FOLITIQOYO

En dothe Turkiya huçmo cal Şigor u dımharbo a hayle d’Haşıd al Şacbi, i peşmerge lıgmdaxlo ba taxtuşani a melani du rişono da hayle di peşmerge du qlimo d’Kurdistan Qassım Şaşone.  Elo u rabhaylawotho di peşmerge makadleste, walaw gıdfayşi a hayle di peşmerge larwal da taxtuşani, elo hadirene dımdafci ruhaye…

U malolo du Mawtbo Folhoyo Suryoyo Aram Hanna, mawdacle du athro kaboşo d’Turkiya, marfele a maye du nahro du Xabur leşan dforış a MFS me hdode bu zabno dıkmdafıc i fnitho mqabıl da hçome marhıbone d’Dacış.  Bebzabno, Hanna bi maqırhonutho dhule lu tbocofroso, mawdacle du Xabur bu mrodo dmahwewole ba…

Bi mdito Suryoyto d’Bağdede bi daşto d’Ninwe, mtayıb ytawto du dialog d’drişo eba i rmoyto du qonuno dıksoyım u sutoro da came Iraqoye mqabıl di tuhmonoyutho.  Li ytawtathe, mıştawtafle mathlone mi Mtakasto da Neşe d’Bethnahrin du Iraq cam menyono d’sniğre, yadıcthone du huquq u hfite bu haqlo da zedqe noşoye.…

U rişono di mdito d’Hume d’Australia Josef Hawil, mathkarle u yawmo tibeloyo du leşono Emhoyo.  Hawil bi maqırhonutho dfrısle, tlıble ma yaqrotho du camaydan dmawlıfi a nacimaththe u leşono Suryoyo u dmramrımile. Bi cohnutho du yawmo tibeloyo du leşono emhoyo, u rişono di mditho d’Hyum d’Australya Josef Hawil dkıtyo farsufo…

U hadomo di Sicto Mşablonitho di PKK Murat Karayilan hule funoyo la mamle da mşale d’Turkiya bhaq du cuqobo dsımwolın calu gerilla di PKK ba turone d’Gare. Bi mawdconutho dhule Karayılan mawdacle d’Turkiya lo makşarla bu cuqobano mawxa’ste maqşela a mşalayde u leşonathe xıd Soylu dmırle; En dmıskina Karayılan, gıdmancmina…

U Huyodo d’Urifi fsıqle dmahıt tedbire cal mşale Rusoye calu dyoşathe da zedqe noşoye bi sbutho di dacwa du folitiqoro saqıbloyo Aleksy Navalni.  Bu knuşyano dsımle athmıl u Huyodo d’Urifi b’Bruksel mıdle’ste fusqono, dmahıt tedbire cal mşale d’Venezuela u griş u zuhoro d’Myanmar, dkıtne hadire dmahti tedbire acleste. A wazire…

U mawtbo da sinatore du qlimo d’Arizona d’Amerika, b’femo ha maqbele i rmoyto dıktılbo dmitıctarıf bu qtolcamo d’Simele da na’1933, udmitathkıri a’sohde du camaydan dıqtiliwo b’şıkıl barbroyo bi qrithathe dıknıflo bu garbiyo du Iraq.  Bu qtolcamo d’Simele, zıd m’3 alfo farsufe mdinoye mu camaydan qtiliwo b’şıkıl barbroyo ma hayalwotho du…

İ sfaryawmo d’İndipendıt u ferco du leşono Turkoyo ebe dıfrısla maşmacla la qaroyeyda a fitwotho dsımla imğaltho d’Sabro wa şutose hrene dkıtne acma. Bu tebano i sfaryawmo kmahıkyo du leşono Suryoyo ha ma leşone catiqoyo mawxa ulsoyoyo dmihafıd acle laşan dlomivayıc. Bu tebo dıfrısla isfaryawmo d’İndipendıt mahkela cala talabe dhawilin…

U rişwazire du qlimo d’Kurdistan du Iraq Masrur Barazani, b’arbac leşone baynothaye u Suryoyo mhanele a’bnaymothoye Kurdistanoye.  Elo Barazani bu şıkıl dıkthule bi dafayde du Twiter, Iıhele i hiyoyutho umthoyto da came dıkhoyın bu qlimo, u mawdıcile xıd barmothoye Kurdistanoye dıkmıjğoli b’leşone mşahılfe.  Emwotho Mhaydotho mbayanla 21 bu yarho d’Şbot…

İ claymutho du camaydan di daşto d’Ninwe, mtayabla cadcido camonoyo bi cohnutho di socurutho dıkmıntır dsamla i qadişutho du papa Mor Fransis Qadmoyo lu athro du Iraq, u dilonoyith li mditho Suryoyto d’Bağdede. Bu cadcidano dımtayıb bı Bağdede, mqadım hfitwotho mşahılfe baynothaye halxe, qole citonoye, zmirotho, sport u mamle cali…

A haylawotho d’Suriya demoqratoyto d’QASAD, kımdawmi dmafiti la haye aqyome dkıtlın cam Emwotho Mhaydotho.  Bu tarano, u makıthbo du sutoro da nacime ba zabne du qrobo d’QASAD maslamle hamşo folhe dcımraye laltah da 18 ışne la yaqrothathe bu kanton di Hasake.  Lfuth u qyomo dkito bayn d’QASAD u Emwotho Mhaydotho,…

U leşono Suryoyo wa leşone da came frişe dkıtne b’Turkiya jğer mu Turkoyo bu qento du mawtone, komır u qentrun du buhono Sosyo politik dkıtyo b’Turkiya. Me gabo hreno i karxutho d’Omid mabdela fulhono laşan dobo yulfono ba leşonani dkıtne bu qento du mawto. Bu buhono dsımle u qentrun du…

100 hadome du Mawtbo tahtoyo d’Amerika, sımlın qroyto li şultonutho d’Joe Biden d’sundo an Armınoye wu qlimo d’Nagorno Qarabax.  Bi egartho mşawtafto dımqadmo li şultonutho Amerikoyto, rizi 7 talabe leşan u snodo d’Qarabax u tlib mu rişono Biden, dmawde bu qtolğenso dan 1915. Bi egarthathe dmıdyo me 100 hadome du…

Ftih gawonoyith hol 124 dacwat u fsiq qariwo l’27 eşne hbuşyo li rişonitho zawgoyto d’İHD d’Turkiya sniğarto Eren Keskin Bebzabno mawdıc, du mqımdino d’Ankara kımtayıb ruhe leşan dmitaqimo i hasinutho d’9 qoyume du gabo Demoqratoyo da Came-HDP. İ rişonitho zawgoyto du şutoso da zedqe noşoye-İHD d’Turkiya, hkimo l’6 eşne 3…

Bi mdito d’Arbil mtayıb u lumodo trayono du snodo di federaliye bu Iraq awkith dmişahılfi a hiğmınwotho l’qlime şarye di mdabronutho.  Lu lumodano dımtayıb mu enstitut Iraqoyo du snodo di federaliye, mıştawtafle menyono ma rişone da gabe u tukose du camaydan u Kaldoyo Suryoyo Othuroyo. Folitqoye, nahire, rişone d’caşıryotho Caraboye,…

A gabe di hdoyutho athronoyto da Kurdoye d’Suriya, naqla hreto makadlın dıkmqadmi b’zuhoro rabo leşan u insiyativ di hdoyutho Kurdoyto dmitafıt la haye. Bebzabno, a gabe bu buyono dıfrıslın, sımlın qroyto lu Mawtbo Athronoyo Kurdoyo dkıtyo hadomo bu koalisyon athronoyo saqıbloyo di sictho d’Alriyad, dlo mahıt terpılyotho qum du insiyativ…

İ wazirutho di baroyutho d’Amerika mbayanla Emi Kutrona, mathlonitho dilonoyto dcala sebwotho d’Suriya, ubebzabno mcadronitho du waziro di baroyutho dcala sebwotho d’Suriya, d’Lebnon, d’Yurdnon udı Fleşt du makıthbo du madınho tahtoyo.  Lfuth u buyono dıfrısla athmıl i wazirutho di baroyutho d’Amerika, Amiee Cutrona flıhwola meqım xıd mdabronitho lu makıthbo da…

U rişqutno d’Turkiya Recep Tayip Erdoğan, ftıhle dacwa mqabıl du rişono du gabo saqıbloyo d’CHP Kemal Kılıçdaroğlu.  İ dacwathe ftiho mqabıl du rişono saqıbloyo, cal dıthımle i şultonutho d’Ankara bu qatlo da 13 Turkoye dkıtwın yasire bide du gerilla di PKK b’Nuhadra bu garbyo du Iraq. A sniğre du rişqutno…

Megabo hreno, u waziro du sutoro d’Amerika Loyd Ostin mırle; Uhçomo dsim cal Arbil, kımakıd cali ulsoyutho dmidawmi a fulhone wi methcadronutho mqabıl da marhıbone bu Iraq u bı Afğanistan.  U mamlano d’Ostin, sim bu yawmo trayono u haroyo du knuşyo dımtayable u NATO u dıkle bu knuşyano cali ulsoyutho…

U rişqutno d’Fransa Emmanuel Macron mawdacle, d’Amerika u Urifi klozım dfulği bşıkıl şawyo u vaksin di Corona lanathrawotho dkıtne faqire. İ qroytathe d’Macron simo athmıl, belhude yawmo meqım mıd mşare u knuşyo d’G7 dgımisım adşato b’Britania. Lfuth u rişqutno Franşoyo Emmanuel Macron, Amerika wan athrawotho d’Urifi, klozım dfulği 5 ba…

Bıthır ğalabe nesyune, nahıt bi harayto u soruho du tukoso du Athir d’Amerika-NASA bi britho d’Mars.  Bu zabno dnahıt u soruho’ste a falohe kulle dıksaymi duyoqayde, fsihi lu şuşotano du soruho, bıdele bıthır dımşadır a sorutho qamoye me Mars. U soruho d’Perseverence nahıt bi harayto bu planet d’Mars-dkıtyo dan 4…

U gabo du Huyodo Suryoyo d’Suriya, mahwele u haşayde mu buyono dan athrawotho d’Astana, dıthımle i Mdabronutho yothoyto dkıtyo tarmitho dıkfulğo anarcotho d’Suriya.  GHS bi maqırhonutho dhule, sımle qroyto l’Rusya, Turkiya wu İran dımqafın şroyo folitiqoyo dıkmakle i casqutho du camo d’Suriya, mdarbıd dımhalqi thome li mdabronutho yothoyto dkıtyo i…

 Bıthır mıd kamıl u hethothayda, sim u futoho di betharke gawonoyto di qastra d’Telkepe bi daşto d’Ninwe. Lu zawhano mıştawtafle mşale folhoye u mdinoye d’Ninwe u mathlone d’tukose Emwothoye wu menyono celoyo ma came mşahılfe di mdito. Bnişo dmitaqwiyo i şalyutho wi mlahmonutho kenşoyto d’Telkepe  udmicadır u kenşo di daşto…

A Haylawotho du sutoro du camo-HPG, maglelın calu menyono da Mharbonathe dmatın lu darğo di Sohdutho wa qtiloye du gayso Turkoyo bu zabno da taxtuşe dhawın ba turone d’Gare bu garbiyo du Iraq.  Camgabıdathe, mtayıb b’Boğdod tagılyotho mqabıl da hçome dıksaymo Turkiya calu garbiyo du Iraq, wu tbocofroso Franşoyo grışle…

Suriya u İsroyel gdımşahılfi hın ma yasire dıhdode bi mescoyutho d’Rusya.  Lfuth Darımsuq, İsroyel gıdmarfiyo tre yasire ma barmothoye Suriye, mqabıl du terfiyo d’claymtho İsarloyto.  U ajans da tebe d’Suriya d’SANA, athmıl mawdacle di şultonutho dı Darımsuq udı Tel Aviv matın l’awyutho dımşahılfi hın ma yasire dhıdode bi mescoyutho d’Rusya.…

