FOLITIQOYO

İ rişonitho du mawtbo tahtoyo di kongre d’Amerika Nansy Pelosi, mawdacla d’Amerika athro demoqratoyoyo u latyo athro xıd Turkiya, dlıktore i şultonutho dşufco b’şıkıl mşayno la gabe hrene saqıbloye.  Camgabıdathe, Amerika mzaharla Ankara dgıdgurşo a şırkat du hulmono dkıtla bgawe d’Turkiya, en dlobo a dayne dkito acla.  İ rişonitho du…

U gabo saqıbloyo d’Turkiya CHP, mawdacle du amro du msoko du rişono zawgoyo dmeqım d’HDP Selahatin Demirtaş, kmıhşıw laşane xıd nişo du neshono.  Mxasra hreto, a pwelıs d’Turkiya msıklın hol 82 hadome d’HDP, beynothaye rişone d’karxıwotho, cal dmıştawtafwolın la tagılyotho dsimi bi şato da 2014.  U bethdino d’Turkiya fsıqle dmitawrıx…

U gayso d’Lebnon, frısle i netije da buhone dsımle calu husrono dhawi bi arişkoyto Beyrut, bıthır mu furqoco qaşyo dhawiwo 4 bu yarho d’Ob dı şafıcina.  Lfuth u taşroro difrısle u gayso, hol 85 alfo bınyone di mditho hzelın husrono  ma furqocani. Bi maqırhonutho difrısle u gayso d’Lebnon mawdacle i…

A sturye mqabıl d’Turkiya kımdawmi me mşale u rişone danathrawotho d’Urifi, bu zabnano dıksaymo Almanya i rişonutho du Huyodo d’Urifi.  İ mşawronitho dilonoyto du mşalo da esore baroye du Huyodo d’Urifi-Daniella Schwarzer mawdacla, dıkdurşi i sbutho du tehito da tedbire cal Turkiya. Bu zabno di rişonutho du Huydo d’Urifi kıtyo…

İ sictho mtaybonitho du parlamento d’Othur bi golutho, mqadamla şkuwe l’Emwotho Mhaydotho cala hjome dıksoyım u gayso d’Turkiya calu garbyo du Iraq.  Bi egarthayda i sictho kısaymo sutryo a gabe Kurdoye wi şultonutho du Iraq, dlıkmahwın hfuxyo mqabıl da dyoşe dkowın calu cameydan u dıkmıjbır dımgalwe ma dukothayde.  Bi egartho…

Athmıl yawme d’Şabtho, makıd d’Amerika gıdmahto naqla hreto a tedbire kulle dımbayniwola meqım Emwotho Mhaydotho calu İran. Bi sbuthatheste, mahwele u waziro di baroyutho du İran Javad Zarif hfuxyo qaşyo.  Mxasra hreto cali bcelıdbobutho dkito beyn da 2 athrawothani, u İran gzımle Amerika u mawdacle, dgıkurxi cal kul Amerikoyo dhawile…

Bi ytawto dhawile u rişwazire du Iraq Mustafa al Kazimi camu rişono du parlamento du athro Muhammed al Halbusi, tlıble mene dmalizi cali rmoyto dımqadmo bi sbutho du qonuno da guboye du Iraq.  Me gabo hreno mawdıc, di wolitho di Sictho da buhone d’Emwotho Mhaydotho calu qtolğenso dsımlın a ğrobe…

Mşadır paketa lu rişono d’Amerika Donald Trump bu Qusro Heworo, dkıtwo bgawa u samo d’Risin.  Elo i paketathe meqım dmıtyo lidothe d’Trump, mafitowa ba kontrolle di bildaro/di posta du Qusro Heworo u baroyo mahrıwo. Lfuth u tboco froso d’Amerika, mşadır paketa dkıtwe u fırşağno u adressayda lu rişono Donald Trump.…

Turkiya lkımtahmılo dhuzyo Slibo bu gabo hreno da thume du Yawnan, kmawdıci a mabuce du tboco froso d’Turkiya. Ba yawmotho d’şaficina a comure di qritho d’Bosna i hatho, sımlın zawho du Slibo u maqımlın Slibo celoyo dkıtyo mxamlo ba bahre. Bu teqimo du Slibano a kohne wu camo qrelın slawotho…

Lfuth Amerika, walaw a ğrube marhıbone d’Dacış jbiri dnufqi me Suriya u dı qtil mınyono celoyo ma rişonathe, heş kımdawmi dmarwıhi u dmaqwın ruhaye bı britho.  U mşalo du qentrun Athronoyo dkıtyo mqabıl di marhıbonutho Christopher Miller mawdacle, da marhıbone d’Dacış kımtaybi plan dmawfıqi a marhıbone dkıtne ba hbuşye da…

Bi sbutho di mwatyutho dkito beyn Turkiya u da athrawotho d’Urifi, u rişizgado d’Almanya dkıtyo bu Yawnan Ernst Reichel bi maqırhonutho dhule mırle; Cal qariwo u Mawtbo d’Urifi gıdmahwe i hatreyde l’Turkiya.  Bi mawtyutho dkito bu Huyodo d’Urifi, bi ytawto dıgdowele 24 u 25 bu yarhano cali sbuthathe, kmıntır dmoyıd…

U rişono da Şica bu Iraq Muqtada al Sadır, grışle athmıl u zuhoro du Iraq u d’İsroyel, dılomnasın dımarkıwi u dımcadli a esore beyn dan athrawothathe.  Al Sadır dsımle sturyo anathrawotho da İmarat Caraboye Mhayde u d’Bahrein, gzımleste u rişwazire d’İsroyel u mırle; U qedomaydox lu Iraq, gıdhowe i haraytaydox!…

Bu zabno haroyano u tbcoco froso du Swed, kdorış i mawdconutho dhuwole u rişono da pwelıs du Swed dmırwole, kito 40 grube kriminel dkıtne masre ba caşıryotho iqarthonoye.  Lfuth u tboco froso dilonoyith i sfaryawmo d’Aftonbladet bu taşroro ğnizo dıfrısle u polis, kmıthomi 4 qoyume me gabe mşahılfe dkıtlın asirutho…

İ dayonto du bethdino celoyo d’Amerika Bader Ginsburg, nqilo ma hayani mi celtho du kewo du kanser bı cımro d’87 eşne.  Bader Ginsburg dıflıhla 27 eşne xıd dayonto bu bethdino, idictowa ba fulhonayda leşan i şawyutho wi kinutho. U mşalo da dayone du bethdino celoyo d’Amerika John Roberts mawdacle di…

Bu hjomo qaşyo dsim b’New York d’Amerika, qtil 2 farsufe u 16 hrene mjarhi. U polis dıkrıhle u hjomano, heş lo qadır dmosık noşo dıkmıthım bu tuyobayde. Ba şoce d’safrayto, sim hjomo qaşyo bu zayno cal lokal dkıtwo ebe hago bi mditho d’Rochester dıknuflo bi marcitho d’New York d’Amerika. Bu…

U mawtbo folhoyo Suryoyo d’MFS hule sohdo hatho xıd qurbono calu mathıbho di hirutho du camaydan, ubu admo şafyo dbızle u sohdano maştele u cafro d’Bethnahrin. B’feshutho ub’şubhoro rabo, i mdabronutho gawonoyto du mawtbo folhoyo Suryoyo d’MFS, bu buyono dıfrısla lu tboco froso mawdacla du mharbono Malke Calaa Cabdılahad qayıthle…

U qoyumo şaryo du Cameydan bu parlemento d’Turkiya Tuma Çelik  mqadamle ithbate hathe lu mqimdayono dıkmaglın dsim komplo acle bi sbutho di dacwa dıftiho bhaq dithe dmitaqimo i hasinutheyde. Bu tebo dıfris bi sfaryawmo d’Sabro kmitawmır dnafıq ithbate di athto dıftıhla dacwa bhaq dide mahkewola la noşe dkudco dıgtılyo hayf…

Amerikaste mayadle u taşroro di sictho şritho da buqore d’Emwotho Mhaydotho, u krıhla kul hawbo dıkmisım mayna grub aw haylo zaynoyo dhowe b’gawıd d’Suriya.  Camgabıdathe, u mathlono Amerikoyo dmeqım du koalisyon emwothoyo mqabıl Dacış Britt MacGurk, sımle sturyo qaşyo u rişono d’Amerika Donald Trump cal dıgrışle ahaylawothayde mu garbay madınho…

U rişızgado d’Amerika b’İsroyel Deved Fridman, mawdacle du qrobo Caraboyo İsarloyo gıdtoyım b’zabno dıkmo yarhe yaste b’zabno d’şato bu zyudo dkulle.  Mxasra hreto u rişızgado Amerikoyo bu Iraq Mathyo Toler, mawdacle da hjome dıkmisomi cali fnitho Yarıqto d’Boğdod kıtlın u nişo dmaciqi i şultonutho d’Mustafa Alkazimi.  U rişızgado d’Amerika b’İsroyel…

Bu cohnutho du yawmo şatonoyo du qtolcamo d’Soriya, mtayıb hfitutho catırto bu qentrun hatho du şutoso d’Soraya di mardutho udu tboco froso bi mditho d’Caynkawa bu athro du Iraq.  Li hfituthathe mıştawtafla taşdarto mu gabo du huyodo d’Bethnahrin Athroyo d’HBA, mşale mi şultonutho d’Arbil uma gabe u şutose mşahılfe du…

I mdabronutho da yulfone du leşono Suryoyo du Iraq mahatla a tadbire du kewo di Corona bu şbilo du yulfono Suryoyo. Bi sbuthathe u mede dkothe lbole dıha kımşayel hal bu şbilano kito kıthiwo u maktbzabno du qtolğenso d’Simele awste d’Soriya dhawın bu doro haroyo du cameydan bu athro du…

U rişono catiqo du gabo demoqaratoyo da came Selahatin Demirtaş bi maqırhonutho dhule li sfaryawmo Finansial Times sımle sturyo u bethdino tibeloyo d’Urifi da zedqe noşoye.  Bu sturyo dsımle mırle u bethino kımwaxır a fusqone u lıkmadcır funoye bu zabanthe cala bethdine dkowqın bhaq d’Turkiya. Demirtaş dkıtyo hani zıttır me…

A darbone dkıtwın hani ışne sxire beyn da mdinotho u qıryawotho di daşto d’Ninwe, adyawma ftihi lu mazlo u mathyo. Me gabo hreno, bi rmoyto dımqadmo lu parlamento du Iraq, tlib dmitıctarıf bu qtolğenso dsim cala Ezidoye bi şato da 2014. İ wazırto di galwoyutho bi şultonutho du Iraq İvan…

Bı mimartho dıfriso bıhdo ma dafe dkıtyo masırto bu Vatikan, kıle cala hjome dıksaymo Turkiya cala qıryawotho du camaydan bu garbyo du Iraq wu husrono dhuwo la mulkone u lan arcothathe.  Bi mimarthathe makıd, dhol 25 qıryawotho du qlimano maxlın ma comurathe bıthır ma hjome u ma yuqdone dhawın. Mawdıcste…

Bu mamlo şatonoyo dsımla i rişonitho du Mawtbo du Huyodo d’Urifi Ursula von der Leyen mzaharla Turkiya calu qedomeyda li sbutho du Yamo Mescoyo u mırla; Turkiya athumeyda xıd jeoğrafya kmotın l’Urifi, elo bu dumyo dıksaymo ucdo, kımarhıqo ruha me Urifi.  Bebzabno ba droşe dhawın bu parlamento d’Urifi, bu zyudo…

