BRITHO

İ marcitho d’Mississippi hawyo i marcitho da 50 d’Amerika, dıkmawdıyo bu qtolğenso dsim calu camo Armınoyo ban 1915. U rişono di marcitho Tate Reeves sımle iclan u yarho d’Nison-yawmo du duxrono u tekliyo qum du tuyobo da qtolğense. Bi maqırhonutho di rmoytathe dmaqbılo bi marcitho, bşıkıl rwiho mahke calu qtolğenso…

Dafo dan Armınoye matila u tebano mu Komisyon Athronoyo dan Armınoye b’Amerika u lfuth i mawdconuthathe, u mınyono da hadome di kongre d’Amerika dıksundi i rmoytathe dımqadmowa bu zabnano du duxrono da 107 du qtolğenso dsımwo calan Armınoye, mati l’60 hadome di kongre. İ rmoytathe mqadmowa mi hadımto di kongre…

A tarte citawothani du cameydan frişiwo lı tarte citawotho bi şato da 1967 xıd kulnaqa cal sbutho nacımto, wa naqa drışwolın siqumo catiqo u siqumo hatho. Bıthır ma ışnani dı fayiti ucdo a mşale da tarte citawothani matın lı qanaca dkibin dirşi cam hdode aydarbo kibin mhaydi a tarte citawotho…

YEREVAN — Taşdarto Franşoyto dıkmişaklo me qoyume dkıtne bu Ğrob da Hawrone bu senato d’Fransa, sımlın socurutho li arişkoyto d’Armenia. I taşdartathe dkıtwa bi rişonutho du qoyumo Gilbert-Luc Devinaz u Vladimir Vardanyan, sımla’ste socurutho li qoyumtho du qtolğenso dan 1915. Bi socuruthathe i taşdarto mahıtla klilo d’warde qum di qoyumtho…

Athmıl bu zuyoho dilonoyo dsim u rişwazire d’Almanya Olaf Scholz mqadamle i sohdutho du şukono lu Profesor Suryoyo Fuad Oduncu cal dımqadamle teşmeşyotho rabe şi noşutho ba fulhone dsımle bi osyutho. U professor Odunçu mgalwewole xıd nacimo d’4 eşne cami iqarthayde l’Almanya mi qritho d’Habsıs d’Turabdin ubu zabno da madraşyotho…

SÖDERTELJE, Swed — Bu knuşyo gawonoyo di marcitho du Swed dkıtyo bi rişonutho di mcalyutho d’mor diyosqoros Benyamen Ataş dı hadırle mathlone ma citawotho di marcitho dkıtne bu Swed drışlın i aykanoyutho da citawotho dkıtlın u be bzabno i aykanoyutho di marcitho. Bıthır ma droşe dhawın cala fulhone di marcitho simi a…

İ rişonitho du Bundestag-awkith du parlamento d’Almanya Bärbel Bas, hadiro u zawho du duxrono du qtolğenso da Yudoye. Hathe inaqla qamayto’yo d’rişono b’darğo celoyo d’Almanya, kmıştawtıf lu duxronano du Holocaust dsim bi qoyumtho da Sohde. Bu mamlo dsımla Bas bu parlamento d’İsroyel-Knesset mahkela dıkminakfo xıd Almanoyto cala hawbe barbroye dsımwolın…

MOR YUNAN SOCURUTHO CİTO SWED: İ qadişutho du fatıryarxo di cito Suryoyto Qathuliqoyto Mor İğnatiyos Yusuf III Younan dkıtyo b’socurutho şlihoyto bu Swed, sımle’ste socurutho li cito du cameydan dkıtyo b’Akalla d’Stockholm. Ramhıl yawme d’Huşabo bi şoctho ba şeth dbıthır me falge d’yawmo, gıdsoyım u qudoşo di citathe dkıtyo ışma-i…

FATIRYARXO YOUNAN III SOCURUTHO LU SWED: İ qadişutho du fatıryarxo di cito Suryoyto Qatholiqoyto Mor İğnatiyos Yusuf III Yunan, sımle athmıl socurutho şlihoyto lu Swed, bnişo dkole cali aykanoyutho di marcithayde. Fatıryarxo Yunan bu şuroyo di socuruthyade, laqi rişone u kohne d’citotho mşahılfotho du Swed u menyono d’rişizgade u rişone…

Calu talab dhawila i kongre d’Amerika, frısla athmıl i wazirutho di baroyutho du athro taşroro, cali catirutho dıksaymo taxmin dheş kıtla i iqartho du rişathro d’Suriya, walaw hani eşne kımnasyo Woşington dsaymola izola, mcal fothe du cnufyo udu qrobo gaşyo dıkmaşyo mi şato da 2011 cala bnaymothoye d’Suriya. Bu taşrorano…

Bu zabno da marıhbone d’Dacş dsımwolın hcome calu garbyo u madınho d’Suriya u calu şalwo d’Ninwe u Şigur i şirke d’Ericsson du Swed hula ba mılyune da zuze xıd rışwe la marıhbone d’Dacş laşan dı qudri mafiiti a malzamat dkıtlın u dı saymi a şuğlonathe. I şirke d’Ericsson nafıq sagiye…

U gunho du qtolğenso du Sayfo da n’Armınoye dsımwo meqım 107 ışne bu zabno di mamlaxtho da cuthmanoye, heş kıtle duktho asasi mbayn da sebwotho dıkmitahwelın yasifutho mu kenşo emwothoyo dkım’akıd ste i ulsoyutho dmitathkıri a’debhe dlatwolın htitho du qtolğenso da na’1915. A’melani du rişızgado d’Armenya ne dkıtyo bu Ciraq…

The Guardian frisle video cala hawbe du qrobo du rejim d’Suriya: İ sfaryawmo Britanoyto d’The Gardian, frısla video dıkmagle cal qtolcamo dsımwole u ferco da istixbarat folhoyo d’Darımsuq cal saqıbloye d’Suriya ba 2013. Bu videano kımahwe ha ma rabayhaylawotho du rejim d’Suriya, dıkmarıs buğre cal 41 gabre u bıthır mathe…

Hadome di kongre d’Amerika, mathlone da tukose noşoye d’Woşingon, tukose etnikoye frişe wu camo Armınoyo layim bi arişkoyto d’Amerika, leşan dmahwe u iqorayde la dıbhe du qtolğenso dsımwola i mamlaxtho Cuthmanoyto calu camo Armınoyo, Suryoyo Othuroyo Kaldoyo Marunoyo u Yawnoyo mi şato dan 1915-1923. Beyn da dayfe dilonoye di hfituthathe…

U Komisyon Amerikoyo di Hirutho Emwothoyto da Tawdiyotho, kımaslım kull şato i netiçe da buhonayde dcali Hirutho tawdithoyto b’athrawotho frişe dbritho li wazirutho di baroyutho d’Amerika. U taşrorano’ste dkıtyo qariwo l’100 fothotho, bşıkıl rwiho kımahke cali aykanoyutho dkull athro bu haqlo da zedqe noşoye, bu cnufyo uba rdufye, cali aykanoyutho…

İ qoyumtho du qtolğenso dan Armınoye-Katchkar dkıtyo bi arişkoyto d’Beljika Bruksel, rşim remze da Turkoye tuhmonoye u mele di haqara mqabıl du qoyumo Armınoyo bu gabo Demoqratoyo da Came-Garo Paylan. Mqabıl du hçomano dsim cali qoyumtho, a tukose frişe dan Armınoye b’Urifi mahwelın hfuxyo qaşyo. U qoyumo Paylan, meqım kmo…

Bi mdito d’Norrköping u cameydan maqımwole meqım zabno qoyumto du Sayfo bi arco di karxutho. Yawme du cedo-dkıtwe u yawmo du duxrono du qtolğenso dan Armnoye, a kohne da citotho du cameydan cama şamoşe u camo, azzın li qoyumto du Sayfo du cameydan u maqımlın slutho, leşan dmathıkri u a…

ÖREBRO, Swed – Athmıl dkıtwe 24 Nisin a mathlone da şutose da Armnoye u da Suryoye Othuroye  Oromoye Kaldoye u du camo Armnoyo latimiwa qmi qoyumtho du sayfo dkıtwo bi şawtho d’Varberga d’Örebro laşan saymi u duxrono da sohde du Sayfo du camo Armnoyo ksoyım u duxronano 24 Nisin. A…

U qusro d’Varo di mditho d’Marsilya du athro dı Fransa, athmıl casriye mabharle u benyonayde ba tre gawne di otho d’Armenya, xıd duxrono la sohde du qtolğenso da na’1915 dkımtaybile an’Armınoye 24 bu yarho d’Nison kul şato. U hiğmuno d’Marsilya Pinwa Bayan dıfrısle surto du qusro d’Varo bi dafayde du…

WASHINGTON – U rişono d’Amerika Joe Biden naqla hreto mawdele bu qtolğenso dsımwola i improtariye Cuthmanoyto bi şato da na’1915, udnafılwo ebe ba mowat olufe d’Armınoye u Suryoye Oromoyo Othuroye Kaldoyo. Xıd kul naqla ste, Turkiya dcajizo mi maqırhonutho dsımle Biden Calu Sayfo, mahwela u hfuxyayda. U buyono du rişono…

BRUKSEL – Xıd kull şato bu siqumano, frısle adşato’ste u Huyodo Suroyo d’Urifi-ESU buyono bu duxrono şatonoyo du qtolğenso du camo Armınoyo. Bu buyonano mawdıc; Bu yawmano d’24 Nison d’şafıc 107 eşne, kımathkırina u kımyaqrina i ruho da Sohde dnafiliwo bu qtolğenso dsımwo ban 1915 calu camo Armınoyo mi mamlaxtho…

STOCKHOLM – U folitiqoro di karxutho d’Botkyrka mu gabo da Mşihoye Demoqratoye du Swed Aday Bethkınne frısle mimartho yarıxto bi dafo d’Expressen ubu şuroyo komır; Bas mankritu-mawdewo bu Sayfo dan 1915. Qay kmisım fırşono beyn qtolğenso u qtolğenso-holucdo noşo lo maçrele dmancım u Holocaust da Yudoye-xıdu mede dıkmisım adyawma bu…

Bu zabno du camo Armınoyo kımathkır adyawma 24 Nison, u duxrono şatonoyo du qtolğenso dsımwo aclaye bu zabno du qrobo qamoyo dbritho, u camaydan’ste kımathkır a Soydayde du Sayfo kull şato 15 bu yarho d’Hziron. Bi arişkoyto Yerevan layım adyawma u rişqutno, u rişwazire, u rişono du parlamento wu mınyono…

Frısle u Mawtbo Umthoyo d’Bethnahrin buyono bi cohnutho du cedo di qaymto. Bu buyonano dfrısla i Sictho di Rişonutho d’MUB kımmo; Mşiho bu nuhomayde maglele cala mafhume di xyene, di lo haymonutho, du fuloğo udu sistem di gracyutho, u hıkmile. Bi cohnutho du cedo di qyamto du camaydan dgımcayıd ramhıl…

ANKARA/OMID – U qoyumo di HDP Garo Paylan mqadamle renyo lu parlamento d’Turkiya leşan dmisım qonuno bnişo dmi’amno i barmothoyutho di qutnutho d’Turkiya. Paylan mahkele cala gunhe dsimiwo ba 1915 dıkmidoci b’ışmone frişe-mathlo an Armınoye kımmilın-Medz Yegern awkith a gunhe rabe, wa Suryoye Kaldoye Othuroye Oromoye kudcilın bu ışmo du…