U mdabrono du zawco folitiqoyo Mşihoye d’Urifi d’Sallux Yohannes De Yong, maglele liholo du rişono du rejim dı Turkiya Erdoğan, kmaqşe i tuhmonoyutho Maşılmonoyto bgawıd du kenşo Turkoyo dıkhoye bu athro d’Hollanda.  De Yong bi mıştawtfonuthayde li tahrazto d’Şabtho Kamılto, mawdacle dımbarbızo tahwitho da n’istixbarat d’Hollanda, dıkmagılyo cala nesore dkito…

U parlamento d’Fransa maqbele u şuhlofo d’qonuno leşan dmitaqşe u ağuno mqabıl da Maşılmone tuhmonoye du athro.  U fusqonano mid b’Fransa, xıd funoyo li şişaltho da hçome qaşye dsimi bu athro u dhawın celtho lu qatlo dhol 250 farsufe mi şato da 2015 uholucdo.  U rişqutno d’Fransa Emmanuel Macron, qadır…

U Huyodo Suroyo d’Urifi ESU’ste mıştawtafle li kampanya emwothoyto dkıtyo leşan dmıtwır u izolasyon dcalu rişono di PKK Abdullah Öcalan u dıkmıtlable hirutho.  ESU frısle egartho lu ray dı britho dıkkorıh eba u izolasyon dıkmitaşe cal Öcalan u tlıble dmitanhıti la hayye a qonune emwothoye. U huyodo Suroyo d’Urifi ESU…

U kohno di marcitho Suryoyto d’Bağdede di daşto d’Ninwe, mawdacle di socurutho dgıdsamla u papa lu Iraq, kımathlo şıkıl ma şıkılat du tedawi du celojo du camaydan.  Camgabıdathe, i hasyutho di marcitho d’Arbil di cito Kaldoyto d’Bobıl, mawdacla du Iraq sniqoyoyo ucdo li socurutho du papa, dilonoyith bıthır ma hçome…

Emwotho Mhaydotho u Amerika mawdaclın dıklozım aguboye dmisomi dlo zuctho bu Iraq.  Camgabıdathe, hın ma rişone du Iraq mawdaclın du hçomo dsim cal Arbil egartho mqabıl di socurutho du papa u da guboyeyo, u bebzabno mawdaclın dıklozım b’zuhoro dmiqadım li sbutho d’Şigur.  İ mathlonitho d’Emwotho Mhaydotho bu Iraq Jenin Plasxart,…

A tayosyotho du qrobo da hayle kaboşe d’Turkiya, sımlın cuqobe hathe cala turone d’Nuhadra bu garbyo du Iraq.  A cuqobani simi cal dukotho mbayne qariwo li qritho, bnişo dmımhe bu gerilla di PKK. U gayso kaboşo d’Turkiya, sımle cuqobe hathe calu turo d’Matin dkıtyo bi hiğmonutho d’Nuhadra. A cuqobani simi…

U gabo du Huyodo Suryoyo Tibeloyo-USUP, mzaharle cali aykanoyutho d’Lebnon dıkmathılo ucdo i halıqto mhilto dkulle, me bayn di şişaltho da şuhlofe dgıdhowın bu Madınho Mescoyo.  U rişono d’USUP İbrahim Murad bi maqırhonutho dhule lu tboco froso, mawdacle da gabe folitiqoye dkıtne mqabıl di tarmitho İranoyto bu Madınho Mescoyo, lo…

Turkiya bıthır mıd mkamela ahçomayda cali PKK bu garbyo du Iraq, kımdawmo ucdo ba msoke da farsufe dıkmıthomi bi asirutho dcamu gerilla Kurdoyo.  Lfuth u tboco froso Turkoyo, msik 27 farsufe ma thome dcami PKK, elo Fırat News kımawdıco, dımsik ban 24 şoce haroyani 71 farsufe. Turkiya kmidoco bı britho,…

Emwotho Mhaydotho dıkrıhla uhçomo dsim ba soruhe cali mdito d’Arbil, maglelaste calu menyono dıqtili u dımçarhi bu hçomano dımhalıq ebe 14 soruhe.  Camgabıdathe, Amerika, u koalisyon Emwothoyo, Almanya, Fransa, Britanya u athrawotho hrene mahwelın u hfuxyathe mqabıl du hçomo dsim athmıl cal Arbil.  U malolo du koalisyon emwothoyo mqabıl Dacış…

İ qadişutho du fatıryarxo di cito Suryoyto Marunoyto Mor Bşara Bıtrıs Alraci, mawdacle dlatne hadire dıtorın u athraththe d’Lebnon dmıdre qum d’cyanothaye udmaşlım ruheye la tarmyotho baroye. Mawxaste, fatıryarxo Alraci naqla hreto grışle u zuhoro calu lumodo emwothoyo dilonoyo d’Lebnon, dkıtyo u foruqo du athro mkul haylo baroyo dkobıc dkobış…

U rişwazire du Iraq Mustafa Alkadhimi mawdacle di socurutho dgıdsamla i qadişutho du papa lu athro du Iraq, gdımcadro bu teqwiyo di şalyuthayde.  Camgabıdathe, hın ma rişone folitiqoye du Iraq nafiqi mqabıl da qole dkıtne saqıbloye li socurutho du papa.  U rişwazire du Iraq Mustafa Alkadhimi, athmıl bi ytawto dhawile…

Qoyumto du Gabo Demoqratoyo da Came HDP mşayela mu mcadrono du rişqutno Turkoyo, cali ithutho d’Hürmüz Diril u calu qefoyo da qatole dı Şmuni Diril.  Bi rmoyto kmişayıl, hal şroloyo kıtwo jurho du buğro du zayno bhaset dı Şmuni Diril elo hano lıkşofıc bu taşroro du tıp du polis.   İ…

Ba yawme dşafıcina ba cuqobe dsimi calu turo d’Gare cali duktho da hayle du gerille di PKK, qtil 13 farsufe Turkoye.  Calu qatlano kito maqırhonwotho u iddicat frişe mi PKK u mi şultonutho dı Turkiya. Wi wazırto di baroyutho d’Amerika frısla egartho bhaq di sbuthathe. I wazirutho di baroyutho d’Amerika…

İsroyel sımla hçome oyaroye hathe cal Suriya, ukmisım taxmin rabo dmıdla naqla hreto a haylawotho İranoye nişo la hçomayda. Hano uhçomo trayonoyo dıksaymole İsroyel cal Suriya b’gawıd du yarhano. Kamhwe d’İsroyel b’fusqono kamiloyo dımdawmo dımcaqbo a’haylawotho İranoye b’Suriya lfuth tahrazto dhani kmo ışne dımbaynola. Adyawma, u gayso du rejim d’Suriya…

Mnaqe hıdo athto i naqla qamayto li rişonutho du tukoso tibeloyo di tagorutho.  İ wazirto du momuno dmeqım di şultonutho d’Nijirya Neguzi Okonjo hawyo i athto qamayto dıbritho dıkmitahwela i wolithathe.  Bıthır mıdşafıc zıd m’ışto yarhe cali isticfa dımqadmowole u rişono du tukoso tibeloyo di tagorutho, ucdo mte l’awyutho u…

İ cito makthabzabnoyto du camaydan d’Mor Yuhanun dkıtyo b’Mırde naqla hreto mahto lu zebono bu darbo du nawlo.  Cıl mıd mahwe hfuxyo mu camaydan u me şutose mşahılfe, citathe ğalabe naqlat mahto lu zebono bcayni timo, me farsufo dıkımdace di citathe fayışleyo mu babayde.  İ cito Suryoyto d’Mor Yuhanun dkıtyo…

U komisyon du huquq u da zedqe noşoye d’HDP huwle maqırhonutho cala cuqobe u cala msoke dhawın.  Bi maqırhonutho dhiwo mawdıc, belhude bgawe da 2 yawme haroyani msik 143 farsufe.  HDP mawdacla ba mdinotho d’Stanbul, Adana, Bursa, Kocaeli, Cıntap u mdinotho hrene a hayle di mşayunutho d’Turkiya msıklın zıd me…

U Tukoso d’Emwotho Mhaydotho dkobe ağono mqabıl di marhıbonutho, grışle u zuhoro calu qento dheş kımşakli ağrobe marhıbone d’Dacış bı britho.  Bebzabno mşalo Amerikoyo m’akadle da marhıbone d’Dacış, heş qawyene ba maşıryotho du garbay madınho d’Suriya u calathe klozım dmısnodi a hayle muttafik-QASAD bu duyoqo di mşaynutho da maşıryothani.  Lfuth…

Mşadır ban alfayo dfolhe da hayle Şica d’Haşıd al Şacbi li fnitho da Ezidoye-Şigor bu garbyo du Iraq.  A hayle Şica mşadri li fnitho, xıd funoyo la hçome dmabdela d’Turkiya calu gerilla di PKK b’Gare u Nuhadra. Lfuth u tebo dfris b’dafe Iraqoye, a hayle Şica du Iraq mşadarlın ban…

Magle, du mınyono da mithe mu virus di Corona b’Rusya, ğalabe cleytır mu mede dmawdıc bi ruşmoyuthoyo.  Rusya holucdo mawdco’wa 79 alfo nqili ma haye mi Corona, elo lfuth sfaryawmo Rusoyto, u mınyonano bi şrorutho 480 alfo bnaynoşo’yo. A hşowe ruşmoye d’Rusya, kmıfrosi mi daira Rospotebnadzo dıkmawdıco dhol 79 alfo…

A Haylawotho d’Suriya Demoqratoyto Qasad wu koalisyon Emwothoyo maqşelın a cuqobathe cala ğrobe marhıbone d’Dacış bu qlimo d’Deyr Ezzor qariwo la thume du Iraq.  Bebzabno a hayle d’QASAD frıslın maqırhonutho u bı qaşyutho krıhlın a cuqobe dıksaymi a hayle kaboşe d’Turkiya b’Suriya u bu garbyo du Iraq. U qentrun du…

U zabno u qamoyo di mdabronutho hathto d’Amerika, kışofıc ba esore u ba mamle dıksoyım u rişono Joe Biden cama bnayamnayde dathrawotho frişe dı britho.  Camatheste i şultonutho du rişono Amerikoyo Joe Biden, mkararla i klaytayda wi lo thnihuthayda mqabıl du İran, dhowe moro d’zayne nukleer. U rişono Amerikoyo Joe…

Meqım mi socurutho dıgsoyım u Papa lu Iraq, farsufe di hiyoyuthathe dlatyo idıcto, twırlın menyono ma haykle d’Yuldath Aloho bi mdito Suryoyto d’Bağdede bi daşto d’Ninwe.  Camgabıdathe, mabuco mi rişonutho da Maşılmone Şica du Iraq, mawdacle du Papa Mor Fransis Qadmoyo bi lqoyto dgıdhowele cam Cali Alsistani, gıdtolıb mene dmisım…

U rişono di cito qatholiqoyto dı britho i qadişutho du Papa Mor Fransis Qadmoyo, mzaharle calu qento du tedhcifo di ithutho Mşihoyto b’Lebnon.  İ qadişuthayde, bi ytawto dhawile cam menyono d’rişızgade bu Vatikan, mawdacle du tdhcifo da Mşihoye d’Lebnon gıdsohıf u athro momunoyith, wu madınho mescoyoste gdımvayıc i dilaytayde.  İ…

U Iraq tlıble snodo mu kenşo Emwothoyo bu tuyobo da guboye gawonoye du athro.  İ Sictho celoyto u Şritho da guboye du Iraq, maczamla 52 athrawotho frişe dbritho, leşan dımcadri bu tehqobo da guboye dıgmisomi bu Iraq. Bi maqırhonutho dhuwla athmıl casriye i Sictho Celoyto u Şritho da guboye du…

