmakle a qyome kulle dımdewolın cam İsroyel u Amerika, xıd funoyo lu plan dkıtla Tel Aviv kıbşo falqe dan arcotho d’Dıffa i Macırboyto. Bu mamlo dsımle u rişono da Fleştoye Mahmud Abbas mırle;…

İ qale bayn du Sin u d’Amerika cali rişonutho dıbritho b’şıklat mşahılfe kımdawmo. Camgabıd du mahwo şqolo bi sbutho du virus d’Corona, athmılste u mawtbo di mşaynutho d’Emwotho Mhaydotho lıqadır dımbayın hın ma fusqone ulsoye bi netije di qale dkımdawmo bayn du Sin u d’Amerika. Bi ytawto dımtayable athmıl u…

U camaydan dkıtyo bi fnitho du Xabur bu garbay madınho d’Suriya, kıtle zuctho rabtho ma yuqdone du mahsul dıtofın lanarcothathe di zaricutho dkımmathli u asas di ciyeşathe. Bi maqıblonutho dsimo cam farsufo mu camaydan dıkhoye bi qritho dı Tel Tawil, mawdacle d’ğalabe fşitoyo d’yoqıd u mahsulathe, cal dkıtyo qariwo mu…

U qoyumo du gabo demoqratoyo da came Tuma Çelik sımle knuşyo cam gelyunoro calu darbo du nawlo lu tboco froso bi sbutho di iqartho d’Diril dı htifiwo 10 bu yarho du ha di şatathe. Çelik bi mawdconutho dhule mahkele cali sbutho u mırle a mşale dukthonoye dımbaqri cali sbutho kibın…

U qoyumo du cameydan bu parlamento d’Turkiya Tuma Çelik  frısle maqırhonutho dı krıhle a sayome du qtolğenso dhawi cala Rum Pontusoye bi şato da 1919 bu zabno dhawi sayfo cala mşihoye dımşarewola mi şato da 1914 hul li şato da 1921. Çelik bi maqırhonutheyde dıfrisole bu dafo du nawlo dkıtle…

U mathlono dilonoyo d’Emwotho Mhaydotho b’Suriya Ger Pedersson, sımle qroyto dmitabde droşe bayn Rusya u Amerika, laşan dımcadri bu teltimo du qrobo d’Suriya dhani zıd teşco ışne kımdawım b’gawıd du athro. Pedersson mırle “Amerika u Rusya atre hayle rabani kibın dmıştacın dawro rişoyo bu tetimo du qrobo b’Suriya”. U mathlono…

U rişwazire du Iraq Mustafa Alkazimi mawdacle dmaslım ele xazina xlitho ma zuze u athro dlo morutho dkibe zayno falito lo ruşmoyo. Be bzabno, Alkazimi makadle dlıgıdobe amro dmitarıs buğre cala mtagılyone mşayne. U rişwazire du Iraq Mustafa Alkazimi bi mimartho dıfrısle adyawma mırle “masılmo eli i wolitho hathto bu…

U huyodo d’Urifi mahwele hfuxyo mqabıl du msoko da rişone da karxwotho dkıtne b’idotho du gabo demoqratoyo da came HDP. U tahlufo du mawtbo da esore baroye du huyodo d’Urifi Josep Borele mırle u mede dıkmism mqabıl da karxwotho dkıtne du gabo d’HDP msoko siyasiyo u latyo triso mawxa u…

U ışmo du mnohnafşo Profesor Suryoyo Murat Dilmener dınqılwo ma hayani mu kewo di Corana hiw li bethkrihe dıkmisim u futoheyde 31 bu yarhano d’İyor b’Stambıl Turkiya. İ bethkrihathe dısimo dilonoyith laşan du kewo di Corona macımro bu bethtawso catiqo d’Stambıl dkıtyo b’Yeşilköy. U Profesor Suryoyo Murat Dilmener idicowe bi…

A haylawotho d’Suriya demoqratoyto  kımdawmi ba cuqobe dıksaymi cala marıhbone d’Dacış bu garbyo u madınho d’Suriya.  QSD cama haylawotho du Kowalisyon athmıl sımlın cuqobo cal krılto da marıhbone bi fnitho d’Dayrzor A haylawotho d’QSD camu kowalisyon emwotho dkıtyo bi rişonutho d’Amerika kımdawmi ba cuqobe dımqabıl da marıhbone d’Dacş bu garbyo…

U huyodo suroyo d’Urifi ESU frısle buyono bu yawmo şatonoyo du safyo da Rum pontusoye dsımwo mu taraf di mamlaxto cothmanoyto cala came mşihoye. ESU bu buyoneyde komır kmathkırina a sohde da Rum pontusoye u kımkarırina i awyutho dkıtlan camu camo Pontusoyo. U buyono kımşare ba melani adyoma u yawmo…

U mawtbo umthoyo d’Bethnahrin bu buyono dıfrısle bu yawmo şatonoyo du ktolğenso da Rum pontusoye korıh i siyase hıdonoyto u anti demoqratoyto dıkmaşyo Turkiya mqabıl da came mu zabno du sayfo hul ucdo.  MUB bu buyoneyde komır xıd mathlone du camo Suryoyo-Othuroyo-Oromoyo-Kaldoye dmafıt mu qtolğenso kfıhmina a mrore du camo…

U gayso du Iraq mabdele cuqobe folhoye hathe bu ışmo anarye di Gozarto, bnişo dmıkrıx cala marıhbone dı Dacış dkıtne ba hiğmınwotho d’Al Anbar, d’Ninwe ud’Salah Aldin. Me gabo hreno, u rişwazire du Iraq Mustafa Alkazimi mawdacle dıkloızm i wazirutho di gawoyutho dmıstacımlo amkonayda kulle, bnişo dmitagle cali ctidutho da…

U gayso kaboşo dı Turkiya wa çatawiyayde, hani da tlotho yawme kımdawmi bu tewqido da narcotho di zaricutho ba qıryawotho di mditho dı Tel Tamır bu garbay madınho d’Suriya. Camgabıdathe, zıd m’80 hektare d’arcotho di zaricutho mawqıdi bi netiçe da hjome dsımla Turkiya cal hın qıryawotho bu macırbo d’Kobani. Bnişo…

A neşe da yezidoye dkıtne bi fnitho d’Şigur du Iraq kmahwın tacbo rabo laşan dırıkwi bu athrathe me hatho. Bu insyatif dmıdla Hana xıd gurub d’Neşe Yezidoyotho bıthır mıd kmasılmi a nacimathe li madraşto kmandıfi a dukothathe ma foqucwotho dmahtilın a marıhbone dı Dacış bu zabno dıkbışwolın Şigur. Hana dkıtyo…

HPG dkıtyo u haylo du Gerilla di PKK frısle maqırhonutho calu htofo d’Şmuni Diril u Hurmuz Diril mi qritho d’Mehre b’Hakkari.   İ PKK dıkmıthomowa mu tboco froso Turkoyo bu hawbano, bi maqırhonutho dıfriso kmawdıci dhınne latne a hayobe elo ktıhmi a hayle d’Turkiya.   U tboco froso turkoyo thımwole u gerilla…

U qentrun da hayle d’rabhaylawotho d’Amerika b’CENTCOM mawdacle d’Suriya u Rusya kımnasen mahti fıtne bayn da haylawotho d’Suriya demoqratoyto QASADE u la caraboye di fnitho. Me gabo hreno komır a hjome dıksaymo Turkiya cali fnitho kamkılyo QASADE mu ağuno dımqabıl dı DACIŞ. Bu taşroro dıfris mu qentrun da hayle d’rabahaylawotho…

A qoyume du mawtbo mathlonoyo d’Amerika tlıblın mu waziro di baroyutho d’Amerika Mike Pompeo dsoyım hboso cal Turkiya dmarfiyo a hbişoye siyasiste cam gabe dımarfele hın ma hbişoye hrene.  A qoyume bi egartho dımşadrolın lu wazire kımmi. Bu zabnano du kewo di corona dıkmibarbız xayifo klozım ahbişoye folitiqoyeste dmitarfın mu…