U gabo Demoqratoyo da Came HDP, mabdelın tahrazto leşan du şroyo da qetre dkıtla Turkiya.  U gabo d’HDP leşan dmiqafe şroyo lu qetrano, ktolıb ytawyotho cama gabe du athro kulle dkıtne bıgawe u larwal du parlamento, leşan dı dorşi aydarbo kibın dmawfıqi u athro mu kriz dıkfoyıt ebe.  Bi mawdconutho…

Bi sbutho du qetro du Yamo Mescoyo dnafıq cam Turkiya, bıthır me Fransa ucdo Amerikaste mşadarla hıdo ma sfinothayda du qrobo lu yamo Mescoyo.  Me gabo hreno i wazırto du sutoro d’Fransa bu mamlo dsımla la folhe mawdacla, d’Fransa gıdmşadro hıdo ma sfinothayda dkıtyo bu yamo Mescoyo la thume du…

Fransa hula la rişone folitiqoye d’Lebnon muhle hul ramhıl, laşan dımbayni i şultonutho hathto.  Camgabıdathe, u qoyumo da Druz Walid Junbulat mawdacle di muhlathe kımathlo i aftho harayto l’Lebnon. Ubebzabno, u rişwazire catiqo Sacıd Alhariri mawdacle dlıkowe u lo wazirutho dhuyo tırpılto qum du şekolo di şultonutho hathto.  U rişqutno…

125 farsufe ma nabne di caşırto d’Alıcgedat dı Der Ezzor, mıştawtaflın la haylawotho d’Suriya demoqratoyto d’QASAD.  Hın ma farsufani ba maqırhonwotho dhulın lu tboco froso, mawdaclın dmıştawtaflın l’QASAD bnişo dmarkıwi i mşaynutho bi fnitho dı Der Ezzor, u dnıfqi mqabıl di fıtne dıkmıbce dmıxloqo bayn di mdabronutho yothoyto wa caşıryotho…

Bu mamlo şatonoyo dsımla i rişonitho du mawtbo du huyodo d’Urifi Ursula von der Leyan mzaharla Turkiya bu qedomeyda li sbutho du yamo mıscoyo u mırla Turkiya a thumeyda xıd cografya kmotın l’Urifi elo ba dumyo dıksaymo ucdo Turkiya marhıqo ruha me Urifi.  Bebzabno ba dıroşe dhawi bu parlemento du…

U rişono d’Amerika Donald Trump bı qrihutho, mawdacle dkıtwole tahrazto du qatlo du rişqutno d’Suriya Başar Alasad.  Trump bi maqıblonutho dsımle acme u froshezwo d’Fox News, mawdacle di tahraztathe lımafito la haye, calu du waziro du sutoro dmeqım Jeyms Matti rfıdwole u medano.  Athmıl u rişono d’Amerika Donald Trump bi…

Msik ışto mşale Iraqoye dıkmıthomi bi dacwa du fasad, bu taro da fulhone dıksaymolın Boğdod mqabıl di marıhbonutho u du fasad.  Camgabıdathe, sim hjomo cal konvoy diplomasi Britanoyo bi mditho d’Boğdod, wa haylawotho di mşaynutho du Iraq mfarqaclın 11 qentrune di baytoyutho dı Dacış. Ahaylawotho di mşaynutho du Iraq msıklın…

Umawtbo di mşaynutho d’Emwotho Mhaydotho mıdle fusqono calu mnoco du tecbiro u du zebono du zayno lu athro d’Libya.  Bi itawyathe dı drışlın i aykanoyutho du athro d’Libya mıdlın fusqono da haylawotho dkıne b’zuze u mşadre ma hayle baroye klozım nıfqi mu athro.  Bu knuşyo du mawtbo di mşaynutho d’Emwotho…

Bi qritho d’Ciwardo b’Turabdin, dhawyo i qalco du mrodo da Suryoye, sim u yawmo şatonoyo du qyomo du şlomo dhawiwo bu zabno du Sayfo dan 1915.  U yawmano dkıtyo 13 bu yarho d’İlül, bıthır mi slutho dsimowa bi rişonutho du kohno İshok Ergun mathkır u yawmano ba mamle dsimi bi…

Farsufo ma abne du cameydan u Kaldoyo mraşıh dmoyıd duktho bu Kongres d’Amerika mawdacle u rişono d’Amerika  Donald Trump bu dafeyde du twitter.  Eric Eshaaki dkıtyo ma abne du cameydan u Kaldoyo du Iraq u babo ba şawciyat mgalwewole l’Amerika. Erik Eshaaki dkıtyo babo d’2 nacime, kıtle fulhono di sniğrutho…

U rişwazire du Iraq Mustafa Alkazimi mbayanle hıdo athto mu camaydan l’wolitho rabtho bu haqlo di mdabronutho.  Bu taro da şuhlofe rabe dıksamlın bu haqlo folhoyo u di mdabronutho, Alkazimi mbayanle Suha Dayud Alyas Alnajjar rişonitho li sictho athronoyto da tarmiyotho momunoye bu Iraq. U rişwazire du Iraq Mustafa Alkazimi…

U rişono d’Amerika Donald Trump b’zuhoro qaşyo mhadadle u İran dgıdmitahwele funoyo qaşyo b’alfo naqlat, ida dımnasyo Tahran dhıjmo cala yuthrone d’Amerika bu madınho mescoyo xıd myodo du hayf du qatlo du rişono d’Faylaq Alquds Qasem Sulaymani.  Camgabıdathe, u waziro di baroyutho d’Amerika Mayk Pompeo sımle sturyo u athro dı…

Mısır u Armenya matın l’awyutho dmancımi u dawro dıkmıştacın a’hayle baroye bi sbutho du kriz d’Libya u d’Suriya.  Camgabıdathe, Rusya u Mısır matın l’awyutho dıklozım dmışrın agrube mzayne kulle d’Libya, u dmitawfıqi ahaylawotho nuxroye mu athrano.  U rişqutno d’Mısır Cabdılfattah Alsisi mıstaqbele athmıl bi mditho d’Alqahira, u waziro di baroyutho…

Bu zabno haroyo bu athro du Swed kmıfrıs tebe mşahılfe cala qatle u cala qalat dkowe bayn da gurube dıksaymi qale bayn dıhdode mawxa a mqimdayone kmawdıci dlaw kmalhıqi la bethdayone.  Ba zabne haroye mşarewolın a droşe da gurube da caşıryotho dkito zıttır me 40 gurube bu athro. Ba tebe…

A netijat da guboye qlimoye bi marcitho d’Nord Rhein Westfalen (Nord Reyn Westfalın) d’Almanya nafiqi.  Ba guboyani dkıtwın qlimoye, kıtwo mraşhe Suryoyestene.  İ mditho dı Gronau d’Almanya, cabır 3 hadome Suryoye lu Mawtbo di karxutho u 3 Suryoyestene lu mawtbo di mlahmonutho di mditho. Athmıl dkıtwe yawme d’Huşabano, simiwo a…

Sim u futoho di cito d’Mort Şmuni da Suryoye Ortodoksoye bi mditho d’Barıtle bi daşto d’Ninwe.  Bu zawhano du futoho di cito, mawdıcste dıdacır 180 yaqrotho galwoye mu camaydan la mdinotho u qıryawothathe di daşto d’Ninwe.  İ daira da waqfat da Mşihoye du Iraq, sımla u futoho di cito d’Mort…

U mawtbo demoqratoyo di mdabronutho d’Şigur mawdacle dılo mu sıbyono du camo di duktho lıgmaqıblina fusqone dmimodi calu dactid di fnitehydan. Hani zabno yarixo kito droşe bayn di şıltonutho d’Boğdod u d’Arbil mın gıdhowe u dactid di fnitho d’Şigur.  İ fnitho d’Şigur da Yezidoye zabno yarixoyo kmıdrış acla u ğalabe…

U İran kımdawım dmasrıh olufe d’folhe b’gawıd du athro d’Suriya.  Laşan i masırhonutho dı mharbone hathe, u İran ham kobe zuze u hamste kmıştace bi warqo da reğşe du mathab tawdithoyo. Bcayni şıkıl u bcayni tahrazto, u İran wa grubayde amzayne kımdawmi dmasırhi alfawo d’folhe hathe b’Suriya lfuth i mawdconutho…

U athro du İran mtayable tahrazto du qatlo di rişathizgadtho d’Amerika dkıtyo b’Afrika i Tayımnayto komır u tbcoco froso.  Lfuth a istixbarat d’Amerika u İran laşan mıthnaqım tole u hayf du qatlo d’Kasım Suleymani mtayabla tahrazto dı qutlo i rişathizgadto d’Amerika. Lfuth i sfaryawmo Politiko u athro du İran kımhaydır…

Turkiya kımdawmo dımşadro marıhbone u jatawiye nuxroye lu athro d’Libya u d’Azerbeyjan.  İ mawdconuthathe hiwo ma tıre wazire di baroyutho d’Mısır u d’Armenya bu knuşyo mşawtıfo dsim lu tboco froso bi mditho d’Alqahira.  Athmıl u waziro di baroyutho d’Mısır Sameh Şukri bıthır mi ytawto dhawile camu baramnayde d’Armenya Zohrab Manatsakanyan,…

Navid Afkiri dkıtwe ha ma athlete idice du İran, şniq athmıl bu İran.  U şnoqano d’Afkiri dıkmıthamwo bu qatlo dı fqido bu zabno da tagliyotho da 2018, xlıqle hfuxye Emwothoye mqabıl di şultonutho d’Tehran. U athlet idico du İran Navid Afkiri dkıtwe 27 eşne u dıkmıthamwo bu qatlo dıha fqido…

U kenşo Botoyo di golutho, frısle egartho d’buyoe dımşadrole la yaqrotho da Botoye Maşılmone dımvayaclın 6 farsufe ma yaqrothathe, bu gedşo dhawiwo ba yawmotho d’şaficina.  A Botoye Suryoye di golutho bi egarthathe kımmi; Haşo rabo hawilan, bu tebo du gedşo dhawi, dilonoyith bi sagiyutho dkıtwın bı cımro nacimo.  I egartho…

Me gabo hreno hadomo di mdabronutho du Mawtbo Maşılmono b’Malmö du Swed, maşkele cal mınyono d’barmothoye Swedoye dkıtne bu şerşo Turkoye, la pwelıs d’Turkiya.  Ha ma farsufani ftiho dacwa bhaq dide b’Turkiya, cal dımhaqarle u rişqutno Turkoyo Recep Tayyip Erdoğan. Agzome du rejim d’Turkiya, latne belhude mqabıl da bnaymothoye dıkhoyın…

U waziro di baroyutho d’Amerika Mike Pompeo dsımle socurutho li gzırto d’Qufrus mırle; Amerika ktucno ğamo rabo cala fulhone dıkmaşyo Turkiya bu haqlo du energi bu yamo Mescoyo.  U waziro Amerikoyo, sımle qroyto li şultonutho d’Ankara dmaxifo u hboso wi hırara dı xlıqla bu qlimano u tlıble dan athrawotho du…

Bıthır mıd 4 athrawotho Caraboye mawdelın bi ithutho d’İsroyel u dımdelın qyomo du şlomo acma, ucdoste u gabo Sunna du Iraq al Ummah sımle qroyto li şultonutho d’Boğdod dımcadlo a esorayda cam Tel Aviv.  U rişono du gabo Mithal al Alusi mawdacle l’al Şafaq News, du gabayde kısonıd an athrawotho…