‘Rusya, hadırtoyo dqutco a esorayda camu Huyodo d’Urifi, en dothe dmahıt heş tedbire acla’ a melani du waziro di baroyutho d’Rusya Sergej Lavrovne.  Elo lfuth u rişono da esore baroye du Huyodo d’Urifi Josep Borell, u nişo d’Rusya dqutco ruha u dfulğo u macırboyo. Bı maqıblonutho dsimo adyawma camu waziro…

U Yawnan mawdacle dkobıc dhowe geşro beyn d’Urifi u dan athrawotho Caraboye mqabıl di tahrazto di bceldbobuthoo dkıtla Turkiya bu madınho du yamo Mescoyo.  İ maqırhonuthathe athyo lu hwoyo bi ytawto dhawile u waziro du baroyutho du Yawnan cam menyono ma bnayamnayde dan athrawotho Caraboye u Urifoye dkıtte thume yamo…

A istixbarat d’Danmark, sımlın adyawma knuşyo lu tboco froso u huwlın mawdconutho cala cuqobe mşawtıfe dsımlın camu polis Almanoyo meqım kımo yawme.  Ba cuqobani dsimiwo msıkwo 14 farsufe; beynothaye tlotho Suriye dıkmıthomiwo bi hedriye d’tuyobo dıhçomo marhıbono. A istixbarat d’Danmark-PET, sımlın adyawma knuşyo lu tboco froso, bıthır mıd mu cuqobo…

U Huyodo Suroyo d’Urifi-ESU, sımle qroyto la gabe Hollandoye kulle, dsundi i rmoyto dımqadmole mu gabo d’CU lu parlamento, leşan i şultonutho dmawdıyo bu Sayfo dsim calu camaydan, calan Armınoye ucala Pontusoye.  ESU mırle; İ mawdyonutho di şultonutho bu Sayfo, gıdxulqo nihutho u snodo la camani dqudri dmanihi ruhaye u…

U gabo du Huyodo Suryoyo Tibeloyo kımdawım i kampanyayde di mcadronutho dlu camaydan dkıtyo sniqoyo bu athro d’Lebnon.  USUP mfaraqle athmıl alfo kise d’lahmo cala bote du camaydan dıkhoyın bhın fenyotho bi mdito d’Beyrut ub’Zahle, wi mcadronuthathe gıdmdawmo l’zabno d’şawco yawme.  Bi cohnutho du cedo du qadişo Mor Maron, u…

I egartho dıfriso bu insiyatif du Huyodo Suroyo d’Urifi-ESU wi iqartho d’Şmuni u Hurmuz Diril cam 36 şutose u tukose Suryoye-Othuroye-Kaldoye cali sbutho d’Hürmüz u Şmuni Diril nqilo lu parlamento d’Turkiya u mıdla duktho bu tboco froso.  Bi egartho dıfrisowa ba yawmotho dşafıcina, kmıtlıb dmidoco i ctidutho d’Hurmuz Diril u…

U gayso kaboşo d’Turkiya sımle hçome oyaroye udi naşfe cal hın qıryawotho dıknufli ba fenyotho d’Nahla ud’Nuhadra bu garbiyo du Iraq. Camgabıdathe, Turkiya manhatla grub d’folhe bu turo d’Gare bu garbiyo du Iraq, ubi netiçe da taxtuşe dhawilın camu gerilla di PKK, qtil u mçarıh menyono dfolhe. Athmıl bıthır mıd…

U hadomo qutnuthoyo bi kongre d’Amerika Joş Harder, mıştawtafle li sictho di hedriye du knuşyo dıgmisım bi kongre cali sbutho dan Armınoye.  Harder ha ma qutnuthoye dıkrıhle ahçome dsımla Azerbaijan u Turkiya cal Qarabaxyo ubebzabno, ha ma sanode di mawdyonutho di mawdyonutho bu Sayfoyo. Lfuth u Komisyon Athronoyo dan Armınoye…

U Vatikan mawdacle ruşmoyith i tahrazto di socurutho dgıdsoym i qadişutho du Papa Mor Fransis Qadmoyo lu athro du Iraq bu yarho d’Odor dıbqamuthayna.  Lfuth i tahraztathe, u rişono di cito Qatholiqoyto bu zabno dgıdhowe b’Boğdod gıdsoyım socurwotho la citotho d’Sayıdıt Alnajat u d’Mor Yawsef, ubu zabno dgıdhowe bi daşto…

İ hamle da cuqobe dıksaymi a Haylawotho d’Suriya Demoqratoyto bu snodo da hayle du koalisyon Emwothoyo cala marhıbone d’Dacış kımdawmi bu garbyo ubu madınho d’Suriya.  Elo a cuqobani, kımdawmi’ste cala marhıbone b’dukotho frişe du Cıraq u msik athmıl 24 marhıbone hrene b’Anbar u b’Fallujah. Dafo Amerikoyto, frısla tebo calu mrodo…

Bıthır mıd Emwotho Mhaydotho sımwola athmıl qroyto l’57 athrawotho dı britho, dnuqli a bnaymothoyathe ma maşıryotho d’Suriya, adyawmaste grışla Emwotho Mhaydotho u zuhoro dan athrawothani. Calathe mşadır egrotho lanathrawothani u mawdıc, en dothe dlo mınqoli a farsufani ma maşıryotho d’Suriya, gıdmitahti anathrawothani bi lohitho du caybo. Athmıl tlıbwolına yadıcthone da…

U gabo du Huyodo da Mşihoye CU d’Hollanda, mqadamle rmoyto lu parlamento du athro, dmoyıd fusqono di şultonutho dmawdıyo bu Sayfo dan 1915.  Bi sbuthathe u Huyodo Suroyo d’Urifi-ESU u ferco d’Hollanda, kıthuwole egartho lu gabo d’CU dmahıt ışme du cameydanste bi rmoytathe. Lfuth i mawdconutho dıfrısle u qoyumo Joel…

Mqadım rmoyto lu parlamento du Iraq dıkmıtlıb eba dmitazido i buçça du mluwo da 140 du nomuso esonoyo. Lfuth u mluwo da 140, klozım dmiqadım tezminat la came qalilotho dım’athri mi siyase dımaşewole u gabo du Bacth du Iraq.  İ sictho du momuno du parlamento du Iraq, mawdacla dımqadım rmoyto…

A hayle folhoye-Saraya al Salam, dkıtne masre bu rişono Şica du Iraq Muqtada al Sadır, mşadri la dukotho dkibın masığde bi arişkoyto Boğdod, b’Najaf u b’Karbala. A hayle Şica sımlın u duyoqo da dukothathe a tawdithoye, bıthır mıd fris gzome dgımisım hçome aclaye. U malolo du rişono Şica du Iraq…

U folitiqoyo Iraqoyo idico qoyumo catiqo Mithal Al Allusi, maglele cali şrorutho da celotho du qetro dkito beyn di şultonutho d’Boğdod udi şultonutho du qlimo d’Kurdistan.  Lfuth u folitiqoyo Al Allusi, u İran lıkobıc dhowelın a Kurdoye haylo b’Kerxeslox, Ninwe u Diyala, bnişo dhuyo i fnithathe geşro dıkmasırle caman athrawotho…

Bu insiyatif du Huyodo Suroyo d’Urifi ESU wi eqartho dı Şmuni u Hurmuz Diril, fris egartho ftıhto la şutose emwothoye, la şultonwotho u lu ray du tboco froso. Bi egarthathe kmişalıt bahro cali sbutho du zawgo d’Diril, u kmıtlıb dmisım buqoro b’jiddiye u dmihaşwi a hayobe u Hurmuz Diril dmiqafe. …

 U mawtbo d’Suriya demoqratoyto d’MSD, sımle qroyto lu Huyodo Caraboyo dşofıc b’surhobo li harake, bnişo dmınfıq mqabıl di tahrazto bceldboboyto dı Turkiya i kabışto.  MSD bu buyono dıfrısle, tlıbleste dmisım şuhlofe ba tarte taşdaryotho da bazare dcal Suriya, bnişo dmımte lu şroyo du kriz folitiqoyo du athro. İ mathlonutho du…

U mawtbo di mdabronutho yothoyto demoqratoyto d’Şigur du garbiyo du Iraq, hule şudoyo dgıdmoyıd hşowo ma more di mşalutho dcalu qtolcamo dhawiwo b’Şigur i şato da 2014. Bu buyono dıfrısle u mawtbo di mdabronutho yothoyto d’Şigur, mawdacle dlıgıdobe mucdo wazolo aftho l’noşo d’gonu u sebyono da Yezidoye. Bi cohnutho du…

U Papa du Vatikan Mor Fransis Qadmoyo, mbayanle i athto qamayto dhuwyo mcadronitho du notarozo gawonoyo di Sunadus. Natali Bekağ dkıtyo Franşoyto, kıtla’ste zedqo dobo u qolayda ba knuşyani da hsayo. İ dawsathe’ste kırumzo, calu mabco dkıtle u Papa dobe athto zıttır li mıştawtıfonutho bu myodo da fusqone bıgawe di…

U İran mşadarle grub mzayno hatho li mditho d’Albukamal dıknıflo bu madınho d’Suriya qariwo ma thume dcamu Iraq. Mxasra hreto, Rusya kmarwıho ucdo i nuqaztayda d’Hmemim bu macırbo d’Suriya, bnişo dımşahılfola l’nuqazto folhoyto stratijikoyto laşana bu qlimo du madınho mescoyo kule ubu garbiyo d’Afriqya.  İmşatasto da zedqe noşoye d’Suriya, mawdacla…

B’Turkiya a citotho da came mşihoye Suryoye, Armınoye u Yawnoye kmılhoyi, kmitahrıwi lıkmınfaqe moro.  A citotho cıl mıd kit fusqono dmisım u duyoqathe kmıshofi u kmisım hjome u haqarat aclaye. Doyçe Welle dkıtyo dafo Almanoyto da tebe frısla tebo dıkgırşo u zuhoro cala citotho dlıkmınfaqe moro b’Turkiya, ubi sbuthathe a…

 A Haylawotho d’Suriya Demoqratoyto, hani 2 yawme kısaymi cuqobe casye cala ğrobe marhıbone d’Dacış bi Hasake ubu qlimo d’Deyr Ezzor. Bi maqırhonutho dıfriso cala cuqobani makıd, dımsıklın hol 30 marhıbone u mahıt ido cala zaynathe u mahrıwi a nuqazyothathe. A Haylawotho d’Suriya Demoqratoyto, frıslın maqırhonutho cala cuqobe dmabdelın ba 2…

İmdabronutho du rişono hatho d’Amerika mawdacla, dgımdawmo bi klayto dmahıtwola i şultonutho catıqto d’Woşington mqabıl d’Turkiya bi sbutho du sistem da soruhe d’S-400.  Bebzabno u rişizgado d’Amerika b’Ankara mırle; Kıtlan sabro du şwolano du sistem d’S-400 dmışre cam Turkiya. U malolo di wazirutho du sutoro d’Amerika John Kirby sımle athmıl…

A wazire di baroyutho d’Almanya, Amerika, Fransa u Britania drışlın du ğamo dıktucni bi sbutho du İran u aydarbo gdımhaydi u qedomathe laf Tehran.  Me gabo hreno u tukoso Emwothoyo du atom u du enerji mawdacle, da mbahnone mqafelın ithbate hathe, du İran kımaşe fulhone ğnize leşan u snoco d’zayne…