U huyodo Suroyo d’Urifi ESU mabdele hfitutho laşan maşmıc isbutho du Sayfo lıbritho. İ hfituthathe dkıtyo u hitabeyde lu huyodo d’Urifi mitaltım kirath ido awkith  imdat calu darbo du nawlo inaqayo u huyodo d’Urifi gıdmoyıd i sbutho du sayfo li ido. U huyodo Suroyo d’Urifi bu zabnano dıbritho kfayto b’maşıqlo…

İsroyel kımdawmo dmaydo a haylawotho İranoye nişo la hjome dıksaymolın cal Suriya. Bi şişaltho da hjome İsarloye cal Suriya, adyawma sim hjomo hatho cala nuqazyotho da grube mzayne İranoye dkıtne hedor di mditho d’Hlob bu garbiyo d’Suriya. Hın ma hfite mdinoye d’Suriya, bi maqırhonutho dhulın adyawma la şutose du tboco…

Camgabıd du tenhibo, du kboşo udu tehriwo, a grube çatawiye Suriye dıkmıstacımlolın Turkiya fayış kmawqıdi u mahsul di zaricutho da fenyotho kbişe du garbay madınho d’Suriya.  Lfuth a’tebe dıfrisi bu tboco froso, a grube çatawiye dı Turkiya mawqadlın adyawma u mahsul da hete uda score ba qıryawotho dıkbışilın hedor di…

U qoyumo du cameydan bu parlemento du athro d’Turkiya Tuma Çelik mqadamle rmoyto l’3 wazire du athro laşan dıgorış u zuhoro cala leşone da came dkıtlın leşone mşahılfe. U qoyumo kıgorış u zuhoro calu leşono Suryoyo, leşono kurdoyo wa leşone hrene, u komır kito zıhniye dkıbco d’makliyo kul şuşoto da…

U Komisyon Amerikoyo dcali Hirutho Emwothoyto da Tawdiyotho, frısle u taşrorayde di şato cali aykanoyutho dkito bu haqlo di hirutho tawdithoyto bı athrawotho frişe dıbritho. Bu taşrorano dıfriş duktho cali aykanoyutho di hirutho tawdithoyto bu Iraq, kmıgrışste u zuhoro cali sbutho du camaydan, da Ezidoye uda qalilotho tawdithoye hrene. U…

U Huyodo Suroyo d’Urifi, ESU bu buyono dıfrısle kımcayıd a 16 ışne di mşatsonutheyde dımqadamle taudiyotho la haurone du fulhono la mothonoye u la sanode du shutoso bı ışne mşahlıfe dı fayiti bu haqlo da fulhone umthoye. Bu buyono dıfrısle ESU kobe mawdconutho calu maşıqlo du şutoso u la şartat…

U rişwazire du Iraq Mustafa Alkazimi, hule amro lu gayso dmahıt ido calu zayno dkıtyo falito awkith u zayno dkıtyo bidothıd da grube Maşılmone Şica udlatla i şultonutho duyoqo acle. Be bzabno, Alkazimi mawdacle du şutoso folhoyo du Iraq klozım dımdafıc u camo wu sistem demoqratoyo du athro. U rişwazire…

U notarrozo gawonoyo d’Emwotho Mhaydotho Antonio Guteres sımle qroyto l’Lebnon dımdawım bi tahrazto da şuhlofe momunoye, u dgorış u zayno du gabo d’Hizballa. Be bzabno, Guteres bu mamlo dsımle makadle du gabo d’Hizballa klozım dmişahlıf l’gabo folitiqoyo mdinoyo. U mawtbo di mşaynutho d’Emwotho Mhaydotho, bi ytawto sxırto dsımle la hadomayde…

U mathlono d’Amerika bi sbutho du İran Brayan Hok mzaharle emwotho mhaydotho bi sbutho du mnoco di tagorutho dcamu İran dıktoyım u zabnono du fusqonano b’teşrin u haroyo di şatathe. Me gabo hreno a surotho du sahro oyaroyo dmahwelın u İran kmacmır nuqazto zaynayto bayn da thume du İran u…

U qoyumo du gabo demoqratoyo da came Garo Paylan mqadamle rmoyto lu tahlufo du rişqutno Fuat Oktay bıhaq da haqarat u rdufye dhawın cala tawdiyotho dılatne maşılmone. Paylan kımşayele lu tahlufo cala mamle u kıthawyotho wu hjomo dhawi cali cito d’Armınoye, cal rişono di tawditho yudayto u Bartelamaos u ğer…

Ahaylawotho di mudafaca camonoyto dkıtne u gefo folhoyo du gabo di PKK, sımlın cuqobo hatho mqabıl da haylawotho Turkoye bi fnitho dı Dersim bu madınho dı Turkiya. Bu cuqobano, u gerila di PKK qtilın arbıco folhe Turkoye. U qentrun du tboco froso da haylawotho di mudafaca camonoyto dkıtne u gefo…

Rusya mawdacla d’Amerika kmıstacımlo u kriz du virus d’Corona, laşan dhiya dımbayno i hzayto dkıtla calu sistem hatho tibeloyo. U waziro di baroyutho d’Rusya Sergey Lavrov, mawdacle di mdabronutho d’Waşington wa noqufayda lıkmatırki anesyunaththe dıkmıstacımli i ayknoyutho ducdo du virus d’Corona, laşan dsaymi i kampanya di hzayto dkıtlın lu sistem…

Hawi athmıl furqoco bu zabno du duyoqo dsımla dawriye Rusoyto – Turkoyto bi fnitho d’İdlıb bu garbay macırbo d’Suriya. Be bzabno, Turkiya dkımdawmo dmaqwiyo b’Suriya, mati u menyono da radoyotho folhoye dımşadrila hul ucdo li fnitho d’İdlıb l’zıd m’6620 radoyotho. Athmıl safrayto dawriya hathto folhoyto Rusoyto – Turkoyto sımla cuqobe…

Turkiya bu tenqiso da maye du nahro da froth dıkfoyıt ba arcotho d’Suriya kıbco dsaymo hboso cala came di Gozarto d’Bethnahrin. Lfuth i awyutho dkito bayn Suriya u Turkiya Suriya kıtla zedqo dı qoyathla 500 metre mkacbe bu rfofo elo ucdo Turkiya manqasla a mayani l’mathe metre mkacbe. U nahro…

U rişwazire du Iraq Mustafa Alkazimi dhule amro dmitarfın a mtagılyone hbişoye, mawdacleste dımşatıs sictho da buqore dcala gedşe du cnufyo dımşarewole ha bu yarho dı Teşrin u Qadmoyo dşaficina. Me gabo hreno, atagılyotho camonoye du protesto hani tıre yawme mabdelın me hatho bhın ma mdinotho du Iraq, u twırlın…

U athro du İran mşadarle renyo l’Amerika dımhalfi a yasire dkıtlın me hıdode mi celtho du kewo di Corona dkımdawım b’Britho. Me gabo hreno u gayso du İran bu zabno dkıtwole droşe folhoye bu yawmo mıhele hdo ma sfinotho du qrobo druhe. Bu maktabzabno da 50 ışne haroye u İran…

U amiro da Yezidoye bu Iraq ubı britho Hazem Tahsin Sacid Bek, tlıble mu rişwazire Mustafa Alkazimi dımbayın waziro bi şultonutho hathto du Iraq. Be bzabno, Tahsin Bek mahwele sabro di şultonutho du Iraq dmazido a’fulhono du krozo cal htifoye Yezidoye, udmabdiyo ba fulhone du bnoyo u hethotho di fnitho…

A rişone da caşıryotho di fnitho dı Tel Tamır bu garbay madınho d’Suriya cam mathlone mu camaydan uda Kurdoye, bu knuşyo dımtayablın sımle qroyto dmitabde diyalog du droşo bayn di mdabronutho yothoyto wi şultonutho d’Suriya. Be bzabno, amıştawtifone lu knuşyano bu buyono dıfrıslın lu tboco froso makadlın du şroyo du…

Umqimdino rişoyo du bethdino celoyo d’Turkiya tlıble dmitaqım u bethdino dhiw bhaq du rişono du gabo demoqratoyo da came dmeqım Sellahtin Demirtaş cal dsımwole mamlo bu cedo du nawroz bi şato 2013. Umqimdino komır u mamlo dsımwole Demirtaş fawdo fhim elo inaqa  dşomıc kule kforıq dlaybe bcelıboboyutho aw propaganda dilonoyto.…

