SURIYA

DARAMSUQ – Lfuth u waziro du yulfono d’Suriya Muhhammad Sacıd Qaddour, kito hol 7.400 madırşotho b’dukotho frişe d’Suriya dkıtne ucdo sxire-ya cal dhzelın husrono rabo-yaste dkıtne a bınyone shife. Bebzabno ma 7.400 madırşotho, mcadıl ucdo 102 u heş kmisım u hethotho dhol 345 madırşotho u sim buhone cal 2.540 bınyone…

 RAQQA, Garbay Madinho d’Suriya – Lfuth u tebo di Mşatasto da zedqe noşoye d’Suriya dıkmtahqıbo u qrobo gawoyo du athro, 18 bu yarhano sımle u tukoso marhıbono d’Dacış hçomo cala Haylawotho d’Suriya Demoqratoyto bi mdito d’Muhamida bu macırbo d’Deyr Ezzor. Bu hçomano 2 marhıbone dkıtwın rawixe cal darıxto du motor…

HASAKE, Suriye – Bu zabno dıkmdawım u qrobo beyn İsroyel u İran, a hayle Amerikoye’ste mıdlın a tedbirathe-u ya grişi l’ğer nuqazyotho yaste l’qentrune Amerikoye dkıtne bğer athrawotho du Madınho Mescoyo bnişo dhowın hadire dobın funoyo, en dothe İran dmohe ebeye. Lfuth u ajans da tebe d’Reuters, a 2 nuqazyotho dkıtne…

IDLIB – A bethqburani da Mşihoye behamd-lo b’idactho mqafın bu zabno dmabde fulhone leşan u tendifo d’bayto dshif meqım eşne bu qlimo d’İdlıb b’Suriya-dkıtyo ha ma 3 qlime catiqe u makthabzabnoye du athro. B’Idlıb kito hol 800 dukotho catiqotho du arkeoloji. Tahte du baytano b’Mcarat al Nucman, mqafın a bethqburani dıkmisım…

SUWEDA, Suriya –  Bi baytoyutho du qentrun marduthoyo di mditho d’Suweda, mtayıb athmıl konferans folitiqoyo rwiho du diyalog dmıştawtaflele mathlone du zawco mşayno, da hayle folitiqoye, udu kenşo mdinoyo cam haylawotho di mşaynutho gawoyto u menyono d’rişone tawdithoye u hfite bu haqlo kenşoyo u mathlone hrene ma caşıryotho umu camo…

GARBAY MADINHO d’SURIYA – Bi mawdconutho dfrıslın a Haylawotho d’Suriya Demoqratoyto mawdaclın, da hayle dilonoye d’QASAD mtayablın cuqobo mşawtıfo cama hayle du koalisyon Emwothoyo bi mdito d’Mansoura bu macırbo di mdito d’Raqqa u msıklın krılto d’Dacış. U cuqobano’ste sim bıthır tehqobo casyo du zawco da marhıbonani dkıtne mi mdito d’Mansoura. QASAD…

TEL KOÇER, Garbay Madınho d’Suriya — Lfuth i maqırhonutho ruşmoyto dfriso ma hayle d’QASAD mawdıc, d’22 bu yarho dşafıcina, sim cuqobe folhoye mşawtıfe camu koalisyon Emwothoyo cala krılyotho d’Dacış hedor u kanton di Gozarto bu garbay madınho d’Suriya. Bu cuqobano dsim bıthır zabno d’tehqobo du zawco da marhıbone d’Dacış, msik marhıbonano…

BEIJING – Ba zabne haroyani, mahwe hfuxye me mşale d’gabe u şutose-hem du camaydan, u garbay madınho d’Suriya u hem’ste mşale hrene, cali sbutho da hayle da Uğur dkıtne b’Suriya u dıkmibıc dmitacbıri lu gayso d’Suriya. Bi sbuthathe’ste u rişizgado du Sin bu Mawtbo di Mşaynutho d’Emwotho Mhaydotho Geng Shuang mawdacle…

Dafo di Scudiye sımla athmıl maqıblonutho camu waziro du sutoro du Cıraq Thabet al Abbasi dım’akadle cali ulsoyutho di ithutho da hayle du koalisyon Emwothoyo dkıtyo bi rişonutho d’Amerika u dkobın ağono mqabıl da qente dıkmşakıli a krılyotho du tukoso marhıbono d’Dacış cali mşaynutho b’Suriya. İ maqıblonuthathe dsimo camu waziro…

CIRAQ / SURIYA  Lfuth CENTCOM-i mdabronutho qentrunoyto da hayle du koalisyon Emwothoyo dkıtyo bi rişonutho d’Amerika u dkobe ağono mqabıl di marhıbonutho, maglela cali şişaltho da cuqobe dsımwole u koalisyon Emwothoyo cala krılyotho du tukoso marhıbono d’Dacış bu Cıraq u b’Suriya me 21 uhol 27 bu yarho d’İyor. Wa cuqobani’ste…

SÖDERTÄLJE, Sweden — U turgomano dısnid mu taraf di marcitho du Swed udı’skandinavia di cito Suryoyto, mqadım bu salon di cito d’Mor Yahkub da Nsibin d’Södertelje. Bu turgomano dsim bı mtargmonutho mu Turkoyo lu Suryoyo me myaqro Fahmi Barkarmo, u mtargımono Muharam Erbay bi qamayto tlıble şubqono xıd farsufo kurdoyo, metul…

WASHINGTON – Bu fuşuqayde li maqırhonutho dhule u mathlono dilonoyo d’Amerika b’Suriya Tomas Barak bi sbutho di şawtofutho d’alfowat d’mharbone nuxroye lu gayso d’Suriya, u hadomo du mawtbo gawonoyo du mawtbo d’Suriya demoqratoyto d’MSD bi mathlonutho d’Waşington Bassam Sacid İshaq mırle “ahna fgicina mi maqırhonutho dhule u mathlono d’Amerika, cal…

SURIYA – Bi maqıblonutho dsımla i dafo d’Rudaw camu Peter Galbraith dkıtyo qariwo la Kurdoye du Cıraq, mawdacle i hzaytayde cali aykanoyutho d’Suriya u dilonoyith calu garbay madınho d’Suriya. Lfuth u mşalo Amerikoyo, u mınyono da folhe Amerikoye dgımıtre b’Suriya latyo ulsoyo, elo klozım dfoyış haylo dqodır baroyo dobe funoyo…

DAYRO ZCURO – A hayle du Sutoro da Neşe-YPJ cama hayle folhoye di YPG dkıtne hın ma hayle şerşoye d’QASAD, frıslın athmıl mawdconutho cala cuqobe dilonoye dsımlın calu tukoso marhıbono d’Dacış bu qlimo d’Deyr Ezzor-u dilonoyith a krılyotho dkıtne b’al Busyarah. Cal bi mditathe dkıtne a krılyotho d’Dacış hfite eba, simi…

SURIYA – U kanal du froshezwo Mşihoyo-The Christian Broadcasting Network-CBN dkıtyo u qentrunayde b’Virginia d’Amerika, frışle duktho bu frosayde cali aykanoyutho da Mşihoye uda qalilotho tawdithoye d’Suriya u mşadarle u gelyunorayde Chuck Holton dımcaqıb i sbuthathe me qariwo. Bu şuroyo u gelyunoro kımawdıc di şultonutho d’Trump grışla u zuhoro calu qento…

DARIMSUQ – 23 bu yarhano, mbayanwo Thomas Barrack-dkıtyo mu camaydan u Marunoyo d’Lebnon, mathlono dilonoyo d’Amerika l’Turkiya u l’Suriya. Athmıl’ste sımle Barrack i socuruthayde i qamayto l’Suriya u camu waziro di baroyutho d’Ascad al Şibani, şafici li rişizgadutho Amerikoyto d’sxirowa şato bıthır mıd mşarewole u qrobo gawoyo d’Suriya meqım 14…

SURIYA – U rişono da haylawotho du garbiyo demoqratoyo dkıtne falqo ma haylawotho d’Suriya demoqratoyto d’QASAD Abu Cumer Al’idlibi, bi maqırhonutho dıfrısle adyawma bi dafayde du facebook, mawdacle di sictho dhew ela teklif mi mdabronutho yothoyto, gıdsaymo 30 bu yarhano socurutho l’Darımsuq, laşan dımthabto u qyomo dımdewo mu rişqutno d’Suriya…

DARIMSUQ – İ qadişutho du fatıryarxo d’Antiyuxiya dukule madınho di cito Suryoyto Ortodoksoyto Mor İğnatiyos Afrem Trayono, mıstaqbele i rişathızgado du Swed bı Darımsuq Jesika Svardıstrom.  Bi ytawtathe d’athyo luhwoyo bu qentrun fatıryarxoyo dkıtyo bi şawtho d’Bab Tuma bı Darımsuq, fatıryarxo Afrem wi rişathızgado du Swed drışlın i aykanoyutho gawonoyto…

DAYRO ZCURO (DEYR EZZOR), Suriya – U qentrun du tbocofroso da Haylawotho d’Suriya Demoqratoyto frıslın athmıl maqırhonutho lu tbocofroso cali netiçe da cuqobe dsımlın wu aydarbo a krılyotho d’Dacış, mnaselın dsaymi hçome aclaye b’dukotho frişe du garbay madınho d’Suriya-xıd i Hasake u Deyr Ezzor. Bi maqırhonuthathe QASAD mawdacle, dmahıtte athmıl…

WASHINGTON – Athmıl nafıq u waziro di baroyutho d’Amerika Marco Rubio, qum di Sictho da esore baroye du Senato leşan dımfane a şwole da senatore. Bu buqorano’ste friş duktho cali aykanoyutho harayto d’Suriya u lfuth i hzayto d’Rubio, kito ihtimal rabo-d’Suriya dhuwyo belhude kmo şabe rahıqto mu cboro d’qrobo hreno bıgawe…

DAYRO ZCURO (DEYR EZZOR) – Ba zabne haroyani dkito xalyutho bu garbyo d’Suriya, sımla athmıl krılto d’Dacış hçomo cali radoyto da hayle d’QASAD bu qlimo d’Dayro Zcuro. Bu hçomano u barbroyo dsımle Dacış, nafıl Mharbono d’QASAD Sohdo u 3 hrene mçarhi. Elo a Mharbone’ste baroyo mfanelın u hçomano u nafıq taxtuşe…

Ankara / ğarbay-madinho d’Suriya – Erdoğan bu mamlo dsımle athmıl b’Anqara, mawdacle dı Turkiya kmıtyaqno du şudoco dsımle u gabo di PKK dışrele ruhe, fusqono ulsoyoyo laşan du teqwiyo di mşaynutho du athro udu şlomo di fnitho, ulaşan di ahonutho aminoyto da n’abne di qutnutho dı Turkiya.  Erdoğan mırle ste “camu…

SURIYA – İ mtakasto da zedqe noşoye d’Emwotho Mhaydotho Humen Rights Woch, bu taşroro dıfrısla adyawma mawdacla di şultonutho zabnoyto dı Darımsuq kımtarqılo a’fulhone da mtakısyotho di mcadronutho noşoyto cal dıkmasrolın b’tedbire qaşye biroqratoye dıkmaciqi u funoyo dıkmitahwe li sniqutho noşoyto b’gawıd d’Suriya.  Humen Rights Woch mawdacla ste dı Darımsuq cıl…

WASHINGTON – U rişono Amerikoyo Donald Trump athmıl mawdacle, dmawraxle i aykanoyutho şnızto cal Suriya şato hreto cal dheş i şultonutho d’Darımsuq kımşaklo qento. Bi mawdconutho dhuwle Trump li kongre m’akadle, di aykanoyutho şnızto dmahtowa cal Suriya ba 2004 mu rişono catiqo George W. Bush, gıdmdawmo me ramhıl wazolo. Bi…