Danmark bıthır mıd fsıqla dmawfıqo passport du vaksin, ucdoste mbayanla 10 yawme karanten lu ha dgıcobır lu athro u bebzabno, gıdmıjbır u farsufo dsoyım test di Corona.  Camatheste u Swed, mawraxle u siqumo du mnoco du cboro da bnaymothoye d’Norweç, Danmark u d’Britania lu athro, hol 31 bu yarho d’Odor…

A dayone du bethdino Emwothoyo da hawbe dkıtyo b’Hollanda, ftıhle darbo dmitabde buhone, en a camle d’İsroyel b’Ğazza, b’Dıffa i Macırboyto ubu madınho d’Urışlem kcubri bu taro da hawbe.  Amşale da Fleştoye bıfsihutho mıstaqbelın u fusqonano d’Den Haag, elo a İsarloye krıhlın u mawdaclın, dhano qedomo folitiqoyoyo wu bethdino latle…

Bu zabno dkımdawım u zmomo di masırhonutho dımşalo li bethsawbo d’Boğaziçi, u rişqutno Turkoyo Recep Tayyip Erdoğan masrahle L’11 botaysawbe hrene mdabrone hathe.  Bcayni zabno camgabe dıkımdawmi atagliyotho wa hfuxye mqabıl di sbuthathe, bne tarte fakultat hathe bi bethsawbo d’Boğaziçi. U fusqono d’masrıh mdabrone hathe L’11 botaysawbo fris bi sfaryawmo…

İ mdito Suryoyto d’Barıtle bi daşto d’Ninwe, kull dkothe kmıcjoqo ma surotho da rişone folhoye du İran u dı Alhaşd Alşacbi.  Alhaşd Alşacbi wu İran kmahwe dılo makfele u kboşo da mdinotho rabe du Iraq, kıbciste dımşahılfi i hiyoyutho Suryoyto d’Barıtle.  U şufro di mdito d’Barıtle wi zahyuthayda, kul dkothe…

U tukoso Amerikoyo du Quyomo Emwothoyo, mbayanle 9.7 milyone dolare lu snodo di şultonutho Iraqoyto, leşan dqudro dımtaybo guboye hire u kine.  Bi maqırhonutho dfrısle USAİD mırle; Xıd remzo du snodo lu maşıqlo demoqratoyo du Iraq, Amerika gıdmqadmo i mcadronuthathe l’UNAMİ leşan dmitıstacmıli lu tuyobo da guboye du athro. Lfuth…

U tukoso Emwothoyo di Yortutho-UNESCO, mabdele tarmitho du bnoyo u du hethotho di şawtho catıqto d’Mawsal.  Megabo hreno kmitawdıc, di madraşto dilonoyto d’Şamcun Alsafa di cito Kaldoyto d’Bobel b’Mawsal, kluqyo ucdo qento du shofo du benyonayda u tahtoyo. Bıthır mıd şafıc 3 eşne calu huroro d’Mawsal ma ğrobe marhıbone d’Dacış,…

Amerika u Fransa sımlın qroyto dmitagle b’surhobo cali netiçe da buqore dsimi bi sbutho da celotho du furqoco du lmino d’Beyrut dıqtılwo ebe zıd me 200 farsufe. Bebzabno, Amerika u Fransa bu buyono mşawtfo dfrıslın, makadlın dıklozım i kinutho dfayto la haye dlo mudaxala ma rişone folitiqoye. Bi cohnutho dşafıc…

Pentagon mawdacla dıgdırşo me hatho a fulhone wi aykanoyutho da haylawotho Amerikoye dkıtne bathrawotho frişe dı britho.  Cali sbuthathe, u waziro du sutoro Lloyd Austin mırle; Klozım dmiakdina dkıtlan haylo makfiyono ba dukotho dıklozım kulle.  İmdabronutho d’Waşington adyawma naqla hreto mahkela cali aykanoyutho da haylawotho Amerikoye bı britho, dilonoyith a’fusqone…

 U gabo d’Altayyar Alsadri du Iraq, mawdacle dhul 40 bote u arcotho kbişe du camaydan u da Sabiaa Mandoye, madcıri la morathe.  Altayyar Alsadri dkıtyo gabo da Maşılmone Şica du Iraq dqadır d’soyım u mede dılo qadiro i şultonutho dsaymole holucdo, sbutho dıkgurşo u zuhoroyo.  U hadomo bi mdabronutho du…

A hayle di mşaynutho d’Lebnon, mqafelen i şlado du gelyunoro u mbahnono Luqman Salim bi radoytayde. U gelyunoro Salim, saqıbloyo du tukoso d’Hizballahwe. Athmıl b’safrayto mvayacwo u gelyunoro u mbahnono Luqman Salim, bu zabno di socurutho dıgsamwo lu hawrayde bu taymno d’Lebnon. Bıthır mıd i iqarthayde mnasela dmıtyole u dılo…

A mşawrone du rişono d’Amerika u du rişqutno d’Turkiya, hawilın droşe camhıdode bu telefon cali aykanoyutho d’Qarabax, d’Suriya u d’Afğanistan.  Bebzabno cali sbutho d’Qarabax, tıre ma hadome di kongre d’Amerika tlıblın me Joe Biden, dlo foyış şalyo mqabıl da gunhe uda hawbe dsımla Azerbaijan u Turkiya cala mdinoye du qlimo.…

A mawtbe du kanton d’Qamışli du qlimo di Gozarto d’Bethnahrin d’Suriya, mawdaclın da bcelıdbobe di Mdabronutho yothoyto kımnasın bu darbo da swikaste dmohın darbo li tarmitho demoqratoyto da came.  Ba buyone dıfrıslın a mawtbe du kanton d’Qamışli, b’qaşyutho krıhlın u swikast du rişono zawgoyo du mawtbo gawoyo d’Albasira b’Deyr Ezzor…

Bıthır me İsland u Danmark, ucdo u athro du Swedste kdorış amkone du tuyobo d’passaport du vaksin di Corona, bnişo dmitahwe aftho dmınfıq lğer athrawotho.  İ wazırto du kenşo Lena Hallengren mawdacla, du Swedste kobıc mucdo lıkmo yarhe dımtayıb passaport di Corona. U passaport dıfsıqla Danmark dımtaybole, kobe aftho lu…

Bu buyono dıfrısle u Mawtbo Umthoyo d’Bethnahrin-MUB komır „ u ağuno di hirutho dkobinale mu yawmo qadmoyo bu snodo maddi u macnawi du camaydan fayış cali rağlo, u mhalaxle la nişe dmahıtle bqamuthe u yaruw. MUB bu buyonayde kımqadım tawdyotho lu bınyonayde u mtakso, la hadomeyde, la noqufeyde u lu…

Mşalo mu Gabo du Huyodo Suryoyo d’Suriya d’GHS, mawdacle du rejim dı Turkiya dkımrayşanle Erdoğan, kmıhşu u mawthrono rabo dkulle mi tahrazto bceldboboyto dkıtla Darmsuq ba tarte mdinotho di Hasake u d’Qamışli.  U hadomo di sictho mdabronitho d’GHS Robel Bahho, bi maqırhonutho dhule lu tboco froso, thımle atre rejime d’Suriya…

İ mdabronutho hathto d’Amerika mawdacla dgıdfılho m’hatho, laşan dmiqafe şroyo folitiqoyo lu kriz d’Suriya.  Bebzabno, i mdabronutho d’Joe Biden mawdacla dgımdawmo u hboso momunoyo calu rejim d’Suriya hul dmıştawtıf b’şıkıl jıddi la bazare du şroyo folitiqoyo dkıtne mbayne lfuth a’fusqone d’Emwotho Mhaydotho.  U malolo di wazirutho di baroyutho d’Amerika Nid…

U tukoso Emwothoyo du Ğamo dcala Mşihoye-İCC, frısle u taşrorayde du yarho d’Konun u haroyo dşafıcina, cali aykanoyutho harayto di daşto d’Ninve.  Bu taşrorano, griş u zuhoro cali sbutho di mşaynutho d’Ninve, a qente wa gzome dkito cala Mşihoye, isbutho di socurutho du Papa lu Iraq uğer. Fris u taşroro…

U rişqutno Turkoyo mawdacle, du gabayde d’AKP wu gabo bnayqyomayde d’MHP kit cal qariwo dmabdın fulhone, dımqadmi nomuso esonoyo hatho lu athro.  U nomuso esonoyo d’Turkiya lo şafıc acle heş arbac eşne, u Erdoğan kobıc dımşakıl ha hatho. Bi sbuthatheste kmitawdıc, du rişqutno kobıc belhude dmaqwe u haylayde zıttır b’Turkiya.…

Walaw dhowın a şartat du hulmono casqe, elo naqla hreto i qadişutho du Papa du Vatikan Mor Fransis Qadmoyo, b’sebyono kamiloyo dsoyım socurutho lu  Iraq bu şuroyo du yarho d’Odor dıbqamuthayna.  Mor Fransis bi maqırhonutho dhule, mawdacle d’ulsoyoyo da Mşihoye du Iraq dhozın u Papa ksoyım socurutho lu athrathe.  I…

İ wazirutho di baroyutho d’Amerika, bı qaşyutho krıhla ahjome dsimi bu garbay madınho d’Suriya. Ba hjomani dsimi b’Cızaz, al Bab u b’Afrin mawdıc dqtılwo hol 20 farsufe; beynothaye tloye.  Bi maqırhonuthathe Amerika mawdacla u ğamayda, cala hjomani dzayidi ba yarhe haroyani bu garbay madınho d’Suriya. Bi mawdconutho dıfrısla athmıl i…

U qoyumo catiqo du camaydan bu parlamento du Iraq Josef Sliwa, mawdacle di Maşılmonutho tuhmonoyto kımdawmo dmafito la haye i tahrazto du tewfiqo du mede dfayış mu camaydan bu athro du Iraq. Sliwa bi maqırhonutho dhule lu tboco froso kımşayel, qay kmıhjım cala dukane du alkohul, elo i şuqo di…

İ gudo di orkestra d’Kenara di musiqi du camaydan, simla i hfituthayda i qamayto bi mditho Suryoyto d’Bağdede di daşto d’Ninwe. İ gudo di orkestra d’kenara i qamayto dkulle dıkmişatso bi hiğmonutho d’Ninwe bu garbiyo du Iraq.  İmditho Suryoyto d’Bağdede di daşto d’Ninwe, hawyo sohudto cali gudo di orkestra di…

Anathrawotho Caraboye du Xalij, maglelın cali ulsoyutho da n’esoraththe camu Iraq, u makadlın ste di mşaynutho du athrano ulsoytoyo laşan du Xalij.  İ klaytathe athyo luhwoyo bi ytawto dhawile u notarrozo gawonoyo du mawtbo di methcadronutho du Xalij camu waziro di baroyutho du Iraq. U notarrozo gawonoyo du mawtbo di…

Bill Geyts dkıtyo ha ma mşatsone di şırke tibeloyto d’Maycrosoft, hule funoyo lu thomayde dkıtle sawco bu nfoqo du virus d’Corona la haye. Geyts bi maqırhonutho dhule, mawdacle dıklozım 70 hul 80% ma bnaymothoye dıbritho dmaydi u vaxin, bnişo dmitakle u bırbozo du kewo d’Covid-19. Bill Geyts dkıtyo ha ma…

U rişono d’Rusya Vlademir Putin mdele u fusqono dmitawrıx u qyomo du tenqiso da zayne hathe stratejikoye awkith u qyomo du nukleer.  U zabno du qyomo dkıtyo beyn Amerika u Rusya mawrıxo 5 ışne hrene. U rişono Rusoyo Putin mdele u fusqono du tewrixo du qyomo dı Start huli suqimo…