Bıthır mıd mşatso i şıltonutho du Iraq bi rişonutho du rişwazire Mustafa Elqademi amtagılyone naqqa hreto nahiti la şuqone u mahwelın u hfuxyathe. A mtagılyone bu darğo qamoyo i bocuthathe dmitarfın a hawronathe a mtagılyone dımsiki mu yawmo qamoyo hul ucdo dmitarfın hire. A mtagılyone du Iraq maclewolın qolaye lıbritho…

U mamlo du rişono du gabo di MHP  Devlet Bahçeli dıfris bu tboco froso mu taraf du mcadroneyde mabdele droşo i mwatyutho bayn lu gabano u lu gabo d’Erdoğan MHP kızaydo. Bahçeli bu mamleyde dkibe dhowe qetro rabo bayn datre gabe dkıtne bi şıltonutho mırle. Sniquthoyo du gabo di MHP…

Bu hjomo dıhawi cali cito Armınoyto b’Stambıl, naqqa hreto nafıq li holo i hzayto dkito b’Turkiya mqabıl di mşihoyutho. U farsufo dımnasele dmawqıd i cito bu mawdıconutho dhule la pwelıs mırle hanine bıthre du virus di Corona. Farsufo dlomagle cal ışme mawqadle u tarco di cito da Armınoye Dzinunt Surp…

Emwotho mhaydotho mzaharla a hayle d’Suriya du Iraq da marıhbone dı Dacış kımtaksi me hatho ruhaye, metul dkıbci mıstafdi mi fırsa dıbritho lbikoytoyo bu ağuno dımqabıl du kewo di Corona. Bi maqırhonutho dilonoyith kmıgrış u zuhoro cal dukothe dkıtne bu duyoqo d’Turkiya xıd mathlo kmitahwe Maxmur bu İran Cafrin b’Suriya.…

Bıthır ma hfuxye uma sturye dsımle u camaydan li karxutho d’Södertelje du Swed, fris kıthobuno broşür b’6 leşone mşahlıfe; beynothaye u leşono Suryoyo.  Bu kıthobunano, kmitahke calu virus d’Corona wa tedbire dıklozım dmimodi mqabıl dide. U virus d’Corona dımşarewole dmibarbız bıbritho bi harayto di şato dı şafıcina, tafiwo lu athro…

Hadomo hreno mi gudo da zamore d’Gurup Yorum nqil ma hayani bıthır me kafno d’Sawmo 323 yawme xıd hfuxyo mqabıl di şıltonutho d’Erdoğan dımnıcla i gudo dzımro. İbrahim Gökcek i şıltonutho d’Erdoğan bu cufoyeydeste lıtrela tıhnihoyo dmicafe mahjamlın a pwelıs calu Cem evi da calawiye i duktho dıgmicafewo eba. İbrahim…

A haylawotho d’xalifa Xaftar kımdawmi dıqutli ba marıhbone dkımşadro Turkiya l’Libya. Lfuth u tboco froso d’Turkiya mşadarla hul ocdo 11 marıhbone me Suriya l’Libya mani qtil 261 farsufe. U qrobo du athro d’Libya mşarele dı dome lu qrobo d’Turkiya u falqo mıd Libya. Lfuth i mşatasto da zedqe noşoye  d’Suriya,…

Bi netije di mwatyutho dkımdawmo bayn Amerika wu İran, adyawma mhalıq 3 soruhe dmadrın qariwo mu bethtawso emwothoyo d’Boğdod. M’gabo hreno, Amerika mawdacla du camo Lebnonoyo bu qentoyo mi celtho du gabo d’Hizballa, u tlıbla m’Emwotho Mhaydotho dmitaqwın ahaylawotho d’Yonifel laşan dqıdri dsaymi u sutoro da thume dbayn Lebnon u…

U İran mşarele dmanqıs u menyono da haylawothayde udımaxle hın ma nuqazyothayde a’folhoye b’Suriya. Hathe i naqla qamaytoyo dkımhalıq u İran i dawsathe mu zabno dımşarewole u qawmo b’Suriya i şato da 2011 uhul ucdo. Mabuco folhoyo İsarloyo mawdacle du İran i naqla qamaytoyo mi şato da 2011 kımşare dmanqıs…

Bıthır me droşo u mawdconutho mşahlıfe dhiwi bhaq du rişono d’Qore i garbyoyto d’mayıth,  athmıl fris surotho ba surotho dıkmahwın u rişono Kim Jongun ksoyım u futoho d’fabriqa bi erışkoyto du athro. Bıthır me zabno d’tebe mşahılfe dıfrisi bıhaq du rişono d’Qore i garbyoyto Kim Jong Un dıkayule u bıthır…

Bıhdo egartho ftıhto dı kıthiwolın a mathlone d’Calawiye kıtılbi mu rişqutno Erdoğan dmiamni a zedqe da Calawiye xıd hiyoyutho dkıtyo bcayni şawyutho da came d’Turkiya. Bi egarthathe dkıtyo ftıhto u dıfriso bu tboco froso dıktıcno u ışmo du qoyumo dmeqım Şerafettin Halis kımo l’Erdoğan tray mu mamlo di ahutho dkımmıt…

Bıthır mıd britho cabiro b’maşıqlo d’noşe lı kodıc ramhıl mın gıdhowe a yawmotho dkıtne dilonoyo dhiw ağre laşanaye laşan dmizayhi maklın u hın mane mşahılıf u zuyohathe.  Athmıl dkıtwe 1 İyar yu yawmo da falohe dhulın tacbo rabo u bızlın admo laşan dhowe yawmoyo dilonoyo dmicayıd wa falohe dmaşımci qolaye,…

I wazirutho di baroyutho d’Amerika bu taşroro dıfrısla cali hirutho tawdithoyto di şato da 2020, mawdacla da dıyoşe tawdithoye b’Turkiya kımdawmi bırwihutho. Bu taşrorayda Amerika mawdacla dı Turkiya i şato da 2019 mahrawla dukotho u nuqazyotho tawdithoye, u sımlaste cnufyo kenşoyo bıhaq da came qalile du athro. I wazirutho di…

Atayısyotho folhoye İsarloye hjımlın adyawma cala grube mzayne du gabo Lebnonoyo d’Hizballa calu darbo dıknofıl bayn da mdinotho d’Hımıs u Tadmor b’Suriya. Meqım mu hjomano bıkmo şoce, İsroyel sımwolaste hjomo hreno cal dukotho du gabo d’Hizballa bi fnitho dı Darca bu tayemno d’Suriya. I mşatasto d’Suriya da zedqe noşoye, mawdacla…

U rişono du federasyon da hudre Suryoye Evgil Türker bi maqıblonutho dsimo acme mahkele b’yarixutho calu maktbazabno du camo Suryoyo u mırle u qatro d’Turkiya şuwolo di demoqratoyutho di hirutho du maftahfemo u subwotho hrene. Türker dıkmahke cali sbutho du Sayfo komır ahna camona latna jamaca b’Turkiya metul du camo…

Almanya bıthır me Hızbullah dacişjiye u istixbarat d’Suriya ucdo mıdla fusqono dı makle u yulfono di tawditho du şutoso d’Turkiya dkıtla bi hiğmonutho d’Hessen. Sabab du tekliyo du yulfonanoste mahwe du şutoso dkıtle imşalutho du yulfono snidoyo l’Erdoğan mawxa makle. Lfuth u tebo dıfris mhın ma mabuce du tboco froso…

İ şultonutho du qlimo d’Kurdistan du Iraq, mawdacla da Kurdoye gıdhowın tırpılto b’qamuthıd du şekolo di şultonutho Iraqoyto hathto. İ mawdconuthathe hiwo bu zabno di ytawto dhawila adyawma taşdarto mi şultonutho du qlimo d’Kurdistan camu rişızgado d’Amerika bı Boğdod Mathyo Toller. U mcadrono du rişono di şultonutho du qlimo d’Kurdistan…