U masığdo d’Alqasa dkıtyo ulsoyo hem la Fleştoye u hemste la Yudoye, hawi adyawma’ste wahdo da taxtuşe beyn du polis İsarloyo uda Fleştoye. Bu zabno da taxtuşani’ste u tukoso du Sahro Semoqo da Fleştoye mawdacle, dımçarıh 31 farsufe beynothaye 14 dımçarhi yaquro nqili baroyo la bethkrihe. Athto polise İsarloyto’ste mçarho…

WASHINGTON – İ hadımto di kongre d’Amerika Carolyn Maloney dkıtyo mu gabo Demoqratoyo wu hadomo di kongre mu gabo da Qutnuthoye Gus Bilirakis mqadamlın rmoyto mşawtafto d’snido me 50 hadome hrene di kongre d’Amerika. Bi maqırhonutho di rmoytathe, tlib dmibayın 10 milyone dolare li tahrazto du yulfono di betharke di…

Bıthır ma socurwotho dsımwolın a yolufe da madraşyotho d’Armenia li qoyumtho uli bethcatiqotho du qtolğenso dkıtyo bi arişkoyto Yerevan, xlıqwo droşe yarixe cama malfone ubi harayto a yadıcthone du Enstitut di bethcatiqotho hzelın dkito sniqutho rabtho, dmitahwe yulfono la malfone u malfonyotho cali sbutho du qtolğenso. Bu tarano, mşarele athmıl…

YEMEN – U malolo d’Emwotho Mhaydotho Stephane Dujarric, huwle maqırhonutho cala tloye dıkmitıstacmıli xıd folhe bu zabno da qrobe ubi sbuthathe, kali dilonoyith cala hayle da Houthiye d’Yemen dıkmısnodi mu İran. Elo mawdıc’ste, da Houthiye ucdo mdelın u plan d’Emwotho Mhaydotho leşan dmitakle u isticmal da tloye xıd folhe bu…

SWISRA – Zid me 40 farsufe me athawotho mshahilfe d’Urifi latimi bi mashritho dimtaybo bi Swisra. I mashrithathe dimsharela yawme di cruto safreyto, 4 yawme calihdode mdawamla. Bgawe di msharithathe a meshtawtfone hadiri a duroshe dhiwi calu makthabzabno, calu zabno, calu flogo da citotho, cali golutho, cali saxsiye Suryoyto ucalu…

BRITHO – U rişono du şutoso du Azhar d’Mısır shekh Ahmad Altayyeb, bi maqırhonutho dhule lu tboco froso, mawdacle du tecjizo da barmothoye dlatne Maşılmone bu zabno du ramadan bi dawca du sawmo, qedomo dlatle asiruthoyo cami Maşılmonutho. Altayıb bi maqırhonuthayde athmıl li sferyawmo du Qolo d’Alazhar mırle ”u tecjizo…

Lfuth u fusqono dmid ucdo a warqe  ruşmoye di şıltonutho kule gıdhowın bıtre leşone caraboyo u Amaziğoyo, bu şıklano kulwarqo dkıtyo bu leşono caraboyo gıdmitargo lu leoşono amaziğoyo, wi warqo dkıtyo bu leşono amaziğyo gıdmitargmo lucaraboyo. Bıthır mıd u leşono caraboyo hawiwo leşono ruşmoyo du athro du mağrıb u leşeono…

SYDNEY – Bu zabnano dımqarawle u duxrono şatonoyo da 107 eşne du qtolğenso dan 1915, mabdelın an Armınoye hamle d’tagliyotho dgımisomi b’athrawotho frişe ubu dmahti bu ışmo; The March for Justice-awkith A Halxe d’leşan i Kinutho. Bu tarano u Komisyon Athronoyo dan Armınoye b’Australia mşadarle egrotho l’rişone d’gabe frişe du…

BRUXEL – Bu şuroyo di egarthathe dfrısle u Huyodo Suroyo d’Urifi-ESU komır; Bu yawmano, a Qatholiqoye dbritho kmıstaqbılo u cedo di Qyamto d’Moran Yeşuc Mşiho xıd remzo da haye hathe udu sabro. A Mşihoye Qatholiqoye dbritho wu camaydan u Kaldoyo Suryoyo Othuroyo Oromoyo bu athro ubi golutho’ste mıstaqbele i qyamto…

BRITHO – U Mawtbo Umthoyo d’Bethnahrin (MUB) frisle egartho lu cedo bu işmo “U cedo di qyomto di Mşiho i qroyto di noşutho lu şaynoyo”. I egartho dfriso mi Sictho Rişonutho di MUB lu tboco froso yawmed sabtho 16 b’Nison hawca kimmo: ———— U cedo di qyomto di Mşiho i…

YEREVAN – U rişwazire Armınoyo Nikol Paşinyan, athmıl bu mamlo dsımle bu parlamento d’Yerevan, maglele du athrayde mvayacle hol 3 alfo u 800 farsufe bu zabno du qrobo dhawiwo bu qlimo d’Qarabax ba Tışerın da 2020. Paşinyan mırle; U menyono da dıbhe du qrobo dımdawamwole 44 yawme, 3 alfo u…

RIJSSEN, Hollanda – Ba yawmotho d’şaficina u mawtbo di cito d’Mor İğnatiyos nurono  dkıtyo bi rişonutho d’Minaz Çitgez camu qaşathe Zaki Dağ mhadarwolın turgomo calu sayfo dımcazamwolın malfonitho Nurgul Çelebi dkıtyo mbahnonitho cala sıbwotho du Sayfo u xeyr sıbwotho maktabzabnoye. Bu turgomo i malfonitho Nurgul çelebi mahkela calu qtolğınzo dhawi…

AUSTRALIA – March For Justice awkith Halxo leşan i Kinutho, u hashtag wu slogan di taglitho dgımisomo yawme d’Huşabo 24 bu yarhano d’Nison’yo. I taglithathe gıdmisomo b’Hyde Park qariwo li cito d’Yuldath Aloho bıthır me falge d’yawmo u gıdhudrila a boduqe d’Australia, rişone tawdithoye u folitiqore wu mathlone da 3…

LONDON – U bethdino qentrunoyo da hawbe b’London, fsıqle u sanodo da ğrobe marhıbone d’Dacış Ali Harb Cali dkıtyo 26 eşne umu şerşo me Somalia, moro du hawbo du qatlo du qoyumo David Amees dkıtwe cımre 69 eşne bu zabno dqtılwo eşqad. U qatlano du qoyumo Britanoyo, xlıqwole şok bu…

Norköping, Swed – İ iqartho d’Be Diril htifiwo bu yarho du ha di şato da 2020 bıthır kmo yarhe mqafyo I holto Şmuni Diril qtılto elo u barzawgeyde Hırmız Diril hul ucdo layto tebo cala hayeyde. Laşan dmigriş u zuhoro cali sbutahthe di iqartho atre şutose dımlın taklitho bi mdito…

Södertälje, Swed – A hçome zaynoye wa qatle zayidi bu Swed ba eşne haroyani wu tbocofroso du athro kımawdıc, du mınyono da qtiloye ba kmo yarhe qamoye di şatathe-rekord celoyo’yo u hatta b’dukotho, kmibahıs-b’mordpatruller, awkith ğrobe du qatlo dıksaymi a hawbani mqabıl d’zuze yaste leşan dmahwın ruhaye masre bu ğrob. A…

AMSTERDAM – U Huyodo da falohe dathın me Turkiya l’Hollanda (Hollanda Türkiyeli İşçiler Birliği – HİTB) mhadarwole yawme bi sbathathe turgomo bu benyoneyde. U turgomo dımhadarle, i sbutheyde a Suryoye wa. Leshan u turgomano macezmowa Malfonitho Nurgül Çelebi dsımla doktora u lisans celoyo calu leşono wi marduthoyo Suryoyto wu makthabzabno…

Bi mawdconutho dhulelan u mşalo di Mtakasto du ferco d’Urifi i mıscoyto Sabri Alkan mawdacle dkıtwene hadire bu lumodanoda 50 ışne u dımqadamlın u kthobo da haye d’şamcune hanne haydo xıd doşno la mşale du şutoso xıd tahınyotho la fulhone dıksaymi lu cameydan. Alkan bu mamleyde komır bu zabno qamoyo…

HALLUNDA, Swed – U Huyodo Othuroyo da Neşe mşataswo ba ışne qamoyo di golutho du cameydan lu athro du Swed laşan i şawyutho du kenşo u dmisim fulhone mşahılfe calu darbo du ğınzo da neşe. Athmıl yawme d’şabtho mhagele u yawmo da arbci ışne di mşatsonutheyde bhago catiro dsim ebe…

NEW YORK – Michelle Bachelet dkıtwa i athto qamayto dsımwola i rişonutho d’Chile, ma 2018 kısaymo i rişonutho du Komisyon Celoyo da Zedqe Noşoye d’Emwotho Mhaydotho. Athmıl bu zabno du mamlo dsımla cal Suriya bu knuşyo du Mawtbo Gawonoyo d’Emwotho Mhaydotho, grışla u zuhoro cala farsufe dkıtne – me celotho…

Josef Farıs dkıtyo mu camaydan u Suryoyo d’Lebnon, mgalwewole mi nıcmuthayde li mdito d’Örebro du Swed u qrewole calu tbocofroso u bıthır’ste Dramatiska institutet wu adyawma-hem mıştacyono da flime’yo, kathowo u sayomo da flime’yo u hemste kıxolıq teştcınye du komputer. Bi gala da BAFTA Games Awards dsim b’Britania, qmırle Josef…

A’Mşihoye d’Mawsal trelın a’citothaththe, a’botaththe wa mulkonaththe u trelınste a’cuhdonaththe wu makthabzabno dkıtwolın bi mdithathe i catıqto, cal da şutose di şultonutho du Ciraq lıqadiri dsaymi u sutoro da Mşihoye mu tukoso marıhbono dı Dacış dıkbışwole Mawsal bi şato da 2014. Elo u Ciraq bu zabno dqadırwo dsoyım u huroro…

NORSKOPING, Swed – U knuşyano mşarele ba mele du mdabrono du dawqo othuroyo da zedqe noşoye Cemil Diyarbekerli dımqadamle mıltho dmırle bşayno la hadire kule u bıthır a mtargmone ha bha athın u mahkelın calu dawro di athto bgawe du kınşo u mın dawro klozım mıştacyo. Diyarbekırli bi mıltheyde makadle…

NORSBORG, Swed – Ba zabne haroyo kmifris tebe mşahılfe cala qatle u taxtuşe dkowın ba mdinotho mşahılfotho du athro du Swed. Ba kmo yarhe haroye kmo clayme ma abne du cameydan ste mfayaclın a hayathe ba taxtuşani dkowın bayn da gurube mşahılfe dkito bu athro du Swed dilonoyith bi fnitho…

U klinikano u athro dıfrtıhle osyo Cimad İsa kıtle osawotho dkewe mşahılfe u be bzabno kıtle osawotho da kewe nafşonoye u da kewe du haso u xeyr. U futoho du klinikano d’Urşviksvurdcentral sim 3 yawme l’falqe frişe u yawme frişe du camo dothe u soyım socrutho u hoze u klinik…

Athmıl World Council of Churches (WCC) awkith u Mawtbo da Citotho b’Britho layımwo lknuşyo bu qusro Château de Bossey B’Swisra. Lu knuşyano hadırwo a hadome wa mathlone da citotho b’Suriya, leşan dmıdroşi a fulhone wa tahrazyotho dımtaybi leşan Suriya. Bu knuşyano, u notarozo Abuna professor dr. Ioan Sauca huwle maqırhonutho…