DARIMSUQ, Suriya – m’athronoyo u makthabzabnoyo bu bnoyo du athro, udhowın hınne ste mbaynone du maşıqlo folitiqoyo hatho d’Suriya i hirto, şritho, mgawanto, demoqratoyto dıkhıbşo b’gawa an’abnayda kulle dlo furşono.  Bu buyono du şudoco, kmitawdıc da Mşihoye d’Suriya falqo dlıkmıflığyo mu kenşo mdinoyo, ruhonoyo u noşoyo du athro, ukdıcro i…

DARIMSUQ – I wazirutho du sutoro di şultonutho zabnoyto d’Suriya mbayanla athmıl Ahmad İ(h)san Fayyad Alhayıs dıkmidıc bu ışmo d’Hatem Abu Şaqra, rişono hatho di gudo folhoyto da n’86 du gayso d’Suriya. I dawsathe xlıqla şişaltho d’hfuxye u cajaze rabtho mhın mşale emwothoye, u gelyunore baynothaye i rişonutho di notarrozutho gawonoyto…

İ sictho du sutoro du qlimo du garbiyo udu madınho d’Suriya, ubi sdirutho di mdabronutho gawonoyto da haylawotho du sutoro yothoyo udi mdabronutho da akadimiye du kanton dı Froth, sımla u futoho dı dawra folhoyto hathto bu ışmo d’sohdo Muhammad Alnaser. İ dawrathe dgımdawmo l’tre yarhe, kmisomi bu akadimi d’sohdo…

HASAKEH, Suriya – U konvoyano dcabır mu qlimo d’Deyr Ezzor l’2 ma nuqazyotho dkıtle u koalisyon Emwothoyo bi Hasake, matcıno’we tawqıdotho, sisteme du tehqobo, radoyotho folhoye, zayne uğer lojistik folhoyo. A konvoyani kımdawmi dcubri lu garbay madınho d’Suriya, walaw u rişono Amerikoyo huwole amro dmıgrış 600 folhe me Suriya u…

GARBIYO U MADINHO d’SURIYA – Baynothaye u gabo du Huyodo Suryoyo d’Suriya d’GHS, 34 gabe u tukose folitiqoye bu qlimo du garbiyo udu madınho d’Suriya, bu buyono dıfrıslın adyawma lu ray gawonoyo, mahwelın ilothnihuthaththe ma gedşe mahişone dhawın ba fenyotho d’Jaramana ud’Sa(h)naya hedor dı Darımsuq, udıqtil ebaye menyono d’farsufe dkıtne…

BULDAN, Suriya – Yawme d’Huşabo dşaficina ba şoce dfothıdsafro, farsufe dlatwın idice şmıtlın i kawtho di cito d’Mor Jawırjyos da Rum Malkoye Ortodoksoye bi qastra d’Buldan bi mditho d’Alzabadani dıknıflo qariwo m’Darımsuq. A’farsufani dcabiri lawğıl di cito bızlın benzin cali yarco u mahıtlın ste tarte foqucwotho dkıtwın mtaybe dmifarqıci lawğıl…

U taşroro dıfrısla i dafo Britanoyto d’Midel East İ, mathkarle d’Anqara u Darımsuq heş mu yarho d’Konun u Qadmoyo dşaficina bıthır mu tedriyo d’Başşar Alasad, ksaymiwo bazare camıhdode cal şıkıl dı qyomo di mudafaca awkith du sutoro. Lfuth u qyomano dıkmibahıs acle, Turkiya gıdım’amno haylo oyaroyo l’Darımsuq, u gıdsaymo ste…

HLOB, Suriya – Lfuth u qyomo dımde bayn dı Darımsuq uda mawtbe di şawtho di Aşrafiye ud’Alşex Maqsud b’Hlob, gıdmınfıq moro b’şıkıl kulonoyo la diloyotho da tarte şawthawotho, baynothaye i mşaynutho, i mdabronutho, i mşablonutho kenşoyto, i mardutho wa fulhone siyasi dkıtlın a’tarte şawthawothani, wu medano gıdmisım bi sdirutho da…

NEW YORK – U qrobo dımdawamle eşne yarixe b’Suriya u acme’ste a tedbire dmahti mu macırbo calu athro mcal fothe du qedomo qaşyo du rejim catiqo d’al Asad, huwlın husrone rabe bu standard da haye yawmoye du camo d’Suriya. İ sbuthathe’ste, grışle Hanny Megallay dilonoyith u zuhoro acla. Megallay dkıtyo…

STOCKHOLM – Athmıl sımwole ABF-Arbetarnas Bildningsförbund, Olof Palme Center wu gabo da Sosyaldemoqratoye du Swed, panel b’Stockholm leşan dmıdroşo i aykanoyutho d’Suriya, bıthır mu nfolo du rejim catiqo d’Başar al Asad. Beyn da hadire, kıtwo mşale u mathlone d’gabe frişe; xıdu koalisyon Athronoyo d’Suriya, u gabo da Came Demoqroye b’Suriya,…

BRUKSEL/U Mawtbo d’Urifi bu buyono dıfrısle, b’qaşyutho krıhle a’gedşe du cnufyo dsimi ba zabne haroyani ubırwihutho mqabıl da mdinoye dıkhoyın ba mdinotho u qıryawotho du sforyamo d’Suriya. U Mawtbo d’Urifi tlıble ste mi şultonutho zabnoyto dı Darımsuq, dsaymo u garanti du sutoro da mdinoye kulle, udmaydo hşowo ma mşale dacla…

SUROYA – Cabde bu buyonayde, makadle du knuşyano dawseyo lafi hdoyutho Kurdoyto bu maşıqlano ducdo d’Suriya.  İ sictho di rişonutho du mawtbo athronoyo Kurdoyo d’Suriya ENKS u taşdarto mu gabo du huyodo demoqratoyo di PYD, hawilın athmıl knuşyo bi mditho di Hasake, dmıştawtaflele u rişono gawonoyo da haylawotho d’Suriya demoqratoyto d’QASAD…

Bi maqırhonutho dhuwle athmıl u malolo du notarozo gawonoyo d’Emwotho Mhaydotho Stephane Dujarric li dafo d’Rudaw, sımle qroyto l’Amerika u l’Turkiya d’sundi u maşıqlo di şalyuthzayno b’Suriya bnişo dmitarkıw mşaynutho ba dukotho du garbay madınho d’Suriya. Bu mamlo dsımle u mşalo Emwothoyo m’akadle, dmıstaqbelın b’thnihutho u ittifaq dhawi beyn di…

TEL TEMIR, Garbaymadinho d’Suriya – Bu zabnano dıkmihalıq dawsat lu terkiwo du maşıqlo folitiqoyo udu şlomo b’Suriya, a hayle Turkoye wa noqufathe’ste mazıdlın a hçomathe cal dukotho mşahılfotho du garbay madınho d’Suriya. Hdo ma dukothani, i fnitho d’Tel Temır’yo dmido hani kmo yawmo naqla hreto nişo la hçomani da Turkoye.…

ZALIN (QAMISHLI, Suriya – U gabo du Huyodo Suryoyo d’Suriya GHS bu buyono dıfrısle lu ray gawonoyo dıbritho, mawdacle du qyomo dımde bayn da haylawotho d’Suriya demoqratoyto wi şultonutho dı Darımsuq dawse msimonithoyo, elo lıkımgaşmo u nişo wa zedqe dkıtle u camo Suryoyo Othuroyo.  Bu şuroyo GHS mirle: U qyomo…

U waziro di baroyutho d’Amerika Marko Rubio bu buyono dıfrısle, mawdacle d’Amerika kım’aydo u qyomo dımde ba yawme haroyani bayn da haylawotho d’Suriya demoqratoyto d’QASAD wi şultonutho zabnoyto dı Darımsuq, laşan dmihayıd u garbay madınho camu athro mhaydo d’Suriya. Rubio makadle ste d’Waşington ksındo u maşıqlo folitiqoyo hatho d’Suriya, bnişo…

BRITHO-SURIYA – Bu taro da gedşe mahişone dhawın bu sforyamo d’Suriya, i qadişutho du fatıryarxo d’Antiyuxiya da Rum Malkoye Ortodoksoye Mor Yuhanna da 10 Alyazaji, bi maqırhonutho dhule lu tboco froso, mawdacle dıqtil u mçarıh menyono celoyo d’mdinoye u haylawotho di mşaynutho gawonoyto ba gedşe mahişone dhawın bi fnitho du…

LONDRA – I şultonutho d’Britania mawdacla dmaqımla athmıl a’tedbire dmahtiwo bu zabno du rejim d’Başşar Alasad cal 24 şutose u sicotho, baynothaye u bank qentrunoyo dkıtyo bı Darımsuq.  I wazirutho di xazine d’Britania bu buyono dıfrısla bi sbutho du hethotho di lohitho da tedbire dmahti cal Suriya mırla “24 şutose Suriye…

SWEDA – Athmıl safrayto, ba casrowat d’farsufe mıştawtaflın l’taglitho dımtaybo bu wahdo dı neshono d’Alkarama bu mesco di mditho d’Sweda bu taymno d’Suriya. I taglithathe athyo luhwoyo xıd funoyo la qroytotho dsimi ba dafe kenşoye du nawlo, xıd protesto mqabıl di siyase dkımaşyola i şultonutho zabnoyto dı Darımsuq lafi hiğmonutho d’Sweda. …

SURIYA – U mawtbo folhoyo d’Sweda bu buyono dıfrısle lu tboco froso, krıhle u qedomo dhın ma grube mzayne dmacbarlın menyono ma haylawotho di mşaynutho di şultonutho zabnoyto dı Darımsuq li mditho d’Sweda, u mırle “athmıl safrayto hın ma grube mzayne mcadarlın i Sictho dı Tahrir Alşam dmacbarla menyono ma…

SURIYA – A’Druz dıkhoyın bi mditho d’Sweda ubi qastra d’Jaramana bı Darımsuq, kımdawmi drıfdi u teslimo du zaynaththe li şultonutho hathto d’Suriya, uknıtri dhowe u hezwo folitiqoyo qriho, udmisım u garanti dmitahwelın a’came d’Suriya kulle a’zedqaththe.  U şex da Druz di qastra d’Jaramana Mansur Alatraş, bi maqırhonutho dhule lu tboco…

GARBAY-MADINHO D’SURIYA – U rişono gawonoyo da haylawotho d’Suriya demoqratoyto d’QASAD general Madhlum Cabde, sımle qroyto li mdabronutho hathto dı Darımsuq dsaymo i wolitho dıknıflo acla, dmitaklın a’hçome calu garbiyo d’Suriya.  Cabde sımle i qroytathe bu zabno di mıştawtafonuthayde lu lqoyo d’Suriya du diyalog athronoyo dımtayıb bi mditho d’Raqqa mu…

GOZARTO, Suriya – U platform da hfitwotho mşawtfe da zawce u tukose da neşe du garbiyo udu madınho d’Suriya, bu buyono dfrısle maglele cali tahrazto da hfitwothayde dgıdmitaybi bi cohnutho du yawmo tibeloyo da neşe, u dgımdawmi hulu siqumo d’8 bu yarho d’Odor dıbqamuthayna. A hfitwotho dgıdmitaybi hanine: gıdmixamli a…

DARIMSUQ – U rişono du maşıqlo folitiqoyo hatho d’Suriya Ahmad Alşarıc, bu mamlo dsımle makadle dıklozım du athro d’Suriya dlımişahlıf l’haqlo da nesyune, bnişo dmişarır Hulme siyasi dlıkşowın lu athro, ubebzabno makadle ste cali hdoyutho d’Suriya udu zaynayda udıklozım dfoyış balhude masro cami şultonutho.  Alşarıc bu mamlo dsımle adyawma bu futoho…