U parlamento du athro dı Tunıs, mşawharle u quwolo dcal tıre qyome di tagorutho bayn Tunıs u Turkiya mxasra, ubayn Tunıs u Qatar mxasra hreto. Menyono d’qoyume u gabe folitiqoye dı Tunıs, mzaharlın i şultonutho du athro ma tarmiyothani dı Turkiya ud’Qatar, u mawdaclın du nişaththe dmitahıt ido calu momuno…

İ mdabronutho yothoyto du garbiyo udu madınho d’Suriya matcanla Rusya u Amerika, i mşalutho da dıyoşe dıksaymolın Turkiya cala fusqone d’Emwotho Mhaydotho dmawdacwola dıklozım ucdo dmitaklın a’qrobe u taxtuşe laşan dmınfıq mqabıl du kewo du virus d’Corona. Be bzabno, i mdabronutho yothoyto tlıbla mu kenşo emwothoyo dmoyıd i mşalutho dkito…

A tayısyotho zaynoye du athro d’İsroyel mhelın naqqa hreto a haylawotho d’Hızbullah dkıtne b’Sebur b’Suriya. Kulnaqqa me zabno lızabno a haylawotho d’İsroyel kmohın nuqazyotho da haylawotho d’Hızbullah dkıtne b’Suriya. Athmıl naqqa hreto a tayısyotho d’İsroyel mhelın duktho nuqazto b’Sebur b’Suriya dkıtwo eba farsufe da marıhbone dkıtne cam Hızbullah. Me gabo…

I şıltonutho du Iraq maklela i butja du momuno dıkobo lu qlimo d’Kurdistan du Iraq. I celtho du tekliyo di butja kmitawmır du qlimo lı maslamle u momuno a zuze du zebono du nafto. Lfuth i awyutho dkito bayn lu qlimo d’Kurdistan du Iraq u li şıltonutho d’Boğdod, a zuze…

Britania dkıtyo bu koalisyon Emwothoyo dkıtyo bi rişonutho d’Amerika, mabdela naqla hreto a cuqobayda cala ğrobe marhıbone d’Dacış bu Iraq. İ şultonutho d’Britania, maklewola a cuqobani dcal Dacış bu yarho d’İlül da 2019. Bi maqırhonutho dhuwla i şultonutho d’London d’Britania bi dafayda du nawlo m’akadla, dmabdela naqla hreto a cuqobayda…

Bayn da wazire di şıltonutho du athro du Iraq dıgmişatso kmibayın kito hıdo mu cameydan dıgduyo wazırto da galwoye. İvan Fayıq Yahkub dkıtyo mawlato da 1981 bi mditho d’Basra mraşho dhuyo wazırto da galwoye bi şıltonutho du Iraq. Bıthır me zabno yarixo dlımşatıs şıltonutho bu athro du Iraq ucdo Mustafa…

Tıre tukose Emwothoye mhaydi, leşan dı xulqi plattform dıqodır dhowe u qolo da bnaynoşo, dhawın dıbhe ma hjome barbıroye dsımlın a ğrobe marhıbone d’Dacış aclaye bu Iraq ubı Suriya.  A tıre tukosani, kıbci dhowın u qolo da dıbhe u dımhafdi cala zedqathe a qonunoye. Mi celtho da qrobe dhawın ba…

A’zage da citotho kulle nqışlın wa bahre da zabuqone d’Yerivan uda mdinotho hrene matfın athmıl l’zabno dı tloth qatinotho, bi cohnutho da 105 ışne du qtolğenso da n’Armınoye di şato da na’1915. Adşato b’Armenya lıssim hfitwotho cali ruho da sohde, mi celtho da tedbire dkito mqabıl du virus d’Corona. Athmıl…

U rişono du gabo du Huyodo Suryoyo Tibeloyo d’USUP İbrahim Murad, tlıble şubqono ma sohde du camaydan du qtolğenso du Sayfo, cal dlıqadır u gabo adşato dımtayıb htifutho xıd kul şato bi cıhnutho du qtolğenso da na’1915, mi celtho da tedbire dmidi mqabıl du kewo d’Corona. U mamlano sımle Murad,…

U hadomo du gurup Yorum du Muzik Mustafa Kocak nqil ma hayani bıthır me 297 yawme dı kafno dkıtwele nişo dı tolabwo bethdino kino dıhowe. Lfuth i mawdconutho di nuqazto da sniğre dkıtwole mawdaclın dıgmitahwe lu qawro b’Stambıl. Mustafa Kocak dımsıkwo cal teşkiyo dıha farsufe ğnizo mawxa mahwewole hfuxyo mqabıl…

U huyodo Suroyo d’Urifi ESU wu huyodo d’Bethnahrin athroyo frıslın buyono bu yawmo şatonoyo du qtolğenzo da Armınoye d’hawiwo bi şato da 1915.  Atre gabe kurhi u qtolğenzano u kımtalbi dhowe mawdyonutho ebe laşan dlowe qtolcame hrene. Ahna U huyodo Suroyo d’Urifi ESU kmathkrina a sohde du camo Armınoyo bu…

U notarrozo gawonoyo d’Emwotho Mhaydotho Antonyo Guteres, mawdacle du kewo du virus d’Corona kriz noşoyoyo dıkmişahlıf b’surhobo l’kriz d’zedqe noşoye. Bebzabno, Guteres mzaharle du kriz d’Corona kibe dmitıstacmıl xıd celtho laşan dmimıd tedbire du dyoşo bıhaq da kenşe mhile dlatlın haylo. U notarrozo gawonoyo d’Emwotho Mhaydotho Antonyo Guteres, bi egartho…

U qoyumo dmeqım bu parlamento du Iraq Josef Sliwa, thımle i şultonutho qentrunoyto d’Boğdod wi şultonutho du qlimo d’Kurdistan dkımmaşın i siyase du qtolğenso bıhaq du camaydan bu Iraq mu zabno da 30’yat du dowro dşaficina uhul ucdo. Bu buyono dıfrısle Sliwa, sımle qroyto lu camaydan dlımaqbıl ulo wazirutho ma…

Spanya msıkla 3 marıhbone d’Dacış baynothaye ha ma farsufe dmitawmarwo acle u qasobo. Bi sbutho da tadbire di Corona du mnoco d’larwal a pwelıs d’Spanya msıklın 3 marıhbone dkıtweyne bı bayto lruhaye. Bıthır mu msokano a pwelıs d’Spanya frıslın video da farsufani dkıtne marıhbone dı Dacış. Bıthır mu froso du…

U athro d’Kanada mwaxarle naqa hreto u fusqono dmıdwole dı makle u zebono du zayno l’Turkiya me fothe du kboşeyda da thume du garbiyo d’Suriya. Kanada u fusqonano dlımizabın zayno l’Turkiya mıdwola bıthır Turkiya sımwola hjomo cala arcotho d’Suriya. U athro d’Kanada xıd hfuxyo mqabıl du cboro dı Turkiya la…

Fayıt 7 ışne calu htofo datre hsayo d’Holob, u heş layto tebe şarire cala hayathe u aykone. Bi tahrazto dsimo b’Suroyo TV athmıl Xuroyo Samuel Gumuş dmıştawtafle cal ışme di sicto di fatıryarxutho sımle sturyo i şıltonutho d’Suriya u mırle hul d’Suriya lı mawdıco mede inaqayo kobe rımzo dkıtne sida.…

Ftih u bethdino qamoyo mqabıl dıtre ma hadome da hayle di mşaynutho du rejim d’Suriya bu athro d’Almanya.  U bethdinano mşarele adyawma mqabıl da thimoye du rejim, bu taro da hawbe dsımlın mqabıl di noşutho, teşniqe u cnufyo ğensoyo.  Bi mditho d’Koblenz d’Almanya, mşarele adyawma hawıl bethdino dıkmisım, mqabıl d’2…

Emwotho Mhaydotho sımla qroyto li şultonutho du Iraq, dımtabqo a qonune mqabıl du cnufyo dıqaşi cala neşe ba botathe.  İ qroytathe d’Emwotho Mhaydotho simo, bıthır mıd u tukoso Mşihoyo grışle u zuhoro calu cnufyo dzayıd ba bote, bu zabnano dmahıt mnoco du nfoqo du camo mcal fothe du virus d’Corona.…