İ mcadronitho di notarozutho leşan i mşaynutho bu Madınho Mescoyo Dana Stroul, huwla maqırhonutho me Pentagon u m’akadla di ithutho folhoyto d’Amerika bu Cıraq ubı Suriya gıdmdawmo, leşan dımdawım u ağono mqabıl da marhıbone d’Dacış uda hayle dıkmısnodi mu İran. Elo bebzabno, Amerika kıbco’ste dmarwıho i methcadronuthayda dcama hayle bnayqyomo…

Adawma’ste frısse dafe frişe du qlimo d’Kurdistan du Cıraq tebe calu hçomo dsımwola tayosto dlo pilot d’Turkiya cali fnitho d’Tel Temır bi Gozarto d’Bethnahrin u dhawi u hçomano celtho, dmiçarıh 2 ma Mharbone du Mawtbo Folhoyo Suryoyo-MFS. Ba dafani da Kurdoye; beynothaye Rudaw u Bas News wi Mşatasto da zedqe…

Tre bu yarhano d’Nison, u Huyodo u Federasyon da Kaldoye dı Fransa mtayable hfitutho rabtho bi mditho d’Paris, bi cohnutho di rişıdşato umthoyto Suryoyto Bıbloyto Othuroyto d’Akitu da n’6772. Li hfituthathe mıştawtafla i rişonitho zawgoyto du Huyodo Suroyo d’Urifi ESU Alicia İşık, kohne Franşoye, u rişono du Huyodo Kaldoyo Josef Yalap,…

A şutose du Mawtbo Umthoyo d’Bethnahrin (MUB) b’Gutersloh mcayadlın u cedo dha Nisin Akitu bıhdo hfitutho dsimo bu qentrun marduthoyo dkıtlın. Me gabo hreno a şutose d’MUB bu athro du Swed ste mtayabwolın hfitutho d’Akitu bi beth mardutho d’Bethnahrin. Li hfitutho dımtaybowa ma şutose d’MUB hadiriwo a mathlone di Mtakasto…

I hfituthathe dsimo bu hudro  cal sbutho da aguniste sosyalist Arminoye bu zabno da 1915 u bithir mu Sayfo. Bi qamayto mahve film dokumenter cala sosyalist Arminoye u cali mardutho, calu aguno u tahrasto dkıtwo bu zabnawo. Bithir mu film, sim panel cam mdabrono du film Kadir Akin, qoyumo di HDP…

İ rişonitho du qlimo d’Michigan d’Amerika Gretchen Whitmer bu şuroyo du fusqonayda dmıdla, mawdacla da Kaldoye Othuroye dkıtne camo Şimoyo udıkmawdıci ste ruhaye bu ışmo d’Suryoye, u camo şerşoyo d’Bethnahrin ne dıkhoyanwo bu madınho mescoyo ba dore catiqe dıbritho ba n’athrawotho dıkmidoci ucdo ba nışmone du Ciraq, Suriya, Turkiya wu…

U mnohnafşo d’Abuna İdris Gabriel Emlek mawladwo bi şato da 1964 bi qritho d’Harbol dıknıflo bi mdito d’Hakkari d’Şırnax. Hiye bcımro nacimo mhase u babo mawxa i emeyde hawyo moro elo u la ahunone u ahwotheyde. Hiye mi nacmutheyde kıtwole rıhgo lu leşono Suryoyo mawxa ste binacmutheyde mşarele dı yolıf u…

Bi cito d’Yoldath Aloho d’Tensta d’Stockholm du Swed bi rişonutho d’Mor Diyosqoros Benyamen Ataş, u efterufo fatıryarxoyo di marcitho du Swed, masrıh ba casrowat da Şamoşe u şamışyotho lı darğe frişe d’zamore u qoruye. I fsihutho rabthowa bayn da hadome di cito d’Yoladath Aloho Meryem d’Tensta dkıtyo bi rişonutho du…

U rişqutno d’Armenia Vahagn Khachaturyan mşadarle egartho d’tahınyotho lu camaydan u Othuroyo dıkhoye b’Armenia u dıkmcayıd i şato hathto d’Ha Nison. Bi egarthayde u rişqutno Armnoyo mırle; Kıtlan sabro du yawmano u basimo dıkmadıl calu hethotho du kyono, dhowe wasile lu şuşoto aminoyo lu camo Othuroyo. U rişqutno mawdacle’ste bi…

Bi egarthathe dfrısle u rişwazire d’Australia Scott Morrison bi cohnutho di şato hathto Bıbloyto d’Akitu komır; Fsihoyo’no dımşadarno tahınyotho hamime lani kulle dlayimi b’Australia leşan dımcaydi u cadcido d’Ha Nison. Bi şato hathto, kışufcina mu dacbar l’dactith hatho leşan dfuhmina ruhayna u dımtaybina tahrazyotho lu zabno dothe. Scott Morrison mırle;…

Bi mdito d’Hedera d’İsroyel 2 farsufe marıslın zayne cala pwelıs qtilin tre u mcarahlın 3 u bi harayto bu funoyo dhulın a pwelıs atre farsufe qtili. Lfuth u tboco froso a marıhbone d’Daciş mıdlın u hcomano cal ruhaye. Bu hcomao dsımlı a tre farsufani mıdwolın nişo a pwelıs dkıtwın latimi…

Kul dkothe i zuctho dıkcayşole i cito ba n’arcotho mqadşe kzaydo, mi celtho dnaqıs u menyono da Mşihoye d’Urışlem l’1% bıthır mıdkıtwe u menyonaththe 25% bi şato da na’1922. U menyono da Mşihoye b’duktho mhaddıde naqıs ba n’arcotho mqadşe, xdu qlimo di Diffa Macırboyto, u qlimo d’Ğazza wi mditho madınhoyto…

U Huyodo da Neşe d’Bethnahrin-HNB, sımle u lumodayde di şato bi mıştawtıfonutho da hadomayde dkıtne bu athro ubi golutho. Bi tahrazto du lumodano dımtayıb adyawma bu darbo du nawlo, sim u futohayde mi rişonitho d’HNB u qıryo i egartho dımşadarle u rişono gawonoyo du Mawtbo Umthoyo d’Bethnahrin Nacim Michael Hadodo…

U professor Fuad Şamcun Oduncu mıdle u şukono celoyo dkito bu athro d’Almanya, cala fulhone dsımle li noşutho.  Oduncu xıd nacimo Suryoyo dımgalwewole l’Almanya, malhaqle d’qore tarte madraşyotho celoye di osyutho udi falsafe, u hawi u professor celoyo du kanser bu athro d’Almanya. U professor Oduncu mgalwewole xıd nacimo d’…

Senator hreno d’Australia, mawdele bu Sayfo dsim calu camaydan, calan Armınoye ucala Yudoye bu zabno du qrobo qamoyo dbritho. Bi mawdyonuthathe, mdele u senator u inisyatif mşawtıfo dımbayanwolın a gabe da tlotho camani dıkhoyın b’Australia, leşan i şultonutho du athro dmawdıyo bu Sayfo dan 1915. U senator Peter Whish-Wilson, mdele…

U Huyodo d’Urifi kıtohım Turkiya dıkducro laxalf bi sbutho du tuyobo da reforme dmahtiwo quma bnişo dcubro lu Huyodo. Bu taşrorano dfrısle u Komisyon du Huyodo d’Urifi kali’ste cali aykanoyutho di demoqratoyutho b’Turkiya. Me gabo hreno u bethdino da zedqe noşoye du Huyodo d’Urifi tlıble me Ankara dımşahlıfo u qonuno,…

235 hadome mi Şarbtho d’Bnay Menaşe da Yudoye dkıtwa holucdo msakarto, daciri naqla hreto l’İsroyel. A galwoyani dkıtne mu garbay madınho du Hınd, nahiti bu bethtawso b’cuqobo dilonoyo dsımlın a İsarloye.  Anabohotho da galwoyani di Şarbthathe d’Bnei Menaşe, kımşakli sahmo mu mafqono dsımwolın an abohothaydan an Othuroye cala Yudoye meqım…

Me gabo hreno u Huyodo Suroyo d’Urifi-ESU u ferco d’Teçino d’Swisra, sımle u duxrono da Sohde du Mawtbo Umthoyo d’Bethnahrin bu hudro Suryoyo dkıtyo b’kontone. Bu duxronano mqadım mamle, mimre u zmirotho camgabe di temeşto da Sohde dmaqimo mu kohno di qlimo Abuna qaşişo Abrohom Bandır. U duxronano dımhaydır me…

U Huyodo da Neşe d’Bethnahrin u fırco du Swed, mtayable turgomo la hadomayde bi mdito d’Örebro. Beyn da sebwotho d’drişi bu turgomano, kıtwo a şuşote dhawın ba gabe u şutose du Mawtbo Umthoyo d’Bethnahrin bu athro ubi golutho u kle cali ulsoyutho di methtakdonutho. Athmıl yawme d’Şabtho, mtayable u Huyodo…

U şuğlo dan ahunone Yalçın cam Dawud QasYusuf, mnaqe u şuğlo towo bu haqlo du franchais awkith matcımo dkıtle ferce b’dukotho sagiye. İ şişaltho da resturange d’Grekiska Grill u Bar, athmıl mnaqyo u matcımo towo du Swed mu Huyodo gawonoyo da şedyat du Swed. U matıcmo u resturang dftıhwo ma…

A şutose du gabo du mawtbo umthoyo d’Bethnahrin dkıtne ba athrawotho d’Urifi mhadarwolın duxrone da sohde b’athrawotho mşahılfe d’Urifi Athmıl dkıtwe 10 bu yarho da caro dkıtyo u yawmo şatonoyo du duxrono da sohde d’MUB sim hfitwotho u mahke cali macne di sohdutho wu nofoqo du moro  dlasohde. U yawmano…

İ mathlonitho du Huyodo Suroyo d’Urifi-ESU b’Austoria Leyla Bahdi, mşadarwola egrotho la gabe frişe dkıtne bi şultonutho du athro, cali sbutho du dayroyo Seffer Aho Bileçen. Ba egrothani tlıbwola Bahdi ma mşale d’Austoria, dımçazın Turkiya calu dyoşayda dcala zedqe da qalilotho. Bu funoyo dacır l’ESU m’akıd, d’Austoria kımtahqıbo i sbuthathe…

Bi rişitho; A sohdaydn u neshono du ağono umthoyaydan’ne’ kımşare u buyono dfrısle u Mawtbo Umthoyo d’Bethnahrin bi cohnutho du duxrono şatonoyo da Sohdayde du ağuno. Bu buyonano i Sictho di Rişonutho d’MUB kımmo; Cal dhulan sohde, a talabe folitiqoye, marduthoye u umthoye du ağunaydan udu camaydan. kothın adyawma lu…

U Mawtbo Umthoyo d’Bethnahrin dıkmaşe ağuno umthoyo du camaydan mbayanle 10 bu yarho d’Teşrın u qadmoyo, duxrono da Sohdeyde dıfdelın a hayathe bu ağuno dmaşelın. Bi cohnutho du duxrono şatonoyo da Sohde, ramhıl gıdmitayıb hfitwotho mşahılfotho bu athro uba athrawotho d’Urifi u gıdmitathkıri a sohde d’MUB. A şutose du Mawtbo…

U qatlo u mhoyo u terizo da zayne dımqabıl da bnaynoşo kımdawım bu athro du Swed b’mdinotho mşahılfe. Athmıl hedor i şoctho da hdo blalyo qtil farsufo mu cameydan bi mdito d’Linköping bi şawtho d’Lambahov. Athmıl hedor di şoctho hdo dıblalyo, athi tebo la pwelıs di mdito d’Linköping  dımfarqıc zayno…