BRUKSEL – U Huyodo Suroyo d’Urifi ESU bi maqırhonutho dıfrısle bi dafayde i ruşmoyto du facebook mırle “u makthabzabno d’Bethnahrin u makthabzabnaydanyo. Ahna kul naqla mhalaxlan bu makthabzabno d’Bethnahrin laşan du şlomo. İnaqla dhowina mhayde camıhdode laybe noşo dmatfe u bahraydan, ugıdfoyış aminoyith u sabro dkıtlan di hirutho du camaydan…

BRUKSEL — Bu taşror d’ESU, bşıkıl rwiho maglele cala husrono dhzewole u camaydan dkull qritho du Xabur dhçımwo acla wu mrodo casino dhuwole u Mawtbo Folhoyo Suryoyo-MFS, djbırwole bi harayto d’Dacış dmıgrış mi fnitho. U taşrorano fris bi cohnutho du yawmo şatonoyo da hçome barbroye dsımwolın a ğrobe marhıbone d’Dacış…

MASXORO d’TISHRIN, Suriya – U gayso kaboşo dı Turkiya wa çatawiyayde kımdawmi dsaymi hçome barbroye cala fenyotho du qlimo du garbiyo u madınho d’Suriya. Athmıl a’tayisyotho folhoye du gayso Turkoyo uma şoce qamoye dsafrayto, mşarelın dsaymi hçome qaşye cala qıryawotho dkıtne hedor du masxoro dı Tışrin bu garbiyo d’Suriya. Bebzabno,…

BRITHO – U mathlono dilonoyo d’Emwotho Mhaydotho b’Suriya Ger Pidersen, bi maqıblonutho dsımle acme athmıl u ajans da tebe d’AP, mırle “u şekolo d’şultonutho kamılto ma came mşahılfe d’Suriya ba kmo şabe dıbqamuthayna, gdımcadır dımbaynina ida da tedbire dmahtile u Macırbo gıdmitaqimi aw lo, u acmaye ste u bnoyo u…

DARIMSUQ – U xaxam Suri Yusıf Al(h)amra mahwele i fsihutho rabtho dkıtle bi socuruthayde lu athro d’Suriya u mathkarle a’cuhdone dkıtle bı Darımsuq, elo mşalo mi mdabronutho zabnoyto d’Suriya mawdacle da hadome di taşdarto da Yudoye athın l’Darımsuq laşan dmathkıri a’cuhdonaththe, dmadcıri a’mulkonaththe udımtaybi knuşyo cami mdabronutho du maşıqlo folitiqoyo…

Xıd funoyo la hçome barbroye dkımdawmo dsaymolın Turkiya cala came du garbiyo u madınho d’Suriya, a’haylawotho d’Suriya demoqratoyto d’QASAD sımlın athmıl cuqobo folhoyo cal foqudutho du gayso Turkoyo uda grube çatawiyayde bi tello d’Qaraqosaq bu kanton dı Froth bu garbiyo d’Suriya. Bu cuqobano dsim mçarıh menyono d’folhe Turkoye u çatawiye…

I qadişutho du fatıryarxo Mor İğnatiyos Yusıf Tlithoyo Younan, mşadarle egartho dı tahanyotho l’Ahmad Alşarıc bi cohnutho dımnaqe rişono lu athro d’Suriya laşan dımdabır u maşıqlo folitiqoyo hatho u hassas bu makthabzabno d’Suriya.  Bi egarthayde, i qadişuthayde mırle “i mşalutho rabtho dıknıflo aclayxu sniqoytoyo dhowın a’came du athro kulle hedorayxu…

RAQQA, MDABRONUTHO YOTHOYTO DEMOQRATOYTO DU QLIMO DU GARBIYO U MANDINHO D’SURIYA – I taşdarto da tukose da neşe İtaloye, mıstaqıblo mi rişonitho zawgoyto du mawtbo demoqratoyo da came di mdabronutho yothoyto Siham Qıryo, i rişonitho zawgoyto du mawtbo mşablono di mdabronutho yothoyto Avin Swid wi tahluftayda Turfa Cuthman, wi rişonitho…

DARIMSUQ – İ qadişutho du fatıryarxo Mor İğnatiyos Afrem Trayono, mıstaqbele athmıl sfarayto, bu qentrunayde u fatıryarxoyo bı Darımsuq, u mathlono dilonoyo d’Emwotho Mhaydotho b’Suriya Ger Pedersen cam taşdarto mu makıthbayde dıkmişaklo mu mşalo rişoyo da sebwotho folitiqoye Robert Dan, i mşalonitho da sebwotho folitiqoye Marwa Cali, u mcadrono dilonoyo…

HIMIS, Suriya – Bu taro di tahrazto di socurutho dıksamla la citotho Qatholiqoye d’Suriya, u rişono di sunados da citotho Mşihoye du Vatikan kardenal Klaudio Gojirotti laqi athmıl safrayto bu mawtbo da fatıryarxe uda hsayo Qatholiqoye d’Suriya, bi baytoyutho du qentrun di hasyutho d’Hımıs da Suryoye Malkoye Qatholiqoye.  Li ytawtathe,…

DARAMSUQ/BETH ZALIN (QAMISHLI) – U gabo du Huyodo Suryoyo d’Suriya d’GHS mtayable şişlatho d’knuşye u ytawyotho bi erişkoyto d’Suriya bı Darımsuq, ulaqi ste ba mşale ruhonoye da Druz bi mditho d’Sweda. Cali netiçe da ytawyothani, u ajans da tebe d’Hawar News sımle maqıblonutho camu rişono zawgoyo d’GHS Sanharib Barsom dmahkele…

GIESSEN, ALMANYA – U lumodano yawmed sabtho mşarele bi slutho du hasyo di marcitho Mor Filiksinos Mattias Nayiş dmıştawtafwole cal ışme di fatıryarxutho di cito Suryoyto Orthoduksoyto. Bıthır u rişono du Huyodo Oromoyo (Suryoyo) Tibeloyo myaqro Johny Messo mahkele calu nişo du konferansano, dkıtyo u qedomo da gabe u şutose…

İ dafo d’North Press sımla maqıblonutho camu mathlono catiqo di Sictho da esore baroye du Mawtbo tahtoyo d’Amerika Alan Makovsky u adyawma frısla u tebayde. Bu mamlayde Makovsky mawdacle, da hçomani da noqufe du İran cala nuqazyothathe b’Suriya, lıkçubri a hayle folhoye d’Amerika dmıgroşi me Suriya   U mşalo Amerikoyo…

Bu zabno cayne d’britho cala qrobe dbeyn İsroyel u Hamas u d’Rusya u d’Ukraina’ne, i şultonutho d’Turkiya’ste kımdawmi bi tahraztayda du şuhlofo demoğrafoyo bu garbyo d’Suriya. A mşale Turkoye, nqilın athmıl 1.200 galwoye hrene lu garbay macırbo d’Suriya; beynothaye neşe u tloye.   A galwoyani, nqili bu darbo da thume…

A’mdinotho wa qastrat di fnitho d’Sweda u hedora bu taymno d’Suriya, hazi zabno d’hedor arbıco yarhe, kımdawmi dhowın wahde da tagılyotho du protesto mqabıl di şultonutho dı Darımsuq. A’mtagılyone d’Sweda ktılbi dmitadre u rejim d’Suriya, dmitarfın a’hbişoye saqıbloye, udmitafıt la haye u fusqono d’Emwotho Mhaydotho da 2254.   Ha ma…

Bu taro da lqoyotho dıksaymo i taşdarto di Mdabronutho yothoyto bu athro d’Danmark, athmıl u mathlono b’Urifi Cabdılkarim Cumer wa tre mathlone b’Danmark Dara Mustafa u Alan Mansur, laqın taşdarto mu gabo Semoloyo du Camo d’Danmark dıkmişaklo mu tahlufo du rişono du parlamento Karsten Hong dkıtyo bebzabno u hadomo di…

Qtil arbıco folhe ma haylawotho di mşaynutho du rejim d’Suriya u mçarıh ste tre hrene, bu hçomo dsim adyawma safrayto m’grub mzayno dlatyo idico cali radaytaththe i folhoyto bu garbiyo di fnitho dı Darca bu taymno d’Suriya.   Lfuth i mşatasto da zedqe noşoye d’Suriya, u hçomano athi luhwoyo bu…

Athmıl naqla hreto ba casrowat d’farsufe mtagılyone layimi bu wahdo du neshono d’Alkarama dıknuflo bi mdito d’Sweda bu taymno d’Suriya. Uba slogane dmazcaqlın makadlın a talabe ruşmoye dhani zıttır me 100 yawme dıknıfqi la zabuqone.   Bebzabno, a mtagılyone d’Sweda ba lohiyotho dıtcınlın tlıblın mu rişono du rejim d’Suriya Başşar…

I mdabronutho da madraşyotho d’Tel Tamır ubi sdirutho di sictho di tarbitho udu yulfono du qlimo di Gozarto d’Suriya, sımla u futoho d’menyono d’madraşyotho ba qıryawotho dhzelın a madraşyothathe husrono bi netiçe da hçome dsımle u gayso kaboşo d’Turkiya aw bi netiçe da hçome dsımlın a marhıbone d’Dacış cal Tel…

U mqımdino di hasyutho di cito Suryoyto Qatholiqoyto b’Holob, sım baytoyutho lu knuşyo du Mawtbo da rişone da citotho Qatholiqoyotho b’Suriya. Lu knuşyano mıştawtafle i qadişutho du fatıryarxo di cito Suryoyto Qatholiqoyto Mor İğnatiyos Yusıf III Yunan, i qadişutho du fatıryarxo da Suryoye Malkoye Qatholiqoye Mor Yusıf Alcıbsi, u rişizgado…

BETHNAHRİN – Bu sabro di hirutho kmıstaqbılina u yawmo şatonoyo da 6772 du cedo umthonoyo du rbico udi bruktho di şato hathto Ha Nison Akitu, kımşare u buyono dfrısle u Mawtbo Umthoyo d’Bethnahrin-MUB, u kımdawım ba mele; Ha Nison kımbaşır u mathyo du rbico wu hethotho du kyono. Bu Madenho…

ANKARA – U hadomo di sictho qentrunoyto da fusqone udu tefitathe la haye bu gabo d’AKP Orhan Miroğlu huwle maqırhonutho l’dafo Rusoyto, cala şartat dmahıtle u rişathro d’Suriya Başar al Asad qum du rişqutno Turkoyo Erdoğan, leşan dhowe mkono l’ytawto beynothaye. Beyn da şartat dmahıtwole al Asad qum Ankara, tlıbwole mena…

QAMESHLO – A hayle du Asayiş du Garbiyo Madınho d’Suriya, mabdelın hamle bi şawtho d’Al Calaya di Qamışlo leşan u kroxo dcala krılyotho du tukoso marhıbono d’Dacış. Lfuth mabuco ma hayle di mşaynutho gawoyto, a haylawothathe cabiri li fnitho u kıkurxi cala marhıbone, cala zayne mnice ucal gelone mtanwone.   Meqım dımşare…

U Huyodo d’Urifi gıdımtayıb lumodo leşan u snodo da came dım’athri ma zulzole dhawın b’Suriya ub Turkiya. U Komisyon d’Urifi wi rişonutho zabnoyto du Huyodo d’Urifi dkıtyo ucdo bided du Swed, m’akade du lumodo u Emwothoyo gıdmisım 20 bu yarhano d’Odor. U lumodano gıdmisomo i baytoyuthayde mşawtıfo mi rişonitho du Komisyon d’Urifi…

A zulzole dhawınwo meqım yarho b’Turkiya u Suriya, xlıqlın haşo rabo ba lebawotho, lo belhude da came da tre athrawotho şbobe, elo b’lebe du kenşo Emwothoyoste, u mnase b’darbone frişe dmısnodi a dıbhe da gunhani du kyono.   Leşan i awyutho dcama dıbhe da zalzalat dhawın b’Turkiya u b’Suriya, zamore idice…