U mawtbo umthoyo d’Bethnahrin (MUB) bu buyono dıfrısle kımcayıd u cedo di qyamto d’Mşiho dkımcaydile falqo ma citawotho du cameydan ramhıl yawme dhuşabo. MUB bu buyoneyde camgabe dıgmahwe u snodeyde la yaqrotho dımwayaclın qnume bu maşıqlano u casqo ksoyım qrayto du cameydan lotım lıhdode u dmahwe awyutho cama falqe kule.…

U rişqutno dı Fransa Emanuel Macron, mawdacle dıtlotho mbayın da hamşo athrawotho dkıtlın hadomutho aminoyto bu mawtbo di mşaynutho d’Emwotho Mhaydotho, maqbelın dmitaklın a’taxtuşe udmitarku şalyuthzayno gawonoyto ba nathrawotho kulle dıbritho. U nişo du insiyatifano dmdewole u notarrozo gawonoyo d’Emwotho Mhaydotho Antonio Guteres, dmitahwe aftho lıbritho dmahto u haylayda U…

A’haylawotho di mşaynutho d’Mısır bu cuqobo dsımlın bi mditho d’Alqahira, qtilın şawco marıhbone mzayne. Lfuth i şultonutho d’Mısır, a’şawco marıhbonani kımtaybiwo hjome dgıdmisomiwo cala Mşihoye Eğuftoye bu cedo di Qyamto. İ wazirutho di gawoyutho d’Mısır bu buyono dıfrısla lu tboco froso, mawdacla dıqtil rabhaylawotho da pwelıs d’Mısır u şawco marıhbone…

Turkiya kımdawmo dımşadro a’çatawiye d’Suriya lu athro d’Libya, laşan dmıştawtıfi lu qrobo mqabıl du gayso athronoyo d’Libya dkımrayşanle rabhaylawotho Xalifa Haftar. Lfuth i mşatasto d’Suriya da zedqe noşoye, u menyono da çatawiye d’Suriya dıqtili bu athro d’Libya mati l’190 farsufe. İ mşatasto d’Suriya da zedqe noşoye mawdacla dı Turkiya nqila…

A’rişone du Iraq udu qlimo d’Kurdistan mhanelın u camaydan bu cedo di Qyamto lfuth u surgodo Grigoroyo. Ba maqırhınwotho dıfrıslın a’rişone du Iraq, mahwelın sabro du cedano di Qymato dhowe aftho li hdoyutho du camo Iraqoyo mqabıl da casqıwotho dkito bu maşıqlano ducdo. U rişqutno du Iraq Barham Saleh, bi…

U qoyumo du cameydan Tuma Çelik mcayadle u cedo di qyamto d’moran yeşuc mşiho bu leşono suryoyo bu parlemento du athro. Çelik bu mamlo dsımle mırle u yawmano klozım micayadwo bu athro kule xıd yawmo du cedo wu parlemento klozım hwewo sxiro, elo mi zihniye du floğo u du terhiqo…

U gayso Amerikoyo mşadarle konvoy hreno lu garbay madınho d’Suriya.  Bu konvoyano d’Amerika dcabır mu garbyo du Iraq li Gozarto d’Bethnahrin, kıtwo ba casrowat d’radoyotho folhoye la Haylawotho d’Suriya Demoqratoyto. Bi şabtho haraytathe, mşadarle u gayso Amerikoyo kımo hamlat d’taqwiya u lojistik folhoyo lu garbay madınho d’Suriya. A konvoyani mşadri,…

Latna saydo dkul ma dkobıc a melani du buyono dıfrısle u Platform Turcabdin dkıtyo dafo dhın ma nahire u yaducthone du camo Suryoyo. U buyonano u plaform frısle bhaq di sbutho di iqartho d’Be Diril dhawilin mwayce me 11 bu yarho d’konun u haroyo di şatathe. Bu buyono kmitawmır kmıhze…

A athrawotho di mşawtfutho d’OPEC wa athrawotho hrene dkıtlın nafto xıd Rusya u ğer methawelın dı manqısi i mafıryonutho du nafto 10 mılyune varile bu yawmo. Larwal mu athro d’Meksiko kule methawelın bıthır me bu yarho d’İyor hul li harayato d’Hzirin gıd manqısi u nafto bu yawmo 10 mılyune varile.…

U rişono du gabo du huyodo Suryoyo tibeloyo Brahim Murad hule maqırhonutho lu tboco froso cali aykanoyutho di mcadronutho d’lu cameydan d’Lebnon. Bi maqırhonutho Murad kali cala gabe u şutose aw citawotho du cameydan dsaymi cam hıdode awyutho metul dkito sniqutho rabtho li mcadronutho. Brahim Murad bi qamayto mahkele cali…

Bi sbutho di iqartho d’Diril dhawilin 90 yawme d’kıtne mwayce mabde dafo du nawlo dı mitaltım kirath idayo awkith imdat laşan i şıltonutho dı mabıdyo kroxo şariro u be bzabno dsaymi bethdino zalilo cal farsufe dkıtne bıthre di sbuthathe. İ dafathe du nawlo dkıtyo ışma CHANGE. ORG mıqa farsufe dı…

Bu athro du İran dımhele u Corona virus yaquro a hbişoye mahwelın hfuxyo elo işıltonutho malaxla yaquro aclaye. Lfuth u tukoso du şbuqyo emwothoyo i şıltonutho qtila 35 hbişoye dsımwolın protesto a tadbire di Corona dmidi mqabıl dıthe. Lfuth i mawdconutho dhule u tukoso du şbuqyo emwothoyo ba yawmotho haroye…

Rusya kmazido a haylawotheyda bi gozarto d’Bethnahrin u dilonoyith b’Qamişli. Lfuth u tboco froso athmıl 50 radoyotho folhoye cabiri l’qamişli u maftelın fothaye lu bethtawso di mditho. Bıthır mıd a rusoye mşataswolın ruhaye bi gozarto d’Bethnahrin u dımşarewolın dsaymi dawriyat mşahılfe, kulnoşe kmıftakarwo mışkıl gıdhowe bı duktho d’masahe nacımto a…

U koalisyon dkıtyo bi rişonutho di Scudiye dhani zabno mdaxloyo bu qrobo dkito bu Yemen hule fusqono dsoyım şalyuthzayno bi sbutho du kewo di Corona. Bi maqırhonutho dhule u koalisyon mırle: i şalyuthzayno kıbcina dhuyo mıscoyutho dımşarın a droşe bi mıscoyutho d’emwotho mhaydotho laşan dmitakle u berbozo du kewo di…

Mbayın farsufo hreno dımşakıl i şultonutho du Iraq mdarbıd du mraşho Cadnan Alzufi dmıstacfele mi wolithayde. Megabo hreno, u waziro di baroyutho d’Amerika mawdacle da grube mzayne d’Alhaşd Alşacbi grube marıhbonene, ulaybın dımbayni u rişwazire hatho du Iraq. U rişqutno du Iraq Barham Salıh adyawma hule teklif lu rişono da…

U qoyumo du cameydan bu parlemento d’Turkiya tuma Çelik naqqa hreto mşayele cali iqartho d’Diril dhani me 11 bu yarho du ha mvaycene. Çelik bu mamlo dsımle bu Parlemento mırle, sımlan qreyotho ğalabe li şıltonutho elo lımıdla i sbuthathe li ido u lı sımla kroxo cali iqartho. Bu parlemento d’Turkiya…

Bu zabno du gabo du huyodo Suryoyo Tibeloyo wa şutose hrene mfarqi u snodo lu cameydan d’Lebnon u qoyumo du parlemento rabhaylawotho Antwan Pano mahwele awyutho cama hadome da şutose. Bu zabno dmahwele u qoyumo awyutho a hawroneydan sımlın maqıblonutho acme bu leşono lebnonoyo u hawxa mırle: İdicoyo britho lbıktoyo…

İ şıltonutho du athro du Yaban mqadamla 3 foruşo 6 mılyune dollare mcadronutho lu tecmiro u quyomo di fnitho d’Şigur da yezidoye dkıtyo bu Iraq. Tahti tahrazto d’emwotho mhaydotho du tecmiro da dukotho da haye d’banynoşo, gıdmitacımri a dukotho dıkbişiwole u tukoso marıhbono dı Dcaş bi şato da 2014. U…