U rişonitho du gabo tuhmonoyo d’Fransa-u Gbino Athronoyo Marine Le Pen m’akadla dgımraşho ruha la guboye di rişonutho dıkmıntır dmisomi 22 bu yarho d’Nison da 2022.  U rişqutno Emmanuel Macron, heş lo mawdacle en gıdmraşıh ruhe aw lo. Elo u mede dıkgorış u zuhoro, lfuth u istatıstik dsim d’Le Pen…

U Tukoso Emwothoyo du Sutoro dcala Mşihoye, ksoyım qroyto la mşale Turkoye, baroyo dmaqimi a idicat lo şarire dıkmıthım ebeye u dayroyo Aho Bilecen. A melani du mşalo du tuko Mşihoyo d’İDC Toufic Baaklinine.  İDC frısle i egarthathe bi dafayde du nawlo u krıhle a thomani d’Turkiya mqabıl du dayroyo…

Bu zabno da ğrobe marhıbone d’Dacış kbışwolın d’Mawsal, huwolın husrono rabo li mdito. Walaw u qrobo tayım u dmabdın a fulhone du bnoyo u du hethotho d’dukotho d’Mawsal, i şawtho catıqto di mditathe heş shifothoyo.  Calathe a more da bote u dan arcothaniste, kımnasın dmalizi leşan dımzabni a mulkonathe b’timo…

Tukoso da zedqe noşoye bu garbyo d’Suriya, frısle taşroro cala farsufe dıhtifi ba 2020 ma marhıbone noqufe d’Turkiya bı dukotho frişe du garbyo u du madınho d’Suriya.  Me gabo hreno, u mşalo du Komisyon d’Emwotho Mhaydotho mqabıl di marhıbonutho mawdacle, dhol 27 alfo tloye da marhıbone d’Dacış dkıtne bi maşritho…

U Huyodo d’Urifi mahwele i thnihuthayde calu tedciro d’hamşo folhe yasire d’Armenia mu athro d’Azerbaijan. Bebzabno Urifi, tlıblaste dmitadcıri a 57 Armınoye hrene dkıtne ba hbuşye d’Azerbaijan.  Me gabo hreno, da fulhone du kroxo dcala şlade dan Armınoye dıqtiliwo bu qrobo d’Qarabax, kımdawım. Athmıl mqafe 15 şlade hrene wu lfuth…

 32 gabe u şutose du camaydan u Kaldoyo-Suryoyo-Othuroyo me athrawotho frişe dı britho, mdelın egartho mşawtafto la wazirwotho di kinutho u di gawoyutho d’Turkiya, bi sbutho di ctidutho di iqartho d’Diril, dımvayciwo bu yarho d’Konun u haroyo da 2020 b’Şırnak.  İ egarthathe dımtaybo bu inistativ di hfıto Juliana Taimoorazy, mıdyoste…

U tukoso tuhmonoyo qaşyo d’Turkiya a Bozkurt, gıdfotıh madraşto la tloye bu qlimo d’Nagorno Qarabax dkıtyo b’Azerbaijan.  Lfuth u tebo dıfrısle u Tukoso dıktocın Ğamo cala Mşihoye, u rişqutno Turkoyo u bar’amnayde d’Azerbaijan mıttafqi calu bnoyo di madraştathe da Bozkurt bi mdito d’Şuşa wu ramhıl, gıdmşar u bnoyayda.  U tukoso…

U bethdino du dayroyo d’Aho Bilecen kımdawım, u kmidawım dmıthım dımcadarle tukoso marhıbono.  I dacwa athayto du dayroyo, mbayın dımşawhıro lu yarho d’Nison. Ba cuqobe dsımiwo bu siqumo d’9 Konun u haroyo da 2020 ma hayle di mşaynutho d’Turkiya cala bote da qıryawotho Suryoye du Turo d’İzlo u dayroyo di…

U tbocofroso d’İtalya kımşalıt bahro cali socurutho dgıdsamla i qadişutho du papa Mor Fransis Qadmoyo lu athro du Iraq, dilonoyith li mditho Suryoyto d’Bağdede di daşto d’Ninwe.  İ sferyawmo d’Roma Ripoters, bu taşroro dıfrısla mawdacla di socurutho dgıdsamla u papa l’Bağdede, kmadilo du camo Kaldoyo-Suryoyo-Othuroyo b’sebyono kamiloyo dımdawım dfoyış bu…

‘İ mdabronutho hathto du rişono Amerikoyo Joe Biden, gıdmdawmo u snodayda la Haylawotho d’Suriya Demoqratoyto’. İ mawdconuthathe, di wazirutho di baroyutho d’Amerikayo.  U malolo di wazirutho mırle; İ mdabronutho d’Biden, gıdmdawmo i methcadronuthayda cama hayle d’QASAD bu ağuno dıkmitahwe mqabıl da ğrobe marhıbone d’Dacış b’Suriya. Lfuth i maqırhonutho dhuwle u…

Msik kmo farsufe dıkmıthomi, dıktucni i mşalutho da tre furqoce qtolnafşoye dsimiwo meqım şabtho bi arişkoyto du Iraq Boğdod.  Bebzabno mawdıc, da hayle di mşaynutho du Iraq kımdawmi a cuqobathe cal d’Dacış u qtilın 10 marhıbone b’Kerxeslox u msik tlotho hrene b’Diyala. Me gabo hreno, a hayle Iraqoye maqşelın u…

İ cito Armınoyto d’Surp Toros dkıtyo bi mditho d’Kutahya d’Turkiya, bıthır mıd şafico xıd mulk dilonoyo d’farsufo, shifo kulonoyith. Bı dıkthe di cito, kito ucdo belhude wahdo xalyo.  Cali sbuthathe u qoyumo Armınoyo d’HDP d’Omid Garo Paylan mqadamle rmoyto d’şwolo lu waziro di mardutho udu turizm d’Turkiya Mehmet Nuri Ersoy. …

U gabo du huyodo Suryoyo d’Suriya d’GHS, hule funoyo li egartho dımşadarlale i sictho qonunoyto du lqoyo athronoyo demoqratoyo d’Suriya bi sbutho di hzayto dkıtle calu maşıqlo folitiqoyo u demoqratoyo hatho d’Suriya. GHS bi egartho dımşadrole, rızle menyono d’sebwotho dkıtne bi hzaytayde ulsoye laşan u dactid d’Suriya, baynothaye dmitıctarıf bi…

Amerika fsıqla dıdırşo me hatho u fusqono du groşo da haylawothayda mu athro du Iraq u d’Afğanistan.  Lfuth i sferyawmo d’Wol Street Jornal, Amerika kıbco dımbayno u strateji folhoyo hatho dkıtla bu Iraq u b’Afğanistan.  İ sferyawmo Amerikoyto d’Wol Street Jornal, bi mawdconutho dmatila adyawma mhın mabuce du Pentagon, maglela…

İ rişonitho du gabo demoqratoyo da came di HDP Pervin Buldan, mawdacla di şultonutho d’Erdoğan kfılho laşan dmıfloğo i saqıbloyutho mıhdode, ukmazico abnaymothoye laşan dmıfloği ma gabe saqıbloye, elo cılmathe Buldan mawdacla du koalisyon di şultonutho d’APK lıgıdmakışıro ba guboye gawonoye dıbqamuthayna.  Bebzabno, Buldan mawdacla du gabo di HDP hadiroyo…

 Bıthır mdıhçim cal tlotho barmothoye Rusoye bi mditho d’Stanbul, rişono d’gabo saqıbloyo d’Rusya sımle qroyto la barmothoye du athrayde dlıhızqi l’Turkiya cal dkıtyo u athro rabo dkulle di hile u dlayto ebe tuxlono. U rişono du gabo liberaloyo demoqratoyo d’Rusya Fladimer Jerenofiski, bıthır mu hçomo dsim cal barmothoye Rusoye b’Stanbul,…

Cıl mdıkmimıd tedbire casye di mşaynutho, elo naqla hreto a suikaste du qatlo da hfite u nahire Iraqoye kımdawmi b’ğalabe mdinotho du athro.  Cali sbuthathe, u rişwazire du Iraq Mustafa Alkazimi mawdacle di marıhbonutho kıbco dıtarqılo a’guboye gawonoye dıbqamuthayna.  Mabuce gawoye du Iraq bi maqırhonutho dhulın lu froshezwo d’Alcarabiya, mawdaclın…

Sim flim dokumenter cali dayroyto Warde dfayişo i Suryoyto ihidoyto bi qritho d’Zaz.  Bu flimano kmahwe i şaxsiye qwitho wi klayto bfusqono kamilo dkıtla i dayroyto dhawyo noturto di qritho u di cito.  İ dayroyto d’Zaz dayroyto Warde hawyo sbutho lu dokumenter dışme ”die Wächterin” awkith ”i noturto”. I mdabronitho…

Farsufe di hiyoyuthathe latyo idecto cabiri la bethqbure di Cito Suryoyto Ortodoksoyto d’Adıyaman d’Turkiya u mahrawe 9 qabre u twıre a kefe da qabre. U hasyo di marcitho d’Adıyaman u hedora Mor  Ğriğoryos Melki Ürek bi maqırhonutho dhule lu tboco froso mırle ”meqım 2 yawme hın farsufe cabiri la bethqburayda…

U mraşho dli wazirutho di baroyutho d’Amerika Antony Blinken mkararle u şudoyo dhuwole Joe Biden bi sbutho du droşo leşan i mawdyonutho bu qtolğenso dan Armınoye.  Bu mamlo dsımle Blinken mawdacle, di şultonutho hathto gıdorşo i sbuthathe du qtolğenso cami kongre u gıdmitawdıco i netije 24 bu yarho d’Nison dıbqamuthayna.…

A 2 gabe Fleştoye d’Fatah u d’Hamas, mıttafqi dımşakli koalisyon meqım ma guboye dgımisomi bu yarho d’İyor dıbqamuthayna.  A guboyani, gıdhoweın a guboye qamoye da Fleştoye bıthır 15 eşne. U rişono du gabo Fleştoyo d’Fatah-Mahmud Abbas wu rişono d’Hamas İsmael Haniyeh kımahwe dımqarawlın lhıdode, bnişo dımbayni lohitho mşawtafto dıkmıntır dhuwyo…

U waqıf di dayro d’Mor Gabriel bi maqırhonutho dıfrısle, mawdacle du bethdino d’Turkiya hule fusqono, da dayre u citotho gıdmitahwın lu waqıf di dayro d’Mor Gabriel.  İ sbuthathe nafiqowa li holo, bıthır mıd u waqıf d’Mor Malke dımşataswo tlıbwole dhın ma dayre, citotho u mulkone dkıtne bu turo d’İzlo u…

Menyono ma rişone da citotho du camaydan u farsufe idice bu haqlo tawdithoyo u folitiqoyo, mqadamlın tahınyotho l’Joe Biden dmasrıh rişono hatho d’Amerika, u tlıballe kuşore bi wolithayde i hathto.  Bi egartho dımşadro l’Biden, kmıtlıb’ste mene dfolıh leşan dmitaxifo i casqutho noşoyto u momunoyto du camo d’Suriya, dilonoyith bu maşıqlano…

U Mawtbo Gawonoyo d’Emwotho Mhaydotho maqbele i rmoyto dımqadmo, leşan dmınfıq mqabıl di tuhmonoyutho qşitho u dmihafıd cala dukotho tawdithoye bnişo dhowe tolerans mqabıl da tawdithoyo kulle.  İ rmoytathe’ste mqadmo mi Scudiye cal ışme d’mınyono d’athrawotho frişe; beynothaye Mağreb, Mısır, Iraq, Kuwait uğer. Bu knuşyo dsımlın athmıl a hadome du…

Uqyomo leşan u mnoco du snoco da zayne nukleer, şafıc la haye. U qyomano dıkmifaşıq u qamoyo, mde tahte me 51 athrawotho dbritho. Elo lo ha man athrawothani’ste, kıtle zayne nukleer.  Camathe’ste Almanya dlatla zayne nukleer elo dıksaymo baytoyutho lhın ma soruhe nukleer d’Amerika, lo medela tahte du qyomano. U…