Senator hreno d’Australia mıdhela i maqırhonutho du snodo di mawdyonutho bu qtolğenso dsim calu camaydan, calan Armınoye u cala Yawnoye mi mamlaxtho da Cuthmanoye ban 1915. İ senatore du macırbo d’Australia Louise Pratt, snıdla i maqırhonutho dcali mawdyonutho bu Sayfo dsımla i mamlaxtho da Cuthmanoye ban 1915. İ senatore federaloyto…

Bıthır mıdşafıc zıd me yarho calu furqoco rabo dhawiwo bu lmino d’Bayrut bu athro d’Lebnon,  athmıl naqla hreto hawi yuqdono rabo b’gawıd du lmino u trele zuctho rabtho bayn da bnaymothoye di mditho.  Cali sbuthathe, u rişono du gabo du Huyodo Suryoyo Tibeloyo d’USUP İbrahim Murad, thımle u gabo d’Hizballa…

Bi sbutho di mwatyutho dkito bayn Turkiya u la athrowotho şıbobe du yamo mıscoyo mıqa dkothe ksaydi a hfuxye dımqabıl d’Turkiya, me gabo a 7 athrawotho dkıtne şıbobe du yamo maqrahlın d’Urifi hadırtoyo dmahto tadbire cal Turkiya u me gabo u waziro di baroyutho d’Amerika Mike Pompeo maqrahle dı Turkiya…

Zıd me 500 Mşihoye bu athro d’Etiyupya qtili b’şıkıl barbroyo bu qlimo d’Oromya.  Ahjomani dsimi ma Maşılmone tuxmonoye du grub d’Oromo, athın luhwoyo xıd tloyo du hayf du suikast du qatlo du zamoro mşamho Haşalo Hondisa dkıtyo mu grub di caşırto etnikoyto rabtho d’Oromo.  29 bu yarho dı Hzirın dşaficina,…

U Sin wu Hınd matın l’awyutho dımhalqi dawsat du şlomo u di şalyutho ba thume di fnitho d’Himalaya dheş kito qale acla bayn da tıre athrawotho.  U qyomano bayn du Sin wu Hınd athi luhwoyo bu knuşyo dsim bi mditho d’Mosko bi mıştawtfonutho dı tıre mşale rabe ma tıre athrawotho.…

U Huyodo Caraboyo krıhle a mudaxalat dıksaymo Turkiya ba sebwotho gawoye da athrawotho Caraboye, u tlıble m’Ankara dgurşo a haylawothayda me Suriya, mu Iraq u me Libya.  Camgabıdathe u Huyodo Caraboyo, rfıdle u talab d’Fleşt dmıkrıh u qyomo du şlomo dımde beyn da İmarat Caraboye Mhayde udu athro d’İsroyel.  Bi…

’U Huyodo d’Urifi klozım dmitahıt tedbire casye u mathrone cal Turkiya’ a melani du rişwazire du Yawnan Kyriakos Mitsotakisne.  Lfuth u rişwazire Yawnoyo, a tedbirani klozım dmitahti cal Ankara, en dılo gurşo asfinothayda mu madınho du yamo Mescoyo. A 2 athrawotho hadome bu huyodo du NATO u Yawnan u Turkiya,…

U yuqdono d’nafıq bi gzırto d’Lesbos, mahrawle i maşritho rabtho da galwoye dkıtyo bu Yawnan.  Yawme d’Arbco b’lalyo, nafıq u yuqdonano bi maşritho d’Moria u heş adyawma, qadiri dmatfın i nurathe, dhawyo celtho da galwoye dfayşi dılo bote. Bi maşrithathe kito hol 12 alfo galwoye dımrajaclın galwoyutho lan athrawotho d’Urifi.…

Bu istatıstik dıfrısle u koalisyon Emwothoyo dkıtyo bi rişonutho d’Amerika mahwele, du ağunayde mqabıl du tukoso marhıbono d’Dacış, heş kımdawım walaw law fayış dukotho bu duyoqayde.  Ba buhonani dsımle u koalisyon mahweleste, du ağuno mqabıl d’Dacış bu Iraq kımdawım, elo u ağunano naqıs ışmo b’Suriya bi şato haraytathe. U koalisyon…

Bu athro du Swed bu zabno haroyo kowe droşe cali aykanoyutho da grube da caşıryotho u bebzabno, cala qatle, amhoye zaynoye, i tagorutho da gelone mtanwone u ğer fulhone bişe dıkmaşın a grubani.  Bu zabno dkito a droşaniste, kımdawmi a zawce du tewqido du qurcan ba mdinotho du athro mu…

Lfuth u tebo dmatilan athmıl qadıh nuro ba karme u ba arcotho di qritho d’Zaz.  İ nurathe bzabno karyo camu snodo di hawa mbarbızo ba karme arcotho Bi mawdconutho dımatilan athmıl, i nuro qadiho bi qritho d’Zaz u bıthır mıd kıtwo hawa hısto mbarbızo beyn dhın ma bote di qritho…

U notarrozo du athro du Vatikan Kardinal Pietro Parolin, shıdle cali hzayto dhawile cali aykanoyutho d’Lebnon bıthır mu furqoco du lmino d’Bayrut.  Kardinal Barolin bi maqırhonutho dhule lu tboco froso, mawdacle dırğışle bı mahişonutho rabtho bi socuruthayde li mditho d’Bayrut, elo bcayni zabno hzele dkito mabco sa Lebnonoye dqaymi cali…

Bı Barıtle, bı Bağdede u bi fnitho d’Şigur, ftih dukane u tarmiyotho momunoye laşan dımcadri u camaydan wa Yezidoye dımdawmi dcayşi ba fenyothathe bu garbiyo du Iraq.  A dukanani sim u futohathe mi mtakasto da neşe d’Bethnahrin du Iraq u bu snodo momunoyo dımqadım mu şutoso d’Şay Fon di mcadronutho.…

A pwelıs Turkoye msıklın claymtho İranoyto dkıtyo hfito bu haqlo da zedqe di athto bu İran.  İ claymthathe dkıtwola dawro rişoyo bu tuyobo dı taglitho mqabıl du hijab, kmıntır dı Turkiya dmadcırola ucdo lu athro du İran cıl mıdkito qento rabo dmıhkım acla bu qatlo bu icdam.  Turkiya msıkla claymtho…

I sbutho di iqartho be Diril dımwayciwo bu şuroyo di şatathe hawyo sbutho dkımdawmo wu tboco froso dıkforıs tebe u mawdconwotho mşahılfe acla. İ sfaryawmo d’Agos sımla maqıblonutho camu abro di İqartho abun qaşişo Ramzi Diril dmahkele du farsufo dkıtyo bi qritho dkıtyo u ahılathe mhadadwole i iqartho me meqım.…

U şutoso tawdithoyo d’Port Ovrit dlatyo masro cam şultonutho, mawdacle d’hedor 260 mılyune Mşihoye bı britho hawın nişo l’rdufye qaşye bi şato da 2019. Lfuth u taşroro dıfrısle u şutosano u Protestanoyo, u menyono da Mşihoye dıqtili bıbritho walaw naqıs i şato dşaficina, elo u menyono dıkmırdofi zayıd lfuth i…

Bi sbutho da droşe dkowın cali maqırhonutho dsımwole u rişono d’Pwelıs du Sved dmırwole kito gurube bu Swed dkıtne mşatse cali şetısto da caşıryotho da yaqrotho kımdawmo u ba droşani kmıgrış u zuhoro cala gurubane dkıtne nuxroye. Me gabo hreno bi sbutho da şğuşye dhawın calu tewqido du Kurcan b’Rosnegurd…

Bi sbutho du qatro du yamo mıscoyo dkito bayn Turkiya u lu Yawnan ucdo Rusyaste xlito eba. Bi maqırhonutho dsımwole u waziro di Baroyutho d’Rusya Sergey Lavrov mırwole Rusya wu Yawnan kıtlın esore u awyutho catıqto camıhdode. I maqırhonuthathe maqharwola Turkiya komır u tboco froso dı Turkiya. Bi sbuthathe Turkiya…

 İwazirutho di gawoyutho du Iraq, bi tahwitho dıfrısla maglela cal tahrazto dıkmitaybo bnişo dmıhjım cal şırkat di mşaynutho u du lojestik dkıtne masre cama haylawotho Amerikoye bu Iraq. Megabo hreno, ahaylawotho di mşaynutho du Iraq mqafelın 50 soruhe b’şıklat mşahılfe bu tayımno d’Kerxıslox. Bi tahwitho dıfrısla i wazirutho di gawoyutho…

U athro di Scudiye mıdle fusqono du hbuşyo bhaq d’8 farsufe dıkmıthomi bu qatlo du gelyunoro Jamal Xaşıqçi. Megabo hreno, Turkiya hkımla 40 naqlat hbuşyo aminoyo bhaq du marıhbono dıqtiwole 39 farsufe bu hjomo mzayno dsımwole cal gazino bu lalyo di rişıdşato da 2017. U bethdino di Scudiye athmıl mıdle…

Adyoma ba şoce d’bıthır me falge d’yawmo mşarele nuro ba karme di qritho d’Bsorino d’Turcabdin dheş latyo idico me mın hawyo. Bi mawdconutho dmıdlan mu mğabyo di qritho Şamcun Guzel mırle adyoma bıthır ma şoce d’bıthır me falge d’yawmo qadiho nuro ba karme dkıtlan bayn elan u lı Crowın. Naqa…

Bi maqırhonutho dsımle u rişono da pwelıs du Sved Mats Löfving dmırle bu Sved kito bu noquso 4 gurube dkıtne caşıryotho bu athro du Sved mabdele droşe qaşye bayn da gabe u mşalo du athro. Ba mamle dhawın baynothaye u rişwazire du Sved Stefan Löven kımi klozım mimıd tadbire qaşye…

Taşdarto Rusoyto rabtho b’darğo celoyo sımla athmıl socurutho li mditho dı Darımsuq, u yatiwo adyawma camu rişathro d’Suriya Başar Al Asad. Lfuth u tboco froso d’Suriya, atre gabe drışlın i şişaltho da qyome dımdanwo baynothaye, elo lfuth mabuce du diplomasi Rusoye, bi ytawtathe drişo i hzayto kamılto dkıtla Rusya lu…

U athro da İmarat Caraboye Mhayde u İsroyel matın l’awyutho dımşatsi koalisyon awkith dhowın bnayqıyome dıhdode mqabıl du İran. Megabo hreno, u mawtbo da caşıryotho Caraboye du Iraq mawdacle da grube mzayne dıkmısnodi mu İran, i celtho du şğuşyo dkito bu haqlo di mşaynutho du Iraqne. U waziro di baroyutho…

U rişono du parlamento du Iraq Muhammad Alhalbusi bi socurutho dsımle li mditho d’Arbil, yatuw camu rişono dmeqım du qlimo d’Kurdistan Mascud Barzani. Bi ytawtathe, atre gabe makadlın i ulsoyutho dmışrın a qetre bayn d’Boğdod u d’Arbil, u bu zoyudo dkule kalın cala hıdriyat wa sniqwotho dkito la guboye gawonoye…

U malolo da Haylawotho d’Suriya Demoqratoyto Mustafa Bali huwle maqırhonutho u mırle; QASAD, lıknotır d’Turkiya dmazido a cuqobayda calu garbay madınho d’Suriya, bıthır ma qyome dımdela Ankara cam Amerika u Rusya.  Bu kboşano dsımla Turkiya calu garbay madınho d’Suriya hani qariwo lı şato, sımla hawbe frişe u qtıcla a maye…