DEYR EZZOR – B’Deyr Ezzor dıknofıl bu madınho d’Suriya, hawi adyawma nişo l’hçomo d’tayosto dlo pilot dıqtil ebe 4 farsufe bu falqo du qlimo dıkmisım u duyoqayde ma grube mzayne du İran.    Mabuce du macırbo bi maqırhonutho dhulın lu froshezwo d’Alcarabiya, mawdaclın du hçomano dmıdle nişo a zayne da İranoye,…

Bi maqırhonutho dmıdlan mu rişono zawgoyo d’ESU Fehmi Vergili mırle bi qamayto kurhina b’qaşyutho u hcomano dkıtle nişo dı şoğış i awyutho dımşatalın a came di mdabronutho yothoyto. Vergili mırle u u ağuneydan mıqqa dıq qowe khozina kmihcim cala timotho du cameydan, elo kulnoşe tro dodıc mıqqa dmihcim acleyna haqqa…

Bi maqırhonutho dhuwle adyawma u rişono gawonoyo da Haylawotho d’Suriya Demoqratoyto-rabhaylawotho Madlum Cabde mahkele, da hayle kaboşe d’Turkiya dıkmdawmi a cuqobathe cala dukotho di Mdabronutho yothoyto du garbyo udu madınho d’Suriya. Lfuth u mede dıkmahwe, a zalzalat qaşye 6 bu yarhano d’Şbot, lo maklelın a hçomani da Turkoye. Wa hçomani’ste…

Bi rişitho; u sıbyono du mrodo du Khabur u furqono umthoyaydanyo, kımşare u buyono dfrısle u Mawtbo Umthoyo d’Bethnahrin-MUB bi cohnutho du duxrono şatonoyo da Sohde du mrodo du Khabur. Bu buyono mathkare MUB a Sohdayde dfıdelın a hayathe li sbutho umthoyto du camaydan. Bu buyono i Sictho di Rişonutho…

Darımsuq maqbela d’Emwotho Mhaydotho dmacbıro mcadronutho noşoyto la dukotho du garbay macırbo d’Suriya. A tre thume d’Bab al Salame u d’Al Rai dkıtne cala thume dbeyn Suriya u Turkiya, gıdfayşi ftihe l’zabno d’3 yarhe, bnişo dqudri a tukose noşoye dmacbıri mcadronutho noşoyto lu camo sniqoyo.  Calu futoho da 2 thumani’ste,…

Bu buyono dfrısle ADO, mahkele cala tathire rabe dtrelın a zalzalat dımhewolın yawme d’Tre dşafıcina dukotho frişe d’Turkiya udu garbay macırbo d’Suriya u mqadamle a buyoayda la dıbhe kulle. ADO mawdacle, da hezwone dfrisi bu tbocofroso Emwothoyo, trelın britho bu şok calu husrono rabo dtrelın a zalzalat b’Suriya ubı Turkiya-hem…

A şutose du camaydan du Slibo Suryoyo, u şutoso d’Şlomo u Shai Fund, nqilın konvoy dımcadronutho noşoyto lu camo sniqoyo b’Holob. A falohe da şutosani’ste bu zabno dmatın l’Holob laqın b’haşo rabo uba shifotho da bote bkull duktho. A şutose dkarixi dukotho frişe di mdito, mfaraqlın i mcadronutho dkıtwa acmaye…

Bıthır mi ytawto dhawyo athmıl beyn du waziro di baroyutho d’Amerika udu bar’amnayde d’Austoria, huwle Blinken maqırhonutho lu tbocofroso u m’akadle, d’Amerika hadırto’yo dfulho cama bnay’amnayda leşan dımcadro u camo sniqoyo d’Suriya, elo latla niye dcawdo cami şultonutho d’Darımsuq. Blinken mırle; Kıtlan b’Suriya şutose noşoye dıkmısnodi me Amerika ubu tarano…

DARAMSUQ – Camgabe da şutose du camaydan, u fatıryarxo di cito Suryoyto Malkoyto Orthodoksoyto Mor Yuhanun da 10 al Yazıji frısle egartho calu gunho rabo du kyono dhawi b’Turkiya ubu garbay macırbo d’Suriya. Bi egarthayde u fatıryarxo sımle qroyto lan abne di citayde u mırle; “Zalzale qwitho mhela u taymno…

Frısle u Mawtbo Umthoyo d’Bethnahrin buyono calu zulzolo dhawyi bi Turkiya u Suriya. Bu buyonano dfrısla i Sictho di Rişonutho d’MUB kımmo; ksaymina qroyto la came d’Bethnahrin u d’Anatolya dmahwin awyutho bu yawmo mahişonano. ——— Buyono Mawtbo Umthoyo d’Bethnahrin ——— KSAYMİNA QROYTO LA CAME D’BETHNAHRİN U D’ANATOLYA DMAHWIN AWYUTHO BU…

TURKIYA/SURIYA – Adyoma me safro kımnasina dmaydina tebe ma dukotho di zalzale dhawyo  b’Turkiya u Suriya. I zalzalathe dhawyo bu zabno da bnaynoshe dkıtwene damixe, matharla cala husrone noshoye u momunoye. Bi mawdconutho dmıdlan me Holob hawi husrone da bınyone u hın ma shurone da citawotho dkıtlan hzelın husrono, u…

U mcadrono du malolo di wazirutho di baroyutho d’Amerika Vedant Patel huwle athmıl maqırhonutho lu tbocofroso cali aykanoyutho d’Suriya ubu mamlayde Patel, kali dilonoyith cala hawbe barbroye dsımle u rejim du rişathro d’Suriya Başar al Asad. Beyn da tedbirani dmahıtla Amerika calu rejim d’Suriya, kito u qyomo d’Qaysar dıkromız cala…

BETH ZALIN – U Mawtbo d’Suriya Demoqratoyto d’MSD, bu buyono dıfrısle bu yawmo şatonoyo du kboşo di mditho d’Cafrin, mawdacle di fnitho hani zabno d’hammış ışne kcayşo b’aykanoyutho mahişonitho wa came şerşoye di duktho kmidoşi m’Turkiya uma grube çatawiyayda. U buyono d’MUB mawdacle dı Turkiya kımmaşyo i siyase du şuhlofo…

İ şultonutho zabnoyto di saqıbloyutho d’Suriya dıkmısnodo m’Turkiya, mawdacla du rejim d’Alasad qatoloyo, ulaybe dmisım acme esore kyonoye. U rişono di şultonutho zabnoyto di saqıbloyutho Cabdılrahman Mustafa bi maqırhonutho dhule l’North Press mırle “i şultonutho zabnoyto wu koalisyon athronoyo d’Suriya loksaymi mudaxala ba sebwotho gawoye da n’athrawotho, mawxa ste u…

HOLOB, Suriya – Hawi adyawma taxtuşe qaşye b’zayne yaqure bayn da haylawotho du rejim d’Suriya uda grube İranoye mxasra, wa çatawiye du Gbino marıhbono d’Alnusra dıkmısnodi m’Turkiya mxasra hreto. İ mşatasto da zedqe noşoye d’Suriya, mawdacla da taxtuşani athın luhwoyo bi netiçe du hçomo dsımle u Gbino d’Alnusra cali qastra…

ATINA – U athro du Yawnan kmıhşu laşan da galwoye, ha ma darbone rişoye du cboro la n’athrawotho du Macırbo d’Urifi. U waziro du sutoro mdinoyo bi şultonutho du Yawnan, Takis Thyodorikakos, mawdacle da noture du thumo msıklın bi şato da 2022, hedor 1300 qaçağçiye dıkmahızmi galwoye calu yurxo du…

BAB ALHAWA, Suriya – U şutoso du MIT, awkith bu leşono turkoyo Millî İstihbarat Teşkilatı, da n’istixbarat dı Turkiya, sımle athmıl knuşyo ğnizo camu tukoso marıhbono du Gbino d’Alnusra bi nuqazto du thumo d’Bab Alhawa bu garbiyo d’Suriya. Bu knuşyano gawonoyith drişo i sbutho da çatawiye uda marıhbone nuxroye kulle…

SURIYA / SCUDIYE – İ sferyawmo d’Alcarab di Scudiye, mawdacla di saqıbloyutho d’Suriya ba tre gefayda folitiqoyo u folhoyo dkıtyo bnayqyomo dı Turkiya, kcayşo adyawma b’aykanoyutho dilothnihutho, bu taro di rozutho dkito b’gawıd du qyomo dıkmitayıb ucdo, bnişo dmışre u qetro dkito bayn du rişono du rejim dı Turkiya Erdoğan…

BETH ZALIN (QAMISHLI), Suriya – U rişono zawgoyo du mawtbo gawonoyo di mdabronutho yothoyto du garbiyo udu madınho d’Suriya Farid Cate, mawdacle dı Turkiya kızzayo lafa n’esore camu rejim d’Suriya, laşan dımşadro u krizayda l’larwal du athro, dilonoyith cal dımqarawle u zabno da guboye di rişontuho, u xıd dkıtyo idico…

GOZARTO d’BETHNAHRIN, Suriya – Bu zabno da hayle kaboşe d’Turkiya uda marhıbone noqufathe kımdawmi a cuqobathe cal Tel Temır, Kobani  uğer dukotho frişe du garbyo udu madınho d’Suriya, u malolo da Haylawotho d’Suriya Demoqratoyto (QASAD) Aram Hanna sımle qroyto lu kenşo Emwothoyo dkıtyo hfito b’Suriya, dmıştace u dawrayde u dmakle…

Bi maqırhonutho dhiwo athmıl mu rejim du rişathro d’Suriya Başar al Asad, rfido i qroyto du rişqutno Turkoyo Erdoğan leşan u garbyo d’Suriya dmitarkıw xıd qlimo mşayno. Lfuth u rejim; Hathe maqırhonutho raxis’yo u kımaglıyo cali siyase qşitho d’mdabronutho dıkmaşyo metode lo noşoye. U funoyano di şultonutho d’Darımsuq athi lu…

Hani bzabno dşabtho, hawi 8 calcole du qum bu Cıraq u mcali aykanoyuthathe’ste, jbiro i şultonutho d’Boğdod d’suxro a madraşyotho, a makthbe ruşmoye u dmaklıyo a fyore da tayosyotho ba botaytawso du athro, u sımla adyawma yawmo du bıtlono bu athro kule, bıthır mıd ba mowat dıbnaynoşo nqili la bethkrihe.…

Turkiya u İran dkıtte ğalabe masxore cala nahre dıkmdawmi l’Suriya ulu Cıraq, kımanqısi u xyoro da maye da nahre leşan dmıstafdi mu kahrobo umu energi. Elo i bsiruthathe da maye dkowe ban athrawotho şbobe’ste, kıxulqo qetro rabo ba haye da comure. Ha man nahrani dıkmi’athır mi bsirutho da maye-u nahro…

U rişathro du rejim d’Suriya Başar al Asad, sımwole meqım kmo yawmo socurutho lu İran u hawile şişaltho d’ytawyotho u droşe cama mşale İranoye b’Tehran. Cali netiçe da ytawyothani’ste lo fris ğalabe tebe, wu adyawma mawdacla İsroyel u ğamayda cal tebo hreno dmatila. Lfuth i mawdconutho d’Mosko Times, Rusya mabdela…

Calu talab dhawila i kongre d’Amerika, frısla athmıl i wazirutho di baroyutho du athro taşroro, cali catirutho dıksaymo taxmin dheş kıtla i iqartho du rişathro d’Suriya, walaw hani eşne kımnasyo Woşington dsaymola izola, mcal fothe du cnufyo udu qrobo gaşyo dıkmaşyo mi şato da 2011 cala bnaymothoye d’Suriya. Bu taşrorano…

HASSAKE, Suriya – Taşdarto mşawtafto ma gabe u şutose mdinoye u folhoye du camaydan du Xabur, sımla socurutho lu ferco di Hasake du gabo du Huyodo Suryoyo d’Suriya d’GHS ulu qentrun da haylawotho di mşaynutho gawoyto du Sutoro. Ba tarte socurwothani, a’tre gabe dıgrışlın u zuhoro cali ulsoyutho dmitaqwın an’esore…