Bu qlimo di Gozarto d’Bethnahrin d’Suriya, simo i camaliye qamayto du şuhlofo da waride du lebo.  İ camaliyaththe simo me grub dilonoyo da osye, bi bethkrihe di cayno udu lebo dsim u futohayda bi mditho d’Qamışli.  İ sictho du hulmono di Mdabronutho yothoyto du garbiyo udu madınho d’Suriya, hani kmo…

U mşawrono rişoyo du Tukoso du Sutoro dcala Mşihoye Richard Ghazal dkıtyo man abne du camaydan, mıştawtafle l’tahrazto du frosqolo b’Amerika.  Bu mamlo dsımle Ghazal bi tahraztathe, mahkele cali aykanoyutho da Mşihoye u dilonoyith du camaydan bu Madınho Mescoyo u grışle u zuhoro calu qtolğenso hatho dıkmaşyo Turkiya calu camaydan,…

İ wazirutho di baroyutho d’Amerika mawdacla, dımdelın qyomo cam Turkiya leşan u hefodo da dukotho marduthoye catiqe.  Mawdıc du rişizgado d’Amerika b’Turkiya wu waziro di mardutho udu turizm d’Turkiya, mıttafqi dmisım u sutoro di yortutho bnişo dmitaklıyo i tagorutho lo qounoyto da dukotho catiqotho d’Turkiya. Bi maqırhonutho dfrısla i wazirutho…

A Haylawotho d’Suriya Demoqratoyto, ba cuqobe du duyoqo dsımlın bi qritho d’Almalikiya hedor di qastra d’Cayn Cisa, mqafelın zayne, buğre u şlade da marhıbone d’Turkiya. Me gabo hreno, u rişono du mawtbo di caşırto d’Aljabbur bu qlimo di Gozarto d’Suriya Fawwaz Alzawbac, mawdacle da swikaste dıkmisomi cala rişone da caşıryotho…

Mhalıq foqucotho di ido cal hıdo ma citotho catiqe du Swed.  Bu hçomano dsim cali cito d’Spånga, hiw ışmo husrono li cito elo noşo lo mçarıh. Sim hçomo b’3 foqucotho d’molotovcocktail cali cito d’Spånga dkıtyo qarıwto l’Tensta u Rinkeby dıkmidoci karxwotho dkowe ğalabe cnufyo ebeye ma Maşılmone tuhmonoye. Bu hçomano…

 U Huyodo da Neşe d’Bethnahrin, frısle buyono calu fusqono hatho dmıdwole u Papa du Vatikan Mor Francis qadmoyo ba yawmotho dşafcina bi sbutho da qonune di cito. Bu fusqonano huwo aftho la neşe, da citotho Qatholiqoyotho dmitasırhi şamışyotho b’darğo d’qoruyo u aşidyaqon. Bu buyonano HNB, kımqadım tahınyotho la neşe di…

İ qoyumto d’HDP Tülay Hatimoğulları mqadamla rmoyto dı şwolo lu waziro di mardutho udu Turizm d’Turkiya Mehmet Nuri Ersoy bhaq da citotho dıkmitahti lu zbono.  Bi rmoyto kmıtlıb dmitahıt tedbire u dmisım fulhone leşan dmınfıq moro la citotho u dayre u dmıkle qamuthı du zebono da citotho me farsufe dilonoye.…

İmdabronutho gawonoyto du yulfono Suryoyo bu Iraq, tlıbla dmibayın malfone hathe lu tewlifo du leşono Suryoyo bi bethsawbo d’Bağdede di daşto d’Ninwe.  U talabano athi luhwoyo bi ytawto dhawile u rişono di mdabronutho gawonoyto du yulfono Suryoyo Cimad Jajjo, camu rişono di bethsawbo da leşono d’Boğdod Muwaffaq Jawad.  U rişono…

Athmıl dkıtwe u yawmo şatonoyo dan 14 eşne du qatlo du gelyunoro Armınoyo Hrant Dinkwe, dıqtılwo ftiho bi şuqo ba şoce d’falge d’yawmo.  U zawho du duxrono şatonoyo du qatlo d’Dink, mtayıb bu darbo du nawlo mi celtho du virus di Corona wu gabo Demoqratoyo da Came mathkarle u ağono…

Ba mowat d’camo baynothaye haylawotho di mşaynutho gawoyto u şutose mdinoye, kfixi cali cito d’Mor Jırjıs bi mditho dı Derik bu athro d’Suriya, u mqadamlın a’buyoyaththe la haylawotho du sutoro di athto u li iqartho di sohıdto Caştar Alarya Yacqub.  İ cito Kaldoyto d’Mor Jırjıs di mditho dı Derik bu…

U rişono di marcitho d’Mawsal, d’Kerxıslox udu qlimo d’Kurdistan di cito Suryoyto Ortodoksoyto hasyo Mor Niqodimos Dawud Matti Şaraf, mıstaqbele bu benyono di hasyuthyade bi mditho d’Caynkawa, u izgado Amerikoyo b’Arbil Rob Woler.  Hasyo Mor Niqodimos wu izgado Amerikoyo Woler bi ytawto dhawilın bi mditho d’Caynkawa, drışlın i aykanoyutho du…

B’Turkiya i yurtutho da came mşihoye lıkmınfaqla moro u kmitahıt ido acla.  Cito Armınoyto dkıtyo bi mditho d’Bursa d’Turkiya mahto lu zebono, wu qoyumo d’HDP Garo Paylan mahwele hfuxyo lu medano.  U qoyumo d’Omid du Gabo Demoqratoyo da Came HDP Garo Paylan mahwele hfuxyo cali sbutho d’Cito Armınoyto bi mditho…

İ Mtakasto da Neşe d’Bethnahrin bu Iraq kımdawmo ba tarmyotho du teqwiye da neşe  İ Mtakasto da Neşe d’Bethnahrin bu Iraq kımdawmo ba fulhone uba tarmyotho du teqwiye da neşe du cameydan.  İ Mtakasto ba yawmotho d’şaficina dhula 25 neşe yulfono di mcadronutho qamayto dlu barnoşo xıd kewe da yuqdone,…

I cito Suryoyto Orthodoksoyto bi marcitho d’Rheinland-Pfalz d’Almanya hawyo, u guşmo trayono ruşmoyo b’Almanya.  Bi harayto di şato dşafıcina i şultonutho d’Hessen m’akadwola, di cito Suryoyto maqıblo xıd şutoso ruşmoyo bi marcitho d’Nordrhein-Westfalen. İ cito Suryoyto Orthodoksoyto d’Anioxiya b’Almanya, matila tebo hreno mafsıhono-hanaqla mi şultonutho di marcitho d’Rheinland-Pfalz. Bu tebano…

İ cleymtho Dalale Nitro dkıtwa mvayacto mu yarho dı Hzirın dşafıcina mqafyo u daciro lu baytayda.  Mawdıc i Dalale msikowa mu istixbarat ğnizo d’Turkiya u MİT,  msikowa bdıktho la idıcto, bıthır mıdımşayıl acla tıryo hırto u daciro lu baytayda. Bi maqırhonutho dfriso mu grub dkomır ruhe a Mawtbe du camo…

Bebzabno u Huyodo da Neşe d’Bethnahrin-HNB frısle buyono bi cohnutho di Sohdtho qamayto du Mawtbo di Athto.  Bu buyonano HNB mahkele calu dawro dhawila i athto bu makthabzabno bu haqlo folhoyo u folitiqoyo i dawse dımhalqo ba 2015 bi mşatsonutho da Haylawotho du Sutoro da Neşe d’Bethnahrin. Bu şuroyo du…

Bhaq di dacwa du qoyumo Suryoyo Tuma Çelik u sniğrayde Şehmus Aslan mawdacle, kito ğalabe ithbate dıkmahwın Çelik lo sımle hawbo.  Bcayni zabno u sniğro Aslan mawdacleste u siqumo du bethdino qadmoyo d’Tuma Çelik. Bi maqırhonutho dmıdlan me Şehmus Aslan dkıtyo u sniğro du qoyumo Suryoyo Tuma Çelik mırle; Bıthır…

U gabo d’AKP ba 10 ışne haroyani, mazıdle u mınyono da pwelıs, da noture u mşakele fırce hathe leşan du teqwiyo da hayle folhoye.  Bcayni zabno AKP mazıdleste a salahiyat dkıtlın a hayle di mşaynutho u du şutoso du istixbarat du MİT. B’Turkiya ba 10 ışne haroyani u mınyono da…

Cito hreto catıqto dan Armınoye b’Turkiya, hzela husrono rabo ma Turkoye dıkmaşın fulhone lo qonunoye, leşan dımqafın athare catiqe bi citathe.  Elo bıthır mıd hın Turkoye mbaşelın basro bi citathe dkıtyo bi qritho d’Germuş b’Urhoy, mahwe hfuxyo qaşyo ma comure u tlib me Ankara, dımhathıtho i citathe. A citotho catiqotho…

İ şultonutho d’Athena, kubco du Huyodo d’Urifi dsoyım hboso cal Turkiya, leşan Ankara dmaydo a galwoye dkıtne ba maşıryotho du Yawnan.  Mawdıc du Yawnan mşadarle egartho lu Huyodo d’Urifi u tlıble mene, dmafıt u qyomo da 2016 la haye, bnişo dımakıd d’Turkiya dmadcıro hol 1.500 galwoye dırfid u talab di…

U gayso d’Lebnon frısle a haylayde bi qastra d’Altufayl dıknuflo calu thumo d’Suriya.  U gayso Lebnonoyo mşatasleste nuqazto bıgawe di qastrathe, xıd funoyo lu talab da comure dcayşi casqutho di mşaynutho ba tarte şabe haroye dşaficina.  İ sfaryawmo d’Alşarq Alawsat, bu tebo dıfrısla mawdacwola, dhawiwo şğuşyo di mşaynutho bi qastra…

İ şultonutho du Iraq mıdla tedbire leşan dmisım u sutoro da şutose diplomatiqoye dkıtne bıgawe di fnitho yarıqto bi arişkoyto d’Boğdod.  Me gabo hreno, atloth rişonwotho du Iraq wi mathlonutho d’Emwotho Mhaydotho, makadlın u snodathe la guboye gawonoye dıkmıntır dmisomi bu yarho d’Hziron dıbqamuthayna.  U malolo di şultonutho du Iraq…

Farsufo mu camaydan dımgalwewole mu Iraq lu athro d’Australya, mnaqe ucdo hadomo bi mdabronutho du mawtbo di galwoyutho d’Australya. Josef Yuhanna dkıtyo farsufo mu camaydan u Kaldoyo-Suryoyo-Othuroyo dımgalwele l’Australya, bi maqırhonutho difrısle lu tboco froso mawdacle, dımnaqe ruşmoyith hadomo bi mdabronutho du Mawtbo di galwoyutho d’Australya. Yuhanna bi maqırhonuthayde mahwele…

Tıre milyone ma 83 bnaynoşo dıkhoyın b’Almanya kıte u virus di Corona wu mınyono da mitheste mati l’45 alfo bnaynoşo. Cali aykanoyuthatheste, kubco ucdo i rişathwazire Angela Merkel dmaqşıyo a tedbire dmahti.  Megabo hreno, athrawotho frişeste mabdelın u maşıqlo du isticmal da vaksine hathe dısnici, bnişo dmıkle qum du virusano…

I qoyumto du gabo d’HDP di mditho di Adane Tülay Hatimoğulları  mqadamla rmoyto dı şwolo lu waziro di Kinutho d’Turkiya bi sbutho dmiqafe Hurmüz Diril.  Me gabo hreno fris video bı 12 leşone frişe dıktolıb dmiqafe Hırmiz Diril u ktolıb kinutho l’Şmuni Diril.  Qoyumto Tülay Hatipoğulları dkıtyo bcayni zabno i…