U maktabzabno d’Turkiya dkıtyo mşatso cala qtolcame u cala qtolğense da came, me kul zabno l’zabno hawi qatlo u jboro dmigalwın a came dkıtne Mşihoye awste dlatne Turkoye.  Ha ma maktabzabnaniste, isbutho d’6 u 7 İlül di şato da 1955’yo dıhjim cala dukotho u cala bote da Mşihoye dkıtwın b’Stanbul.…

U zamoro barmothoyo idico d’Turkiya dkıtyo bu şerşo Kuırdoyo Nihat Doğan,  bıthır mıd sımle sturyo i şultonutho d’Erdoğan, u tboco froso wa farsufe dkıtne cam Erdoğan mşarelın dhıjmi acle bşıkıl qaşyo.  Me gabo hreno grube tuxmonoye d’Turkiya mhaqarlın u hjımlın cala neşe Kurdoye falohe b’Sakarya dıkmaltımi u fıstaq.  Nihat Doğan…

Bu zabno dıkquşyo i mwatyutho beyn Mısır u Turkiya, u waziro di baroyutho d’Mısır Sameh Şukry hawile droşo camu baramnayde da İmarat Caraboye Mhayde Abdullah bin Zayed cala şuşote haroye du yamo Mescoyo.  Me gabo hreno mawdıc, da hayle d’Turkiya u du garbyo d’Qufrus, gıdmabdın adyawma tadbiqat folhoyo mşawtıfo bu…

A hfuxye wa maqırhonwotho mqabıl du rişqutno d’Turkiya Erdoğan, yawmo cal yawmo kzaydi. Bu zabno haroyano u rişono du parlamento d’Urifi wu rişwazire d’Austurya, mahwelın hfuxyo mqabıl da zawce dıkmaşyo Turkiya bu yamo mescoyo.  U rişwazire d’Austurya Sebastian Kurz bi maqırhonuthayde mırle: Erdoğan kmıstacmıl abnaymothoye d’Turkiya dkıtne b’Urifi, leşan u…

Turkiya mawdacla, dıhthımla a cuqobayda calu gerilla di PKK bu garbyo du Iraq. I mawdconuthathe friso mi wazirutho du sutoro d’Turkiya.  Elo u mede dıkgorış u zuhoro, da cuqobani hıthimi bıthır mi socurutho dsımle u rişqutno Franşoyo lu Iraq wi socurutho du rişono du qlimo d’Kurdistan, lu athro d’Turkiyayo. Bu…

Bıthır mıd ahayle di mşaynutho du Iraq mabdewolın athmıl hamle du teltimo da zayne lo qonunoye dkito bı dukotho frişe du Iraq, adyawma mawdıc dımsik 13 farsufe b’Boğdod u b’Basra dkıtwo acmaye zayne lo qonunoye.  U malolo du gayso Iraqoyo  makadle, dımsıklın 10 farsufe b’Basra u 3 hrene b’Boğdod u…

Taşdarto bi rişonutho du mdabrono gawonoyo du yulfono Suryoyo bi wazirutho di tarbitho Cimad Salım Jajo, sımlın socurutho li fnitho Zamar dkıtyo bu garbyo d’Ninwe.  Bi socuruthathe mcaqablın a fulhone du tewlifo, amkone dkito ba madraşyotho u bebzabno hzelın me qariwo i aykanoyutho du yulfono.  Ba yawmotho dı şafıcina, i…

Qoyumo hreno d’Australia mıdhele i maqırhonutho du snodo di mawdyonutho bu qtolğenso dsim calu camaydan, calan Armınoye u cala Yawnoye mi mamlaxtho da Cuthmanoye ban 1915.  Qoyumo Warren Entsch dkıtyo me Queensland u folho catiqo, ha ma folitiqore rişoye dıksonıd a zedqe da qalilothoyo. U qoyumo d’Leichhardt d’Australia Warren Entsch,…

Farsufe mu cameydan mraşahlın ruhaye la guboye dıgdowın bıhdo ma 16 hiğmonwotho du athro d’Almanya dkıtyo Nordrhein-Westfalen.  A ğuboyani dkıtne qlimoye da Mawtbe da karxwotho, bu zyudo b’Gutersloh u hedora u bı Gronau u hedora, farsufe mu cameydan mraşahlın ruhaye.  A guboye qlimoye da Mawtbe da karxwotho dıgmisomi 13 bu…

Bi maqırhonutho dhuwle u rişwazire d’İsroyel Benyamen Netanyahu mawdacle, dan athrawotho d’Serbia u d’Kosovo gıdnuqli a rişayizgadwothathe me Tel Aviv li mditho d’Urışlem.  Camgabıdathe da şuşotani dkowın beyn İsroyel u dhın man athrawotho Caraboye, a Bahrainste mawdacla dıgdobo ucdo aftho la tayosyotho mdinoye d’İsroyel u da İmarat Caraboye Mhayde, dfayiri…

A haylawotho di mşaynutho du Iraq, mabdelın cuqobo casyo leşan dmaydi a zayne lo qonunoye dkito bi mditho d’Basra. Mawdıc du cuqobanoste gdımdawım 5 yawme leşan dmitahıt ido cala zayne lo qonunoye dkito bide da ğrobe msalhe di hiğmonutho.  Bebzabno mawdıc, du qentrun da pwelıs di mditho di Suleymaniye bu…

Bu athro d’Turkiya a catiqotho wa bınyone maktabzabnoyo, latlın iqoro u lıkmınfaqlın moro.  Bu gabo d’Derik b’Mırde, mahırwi arşome dkıtne cayıd du camaydan dıkmote u maktabzabnathe l’1600 eşne. U me gabo hreno, i cito d’Ayasofya dkıtyo b’Bursa shifo cal dılo nfiq ela moro. Hani hın ma tebe dıkmıfrosi u dhın…

Bu knuşyo du Mawtbo di Mşaynutho d’Emwotho Mhaydotho u waziro di baroyutho d’Danmark, sımle sturyo qaşyo u rişqutno dTurkiya Recep Tayyip Erdoğan bi sbutho du kboşo dan arcotho d’Suriya u ğer dukotho  U waziro di baroyutho d’Danmark Anders Samwilson bi maqırhonutho dhule lu tboco froso, thımle Turkiya dkıtyo athro ganoho,…

Me gabo hreno u rişwazire du athro d’Austurya bi maqırhonutho dsımle mırle ahna lıgmanhıtina katfo la teştıcınye u la tahdide dıksoyım Erdoğan acleyna bi sbutho di mwatyutho dkito bayn l’Turkiya u lu Yawnan.  U rişwazire Sebastian Kurz bi maqırhonutheyde mırle ahna gıdnıfqina moro li morutho du athro du Yawnan. U…

U hadomo du gabo d’CHP u dımraşahwo meqım li rişqutnutho d’Turkiya Muharem Ince, mabdele i kampanya dmahıtle ışma b’alfo yawme u zawco du athro.  İ kampanyathe mabıdyole adyawma mi mditho d’Sivas, u bu mamlayde sımle sturyo i şultonutho wa gabe saqıbloye dkito b’Turkiya.  Muharem İnce bıthır mıd mraşahwole nafşe la…

U mathlono d’Emwotho Mhaydotho b’Suriya Geir Pederssen bi socurutho dsımle li mditho d’Mosko, yatu camu waziro di baroyutho Sergey Lavrov.  Bi ytawtathe, Pederssen mawdacle da ytawyotho di sictho du nomuso esonoyo dıkmitaybi b’Çenev, kşıfci ucdo bı muzoğo msimono.  U mathlono d’Emwotho Mhaydotho b’Suriya Geir Pederssen wu waziro di baroyutho Sergey…

Bıthır mu dcorayde lı Fransa, u rişqutno Emanuel Macron mawdacle, du athro du Iraq kşofıc ucdo mu maşıqlo du nqolo lafi demoqratoyutho.  Bebzabno, Macron makadle dı Fransa ksındo kulonoyith i morutho du Iraq mqabıl da hjome u di mudaxala dıkmisomo ba sebwotho gawoye du athro.  U rişqutno d’Fransa Emanuel Macron…

Isbutho du tewqido du qurcan kımdawmo dmıdroşo bu tboco froso du athro du Swed d’Danmark u bebzabno u rişwazire du Swed Stefan Löven hule maqırhonutho dıgnofıq mqabıl du medano.   Bıthır ma maqırhonwothani dsımle Rasmus Paluden dkıtyo mu gabo d’Stram b’Danmark u gabeyde kzaydi a qoleyde u kibe dcobır lu parlamento…

U rişono zawgoyo du gabo du Huyodo Suryoyo d’Suriya Sanharib Barsom, makadle di sbutho du camo Suryoyo-Othuroyo gıdhuwyo falqo ma bazare du şroyo folitiqoyo du kriz d’Suriya b’Çenev.  Me gabo hreno, u rişono zawgoyo du Mawtbo d’Suriya demoqratoyto-MSD Riyad Darrar, mawdacle dlaybe dmiqafe şroyo lu kriz folitiqoyo d’Suriya, dlo mi…

U waziro catiqo du sutoro d’Australia u qoyumo hreno du athro mdelın i maqırhonutho du snodo di mawdyonutho bu qtolğenso dsim calu camaydan, calan Armınoye u cala Yawnoye ban 1915 mi mamlaxtho da Cuthmanoye.  Bi maqırhonutho du snodano dımdele u waziro catiqo du sutoro d’Australia Joel Fitzgibbon wu qoyumo Andrew…

‘A Mşihoye wa Ezidoye kgurşi u zuhoro u kmawdıci, d’Turkiya kmıstacmılo a maye xıd zayno, bu garbay madınho d’Suriya’ a melani di mimartho dıfriso bı dafe frişe d’Amerikayo.  Bi mimarthathe, mathkır u mamlo dsımle Gabriel Shamoun dkıtyo u mşalo du gabo du Huyodo Suryoyo u ferco di Hasake, dmahkele aydarbo…

U rişqutno dı Fransa Emanuel Macron athmıl meqım mıd hothım i socuruthayde lu Iraq, yatu camu rişwazire Mustafa Alkazimi u camu rişono du qlimo d’Kurdistan Neçirvan Barzani.  Alkazimi bi ytawtayde cam Macron, maglele dkito ucdo fulhone dmitacbır u Iraq lu hudro da nathrawotho du nukler.  Athmıl casriye u rişqutno d’Fransa…

Mşale da tukose du camo Armınoyo, Qufrusoyo, Kurdoyo u Mısroyo dıkhoyın b’Britania, mşadarlın egartho mşawtafto lu rişwazire Boris Johnson cali sbutho da dyoşe dıksaymo Turkiya bu yamo Mescoyo.  Bi egarthathe a tukose da camani b’Britania tlıblın mu rişwazire Johnson, dsoyım hboso cal Anqara leşan dmakliyo a camle wa hawbe dıksaymo.…

Romania maklela sfitho, dcabiro mi Latqiye d’Suriya lu lminayda d’Konstanta.  Bu cuqobo dsim cali sfitatheste, mqafe eba ton u falge d’gelone mtanwone dıkmote u timathe bi şuqo lhol 80 milyone euro. A pwelıs du lmino d’Constanta b’Romania, mahıtlın meqım 2 yawme ido cal kmoyutho rabtho d’captagon dkıtyo şıkıl d’amphetamin dıkmıstacmıli…