İ taşdarto du Mawtbo d’Suriya Demoqratoyto, kımdawmo a ytawyothayda cama mşale Amerikoye b’Waşington, bnişo d’dorşi u dactid di Mdabronutho yothoyto bu taro du maşıqlo folitiqoyo hatho d’Suriya. Ba ytawyotho haroye dhawın, a mşale Amerikoye naqla hreto makadlın da hayle du koalisyon Emwothoyo gıdfayşi b’Suriya, leşan dsındi a Haylawotho d’Suriya Demoqratoyto…

U froshezwo d’Suroyo mcayadle u yawmo du yubolo şatonoyo di mşatsonutheyde bıhdo gala dıfriso hayo mi şoctho da şwac u falge hul la 11. Bi galathe cam gabe da mamle dsimi cali yasifutho du froshızwo maşmıc zmaryotho mfarıq myaqronwotho u be bzabno mbayni qamero da doşne da lotariyat. U yawmano…

U efetrufo fatıryarxoyo di marcitho d’Beljika, Fransa u Luksemburg hasyo Mor Gewargis Gawriye, frısle egartho dıktolıb ma hadome di marcitho d’Beljika dımakıthwi a nacimathe la dawrat du yulfono du leşono Suryoyo. Bi egartho dfrisole u efetrufo fatıryarxoyo di marcitho d’Beljika, Fransa u Luksemburg Mor Gewargis Gawriye kımahke dımşarelın 2 dawrat…

U gelyunoro Murat Kuseyri nqil ma hayani, bıthır mu kewo du sartono dımharable hani zıttır me şato u falge mqabıl dide. Kuseyri dmawlıd bi mdito d’Adana d’Turkiya, gelyunoro demoqrato’we dıksonadwo a came frişe du athro wu tbocofrosathe. U mnoho Murat bi claymuthayde mıştawtafwole lu ağuno da semoloye dkıtwın b’Turkiya u…

U Mawtbo Umthoyo d’Bethnahrin, frısle egartho d’tahınyotho lu gabo du Huyodo Suryoyo-GHS, bi cohnutho du yawmo şatonoyo da 16 eşne di mşatsonuthayde. İ Sictho di Rişonutho d’MUB mırla; GHS mıdle duktho bu ağuno dımşarewole b’Suriya ba 2011, leşan di demoqratoyutho ula zedqe noşoye u mathele u camaydan u sebyonayde ubi…

I Sictho du parlamento du mawtbo d’Urifi PACE, fsıqla ruşmoyith dı Turkiya mşadarwola marhıbone Suriye lu qlimo d’Qarabax, leşan dımcadri Azerbejan bu qrobo mqabıl d’Armenya bi şato dşaficina. I Sictho Urifoyto bu quwola dsımla, mawdacla du fusqonano mafıt la haye lfuth a ithbate dkito bidotha bi sbutho da marhıbone dımşadrila…

U mraşho d’Amerika xıd rişizgado hatho b’Turkiya-Jeff Flake, mawdele bu qtolğenso dsımwol i mamlaxtho da Cuthmanoye calan Armınoye bi şato dan 1915. Jeff Flake, senator catiqo du gabo da qutnuthoye d’Amerika’yo uba buqore dsimi acme bu Senato, mawdacle’ste ilo thnihuthayde li mudaxala dhawila Turkiya bu qrobo d’Nagorno Qarabax. Athmıl i…

U mbahnono Franşoyo Luwis Dö Bembılyon, mawdacle da Mşihoye du Iraq latne qalilto elo klozım dmiqadamlın xıd bnaymothoye Iraqoye. Bembılyon bu mamlo dsımle bu lumodo d’Arbil, mawdacle du qlimo d’Kurdistan duktho tawtoyo li mşaynutho da Mşihoye, elo laybe dhowe i tahrazto du şroyo du krizathe bu Iraq. Bu yawmo trayono…

İ qutnutho d’Çekiya, gıdzawno sisteme du sutoro me İsroyel bnişo dmaqwıyo a esorayda cami şultonutho d’Tel Aviv. 0İ wazirutho du sutoro d’Çekiya mawdacla, du nişathe bu zwonano da zayne d’İsroyel, dımşahlıfi a zayne kulle dkıtle u gaysathe heş mu zabno da Sovjet’yo. İ qutnutho d’Çekiya, ftıhwola i rişizgaduthayda b’Urışlem bu…

İ claymutho du Huyodo Suroyo d’Urifi ESU, mtayable turgomo cali aykanoyutho du garbay madınho d’Suriya, ucalu maşıqlo du yulfono Suryoyo bu qlimo di Gozarto Bethnahrin d’Suriya. Bu turgomano dhadırle nahire, malfone, u noqufe d’ESU, mahke ebe bırwihutho cali ulsoyutho du şbilo du leşono Suryoyo dıkmitaqre ba madraşyotho dilonoye du camaydan…

U Huyodo da Neşe d’Bethnahrin u fırco d’Örebro du Swed, mıştawtafle lu yawmo şatonoyo da 50 eşne dımkamlele u hudro di Dawmo, dkıtyo b’Brikebaken bi karxutho d’Örebro. Bu yawmano’ste, HNB ftıhle stand da muklone marduthoye du camaydan. Me 18 uhol 25 bu yarhano d’İlül, kısaymo i şawtho d’Brickebacken di karxutho…

A wazire di baroyutho du Iraq, d’Mısır u d’Yurdnon laqın hıdode bu zabno dıkmdawım u knuşyo du Mawtbo Gawonoyo d’Emwotho Mhaydotho b’New York. Bi ytawtathe a tlotho bnayamne, kalın dilonoyith cali methcadronutho dbeynothaye bu dacith u aydarbo gıdqudri dmarkıwi mlahmonutho qwitho bu haqlo du momuno udi siyase beyn da tlotho…

U Mawtbo tahtoyo di kongre d’Amerika, rfıdle athmıl i rmoyto dımqadmole u hadomo di kongre Jamaal Bowman, leşan dmıhthomo i ithutho d’Amerika b’Suriya. Bebzabno u Mawtbo tahtoyo tlıble dmitabde buhone cala hawbe du qrobo b’Azerbaijan u di şultonutho d’Baku, dmarfıyo a yasire kulle dımsiki bu zabno du qrobo d’Qarabax. Bu…

Şutoso du İnsiyatif la Mşihoye du Madınho dkıtyo b’Austoria, bu knuşyayde u şatonoyo mşalatle bahro cala hayle mzayne du camaydan dkıtne b’Suriya MFS u HSNB. Cal ışme du Huyodo Suroyo d’Urifi-ESU Leyla Bahdi, hadiro bu knuşyano u sımla mamlo. U şutoso d’İCO İnsiyatif Christicher Orient sımle u knuşyayde u şatonoyo…

Amerika maslamla i luho makthabzabnoyto du humoso d’Gılgameş lu Iraq. i luhathe, kıducro l’meqım 3.500 eşne. İ luhathe dıkmadilo calu hulmo dkıtwole Gılgameş, kımşaklo ha ma fulhone catiqe di britho bu haqlo di sefroyutho. Amerika madcarla yawme d’Hamşo d’şafıcina i luho catıqto du humoso du malko Gılmgameş lu Iraq. İ…

U Mawtbo tahtoyo d’Amerika, maqbele u şuhlofo du qonuno du snodo da qalilotho du Iraq. Bu quwolo dsim bu Mawtbo tahtoyo, i sagiyoyutho da hadome m’ayade di şultonutho d’Woşington klozım dfulho cam Boğdod, leşan a qalilotho di daşto d’Ninve dqudri ducri b’mşaynutho la dukothathe a şerşoye. Bu şuhlofano tlib’ste, dhowe…

İ Sictho di Rişonutho du Mawtbo Umthoyo d’Bethnahrin, frısla egartho d’buyoye calu şunoyo du hadomayda Hanne Mirza. Hanne Mirza dıkhoyewo b’Örebro du Swed, nqil ma hayani bu zabno dkıtwe b’socurutho b’Turabdin. Umnoho d’Hanne Mirza, u babo du hawraydan Yahkub Mirza’yo dkıtyo bi Sictho Mdabronitho du Mawtbo uda ahonunayde dkıtne hınne’ste…

U Huyodo di Claymutho d’ESU  gdımtayıb 26 bu yarhano d’İlül turgomo bi arişkoyto d’Beljika, Bruksel. Bu turgomano dgımtaybo ESU-Youth, friş lu tewdico da kthobe du yulfono du leşono Suryoyo ba madraşyotho du garbyo udu madınho d’Suriya. Leşan u nfoqo du moro lu leşono Suryoyo wu tewlifayde wolitho asasi du camaydan…

U camaydan u Othuroyo dıkhoye bhdo ma qıryawotho d’Armenia, sımle protesto u plan du şuhlofo demoğrafoyo dıkmibıc dmisım bu qlimo dıkhoyın. Bi taglitho dsim qum du parlamento d’Armenia, u camaydan dıkhoye bi qritho d’Dimitrov, grışlın u zuhoro calu qento dkito calu leşono ucali marduthathe-en dothe dmitawrıwo i qrithathe. İ qritho…

Taşdaryotho frişe me Suriya, matın l’Amerika leşan dhudri bu knuşyo da 76 du Mawtbo Gawonoyo d’Emwotho Mhaydotho dgımisım b’New York. A tloth taşdaryothani’ste, hdo mi Mdabronutho yothoyto, mu rejim d’Darımsuq wi hreto mi saqıbloyutho dıkmısnodo me Turkiya’ne. Athmıl matın 3 taşdaryotho me Suriya l’Amerika leşan dmıştawtıfi lu knuşyo şatonoyo dgımtayıb…

U waziro du sutoro du rejim d’Suriya Cali Ayyub, sımle socurutho lu athro d’Yurdnon, ulaqi u rişono du gayso di mamlaxtho rabhaylawotho Yusıf Alhıneti. Bi ytawtathe, drişo ilothnihutho dkıtla i mamlaxtho d’Yurdnon mi şkihutho folhoyto du İran dkul dkothe krowıh u haylayde bu taymno d’Suriya awkith qariwo ma thume d’Yurdnon.…

Bi tahrazto di orucutho dıfriso athmıl b’Suroyo tv drişo i aykanoyutho harayto d’Turkiya wu thomo du sxoro du gabo demoqratoyo da came HDP. Bi tahraztathe dı drişi a esore du camo Suryoyo Othuroyo u du camo Kurdoyo u dayfo di tahrazto Abdullah Demirtaş u rişkarxutho catiqo di karxutho d’Sur d’Omid…

Armenya mqadamla dacwa lu bethdino dı Denhax mqabıl du athro d’Azerbejan. Yerivan bi dacwathe, ktıhmo i şultonutho d’Bako dsımla gunhe u dyoşe cala n’Armınoye calu asas di ğensoyutho. Armenya mqadamla athmıl dacwa lu bethdino d’Emwotho Mhaydotho dı Denhax mqabıl du athro d’Azerbejan, uktıhmole dsımle dyoşe bhaq da bnaymothoye Armınoye calu…

Taşdarto mi mdabronutho yothoyto dkımmathlo a came mşahılfe du garbiyo u du madınho d’Suriya, mabdela socurutho li mditho d’Mosko u kmıntır dhowela ytawyotho cama mşale Rusoye, bnişo dıdırşi i hzayto dkıtla i mdabronutho yothoyto lu dactid folitiqoyo hatho d’Suriya. Bu tarano ste, u rişono du rejim d’Suriya sımle socurutho lu…

Sami Baydar dkıtyo ha ma abne du cameydan kımdawım bi kampanyeyde da ğuboye gawonoye du athro d’Almanya. Baydar dha ma nişeyde siyasi dcıwıd li hirutho du cameydan bu athro d’Bethnahrin kmaşmıc qole cali sosyalmedya ba şatnde dıg soyım u be bzabno kobe turgome u mawdconwotho mşahılfe lu camo. Sami dımraşhle…