U rişono di mtakasto emwothoyto di awyutho Mşihoyto John İpner, mawdacle du qrobo dhawi bu qlimo d’Nagorno Qarabax, dewam du qtolğenso dsımwo bhaq da n’Armınoye i şato da na’1915 yo.  İpner bi maqırhonutho dhule lu tboco froso d’Amerika, mawdacle du qtolcamo d’Qarabax lımhele bi cayno d’noşo, mi celtho di qale…

‘Turkiya hadırtoyo ucdo dımcadlo a esorayda camu Huyodo d’Urifi, u ahnaste knutrina ma hawronaydan a Urifoye, dmahwın cayni niye tawto’ a melani du rişqutno d’Turkiya Recep Tayip Erdoğan’ne.  Bu knuşyo dhawile Erdoğan bu darbo du video cama rişayizgade Urifoye dkıtne b’Turkiya b’ton rakixo mawdacle, dkubci dımhafdi cala esorathe dcam Fransa.…

İ qoyumto dmeqım bu parlamento d’Austurya folitiqoyto Perivan Aslan, makadla du ğoşuşo Turkoyo dkıtle ğensoyutho İtaloyto Fayyad Özturk mıctarafwole dathiwole amro ma istixbarat du Mit dı Turkiya, dsoyım cali folitiqoyto Aslan suikast du qatlo u acmaste folitiqoye hrene b’Austurya.  İ maqırhonuthathe d’Aslan athyo luhwoyo bu zabno dmawdacla i şultonutho d’Viyana…

İ wazirutho Iraqoyto dıkhayro calu plan u cala tahrazyotho, mawdacla du mınyono da bnaymothoye du athro, şafıc an 40 milyone bi şato da 2020.  Megabo hreno, bıthır mıd şafıc yawmo cala taxtuşe qaşye dhawın beyn da mtaglıyone Iraqoye u da hayle di mşyanutho, hol darğo daciro i şalyutho b’Nasiriya dkıtyo…

‘A ğrobe marhıbone d’Dacış, bdelın naqla hreto dmaydi haylo bu Iraq u bı Suriya’ a melani di wazırto dcala hayle folhoye d’Fransa Florence Parly’ne.  I mawdconuthathe hiwola i wazırto Franşoyto, bu zabno di maqıblonutho dsimo acma b’tahrazto dsimo bu frosqolo du athro. Bu funoyo dhuwla i wazırto dcala folhe Franşoye…

Me gabo hreno, bu zabno da ğrobe marhıbone d’Dacış maqşelın ahjomathe cali mditho d’Raqqa, a hayle kaboşe d’Turkiya wa marhıbonathe kımdawmi a cuqobathe cal Cayn Cisa.  Bebzabno i Mşatasto da zedqe noşoye d’Suriya mawdacla, da marhıbone d’Dacış qtilın hamşo folhe du rejim u tlotho ma hayle dıksundile, bu hjomo dsim…

İ şultonutho d’Lebnon fsıqla dmahto u athro baykanoyutho şnızto, bnişo dmaklıyo u virus di Corona dmibarbız zıttır bu athro.  Mxasra hreto, i nuqazto du hulmono d’Yuldath Aloho b’Beyrut kımdawmo dımcadro a faqire wa sniqoye dhzelın husrono mu kriz momunoyo d’Lebnon, u mcal fothe du furqoco rabo dhawiwo b’Beyrut bu yraho…

U rişono d’Rusya Vlademir Putin, hawile ytawto cama rişone d’Azerbaijan u d’Armenia. Hathe i ytawto qamayto dsimo beynothaye, bıthır mu qrobo dhawi bu qlimo d’Nagorno Qarabax.  U nişo du knuşyano’ste, dminase dmışrın a qetre dkibın dhowın qento dhorıw u qyomo dsımwo leşan dmitaklın a taxtuşe beyn Azerbaijan u Armenia’yo. U…

U Blok du gabo Nomusoyo Hiro d’Tunıs dıkmirayşın me Abeer Moussa, mabdele kampanya da imdat mqabıl du rişono du parlamento du athro.  U nişo di kampanyathe da imdat, leşan dmiqadım rmoyto dmimodo i hasinutho d’Raşid Ğannouçi dkıtyo bebzabno u rişono du zawho d’Ennahda da Ahunone Maşılmone b’Tunıs. İ hfıto Abeer…

Grub d’qoyume Kurdoye bu parlamento du Iraq, mşataslın koalisyon hatho bu ışmo; U sabro d’Kurdistan.  U koalisyonano gıdfolıh leşan dmitarsi a fawde wa bsirwotho dkıtwo me meqım u dıtfıklın a bnaymothoye du qlimo d’Kurdistan l’kafno.  Grub dıkmişakıl m’15 qoyume Kurdoye şarye u qoyume hrene dkıtne hadome ba gabe u koalisyone…

U mawtbo celoyo di mudafaca d’Lebnon, bu knuşyo şnizo dsımle adyawma, drışle i aykanoyutho du hulmono uda botaykrihe d’Lebnon, bu taro di qaşyutho du kewo du virus d’Corona.  Lfuth i wazirutho du hulmono d’Lebnon, u menyono da farsufe dmayithi bu virus d’Corona mati l’hedor d’1600 farsufe.  Cali qroyto dsımwole u…

İ mşatasto d’Suriya da zedqe noşoye, mıthabatla hul 100 dyoşe bhaq da hfite uda gelyunore, u zıd m’15 nesyune u hjome du qatlo dhawın ba fenyotho d’Suriya i şato da 2020.  Lfuth i mşatasto d’Suriya, a gunhe du qatlo wa dyoşani bu zyudo dkulle simi ba fenyotho dkıtne bi morutho…

Bı Afriqya i Tayımnoyto mşare b’kampanya leşan di hirutho d’Abdullah Öcalan.  A Tukose me Afriqya i Tayımnoyto bi maqırhonutho dıfrıslın mırlın “athi u zabnayda. Leşan dhowe şlomo kino b’Turkiya Abdullah Öcalan klozım dhowe hiro”. U Grub du fulhono d’Kurdoyo d’Afriqya i Tayımnoyto wu konfederasyon da tacbaryotho d’Afriqya i Tayımnoyto bi…

Amerika mawdacla dgıdmahto u grub mzayno da Huthiyin du Yeman bi lohitho emwothoyto da tukose marıhbone.  Megabo hreno, u zawco Iraqoyo d’Casa’eb Ahıl Alhaq mawdacle da tedbire dmahti cal Faleh Alfayyad, kımmathli i dawse qamayto dmibayın u grub mzayno d’Alhaşd Alşacbi xıd tukoso marıhbono.  İ wazirutho di baroyutho d’Amerika, adyawma…

Bi mditho d’Qamışli bu athro d’Suriya nafıq taxtuşe bayn da haylawotho da Asayış wa grube mzayne du rejim d’Suriya. Ba taxtuşani dhani kımo yawme kımdawmi, atre gabe msıklın menyono ma folhe dıhdode xıd yasire. Latyo i naqla qamayto dkowe taxtuşe bayn da grube d’Aldifac Alwatani du rejim wa haylawotho di…

Bu zabno da 10 yawme haroyani, qtil 4 galwoye Iraqoye dkıtwın bi maşritho d’Al Hol bu garbay madınho d’Suriya.  Bu tebano dıfris mi Mşatasto da zedqe noşoye d’Suriya mawdıc, da hayobani dheş latne idice, mjarahlınste folho du Asayiş dıksamwo u duyoqo di maşrithathe.  A galwoye Iraqoye dkıtne bi maşritho d’Al…

Anathrawotho du Xaliç bu huthomo du knuşyaththe dımtayıb athmıl bi Scudiye, matın lawyutho dmahti ido bido mqabıl da tehdide du İran, u tlıblınste dmişarır u maşıqlo folitiqoyo hatho d’Suriya.  Amerika bu hfuxyo dmahwela mhanela i netije du knuşyo du Xaliç, u mawdacla dbalhude u İran yo dgıdhoze husrono mi awyutho…

Amerika kımdawmo dmahto tedbire calu İran, bnişo dımzawro u momuno du athro. Ucdoste mahıtla Woşington tedbire hathe calu endustri du farzılo du İran.  Bi maqırhonutho dıfrısla athmıl i wazirutho di Xazina d’Amerika makadla, dmahıtla tedbire cal 17 şırak dıksunci farzılo bu İran. U waziro di baroyutho d’Amerika Mike Pompeo huwle…

U waziro du sutoro du Iraq Jumca Cinad, mzaharle da hjome dıkmisomi cali fnitho yarıqto d’Boğdod, kibın dmawbıli u athro laf qrobo gawoyo.  Camgabıdathe, u rişwazire Mustafa Alkazimi mawdacle dlıgıdmitahwe fayış fsoso l’noşo d’hotıf u fusqono folitiqoyo athronoyo du Iraq.  U waziro du sutoro du Iraq Jumca Cinad, mzaharle da…

U parlamento du Iraq mşatasle sictho dilonoyto leşan dhayro cala şkuwat dkıtle u camaydan bi sbutho da mulkonayde dkıtne kbişe.  Bebzabno, u parlamento d’Boğdod tlıble ma tarte wazirwotho di baroyutho u di kinutho dhowın mcadrone bi sbutho du tedciro da mulkone kbişe du camaydan la morathe.  U tahlufo qadmoyo du…

U rişono di sictho di rişonutho du mawtbo d’Suriya demoqratoyto d’MSD Bassam Sacid İshaq, mawdacle dlıkmıtyaqın da haylawotho Amerikoye dmıgroşi mu garbay madınho d’Suriya, hul dlımımte lışroyo kamilo bi sbutho du kriz folitiqoyo d’Suriya. Camgabıdathe, İshaq dmawdacle du camaydan dqayıthle yuthrone bu taro di mdabronutho yothoyto, mathkarleste da Suryoye-Othuroye hıneste…

U rişono di marcitho d’Arbil di cito Kaldoyto d’Bobıl hasyo Mor Başşar Matti Warda, mawdacle du camaydan hul ucdo latle ulo duktho b’gawıd du fusqono siyasi du Iraq. Bebzabno, hasyo Warda mawdacle da rişone folitiqoye Iraqoye klozım dımbayni diloyotho lu camaydan bgawıd du nomuso esonoyo, laşan dımdawım dfoyış bu athro…

U komisyon celoyo da zedqe noşoye du Iraq, mawdacle d’40% mu camaydan dacır li qastra d’Bağdede di daşto d’Ninwe. M’gabo hreno, farsufo mu camaydan dıkhoyewo bi fnitho d’Şigur mawdacle da 50 yaqrotho dıkcayşiwo meqım b’Şigur, mgalwelın lu qlimo d’Kurdistan bıthır mi şato da 2014. Taşdarto mu komisyon celoyo da zedqe…

Bi cito dsimo jemıc mi şato dan 1928 bi mditho d’Samsun d’Turkiya, cali iddica dkito dahwo tahta 7 naqlat sim hfore ruşmoye bgawa u hiw husrono lu bınyono. Lfuth u tebo dıfris bi mğaltho suryoyto d’Sabro, ba qlime frişe dı Tırkiya hani ışne a mulkone da qalilotho kmıkboşi. Beynothaye i…

A rişone du Huyodo d’Urifi mdelın qyomo cam Britanya dıkımbayın anesorathe di tagorutho bu maşıqlo dbıthır mı Brexit.  Bi erışkayto d’Beljika bı Bruksel bzawho ruşmoyo mıde u qyomo di mıthcadronutho u di tagorutho. Uqyomo di tagorutho u di mıthcadronutho dbeyn du Huyodo d’Urifi u Britanya mıde mu rişono du konsey…