Bu taşroro dıfrısle Pentagon bhaq da fulhone folhoye d’Afriqa, mawdıc d’Turkiya mşadarla zıttır me hamşo alfo marhıbone d’Suriya lu athro d’Libya, bnişo dımcawni i şultonutho d’al Wifaq dkıtyo bi rişonutho d’Fayez al Sarraj.  Me gabo hreno bu mamlo dsımla i mathlonitho d’Emwotho Mhaydotho bi sbutho d’Libya Stefani Wilyams makadla, dıkmidawım…

Adyawma mşarele u bethdino d’14 farsufe marıhbone dıkmıthomi dkıtlın mşalutho calu hjomo mzayno dsımwo cali sfaryawmo Franşoyto du karikatör d’Şarli Ebdu bi erişkoyto bı Paris. U bethdinano kmamte lu bolo uhjomo marıhbono dsımwo meqım hamış ışne, u dımathewole şuroyo di şalqa du cnufyo u di marıhbonutho dsimowa bı Fransa ma…

İ mwatyutho du qrobo dkito bayn Turkiya u lu Yawnan mamtela dhowe qatro bayn du rişqutno d’Turkiya Erdoğan u la rabayhaylawotho du gayso d’Turkiya. Me gabo hreno bu zabno dkımdawmo imwatyuthathe Amerika mawdacla dı maqımla u ambargo du zwono da zayne me cali gozarto d’Qufrus, awkith Qufrus kiba zawno a…

Bu zabno haroyo amşale du gabo d’AKP khozın fsoso cam ruhaye dkibın dımhaqri cal kulman dsoyamlın sturyo awste kmahwe dkito ciqutho ma şuşote dlımalği xıdu mede dıklozım.  Mathlo lu medano u waziro Soylu bıthır mıd sımwole haqara calu qoyumo du gabo da falohe Barış Atay ucdo sımle tahdid, u me…

Bıthır mi socuruthayde l’Lebnon, u rişqutno dı Fransa Emanuel Macron sımle adyawma socurutho lu Iraq, u yatuw cama tlotho rişınwotho du athro. Bi socuruthayde, Macron mabdele insiyativ du snodo di morutho du Iraq bi methcadronutho d’Emwotho Mhaydotho. U rişqutno du Iraq Barham Salıh, mıstaqbele adyawma safrayto u baramnayde dı Fransa…

İ mdabronutho gawonoyto du yulfono Suryoyo bu Iraq, bu knuşyo dsımla bı Boğdod, mbayanla u yawmo dgıdmitayıb ebe u lumodo dcala şbile du leşono Suryoyo u di tarbitho tawdithoyto Mşihoyto. Bebzabno, i mdabronutho gawonoyto du yulfono Suryoyo mbayanla u yawmo dgıdmitayıb ebe u cadcido di sefroyutho u da mimre du…

Ba hfaryotho dikmisım bi mditho catıqto maktabzabnoyto du cameydan b’Dara mqafe bethqbure mkanşe dıgmote u maktbazabnathe l’1500 ışne catiqe.  İmditho d’Dara dıkmote u maktabzabneyda la dore catiqe du cameydan meqımste mqafe eba a athare dıksohdi calu maktbazabno du cameydan. Hani zabno yarixo kmisım hfaryotho bi mdithathe dmıştacela dawro rabo bu…

Hın ma folitiqoye Lebnonoye mawdace du surhobo dhawi bu neqoyo du rişwazire hatho l’Lebnon, athi luhwoyo bi netije du hboso dsımle u rişqutno dı Fransa Emanuel Macron cala rişone d’Lebnon. Camgabıdathe, Macron bıthır mi ytawto dhawile cami amnoritho Suryoyto Fayruz, hule şudoyo la bnaymothoye d’Lebnon dgıdmisım şuhlofe mathrone b’gawıd du…

Bıthır me taxtuşe u mhoyo dı soruhe bıhdode  ucdo İsroyel wu gurub da Fleştoyo d’Hamas sımlın şalyuthzayno. Bi mawdconutho dıfriso kmitawmır bi mıscoyutho dsımle u mşalo di tarmitho du tecmiro d’Qatar b’Gazze Muhammed El İmadi matın lı şalyuthzayno. Bi maqırhonutho dhule u mşalo d‘Gaze d’Hammas Yahya Sinvar mawdacle d’bi mıscoyutho…

U tahlufo du hiğmuno d’Nuhadra du Iraq mınaqe Şleymun Şamcum dkıtyo farsufo  ma abne du cameydan. Şlemen mnaqe athmıl meqım matre farsufe hrene dkıtweyne mraşhe b’25 qole dmıdwole. Bi maqırhonutho dhule u rişono du mawtbo d’Nuhadra Fahim Abdullah mırle fsihoyena  dımnaqe u tahlufo du hiğmuno Şlemen Şamcun u dilonoyith dkıtyo…

U waziro di gawoyutho d’Turkiya naqahreto mahwe nişo ha qoyumo bıthır 5  farsufe sımlın hjomo acle  mahalale u mırlınle xayin du athro hat. Ba yawmotho d’şaficina u waziro di gawoyutho Suleyman Soylu bu froso dsımwole bhaq du qoyumo du gabo d’TİP mhaqarwole acle u mırwole klozım qulnaqa mamtena lbolox manhıt.…

I sictho mtaybonitho du nomuso esonoyo d’Suriya, ba ytawyotho haroye dımkamlila bi mditho d’Çenev lımhaqaqla ulo dawse du şuşoto. Bebzabno, u mathlono d’Emwotho Mhaydotho b’Suriya Ger Pedersson makadle da mıştawtfone la ytawyotho d’Çenev hzelın nuqze mşawtıfe, u mawdaclın dkıtlın mabco dmıştawtıfi l’knuşyo hatho. U mathlono d’Emwotho Mhaydotho b’Suriya Ger Pedersson…

Tmınyo folhe mu gayso kaboşo dı Turkiya qtili b’şişaltho d’cuqobe dsımlın ahaylawotho di mudafaca camonoyto di HPG bi fnitho d’Beyazid b’Turkiya. Camgabıdathe, hıdo mharbonitho di HPG qtilo bu hjomo oyaroyo dsımle u gayso kaboşo dı Turkiya bi fnitho d’Zab. U qentrun du tboco froso da haylawotho du sutoro camonoyo di…

İ mwatyutho dımşarewola bayn lu Yawnan u l’Turkiya ucdo hawyo mwatyutho bayn Fransa u l’Turkiya bi sbutho du kroxo dcalu nafto bu yamo mıscoyo. Bi sbuthathe u rişqutno Emanuel Macron i wazirto du sutoro Florence Parli sımlın sturyo calu qedomo d’Turkiya u d’Erdoğan bi sbutho du qetro du kroxo du…

Farsufo qtil u ba casrowat dıhrene mjarhi, ba taxtuşe dhawın beyn da mtagliyone sanode u saqıbloye du rişono d’Amerika Donald Trump. Bu zabno di taglitho dsımlın asanode du rişono Amerikoyo, qtil farsufo b’Oregon bıthır mıd qayithi ba mtagliyone saqıbloye d’Trump b’Portland. Amtagliyone saqıbloye du zawco dıksundi a kome dıqtili ba…

Mısır msıkla u rişono du gabo dan Ahunone Maşılmone Mahmoud Ezzat dkıtyo cımre 76 eşne u dıkmıthım bu qatlo dı mşale u rişone frişe du athro.  I wazirutho di gawoyutho d’Mısır makadla umsoko du rişono du gabano dıkmifaşıq xıd tukoso marhıbono. Lfuth i maqırhonutho dıfrısla i wazirutho di gawoyutho d’Mısır,…

U rişwazire du Iraq Mustafa al Kazimi, mıstaqbele mathlone ma yaqrotho dımvayaclın aw dıhtif hadome ma yaqrothathe bu zabno dfayıt.  Bi ytawtathe dathyo lu hwoyo bu yawmo şatonoyo tibeloyo da htife Al Kazimi mırle; Kfolağno u haşo da yaqrotho, dımvayaclın anabne u bnotho wu hadome da yaqrothathe, u gıdhoweno u…

A İmarat Caraboye Mhayde, fsıqlın dmaqimi u boykott momunoyo dmahıtwolın cal İsroyel. Bu şıkılano, kibın a farsufe wa şırak da İmarat dmodın qyome di tagorutho cam İsroyel.  Bebzabno Tel Aviv mawdacla, dkıtla sabro du zawho dgımisım b’Woşington xıd remzo dımcadli a esorathe cama İmarat Caraboye, dmisım b’falge du yarho d’İlül…

U notarozo gawonoyo du NATO Jens Stoltenberg, hawile mamlo bu telefon camu rişqutno d’Turkiya Recep Tayip Erdoğan. Ba droşe dhawın beyn da 2 rişone, kalın dilonoyith calu kriz dkito ucdo bu yamo Mescoyo.  Calu krizano dbeyn Turkiya u Yawnan calu yamo Mescoyo, u Huyodo d’Urifi fsıqle dlotım bu yarho dıbqamuthayna…

Qoyumo hreno d’Australia mdele i maqırhonutho du snodo di mawdyonutho bu qtolğenso dsim calu camaydan, calan Armınoye u cala Yawnoye ban 1915 mi mamlaxtho da Cothmanoye. Bi maqırhonutho du snodano dımdele u rişono dcala Sicotho di galwoyutho u dcala came şerşoye bu parlamento d’Australia Julian Leeser, kmıtlıb di şultonutho federaloyto…

Bi sbutho di mwatyutho dkito beyn du Yawnan u d’Turkiya, i rişathwazire d’Almanya Angela Merkel ğalabe qriho mbayanla iklayto dkıtla u mırla; Ahna bi sbuthathe gıdsundina u Yawnan en dhowe mede.  Bu mamlayda Merkel mırlaste; lo belhude Almanya elo anathrawotho d’Urifi kulle kıtlın i mşaluthathe leşan u athro du Yawnan.…

İ sniğarto Ebru Timtik, d’sayimo 238 yawme xıd protesto mqabıl di siyase qşitho dıkmaşyo i şultonutho du rişqutno d’Turkiya, nqilo ma haye.  I sniğarto Timtik, adyawma mcafyo bi mditho d’Stanbul. Lu cufoyanoste hadırle ba mowat dıbnaynoşo u bi ithutho d’mınyono celoyo dı pwelıs Turkoye. Ebru Timtik u Aytaç Ünsal dkıtne…

Bıthır mıd mawqıd qurcan da Maşılmone b’Rosengård di mditho d’Malmö du Swed, mtayıb tagliyotho u nafıq taxtuşe qaşye beyn da Maşılmone u du polis.  Cala taxtuşani dhawın athmıl, maqwele adyawma u polis Swedoyo i ithuthayde leşan u duyoqo di mşaynutho di mditho. Athmıl yawme dı Cruto, mido ihirutho dbeyn 10-20…

U waziro di baroyutho d’Amerika Mike Pompeo hule maqırhonutho cala tedbire dkıbco Amerika dmahto calu İran.  Bıthır mıd u fusqono du tehito da tedbire dcalu İran lo fayıt b’Emwotho Mhaydotho, fsıqla Amerika dmahto tedbire calu İran 20 bu yarho d’İlül dıbqamuthayna.  İsbutho di mwatyutho dkito beyn du İran u d’Amerika…