Yawmo bıthır ma zawhe dımtaybi bu duxrono şatonoyo d’11 İlül, frıslın a istixbarat d’Amerika FBİ i tahwitho ğnızto qamayto dcala hçomani dsimiwo calu athro ba 2001. U taşrorano u qamoyano dfris u dkıtyo 16 fothotho, kibe u kunoşo du nuholo di maqıblonutho dsımwole FBİ ba 2015, cam gabro dkıtwole esore…

A Mşihoye d’Turkiya cıl mıd kıtne kenşo nacimo bu athro, elo kımdawmi dhowın nişo la rdufye dıkmisomi aclaye mu kenşo gawonoyo, dkull dkothe kmitaşlım zıttır awkith dıkzaydo i Maşılmonuthayde b’Turkiya. Calathe, u Tukoso di Mcadronutho da Citotho dkıtne b’Haşo, frısle buyono u mawdacle d’ğalabe ulsoyoyo dmisım u futoho wu hethotho…

Rusya u Belarus mabdelın tadbiqat folhoyo rabo hem mi naşfe, mu yamo umi hawa. Bu tadbiqatano, mıdlın a folhe d’Armenia’ste duktho ebeye. Lu tadbiqatano dgımıştawtafle hol 200 alfo folhe, mşarele adyawma u gıdmdawım hol 16 bu yarhano d’İlül. Armenia mawdacla, da folhayda gıdmaydi duktho bu tadbiqat rabo dmabdelın adyawma a…

A nacime da yaqrotho Suryoye dkıtne galwoye b’Yurdnon, mqadamlın lu rozo du qurbono qadişo d’Moran Yeşuc Mşiho. Bi cito d’Yuldath Aloho di Mırto d’Alkarmel b’Camman, hedor 30 nacime Suryoye galwoye hiw elaye u fağro qamoyo b’zawho dımrayşanle u hasyo di marcitho d’Mawsal da Suryoye Qatholiqoye Mor Yuhanna Bıtrıs Muşe. Yawme…

Bu zabno dıkmıfrıs tebe dkito 3 neşe u 8 nacime d’Dacış athoye lu Swed mu garbyo d’Suriya, u bethdino Swedoyo mawdacle dımaqımle u thomo dkıtwo bhaq dhın ma neşe d’Dacış d’daciriwo me Suriya lu athro. Kito mınyono celoyo d’neşe u claymotho d’nahitiwo mu Swed u dmıştawtafwolın la ğrobe marhıbone d’Dacış…

U Mawtbo du Forum Mısroyo b’Australia, mawdele bu qtolğenso dsımwola i mamlaxtho da Cuthmanoye calu camaydan, calan Armınoye u Pontus Yawnoye. U Mawtbo Mısroyo sımle qroyto li şultonutho du rişwazire Skott Morrison u mırle; Australia klozım dmawdıyo bu qtolğensano dsim calu camo Armınoyo, Suryoyo Othuroyo u Pontus Yawnoyo. Bi maqırhonutho…

Kamıl u yulfono du ğrob qamoyo da hayle folhoye da neşe bi Scudiye. U ğrobano, mşarewole bu yulfonayde u folhoyo 30 bu yarho d’İyor u athmıl kamıl bu qentrun da droşe folhoye da neşe qadrowiye. Ğalabe man athrawotho d’britho kıtte hayle folhoye da neşe-wi sagiyoyutho da haylani, lıkmıştawtıfi la wahde…

Tukoso d’Emwotho Mhaydotho sımle buhono cali aykanoyutho du muzoğo dbritho u lfuth i netiçe da buhonani, ba 50 eşne haryoyan zayidi a gunhe du kyono hamış naqlat calu zabno d’meqım. Me gabo hreno, u tbocofroso Emwothoyo grışle u zuhoro cala tawfone ucala arğalyotho dhawın ba yawme haroyani b’mdinotho u athrawotho…

U Huyodo da Neşe d’Bethnahrin-HNB mathkarle u yawmo şatonoyo da 6 eşne di mşatsonutho da Haylawotho du Sutoro da Neşe d’Bethnahrin-xıd haylo folhoyo qamoyo da neşe bu maktbazabno du cameydan. Bi egartho dfrısle HNB komır; HSNB Bu tconathe du zayno, mşahlafllın i hzayto catıqto dkıtwo meqım cali claymtho Suryoyto Othuroyto.…

İ cito d’Yoldath Aloho Meryem d’Ausburg d’Almanya di cito Suryoyto Ortodoksoyto bıthır me ışne yarixe maqımla burgo u noquşo bi dırto di cito. U burgano wu noquşo mqadşi bi rişonutho du efetrufo fatıryarxoyo di marcitho d’Almanya Mo filiksinos Matiyas Nayiş cam kohne u hul 32 mşale folitiqoye du athro d’Almanya.…

U Hudro du Quyomo da Mşihoye du Madınho, mkamele i tahraztayde du feroqo d’500 duşne la tloye dan abne u bnotho du camaydan b’Turabdin. Bi egartho dmatilan mu hudro d’WCO, kımqadım a tahınyothayde lkull man dhawi sanodo bi tarmithathe. U Hudro du Quyomo da Mşihoye du Madınho-WCO, mabdele meqım zabno…

A’nacime di marcitho d’Mor Yusıf di cito Kaldoyto d’Bobıl bu athro d’Kanada, mqadamlın inaqla qamayto lu rozo du fağro mqadşo d’Moran Yeşuc Mşiho.  Lu zawho du tehwiyo du fağro mqadşo, mıştawtafle u kohno wa şamoşe di marcitho, a’yaqrotho da nacime dhew elaye u fağro u menyono dımhaymne.  İ cito Kladoyto…

Grub dı tukose di mcadronutho noşoyto, mzaharlın dkito zıd m’12 malyune dıbnaynoşo dıkloqın u qento di bsirutho da maye, du muklo udu kahrobo ba tre athrawotho b’Suriya ubu Iraq. Camgabıd du qtoco da maye mi xasra dı Turkiya u du İran, i naşifutho, u şuhlofo du muzoğo wi bsirutho da…

U athro Yawnan, mqabıl di golutho dkibe dhuyo me Afğanistan mkamele u bnoyo du şuro dcalu thumo d’Turkiya. U şurano dkıtyo 40 kilmıtre, kito ntırto dkole qamuthıd di golutho lo qonunoyto dhuyo lu athro du Yawnan. A mmathlone Yawnoye mawdacce, bu zabno dıkımdawmo i zıctho mi golutho dkiba dhuyo bıthır…

U Mawtbo Umthoyo d’Bethnahrin MUB mqadamle egartho d’buyoe li eqartho dı mnoho Cabo Coşar Beth Hane. Mnoho Abo Coşar mu yawmo qamoyo mcadrono u sanodo du ağuno umthonoyo udu Froshezwaydan d’Suroyo TV’we. U Mawtbo Umthoyo d’Bethnahrin bu şuroyo di egarthayde da buyoe kmawdıc, u myaqro du babo di Hadımto du…

İ mtakasto da nacime d’Emwotho Mhaydotho d’Unisef, maglela dkito zıd mı milyar d’nacime dkıtne bu qento mu tathir du şuhlofo du muzoğo udi çıbliye du kyono dıbritho. Bayn da n’athrawotho dkımmathli qento rabo cala nacime, kito u Hınd, Nigirya, Filipin u falqo m’Afriqya. Lfuth i sferyawmo Britanoyto d’The Gardian, u…

U kohno di cito d’Mor Şarbıl da Suryoye Ortodoksoye bu athro d’Holanda xuroyo Sımcan Maqsi alyas nqil ma hayani b’cımro d’85 ışne. Xuroyo Sımcan dımşane mi celtho du kewo di sobutho, camgabıd di mşablonuthayde bu athro d’Holanda, mbayanwo kohno li mditho d’Qamışli b’Suriya, uli mditho d’Bayrut b’Lebnon. Xuroyo Sımcan Maqsi…

I wazirutho di gawoyutho d’Amerika mzaharla bu yawmo şatonoyo da 20 ışne da hjome dı 11 İlul kibe da hfitwotho du cnufyo dzaydi. İ wazirutho di mşaynutho gawoyto d’Amerika mzaharla meqım mu yawmo şatonoyo da 20 ışne da hjome dı 11 İlul, kibe a hjome tuhmonoye dzaydi. Bi maqırhonutho dı…

İ şhantho dı britho mıqa dıkşofıc u zabno kzayto. U hano ktore dzaydo i naşifutho bı britho wa turone dyıqdi. U yarho dı Tamuz dşafıcina şafıc lu makthabzabno u yarho dhawi u muzoğo şahino ebe ba 142 ışne haroye. Lfuth u taşroro di daira du Okyanus Umthoyo udu Atmosfer NOAA,…

U Mawtbo Umthoyo d’Bethnahrin d’MUB, sımle qroyto lu kenşo emwothoyo dsoyım hboso calu rejim d’Suriya, bnişo dmagle cali ctidutho du mşalo du wahdo d’Suriya d’MUB ağunisto Sacid Malke. Camgabıdathe, MUB bu buyono dıfrısle tlıble ste mu camaydan du athro udi golutho dımtakıs ruhe udımhayıd udımhalıx bu darbo di hdoyutho umthoyto,…

İ rişonitho du Komısyon Amerikoyo di Hirutho Emwothoyo da Tawdiyotho Nadine Maenza, mathkarla u yawmo şatonoyo du qtolcamo d’Simele dsımwo calu camo Kaldoyo Suryoyo Othuroyo bu garbyo du Iraq. Maenza dhani zabno kımcaqbo i aykanoyutho du cameydan dkıtyo bi Gozarto d’Bethnahrin ubi daşto d’Ninwe, ğalabe naqlat grışla u zuhoro cali…

U Huyodo Suryoyo b’Almanya-HSA, mşadarle egartho d’buyoe lu rişono zawgoyo du gabo da yaroqe d’Almanya Cem Özdemir, calu şunoyo di emo Nihal.  HSA mırle; Kıtulbina du uhdono dhawilox cam emox, dobolox haylo hatho u kıtulbinalox rişo basimo, ma cumqe d’lebayna. İ egarthathe dımşadro, kıtucno a imdat da 2 rişone zawgoye…

Şafıc şwac eşne, calu qtolğenso dsımwolın a marhıbone d’Dacış calu camaydan di daşto d’Ninve bu garbyo du Iraq. Işto bu yarho d’Ob, hawi yawmo hreno komo b’gwine du makthabzabno du camaydan, d’jbırwo awıl naqla bu makthabzabnayde dtore ma dukothayde u dhowe galwoyo bu athro, dıbnewolın an abohothayde. Camathe’ste şawco bu…

Hadomo hreno bu parlamento d’Australia mdele i maqırhonutho di mawdyonutho bu qtolğenso dsim calu camaydan, calan Armınoye ucala Yawnoye ban 1915 mi mamlaxtho da Cuthmanoye. U qoyumo m’akadle u snodayde lu inisyatif mşawtıfo dmabdewolın a 3 camani b’Australia bu yarho d’Şbot da 2020, tlıble mi şultonutho  dımawdıyo ba qtolğense da…

U Mawtbo Umthoyo d’Bethnahrin mtayable u lumodayde u şatonoyo bu siqumo d’ha bu yarho d’Ob da 2021 bu slogan-Hdoyutho Umthoyto. Bu lumodano dmıştawtıflele 120 hadome u hadımyotho di sictho mdabronitho dıkmaydi wolitho ba wahde uba şutose kulle, mid fusqone cala tahrazyotho du fulhono da wahde dkıtle u mawtbo fulhono ebeye.…