DARIMSUQ, Suriya – İ mşatasto da zedqe noşoye d’Suriya, mawdacla d’İsroyel sımla adyawma ba şoce d’fothıdsafro hçome oyaroye hathe cal  nuqazyotho folhoye hedor di mditho dı Darımsuq. Ba soruhe İsarloye dımhalqi shif u mfarqıc menyono d’nuqazyotho folhoye du İran, baynothaye nuqazto dıknıflo hedor di qastra d’Sa(h)naya b’Darımsuq, nuqazto hreto bu…

GARBAY MADENHO D’SURIYA – Bu cedano d’adyawma, fris naqla hreto egrotho frişe la Mşihoye d’Suriya kulle. Ha mani’ste, u Mawtbo gawonoyo du gabo du Huyodo Demoqratoyo-PYD’yo dımqadamle egartho da tahınyotho la Mşihoye du athro kulle. Bi egarthathe’ste i PYD kımmo; Kımcaydina u cedo di qyamto da Mşihoye d’Suriya bu yawmano…

U Mawtbo Umthoyo d’Bethnahrın frısle buyono dıg korıh a hcome dıksaymo calu garbyo u madınho d’Suriya u calu garbyo du İraq. MUB bu buyoneyde komır; Klozım mitakılyo i siyase du qtolğınzo du gabo di AKP u MHP. ———— buyono ———— A şultonwotho di Qutnutho d’Turkiya kmaydi l’ruhayye asas i siyase…

SURIYA – 22 bu yarho d’Nison di şato da 2013 şmıcwo u tebo du hasyo di marcitho d’Holob di cito Suryoyto Ortoduksoyto Mor Ğriğoriyos Yahnanın Abrohım u Mor Bulus Alyazici di cito malkoyto Ortoduksoyto htife bu zabno dkıtwene dacore l’Holob me farsufe di hiyoyuthathe latyo idicto. Bıthır ma tebani hın…

U rişono du gbino du şlomo udi hirutho d’Suriya Ahmad Aljarba, mhanele u gabo du Huyodo Suryoyo d’GHS, i Mtakasto Othuroyto Demoqratoyto d’ADO wu gabo Othuroyo Demoqratoyo d’GABBA, calu qyomo du fhomo dımde baynothaye udmawdacwo bi hfitutho mşawtafto di rişıdşato umthoyto d’Ha Nison d’Akitu. Aljarba dkıtwe meqım u rişono du…

RAQQA/MABUĞ, Garbiyo u Madınho d’Suriya – I sictho rwihto mtaybonitho du qyomo kenşoyo, mtayabla athmıl knuşyo cama hadome du mawtbo mşablono di mdabronutho yothoyto du garbiyo udu madınho d’Suriya, bu benyono di mdabronutho yothoyto dkıtyo bi mditho d’Raqqa. Bıthır mdıkle qatinto d’şetqo, mşare bu darbo du froshezwo dmitahwe mawdconutho la…

An abne di marcitho d’Mor Çırçıs di cito Kaldoyto d’Derik b’Suriya, mcayadlın yawme d’Huşabo u cedo da Oşacne lfuth u surgodo hatho. Ba mowat dımhaymne dıkfixi li cito, tcınlın bidothaye şemce u tarfe da zaytune, ubıthır mıd kamıl u tekso ruhonoyo di slutho, a mhaymne mhalaxle bu zabuqo rişoyo dkıtyo…

BETH ZALIN (QAMI ŞLI), Suriya – Athmıl blalyo, qtil barmothoyo Armınoyo bu buğro dmarıs acle ma haylawotho du Sutoro dkıtne masre camu rejim d’Suriya bi mditho d’Beth Zalin. Lfuth u ajans da tebe d’Hawar News, u farsufo Armınoyo dışme Melkon Nader qtil qariwo mi nuqazto du Sutoro du rejim dkıtyo qaruto…

A Haylawotho d’Suriya Demoqratoyto, sımlın athmıl cuqobo cal bayto bi qritho d’Alzer dkıtyo qarıwto li mdito d’Deyr Ezzor. U baytano d’marhıbono d’Dacış’we ubu zabno du cuqobo, nafıq taxtuşe beyn da hayle d’QASAD ud marhıbono elo bi harayto mıski a 2 marhıbone dkıtwın bıgawe du bayto. A marhıbone nqili bıthır l’nuqazto…

LATQIYE, Suriya – Bu tbocofroso kenşyo’yo, hın ma hadome di cito Suryoyto Malkoyto u farsufe frişe maqrahlın du kohno George Rafiq Hawş di marcitho di Latiqiye, lo qtile ruhe elo qatlo qtil mu rejim d’Suriya. Bıthır mıd mcaqablan u şwolano me qariwo nafıq kmo sebwotho li holo, dıkmahwın du kohno…

The New Lines Institute frısle adyawma taşroro, cali tagorutho lo qonunoyto da happotho du Kaptagon-dkıtne şıkıl d’samone du amfetamin. U şerşo du Kaptagon me Almanya’yo u nafıqo ban 1960’yat u bıthır mıd zayıd u produksyonayde, mahıtwo mnoco acle cal da tathirayde xıda gelone mtanwone’yo. Lfuth u taşrorano, i tagorutho lo…

U Mawtbo Folhoyo Suryoyo d’MFS, b’qaşyutho krıhle u hçomo dsımla Turkiya b’tayisto dlo pilot calu hadomo di mdabronutho gawonoyto du Mawtbo Folhoyo Suryoyo Maroge Hanna bu zabno dkıtwe azolo li nuqazto du kahrobo dı Tel Tamır dıknıflo bu garbay madınho d’Suriya. Calu hçomano dsim, u malolo d’MFS Matay Hanna bi…

U rejim d’Suriya dkıtyo i celtho du shofo du athro, mahwele i cajazayde me Amerika dkıtla qedomo frişo la fenyotho dlatne bi moruthayde. Darımsuq bu buyono dfrısla, krıhla u qedomo d’Waşington dkıbco dmaqimo a fenyotho di Mdabronutho yothoyto u hın fenyotho d’İdlıb ma tedbire momunoye umu qonuno d’Qaysar dmahti calu…

Mınyono ma comure d’Camuda du garbay madınho d’Suriya, sımlın protesto i şalyutho d’Rusya mqabıl da hçome dıksaymi a hayle kaboşe d’Turkiya wa noqufathe calu qlimo. A mtagliyone layimi qum du qentrun d’Rusya dkıtyo b’Camuda u tlıble mena, dsaymo hboso cal Turkiya bnişo dmaklıyo a hçomayda b’Suriya. A came du garbyo…

U rişono gawonoyo d’QASAD Madhlum Cabdeste, krıhle a hçomani d’Turkiya u mırle; U mhoyano d’Turkiya ba mdinoye, zıttır kıjoğır u qrobo. Bebzabno u malolo da Haylawotho d’Suriya Demoqratoyto Aram Hanna, m’akadle du huroro d’Raqqa sim, bi awyutho ubu huyodo dkıtwo beyn da came frişe du qlimo wu krıhleste a hçome…

U qentrun du tboco froso da Haylawotho d’Suriya Demoqratoyto frısle tebe cala şuşote haroye uda cuqobe dsımlın a Mharbonathe ba kmo yawme haroyani. Mawdıcste d’taşdarto mu koalisyon Emwothoyo sımla socurutho li Hasake u be bzabno frısle u koalisyon maqırhonutho, dıkmhanle i dbihutho nafşo da hayle d’QASAD bu huroro di mdito…

U tukoso da zedqe noşoye leşan i şrorutho wi kinutho da Suriye, frısle taşroro calu mınyono da bnaynoşo dımsiki ma marhıbone dıkmısnodi ma hayle kaboşe d’Turkiya, bu garbay madınho d’Suriya. U tukoso mawdacle, du gayso Athronoyo d’Suriya dıkmısnıd me Turkiya, msıkle bu yarho d’İlül d’şafıcina hol 52 farsufe me Afrin,…

İ malılto di wazirutho du sutoro d’Amerika rabathhaylawotho Jessica McNulty m’akadla, d’Amerika gıdturyo 900 ma folhayda b’Suriya leşan u snodo da Haylawotho d’Suriya Demoqratoyto. McNulty mawdacla’ste, d’sahmo ma folhani, gıdfayşi bi foqudutho d’Al Tanıf dkıtyo bu tayman madınho d’Suriya. Bi maqırhonutho dhuwla athmıl i malılto d’Pentagon-rabathhaylawotho Jessica McNulty m’akadla dfsıqlın,…

İ sferyawmo Britanoyto d’The Times, mawdacla da n’Othuroye dmaxlaswolın mu Sayfo da Cuthmanoye d şato da na’1915, hawın ucdo nişo l’qtolcamo hreno dsımla Turkiya udkımdawmo dsaymole bi fnitho du xabur bu garbay madınho d’Suriya. The Times bu tebo dıfrısla, grışla u zuhoro cali iqartho Othuroyto harayto dmahzamla mi qritho dı…

İ taşdarto du Mawtbo d’Suriya Demoqratoyto, kımdawmo a ytawyothayda cama mşale Amerikoye b’Waşington, bnişo d’dorşi u dactid di Mdabronutho yothoyto bu taro du maşıqlo folitiqoyo hatho d’Suriya. Ba ytawyotho haroye dhawın, a mşale Amerikoye naqla hreto makadlın da hayle du koalisyon Emwothoyo gıdfayşi b’Suriya, leşan dsındi a Haylawotho d’Suriya Demoqratoyto…

U Mawtbo Folhoyo Suryoyo-MFS, mawdacle dkıtyo b’fusqono kamilo dımdawım dhowe hesno qawyo mqabıl di tahrazto bceldboboyto d’Turkiya bu athro d’Suriya. U malolo d’MFS Matay Hanna bi maqırhonutho dhule lu tbocofroso, m’akadle da Mharbone, kobın u funoyo dıkşowe la hçome dıksaymo Turkiya wa marhıbonayda cala qıryawotho du camaydan du Xabur.  U…

U rişhsayo d’Viyana kardinal Kristof Şonborn dıksoyım ucdo socurutho lu athro d’Suriya, mtayable qerowo alohoyo calu madıbho da sohde du Sayfo bi Mcartho d’Saydnaya. Meqım mathe ste, kardinal Şonborn mıştawtafle li slutho dımtaybo bu qentrun fatıryarxoye di cito Suryoyto b’Darımsuq, bnişo dmitarku u şlomo b’Suriya. U rişhsayo d’Viyana kardinal Kristof…

A hayle dilonoye da Haylawotho d’Suriya Demoqratoyto, maxlaslın a comure di mdito d’Raqqa, mu plan dıhçomo barbroyo ma ğrobe marhıbone d’Dacış. Bi maqırhonutho dfriso me QASAD mawdıc, di krılto da marhıbone kımtaybowa ruha dımfarqıco radoyto mlitho foqucotho bıgawe di mdito d’Raqqa. ​​​​​​​Bi maqırhonutho dfrısle u qentrun du tbocofroso da Haylawotho…

Mtayıb bi mditho di Hasake, u lqoyo emwothoyo da maye du garbiyo udu madınho d’Suriya. Bu lqoyano dıkmıdroşo ebe i bsirutho da maye dıkmitıstacımlo xıd zayno du qrobo, kmıştawtafle zıd m’300 mşale u mathlone di mdabronutho yothoyto u da tukose noşoye emwothoye u gawoye dıkfılhi ba fenyotho du garbiyo u…

Bi maqıblonutho dsimo camu malolo du Mawtbo Folhoyo Suryoyo Matay Hanna, mawdacle ba hçome dıksaymi a hayle kaboşe d’Turkiya bu garbay madınho d’Suriya, kıxulqi arcutho hathto li marhıbonutho. Bu mamlano dsımle Hanna li dafo d’Hawar, bı qaşyutho krıhle a hçome wa hawbee dıksaymo Turkiya wa marhıbonayda b’Tel Temır u bğer…