U rişqutno du Iraq Barham Salıh, bi ytawto dhawile cami wazırto du sutoro d’Fransa Florans Parli, makadle cali ulsoyutho dmısnodi a fulhone du Iraq, leşan u sutoro di moruthayde u dmitaklın a dyoşe folhoye cala arcothayde.  Mxasra hreto, u rişwazire Mustafa Alkazimi mıstaqbele u waziro di baroyutho di Scudiye, u…

İ wazirutho di baroyutho d’Amerika tlıbla me Turkiya u mu Iraq, dhowın sanode bi sbutho dmişatıs mdabronutho dilonoyto li fnitho d’Şigur bu garbiyo du Iraq.  Megabo hreno, i mdabronutho d’Ninwe fsıqla dmişatıs sictho qentrunoyto leşan u bnoyo u hethotho d’Şigur. U waziro qamoyo dkıtyo mşalo ba sebwotho du madınho mıscoyo…

U Huyodo d’Urifi maslamle 336 mılyune krone li şırke d’Astra Zeneca xıd tehwiyo da zuze qamoye, leşan u samono u darmono mqabıl du kewo d’Corona.  Bi maqırhonutho dhule u mathlono di şırke mırle; Bu qyomo dımdelan cam Urifi gıdobolan 300 mılyune leşan a darmone l’Urifi.  Bu qyomo dhawi bayn da…

A 6 şutose dsımwolın awyutho camı hdode d’zawni makinat du tetfiyo di nuro l’Turabdin, frıslın egartho ruşmoyto dkımqadmi tawdiyotho la şutose u la yaqrotho u dkul man dhawi sanodo bi tarmithathe.  Bi egartho a şutose kmahkın cali tahrazto dsimowa bu froshezwo d’Suroyotv wu camo bidothe ftihe, mcadarwole i tarmithathe du…

İ mdabronutho da maye di Hasake bu garbay madınho d’Suriya, mawdacla dımşadır maye mi nuqazto d’Alhimma la şawthawotho macırboye di mditho.  Megabo hreno, qoyumto Turkoyto bi rmoyto dımqadamla li şultonutho d’Ankara mşayela; qay Turkiya ksıxro a maye calu qlimo di Gozarto d’Bethnahrin d’Suriya. İ rişonitho zawgoyto di mdabronutho da maye…

U rişono d’Katalonia, mhanele u mıştacyono idico di esfirreğlo Leo Messi calu zabno dmafıtle bi gudo d’Barselona.  Qwim Torra makadle, d’Messi mıştacyono ğalabe towoyo bi esfirreğlo wu camo d’Katalonia  fsihoyoyo lu gado dhawilın camu mıştacyono towo di esfirreğlo dı britho. U rişono di marcitho d’Katalonia Quim Torra, frısle egartho bi…

U yaminoyo qaşyo d’Zelanda i Hathto mjaze cımre kule lu hbuşyo calu hjomo dsımwole meqım şato cal tıre masığde b’Christchurch. U marhıbono Brenton Tarrant dsımwole uhjomo qaşyo cala Maşılmone bi mditho d’ Christchurch d’Zelanda i Hathto, hkim cımre kule lu hbuşyo u lo hiw ele mkono dmitarfe meqım mu zabnayde.…

 Fransa, İtalya, Yawnan u Qufrus, mabdelın tadbiqat folhoyo mşawtıfo bu macırbo du yamo d’Qufrus. U tadbiqatano da hayle du yamo dan arbco athrawotho mşarele athmıl, wu ramhıl kmıntır dtoyım.  U tadbiqatano sim bu taro di methcadronutho dhawyo beyn dan arbco athrawothani calu hboso u cali mwatyutho dıxliqo bu yamo Mescoyo.…

A helikoptere wa tayosyotho da hayle kaboşe d’Turkiya dmaqşelın a cuqobathe calu gerilla di PKK bu garbyo du Iraq, mhelınste ucdo ba dukotho da Ezidoye bi fnitho d’Şigor.  A Haylawotho du Delqublo d’Şigor makadlın, da tayosyotho d’Turkiya mabdelın cuqobe hathe cala dukotho da mdinoye b’Şigor. Turkiya du nişayda dkubşo u…

Sim hjomo cal radayto di mcadronutho noşoyto d’Emwotho Mhaydotho qariwo li mditho Suryoyto d’Barıtle bi daşto d’Ninwe.  Calathe, a mathlone d’Emwotho Mhaydotho dkıtne bu Iraq krıhlın u hjomano, u mawdaclın dıkmacıq a’fulhone di mcadronutho da banymothoye du Iraq.  Athmıl safrayto foquctho dımahto bi arco, mfarqıco qariwo mi mditho d’Barıtle calu…

I qadişutho du fatıryarxo di cito Suryoyto Marunoyto Mor Bşara Bıtrıs Alraci, mawdacle d’Lebnon, kıtla u qetro dıkmişahlıf  lathro tawdithoyo dkıtyo masro cam hayle baroye, aw gabe, yaste mathabe.  Camgabıdathe, fatıryarxo Alraci sımle socurutho la citotho dıhzelın husrono ba furqoce qaşye dhawın bi arişkoyto Beyrut.  Bi cohnutho da 100 eşne…

U rişqutno d’Fransa Emmanuel Macron mawdacle i tahrazto da fulhone du rkowo di şultonutho d’Lebnon, laşan dmiqadım mcadronutho lu athro dı docır naqla hreto cal rağlothe.  Bıgawe di tahrazto dımahıtle Macron, kito şartat leşan folitiqore d’Lebnon u bebzabno komır; En a şartatani dılo mitanıhti la haye, kibe u athro d’Lebnon…

Me gabo hreno i malılto di wazirutho di baroyutho d’Amerika Morgan Ortegas bu mamlo dsımla mırla en Erdoğan dımdawım ba itawyotho dkıtle cam marıhbone d’Hammas inaqayo gıdfoyış hiye lruhe bu madınho mıscoyo. Amerika bu zabno haroyo ksaymo maqırhonwotho mşahılfe mqabıl di siyase dıkmaşe Erdoğan cama athrawotho du madınho mıscoyo. Ba…

U şutoso da istixbarat d’İsroyel Mossad  komır Turkiya qentoyo zıttır mu İran. Lfuth u tebo dıfrısla The Times u bu buhono dsımla kmahwuyo du athro d’Turkiya qentoyo zıtır mu İran lu şıuşoto dıbritho. Bu tebano dıfrısla The Times u gelyunoro Roger Boys kmahke cala esore bayn İsroyel u Turkiya dkıtne…

U malko d’Yurdnon, u rişqutno d’Mısır wu rişwazire du Iraq sımlın knuşyo bi mditho d’Camman. Bayn da sebwotho dıdrişi bi ytawtathe, atlotho rişone bu zyudo dkulle kalın cali sbutho du şlomo cam İsroyel. U malko d’Yurdnon Cabdalla Trayono, mıstaqbele athmıl bu qusrayde bi erişkoyto d’Camman, u rişqutno d’Mısır Cabdılfattah Alsisi…

Bi mditho d’Kinoşa bu qlimo d’Wiskonson b’Amerika, hawi şğuşye u taxtuşe qaşye bıthır mdıqtilın a pwelıs farsufo hreno komo. Bi netije dqaşın ataxtuşani, u rişono Amerikoyo Donald Trump tlıble dmıfrıs noture athronoye laşan dımamni i mşaynutho bu qlimo d’Wiskonson. Meyawme d’huşabo uhul ucdo, aşğuşye wa protestawiye dımşarelın mditho d’Kinoşa bu…

Atagılyotho du protesto hani arbıco yawme kımdawmi mqabıl di şultonutho d’Alwifaq bi mditho dı Tarablos bu athro d’Libya. Amtagılyone dkımtalbi dmınfıq mqabıl du fasad u dmicadlo i aykanoyutho di ciyeşe yawmonoyto, mtawaqlınste u bayto du rişwazire Fayez Alsarraj. Ba vidyowiye dıkfırsilın ahfite dı Tarablos ba dafe du Facebook, kmahwe da…

İ sbutho du kroxo du nafto u du gaz  bu yamo mıscoyo mamtela Turkiya wu Yawnan lı darğo dı qrobo metul dkul yawmo ksaymi maqırhonwotho u tahdide mqabıl dıhdode, u be bzabno atre tarafe manhatlın a sfinothathe du qrobo lu yamo mqabıl dıhdode. Me gabo hreno u waziro di baroyutho…

Bu athro d’Tunıs mşatıs şultonutho hathto teknoqrat bi rişonutho d’Hişam Almışeşi, bnişo dmaqwiyo u momuno hariwo du athro, u dfırşo ruha ma krize folitiqoye dkito bu qlimo.  Megabo hreno, u athro d’Aljazaer mawdacle ha bu yarho dı Teşrin u Haroyo dıbqamuthayna gıdmisım funcomo calu nomuso esonoyo hatho dıkmaqwe i demoqratoyutho…

U gayso athronoyo d’Libya bi rişonutho d’Xalifa Haftar, bayn da şartat dımbaynile laşan dhowe şlayuthzayno cami şultonutho d’Fayez Alsarraj, tlıble dmışrın anuqazyotho folhoye dı Turkiya u dgurşo ahaylawothayda me Libya.  Camgabıdathe, atagılyotho du protesto mqabıl di şultonutho d’Alwifaq kımdawmi bi mditho dı Trablos b’Libya, wa mtagılyone ktılbi dmitadre Alsarraj mi…

U kenşo da Rum d’Turkiya, kıthuwlın egartho lu rişqutno Recep Tayip Erdoğan dı docır mu fusqono dhuwle cali cito d’Kariye, dmisomo masığdo da Maşılmone.  U Huyodo Tibeloyo da Rum bi egartho dımşadarle komır: U fusqonano dmid, latle asirutho bi kinutho, mawxa klozım dmitadcıro i cito xıd bethcatiqotho Bıthır me Ayasofya…

I wazirutho du sutoro d’Rusya mawdacla, d’mafır soruho bıhdo ma radoyothathe bu macırbo d’İdlıb d’Suriya. Uhjomano sim, bu zabno da hayle Rusoye u Turkoye saymiwo dawriya bu qlimo. Megabo hreno mawdıc, d’nafıq naqla hreto taxtuşe qaşye beyn da marhıbone noqufe d’Turkiya u da hayle du rejim d’Suriya bu gbino d’Benin…

U Yawnan huwle şudoyo, dgımdafıc ruhe mqabıl d’Turkiya. Bu zabno di mwatyutho kımdawmo dıquşyo beyn du Yawnan u d’Turkiya cali sbutho du nafto bu yamo Mescoyo, atre athrawotho mzaharlın naqla hreto hıdode.  Ham u Yawnan u hamste Turkiya mawdaclın, dgımtaybi tadbiqat folhoyo du yamo qariwo li gozarto d’Grit. Cali mwatyuthatheste,…

Bıthır ma buqore dsımle u komisyon dkıtyo mşaklo me 5 qoyume dkıtne 3 mu gabo d’AKP, ha me CHP u ha mu gabo d’HDP, mqadamle renyo dmimodo i hasinutho du qoyumo du camo Suryoyo-Othuroyo Tuma Çelik.  Bıthır mu renyano dımqadım, u komisyon du parlamento dıkmişakıl me 52 qoyume gıdmoyıd fusqono,…