İ Claymutho Liberaloyto u fırco di arişkoyto d’Australia, mawdela bu qtolğenso dsımwola i mamlaxtho da Cuthmanoye calu camaydan, calan Armınoye u Pontus Yawnoye. İ claymtho hfıto du şutosano di Claymutho dımqadamwola i rmoytathe lu quwolo  mırla; Klozım i rmoytathe dmitaqbılo, cal dkıtyo ulsoyto la timoyotho dkıtle u şutosaydan. Bu knuşyo…

U Komisyon Amerikoyo di Hirutho Emwothoyto da Tawdiyotho sımle qroyto li şultonutho d’Woşington u gawonoyith lu kenşo Emwothoyo dsaymi hboso cal Turkiya, leşan dmaklıyo a hawbe dıksaymo ba dukotho dıkbişila bu garbyo u bu madınho d’Suriya. Bi maqıblonutho dsimo cami rişonitho du Komisyonano Nadine Maenza, bşıkıl rwiho maglela cala hçome…

U Tukoso Leşan u Sutoro da Mşihoye-İDC, b’fsihutho mıstaqbele u fusqono du Mawtbo tahtoyo d’Amerika leşan dmitakle u snodo folhoyo dkobe u athro la hayle folhoye d’Azerbaijan.  Me gabo hreno, an Armınoye, a Kurdoye wa Qufrusoye dıkhoyın b’Britania, tlıbbe mi şultonutho d’London dmahto tedbire cal Turkiya. In Defense of Christians-awkith…

Bi maqırhonutho dıfriso me Armenia mawdıc, dıtlotho ma folhayda qtili ma hayle d’Azerbaijan, bıthır ma taxtuşe dnafıq beynothaye cala thume dbeyn da tre athrawotho. Yerevan makadlaste, da taxtuşani hawın a qaşye dkulle mu zabno du qrobo dhawiwo beyn Armenia u Azerbaijan calu qlimo d’Nagorno Qarabax bi harayto di şato d’şafıcina.…

U waziro di baroyutho d’Rusya Sergej Lavrov, sımle qroyto lu kenşo Emwothoyo dmacle qole, leşan u sutoro da Mşihoye dıkmırdofi bu Madınho Mescoyo. Lavrov mawdacle’ste, di wazirutho di baroyutho wi cito Rusoyto Orthodoksoyto, kımaşın tarmıyotho frişe bi sbutho di mşaynutho da Mşihoye. Bi maqıblonutho dsımle u froshezwo Rusoyo camu waziro…

İ şultonutho d’Berlin makadla, cali lohitho da ışmone d’Turkoye saqıbloye dıkhoyın adyawma b’Almanya. Mawdıc da farsufani dkıtne bu zyodo gelyunore saqıbloye d’Ankara, mahti bi lohithathe leşan u qatlo. Cali egartho du şwolo dımqadamwola i qoyumto Evrim Sommer lu parlamento d’Almanya, ucdo i şultonutho federaloyto makadla d’Turkiya kıtla lohitho dışmone d’saqıbloye…

‘Ba casrowat d’galwoye ihtimal rabo mvayaclın a hayathe bu gedşo dmafıtla i sfithathe bu yamo d’Libya’, i mawdconuthathe d’Emwotho Mhaydotho’yo. Lfuth hın sohude d’maxlase mu mawto, kıtwo 20 neşe u tre tloye beyn da galwoye dıhniqi bu gedşano di sfito. U malolo du Tukoso Emwothoyo da Galwoye-IOM huwle adyawma maqırhonutho…

Tukoso şaryo da zedqe noşoye du İran dıkmcaqıb i aykanoyutho du athro mawdacle, du mınyono da farsufe dqtili ba tagliyotho dıkmdawmi bu İran calu kriz da maye mati l’10 mtagliyone. Bebzabno u İran, rfıdle i maqırhonutho dhuwola athmıl i rişonitho du Mawtbo da Zedqe Noşoye d’Emwotho Mhaydotho Michelle Bachelet. Bu…

U polis d’Urifi-Europol, msıkle şabake dıknuqlo galwoye lo qonunoyith me Turkiya lu Yawnan. İ şabakathe dıkmıstacmela radoyto b’timo celoyo, macrela 15 galwoye eba.  Me gabo hreno, sfito dkıtwo bıgawa 45 galwoye; beynothaye galwoye Cıraqoye, ğayiro athmıl bu yamo du tayman macırbo d’Turkiya. Radoyotho time xıd Mercedes uğer, kmitıstacmıli ma şabakat…

Hadımto hreto bu parlamento d’Australia mdela i maqırhonutho di mawdyonutho bu qtolğenso dsim calu camaydan, calan Armınoye ucala Yawnoye ban 1915 mi mamlaxtho da Cuthmanoye. Bi maqırhonutho du snodano di qoyumto Kristy McBain, tlıbla mi şultonutho federaloyto d’Australia dımawdıyo ba qtolğense da 3 camani. Bu yarho d’Şbot dı şafıcina, mşakalwo…

U rişono d’Amerika Joe Biden mıstaqbele bu Qusro Heworo b’Waşington, u Malko d’Yurdnon Cabdalla II dıksoyım ucdo socurutho lu athro d’Amerika. Lfuth u tboco froso dı britho, u nişo di socuruthathe dmitaqwiyo i şawtofutho stratejikoyto beyn di mamlaxtho d’Yurdnon udu athro d’Amerika’yo. U malko d’Yurdnon Cabdalla II bi socurutho dsımle…

U Mawtbo Umthoyo d’Bethnahrin, frısle egartho d’buyoe li iqartho du mnohnafşo maqıdşoyo Murat Beth Çino-Gigo.  İ egarthathe d’MUB, mqadmo la tarte hadımyothayde Nisane Hobel u Zero Gigo. Sictho di Rişonutho du Mawtbo Umthoyo d‘Bethnahrin-MUB ba melani kımşaryo; U myaqro du babo da hadome du Mawtbo Umthoyo d’Bethnahrin Nisane Hobıl u…

Sami Baydar dkıtyo ha ma abne du cameydan mraşahle ruhe la ğuboye gawonoye du parlemento du athro d’Almanya. Sami dkıtyo hfito folitiqoyo mu gabo du mawtbo du camo Suryoyo d’Urifi mraşahle ruhe me Bayern u Ausburg. Sami Baydar dkıtyo cımre 29 ışne malfono du leşono Suryoyo u gılyunoro mraşahle ruhe…

Bethdino Hollandoyo, hkımle marhıbono du Gbino d’al Nusra l’20 eşne hbuşyo ma hawbe du qrobo. Bıthır ma ithbate dımqafın calu marhıbonano, m’akıd dqtiwole folho du rejim d’Suriya qum du nahro d’Froth ba 2012. Athmıl bethdino Hollandoyo, hkımle u marhıbono du Gbino d’al Nusra-Ahmed al Xıdr l’20 eşne hbuşyo. U marhıbonano…

U şutoso d’ADFA dkıtyo bi rişonutho du gelyunoro şaryo Nuri Kino, hule mawdconutho cala fulhone dıkmaşın bu haqlo di mcadronutho u bebzabno mqadamle a talabathe leşan u snodo du cameydan du athro. U mamlo wa talabani dhawile ADFA, mqadmi bu konferans dımşarewole 13 bu yarhano u dkamıl athmıl b’Waşington d’Amerika.…

A rişone du Mawtbo da Citotho du Madınho Mescoyo, sımlın knuşyo cali bocutho du notarozo gawonoyo du Mawtbo Michel Cabs.  Bu knuşyano dsim calu darbo du nawlo, drışlın i aykanoyutho du camo, da citotho, di Corona u bebzabno fsıqlın, dhowe knuşyo di sicto Sucronoyto du Mawtbo bu yarho d’Ob di…

İ şultonutho du rişono Amerikoyo Joe Biden, mahıtla 34 şırak, şutose wu farsufe hrene du Sin, bi lohithayda da tedbire momunoye. A tedbirani’ste mahti bu taro da dyoşe dıkmisomi cala zedqe noşoye u cali goşuşutho dıkmisomo bu darbo du nawlo b’Xinjiang. Amerika mahıtla 34 şutose frişe du Sin bi lohithayda…

‘U knuşyo d’Astana dan 16, provokasyon mqabıl du garbyo u du madınho d’Suriya’yo’ a melani du rişono zawgoyo du Mawtbo d’Suriya Demoqratoyto Riyad Darar’ne. Bi maqırhonutho dhuwle Darar calu huthomo da droşani dhawın beyn Rusya, Turkiya u İran bi mdito d’Astana, mawdacle dlo mşahlıf u qedomo dan tlotho athrawothani mqabıl…

Bıthır mıd zayidi a hawbe du qatlo wa hçome marıhbone b’Almanya, hın ma folitiqore tlıblın dmitadcıri a galwoye dıkmaşın gunhe, lanathrawothathe. İ folitiqorto du gabo d’SPD d’Almanya Franziska Giffey, bi maqırhonutho dhula mawdacla, du sutoro da bnaymothoye, zedqo cleytır mu sutoro d’farsufe dıkdayşi a zedqe da hrene’yo. A qroytotho dıkmisomi…

U kothubo u mbahnono idico du leşono Suryoyo Yusuf İshaq Matti, nqil ma hayani b’cımro d’90 eşne bu athro du Swed. U mhasyo kothubo Yusuf Matti dkıtyo bu şerşayde mi daşto d’Ninwe, myatarle i betharke mothonoyto du camaydan b’casrowat d’kthowe u buhone dsımle calu leşono ucali sefroyutho Suryoyto.  U kothubo…

İ  kampanya dımabdele u Huyodo Suroyo d’Urifi ESU, kımdawmo dmitaşmco lu camo wu kmisomi a hedriyat du zwono da sniqwotho dıklozım la madraşyotho du camaydan b’Turabdin. Bi mawdconutho dmıdlan me ESU mawdacle, dhawilın mamlo cami sagiyutho da malfone da madraşyotho d’Turabdin u mşayelın mın sniqwotho kıtte. ESU athmıl mawdacwole dımşarele…

Senatore hreto d’Australia mdela i maqırhonutho leşan i mawdyonutho bu qtolğenso dsim calu camaydan, calan Armınoye ucala Yawnoye ban 1915 mi mamlaxtho da Cuthmanoye. Bi maqırhonutho du snodano di senatore Rachel Siewert, tlıbla mi şultonutho federaloyto d’Australia dımawdıyo ba qtolğense dsim cala 3 came Mşihoye. Bu yarho d’Şbot dı şafıcina,…

U fırco da esore baroye du wahdo d’Urifi-du Huyodo Suroyo d’Urifi ESU, mşadarle egartho lu parlamento d’Urifi calu Sayfo dsim calu camaydan ban 1915. Camgabe du parlamento, ESU mşadarle  egrotho la qoyume dan athrawotho d’Almanya, Hollanda, Austoria, Swisra, Fransa, Beljika u Britania. Bi egarthathe dımşadarle u Huyodo Suroyo d’Urifi u…

A rişone d’tarte mdinotho d’Australia, mıştawtaflın la qroyotho dsimi leşan i şultonutho du rişwazire, dmawdıyo bu qtolğenso dan 1915. Ba maqırhonwotho dfrıslın a rişone da tarte karxwothani mamtelın lu bolo di şultonutho d’Camberra, du parlamento di marcitho d’New South Wales mawdewola bu qtolğenso dsımwo calan Armınoye, Suryoye Othuroye u Pontusoye.…