Bu yawmo tibeloyo du şlomo, i mdabronutho yothoyto du garbiyo udu madınho d’Suriya sımla qroyto la gabe u tarafe mşahılfe du athro, dfılhi camıhdode laşan dmitarkıwo i şalyutho wu şlomo b’gawıd d’Suriya. Ubebzabno i mdabronutho sımla qroyto la şutose emwothoye dsaymi u mede dıknofıl aclaye, bnişo dmişarır u şlomo b’Suriya.…

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın ma hadome du mawtbo di cito Suryoyto Orthodoksoyto di mdito d’Qamışli, leşan a yuthrone d’ruhaye u d’ğer hayle kowın terpılto qum du tewlifo du şbilo Suryoyo ba madraşyotho dilonoye du camaydan dkıtne b’Qamışli. U şutoso…

A zawce da neşe du garbiyo u du madınho d’Suriya, mathkarlın a 41 eşne du yawmo tibeloyo du şlomo. Bu buyono mşawtıfo dfrıslın a zawce da neşe, tlıblın me Emwotho Mhaydotho dmitahwela i athto aftho dmıştawtıfo la sebwotho di mşaynutho, du şlomo udu şroyo da krize dbritho.  Adyawma dkıtyo 21…

İ mşatasto baynothemothoye da mşihoye d’madınho kımdawmi bu snodaytha dlu athro da abohotho. Ba yawmotho dı şafician i mşatasto mşadarla konteynır rabo d ‘malsamat da bethkrihe li Gozarto d’Bethnahrin calu talab dhın ma osawotho dhawilin. İmşatastathe dımşatso bi şato da 2017 bu athro d’Almanya cal şetısto emwothonoyto kımşdro mcadronwotho mşahılfe…

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba fenyotho mşahılfe du garbiyo u du madınho d’Suriya. Lfuth i sictho du hulmono di mdabronutho yothoyto, hedor 24 alfo farsufe tafilın u kewo d’Corona, baynothaye 824 mayithi mu zabno dımbarbazwo u virus d’Corona…

Athto Othuroyto mu camaydan di mditho dı Tel Tamır, mawdacla du gabo kaboşo dı Turkiya ba hçome dıksamlın cala fenyotho du garbay madınho d’Suriya, kıtle u nişo dmaxle i fnitho ma came şerşoye di duktho. Vilda simon dkobo hul ucdo ağuno mqabıl da şartat casqe di mditho dı Tel Tamır,…

A’şutose du tboco froso Mşihoyo u tibeloyo, kımdawmi dımşalti bahro calu ağuno dkobele u Mawtbo Folhoyo Suryoyo d’MFS laşan u sutoro da Mşihoye wu nfoqo du moro la mulkonaththe bu garbay madınho d’Suriya. İ dafo Mşihoyto d’Linga.Org, bu tebo dıfrısla grışlaste u zuhoro cali zuctho dkıtlın a’rişone folhoye d’MFS dmabdiyo…

U Mawtbo Folhoyo Suryoyo-MFS, mathkarle u duxrono da 20 eşne da hçome marhıbone dsimiwo cal Amerika. U Mawtbo Folhoyo Suryoyo-MFS, frısle egartho bi dafayde du Twitter cala hçome dsımwole u tukoso marhıbono d’al Qacida cal Amerika ba 2001. Bi egarthathe MFS mırle; Şafıc adyawma 20 eşne cala hçome marhıbone dsimiwo…

U Mawtbo Folhoyo d’Al Bab bu funoyo dhule la hçome dsımwola Turkiya bu yarho d’şafıcina cali mdito d’Tel Tamır, sımle bu yarhano cuqobo dilonoyo cal qentrun da folhe Turkoye uda marhıbonathe dkıtne bi fnitho, u qtile 22 farsufe menaye. Me gabo hreno, hamşo grube saqıbloye du gayso Athronoyo d’Suriya dıkmısnıd…

U gayso kaboşo d’Turkiya ba hçome haroye dsımle cala qıryawotho du camaydan u Othuroye du Xabur, kmahwe dlatle furşone mu tukoso marıhbono d’Dacış dkımnasın dmaxlın a fenyotho du camaydan b’Suriya. Ba hçome haroye dsimi cali qritho d’Tel Tawil bu Xabur, athto mu camaydan mawdacla dkıbco dımgalwo l’Kanada, elo athto hreto…

İ mdabronutho yothoyto du garbiyo udu madınho d’Suriya, ba kmo yawme dıbqamuthayna kmıntır dhowela ytawyotho cami şultonutho d’Mosko ucami mdabrontuho d’Waşington. Kmahwe an’athrawotho d’Astana Rusya, Turkiya wu İran fayış kfıhmi du şroyo du kriz folitiqoyo d’Suriya laybe dhowe dlo mi şawtofutho di mdabronutho yothoyto. Mabuce mu mawtbo d’Suriya demoqratoyto d’MSD,…

Bi maqırhonutho dhuwle Pentagon lu tboco froso, rfıdle a tebe dıfrisi me dafe frişe du İran dımdace ebeye, d’Amerika gıdmıgroşo me 3 nuqazyotho folhoye dkıtne bu garbay madınho d’Suriya. U malolo d’Pentagon m’akadle, da tebani qatciyan latne şroro wu missyonaydan lo gıdtoyım u loste gıdmişahlıf bu qlimo. Dafe frişe du…

U hçomo barbroyo dı Turkiya hule husrono rabo la xtute du kahrobo da qıryawotho dı Tel Tamır udi qastra d’Zarkan bu garbay madınho d’Suriya. Lfuth u qentrun du kahrobo dı Tel Tamır di mdabronutho yothoyto, kito 45 qıryawotho dhani zabno d’yarho dıqtic maclaye u kahrobo, mfothıd da hçome dı Turkiya.…

U gayso kaboşo dı Turkiya mu şuroyo du yarhano d’İlıl uhul ucdo, qtile 40 mdinoye bu athro d’Suriya, baynothaye zıd m’15 nacime. Camgabıdathe, a’grube çatawiye dı Turkiya msıklın hamşo farsufe mi caşırto Caraboyto d’Ilbucsaf bi fnitho dı Tel Abyad, cal dıfris tre buyone mşahılfe bışmıd di caşırtathe, baynothaye buyono dıkmahwe…

Dafe frişe du nawlo, frıslın tebe calu husrono dıtrelın ahçome da hayle kaboşe d’Turkiya cala qıryawotho di fnitho d’Tel Temır-betynothaye qıryawotho du camaydan. Ba tebe dıfrısle u Fond d’Barnabas, i dafo d’AsiaNews u Hawar, grışlın u zuhoro cala hçomani d’Turkiya cal Tel Temır ubı qaşyutho krihi a husrone dıtrelın a…

Me gabo hreno a Haylawotho d’Suriya Demoqratoyto, msıklın 18 marhıbone bu zabno da cuqobe dsımlın bu macırbo du qlimo d’Deyr Ezzor. Bebzabno mawdıc, a hayle di mşaynutho di hiğmonutho d’Ninve bu garbyo du Cıraq, msıklın 4 marhıbone d’Dacış bi fnitho d’Zumar dkıtyo qarıwto la thume d’Suriya. Bi maqırhonutho dhuwlın athmıl…

Adyawma a matiboneydan d’Suroyo TV bi Gozarto d’Bethnahrin, laqın u malolo du koalisyon Emwothoyo dkobe ağono mqabıl da marhıbone d’Dacış bu Madınho Mescoyo-Wayne Marotto. A matiboneydan bıthır ma şuwole gawonoye du ağuno mqabıl di marhıbonutho, mıdlın i hzaytayde cala hayle hayle folhoye du cameydan-MFS u calu ağuno dkobe u cameydan…

A Haylawotho d’Suriya Demoqratoyto bu snodo da hayle du koalisyon Emwothoyo dkıtyo bi rişonutho d’Amerika, msıklın marhıbone d’Dacış bu qlimo d’Deyr Ezzor. Mawdıc ba cuqobani dsimi athmıl, msıklın a hayle d’QASAD tre marhıbone bi mdito d’Thiban dıknuflo 50 kilometre mu madınho d’Deyr Ezzor. Lfuth u qentrun du tbocofroso da Haylawotho…

U tahlufo di rişonutho zawgoyto du mawtbo mşablono du garbiyo udu madınho d’Suriya Josef Lahdo, mzaharle mu dcoro du tukoso marıhbono dı Dacış la haye bu zabno dıkqoşın ahçome Turkoye cala fenyotho dı Derik u d’Zarkan. Camgabıdathe, u malolo da haylawotho d’Suriya demoqratoyto d’QASAD Aram Hanna sımle qroyto la hayle…

I mdabronutho yothoyto du garbiyo udu madınho d’Suriya, sımla qroyto l’Amerika ul’Rusya dmahwın klayto qrihto u msarhabto m a hçome haroye dıksaymolın Turkiya calu garbay madınho d’Suriya. Camgabıdathe, mtayıb hfitwotho ba mdinotho dı Tabqa udı Der Ezzor mqabıl da hçome dıksaymolın Turkiya cali fnitho dı Tel Tamır, ubebzabno tlib dmitıctarıf…

A’haylawotho di mşaynutho di mdabronutho yothoyto du garbyo du madınho d’Suriya hani zabno ksaymi cuqobe cal hın farsufe dkıbci saymi şğuşye u bebzabno dıksaymi goşuşutho mqabıl di mdabronutho yothoyto. Ba cuqobe dsımwolın cali Derike msıkwolın zıttır me 40 farsufe baynothaye ha ma abne du cameydan dkıtyo Abdullahd Adam. Bıthır ma…

U koalisyon emwothoyo dkımrayşınole Amerika, b’cuqobo dilonoyo dsımle bi fnitho dı Der Ezzor msıkle ha ma rişone dı Dacış dkımşakalwo qento rabo cala fenyotho du garbiyo udu madınho d’Suriya. Bu cuqobano dsımle u koalisyon, qayıthle ste snodo ma haylawotho d’Suriya demoqratoyto d’QASAD. U koalisyon emwothoyo dkımrayşınole Waşington wi wazirutho du…

İ mtakasto da zedqe noşoye du qlimo dı Froth du madınho d’Suriya, krıhla a’gunhe dıksaymolın Turkiya bhaq da mdinoye dıkhoyın bu garbiyo u bu madınho d’Suriya, u sımlaste sturyo Emwotho Mhaydotho cal dıkfayşo şlitho mqabıl da gunhani.  Bebzabno, i mtakasto da zedqe noşoye mawdacla dıklozım dmitahıt klayto mqabıl Turkiya, udmimıd…

A’grube dıknıfqi mqabıl di marıhbonutho da haylawotho d’Suriya demoqratoyto  d’QASAD, bu cuqobo dilonoyo dsımlın bi qastra di Şaddade hedor di mditho di Hasake, msıklın tre marıhbone dkıtne hfite bıhdo krulto dı Dacış. U qentrun du tboco froso da haylawotho d’QASAD, mawdacle da grube dilonoye dıknıfqi mqabıl di marıhbonutho sımlın athmıl…

‘Gıdobena dbihuth-nafşo kamılto leşan dımhafdina u camaydan’. A melani du malolo hatho du Mawtbo Folhoyo Suryoyo-MFS, Mharbono Matay Hanna’ne. Hanna huwle i maqırhonuthathe, bıthır mu funoyo dhuwle MFS la hçome qaşye dsımlın a hayle kaboşe d’Turkiya wa marhıbonathe cala qıryawotho du camaydan dkıtne bi fnitho d’Tel Temır. Athmıl, sımwolın a…