U qaymaqam di qastra Suryoyto d’Bağdede di daşto d’Ninwe ardixlo Cisam Bıhnam Hındi, mıstaqbele u mşawrono du rişwazire du Iraq dcala sebwotho da qalilwotho umthoye u tawdithoye Safaa Hındi.  Bi ytawtathe drişo i aykanoyutho di mşablonutho kenşoyto wa tarmiyotho du bnoyo u hethotho dkamili bi qastra d’Bağdede.  U mşawrono du…

U bethsawbo d’Mırde d’Artuklu mawdaclın dıgfıthi dawrat du yulfono du leşono suryoyo ba lecze dkıte calu darbo du nawlo, mawxa me kul duktho kibın afarsufe dyılfi u leşono Suryoyo.  Me gabo hreno i şultonutho d’Monğolia mawdacwola bu yarho d’Odor dı şafıcina, dkıtla tahrazto dımşaryo dmıstacmılo naqla hreto i alfabet-i olaf…

İ sbutho du zwono da zayne d’S 400 d’Turkiya kıbco zawnolın me Rusya hawi qatro du rişeyde lıkmidıc b’idothe d’manyo.  Me Rusya kothe mawdconwotho mşahılfe hın mane kımi mdelın u qyomo u hın mane kımi i şato dothe, u mu gabo d’Amerika kımdawmi a tahdide dımqabıl du zwonano. Xıd kıtyo…

U parlamento du Iraq thımle Turkiya dıksaymo qrobo da maye calu athro.  Calathe, u parlamento tlıble mi şultonutho d’Boğdod dmıstacmılo isbutho di tagorutho xıd warqo du hboso cal Turkiya.  İ sictho di zaricutho u da maye du parlamento du Iraq, mawdacla dı Turkiya ksaymo qrobo da maye calu athro du…

Lfuth a tebe haroye dkothın mu athro d’Kore i Garbyoyto u rişono Kim Jung Un cabır la bethkrihe wa hayeyde bu qento du mawtone.  Lfuth atebani meqım kımo yarhe u rişono maslamwole a wolyotho wa mşablonwotho du athro kule li hotheyde Kim Yo Jong. Me zabno karıx kborım tebe bhaq…

U rişono du gabo Dactid Ahmet Davutoğlu, sımle sturyo qaşyo i şultonutho du gabo d’Erdoğan, bu mamlo dsımle bu lumodo du gabayde di fnitho du Van.  Davutoğlu mırle; Kımşayalno mi şultonutho, heş kımdawmitu bi tarbiyesıziye dıksaymuto mqabıl da gabe di saqıbloyutho, awste gımdawmutu ba farsufe fqide dkıtxun dkımdagli u dıksaymi…

A sturye wa hfuxye mqabıl du şuhlofo da citotho da Mşihoye b’Turkiya l’masığde kımdawmi me athrawotho frişe.  U Huyodo d’Urifi, Rusya u Yawnan mahwelın hfuxyo mqabıl du şuhlofo di cito d’Kariye l’masığdo mi şıltonutho d’Erdoğan.  Bıthır mi cito d’Ayasofya dımşahlıfowa mi şultonutho d’Erdoğan l’masığdo da Maşılmone, meqım kımo yawmeste mşahlafwola…

U Yawnan wa İmarat Caraboye Mhayde, gıdsaymi tadbiqat mşawtıfo. Mawdıc da hayle oyaroye da 2 athrawotho, gıdsaymi u tadbiqatano qariwo li gozarto d’Grit.  U tadbiqano dgımşare bi şabthathe dıbqamuthayna, kmisım b’zabno dıkquşyo i mwatyutho beyn du Yawnan u du athro şbobo Turkiya cali sbutho du yamo Mescoyo. A İmarat Caraboye…

Bıthır me Emwotho Mhaydotho u Mısır, ucdo u Huyodo d’Urifiste bı fsihutho mıstaqbele u plan di şalyuthzayno dımqadım ma mşale d’Libya bnişo dmitakle u kriz du athro.  U Huyodo d’Urifi mawdacle, di şalyuthazyno b’Libya dawse ulsoytoyo dıktofık u athro laf qıddam, u dıkmahwıyoste u fusqono kamilo dkıtte a rişone d’Libya…

Baroyo bıthır mıd dacır u rişwazire du Iraq Mustafa al Kazimi me Woşington d’Amerika, nahıt bi mditho d’Basra dhani zabno kımdawmi eba a tagliyotho, a taxtuşe wa suikaste da farsufe hfite.  Bu mamlayde al Kazimi mzaharle a grube wa farsufe dkıtne bıthrıd da qatlani da farsufe hfite, dıgmıkrıx aclaye u…

U Mawtbo di rişqutnutho di şultonutho d’al Wefaq d’Libya mawdacle, dmaklın a taxtuşe u sim şalyuthzayno banarcotho d’Libya kulle.  Bebzabno, i şultonutho d’al Wefaq sımla qroyto dmisomi a guboye di rişqutnutho wa guboye du parlamento du athro bu yarho d’Odor bi şato dıbqamuthayna. I maqırhonuthathe, bı fsihutho mıstaqbılo me Emwotho…

A sanode du gabo d’Hizbullah d’Lebnon wa sanode du zawco d’Amal, athmıl ba şoce dcasriye nafıq taxtuşe baynothaye bu zabno dımhagınwo bu zawho di şato hathto hijri.  Lfuth u tboco froso dhule u tebano mawdaclın ba taxtuşani mjarıh 3 matre gabe u ha farsufo mayıth bıthır mıd mawbalwo mjarho la…

U rişono zawgoyo catiqo du gabo d’HDP Selahattin Demirtaş dkıtyo bu hbuşyo tahte renyo siyasi hule rınyo dmişatıs awyutho rwıhto demoqratoyto da falqe du athro kule dhowın bgawe.  Demirtaş bi mawdconutho dhule mırle i şıltonutho ma fawde rabe dıksaymo law kmaqıblo falqe hrene star ma noşe dkıtla hiya lruha.  Selahattin…

Bıthır me zabno d’Suroyo tv u wu frosqolo du cameydan Suroyofm kfırsi tebe cala dyoşe u barbroyutho dıkseymi a marıhbone dkıtne masre b’Turkiya ucdo Rusyaste mzaharla Turkiya bi sbuthathe.  Be bzabno u hadomo du mawtbo di rişonutho di PYD Aldar Xalilste bi maqırhonutho dhule lu tboco fros grışle u zuhoro…

A cuqobe dıksaymi a hayle kaboşe d’Turkiya calu gerilla di PKK bu garbyo du Iraq, naqla hreto huwlın husrono la qıryawotho du camaydan dkıtne qariwe la turone.  Bu video dıfris bu tboco froso kenşoyo, kımahwe aydarbo yaqidi anarcotho di qritho du camaydan d’Bişmaye dkıtyo bi fnitho d’Barwar bu garbyo du…

Hani 3 eşne bıthre dıhdode, kqotıc u İran u xyoro da maye ba nahrayde dıkşufci lu qlimo d’Kurdistan bu garbyo du Iraq.  I wazirutho di zaricutho u da mabuce da maye du qlimo d’Kurdistan mawdacla, du qtocano da maye kımathır ğalabe mrimono calan arcotho di zaricutho da qıryawotho frişe du…

Umqımdino d’Almanya fsıqle, du hawbo dsımwole ha Iraqoyo bu Autoban d’Berlin yawme dıtlotho dı şafıcina, hjomo maşılmono qaşyowe. U mqımdino d’Almanya mawdacle, di sişaltho da gedşe dıtrele ha Cıraqoyo dhowın bu Autobahn di arişkoyto d’Almanya Berlin, mfaşqi xıd hjomo maşılmono qaşyo. U Iraqoyo dkıtyo cımre 30 eşne msıkwo mu polis…

Emwotho Mhaydotho u athrawotho mşahılfe beynothaye Amerika u Fransa bı qaşyutho krıhlın a suikaste dsimi cala farsufe hfite bi mditho d’Basra bu taymno du Iraq.  U Huyodo d’Urifi, u tukoso d’UNAMİ wi rişızgadutho d’Amerika u dı Fransa b’Boğdod, ba buyone dıfrıslın mahwelın ilo thınihuthathe cali marhıbonutho dıkmisomo cala mdinoye hfite…

Cito hreto mşahılfo l’masığdo di Maşılmonutho bu zabno di şultonutho du rişqutno Recep Tayip Erdoğan dıkmıthım, dkıtyo u mcawnono da marhıbone uda Maşılmone qaşye b’Suriya u dı dukotho hrene.  Bu zabno di şultonutho kımşahılfo a citotho l’masığde, kturyo a bethqbure dan Armınoyeste dhowın harbotho u dmılhoyi mu makthabzabno.  Bıthır mu…

Bu zabno di socurutho dsımle u rişwazire du Iraq l’Woşington, hawile Mustafa al Kazimi ytawto camu rişono Amerikoyo Donald Trump bu Qusro Heworo.  Bu zabno da droşe dhawın beyn d’Trump u al Kazimi, kıle cala esore dbeyn da tıre athrawotho dilonoyith bu haqlo du momuno. Mawdıc d’Boğdod u Wşington mşahlaflın…

A İmarat Caraboye Mhayde fsıqlın, dımarkıwi rişizgadutho bi arişkoyto d’İsroyel Tel Aviv. I mawdconuthathe hiwo, mu waziro di baroyutho da İmarat Caraboye Mhayde Anwar Gargaş.  Megabo hreno u İran, dmahwewole hfuxyo lu qyomano dbeyn Tel Aviv udi şultonutho d’Abu Dhabi, kbışle athmıl sfitho da İmarat Caraboye dkıtwa şafıcto ba thume…

U mathlono catiqo d’Amerika bu koalisyon Emwothoyo mqabıl Dacış Brett McGurk, mawdacle dımgalwele ban alfayo d’mdinoye mu garbiyo u mu madınho d’Suriya, cal d’Amerika lo snıdla a Haylawotho d’Suriya Demoqartoyto mqabıl da marhıbone d’Turkiya.  İ maqırhonutho d’McGurk athyo xıd funoyo li maqırhonutho dıfrısle u rişono d’Amerika Donald Trump bi dafayde.…

Amerika mawdacla di aykanoyutho d’Lebnon matyo lu darğo haroyo dkulle du hrowo, u makadlaste dıklozım Lebnon dsaymo şuhlofe folitiqoye leşan dmitahwela mcadronutho Emwothoyto.  Megabo hreno, u rişqutno d’Lebnon Mişel Caun dımdafacle Hizballah mqabıl du fusqono du bethdino Emwothoyo d’Den Haag, Fransaste mawdacla du fusqono du bethdino d’Alhariri klozım dfoyıt la…

Athmıl casriye a comure di mditho d’Nuhadra bu garbyo du Iraq, mahıtlın klayto mqabıl da hjome dıksaymo Turkiya calu qlimo.  Ba şoce dcasriye u camo nafıq qum di nuqazto du cboro du thumo, u mahwelın u hfuxyathe u kalın qum da radoyotho u da farsufe dabici d’cıbri me Turkiya lu…

U rişqutno d’Fransa Emanuel Macron bi maqıblonutho dhule lu tboco froso mırle Erdoğan farsufo dkobıc mzaczıc u huyodo d’Urifiyo, mawxa a athrawotho d’Urifi klozım maşina siyase qwitho mqabıl dhawxa rınye. Bıthır mi mwatyutho dhawyowa bayn Turkiya u l’Fransa a maqırhonwotho u mamle datre athrawotho kımdawmi dmıski duktho bu tboco froso.…