Turkiya bu zabno dıkgırşo ahaylawothayda mhın nuqazyotho bu garbiyo d’Suriya, kımdawmo dmaqwiyo u haylayda ba fenyotho dkıtne bi morutho da grube mzayne da bnayqyomayda bi fnitho d’İdlıb.  Lfuth i mşatasto d’Suriya da zedqe noşoye, Turkiya mşadarla adyawma zıd me 50 radoyotho u kamyone folhoye la nuqazyothayda du duyoqo dkıtne bu…

U waziro di baroyutho d’Rusya Sergey Lavrov bi ytawto dhawile camu baramnayde dı Turkiya Mevlüt Çavuş Oğlu, drişi a sebwotho qlimoye da tre athrawotho.  Bayn da sebwotho dıdrişi bi ytawto dhawyo b’Soçi, kito u kriz d’Suriya, u qrobo d’Qarabax, i mwatyutho du madınho du yamo Mescoyo, u kriz d’Libya wi…

İsroyel sımla hjomo hatho ba soruhe cal nuqazyotho du gabo Lebnonoyo d’Hizballa u calu grub di mudafaca oyaroyto d’Suriya.  Ba hjomani dsimi qariwo mi erişkoyto dı Darımsuq, qtil u mjarıh menyono ma folhe d’Hizballa u du rejim.  Adyawma ba şoce d’fothıdsafro, sim hjomo İsarloyo hatho cali fnitho d’Alzabadani bu athro…

Amerika maqbela dımzabno zayne la nathrawotho di Scudiye wu Kuwet b’timo dıkmote l’hedor 295 milyare dolare.  Baynothaye i Scudiye gıdşıqlo 3 alfo foqucwotho wu athro du Kuwet gıdşoqıl tayısyotho Abatşi u falqe du sistem da soruhe d’Patiryot.  U Pentagon mawdacle di wazirutho di baroyutho d’Amerika maqbela dımzabno li Scudiye 3…

U rişono du şutoso di mşaynutho athronoyto du Iraq rabhaylawotho Cabd Alğani Alasadi, bi socurutho dsımle li mditho Suryoyto d’Barıtle bi daşto d’Ninwe, mwasafle i klayto dmahwiyowole u camaydan ba qrobe du huroro du Iraq mu tukoso marıhbono dı Dacış.  Mxasra hreto, u diwan da waqfat da Mşihoye u da…

A fulhone du hethotho du Bayto da Sobe du camaydan bi mditho d’Holob b’Suriya mşarelın.  U hethotho du Bayto da Sobe du camaydan b’Holob dıshıfwo meqım tmone ışne, kmisım bu snodo du mawtbo da citotho du Madınho Mescoyo.  Yawme d’Huşabo dşaficina, a şırkat du bnoyo mşarewolın a fulhonathe du hethotho…

Ba taxtuşe haroye dhawın b’Cayn Cisa bu garbiyo d’Suriya, arbıco Mharbone ma Haylawotho d’Suriya Demoqratoyto matın lu darğo di sohdutho, u qtil ışto marıhbone ma grube dıkmısnodi me Turkiya.  Camgabıdathe, a hayle di mşaynutho d’QASAD msıklın bi qastra d’Cayn Cisa krılto da istixbarat dsaymowa ğoşuşutho leşan Turkiya.  Athmıl ba şoce…

6 eşne bıthır mu kboşo da ğrube marhıbone d’Dacış cali mditho d’Mawsal u di daşto d’Ninve, heş kito mınyono celoyo d’citotho du camaydan hariwe u shife.  Elo camaniste, mhathıth hın menaye leşan u camo dqodır dımsale ebeye u dmacış i tawdithayde i Mşihoyto. Bu tboco froso du Iraq, fris tebo…

U fatıryarxo di cito Suryoyto Marunoyto Mor Bışara Butrus al Raci, cabır ba droşe dcama folitiqore d’Lebnon, dheş lo qadiri dımşakli şultonutho hathto bnişo dmisafe u kriz momunoyo du athro. U fatıryarxo dhawile ytawyotho camu rişwazire Sacıd al Hariri, camu rişqutno Michel Aoun u ğer mşale d’gabe folitiqoye mırle; U…

U parlamento d’Beljika mayadle irmoyto dımqadmo, dıkmıkrıh eba ahjome qaşye dsımla Azerbaijan bu snodo d’Turkiya u da marhıbonayda calan Armınoye du qlimo d’Nagorno Qarabax.  Bebzabno u parlamento, tlıbleste me Azerbaijan dgurşo a folhayda me Qarabax. Bebzabno an Armınoye mabdelın adyawma 3 yawme haşo, cala 5 alfo dıbhe; beynothaye mdinoye dıqtili…

U rişqutno d’Turkiya Recep Tayip Erdoğan sımle knuşyo bu video konferans cami rişathwazire d’Almanya Angela Merkel.  Bu knuşyano drışlın anesore beyn da tre athrawotho wa esore dı Turkiya camu Huyodo d’Urifi. Lfuth i maqırhonutho dhiwo di daira du kominikasyon di rişqutnutho dı Turkiya, athmıl bu knuşyo dsim calu darbo du…

İ şultonutho d’Amerika kıtla plan dı suxro a 2 izgadwotho haroye dfayışla b’Rusya. En dothe dmısxori a izgadwothaniste, gıdfaşla Amerika belhude i rişizgaduthayda b’Mosko.  Lfuth u tebo dhuwlın hın mabuce l’CNN, meqım şabtho mşadır egartho mi kongre d’Amerika li wazirutho di baroyutho du athro, dıkmıtlıb eba dmısxori a izgadwotho Amerikoye…

Ba mowat ma yolufe dıhtifiwo meqım şabtho mu ğrub marhıbono d’Buko Haram b’Nigeria, marfın hire.  Mşalo d’Katsina dıknuflo bu garbay macırbo d’Nigeria makadle, d’344 yolufe dıhtifiwo meqım şabtho mi madraştathe, marfın ucdo hire u maslımi bi qamayto la hayle di mşaynutho du athro u bıthır la yaqrothathe. Uğrub marhıbono d’Boko…

U tukoso Emwothoyo dcala Galwoye, frısle maqırhonutho lu tboco froso bu yawmo Emwothoyo da Galwoye.  Lfuth i maqırhonuthathe, adşato mvayaclın 3.174 galwoye a hayathe ba gedşe dhawın bu zabno dabici d’motın l’athro dı qudri dhoyın b’mşaynutho ebe. Bu yawmo Emwothoyo da Galwoye, frısle u tukoso The International Organization for Migration…

İ cito d’Mor Tuma da Suryoye Qatholiqoye di mditho d’Mawsal bu Iraq, bıthır mıd kamıl u hethothayda, gıdmisım 26 bu yarhano u zawho ruşmoyo du futohayda.  Camgabıdathe, sim u futoho d’wahdo di esfireğlo bi mditho Suryoyto d’Bağdede dkıtyo u wahdo tlithoyo du sport dıkmişatıs bi daşto d’Ninwe.  U kohno di…

100 claymotho Ezidoye dmaxlaswolın mu tukoso marıhbono dı Dacış, gıdmıştawtıfi la haylawotho da pwelıs gawoye di fnitho d’Şigur bu garbiyo du Iraq.  Lfuth u qyomo dımde bayn d’Boğdod u Arbil, 2500 pwelıs Yezidoye gıdmaydi i wolitho di mşaynutho gawoyto d’Şigur.  Lfuth uqyomo dımdewo beyn di şultonutho du qlimo d’Kurdistan du…

U rişwazire du qlimo d’Kurdistan Masrour Barzani, krıhle uhjomo dsımlın a Haylawotho du Sutoro du Camo-YPG cala hayle di peşmerge dkıtwın qariwo la thume du garbyo d’Suriya.  Bi sbuthatheste i mdabronutho gawonoyto da hayle di YPG frısla buyono u rfıdla a idicat dıfrisi, dsımlın a Mharbonayda hjome cala hayle di…

Bi ytawto dhawile u rişwazire zabnoyo d’Lebnon Sacıd al Hariri camu fatıryarxo di cito Suryoyto Marunoyto Mor Bışara Butrus al Raci, makadle di şultonutho hathto dkobıc dımşatıs, gıdsaymo a reforme kulle dımbayni u gıdbınyo Beyrut me hatho.  Me gabo hreno u ardixlo Joe Salloum wa hawronayde, bnelın a bote d’22…

Umşalo dıkhoyır cali mcadronutho noşoyto d’Emwotho Mhaydotho, dıqle naqla hreto u zago du qento dcali aykanoyutho mahişonitho dkito b’Suriya dilonoyith bu zabnano du sathwo.  Bebzabno u mathlono dilonoyo d’Emwotho Mhaydotho b’Suriya Geir Pedersen huwle mawdconutho la hadome du Mawtbo di Mşaynutho d’Emwotho Mhaydotho cali netije du knuşyo haroyo dsımwo b’Geneve…

Tıre hadome bu mawtbo tahtoyo di kongre d’Amerika, sımlın sturyo ahjome dsımle u gayso d’Turkiya wa marhıbonayde calu garbay madınho d’Suriya wa dyoşe dıksaymi cala zedqe noşoye. Atre mşale Amerikoye mahwelın ilo thnihuthathe calu qedomo d’Turkiya bi sbutho du sistem da soruhe d’S-400 u bi sbutho da fulhone lo qonunoye…

U bethdino d’Fransa, fsıqle dan 14 thimoye dsımwolın uhjomo cali mğaltho d’Şorli Ebdo (Charlie Hebdo) ba 2015, more d’hawbone.  İ claymtho dıha ma hayobani dıqtılwo mu polis bu zabno du hjomo, hkimo l’30 eşne hbuşyo. Elo i marhıbonitho, heş meqım dmımsoko, mahzamwola l’Suriya. Beyn dan 14 dıhkimi mu bethdino, şawco…

U hudro Suryoyo dı Derik bi mditho d’Enşxede d’Holanda, mabdele kampanya di mcadronutho du camo Armınoyo dkıtyo sniqoyo bu qlimo d’Nagorno Qarabax.  Bu taro di kampanyathe, u hudro da Suryoye dı Derik maltamle 25 sanduqe dı lbuşe hathe du sathwo, bnişo dmaxifi i casqutho du camo sniqoyo  U hudro da…

İ marcitho d’Arbil di cito Kaldoyto d’Bobıl, maklela ha ma kohnayda mi wolithayde, cal dıkmıthım bi dacwa dsımle tecjizo ğensoyo bhaq dıhdo claymtho du camaydan bu zabno dkıtwa heş nacımto.  Cali sbuthathe, u rişono di marcitho hasyo Mor Başşar Matti Warda mawdacle dıftihi buqore bhaq di dacwathe, u tlıble ma…

Bıthır mıd u Huyodo d’Urifi fsıqwole meqım şabtho dımhaydır mınyono d’tedbire mbayne cal farsufe Turkoye, hawile athmıl u rişqutno Turkoyo mamlo camu rişono du Mawtbo d’Urifi Charles Michel.  Bu mamlo dsımle Recep Tayip Erdoğan mawdacle, d’Turkiya kubco dbınyo u dactithayda camu Huyodo d’Urifi u dkıtle sabro d’Turkiya u du Huyodo…

U Yawnan u Fransa, gıdmodın ba kımo yawme dıbqamuthayna qyomo leşan dı qudro i şultonutho d’Athena d’zawno 18 tayosyotho du qrobo d’Rafael me Fransa.  İ mawdconuthathe hiwo mu rişwazire du Yawnan Kyriakos Mitsotakis bu zabno du mamlo dsımle bu parlamento du athro cali butja hathto da 2021. A tayosyothaniste kmıntır…