Ğrob d’farsufe dheş latyo i hiyoyuthathe idıcto, hçımlın cal qentrun da Haylawotho d’Suriya Demoqratoyto bu qlimo d’Deyr Ezzor. Bebzabno mawdıc, da hayle d’QASAD msıklın marhıbono b’Deyr Ezzor dhani zabno yarixo tolewo ruhe. Bı cuqobe hrene dsimi bi mdito d’Kobani, mqafe cambar rabo da zayne da marhıbone d’Dacış. Lfuth i Mşatasto…

İ madraşto di qritho d’Alkozaliya dıknıflo bu macırbo dı Tel Tamır bu garbay madınho d’Suriya, mido nişo baroyo lu hçomo du gayso kaboşo dı Turkiya wa çatawiyayde. İ mdabronutho du yulfono dı Tel Tamır, bu hfuxyo dmahwela calu hçomano mawdacle du hçomo cala madraşyotho gunho du qrobo yo lfuth Emwotho…

Adyawma mtayıb u knuşyo şatonoyo da Mawtbe Folhoye da Haylawotho d’Suriya Demoqratoyto-QASAD. Beyn da mıştawtfone dlu knuşyano, kito mşale u mathlone du Mawtbo Folhoyo Suryoyo-MFS cam taşdarto mu koalisyon Emwothoyo dkobe ağono mqabıl Dacış. Bu nişo; A Haylawotho d’Suriya Demoqratoyto u garanti da yuthrone du qawmo udu huroro da fenyotho…

U rişono gawonoyo da Haylawotho d’Suriya Demoqratoyto-rabhaylawotho Madhlum Cabde, b’qaşyutho krıhle u qtolcamo dsim cali iqartho Kurdoyto bi mdito d’Konya d’Turkiya. Calu qatlo di iqartho Dedeoğlu Cabde mırle; Bkull meltho qşitho, kımasleno u hçomo faşist dsim b’Konya. Bebzabno mawdıc, du polis Turkoyo msıkle 13 farsufe dıkmıthomi bu tuyobo du hçomano…

A Haylawotho d’Suriya Demoqratoyto maglelın, dımsıklın tıre ma mşale folhoye da ğrobe marhıbone d’Dacış bu madınho ubu taymno di Hasake. Bebzabno a hayle di mşaynutho gawoyto di Hasake mawdaclın, ba cuqobe dsımlın athmıl bu garbyo ubu madınho d’Suriya, msıklın 42 farsufe dıkmıthomi bu tuyobo d’hawbe frişe. Bi maqırhonutho dhuwlın a…

A Haylawotho d’Suriya Demoqratoyto, mhanelın u fusqono dmıdla Amerika bi sbutho da tedbire dmahıtla cala marhıbone noqufe d’Turkiya b’Suriya. Bi maqırhonuthathe a hayle d’QASAD sımlın’ste qroyto lu kenşo Emwothoyo ula tukose da zedqe noşoye dımdawımi dsaymi hboso folitiqoyo u dmimıd tedbire mqabıl da hayle dıksaymi hawbe mqabıl di noşutho. İ…

Bi qastra dı Rmelan bu garbay madınho d’Suriya, mtayıb adyawma u lumodo trayono du mawtbo da neşe da yaqrotho da sohde di Gozarto Bethnahrin. Bu lumodano dmıştawtaflele mşale u mathlone d’gabe u şutose Suryoye, kmıntır dmisım şuhlofe bu haykılo du mawtbe da neşe da yaqrotho da sohde, ud’miayıd u nomuso…

Bi maqırhonutho dıfrıslın a Haylawotho du sutoro du Camo-YPG, maglelın cali hiyoyutho da Sohde dmahrawla Turkiya wa marhıbonayda a bethqburathe bi mdito d’Afrin. İ maqırhonuthathe di YPG friso, bıthır mıd a hayle kaboşe d’Turkiya thımwolın a hayle d’QASAD bu hawbo du qtolcamo b’Afrin. U qentrun du tbocofroso da Haylawotho du…

Zıd me 10 marhıbone du gayso kaboşo d’Turkiya, qtili b’şişaltho d’hçome dsimi ma Haylawotho du Huroro d’Cafrin bu garbiyo d’Suriya. Me gabo hreno, u camo dıkhoye bi fnitho d’İdlıb mahwele u ruğzayde l’Turkiya cal dıkfayşo şlitho mqabıl da hçome dıkmisomi me Rusya umu rejim cali fnitho d’İdlıb. A haylawotho du…

I rişonutho zawgoyto du Mawtbo di qastra di Dırbasiye d’Suriya, mawdacla du futoho di nuqazto du thumo d’Bab Alhawa, belhude kımcadır a marhıbone du tukoso d’Tahrir Alşam, wu medano gıdmathır mrimono cala bnaymothoye d’Suriya. U rişono zawgoyo du Mawtbo Rustom Bakır, bi maqırhonutho dhule lu tboco froso mawdacleste du sxoro…

‘Ba casro alfayo dıbnaynoşo dıkhoyın bi fnitho d’Tel Tamır u hedora, kmıhromi ma haye umu kahrobo ma hayle kaboşe d’Turkiya’. A melani du rişono zawgoyo du Mawtbo Mdinoyo d’Tel Temır’ne. Bi maqıblonutho dsimo camu rişono zawgoyo Joan Mela Ayoub, mahkele cala hawbe ucala dyoşe dıkmaşyo Turkiya dıkturyo a bnaymothoye di…

Me gabo hreno u Mawtbo d’Suriya Demoqratoyto, sımle qroyto l’Turkiya dımbatlo i siyasayde di bcelıdboboyutho u dmaslımole a şlade da Sohdayde. İ maqırhonuthathe d’MSD friso, bıthır mıd a hayle kaboşe d’Turkiya wa marhıbonathe, hfırwolın u mawfaqwolın a şlade da Mharbone di YPG b’Afrin u dıthımwola QASAD dsımlın qtolcamo bi mdito.…

U rişono gawonoyo da Haylawotho d’Suriya Demoqratoyto Mazloum Cabde, sımle qroyto lu kenşo Emwothoyo dsoyım buhone cala hçome dıkmaşyo Turkiya b’Afrin bnişo dmitaklın a hawbe dıkmisomi cali noşutho. Bebzabno u şutoso da Yaqrotho da Sohde frısle maqırhonutho u bı qaşyutho krıhle a hayle kaboşe d’Turkiya dıhfırlın u dmawfaqlın a şlade…

U mamlo du Mawtbo Folhoyo Suryoyo-MFS-u rabhaylawotho Aram Hanna mahkelem cali lo qonunoyutho dıksaymo Turkiya mqabıl da Mharbonathe dkıtne yasire bidothe d’Turkiya. Bi tahrazto di Orucutho dsimowa athmıl b’Suroyo tv, u malolo d’MFS mırle; Ahna xıd Mawtbo kımahtina u hayleydan kule leşan dmarfena a Mharboneydan dkıtne yasire b’Turkiya. Bi tahrazto…

U Mawtbo di Athto du gabo d’Dactid d’Suriya, krıhle a hawbe dıksoyım u gayso kaboşo d’Turkiya cala neşe hfite dkıtte mşalutho b’Suriya. Bu buyono dfrısle u Mawtbo di Athto, mawdacle d’Turkiya kmaydo a neşe rişone, folitiqoye u hfite nişo la hçomayda, bnişo dmidış u sebyono di athto hirto wu ağuno…

İ qadişutho du fatıryarxo di cito Suryoyto Qatholiqoyto Mor İğnatiyos Yusıf Tlithoyo Yunan, sımle socurutho li mditho d’Alqaryatayn dkıtyo bi hiğmonutho d’Hımıs b’Suriya. Bi socuruthathe, fatıryarxo Yunan karıx bi dayro d’Mor İlyan u mıdle mawdconutho cala fulhone du hethothayde. İ qadişutho du fatıryarxo di cito Suryoyto Qatholiqoyto Mor İğnatiyos Yusıf…

A Haylawotho d’Suriya Demoqratoyto, rfıdlın a thome dıfrisi u dımdace dkıtte sawco ba hçome dsimi cali mdito d’Afrin. Camathe’ste i Mşatasto da zedqe noşoye d’Suriya m’akadla, ba hçome dsımle u rejim cal Afrin, qtil hol 20 mdinoye. Me gabo hreno, a comure d’Afrin mahwelın hfuxyo qaşyo mqabıl da hawbe dıkmaşın…

Bi mdito d’Qamışli d’Suriya, mtayıb u lumodo qamoyo du Mawtbo da Neşe du garbiyo udu madınho d’Suriya dımşataswo meqım tarte ışne. Lu lumodano dsim leşan dmitakso i athto du garbay madınho d’Suriya, mıştawtafla i rişonitho zawgoyto du Mawtbo mşablono du qlimo di Gozarto d’Bethnahrin Nazira Gawriye. Bu nişo“u qawmo di…

A’gabe kurdoye du garbay madınho d’Suriya, krıhlın a’hçome dıksaymolın Turkiya cala fenyotho du garbiyo du Iraq, udkowın celtho l’taxtuşe gawoye dıkmisom bayn da hayle Kurdoye. Bu buyono dıfrıslın a’gabe Kurdoye du garbay madınho d’Suriya, sımlın qroyto la gabe Kurdistanoye du garbiyo du Iraq dyıtwi la droşe du diyalog, udmahti a’qetre…

U koalisyon Emwothoyo dkıtyo bi rişonutho d’Amerika, mşadarle lojistik folhoyo li foquduthayde dkıtyo qarıwto li Hasake bi Gozarto d’Bethnahrin. Bebzabno mawdıc, du koalisyon mşadarle radoyotho folhoye la hayle Iraqoyeste. Me gabo hreno a rabayhaylawotho d’Amerika udu Iraq, hawilın ytawto bu taro da droşe stratejikoye dkito beynothaye, bi sbutho du groşo…

U mathlono dilonoyo d’Emwotho Mhaydotho b’Suriya Geir Pedersen, sımle mamlo bu Mawtbo di Mşaynutho d’Emwotho Mhaydotho cali aykanoyutho harayto d’Suriya. Bu mamlayde Pedersen, grışle dilonoyith u zuhoro calu haşo noşoyo dıkloqın a bnaymothoye d’Suriya bu zabno dıkmdawım u qrobo gawoyo du athro.Pedersen kali cali bsirutho da maye, cala htofe wi…

A’gabe folitiqoye di mdabronutho yothoyto dkıtne hfite bi qastra d’Qabre Hewore bu garbay madınho d’Suriya, krıhlın u qedomo dı Turkiya dkımdawmo dmıstacımlo a’maye du nahro dı Froth xıd zayno mqabıl da came di fnitho.  A’gabe folitiqoye d’Qabre Hewore bu buyono mşawtfo dıfrıslın lu tboco froso, grışlın u zuhoro du kenşo…

İ mşatasto d’Suriya da zedqe noşoye mawdacla da guboye du rejim qaşmarane, ukmaqşın i fliğutho d’Suriya, cal dbalhude kmisomi b’gawıd d’whado du yurwayde 30% ma n’arcotho d’Suriya. Camgabıdathe, u gabo du dactid d’Suriya mawdacle dlıgıdmıştawtıf la guboye di rişqutnutho du rejim, u makadle ste da guboyani latne falqo mu maşıqlo…

A Mharbone da came du garbyo udu madınho d’Suriya, msıklın krılto hreto da marhıbone d’Dacış dımtaybowa ruha dsaymo hçomo bu qlimo d’Deyr Ezzor. Bebzabno konvoy folhoyo d’Amerikia sımle dawriya hedor i mdito d’Derik, leşan u duyoqo di mşaynutho di fnitho. Lfuth i maqırhonutho dhuwlın a Haylawotho d’Suriya Demoqratoyto, bıthır mıd…

A Haylawotho d’Suriya Demoqratoyto frıslın maqırhonutho cala cuqobe haroye dsımlın cala ğrobe marhıbone d’Dacış bi fnitho d’Wadi al Cçeç dkıtyo bu qlimo d’Deyr Ezzor. Bi maqırhonuthathe a hayle d’QASAD m’akadlın, da cuqobani kımdawmi bu snodo da hayle du kaolisyon Emwothoyo hani tlotho yawme cali fnitho, mqafe cambare u zayne da…