Bu zabno dıbritho ub’Turkiya kulnoşe kmıftakır bu kewo di Corona i eqartho du kohno di citeydan i kaldayto abuna Hermez Diril kımdawım, bu kroxo dcalu babathe, u be bzabno a ftakare gbırmi manyo bıthre di sbuthathe. Bıthır mıd mqafyowa i emathe hedor du nahro dkıtwe qariwo li qritho dı hoyınwa…

U rişathro d’Amerika Donald Trump mzaharle u İran bıgzomo, metul du İran ksoyım hadıriye dı hjomo cala haylawotho d’Amerika.  Trump mırle en u İran dsoyım hawxa mede, inaqayo trowe hadiro dobe  badale rabe. U gzomano du rişono d’Trump dıfrısle calu darbo du Twitter dkıtle athi lu hwoyo bıthır mi socurutho…

A’haylawotho du sutoro camonoyo di HPG, sımlın hjomo qtolnafşoyo bi fnitho d’Beyazıt b’Turkiya.  İ mharbonitho Sama Koçer, bu hjomo qtolnafşoyo dsımla qariwo ma thume dı Turkiya camu İran, qtila 30 folhe Turkoye u mfarqaclaste hammış radoyotho folhoye. A’haylawotho di HPG dkıtne u gefo folhoyo du gabo di PKK, mawdaclın dsımlın…

İ sferyawmo Franşoyto d’Lemond, mawdacla du babo wi yemo du kohno di cito Kaldoyto d’Stanbul, htifi m’grube mzayne mu baytaththe dkıtyo bi fnitho d’Hakkari bu tayman madınho dı Turkiya. Bu tebo dıfrısla Lemond, mawdacla da haylawotho Turkoye di mşaynutho lıssımlın i wolitho dıknıflo aclaye, bu qefoyo da tıre farsufe htife…

U huyodo Suroyo d’Urifi mşadarle u taşroro şatonoyo dıkkothuw lu komisyon du huyodo d’Urifi kul şato b’haq du tworo da zedqe noşoye wa hjome dıksaymo Turkiya mqabıl du cameydan. ESU bu taşrorano tarte nuqtotho dıkole aclaye buzoyudo a yuqdone dhawınwo, wu msoko d’Abuna u dayroyo wu mgabyo diqritho d’Arkah. U…

İtalya, mdela hol 30 qyome frişe camu Sin dıkmote u timathe l’2.5 milyare euro. İ sagiyutho da qyomaniste bu haqlo du endustrine.  Bu şıkılano, hawyo İtalya u athro qamoyo beyn du ğrob d’G7, dıkmode qyome camu Sin. Bu zabno di socurutho dsımle u rişono du Sin Xi Jingping wi taşdarto…

Amerika gıdobo 15 milyone dolare, lu ha dkıtle mawdconutho leşan u msoko du rişono d’Venezuela Nikolas Maduro uğer mşale du athro.  Umqımdino d’Amerika mawdacle d’Maduro wamşale hrene, kmıthomi bi asirutho dcama şabakat Emwothoye du zebono lo qonunoyo da galwoye mtanwone. Me darbe d’Amerika dımsafyo u şwolo du virus d’Corona, kıtucno…

I wazirutho du sutoro d’Amerika Pentagon makadla, da haylawothayda gdımdawmi a cuqobathe a folhoye bı athrawotho frişe dıbritho.  U mcadrono du rişono dcala hayle folhoye makadle u mırle; Walaw kımdawım u qento du virus d’Corona bı britho, a haylawothaydan gdımdawmi i wolithathe larwal bu maşıqlano. Lfuth u mcadrono du rişono…

A haylawotho  du koalisyon emwothoyo dkıtyo bi rişonutho d’Amerika trele i nuqazto d’El Qayira dkıtyo bu İraq. A haylawotho du koalisyon  maslamle i nuqazto d’Alqiyara dkıtyo bi hiğmonutho d’Ninwe la haylawotho di mşaynutho du Iraq. U teslimano d’Elqiyara hawyo yawme d’hamşo bu zuyoho folhoyo dsımlın a haylawotho folhoye du Iraq.…

U rişwazire du Iraq dımbayın laşan dımşakıl i şultonutho hathto Cadnan Alzurfi, yatu cama mathlone da nathrawotho dkıtlın hadomutho aminoyto bu mawtbo di mşaynutho d’Emwotho Mhaydotho. Bi ytawtathe, bayn da sebwotho mşahılfe dıdrişi kıtwo u qento du kewo d’Corona wu tedciro da galwoye la fenyothaththe. U rişwazire du Iraq dhiw…

Turkiya kımdawmo dımşatso nuqazyotho du duyoqo bi fnitho d’İdlib cıl mıd kito şalyuthzayno bayn ela u l’Rusya. Ba yawmotho dı şaficina Turkiya macbarla ba casrowat d’radoyotho folhoye u zaynoye l’Suriya. Lfuth u tebo dıfrısla i mşatasto d’Suriya da zedqe noşoye mawdacla dı Turkiya mşatasla nuqazto folhoyto  hreto b’İdlib bi qastra…

U athro dı Fransa dkobe ağuno qaşyo mqabıl du kewo du virus di Corona mıdle fusqono dıgorış a haylawotheyde dkıtne bu athro du Iraq mşawtıfe camu koalisyon emothoyo. Lfuth a tebe dıfrisi b’mabuce mşahılfe Fransa nqila qariwo l’100 folhe me dida mu Iraq. Bi mawdconutho  dhula i wazirutho da haylawotho…

U rişono d’Amerika Donald Trump, mawdacle du momuno du athro klozım meqım mu cedo di Qyamto dıdocır lu kyonayde dmeqım. Trump bu mamlo dsımle mawdacle da tedbire qaşye mqabıl du kewo di Corona, gıdhowın celtho du mawtbo d’olufe dıbnaynoşo. U rişono d’Amerika Donald Trump camu grub dıknofıq mqabıl du kewo…

U gabo du huyodo Suryoyo tibeloyo d’USUP, tlıble dmibayın mcadronutho du muklo u ştoyo la faqire d’Lebnon. USUP bi maqırhonutho dıfrısle lu tboco froso, mawdacle du kafno laşan asniqoye d’Lebnon mahıştır mu kewo du virus d’Coronayo. U rişono du gabo du huyodo Suryoyo tibeloyo d’USUP İbrahim Murad, bi maqırhonutho dıfrısle…

Amharbone du mawtbo folhoyo Suryoyo d’MFS, ba gbine mşahılfe du qrobo kımdawmi dobın ağuno mqabıl du gayso kaboşo dı Turkiya wa grube marıhbone dıksındile. Hawar Mur dkıtyo mharbono b’MFS, bi maqıblonutho dsimo acme mawdacle du camaydan u Suryoyo ida dhowewole haylo zaynoyo lıgıdmıqtalwo ba mowat olufe mene bu qtolğenso du…

Bu zabno dıbritho kıdırşo aydarbo gıdmidafco i noşutho mu kewo d’Corona, i şultonutho d’Turkiya kımdawmo u hjomeyda cala farsufe dımnaqın ba qole du camo.  Athmıl naqla hreto, i şultonutho msıkla 8 rişone da karxuwotho dkıtne mu gabo Demoqratoyo da Came HDP u mahıtla 8 farsufe hrene me dida bıdukthaye. Bıthır…

U notarozo gawonoyo d’Emwotho Mhaydotho Antonio Guterres, sımle qroyto dmisım baroyo şalyuthzayno ban athrawotho kulle dibritho.  Guterres dmawdacle dibritho klozım dmihaydo mqabıl du virus d’Corona, makadleste di şalyuthzayno gıdimcadro bu sutoro da farsufe dıkloqın qento u husrono rabo mcal fothe du kewo d’Corona.  Athmıl bu mamlo dsımle Guteres bu qentrun…