Bıthır mi mwatyutho dhawi bu yamo Mescoyo beyn Turkiya wa athrawotho hadome d’Urifi, Amerika mşadarla hıdo ma sfinothayda a rabe du qrobo lu yamo Mescoyo.  İ sfitathe d’USS matyo li gozarto d’Girit du Yawnan.  Hani zabno yarixo kito mwatyutho beyn d’Turkiya u du Yawnan cal man kıtle zedqe dkorıx calu…

Bu athro du Iraq, a suikaste dcala hfite folitiqoye kzaydi, kmawdıc u tboco froso Iraqoyo.   Athmıl casriye farsufe di hiyoyuthathe latyo idicto, marıslın buğre cali ositho wi hfito Riham Yacub b’Basra du Iraq, u qtilolın. Bıthır mıd u camo du Iraq mşarewole ba tagılyotho dı tolabwo du athro dmişatıs bşıkıl…

U hiğmuno d’Ninwe Najım Aljabburi bi socurutho dsımle li qastra Suryoyto d’Bağdede bi daşto d’Ninwe, mıstaqbıl mu qaymaqam ardixlo Cisam Buhnam Matti.  Bi socuruthathe, Aljabburi dkarıx beyn da tarmiyotho du bnoyo u hethotho dsimi, mawdacle dkito ğalabe yaqrotho mu camaydan dkıbci ducri ucdo l’Bağdede bıthır mu şuşoto dhawi bu benyonayda…

Qariwo lu athro d’Libya naqla hreto hıdo sfitho hawyo qawro l’45 farsufe galwoye; beynothaye 5 tloye. Me zabno yarixo lathiwo tebe calu ğmoto da sfinotho dıknuqli galwoye bu yamo. Elo athmıl, lfuth i mawdconutho d’Emwotho Mhaydotho kıtwo zıttır me 80 farsufe bı sfitho d’ğayiro ba maye d’Libya. Bu gedşano di…

A tagliyotho mqabıl du rişqutno d’Belarus Aleskander Lukaşenko kımdawmi.  A tagliyothani simi, bu zabno dlayım u Huyodo d’Urifi b’Bruksel, leşan dorış i aykanoyutho harayto du athro.  U camo d’Belarus d’Rusya i Hewarto, kobıc dmisım şuhlofo mşayno bi mdabronutho du athro u dmisım guboye hathe. Calathe atagliyotho kımdawmi mqabıl du rişqutno…

U gabo da Demoqratoye d’Amerika, mbayanle ruşmoyith Joe Biden u mraşhayde la guboye di rişonutho d’Amerika.  Ba guboye di rişonutho dgımisomi b’Amerika tlotho bu yarho d’Teşrin u haroyo dıbqamuthayna, gıdloqe Biden u mraşho da Qutnutho Donald Trump-dkıtyo ucdo u rişono du athro. Bıthır mıd amathlone da 50 marcıyotho trelın mi…

I wazirutho du sutoro d’Rusya, madcarla 26 tloye mu garbay madınho d’Suriya,  lu athro. I sagiyoyutho da tloyani, mqafın ba bethyatme b’Darımsuq.  Me gabo hreno mawdıc, bu furqoco dhawi qum nuqazto da marhıbone noqufe d’Turkiya b’Tel Abyad, qtil u mjarıh mınyono d’farsufe. Lfuth i dafo d’Tass, i wazirutho du sutoro…

Ataxtuşe wa hjome bayn da haylawotho du rejim d’Suriya wa jatawiye dıkmısnodi m’Turkiya, b’qaşyutho heş kımdawmi bag bine mşahılfe du qrobo bifnitho d’İdlıb.  Bebzabno, u gayso kaboşo dı Turkiya dkımdawım dmaqwe u haylayde b’İdlıb, mşadarle şawco grube u konvoye hathe li fnitho. Imşatasto d’Suriya da zedqe noşoye, mawdacla da haylawotho…

Bıthır mu fusqono dmıdle u bethdino emwothoyo dı Denhax bi sbutho du qatlo d’Rafiq Alhariri, u rişwazire dmeqım d’Lebnon Sacd Alhariri mawdacle dhathe i naqla qadmoytoyo bu makthabzabno da suikaste folitiqoye d’Lebnon kmitagle cali şrorutho.  Camgabıdathe, Amerika dmawdacla du fusqono du bethdino d’Lahay kımakıd du gabo d’Hizballa marıhbonoyo, İsroyelste mawdacla…

İ qadişutho du fatıryarxo di cito Suryoyto Qatholiqoyto Mor Bşara Bıtrıs Alraci, sımle qroyto dmitabde guboye gawonoye msarhıbe, u dmişakıl şultonutho dıkmathlo u athro wu camo Lebnonoyo.  Bebzabno, fatıryarxo Alraci tlıble dmıgrış u zayno mu gabo d’Hizballah dkıtyo u grub ihidoyo dkıtyo msalho b’gawe d’Lebnon.  Bu mamlo dsımle, u rişono…

Ahaylawotho du sutoro du Camo-HPG mawdaclın dmadrelın helikopter du gayso d’Turkiya bu zabno da cuqobe dsaymowa b’Haftanin du garbyo du Iraq.  HPG frısla mawdconutho cali hfituthathe dsimo 16 bu yarhano, u bebzabno makadla dımhelen b’helikopter hreto dıhzela husrono rabo, elo lo mahwele d’nafilo.  Ba hjome dıksaymo Turkiya cala arcotho du…

U rişwazire du Iraq Mustafa Alkazimi mawdacle du athrayde gıdfoyış sniqoyo li mcadronutho d’Amerika walawste u snodano kibe dılo mdawım adyawma b’şıkıl dısnodo folhoyo baroyo dcali arco.  Alkazimi thımleste a şultınwotho dmeqım mene, dhınnene amşale dcali aykanoyutho haruwto dmatila ucdo u Iraq.  Adyawma meqım mu mazlayde l’Waşington, u rişwazire du…

Turkiya kıbco dımdaxlo lu athro d’Lebnon bu tecbiro dı gurube marıhbone dkıtla b’Suriya lu athro d’Lebnon.  Lfuth i Mtakasto da Zedqe Noşoye d’Suriya Turkiya macbarla 132 marıhbone me Suriya l’Lebnon u marıkwila b’Trablus bi duktho dıkhoye buzyudo maşılmone sınna.  Bıthır mu fruqoco dhawiwo 4 bu yarhano d’Ob b’Beyrut d’Lebnon, athrawotho…

U bethdino Emwothoyo d’Den Haag adyawma mawdacle, du bethdino dcalu qatlo du rişwazire catiqo d’Lebnon Rafiq al Hariri dıqtılwo bı furqoco cam 21 farsufe hrene.  Bu fusqono dhule u bethdino Emwothoyo, hkımle farsufo wa 3 hrene dkıtwın  hol ucdo thimoye bu tuyobo du furqocano, şrın mu thomano.  U qatlo d’Hariri…

U hudro du quyomo da mşihoye du madınho mıscoyo WCO mahıtle Kumbarat b’şwac nuqazyotho du nafto awkith Benzinlikat dkıtne b’Frankfurt u hedor d’Almanya. Bi sbuthathe u claymo Suryoyo Metin Danak dkıtyo me Gisen hawi fatoho du darbo dmitahti a kumbaratani laşan dmitaltım mcadronutho la abne du cameydan dkıtne bu athro…

Ahaylawotho du sutoro camoyo di HPG, bu cuqobo dsımlın bu tayman madınho dı Turkiya mfarqaclın radayto folhoyto da grube dilonoye du gayso dı Turkiya u qtilın 10 folhe dkıtwın b’gawa. Bebzabno, ahaylawotho di HPG mawdaclın dıqtil tıre mharbone u tlotho noqufe dıthe bu hjomo oyaroyo dsımla Turkiya. Ahaylawotho di HPG…

U mawtbo di methcadronutho du Xaliç krıhle atehdide du rişqutno du İran Hasan Ruhani lu athro da İmarat Caraboye Mhayde bi sbutho du qyomo du şlomo dımdela cam İsroyel. Megabo hreno, i şultonutho d’İsroyel mawdacla dıkmıtyaqno du athro du Bahren u d’Cuman gdımhalqi cayni dawse dımhalqole u athro da İmarat.…

Bi erışkoyto d’Somalya noşe dı latyo ihiyoyuthathe idıcto mfarqaclın radayto bgawe du bınyono dıha hotel dkıtwe qariwo lu yamo. Bu furqoco dhawi calu hotel lfuth imawdconutho dıfriso bu noquso 17 farsufe mwayaclın a hayathe u 26 mjarhi. Lfuth u tboco froso du athro d’Somaliya mfarqıc radayto calu bınyono dıha ma…

U rişono d’Amerika Donald Trump, mşadarle egartho dilonoyto lu rişathro d’Suriya Başar Al Asad, bi sbutho d’gelyunoro Amerikoyo.  Bi mawdconutho dhuwle u waziro di baroyutho d’Amerika Mike Pompeo makadle, bi egarthathe d’Trump ktolıb mu rejim d’Suriya dımşayıl calu gelyunorano dımvayacwo b’Suriya heş mi şato da 2012. Lfuth i mawdconutho dhuwle…

Bu zabno da tagliyotho qaşın b’Belarus awkith b’Rusya i Hewarto, mqabıl du rişqutno sımle Alexander Lukashenko baroyo telefon lu rişono d’Rusya Vlademir Putin.  Lukashenko sımle i rişonutho d’Belarus mi şato dan 1994 wu rişqutno ihidoyo dhawila Belarusyo u ğalabe athrawotho Urifoyeste kımfaşqile xıd diktatör. U rişqutno d’Belarus Alexander Lukashenko, hawile…

Amerika mdela qyomo cam Polonia, leşan dnuqlo a folhe dkıtla b’Almanya l’Polonia.  Bu qyomo dımdele u waziro di baroyutho d’Amerika Mike Pompeo camu waziro du sutoro d’Polonia bu qusro di rişqutnutho b’Warşaw, gıdmınqoli a  12 alfo folhe dkıtla Amerika b’Almanya lu athro d’Polonia. U waziro di baroyutho d’Amerika Mike Pompeo,…

U makthbo du polis Federaloyo d’Almanya dıkhoyır cala hawbe mawdacle, dhol 350 marhıbone d’Dacış daciri l’Almanya me Suriya u mu Iraq.  Me gabo hreno u bethdino d’Almanya ftıhle bi şabtathe dacwa mqabıl d’149 farsufe dıkmıthomi bi Maşılmonutho qşitho. Bıthır ma buhone dsımle u makthıbo du polis Federaloyo d’Almanya dıkhoyır cala…

U mathlono d’Amerika b’Suriya James Jeffrey mırle; en kito athro dkibe dmawfıq u İran me Suriya, u athro d’Rusyayo dkıtle tathir rabo bu athro.  Bu mamlo dsımle Jeffrey mawdacle, du rejim d’Suriya kıcoyış hboso rabo u Mosko kiba dhuwyo ale bu şroyo du kriz folitiqoyo d’Suriya. U mathlono dilonoyo d’Amerika…

U Iraq, sımle qroyto l’Britania, l’Fransa u l’Almanya dmıştacın dawro hfito, bu tekliyo da cuqobe oyaroye dıksaymo Turkiya calan arcothayde du garbyo du athro.  I qroytathe du Iraq simo, bıthır ma hjome dsımwola Turkiya meqım şabtho qariwo l’Arbil bı tayosto dılo pilot. Bu cuqobano d’Turkiya, qtılwo 2 mşale da noture…