Hın yadıcthone bu haqlo da maye, şutose da zedqe noşoye u mşale mi Mdabronutho yothoyto du garbay madınho d’Suriya wi şultonutho d’Darımsuq, krıhlın u qedomo d’Turkiya bi sbutho du qtoco da maye du nahro d’Froth dıkşofıc me Suriya u mu Iraq. Ba hfuxye dmahwelın a mşale u şutose mşahılfe, makadlın…

İ Mdabronutho yothoyto du qlimo di Gozarto d’Bethnahrin d’Suriya, mfaraqla 5 alfo sahme d’mulko la yaqrotho sniqoye da kantone d’Qamişli wi Hasake. İ mcadronuthathe hiwo la yaqrotho dımathri a fulhonathe, ma fusqone du karanten gawonoyo du mnoco du cboro nfoqo dmahıt bu garbiyo ubu madınho d’Suriya, bu taro da tedbire…

İsroyel sımla hçome oyaroye hathe cal nuqazyotho folhoye hedor a mdinotho di Ladhqiye u d’Hama bu athro d’Suriya. Lfuth i Mşatasto  da zedqe noşoye d’Suriya, ba hçomani dımfarqıc ebaye cambare du zayno, qtil farsufo mdinoyo u mçarıh hul 20 hrene. U froshezwo d’Alcarabiya Alhadath, mawdacle du haylo oyaroyo d’İsroyel sımle…

İ Mtakasto da zedqe noşoye du qlimo di Gozarto d’Bethnahrin d’Suriya, mawdacla du qedomo d’Turkiya bi sbutho du qtoco da maye du nahro d’Froth, kmıhşu gunho u qtolcamo calu camo d’Suriya.  İ Mtakasto da zedqe noşoye di Gozarto bu buyono dıfrısla, mawdacla du qtoco da maye d’Froth latyo noqıs mu…

U bethdino du nomuso esonoyo d’Suriya, maqbele 3 mraşhe la guboye di rişonutho du athro dıkmıntır dmisomi 26 bu yarhano d’İyor. Me gabo hreno, bu zabnano dımqarawlın a guboye d’Suriya, huwle u rişathro Başar al Asad şbuqyo l’mınyono dı hbişoye. Adyawma u bethdino du nomuso esonoyo d’Suriya maqbele ruşmoyith 3…

İ Mdabronutho yothoyto du garbyo u du madınho d’Suriya frısla maqırhonutho u mawdacla, dsımla iclan 25 bu yarhano xıd yawmo da Sohde du garbyo udu madınho d’Suriya. U yawmano mbayın xıd iqoro la Sohde dbıhlın nafşaye ba taxtuşe dhawınwo mqabıl da hayle kaboşe d’Turkiya b’Qarachox 25 Nison da 2017. Athmıl…

U rabhaylawotho d’Amerika Kenneth Mekenzi hule maqırhonutho cala taxtuşe dıkmdawmi beyn da hayle di mşaynutho di mdabronutho yothoyto uda hayle du rejim Difac Elwatani bi mdito d’Qamişli.  Mekenzi bu mamleyde mırle; Ahna kıbcina dmışre u qetrano bu dialog elo be bzabno ahna gıdsundina a hayle d’QASAD dkıtne a mdafconeydan b’Suriya.…

İ Mdabronutho yothoyto du garbyo udu madınho d’Suriya, mcayadla u camaydan wa Mşihoye hrene dıkhoyın bu qlimo, bu cedo di Qyamto d’Moran Yeşuc Mşiho.  Bebzabno i Mdabronutho yothoyto, sımla’ste adyawma iclan u cedano-yawmo du bıtlono. Bi egartho dıfrısla athmıl i Mdabronutho yothoyto du garbyo udu madınho d’Suriya, mcayadla an abne…

Ba mowat man abne du camaydan u acmayeste taşdaryotho d’gabe u şutose du camaydan u da came hrene di Gozarto d’Bethnahrin, hadiri athmıl bi hfitutho dımtayıbo leşan Ha Nison bi mdito di Hasake. Cali hfituthathe dsimo, u ajans da tebe d’Hawarste laqi u mşalo d’GHS bi Hasake Gabriel Şamcun wu…

İ mdabronutho yothoyto du garbiyo udu madınho d’Suriya, mhanele u camo Suryoyo Othuroyo bi cohnutho di rişıdşato umthoyto du camaydan da n’6 alfo u 771 d’Akitu. Bu buyono dıfrısla i mdabronutho yothoyto, mahwela sabro di rişıdşato hathto d’Akitu dmamtiyo camruha hubo, ahonutho u şalyutho, u sımla ste qroyto lu camo…

Adyawma mtayıb hfitutho dilonoyto bi cohnutho du yawmo şatonoyo trayono du huroro di fnitho d’Albağoz mu tukoso marıhbono d’Dacış. Bi hfituthathe camgabe du zawho folhoyo dımtayablın a hayle d’QASAD, qreste buyono u sim mamle cali mıcne du yawmo. Bi cohnutho dşafıc tarte ışne calu huroro di fnitho d’Albağoz bu madınho…

 U Mawtbo d’Suriya Demoqratoyto, frısle buyono bi cohnutho du yawmo şatonoyo da 10 eşne du qawmo d’Suriya. İ rişitho du buyonano’ste mahıt ışma; U qawmo da Suriye, lıkmitakle! Bu buyonano MSD komır; Walaw cayişina casqutho rabtho u laqina qetre mi saqıbloyutho cala nişe dımbayni bu qawmano, elo naqla hreto heş…

U Mawtbo d’Suriya Demoqratoyto mahwele u hfuxyayde cali klayto bceldboboyto dmahwela Rusya, Turkiya u Qatar mqabıl di tarmitho demoqratoyto di Mdabronutho yothoyto du garbiyo udu mdaınho d’Suriya. U rişono zawgoyo d’MSD Riyad Aldarrar, bi hfuxyo dmahwele makadle di Mdabronutho yothoyto latyo tarmitho dıkfulğo Suriya. Bebzabno mawdacle di awyutho dhawyo beyn…

U amnoro mşamho d’Suriya Jamal Sleman dkıtyo saqıbloyo du rejim, mawdacle du kenşo Emwothoyo ksonıd u renyo dmişatıs mawtbo folhoyo gawonoyo, bnişo dımdabır u athro d’Suriya bu maşıqlo hatho.  Bebzabno, Sleman bi maqırhonutho dhule mawdacle dıkmıtyaqın du mawtbo folhoyo mşawtıfo, kibe dnoqıl Suriya laf athro di kinutho u da qonune,…

I mdabronutho yothoyto du garbiyo u du madınho d’Suriya, bu buyono dıfrısla bu yawmo şatonoyo d’8 Othır, mawdacla du ağuno dkobole i athto ğalabe ulsoyoyo laşan dmişarır u şlomo, i demoqratoyutho wa timoyotho di hirutho. Camgabıdathe bi cohnutho du cedo tibeloyo da neşe, mtayıb halxe u hfitwotho mşahılfe ba fenyotho…

İ Mdabronutho yothoyto du garbyo udu madınho d’Suriya, maslamla 12 tloye Ezidoye, la yaqrothathe bu garbyo du Iraq.  A 12 nacimani, a emothathe Ezidoyene elo u babathe hadomo da ğrobe marhıbone d’Dacışne. Mşale di Sictho da esore baroye bi Mdabronutho yothoyto du garbyo udu madınho d’Suriya athmıl mawdaclın, dınqilın 12…

İ rişathizgadto d’Amerika b’Emwotho Mhaydotho, tlıbla mu rejim d’Suriya dobe mawdconutho cali aykanoyutho da hbişoye kule u dmadcıro a şlade da mithe la yaqrothathe.  İ rişathizgadto Linda Thomas Greenfield mırla; hol 14 alfo hbişoye mafiti ba teşniqe uba casro alfayo hrene mvayci u noşo lıkodıc haykone. İdicoyo du rejim du…

Athmıl dkıtwe u yawmo şatonoyo du huroro d’Tel Hamis ma marhıbone d’Dacış, mtayıb zuyoho dsim ebe mamle, zmoro u masrahto dımwasaflın u mrodo da Haylawotho d’Suriya Demoqratoyto. Bu mamlo dsımle u rişono zawgoyo du kanton d’Qamişli Afrem İshaq, mqadamle tahınyotho la hayle folhoye da came du garbyo udu madınho d’Suriya,…

A Haylawotho d’Suriya Demoqratoyto, frıslın u taşroro di netiçe da cuqobe dsımlın cala ğrobe marhıbone d’Dacış bu yarhano d’Şbot.  Me gabo hreno a hayle Iraqoyeste sımlın athmıl cuqobe hathe cala dukotho da marhıbone u qtilın 20 bu qlimo d’Diyala Lfuth u taşroro dfrıslın a Haylawotho d’Suriya Demoqratoyto, mawdaclın i netiçe…

A neşe dı Der Ezzor krıhlın adyoşe wa gunhe dıksamlın u gayso kaboşo dı Turkiya wa çatawiyayde ba fenyotho dıkbışile b’Suriya.  A’neşe du madınho dı Der Ezzor bu halxo dmıştawtaflın ele, makadlın u snodaththe la haylawotho d’Suriya demoqratoyto bu nfoqo mqabıl dı Turkiya i kabışto.  A’neşe du madınho di fnitho…

U malolo du Mawtbo Folhoyo Suryoyo Aram Hanna, mawdacle du athro kaboşo d’Turkiya, marfele a maye du nahro du Xabur leşan dforış a MFS me hdode bu zabno dıkmdafıc i fnitho mqabıl da hçome marhıbone d’Dacış.  Bebzabno, Hanna bi maqırhonutho dhule lu tbocofroso, mawdacle du Xabur bu mrodo dmahwewole ba…

A haylawotho d’Suriya demoqratoyto d’QASAD, kımdawmi dmafiti la haye aqyome dkıtlın cam Emwotho Mhaydotho.  Bu tarano, u makıthbo du sutoro da nacime ba zabne du qrobo d’QASAD maslamle hamşo folhe dcımraye laltah da 18 ışne la yaqrothathe bu kanton di Hasake.  Lfuth u qyomo dkito bayn d’QASAD u Emwotho Mhaydotho,…

A gabe di hdoyutho athronoyto da Kurdoye d’Suriya, naqla hreto makadlın dıkmqadmi b’zuhoro rabo leşan u insiyativ di hdoyutho Kurdoyto dmitafıt la haye. Bebzabno, a gabe bu buyono dıfrıslın, sımlın qroyto lu Mawtbo Athronoyo Kurdoyo dkıtyo hadomo bu koalisyon athronoyo saqıbloyo di sictho d’Alriyad, dlo mahıt terpılyotho qum du insiyativ…

İ wazirutho di baroyutho d’Amerika mbayanla Emi Kutrona, mathlonitho dilonoyto dcala sebwotho d’Suriya, ubebzabno mcadronitho du waziro di baroyutho dcala sebwotho d’Suriya, d’Lebnon, d’Yurdnon udı Fleşt du makıthbo du madınho tahtoyo.  Lfuth u buyono dıfrısla athmıl i wazirutho di baroyutho d’Amerika, Amiee Cutrona flıhwola meqım xıd mdabronitho lu makıthbo da…

U gabo du Huyodo Suryoyo d’Suriya, mahwele u haşayde mu buyono dan athrawotho d’Astana, dıthımle i Mdabronutho yothoyto dkıtyo tarmitho dıkfulğo anarcotho d’Suriya.  GHS bi maqırhonutho dhule, sımle qroyto l’Rusya, Turkiya wu İran dımqafın şroyo folitiqoyo dıkmakle i casqutho du camo d’Suriya, mdarbıd dımhalqi thome li mdabronutho yothoyto dkıtyo i…