Dafo Amerikoyto sımla maqıblonutho camu mathlono du gabo Demoqratoyo da Came-HDP b’Woşington Giran Özçan. Bu mamlayde Özçan maglele, du rişono Amerikoyo Joe Biden grışle u zuhoro du rişqutno Turkoyo udu rişono Rusoyo, dlo saymi hçome cala dukotho dkıtne bi morutho da Haylawotho d’Suriya Demoqratoyto. Giran Özçan dkıtyo u mathlono di…

U Mawtbo di Athto du gabo d’Dactid d’Suriya, krıhle a hawbe dıksoyım u gayso kaboşo d’Turkiya cala neşe hfite dkıtte mşalutho b’Suriya. Bu buyono dfrısle u Mawtbo di Athto, mawdacle d’Turkiya kmaydo a neşe rişone, folitiqoye u hfite nişo la hçomayda, bnişo dmidış u sebyono di athto hirto wu ağuno…

U parlamento federaloyo d’Australia, bıha femo tlıble mi şultonutho du Iraq dımşatso şultono yothoyo lu camaydan dıkhoye bi daşto d’Ninwe lfuth u fusqono dımaqbalwo bu prensip mi şultonutho d’Boğdod ba 2016. Bebzabno, u parlamento d’Kanberra bi rmoyto dımaydle, mıctarafle du camo Othuroyo kımathıl u camo şerşoyo du Iraq, u sımleste…

Masrıh efesqufo hatho li marcitho du macırbo d’Amerika di cito Catıqto d’Madınho. Bu zawho ruhonoyo dımtayıb bu qlimo d’Arizona, qaşişo Şamli Tamras masrıh efesqufo bu syomido di qadişutho du fatıryarxo Mor Aday Trayono. Yawme d’Huşano dşaficina dkıtwe u duxrono du cedo d’Fantiqusti, i qadişutho du fatıryarxo di cito Catıqto d’Madınho…

A gabe  u tukose  komonist baynothemwothoye frıslın maqırhonutho dıkmawdin bu sayfo du camo Suryoyo Othuroyo. A fulhonani di mawdyonutho simi mu taraf du tukoso Suryoye gawonoye d’Bethnahrin. Bi maqırhonuthathe dıfriso dıg mitahke calu Sayfo u wa fulhone bişe dkımdawmi mi şıltonutho d’Turkiya calu camo Suryoyo krayzi a zedqe dkıtle u…

A şutose du mawtbo umthoyo d’Bethnahrin b’Swisra camu snodo du hudro Suroyo d’Azex mtayablın duxrono du Sayfo laşan u iqoro du yawmo şatonoyo dkıtyo 15 bu yarho d’hzirin. Bu yawmano dsim bu hudro Suroyo d’Azax marduthoyo sim mamle me farsufe mşahılfe cali macne du duxronano du Sayfo. U duxronano dımşarele…

Adyoma ba şoce d’Safrayto bu quwolo dhawi bu parlemento du Swed madıryo i şıltonutho du Swed dkıtyo bi rişonutho du gabo da Sosyaldemoqratoye d’Stefan Löven. Bıthır mu qatro dımşarewole bayn lu gabo Semoloyo wa sosyaldemoqratoye cali sbutho da kırat da bote, u gabo da semoloyo mawdacwole dlı fayışle tuxlono lu…

Amerika mzaharla di lahbe rabtho di marıhbonutho gıdşıfco li qıtca d’Afriqya. Lfuth i sferyawmo Amerikoyto d’The Washington Times, u rabhaylawotho Steven Taunsind mawdacle da tukose marıhbone rabe xıd Alqacida u Dacış kul dkothe kzoyıd u haylaththe b’Afriqya. İ sferyawmo Amerikoyto mşamahto d’The Washington Times, mawdacla d’general Amerikoyo b’darğo rabo mzaharle…

I cito Suryoyto Marunoyto, bu fusqono dmıdla bi Sunadus harayto dsımla, gıdobo yuqro lu yulfono du leşono Suryoyo. Bu fusqonano dmıdla kmitamır, da kohne di cito klozım dobın yuqro lu tewlifo du leşono Suryoyo Marunoyo.  Xıd kıtyo idico, i cito Suryoyto Marunoyto bi sagiyutho da slawotho da Qurobe Alohoye, kmisomi…

Ba mele ‘Brixo u yubolo du Mawtbo Umthoyo d’Bethnahrin’ kımşare u buyono dfrısle u Huyodo da Neşe d’Bethnahrin, bi cohnutho da 21 eşne di mşatsonutho d’MUB. Bu buyonano HNB mırle; Cami nfaqto d’MUB ftih warqo hathto lu camaydan uli umthaydan. Bi falsafe di hirutho mhalqi dawsat rabe, u MUB mathele…

Ba mele; U Mawtbo Umthoyo d’Bethnahrin, u strateji di zoxutho du camaydan’yo, kımşare u buyono dfrısla adyawma i Sictho di Rişonutho d’MUB. Bi cohnutho di mşatsonutho d’MUB dkıtyo 18 Hziron kmitawdıc; İ mşatsonutho rabtho d’MUB leşan du camaydan u siqumo du ağuno di hirutho, udu fusqono du tecliyo du rişo…

İ hadımto bu Komisyon Amerikoyo di Hirutho Emwothoyto da Tawdiyotho Nadine Maenza, mnaqyo ucdo rişonitho zawgoyto lu Komisyonano cam Nury Turkel. Atre rişone zawgoye gıdmdabri u Komisyonano holi şato da 2022. Maenza, kmidoco bu snodayda lu camaydan u gawonoyith la Mşihoye b’Suriya ubu Iraq. Bu knuşyo dsımle u Komisyon Amerikoyo…

Bi mdito d’Pohlheim bu qlimo d’Giessen d’Almanya, mtayıb hfitutho ruşmoyto qum di qoyumtho du Sayfo da Suryoye bu wahdo di karxutho d’Pohlheim. Bebzabno ba citotho d’Delbrük, d’Gutersloh udı Delmenhorst mqadım ste teşmışyotho u sim mamle calu qtolğenso mayiro dhawi calu camaydan mi mamlaxtho da Cuthmanoye. Athmıl dkıtwe u duxrono da…

Bu duxronano da 106 eşne du Sayfo, mtayıb bi mdito d’Södertelje du Swed turgomo bu benyono du froshezwo d’Suroyo tv. U turgomano, dımtayıb m’şutose frişe du Mawtbo Umthoyo d’Bethnahrin-MUB, maczım’ste ele malole frişe dmahkelın cala celotho dsim u Sayfo wu tathir dtrele calu camaydan. Bu salon da hage bu bınyono…

A şutose du Mawtbo Umthoyo d’Bethnahrin d’Hollanda sımlın u duxrono du Sayfo di şato 1915. Bebzabno, i marcitho d’Hollanda bi rişonutho d’Mor Polikarpos Awgin Aydin cama kohne u hadome da mawtbo da citawotho, sımlın u duxrono du Sayfo dıknofıl bu siqumo d’15 bu yarho d’Hzirin kul şato. A şutose du…

U mawtbo Umthoyo d’Bethnahrin bu buyono dıfrısle bu duxrono du sayfo komır ktılbina hşowo ma hayle dkımdawmi u qtolğenzo calu cameydan. MUB bu buyoneyde ebe u zuhoro cala hfitwotho du sayfo dımşarewolın bi şato da na’1994, mawdacleste du nişathe dmitaşmıc u sayfo lı brithowe. U buyuono dıgtocın rişoyto dıgtılbina hşowo…

U camaydanste dıkhoye bu Iraq u bu athro d’Almanya  mathkarle a’106 ışne du qtolğenso du Sayfo. Bu qurobo alohoyo dımtayıb bi mditho d’Caynkawa bu Iraq, u bi cito d’Mor Dimet d’Hamburg d’Almanya maqım teşmeşyotho u sim mamle calu duxrono du Sayfo. Bu Siqumo d 13.06 bi rishonutho du Kuhno Abuna…

A şutose du Mawtbo Umthoyo d’Bethnahrin bi fnitho d’Örebro du Swed sımlın u duxrono şatonoyo du sayfo dkıtyo 15 hzirın qumi qoyumto du sayfo dkıtyo bu wahdo di cito d’Yoldathaloho da Suryoye ortoksoye.  İ tahrazto du duxronano dıfriso hayo b’Suroyo tv u mathlono d’MUB Yahkub nuhomo mahkele cali ulsoyutho du…

Bu zabnano dımqarawle u duxrono du Sayfo dsim calu cameydan bi şato dan 1915, hın ma gabe u şutose du camaydan bıdelın dsaymi hfitwotho, leşan dımyaqri a Sohde dbıhlın a hayathe qum du cameydan.  Bı Swisra-bu kanton d’Tiçino mathkarle ESU wu Mawtbo d’Mor Yahkub mathkarlın a Sohde, ube bzabno b’Beljika…

Adyawma-yawme d’Huşabo, hın ma citotho du cameydan bu athro ubi golutho, mathkarlın u yawmo du duxrono du Sayfo dan 1915. Ba mamle dsımlın a kohne, mahkelın calu Sayfo u hın menayeste mahkelın du cameydan wi claymuthaydan klozım dobın ağuno mqabıl da hçome dkowe calu cameydan. Adyoma dkıtwe yawme dhuşabo dmeqım…

‘İ şultonutho d’Australia, gıdorşo me hatho i klaytayda bi sbutho du qtolğenso dsımwo ban 1915 calan Armınoye, Suryoye Othuroye u Pontusoye’ a melani di wazırto di baroyutho d’Australia Marise Payne’ne. Bu mamlayda Payne mırla’ste; Bi sbuthathe du qtolğenso, kıdorşina’ste u qedomo wi klayto dkıtla Amerika uğer athrawotho hrene bu şwolano.…

U Mawtbo Gawonoyo d’Emwotho Mhaydotho, mnaqele hamşo athrawotho hrene lu Mawtbo di Mşaynutho d’Emwotho Mhaydotho dıkmişakıl me 15 athrawotho hadome. An athrawotho d’Albania, Brazil, Gabon, Ghana wa İmarat Caraboye gıdmşarın ha bu yarho d’Konun u haroyo da 2022 bi hadomuthathe lu Mawtbo di Mşaynutho. Bu quwolo dsim athmıl bu Mawtbo…

U tukoso Emwothoyo du Şbuqyo-Amnesty, frısla taşroro cala hawbe dsımle u Sin mqabıl di noşutho.  Lfuth a buhone dsimi magle, cala rdufye dsimi cala qalilotho bi maşritho d’Xinjiang u mawdıc, dmafiti b’teşniqe qaşye u maşığ mehaye. A thome mqabıl du Sin udu qedomayde la zedqe noşoye kımdawmi dmaydi duktho bu…

İ daira Swedoyto dıkmtahqıbo a madraşyotho du athro, sxırla tarte madraşyotho da Mşılmone bi mdito d’Örebro. A madraşyothani dkıtne cayıd d’al Azhar, sxiri cal dmawdıc da yolufe kmitahwelın yulfono radikal udha ma mşale da madraşyothani azzewo l’Suriya leşan dmıştawtıf cama marhıbone. A madraşyotho d’al Azhar dkıtne b’Vivalla ubı Mellringe d’Örebro…

U Mawtbo da esore baroye d’Urifi, ba maqıblınwotho dsımle cama came du Huyodo d’Urifi, mahwele di sagiyutho da bnaymothoye kımqadmi l’Turkiya xıd athro bceldbobo. Mxasra hreto, i mdabronutho di PKK sımla qroyto la hayle ulu camo Kurdoyo dbritho, dsundi u gerilla bu qrobo dkobe mqabıl d’Turkiya. Bu zabno d’Turkiya mhalqo…