Qore i Garbiyoyto, mjarabla naqla hreto soruhe calu yamo du Yaban.  İ mawdconuthatheste, hiwo hem ma mşale du athro şbobo d’Qore i Tayemnoyto udu Yaban. Lfuth i maqırhonutho dhiwo ma mşale du gayso d’Qore i Tayımnoyto, a hayle d’Qore i Garbiyoyto mjarablın 2 soruhe hathe calu yamo du Yaban. U…

U koalisyon Emwothoyo dkıtyo bi rişonutho d’Amerika mawdacle, dımşarele dgorış ahaylawothayde mu Iraq calu qento du virus d’Corona. A haylawothani mdarşiwo a folhe du gayso Iraqoyo bu ağuno mqabıl da ğrobe marhıbone d’Dacış.  Bebzabno u gayso Iraqoyoste bu şuroyo du yarhano, maklewole a droşe folhoye xıd tedbir mqabıl du virusano…

Lfuth atebe dıfrisi me mabuce mşahılfe, 4 senatore Amerikoye mnaselın dmıstafdi momunoyith mu kewo di şabto d’Corona.  Bi mawdconuthathe dıfriso kmitawmır, d’4 Senatore Amerikoye, bıthır mu knuşyo dilonoyo dhawiln bu Senato i sbutho du kewo d’Corona, mzabanlın a hıssas dkıtwolın.  Bi mawdconutho dıfriso b’Amerika kmiwtamır, d’senatore dkıtne bi sictho da…

U Huyodo Suroyo d’Urifi ESU frısle buyono calu qefoyo di şlado di mnohto Şmuni Diril, dkıtwa mvayacto camu barzawgeyda Hermız Diril me 11 bu yarho d’Konun haroyo di şatathe uholucdo.  ESU bu buyoneyde, tlıble rişo basimo li iqartho du kohno Ramzi Diril u mırle; isbuthathe ulsoytoyo dmitagle acla bşıkıl şaryo…

İ sbutho du radyo du Swed dlo frısle mawdconutho calu kewo d’Corona bu leşono Suryoyo kımdawmo dmicaqbo me qariwo.  U folitiqoro du cameydan Aday Bethkınne kıthuwole lu radyo du Swed, bıthır mıd şamıcwo u tebo dfrıswolan bi sbuthathe.  Bıthır mıd u folitiqoro du cameydan Aday Bethkınne kıthuwole lu frosqolo du…

U tukoso di Citotho b’Ulsono mawdacle, dımtayable hfitutho leşan dmamte lu bolo u camo Mşihoyo dıkhoye bu Madınho Mescoyo, ba yawmothani du kewo d’Corona dhawi u yawmo’yo dbritho.  U tukoso mawdacle, leşan dmathkıri a Mşihoye dıkmıdlomi bu Madınho Mescoyo gıdmaqithi şamce, bahro semoqo ba citotho du athro d’İtalya.  U tukoso…

Amerika mbayanla şartat laşan dsındo u rişwazire Cadnan Alzurfi dgımşakıl i şultonutho hathto du Iraq. Mbayn da şartat dımbayni, Amerika mawdacla d’Alzurfi klozım dnofıq mqabıl du fasad ud’soyım u sutoro da zedqe noşoye bu Iraq. U waziro di baroyutho d’Amerika Mayk Pompeo, bi maqırhonutho dhule athmıl lu tboco froso, mawdacle…

Amerika mawdacla d’Rusya qtila ba casrowat d’folhe Turkoye ba cuqobe folhoye dsımla bu athro dı Turkiya. Me gabo hreno, Amerika mahıtla tedbire mqabıl dha mşalo du rejim d’Suriya cala gunhe du cnufyo dsımle b’gawıd du athro. U waziro di baroyutho d’Amerika Mayk Pompeo mawdacle di mdabronutho d’Waşington kmıtyaqno d’Rusya qtila…

Hiw teklif lu qoyumo Cadnan Alzarfi dımşakıl i şultonutho hathto du Iraq bı zabno d’30 yawme, bnişo dmitaqimo i mwatyutho folitiqoyto dhani yarhe kımdawmo bu Iraq.  Alzarfi dkıtyo ma Maşılmone Şica d’Alnajaf, kımrayşın u koalisyon d’Alnasır bu parlamento d’Boğdod dkıtyo u rişwazire catiqo Haydar Alcibadi hadomo ebe.  U rişqutno du…

U athro d’İsroyel hani zabno yarixo dloqadır dmarkıw şultonutho, ucdo hiw wolitho lu rişono du gabo Zarqo Heworo Benny Gants dımşatıs şultonutho.  Lfuth i mawdconutho dhiwo, Gants mşarele ba esore cama gabe du athro leşan dımarkıw i şultonutho, lfuth i wolitho dı qayıthle mu rişqutno Reuven Rivlin. Bıthır mıd u…

U waziro di baroyutho d’Amerika Mike Pompeo bu mamlo dhawile camu rişwazire catiqo du Iraq Cadıl Cabdılmahdi, mawdacle dıklozım dmimıd hşowo ma grube mzayne dsımlın hjome cali foqudutho d’Taji bu garbiyo d’Boğdod.  Be bzabno, Pompeo makadle d’Amerika lıkşubqo a hjome wa tahdide dkowın cala folhe u barmothoye d’Amerika.  İ malılto…

İ qadişutho du fatıryarxo di cito Suryoyto Orthodoksoyto Mor İğnatiyos Afrem II, hawile ytawto cama hsayo da citotho mşahılfotho d’Darımsuq.  Athmıl a hsayo da citotho mşahılfotho d’Darımsuq, bıthır mu knuşyo dhawilın bu qentrun fatıryarxoyo di cito Suryoyto Orthodoksoyto b’Darımsuq, laqın i qadişutho du fatıryarxo Mor Afrem II. Beyn da citotho…

İ wazirutho di baroyutho d’Rusya mzaharla naqla hreto cali sbutho da marhıbone dkıtne bu qlimo d’İdlib.  Bi maqırhonutho dıfriso mi wazirutho di baroyutho d’Rusya mawdacla, da gurube marhıbone dıkmısnodi me Turkiya u Dacış, me hatho kmaqwın ruhaye b’İdlib. İ wazirutho di baroyutho d’Rusya bi maqırhonutho dhula bhaq di sbutho d’İdlib…

U mathlono dilonoyo d’Amerika bu athro d’Suriya Jayms Jeffry, mawdacle d’Waşington ksındo afulhone di kinutho udu myodo du hşowo cala gunhe dsımle u rejim d’Suriya bhaq du camo. Be bzabno, Jeffry mawdacle dıklozım u kenşo emwothoyo dmihayıd bnişo dmişarıro i kinutho udmimıd u hşowo mu rejim d’Al Asad, cal dkıtyo…

Amtagılyone du Iraq dlayimi athmıl bu wahdo d’Altahrir bı Boğdod naqla hreto rfıdlın dmiraşıh farsufo dlowe şaryo li rişwazirutho di şultonutho hathto. Atagılyothani du protesto athın luhwoyo bıthır mıdmawdıc dkito awyutho bayn da gabe Iraqoye calu ışmo du mraşho Nacim Alsuhayl dkıtyo u mcadrono du rişono du diwan di rişqutnutho…

Bıthır mi dawriye qamayto d’sımlın Turkiya u Rusya calu darbo d’M4 a esorathe mwatın naqqa hreto. Bi maqırhonutho d’hula Rusya mawdacla d’Turkiya klozım mamno a dukotho di Dawriye ma marıhbone dı Dacış. Bu zabno dsimo i dawriya mşawtafto d’Rusya u Turkiya calu darbo umthoyo d’M4 farsufe mahwelın hfuxyo mqabıl da…

U rişono d’Rusya Vlademir Putin, maqbele dmisım reforme u şuhlofo bu nomuso esonoyo du athro. Bi sbuthatheste, tlıble Putin mu parlamento dı sonıd u şuhlofano kamiloyith.  Beyn da şuhlofani dımaydi mu rişono kito u fusqono, dkobe aftho l’Putin dımdawım bi wolithayde holi şato da 2036. Bi maqırhonutho dfriso athmıl me…

Amerika mzaharla bı qaşyutho a mhoye dkowın cala nuqazyotho dkıtla bu Cıraq u mawdacla dgıdobın funoyo qaşyo la grube dıksaymi a hçomani.  U malolo d’Pentagon Jonathan Hoffman bi maqırhonutho dhule bıthır ma hjome haroye dhawın cali nuqazto d’Taji bu Iraq mırle; Gıdobina funoye qaşye bi sbuthathe.  Bi şabtho harayto sim…

Turkiya bu kewo di Coranaste ksaymo fırşono beyn la tawdiyotho dkito bu athro.  Bi karxutho d’Omid, a cawode du hulmono mandaflın a masığde dkito bi karxutho elo i cito d’Yoldath Aloho wu cem da Calawiye lo mandıfi mqabıl du kewo di Corona.  I karxutho d’Omid dıkmidabro mu farsufo dımahıt mi…

U qrobo gawoyo d’Suriya kımdawım hani 9 eşne, bu zabnano du gayso du rejim du rişathro Başar al Asad, kımdawım a cuqobayde calu qlimo d’İdlıb, bnişo dmandafle ma hayle di saqıbloyutho uma ğrobe marhıbone.  Bu zabno da 9 eşnani dı şafici bu qrobano, dhawi celtho lu qatlo dba mo alfayo…

I dafo d’al Monitor, frısla tebo calu futoho du frosqolo du camaydan Suroyo FM bi mditho di Qamışli bi Gozarto d’Bethnahrin.  Al Monitor dmahkele du frosqolano mşarewole ruşmoyith dforıs tebe u tahrazyotho frişe bu leşono Suryoyo, Armınoyo u Kurdoyo, sımleste maqıblonwotho cama mşale du frosqolo. I dafo d’al Monitor dkıtyo…

I rişathqutno qamayto du Yawnan, yimela li wolithayda i hathto bu zawho dsim bi arişkoyto d’Athena.  Bu şıkılano, mıdle u Yawnanste dukthe beyn dan athrawotho dıbritho, dkıtte neşe rişathqutno. Katerina Sakellaropoulou dkıtyo cımra 63 eşne u dayonto, hawyo i athto qamayto bu Yawnan dımnaqyo rişathqutno du athro. Bu zawho dsim…

Anathrawotho hadome bu Huyodo d’Urifi, mazıdlın ucdo a noture cala thume leşan dımcadri u Yawnan, dmakle a galwoye dkothın me Turkiya.  Leşan dmitaxıf u hbosano calu Yawnanste, u Huyodo d’Urifi mbayanle kmoyutho d’zuze luha dkobıc dnofıq ma maşıryotho udı docır lu athrayde. U Yawnan, gıdqathle ucdo mcadronutho mu Huyodo d’Urifi…

Nafıl mınyono celoyo d’soruhe lawğıl di foqudutho d’Taji bu Iraq. I foquduthatheste, ksaymo baytoyutho la folhe du koalisyon Emwothoyo dıkmısnıd me Amerika.  Hathe da 2 naqlat bıgawe di şabthathe’yo, dıkmımhe soruhe bi foquduthathe. Bu hjomo qamoyo dsımwo yawme d’Arbco dı şafıcina, qtılwo 3 folhe; beynothaye 2 Amerika. Lfuth mabuce da…

İ wazirutho di baroyutho d’Amerika xıd kul şato adşatoste frısla u buyono dıkfırso b’haq da athrawotho dıbritho bi sbutho da zedqe noşoye. Bu taşrorano kmitahwe darbo lu dyoşo da zedqe noşoye dıksaymo i şıltonutho d’Turkiya. Bu taşrorano dıkmitahwe darbo la dyoşe da zıdqe noşoye dkito b’Turkiya b’72 fothotho dı mitahke…

İ sictho Mşihoyto dkımmathlo u mawtbo da citotho uhın ma gabe u şutose du qlimo di Gozarto d’Suriya, yatiwo cami mdabronutho yothoyto demoqratoyto. Bi ytawtathe, drişi a’qetre dkito bu qlimo di Gozarto d’Bethnahrin u aydarbo kibe dmisım fulhone mşawtfe bnişo dmınfuq mqabıl da qetre uda casqwothani. Taşdarto mi sictho Mşihoyto…

U koalisyon emwothoyo dkımrayşınole Amerika mqabıl du tukoso marıhbono dı Dacış, sımle cuqobe oyaroye cal qentrune da grube mzayne d’Alhaşd Alşacbi dıkmısnodi mu İran. Ba cuqobani dsimi bi mditho d’Albu Kamal dıknıflo calu thumo bayn d’Suriya wu Iraq, qtil 26 farsufe ma grube d’Alhaşd Alşacbi u zıd m’10 hrene mjarhi.…

Naqa hreto mafır soruhe zaynoye cala nuqazyotho du koalisyon emwothoyo dkıtyo bu garbiyo di erişkoyto du Iraq Boğdod dıqtil 2 folhe Amerikoye u ha Britanoyo. Bi sbuthathe u rişqutno du athro wu rişwazire du athro mahwelın hfuxyo qaşyo mqabıl da mhoyani dhawın mqabıl da nuqazyotho folhoye du koalisyon emwothoyo. Lfuth…

U rişqutno dı Fransa Emanuel Macron wa mşale rabe Franşoye mıstaqbelın bi erişkoyto d’Paris, u rişono du gayso athronoyo d’Libya Xalifa Haftar.  Bi ytawtathe Macron dımakadle dıksonıd a’fulhone d’Libya mqabıl di marıhbonutho, u rişono du gayso Haftar makadleste dgıdhowe masro dmitafito i şalyuthzayno la haye, ida dmiyaqro ma grube mzayne…

A Haylawotho du sutoro du camo HPG, mabdelın cuqobo folhoyo mqabıl d’konvoy du gayso Turkoyo bi hiğmonutho d’Ağrı bu madınho du qlimo d’Anatolya.  Lfuth u buyono dfrısla i HPG, bu cuqobano dsim hedor 80 folhe Turkoye qtili. Ahaylawotho du sutoro camonoyo wa haylawotho di athto hırto d’Star HPG frıslın buyono…

Bi sbutho da galwoye d’İdlib u rişqutno d’Turkiya Recep Tayip Erdoğan hawile ytawto cama mşale Urifoye b’Bruksel.  Bebzabno u rişwazire du Yawnan Kiriyakus Mitsotakis kıtwole ytawyotho cami şultonutho d’Almanya bi sbutho da galwoye. Ba yawmotho dı şaficina Erdoğan cam taşdarto ma wazireyde azewo l’Bruksel laşan itawyotho mşahılfe bi sbutho da…

İ rişonitho du gabo du gbino umthoyo Mari Loppen bi maqırhonutho dhuwla bi sbutho da galwoye d’Suriya mırla; Erdoğan kobıc dsoyım Urifi maşılmonitho mawxa klozım Urifi dı sonıd u Yawnan.  I folitiqorto Franşoyto Mari Loppen bi mawdconutho dhuwla li sfaryawmo Quest Frans mırla; urifi kula klozım d’sundo u Yawnan, leşan…

U qoyumo du cameydan bu parlemento d’Turkiya Tuma Çelik mqadamle rmoyto lu waziro di gawoyutho d’Turkiya bi sbutho da hbose uda rdufye dkowe cali cito protestanoyto.  Çelik bi rmoytathe kımşayıl şuwole mu waziro Suleyman Soylu, dkobıc a funoye bı kthawto lfuth u qonuno du parlamento d’Turkiya.  U qoyumo bi rmoyto…

U huyodo da neşe d’Bethnahrin u ferco du Swed mcayadle u cedo d’8 Oder bıha turgomo dımtayable bu qentrun du huyodo b’Södertelje. Me gabo hreno u dawqo othuroyo da zedqe noşoyeste bi mdito d’Motala du Swed  mathkarle u yawmo d’8 Oder bıha turgomo dsımle. Bu turgomo dımtayabwo athmıl dkıtwe 8…

İ sbutho da galwoye dkıtne bayn la thume d’Turkiya u la athrawotho du huyodo d’Urifi hawın u droşo yawmoyo bayn Turkiya wu huyodo d’Urifi. Bi maqırhonutho dhule u huyodo d’Urifi tlıble me Turkiya dı makılyo u madıcro a galwoye dkıtne cala thume, u be bzabno i gozarto d’Qufrus mıdla fusqono…