U Huyodo Suroyo d’Urifi-ESU, grışle u zuhoro du Huyodo d’Urifi calu Sayfo dsımwola i mamlaxtho da Cuthmanoye ban 1915 calu camdaydan u Suryoyo Othuroyo Kaldoyo Oromoyo. Lfuth i mawdconutho dmatilan me ESU, mşadarle egartho l’703 qoyume du Huyodo d’Urifi u tlıble menaye dmawdın bu Sayfo dsim calu camaydan. Bu zabno…

I qadişutho du fatıryarxo di cito Catıqto d’Madınho Mor Aday Trayono, mbayanle hasyo Mor Yacqub Daniel wakilo fatıryarxoyo gawonoyo di cito. Lfuth u marsum fatıryarxoyo, u hasyo di marcitho d’Australya udı Newziland gıdmoyıd zabnoyith i wolitho du fatıryarxo Mor Aday Trayono cal du hulmonayde ucdo latyo towo. I qadişutho du…

 Bi mditho d’Melborn bu athro d’Australya, sim u futoho du qentrun d’qadişo Mor Cabdişoc di cito d’Madınho d’Othuroye.  U qentrunano dıkmişakıl m’salon u menyono d’qeloyotho, gıdmitahwe ebe u yulfono di haymonutho Mşihoyto, u gıdmitahrıg ste ebe u leşono Suryoyo emhoyo.  I marcitho d’Australya di cito d’Madınho d’Othuroye, sımla ba yawme…

U rişizgado d’Turkiya dkıtyo b’Stockholm, sımle socurutho li marcitho di cito Suryoyto Orthodoksoyto du Swed dkıtyo bi rişonutho du metrofolito Mor Diyasqoros Benyamen Ataş. Bi ytawtathe, kıtwo u mşalo da esore baroye Suleyman Kurt wu rişono di marcitho Yılmaz Bısse wu mşalo di cito d’Mor Afrem Rubel Xalaf. Bi socuruthathe…

A wazire du momuno dan athrawotho hadome b’G7, matın lawyutho bi methcadronutho dcali sbutho di madatho. Bu ittifaqano dhawi xıd dawse Emwothoyto u qamayto, dsaymi hboso cala şırak rabe dı britho dlo kobın madathoyo. Bu şıkılano, mahıt madatho d’15 ba mo cala şırak rabe. Anathrawotho d’G7 dkıtne Amerika, Britania, Fransa,…

U gelyunoro şaryo du cameydan wu mşatsono d’ADFA Nuri Kino, mdaşın şukono cala fulhone dıksoyım lu cameydan. Kino, nqile i rmoyto bhaq da qtiloye du cameydan dlatne a qatole idice dımqadmowale u qoyumo şaryo du cameydan Tuma Çelik lu parlamento d’Turkiya. U gelyunoro Nuri Kino bi mimartho dıfriso bi sfaryawmo…

Gıdmitahıt qoyumtho bihdo ma gzıryotho du Yawnan, la dıbhe da Pontusoye udu camaydan dımgalewole mi mamlaxtho Cuthmanoyto bıthır mu qrobo qamoyo d’britho. İ qoyumthathe gıdmitaqimo bi gzırto d’Makronisos leşan a galwoye Pontusoye udu camaydan u Suryoyo Othuroyo dmahzamwole beyn dan 1922 u 1923. Gıdmitahıt qoyumtho la galwoye Pontusoye, la Suryoye…

U gasyo du İran mawdacle di sfitho du qrobo Xark ğayiro ba maye du yamo d’Cuman, bıthır mu yuqdono rabo dhawi eba. Bu yuqdonano dkıtne a’celothayde ğnize, a’pilote folhoye di sfitho kulle maxılsi u noşo menaye lıqayıthle husrono. A’fulhone dsimi m’athmıl blalyo udımdawamlın 20 şoce, lımakşarlın bu texliso di sfitho…

U gayso d’İsroyel mfarqacle nuqazto du duyoqo du rejim d’Suriya ba turone d’Golan. U cuqobano’ste mawdıc dkıtyo da tlotho’yo dıkmisım adşato cala hayle du rejim bi fnithathe. Bi egartho dfrısle u malolo du gayso bi dafathe du Twitter m’akadle, di nuqaztathe mfarqıco, cal dbınyo b’duktho dkıtyo bu duyoqo ubi morutho…

I sbutho da thome di goşuşutho dsımla Amerika cal athrawotho d’Urifi, xlıqla zmomo bu tboco froso Emwothoyo. Calathe i mşalonitho du tboco froso du Qusro Heworo Karine Jean-Pierre huwla maqırhonutho u m’akadla, d’Woşington hadırtoyo dfulho cama bnayqyomo leşan dmitahwe funoyo la thomani. Karine Jean-Pierre huwla athmıl maqırhonutho lu tbocofroso mu…

Rusya gıdmşatso 20 ğrobe folhoye hrene bu macırbo du athro, leşan dqudri dkolın mqabıl da hayle du NATO. U waziro du sutoro d’Rusya Segej Şoigu, bi maqırhonutho dhuwle la mşale folhoye m’akadle u tebano u mawdacle, dıklozım dmaşqın u duyoqo da thumathe mqabıl di ithutho dkıtla Amerika qariwo lu macırbo…

Msik krılto dı tlotho farsufe, dıknuqlowa galwoye lo qonunoye b’Almanya u b’Slovakia. İ krıltathe, nuqlowa galwoye mu athro d’Vietnam lıgawe dan athrawotho du Huyodo d’Urifi u maydo’wa kmoyutho rabtho d’zuze menaye. Bu cuqobo mşawtıfo dsımle u polis Almanoyo, u polis d’Slovakia u Europol, magle cal krılto dıknuqlo a galwoye lo…

Bi mditho dı Tamba bu qlimo d’Florida d’Amerika, sim u qudoşo di cito d’Mor Athanasyos di marcitho da Suryoye Ortodoksoye. Mxasra hreto, bu qlimo d’Arizona d’Amerika gıdmitasrıh efesqufo hatho li cito Catıqto d’Madınho, laşan dhowe rucyo li marcitho du Macırbo d’Amerika. Athmıl safrayto, i qadişutho du fatıryarxo di cito Suryoyto…

İ mcalyutho du efetrufo fatıryarxoyo di marcitho du Swed mor diyosqoros Benyamen Ataş mnaqe xıd izgado du şlomo mu taraf du şutoso tibeloyo di izgadutho dkıtyo u qentruneyde b’Arjantin. Bu mamlo dhawilan dımhanelan mırle hano i wolitheydan yo dfısina u şlomo d’mşiho. I mcalyutheyde 28 bu yarhano d’iyor mawdıc ele…

Pentagon tlıbla 715 mılyare dolare li butçayda da 2022. Mani gıdfırşo 522 milyone lu ağuno dkobın a folhayda mqabıl da ğrobe marhıbone d’Dacış bu Iraq u bı Suriya. Mawdıc d’sahmo rabo ma zuzani, gıdmıfroşi lu droşo da folhe du Iraq,lu snodo folhoyo da Haylawotho d’Suriya Demoratoyto ulu ğrob folhoyo d’Mağawır…

Kul dkothe kıqowe u gado, di şultonutho d’Australia dmawdıyo bu qtolğenso dsımwola i mamlaxtho da Cuthmanoye cala came Mşihoye ban 1915. U qoyumo Yawonoyo-Australoyo du gabo Falohe Steve Georganas, mqadamle egartho d’talab li şultonutho ulu parlamento d’Australia, dmawdın bu Sayfo dsim calu camaydan, cala Pontusoye u Armınoye.  İ sbutho du…

Hadımto hreto bu parlamento d’Australia mıştawtafla bi qroytayda li mawdyonutho bu qtolğenso dsim calu camaydan, calan Armınoye ucala Yawnoye mi mamlaxtho da Cuthmanoye ban 1915. İ hadımto bu parlamento Susan Templeman tlıbla’ste mi şultonutho d’Australia dmawdyonutho bu Sayfo dsımla i mamlaxtho da Cuthmanoye cala tlotho camani bu zabno du qrobo…

Hol 150 farsufe mvayci bu nahro d’Niger, bıthır mu gedşo dmafıtla i sfitathe.  Bi sfitathe dkıtwa azılto me Niger lu athro d’Nigeria, kıtwo 200 farsufe; beynothaye mınyono celoyo d’neşe u tloye. Lfuth u ajans da tebe d’Reuters, hol 156 farsufe mvayci athmıl bu garbay macırbo d’Nigeria, bıthır i sfitathe twiro…

U fatıryarxo di cito dan Armınoye Qatholiqoye Mor Ğriğoriyos Futrus da 20 Gabroyan, mşanele bcımro d’86 eşne bi mdito d’Beyrut d’Lebnon. İ slutho du cufoyo du mnohnafşo, gıdmisım yawme d’Şabtho 29 bu yarhano bi cito d’Mor Ğriğoriyos wu gıdmicafe bıthır ba bethqbure da fatıryarxe dkıtyo bi cito d’Yuldath Aloho b’Bzommar-Kerserwan…

U Swed dkıtwe meqım ha man athrawotho haroye d’Urifi dkıtwo ebe hçome zaynoye, adyawma hawi ha ma qamoye.  Lfuth a buhone dsımle u Mawtbo du Swed dıkfolıh mqabıl da hawbe, mi şato da 2000 uholucdo, zayıd u mınyono da farsufe dıkmıqtoli ba zayne bu Swed. Bu şıkılano, kothe ucdo u…

U rişhsayo di cito Yawnoyto Orthodokksoyto di marcitho d’Australia mıştawtafle lu inisyatif di mawdyonutho bu qtolğenso dsim calu camaydan, calan Armınoye u cala Yawnoye mi mamlaxtho da Cuthmanoye ban 1915. U rişhsayo Makarios tlıble mi şultonutho d’Australia dam dmawdyonutho bu Sayfo dsımla i mamlaxtho da Cuthmanoye cala tlotho camani bu…

U Huyodo Suroyo d’Urifi ESU bu buyono dfrısle, grışle u zuhoro cala qatle du cameydan dhawınwo b’Turkiya ba 80’yat uba 90’yat bıthır ma droşe da thome dımşarelın beyn da grube di mafya udi şultonutho d’Ankara. ESU bu buyoneyde komır; Ahna xıd ESU leşan dmitagle cala qatlani, gıdmdawmina i awyuthaydan cama…

Ninos Minason dkıtyo abro mdu cameydan, athmıl bi şoctho da 11 qtil bi şawtho d’Geneta d’Södertelje du Swed. U mnohnafşo du Ninos dmawlıd ban 1980 me abohe Hanna Minason u Meryem mi iqartho d’be Hafo, ba buğre dmarıs acle mvayacle a hayeyde. U mnohnafşo du Ninos dkıtyo u abro d’Hanna…

Sim u futoho wu qudoşo di nuqazto d’Mor Abdişo di cito d’Madınho d!Othuroye b’Kolaro d’Australia.  U futohano dsim mi mcalyutho Mor Melis Zaya, hadırle mınyono d’hsayo, kohne, qoyume Australoye wu camo mhaymno. Ba yawmotho dşafıcina, sim u futoho wu qudoşo di nuqazto d’Mor Abdişo di cito d’Madınho d’Othuroye  b’Coolaroo Victoria…

İ marcitho di efetrofutho fatıryarxoyto du Swed u d’İskandinavia di cito Suryoyto Orthodoksoyto, mtayabla athmıl u knuşyayda u şatonoyo bi mdito d’Södertalje du Swed. Bu knuşyano dımrayşanle u efetrufo fatıryarxoyo Mor Diyosqoros Benyamen Ataş, mıştawtaflele a kohne wu mawtbo da citotho u drişo i aykanoyutho di marcitho bu taro da…